ماش خذلتوني ( مالت عليكم ) [الأرشيف]

مشاهدة النسخة كاملة : ماش خذلتوني ( مالت عليكم )

فهد الجنيدي

07-08-2009, 04:28

السلام عليكم ورحمة الله وبركاته

مسالخير ياأهل الفلة الكرام صبايا و شباب
معليش لي أسبوعين ما جيت للفلة ( أكيد أكثركم يقول - منت فقيدة )
سافرت بهن لرفحاء و تخبرون رحت لعشقي القديم
و لاني فاضي للنت و غيره

السؤال ألي يجضع نفسوه ألحين

عوذا ما بكم ألي نشد عني لله تقل مستانسين و ما صدقتوا خبر
أني أفارق و لا بكم ألي قال أبرسل لوه رسالة خاصة أنشده وين هو ؟

المشكلة يوم جيت للرياض اليوم حين دخلت البيت رحت شبكت النت
و باقي الشناط بالسيارة ما نزلتهن لهلحين

و عندي المدام أم نوف و أنا أتراهن أنا و ياه
كنت أقوله ألحين أبدخل على الرسايل الخاصة و شرط أبلقا على الأقل
من 20 ألى 25 رسالة خاصة و كلهم ينشدون عني
و كل يقول أفا يا فهـــد عسى ما جاك شي مننا غثك
و ألي مضرب عن الكتابة لين أجي
و حالفن أنوه ما يرد على المواضيع ليما يشوفن بالمضايف
لكن أقول يا حييييييييييييييييييييييييييييييييييييييي يييييييف

طلع ظني ماش
يوم فتحت الرسايل يا مار مابوه ألا رسالة وحدة بس
قالت لي ام نوف أويطي يا حظي مامن ألا واحد مرسل لك

قلت لها و أنا يحدوني الأمل و أرى بصيص نور في أخر النفق المظلم
و أضئ سواد ليلي بشمعة حبكم لي
و أجدف في قارب حبكم لي مبحرا في بحر ( الكسحة من أم نوف ) العاصف و المعصر

قلت له إيييييييييييييييييه
أكيد هذا الضاري و لا الشبث مسوي معروض يسألون عني و عن سبب غيابي
و يطالبون بعودتي للفلة و الكتابة فيها
و باقي أعضاء الفلة كلن كاتب أسمه و موقع أو أنه باصم عند أسمه
مجمعين تواقيعهم يبوني أرجع

فتحت الرسالة و حسيت بتكة و ضيق في صدري
و دمعة حارة تدرج على خدي
مع نشقتن و شهقتن موجعة

يمار واحدن مرسلي يبيني أشارك بموضوع لوه

تقاطرت دموعي على الكيبورد
و تكسرت أحلامي على صخرة الوهم الكاذب
و لم أصحا مما أنا فيه
ألا حين سمعت كركرة أم نوف و ضحكه على خيبتي
و هي تقول ما قلت لك محد داري عنك مار أنهج نزل الشناط من السيارة
و جب لنا عشا و لا يكثر زين

ليا الموذيين ليا الخايبين محد نشد عني و لا قال وش فيك أبد
لا يا حلولات يا رفحاء
تسيف و الله كل ليلتن أبلش وين أروح كلما هذا داق علي واحدن من الربع
فهد تعال سير
لا و من زود الفسقة أسير مسيارين و لا ثلاث مسايير باللبلة
و كلن ينشد عني
و كل ليلتن طالعن للبر و أنواع الكبسات و شاهي بقيصوم
و ما فيه ألا قوة فت ورق هند و بلووت
و كلن يبيني أجيه و أنتم لله كش عليكم

أقول ألي ما هو ساكن برفحاء حياتوه خسارة
أنا راجعن للرفحاء هلحين و طز على الدوام
هالراتب ما أبيه و الفلوس ما أبيهن
أبي ناسن ليمني رحت تنشد عني
أنتم خلاص ما أبيكم

