.. // .. علم ما بعد الرووح .. // ..

[فارس الصحراء]

بسم الله الرحمن الرحيم

..

السلام عليكم ورحمة الله وبركاته


..



علم ما بعد الروح .. يا اهل الفله هذا علم .. عجزت افهمه .. صراااحه

..

يقولون .. ان العلم هذا يعتمد .. على الشعور .. والحاسه الانسانيه ..

..

يعني .. اذا تذكرت واحد وهو بديره بعيده .. راح تسمع صوووته ..

..

ويمكن تشوووفه ..

..

انا ما فهمت .. يعني .. اذا انا مثلا يعني .. بالجبيل .. وطرى علي ..

..

راعي الابل .. راح صوته واتطمن على الابل ..

..

اجل ما فيه داعي للجوالات ..

..

وعروووض الاتصالات ..

..

وموبايلي ..

..

وزين ..

..


والله صارن واجد شركات الاتصالات ..

..

والله اول مخنوقين صراحه .. تلعب بنا الاتصالات على كيفها ..

..

لا يوم طلع .. السوا .. الناس هبت فيها ..

..

لا كلش ولا جوال العايله .. ما يدق الا على عشر ارقام .. قالك عرض يعني ..

..

العن ام المخ يا شيخ ..

..

لا يعني توفير .. ههههههههههههههههههه

..

ولا تهون ايام البياجر ..

..

لا ماني حاتسي شي عن البيجر .. لا لا لا ما راح احتسي ..

..

نرجع على .. الاتصالات ..

..

والله وهي تغزي موبايلي ..

..

وتضع الاتصالات في موقف محرج ..

..

وهي تنهل .. العرووووضات .. زيرو بلص وشلته ..

..

والله يا موبايلي ما انتي هينه ..

..

اما زين للحين توها .. نتمنى لها التوفيق في زرف الشعب السعودي ..

..

..

ماابي اطلع عن الموضوع ..

..

عاد اقولكم ..

..

ذاك اليووووم .. صارت مشكله .. شبكة الاتصالات ..

..

يدق علي ولد عمي ارد عليه ... الا بنت ..

..

اسكر وادق عليه الا يرد على هندي ..

..

انا انلحست ..

..

حسيت الدنيا انقلبت ..

..

يعني ما ادري وش صار ذاااك اليوووم ..

..


..

الوكاد نرجع لعلم ما بعد الروووح ..

..


تصدقووون يذكرني .. ..

..

بمدرس العلوم بالابتدائيه ..

..

والتلفون ابو كوبين وبينهم سلك ..

..


ههههههههههههههههههههههه

..

..

..


قلت ابي اجرب .. هالعلم ..

..


واطلع برا ..

..


بهالطعوس على ابو حدريه .. بطوارف الجبيل ..

..

..

واهلي بالجبيل ..

..

واقعد ..

..

ويطري على ولدي ..

..

وابي اسمع صوووته .. بالصحراء القاحله ..

..


الله لا يوريكم ..

..

من المغرب ..

..

الى الساعه الثانيه عشر والنصف .. وثانيتان ..

..

استنا ..

..

يا مار ما سمعت شي ..

..

..

صراحه انا شكيت .. قلت يمكن انه قريب ..

..

خلني ادور واحد ابعد ..

..


ويطري على واحد من الشباب ,, يدرس برا .. ما ادري وش اسم الدوله ..

..

الوكاد انه اوربيه ..

..


واقعد اكمل هكاالليله ..

..


اتسمع .. وابي صوت هكا الرجال يجي ..

..


يامار اصبح الصبح ما سمعت شي ..

..


والله وانا اعووود ..

..


وانام ..

..

واشوفهم بالحلم ..

..


كان نايم من اول ازين لي ..

...


بدون .. ما اتعب نفسي .. واطلع .. للطعووووس ..

..

..

..

..

..

..

انتبهوا من علم النفس ..

ومهايطة بعض تقارير التلفيزيونات ..

..

لا تصدقووونهم ..

..

..

..

..

..

بقلم // فارس الصحراء11

[ابو ضاري]

فارس تعرف هــــــــــــــــــــــــذا :a::a::a:

افزعوا للفارس قام اخر عمره مخترش وهو والنفسيين

[فارس الصحراء]

^
^
^


لا ما اعرفه خخخخخخخخخخخخخخخخخخ


تخبره خوينا ..

..

