ابي مسااعده من كل الشعرااء تكفون...

[ولد حمر موس]

بسم الله الرحمن الرحيم

السلام عليكم ورحمة الله وبركاته



اول شي انا اخوكم الصغير او الكبير يمكن لبعض الناس سعد العنزي بغيت احط موضوع متوااضع جدا جدا الا وهو قصيده ماهي قصيده قويصيده وابي راايكم فيها وابي النقد البنااء وللمعلوميه اول مره بحياتي اكتب وعمري 16 وبدخل 17 ولين الحين والله ماتعلمت الوزن وانا بعطيكم الي كتبته وانتوا احكموا وابي راايكم بصرااحه وبدون مجااملات هل هي تستااهل وهل انا اقدر اصير شااعر ولا خلااص اوقف انا ماكملت القصيده بس انا بعطيكم الي كتبته واذا شفت شي يشجع رااح احاول اكملها


(((طولت عليكم بس اسمحولي انا احاوول اشرح موقفي واعطيكم نبذه مبسطه عني ولكم جزيل الشكر)))




القويصيده الموعوده

انا حاولت امدح ثنين من اخوياي لانهم سوولي الشئ الكثير وانا قلت خلني احاوول واليكم القصيده واسمحولي على الاملاء مو لين هناك...http://www.bdr130.net/vb/images/smilies/icon_biggrin.gif



ابدأ الكلام وريح مافيني..؟ *** اسألك رد الجواب ولا تقاسيني

سنين ومامدحنا ناساً مساعديني *** عبدالله وسلطان على المر واليني

عشنا بوفاء وحب ومعونيني *** في زمانً نادر تحصل المعيني

زمان غدار يعز ناساً خاينيني *** كفانا الله شره المهيني

وبذكر فعول ناساً غالييني *** لهم مع الوفاء عقداً مديني

عقداًمسطر بالعسر والليني *** يشهد له التاريخ من اول وهالحيني

فعول ناساً ماتهاب المياديني *** اقصاهم الي انخيته يلبيني

يرخص حياته من اجل يجيني *** وفعولهم واجد تغمرني وتحتويني

ولانحصيها بين حيناً وحيني *** هذي فعول شمر في كل المياديني

لاتنسي يذكرها كل العاقليني *** مجنونهم يسوى كل الفاهميني

وافهمهم الي ماله مثيليني *** أمدح قبيلة ماهو قصور فيني

انا من لابة تشهد لها كل المياديني *** نارد على الموت مثل المجانيني

نحب الموت حب العاشقيني *** فطرة فينا مثل المجاهديني



وان شاءلله احاوول اكتب افضل وانا هاذي اول محاوله لي ووالله يمكن بساعه ونص كتبتها ومادري هل هي لها قيمه او لا او هل هي بدايه طيبه وانا ابي الصرااحه وحتى لو كاانت اتزعل واسمحوولي على الاطااله ووالله انا مادري اذا انها تستااهل ولا لا وارجو الافااده من اخواني الشعراء والمشاركين وشكراً http://www.bdr130.net/vb/images/smilies/icon_wink.gif

[هايس الشمري]

هلا بك


ولد حمر موس..



حاول أن تقرأ أكثر..


كذلك عند كتابة القصيدة حاول تلحينها على لحن واحد




يا هلا بك و حياك الله




اخووك

[غالب العنزي]

مثل مااقال اخوك هايس حاول تقرا اكثر بسس بدايه طيبه والله لمراهق عمره 16

وحياك الله بمضايف شمر

[ولد حمر موس]

يعطيكم العافيه اخواني وماقصرتوا وان شاءالله احاوول اني اكتب احسن واحسن

والله يحييك اخوي غالب العنزي وان شاءلله اكون عند حسن ضنكم ويعطيكم ألف عافيه

اخوكم سعد العنزي

[عبدالمجيد الشمري]

الله يحييك اخي الفاضل


وبيض الله وجهك ..


مثل ما قال هايس اسمع لشعراء واقرأ
ولحـــــن على لحن معين ..!


اتمنى لك كل التوفيق

محبك

[الكاتم]

اخي الفاضل
ارجو ان تنتبه للتالي
1-الشاعر بالفطرة يكون لديه جرس موسيقي خاص في رأسه فعندنطقه للأبيات تأتي مقفاه وموزونة دون الحاجة لان يلحنها بلحن حتى يتأكد من تطابقها في الوزن والقافية وأما من يحاول ان يتعلم الشعر بالدراسة او الاكتساب فله ان يختار لحناً وليكن من السامريات او العرضات ليكتسب الاصالة في البنا ثم يبني عليه قصيدته.
2-قافية صدر البيت يجب ان تختلف عن قافية العجز والا اصبح كالرجز .
3-حاول ان تحفظ قصائد لشعراء متميزين فهي تبني القالب الذي على نهجه تستطيع بناء القصيدة ثم ان استطعت ان تتناسى هذه القصائد وهذه نصيحة زهير ابن ابي سلمى لابنه كعب على ما اعتقد لتبنى قصائدك المستقلة عنها.
4- اعلم ان لسان الشاعر محاسب على كل كلمة يقولها ويجب ان يحسب الف حساب لها فمثلاً تحاول ان تمدح شخصاً ولكنك دون ان تدري تسب غيره فانصحك على الاقل في البداية ان تتجه للوجدانيات والغزل والرثاء .

موفق بإذن الله ... لك مني أجمل تحية .

[جمران]

صح لسانك

لاهنت

[ابن حزمي]

انا ما ازود على خوياي الا بالخير
غير ملاحظات هايس الشمري
انا لاحظت اخطاء مطبعيه بالقصيده بس
تقبل من اخوك خوي المساعيد

[حمودالمسلم]

اخوي شكرأ لك على هذه

المحاوله انا لا اختلف عن

كلام الاخوان وضحولك

كل مايحتاج التوضيح

وبتوفيق اخوي