تدرون عاد
أنا داري أن محد ناشدن عني
و أنكم تقولون هذا أبلشنا وش عنده
أزعجنا

خلاص بسكت

ابو ضاري

07-08-2009, 04:36

فهد انت محلك بالقلب >>>>>>>>>>>بدا المهايط

تصدق عاد اني اتصلت عليك بس شطفتن مارديت

انت وجودك مهم يالغالي

حيل حليل

07-08-2009, 04:43

مار علي هالأسم
وين وين ياربي
<<<< اجحد

احلى باك يالعشير
بعدين ترى طلعت اشاعات عقبك
يقولون لعبت بك الحصبه على ذمة شبيثان طبعا
هالي اودعنا مانشدنا عنك
لان يقولون الحصبه تجيك على الطاري

منور الحته ياباشا
ولا له عاده هالقطعه

بس عليك توووووووووووووووووووووووووووقيع مجنون
ههههههههههههههههههههه
اما هالبوفيه تحفه
واويل تسبدي اول مره اشوف بحياتي فلافل بالجبن
بزعمه جايب شي جديد البنغالي

اعذرنا على القصور يالذيب
والله لك وحشه لكن تخبر
صايرين يادافع البلى من جمع شين هاليومين

العذر والسموحه طال عمرك

عبسي

07-08-2009, 05:06

يالله حي فهد ..

أنا ماعلي من أهل الفله فقدوك ولا لا !!

أنا علي من أهل الرياضي والله أني فاقدك منذ مبطي يالغالي وهكاليوم نشدت منصور العطاوي عن كم أسم مبطي مادخلو بالرياضي ومن ضمنهم أنت ..

بس لا تزعل علينا قدرك عالي يالعزوه ..

أويحي ألحين وين القى بالجبيل مثل بوفية الصناعيه >> كش عليك فهد ذبحن الجوع ..

شنقل

07-08-2009, 08:26

يالبيه بوفية ابو ررررمش

ههههههههههههه
هههههههههه

فتى البيداء

07-08-2009, 08:28

والله يافهد لك وحشه .. بس تعرف مهما سألت عن الواحد يبدك بعذر .. تعرف الإجازة وروحاته ..

وعذرنا على القصور .. أنا بنسبة لي دخلاتي هاليومين للفله قاله أشوي ..

حقك علي ياراجو ... قصدي فهد ..

وشو هالمطعم .. أنت متأكد أنه مطعم ماهو مطعم ومحل سباكه ؟؟

صعوة فسفورية

07-08-2009, 08:53

فهد ..

انت رحت وقلت عدولي

هذا انا مرة غبت شهور مانشد عني الاسنعوسيه لبى قلبها

لكن اهم شي النية

فهـد تعال ابيك بكلمة راس

بالله من جدك حاط هالصورة هههههه

هذي حتى الواحد ماله نفس يمر من جنبه مو ياكل منه هههههه

عودآآ احمدآآ

وهلابك نورت الحتة

شرهه

07-08-2009, 11:37

والله انني فقدتك وحتى كتبت موضوع يتمحور عن غيابك وعنك وحذفه الشبث>>>>تبي تنكبه

انا ذليتك متت عشا كذذا عجست اسأل عنك اخاف يصدموني وقلت خلن اصلي عليه صلاة الغائب واذا هو حي يبي يجيبه الله واذا هو ميت الحمد الله اعطيته حقه صليت عليه >>>عذرن اقيح من ذنب

عاد تبي الصددز

والله والله والله اننا فقدنااااك

منووووووووووور يا برنس

وما عليك من ام نوف

فايدز تحياتي

رفحاويه كفوووو

07-08-2009, 11:51

الله حيوووووووووووووووووووووووووووووه :)

وانا اشوف رفحاء منوره يالشيخ :)

والله مالهم حق ماااينشدون عنك....تسيف هاللون !!:a:

منووووووووووووووور يالفهد ورب البيت فقدنآك.....

ومبرgggggك عليك الشهر ..

