طلال محمد
13-08-2009, 18:09
السلام عليكم ورحمة الله وبركاته
اخترت لكم بعض قصائد الشاعر محمد الذرعي الشمري اتمنى ان تنال الاعجاب والقبول
لله در الفقر
لله درّ الفقر .. والعُوز .. والحاجه = خلتني أعرِف خفا الصاحب ومنهاجه
يوم الله أنعم عليّ بخيره ورزقـه = جاني يشيل الغلا في ضحكة حجاجه
ويوم أنتقص مالي وضاقت بي الدنيا = أقفى بعيد وقفل بابه بمزلاجه
وأصحابي اللي تفاخرت بصداقتهـم = وكتبتهم في كتاب العمر ديباجه
كل أقنعتهم تهاوت والخفي بيـّن = وأقرب صديق أنكشف زيفه ومكياجه
يا كثرهم حولي ويا بعدهم عنـّي = مثل النجوم بعباة الليل وهـّاجه
ألمح سنا نورهم في وحشة الظلمـا = وكل ما قرَبت لحديهم .. ينفخ سراجـه
بغيتهم في بحر جور الزمن عوني = لا ريحه أستفحلت وأشتدّت أمواجـه
ويوم أنتفض غاضب وكفـّه لطم شـُرْعي = وأعلن على مركب آمالي تولاّجـه
ما فيهم اللي رما لي حبله وطوقه = ولاّ فزع للغريق بحيـلة إخراجه
أطيبهم اللي نصاني شايل أعذاره = وأرداهم اللي ذخر عذره ولا واجـه
أنشهد إن الصداقه ما هي بْـكلمه = متداوله بين سَمّاعـه وهرّاجـه
وأنشهد إن الصديق .. الصادق الـنيّه = لو ما وهبني ذهبْه وماسه وعاجـه
كم صاحبٍ بالرخا قرّب لي ودرّج = وعند الشدايد ذهل .. ثم عاود أدراجه
راع المصالح على درب الزمن رجله = عوجا .. وأنا خطوتي ماهي بمنعاجه
ودام إتكالي على رب المخاليـقي = اللي سرى بالرسول ويسـّر إعراجه
بمشي مع السكه اللي ما تضيّعني = وسيل الحيا ما عكَس جرفه ومدراجه
ومن لابغوني رفيق بكل حالاتي = قلبي زهد منهُمُ وْلا لي بهم حاجه
غلطة الطِـيب
جلست مع نفسي عقب "غلطة الطيب" = أتلو عليها ما تيسّر من عتاب
والبرد ينهش بالضلوع المحاديب = سرّيت فكري تالي الليل حطـّاب
ما بين حسرة مخطي .. و نشوة مْصيب = ساكت .. وأقلّب بالدواعي والأسباب
ويوم المزايا .. شابهَت للعذاريب = تعبت أدوّر نقطه بغبّة كتاب!
كني وسَط حبس انفرادٍ وتغريب = للنور "ثقب" وللدجى عشرة أبواب
صابر على نار العنا واللواهيب = وكاس الصبر مرٍ ولو سكـّره ذاب
لكن من الدنيا .. وكثر التجاريب = ومن لسعة العقرب .. ومن لدغة الداب
تعلمَت نفسي قبل يطلع الشيب = إن الشقا لو شيّب العبد .. ما شاب
وإن الجمل لو تنكسر ساقه ايعيب = ولو كان غالي .. ينحره كف قصاب
والحر لو يكفخ بروس المراقيب = وش خانته لا صار من غير مخلاب
والذيب لولا فطنته ماهو بذيب = لا صار ما ناور وكشـّر بالأنياب
ومن لا يهيّب سيّد القوم ما هيب = وش عاد لو هابه بعض عكف الأشناب
ومن لا يحسّب للخلايق مطاليب = الخلق ما تحسب لمطلوبه حساب!