والله ياهو .. عاف عمره .. المسكين ..

..




افزعوا للفارس قام اخر عمره مخترش وهو والنفسيين




الضاري .. تصدق احس نفسي باصير دكتور في علم النفس

[هلآ الآسلميهـ]

حجزززززز 222222222

هههههههههههههههههههههههههههههههههه


اي والله ذكرتني بمشكلة الاتصالات هذي...


أكا اليوم الصبح ادق على خويتن لي عشان نروح الجامعه ...

الا واسمع عجز ثنتين يتعللن والمشكله ان حتسيهن حايلي ههههههههههههههه




يا اني فطست ضحتس عليهن...




ويافارس هذا يسمونه تخاطر....



وانا مجربته ونفع ومفيد ههههههههههههههههه



تقلب تحياتي..

[غالب]

والله يخي ماعمري سمعت بوه
بس مهي معقوله أبي أسمع صوت واحدن بعيدن عني مار هاللون على الهوا مبااشره
ماتجي
ألا إذا إنه سحر هاذا شي ثاااااااااني:)



طيب ياقليل الدسم ليه ماتمشط لحيتك
تلولست به ياملا المدري وشو
:)

واستلم سلامي

[عبدالله الجعيثن]

يابع........يالتخاطر



اتسذاب.....وهك مال امه داعي



انا ايام سندباد.....بغيت اسوي مثل علي بابا



فرشت مصلى امي وتربعت بوسطه.....ابيه يطير وعيا !!!!!!

[أبو مارلين]

هههههههههههه

الحست مخي الله يهديك

[%%ذيب شمر%%]

والله تصلح دكتور بعلم النفس:)

وووينك مبطي عنك والله للك وحشه يارجال:)

ابدعت فااامتعت يالغالي



تحاياي مع تريلة ورد>>مسرووقه

لاهنت

[واحد شقردي]

هههههههههههههههههههههههههههههههههههههههه هههه
هههههههههههههههههههههههههههههههههههههههه ههههه


الغالي فاااااااااااااااااااااارس الله يقطع بليسك

عليك مزرحه مش اي مزرحه

لا هنت يا ملي

ابو غازي الله لا يقطع بليسك ههههههههههههههههههه

[شرهه]

هههههههههههههه


مار هذا اتلاه !


يا أبو (وش اسم ولدك عشان ادعيك دايم واترك ابو هنوده^_^)


ياخي التخاطر ذا يوم قريت عنه وكنت بالحوش عندي الوالده وعمتن لي
وانا اروح بطرف الحوش وانا ادزابل الجدار وانا اجلس


وانا احط هريهرا براسي وانا اغمض و حنا نقعد لنا تعاليل و هذا


وانا استانس قلت هالسالفه شي مايحتاج لامسن ولا جوالات

يوم راعيت الا هريهرا جالستن جنبي وتراعيلي ناقده ^_^



علم النفس يجدي مع ناس ومع ناس لا

فيه ناس يأيدون التخاطر وفيه ناس يقولون تسذب



ياخي حرام عليك علم النفس علم طويل عريض و اعلامه واجد وعلم معترف فيه دوليا ^_^
بالأخير تقول تسذب ههههه


فارس الصحرا صاحب الشلفا و الريشه الرائع


تحياتي لك

[عبدالله الجعيثن]

^
^
سبحانه ... دايم اللي عنده سبيكه فارطه...



تلقاه يمدح علم النفس وخثاريقه!!!

[شرهه]

8
8

يا رااااقل استهدي بالله

[عبدالله الجعيثن]

وين استهدي...وانتم تقولون


غمض عيونك وكلّم الجدار يجاوبك ابو خليف بحايل...


بالله (وانتم مسلمين) هذا حتسي

[فارس الصحراء]

الا واسمع عجز ثنتين يتعللن والمشكله ان حتسيهن حايلي


والله من هالشفاوه كان سكرتي والا الا تسمعين ..












ويافارس هذا يسمونه تخاطر....

واشيب عيني .. تخاطر .. والله بلشنا ..

تخاطر ونوبات علم ما بعد الروووح









تقلب تحياتي..



مقلوبه وخالصه يا بيرل الصغيره ..

..

اهلا بك هنا

[فارس الصحراء]

والله يخي ماعمري سمعت بوه
بس مهي معقوله أبي أسمع صوت واحدن بعيدن عني مار هاللون على الهوا مبااشره
ماتجي
ألا إذا إنه سحر هاذا شي ثاااااااااني:)


سناعيسو .. يذكرونك .. بالنفود .. تسوي تخاطر ..