تحيآآآآآآتي

عبدالله الجعيثن

07-08-2009, 23:39

^

^

تسذبون كلكم

الداخل موجود......والغايب مفقود

شعار الفله

بس لاتصدق هالتسذبان

منور ياشبيه هذاكـــــــــــــــــــــ!!!!بالشاصي

يـــوسف

07-08-2009, 23:40

والله ياخي زولك ماهو غريب علي

بالله خـذ فره ابي اتآكد من لي حاجه :)

خابرن بك طعجه بالرفرف الأيمن :)

فهـد يابعد حيي تخبر الجـوال مفصول وانا رجالن ذابحن روحي بالبخل اجمـع ابي آآمن مستقبلي <_ وش هالمستقبل دن هنا :)

والله يآفهـد ماش انا دخلاتي من اسبوع لأسبـوع والعذر منك والسمـوحه

<_ يراعي لراس حيل حليل ومتهول :)

الشبث

07-08-2009, 23:56

فهد

الفقه واعتبر معك باند

اطلع برا

شرهه

معوه برا

تدري

شفع لك توقيعك

يالله حيوووه

اصلا الزقرت والزقرتات ازعجوووووني بالرسايل

يسألون عنك

وتقلد تحيتي

فهد الجنيدي

08-08-2009, 00:26

فهد انت محلك بالقلب >>>>>>>>>>>بدا المهايط

تصدق عاد اني اتصلت عليك بس شطفتن مارديت

انت وجودك مهم يالغالي

أنا أخو سعدا

أنت يالضاري ما لاحقك شك أبد

و الله أني ما فطنت لجوالك يوم تدف علي
يمكني لاهي أفرم بصل و أزين لي كبسة

و لا مغلوب بالهند و طنيان

الضاري و الله العظيم انت من أغلى 5 أعضاء عندي بالمضايف

غلاك متغلغل بقلبي
أحبك في الله
و الله يجمعنا بالدنيا و الجنة على خير

ابو ضاري

08-08-2009, 00:27

^
6

ابو ماجد اعط الجعيثن باند يستذبنا >>>ذابحن

فهد الجنيدي

08-08-2009, 00:31

مار علي هالأسم
وين وين ياربي
<<<< اجحد

ليه أطبك فوس أنا أهب يا وجهه

احلى باك يالعشير
بعدين ترى طلعت اشاعات عقبك
يقولون لعبت بك الحصبه على ذمة شبيثان طبعا
هالي اودعنا مانشدنا عنك
لان يقولون الحصبه تجيك على الطاري

شبيثان أنا أوريك يال خايب و أنت مصدقه أنت و عيونك
منور الحته ياباشا
ولا له عاده هالقطعه

بس عليك توووووووووووووووووووووووووووقيع مجنون
ههههههههههههههههههههه
اما هالبوفيه تحفه
واويل تسبدي اول مره اشوف بحياتي فلافل بالجبن
بزعمه جايب شي جديد البنغالي

وش متعودن عليه أنت و يونك أسمع عاد كلش ألا بوفية رمش هاذي لحمي أكتاف شباب رفحاء من خيره
اعذرنا على القصور يالذيب
والله لك وحشه لكن تخبر
صايرين يادافع البلى من جمع شين هاليومين

ما فهمت هالجملة
العذر والسموحه طال عمرك

ههههههههه

فهد الجنيدي

08-08-2009, 00:35

العمدة

يا حبيبي و الله أنك حبيب
و يا ويلكم يالهلاليين من النصر يوم 10-10
هذا الكوري أبو شواشتن صفرا يبي يليشكم

مشكور يا الغالي عن نشدتك عني

أما بوفية رمش و الله ما تلقا زيه مهو بالجبيل يا شيخ
لو تروح ماربيا ما تحثل زيه

مساكين يا أهل الجبيل ما عندكم بوفية رمش

فهد الجنيدي

08-08-2009, 00:37

هلا شنقل

وش رايك ببوفيتنا

هههههههههههه

فهد الجنيدي

08-08-2009, 00:39

فتى البيداء

معذور يا الغالي

أبدن

بس تسانك ما تعرف بوفية رمش لا تحتسي عنه هلون
ترا العشرة تخرب

فهد الجنيدي

08-08-2009, 00:44

صعوة فسفورية

و الله انك صادقة الواحد مننا لا راح عن هالمضايف أبد خشة راعي الحصان
محدن ناشدن عنوه

