قصيده اعجبتني منقولـــه للشاعر عمر اللهيميد

[ناصر الخبر]

صرير الباب له قصة وداع وماضـيٍٍ مقهـور
عجزت انسى خروجك من حياتي دون تقفيله

ابرمي صورتك وانسى بقايا من ثمـان شهـور
غريبه تجرحي قلبي مع انك دوم توفي لـه

انا من كثر ماحبك نسيـت ان الزمـان يـدور
نسيت ان الزمن يمشي تبين لـي بهاذيلـه

وش احكي لك عن احوالي تدمر سوري المعمور
بقت لوحاتك الجـردا وهـم ٍ قلبـي يشيلـه

ولا به خطوتة ٍ مرت زمن يالخاطـرالمكسـور
خطاوي حبك الخيّر على قلبي تطـوي لـه

على فكره ابحكي لك عن اللي جابنـي مطيـور
نسيت اقول لك كلمة انا منهو قضـى حيلـه

انا منهـو بهالدنيـا غريـب وسكتـه ببحـور
انا منهو صبر لجلك ولا حصل شفـى ليلـه

ابشرب قهوتي مره وابفتح دفتـري المهجـور
يطش طش ديمها حتى تجد ويبتـدي سيلـه

ربيع الشعر والمعنى وهاجس شاعر مجبـور
هموم الليل يجمعهن على وقت ٍ مضى جيله