ومن لا يرد بحكمته صاحب العيب = ياقف على بابه ثمانين طلاّب
مع نظرتي وقتٍ بدا فيه تقليب = آمنت في حكم الولي رب الأرباب
والآدمي لوكان يدري عن الغيب = ما غمّضت عينه ولا مرقده طاب
وين أودّي جمايله
يا سعود مدري وين أودّي جمايله = اللي مَلـَت عيني و قلبي شمايله
رجلٍ غرس بين المحاني معزتـه = وصارت مثل وردٍ نبت في خمايله
أخو زمن .. لا والله أقرب من الأخو = لا ميّل الوقت وتردّت عمايله
ياما نصحني وأستنرت بنصيحته = قبل الرِّجل تسلك دروب امتمايله
وياما ضميت الدرهم اللي يعوزني = وأروى ضما نفسي .. وخلّى ضماي له
عند الرخا يعجبك سلمه وهرجته = وعند الشدايد ما يخلـّي زمايله
كن فزعته للي نخاه بمصيبته = غيمٍ سقت جرد الصحاري همايله
وكن "الكرم" من بيض كفـّه وجودها = يقول : أنا كلّي فخر بانتماي له
ويصمل ويقرن كل كلمه بفعلها = وْلا ضاعت بوقت اللوازم صمايله
وما حسّب لزلاّت ربعه وشالهـا = يدمح خطا المخطي ويرفا خمايله
واللي غلط في حقـّه وجاه معتذر = ياخذ جديدٍ لـه ويترك سمايله
وبالحنكه يحلّ النشايب وعسرها = وبعقله يعدّل خلل كل مايله
بيرٍ من الحكمه .. وعلمٍ مع الذكا = إليا هرَج .. فكري شرب من ثمايله
يا طيبه ويا طيب ربعه ولابتـه = ونعمين بالوافي وباقي حمايله
وإن عشت لي عمرين ولاّ ضعفهن = ما هقوتي يا سعود أبـوفي جمايله
الرمح العوج
خبّروا من صوّب الرمح العَوَج = (الوفي) من طعنة الغادر نجا
يوم جوْ له بالهجوم المزدوَج = الردي .. والحاقد بليل الدجا
الله أكرم عبْده بوقت الحَوَج = وما يخيب اللي لفضل الله رجا
ما اْرهب الفرسان سيفٍ منعوج = والكدايش للوغـا ما تسرجا
وكانه بذِلـّه .. تراني في أوَج = عزّتي .. ما ذلّني هرج هرجا
وبحره العاتي ولو موجـه مَوَج = مركبي في غبّة أمواجه سجا
من كعب رجله على الميله دُوَج = ما يعدّل ميلته مدح وهجا
ومنهو صيته مع هل الطيبه روَج = شامخٍ راسه مثل سلمى وْإجا
Made in Saudia
لا زين مصري .. ولا شامي .. ولا عراقي = غير السعودي .. فلا هو جايزٍ ليـّـه
بنت البلد زينهـا يفرق عن البـاقي = تفرق .. كما تفرق الـ(10) عن الـ(100)
والزين .. نصفه جمال .. ونصفـه أخلاقي = وبنت البلد جامعه هاذي معا ذيـّه
(بنت الرياض) .. أجوديـّه .. ذوقهـا راقي = زودٍ على زينهـا .. ذربه وعفويـّه
إليا حَـكت حكـْيـَها بلسم وترياقي = وما تلحن بلهجةٍ ماهيب نجديـّه
وإليا عطت للوفـا عهـدٍ وميثـاقي = صانت وفـا عهْدهـا .. ما تِخلف النيـّه