و بعدين و الله لو تاكلين عند هالبوفية تسان تقولين عمري ما حسيت بطعم الفلافل
و زينه ألا هالنوبة
تسيف تذوب بفمك لا بيدك

تدرين عاد
نوبات ما أتعشى بالليل علشان باتسر الصبح
أصبحهم و أهجهم عليهم
لا و مالك محط رجل به من كثر الناس به

أيا حلولات لو عندهم توصيل للرياض بس المرة الجاية بجيبلك سندويسة معي

فارس الصحراء

08-08-2009, 00:44

يا بعد راسي يا فهد ..

..

وربي انك فقيده .. بس يالغالي ..

..

مثلك عارف الحين صيف .. والغيابات واجد ..

..

وكل الاعضاء تغيب وترجع بالوقت الحالي ..

..

لك كل ورود الحب والاستقبال الراقي الذي يليق بشخص .. مثلك ..

..

و انت تعرف غلاتك بقلوب اهل الفله ..

..

ما هي لحية رسايل يالغالي ..

..

والا للحين ما نسيت .. الهنود .. ولازم رسايل .. ههههههههه

امازحك يالغالي ..

..

محبك في الله ..

..

فارس الصحراء 11

فهد الجنيدي

08-08-2009, 00:48

شرهوووووووووووووه أم القوايل

لا علك ما تفيدين وشو لوه تفاولين علي
كش هذي هقوتك

لا و مصليتن علي صلاة غايب بعد
يا جعل شمسك تغيب
أنتي صلي أول فروض ربي
و صلي صلاة الغايب بعدين

بعدين تكذبين أدري بك مستانسة
يوم رحت عن الفلة

فهد الجنيدي

08-08-2009, 00:52

رفحاوية نت

مشكوووووووووورة
و أنتي ما أشره عليك لأنك ما عديتي 200 مشاركة

مير هالبلا ألي صافينهن من لهم سنين

ما تفقدين غالي
أنشاءالله

أحمد

08-08-2009, 01:59

ياهلا والله ابو نوف تصدق اني نسيتك من البطى ...

وبعدين انا اجازه مثلك يالعشير بس راحت كله خطوط (الرياض .. الشرقيه .. الرياض .. حائل .. الرياض .. حائل ..الرياض.. الشرقيه.. الرياض.. حائل .. .. (مريفدز) .. الرياض ) اضافه عشان الساير

وهالحين توي واصل من حايل وقضت الاجازه ووووووووووووه ياهمي يالدوام

تري مكاسي ابو نوف وياهلابك

أنوار المدينه

08-08-2009, 02:14

أولا الحمد لله على السلامه

ثانيا مالت على الشيطان لا مالت عليكم لانه معناها ( هو فقدان أحد الوالدين كفاكم الله شر هذا الامر )

ثالثا أنا مافقدتك كل يوم أمر عندك أنا والاخوان بالسياره وأشوفك أنت ماأنت اللي جالس قي البقاله وموأنت صاحبها توقعت أنك دوم فيها عشان كذا مافقدنك أن شاء الله مانفقدكم جميع من شر .

تتكلم عن بقاله فهد اللي بالحاره .

ريوف

08-08-2009, 02:43

و كل ليلتن طالعن للبر و أنواع الكبسات و شاهي بقيصوم

وشو شآهي بقيصوم << :3ajeeb:

مآلفت أنتبآهي بـ الموضوع غير الشآهي بقيصوم ههههههههههههه

لآ والله فهــد مفقود بس شلون نسأل عنّك حنّآ يـ البنيآت نستحي << n)

العود أحمد خيّو وكل عآم وأنت بخير ..

:

بعد ملي

08-08-2009, 03:18

هلا والله بأخوي فهد...منور المضايف
الحمد لله على سلامتك..
ودامك مسانس هناك برفحا هذا اهم شئ

غالب

08-08-2009, 07:42

كنت حاسن إني فاقدن أحد
بس عجزت أذكره
ماأدري وش جاني:)
على العموووووم
حمد لله على السلامه

واستلم سلامي

هلآ الآسلميهـ

08-08-2009, 12:14

فهد ..