.. تبي لميس .. ماعمرك سمعت بوووه .. هاه ..

سحر محر .. سبحان الله





طيب ياقليل الدسم ليه ماتمشط لحيتك
تلولست به ياملا المدري وشو
:)

حفاظا على الثروووه التاريخيه .. يا بعد راسي انت تلووولس ,, باحلى تحيه ..

...





واستلم سلامي

لك ارق والطف .. واحلى ولطيب واطهر .. تحيه يالغالي ..

.. نورتني وربي

[فارس الصحراء]

انا ايام سندباد.....بغيت اسوي مثل علي بابا



فرشت مصلى امي وتربعت بوسطه.....ابيه يطير وعيا !!!!!!


وين تبي تررررروح !!!!!!!!!

..


حياك يا شايبنا .. لك اكبر تحيه اجلال واحتراام

[فارس الصحراء]

الحست مخي الله يهديك \


اوباما .. ما ادري .. بابا ماما ..

..


يا اخووي انت تعرف عربي ... انا انلحس مخي صراااحه ..

..

وشلون تكتب عربي

[فارس الصحراء]

والله تصلح دكتور بعلم النفس:)


ابو شاامه .. انا اشوووف في نفسي صراحه يعني ..

.. دكتور .. بس ما ادري نفسي .. والا جراحه ما ادري صرااحه


وووينك مبطي عنك والله للك وحشه يارجال:)


انا موجود انت اللي ما تبين .. وين غاطس يا ملا الشحم ؟؟؟

لك فقده انت وشااامتك ..



ابدعت فااامتعت يالغالي

هههههههههههههه حياااك




تحاياي مع تريلة ورد>>مسرووقه

تبي تنكبني وتبلغ علي عقبه ..


لاهنت

ولا انت ..

جعلني ما اذوق يومك

[فارس الصحراء]

الغالي فاااااااااااااااااااااارس الله يقطع بليسك

عليك مزرحه مش اي مزرحه



وانت عليك ضحه يا حلوووووها .. علني ما اخلا منك يا شقردي ..


لا هنت يا ملي


ولا انت .. عساك بأحسن حااااااااال دوووووووووووم

[فارس الصحراء]

مار هذا اتلاه !

وخلد الى النوووم




يا أبو (وش اسم ولدك عشان ادعيك دايم واترك ابو هنوده^_^)

يعني للحين .. انا اشك انك سيرلانكيه يا شرهه خخخخخخخخ

تبين اسم ولد هاه لا لا خايف تعطينه عين



ياخي التخاطر ذا يوم قريت عنه وكنت بالحوش عندي الوالده وعمتن لي
وانا اروح بطرف الحوش وانا ادزابل الجدار وانا اجلس


وانا احط هريهرا براسي وانا اغمض و حنا نقعد لنا تعاليل و هذا


وانا استانس قلت هالسالفه شي مايحتاج لامسن ولا جوالات

يوم راعيت الا هريهرا جالستن جنبي وتراعيلي ناقده ^_^


ههههههههههههههههههههههههههههههههههههه

تسيف هاللون .. وانقده بعد .. خخخخخخخخخخخخخخ

وانت مغمضه الله يرج ابليسك ..



علم النفس يجدي مع ناس ومع ناس لا
فيه ناس يأيدون التخاطر وفيه ناس يقولون تسذب


علم نفس .. ما يصلح .. كله تسذب بتسذب ..






ياخي حرام عليك علم النفس علم طويل عريض و اعلامه واجد وعلم معترف فيه دوليا ^_^
بالأخير تقول تسذب ههههه


ايه تسذب .. الرسول صلى الله عليه وسلم يقول ..

(( لاتكن امعه .. اذا احسن الناس احسنت وان اساؤ اسئت .. الخ .. ))

يعني اذا العالم غادي نغدي معهم ..



فارس الصحرا صاحب الشلفا و الريشه الرائع


امش يالمدح .. اصبري شوي لامدحك مدح .. عجيب


تحياتي لك


شرهه .. صاحبه الكشه الحلوه .. والرد الرائع .. والاخلاق الحلووه .. والنفسيه الزينه ..

هلابك ومرحبا > خخخخخخخخخخخخخخخخخخخ