و(بنت الشمال) .. إن تردّت هقوة الهـاقي = ما بدّلـت بالطبـاع الحسْنـه السيـّه
ما لبْسَت الموضه اللي تكشف الساقي = وْلا هزّت الطـولْ .. في شاشه فضائيـّه
وْلا شاركت مع بنات الغرب بسباقي = وتتويجٍ مزيـّف .. لبنتٍ يهـوديـّـه
محلا من أكل العسل مع فـك الأرياقـي = إلاّ التصابيح في وجـه (الشمـاليـّه)
و(بنت الجنوب) .. أشعلت بالكـون برّاقـي = وغار القمر من سناها وأختفى ضيـّه
حسن التعامل بها من طِـيب الأعراقي = وفيها المحبـه .. وفيهـا زود حِـنيـّه
وفيها اللطافه .. وفيها راحـة الشـاقي= يا سِعْـد عين الذي حَبّ (الجنوبيـه)
والشرق .. منه ابتدت شمسٍ بالأشراقي = إستوحَـت أنوارهـا من نور (شرقيـّه)
غندورةٍ .. قلبهـا ينضح بالأشـواقـي = سمحه .. رزينـة عقل .. ترفـه .. حياويـّه
وأسرارهـا في بحـر مجهول الأعماقي = دُرر .. وعن شوفة الغوّاص مخفيـّه
وكل ما ذكرنـا هل الطيبـه والأذواقي = سبـّابتي وجـّهَت لديـار (غربيـّـه)
جدّه بهـا المترف اللي حسنهـا فـاقي = حسْن العذارى .. وكل جادل .. وحوريـّه
لو غِـيرة الغـير منهـا تحرق إحراقي = عادي .. مدام السجـايا غير عاديـّه
ما آقول : كل العذارى بـ (1000) طقـّاقي = ولكن الله فرَق بنتٍ عن بنيـّـه
والصوره اللي تمركز داخل أحداقـي = ما همـّني لو تقول الناس .. سلبـيـّـه
(الذوق) .. لو هو شجـر يزهى بالأوراقي = قـالوا : أصل موطنه بـالديره الحيـّه
ولو (الحلا) مُـنـتجٍ في وسْط الأسواقي = تقرا على علبته (ميد إن سعوديّه)
البداوه
ما عاد به بدوان ، وأهل البداوه = راحوا معَ ركْب التطوّر ولا جاو
وموروثنا شنـّوا عليه العداوه = وثارت عليه (العولمه) (ثورة الماو)
وشفنا عقب بدوْ النقا والصفاوه = بداوة ٍ ما تجذب اللي لها غاو
وصار المدى بين (الفعِل) و(السماوه) = أبعد من الحد الجنوبي عن (الفاو)
الضيف بدّل تمرته بالحلاوه = وأبدل حليب النوق .. (صافي) و (داناو)
وفنجالنا اللي فيه كيف وحفاوه = غدا (كبتشينو) و (موكا) و (كوكاو)
وعقب (المقصـّب) صار لبس الفتاوه = ما بين (برمودا) و(جنزٍ) و(مكـّاو)
ومن شبّ جدّه عُود جودٍ و(جـاوه) = بنار الدلال اللي حمَر جمرها ضاو
اليوم ناره للشوي والفضاوه = وإليا شعلها حطـّها جمرة اقداو
ومن كان جدّه في قصيده رهاوه = اليوم جيبه من جزل ما قصد خاو
ثلثين حكيه دنفسه مع فهاوه = يقبل عليك بـ (هاي) .. ويروّح بـ (تشاو)!
ميّل وجنّب صوب درب الدناوه = وما يسمع لقول العرب : عدّل و ساو
وأحفاد نسل المرجله والضراوه = اليوم تِرعِش جسمهم سَمْعَة (مياو)!