الفله من دونك صفر عاليسار

<<< تبي تكحله اعمته:)

عز الله اننا مقصرين هاللي ما سألنا عنك...

بس دارين انك مستانس ومانت فاقدنا عشان كذا ماسألنا << ترقع :)

عالعموم حياك الله البيت بيتك ....

تقلب تحياتي..

شرهه

08-08-2009, 13:07

اشي ورن راااااسك

دنق لافضخه لك

وويحي هن فلاقك ليا هالحين ما برين

يحوووووووووووووووووووووووووووووووووووووو ووووووول

εïз خزامى εïз

08-08-2009, 16:17

حيآك الله ومنور بعد هالغيبه
والله كنت مشغوله ولا دخلت حتى أنآ
ولا دريت ان شسمه
الحمد لله على السلامه ...:)
وارجع لنآ بموآضيعك ...
واخيييرن شفت رفحآء حبيبــة القلب ههههه

فهد الجنيدي

08-08-2009, 22:30

أويطي يالجعيثن

كلن يرا الناس بعين طبعه

أنت واحدن مكروه و تحسب الناسكله مثلك

فهد الجنيدي

08-08-2009, 22:33

يوســـــــــــــــــــــــــــــــــــــ ــــــــــــــــــــــــــــــــــــــــ ــــــــــــــف

الله و أكبر يا هالمستقبل كله موظف كول سنتر
لا رحت و لا جيت

انت مير دق و سكر و انا أكلمك
شكلك من قوم دقة و تسكيره

فهد الجنيدي

08-08-2009, 22:37

الشبث
الله لا يلاك على مسلم
أهب ولية يهود

وش سوينا أنا و هالمسلمة شرهة

مير أبد هالباند والم
تاخذ من مخباك و تطلع

أقول شرهة نبي نروح ندور لنا منتدى ثاني نبي ناسن حبيبين
هذا أبدن عينهم و القشر

فهد الجنيدي

08-08-2009, 22:45

^
6

ابو ماجد اعط الجعيثن باند يستذبنا >>>ذابحن

و الله انك صادق يالضاري

هاه الشبث تسن بك خير شف هالموذي عند أياه

فهد الجنيدي

08-08-2009, 22:48

فارس اصحراء

يا بعد عيني أنت

أدري بك تغليني

مشكور

فهد الجنيدي

08-08-2009, 22:51

الجثري

صايرن كداد بالاجازة
الله يعين انشاءالله فرصة افتكيت من الشبث كمن يوم

أدري بك مسافرن لحايل

فهد الجنيدي

08-08-2009, 22:54

فهد الجنيدي

08-08-2009, 22:57

ريوووووووووف

ما تعرين شاهي بقيصوم
( علينا يا مناحي )

ألي يقول أنك متعودة على شاهي أنجليزي كل يوم الساعة 5

و بعدين مهو عذر قولتك حنا يا بنات نستحي
أنتن يالحريم اذا اشتهيتن تسون شي تسونه

فهد الجنيدي

08-08-2009, 22:59

بعد ملي مشكووووووورة

فهد الجنيدي

08-08-2009, 23:02

سناعيسو
نسيت تشرب ماء
نسيت تاكل
نسيت تلعب مع الوغدان بالشارع
نسيت تشري عس كريم من البقالة
نسيت تنفخ كفرات سيكلك
نسيت تنظف عدسة البلايستيشن
نسيت تشرب حليبتك الصباح
نسيت تجيب لهلك خبز المغرب

كل هذلن ما نسيتهن
و أنا تسيتن

الله يصلحك بس

فهد الجنيدي

08-08-2009, 23:04

مشكورة بيرل

فهد الجنيدي

08-08-2009, 23:06

اشي ورن راااااسك

دنق لافضخه لك

وويحي هن فلاقك ليا هالحين ما برين

يحوووووووووووووووووووووووووووووووووووووو ووووووول

هههههههههههههههههههههه

لا والله شرهة لهلحين ما برن
يوم أنا برفحاء رحت للشيخ فضل
و خذيت منه تسروة زيت مقري عليه

