ح.م.ي.د.الغفيلي
29-07-2009, 13:21
اعتذر عن الغياب الطويل.....:
لكن...
اينما ابتعدنا تجدنا نقترب .....واين....... في قلب المضايف
يوم زان الكيف صفيت القوافي=صف مسبوك الذهب وسط الخزينة
قلت قول مايجي فية اختلافي= هاجس(ن) بالشعر ياربي تعينة
راكب من فوق قطاع الفيافي=جيب لاندكروز مضمون المكينة
صورتة مطبوع من فوق الغلافي=بالمجلة يوم ورد خابرينة
زول حراً نادر(ن) بالطول وافي=عادتن له مايصيد الا السمينة
مايهمة لا غبار ولا سوافي=ضامنة من وردة فوق السفينة
كن مشية بالدبل مشي خلافي=لاتهزع في طعوس دون لينة
منوة اللي بالنفود ولا يشافي=عند وضح(ن) من سنين مهتوينة
قاطع عرق النفود ولا يخافي=ماتكيف وسط جدران المدينة
دلتة ماحط به سكر وكافي=حط من بن اليمن يقعد جبينة
ذيبً امعط ماتلحف بالحافي=ماينام الليل والقمرا فتينة
لا عطا كلمة ترى يفعل ويافي=مايتدسس خلف بيبان المدينة
الملافي يافهد وين الملافي=دون الافيح يافهد الا يمينة
وسلامتكم
حميد الطرقي اللاحقي
لكن...
اينما ابتعدنا تجدنا نقترب .....واين....... في قلب المضايف
يوم زان الكيف صفيت القوافي=صف مسبوك الذهب وسط الخزينة
قلت قول مايجي فية اختلافي= هاجس(ن) بالشعر ياربي تعينة
راكب من فوق قطاع الفيافي=جيب لاندكروز مضمون المكينة
صورتة مطبوع من فوق الغلافي=بالمجلة يوم ورد خابرينة
زول حراً نادر(ن) بالطول وافي=عادتن له مايصيد الا السمينة
مايهمة لا غبار ولا سوافي=ضامنة من وردة فوق السفينة
كن مشية بالدبل مشي خلافي=لاتهزع في طعوس دون لينة
منوة اللي بالنفود ولا يشافي=عند وضح(ن) من سنين مهتوينة
قاطع عرق النفود ولا يخافي=ماتكيف وسط جدران المدينة
دلتة ماحط به سكر وكافي=حط من بن اليمن يقعد جبينة
ذيبً امعط ماتلحف بالحافي=ماينام الليل والقمرا فتينة
لا عطا كلمة ترى يفعل ويافي=مايتدسس خلف بيبان المدينة
الملافي يافهد وين الملافي=دون الافيح يافهد الا يمينة
وسلامتكم
حميد الطرقي اللاحقي