يا أهل الضمير الحي وأهل النقاوه = ويامن لبستوا طيبكم لبسة فراو
سلْم البداوه لا تصيبه رخاوه = و(الباء) .. لا تفرق عن (الدال) و(الواو)
وْلا ينحدر للـقاع .. بعد العلاوه = تكـفون جوْدوه بمقاضيب وعراو
وْ لا ينتكس للضعف عقب السطاوه = وْلا تغلب (ذياب الفلا) شلقة جراو
لو نجرح الماضي بموس السلاوه = ما تسمع آذان الزمن قولنا : داو
اتمنى ان تعجبكم هذه القصائد المختارة
تحياتي لكم جميعاً
اخترت لكم بعض قصائد الشاعر محمد الذرعي الشمري اتمنى ان تنال الاعجاب والقبول
لله در الفقر
لله درّ الفقر .. والعُوز .. والحاجه = خلتني أعرِف خفا الصاحب ومنهاجه
يوم الله أنعم عليّ بخيره ورزقـه = جاني يشيل الغلا في ضحكة حجاجه
ويوم أنتقص مالي وضاقت بي الدنيا = أقفى بعيد وقفل بابه بمزلاجه
وأصحابي اللي تفاخرت بصداقتهـم = وكتبتهم في كتاب العمر ديباجه
كل أقنعتهم تهاوت والخفي بيـّن = وأقرب صديق أنكشف زيفه ومكياجه
يا كثرهم حولي ويا بعدهم عنـّي = مثل النجوم بعباة الليل وهـّاجه
ألمح سنا نورهم في وحشة الظلمـا = وكل ما قرَبت لحديهم .. ينفخ سراجـه
بغيتهم في بحر جور الزمن عوني = لا ريحه أستفحلت وأشتدّت أمواجـه
ويوم أنتفض غاضب وكفـّه لطم شـُرْعي = وأعلن على مركب آمالي تولاّجـه
ما فيهم اللي رما لي حبله وطوقه = ولاّ فزع للغريق بحيـلة إخراجه
أطيبهم اللي نصاني شايل أعذاره = وأرداهم اللي ذخر عذره ولا واجـه
أنشهد إن الصداقه ما هي بْـكلمه = متداوله بين سَمّاعـه وهرّاجـه
وأنشهد إن الصديق .. الصادق الـنيّه = لو ما وهبني ذهبْه وماسه وعاجـه
كم صاحبٍ بالرخا قرّب لي ودرّج = وعند الشدايد ذهل .. ثم عاود أدراجه
راع المصالح على درب الزمن رجله = عوجا .. وأنا خطوتي ماهي بمنعاجه
ودام إتكالي على رب المخاليـقي = اللي سرى بالرسول ويسـّر إعراجه
بمشي مع السكه اللي ما تضيّعني = وسيل الحيا ما عكَس جرفه ومدراجه
ومن لابغوني رفيق بكل حالاتي = قلبي زهد منهُمُ وْلا لي بهم حاجه
غلطة الطِـيب
جلست مع نفسي عقب "غلطة الطيب" = أتلو عليها ما تيسّر من عتاب
والبرد ينهش بالضلوع المحاديب = سرّيت فكري تالي الليل حطـّاب
ما بين حسرة مخطي .. و نشوة مْصيب = ساكت .. وأقلّب بالدواعي والأسباب
ويوم المزايا .. شابهَت للعذاريب = تعبت أدوّر نقطه بغبّة كتاب!
كني وسَط حبس انفرادٍ وتغريب = للنور "ثقب" وللدجى عشرة أبواب
صابر على نار العنا واللواهيب = وكاس الصبر مرٍ ولو سكـّره ذاب
لكن من الدنيا .. وكثر التجاريب = ومن لسعة العقرب .. ومن لدغة الداب
تعلمَت نفسي قبل يطلع الشيب = إن الشقا لو شيّب العبد .. ما شاب
وإن الجمل لو تنكسر ساقه ايعيب = ولو كان غالي .. ينحره كف قصاب
والحر لو يكفخ بروس المراقيب = وش خانته لا صار من غير مخلاب
والذيب لولا فطنته ماهو بذيب = لا صار ما ناور وكشـّر بالأنياب
ومن لا يهيّب سيّد القوم ما هيب = وش عاد لو هابه بعض عكف الأشناب
ومن لا يحسّب للخلايق مطاليب = الخلق ما تحسب لمطلوبه حساب!