و قال لي ادهن فلاقك كل يوم السفرة

و انشاءالله يهونن

هههههههههههههههههههه

فهد الجنيدي

08-08-2009, 23:08

مشكورة خزامى

انشاءالله اني رجعت
و برجع مواضيعي

ريوف

08-08-2009, 23:09

ريوووووووووف

ما تعرين شاهي بقيصوم
( علينا يا مناحي )

والله مـآ أعرفه أو يمكن أعرفه لكن الأسم عندنآ يختلف ...؟ :(

ألي يقول أنك متعودة على شاهي أنجليزي كل يوم الساعة 5

تبي الصدق (فرينش كوفي) اللي متعوده عليه لآ وبنكهة البندق ..

و بعدين مهو عذر قولتك حنا يا بنات نستحي
أنتن يالحريم اذا اشتهيتن تسون شي تسونه

هههههههههههههههه صآدق والله ..

وأنت أخو ٍ لنآ لكن أنآ حبّيت أمزح معك ..

بالمختصر..

09-08-2009, 02:03

أنا ما فقدتك :biggrin:

لأني كنت مثلك غايبه و محد سئل عني ..

على فكره ترى جيت رفحاء الأسبوع اللي طاف بس أمرحنا به ليله و مشينا :biggrin:

وين الحديقه اللي تقول عنه ؟ :( ما شفته ..!!

/

ريوفـ يا فشلي ما تعرفين الشاي بـ القيصوم :a:

حتى أنا ما أعرفوه :biggrin:

فهد وشو هـالشاي ؟؟!! والله ما عمري ذقتوه بس أسمع بوه عند العجز .. حنا ما نشربوه ..

.
.

شنقل

09-08-2009, 08:30

^
^
^
^
يامصخي مصخاه

ماتعرفين شاهي بالقيصوم

اما الحديقه

فيسمونه never land

ريوف

09-08-2009, 12:21

:

بـ الله شنقل وشو شآي بقيصوم ...؟؟!

:

عبدالله الجعيثن

09-08-2009, 23:33

^
^
^

شاهي بقيصوم....مهو زين

يخليتس تضاحكين الجدران

ابو ضاري

10-08-2009, 01:30

ريوف لا تاخذين بنصيحته

شاهي بقيصوم ينفخ الشدوق لا تشربينه

ريوف

10-08-2009, 03:05

*
*

يآربّي ذبحتن الشفآيه أبي أعرف وشو عآد ..

والله ترى أطلق الحنشل عليكم إن مآعلمتونن ..

ترآني ( مؤيته ) << يآصعبه بس عرفت أكتبه ههههههههههه ..

حنشول منيّآ لـ بآتسر إن مآلقيت أحد رآدن عليّ ومعلمن وشو شآي بقيصوم أبي أهدّك عليهم ..

وبـ الذآت فهــد وشنقل والجعيثن والضآري اللي مآيعلمونن شنو هو ..؟؟!

:
:

واحد شقردي

10-08-2009, 13:16

من 20 ألى 25 رسالة خاصة و كلهم ينشدون عني

اويطي ما ابي احد ينشد عني

ياويل حالي لو احصل احد يتغزل فيني

ما ابي شين غيرها

يالله حي ابو نووووووووف تو انور المضايف

حمد لله على السلامه

فهد الجنيدي

10-08-2009, 19:57

فهد الجنيدي

10-08-2009, 20:00

بالمختصر

هاه جايه تسندين بنت عمك
معقولة انتي بالحفر و لا تعرفين القيصوم
أقول وين الجلت أها بأقصاه تلقينه

و بعدين اذا دخلتي رفحاء من بداية الشارع الاصفر لين نهايته حدايق
وشلون ما شفتيهن

بلا تهويل مختصر

فهد الجنيدي

10-08-2009, 20:03

هيه الضاري الجعيثن شنقل

لا تردون على ريووووووف
تسوي يعني اني حضرية
ما عليكم منها

فهد الجنيدي

10-08-2009, 20:05

حيا الله شقردي

اي و الله خذلتني انت و وجهك

و بعدين لا تولق عندي هالسوالف
لا اسطرك

نسمة الساحل

10-08-2009, 20:08

>>>>>>>>>>>>>> مرررررررررررت من هناااااااااااااااااااااااااااا

:)

ريوف

11-08-2009, 07:01

ريووووووووووف

ما أدري صايرة ريوف مشعلاني

وشو ما تعرفين شاهي بقيصوم

من كثر روحاتك للعطار تشرين كريمات علشان تسوين خلطات
تبين تسنعين وجهك
أسألي العطار وشهو القيصوم

و لا اذا رحتي لغنمك أبوك تحلبين الشياه
تلقينه بطرف الفيضة

هههههههههههههههه

يلا عاد بلا استهبال

فهــد ..

بطرف الفيضه << والله أنآ اللي طبّيت الفيضه بـ التفكير ..

الحين زآد إصرآري أبي أعرف وشو هو ...؟!

يآرجل حرآم عليك وربّي مو إستهبآل أصلآ مآ أعرف أستهبل والله حقيقه مآ أعرفه ..
طيّب أنآ أعرف وحده من صديقآتي تقول : لآرحنآ للبر أسوي لـ الحريم شآي آخذ من الحطب عويد صغيّر يكون مولّع مجمّر بمعنى أصحّ وأطفيه بـ الشآي ...
هل هو هذآ الشآي بقيصوم ..

وإن كآن هو ليه مآتقولون شآي بحطب خخخخخخخخخـ ..

فهـد يـ الطيب علمن وشو شآهي بقيصوم هو زيّ اللي تسويه صديقتي ..؟!

:

أنوار المدينه

12-08-2009, 14:58

القيصوم

بعد البحث والتحري عن كلمه قيصوم ظهرت لنا النتائج الاتيه :-
الجزء الطبي : منها الأغصان العليا الحاملة للأزهار.

المواد الفعالة : زيت عطري ومادة الاينولين.‏
استعمالها طبياً : يستعمل مرهم القيصوم لمعالجة التثليج في أصابع القدمين في الشتاء وكذلك تثليج صيوان الأذن.‏
يعمل منه صبغة تزيل من الجلد اللطخ الحمراء.‏
إن استعمال صبغة القيصوم من الداخل من أنجع الأدوية لتقوية أجسام الأطفال الضعفاء والمصابين بتضخم الغدد اللمفاوية ( داء الخنازير) وتستعمل للناقهين من مرض طويل . وكذلك تفيد المصابين بفقر الدم والاسهالات المزمنة والتهاب اللوزتين وديدان الأمعاء .‏
كما يفيد مغلي العشبة محلى بسكر النبات بمعدل 3كاسة شاي يوميا في الشفاء داء الحميات ((مالطية - تيفية))‏
ومع الشيح ينفع في أمراض الكولون والجهاز الهضمي‏
صوره العشبه:-
http://www.jiddeh.com/1/uploads/images/JdhCity-eaea1e7a19.jpg (http://www.jdhct.com)

أرجو ان المعلومه تكون صحيحه

أحمد

12-08-2009, 15:31

وكذلك تثليج صيوان الأذن.‏

تقل تدري امنا بالله ان ابو نوف يعاني خخخخخخخخخخخخخخ

خوذو بعض المعلومات من مصادري الخاصه

يقولون اذا شربت شاهي بالقيصوم الصبح ماتنسرق سيارتك

ويقيك من حرارة الشمس حتى تحس وانت تمشي القايله ان فيه مضله فوق راسك وهي بالاصل مهي مضله هي الطاقه السحريه بالقيصوم

وش بعد .....................

ايه اذا ماني غلطان تستعمل مع غسيل الملابس وتقدر تحط القيصوم بدال ذاكرة جوالك الخارجيه ....

وتري مكاسي كل ابوكم ورمضان مبارك