ومن لا يرد بحكمته صاحب العيب = ياقف على بابه ثمانين طلاّب
مع نظرتي وقتٍ بدا فيه تقليب = آمنت في حكم الولي رب الأرباب
والآدمي لوكان يدري عن الغيب = ما غمّضت عينه ولا مرقده طاب
وين أودّي جمايله
يا سعود مدري وين أودّي جمايله = اللي مَلـَت عيني و قلبي شمايله
رجلٍ غرس بين المحاني معزتـه = وصارت مثل وردٍ نبت في خمايله
أخو زمن .. لا والله أقرب من الأخو = لا ميّل الوقت وتردّت عمايله
ياما نصحني وأستنرت بنصيحته = قبل الرِّجل تسلك دروب امتمايله
وياما ضميت الدرهم اللي يعوزني = وأروى ضما نفسي .. وخلّى ضماي له
عند الرخا يعجبك سلمه وهرجته = وعند الشدايد ما يخلـّي زمايله
كن فزعته للي نخاه بمصيبته = غيمٍ سقت جرد الصحاري همايله
وكن "الكرم" من بيض كفـّه وجودها = يقول : أنا كلّي فخر بانتماي له
ويصمل ويقرن كل كلمه بفعلها = وْلا ضاعت بوقت اللوازم صمايله
وما حسّب لزلاّت ربعه وشالهـا = يدمح خطا المخطي ويرفا خمايله
واللي غلط في حقـّه وجاه معتذر = ياخذ جديدٍ لـه ويترك سمايله
وبالحنكه يحلّ النشايب وعسرها = وبعقله يعدّل خلل كل مايله
بيرٍ من الحكمه .. وعلمٍ مع الذكا = إليا هرَج .. فكري شرب من ثمايله
يا طيبه ويا طيب ربعه ولابتـه = ونعمين بالوافي وباقي حمايله
وإن عشت لي عمرين ولاّ ضعفهن = ما هقوتي يا سعود أبـوفي جمايله
الرمح العوج
خبّروا من صوّب الرمح العَوَج = (الوفي) من طعنة الغادر نجا
يوم جوْ له بالهجوم المزدوَج = الردي .. والحاقد بليل الدجا
الله أكرم عبْده بوقت الحَوَج = وما يخيب اللي لفضل الله رجا
ما اْرهب الفرسان سيفٍ منعوج = والكدايش للوغـا ما تسرجا
وكانه بذِلـّه .. تراني في أوَج = عزّتي .. ما ذلّني هرج هرجا
وبحره العاتي ولو موجـه مَوَج = مركبي في غبّة أمواجه سجا
من كعب رجله على الميله دُوَج = ما يعدّل ميلته مدح وهجا
ومنهو صيته مع هل الطيبه روَج = شامخٍ راسه مثل سلمى وْإجا
Made in Saudia
لا زين مصري .. ولا شامي .. ولا عراقي = غير السعودي .. فلا هو جايزٍ ليـّـه
بنت البلد زينهـا يفرق عن البـاقي = تفرق .. كما تفرق الـ(10) عن الـ(100)
والزين .. نصفه جمال .. ونصفـه أخلاقي = وبنت البلد جامعه هاذي معا ذيـّه
(بنت الرياض) .. أجوديـّه .. ذوقهـا راقي = زودٍ على زينهـا .. ذربه وعفويـّه
إليا حَـكت حكـْيـَها بلسم وترياقي = وما تلحن بلهجةٍ ماهيب نجديـّه
وإليا عطت للوفـا عهـدٍ وميثـاقي = صانت وفـا عهْدهـا .. ما تِخلف النيـّه
و(بنت الشمال) .. إن تردّت هقوة الهـاقي = ما بدّلـت بالطبـاع الحسْنـه السيـّه
ما لبْسَت الموضه اللي تكشف الساقي = وْلا هزّت الطـولْ .. في شاشه فضائيـّه
وْلا شاركت مع بنات الغرب بسباقي = وتتويجٍ مزيـّف .. لبنتٍ يهـوديـّـه
محلا من أكل العسل مع فـك الأرياقـي = إلاّ التصابيح في وجـه (الشمـاليـّه)
و(بنت الجنوب) .. أشعلت بالكـون برّاقـي = وغار القمر من سناها وأختفى ضيـّه
حسن التعامل بها من طِـيب الأعراقي = وفيها المحبـه .. وفيهـا زود حِـنيـّه
وفيها اللطافه .. وفيها راحـة الشـاقي= يا سِعْـد عين الذي حَبّ (الجنوبيـه)
والشرق .. منه ابتدت شمسٍ بالأشراقي = إستوحَـت أنوارهـا من نور (شرقيـّه)
غندورةٍ .. قلبهـا ينضح بالأشـواقـي = سمحه .. رزينـة عقل .. ترفـه .. حياويـّه
وأسرارهـا في بحـر مجهول الأعماقي = دُرر .. وعن شوفة الغوّاص مخفيـّه
وكل ما ذكرنـا هل الطيبـه والأذواقي = سبـّابتي وجـّهَت لديـار (غربيـّـه)
جدّه بهـا المترف اللي حسنهـا فـاقي = حسْن العذارى .. وكل جادل .. وحوريـّه
لو غِـيرة الغـير منهـا تحرق إحراقي = عادي .. مدام السجـايا غير عاديـّه
ما آقول : كل العذارى بـ (1000) طقـّاقي = ولكن الله فرَق بنتٍ عن بنيـّـه
والصوره اللي تمركز داخل أحداقـي = ما همـّني لو تقول الناس .. سلبـيـّـه
(الذوق) .. لو هو شجـر يزهى بالأوراقي = قـالوا : أصل موطنه بـالديره الحيـّه
ولو (الحلا) مُـنـتجٍ في وسْط الأسواقي = تقرا على علبته (ميد إن سعوديّه)
البداوه
ما عاد به بدوان ، وأهل البداوه = راحوا معَ ركْب التطوّر ولا جاو
وموروثنا شنـّوا عليه العداوه = وثارت عليه (العولمه) (ثورة الماو)
وشفنا عقب بدوْ النقا والصفاوه = بداوة ٍ ما تجذب اللي لها غاو
وصار المدى بين (الفعِل) و(السماوه) = أبعد من الحد الجنوبي عن (الفاو)
الضيف بدّل تمرته بالحلاوه = وأبدل حليب النوق .. (صافي) و (داناو)
وفنجالنا اللي فيه كيف وحفاوه = غدا (كبتشينو) و (موكا) و (كوكاو)
وعقب (المقصـّب) صار لبس الفتاوه = ما بين (برمودا) و(جنزٍ) و(مكـّاو)
ومن شبّ جدّه عُود جودٍ و(جـاوه) = بنار الدلال اللي حمَر جمرها ضاو
اليوم ناره للشوي والفضاوه = وإليا شعلها حطـّها جمرة اقداو
ومن كان جدّه في قصيده رهاوه = اليوم جيبه من جزل ما قصد خاو
ثلثين حكيه دنفسه مع فهاوه = يقبل عليك بـ (هاي) .. ويروّح بـ (تشاو)!
ميّل وجنّب صوب درب الدناوه = وما يسمع لقول العرب : عدّل و ساو
وأحفاد نسل المرجله والضراوه = اليوم تِرعِش جسمهم سَمْعَة (مياو)!
يا أهل الضمير الحي وأهل النقاوه = ويامن لبستوا طيبكم لبسة فراو
سلْم البداوه لا تصيبه رخاوه = و(الباء) .. لا تفرق عن (الدال) و(الواو)
وْلا ينحدر للـقاع .. بعد العلاوه = تكـفون جوْدوه بمقاضيب وعراو
وْ لا ينتكس للضعف عقب السطاوه = وْلا تغلب (ذياب الفلا) شلقة جراو
لو نجرح الماضي بموس السلاوه = ما تسمع آذان الزمن قولنا : داو
اتمنى ان تعجبكم هذه القصائد المختارة
تحياتي لكم جميعاً