قصيده للشاعر رحيل الوهبي في صاحب السمو الملكي ولي العهد الامير سلطان حفظه الله

[ناصر الخبر]

تفقدك الارض ومن على الارض يا امير
فالك ياراعي الطيب خير وسلامه

في غيبتك ضاقت صدور العصافير
وضاق الرياض وضاق صدر المنامه

الشعب يدعي لك من القلب بالخير
يابو الجميل اللي الى يوم القيامه

ياسيدي سلطــان سيف المناعير
انـــشهد انـك يالـــسنافي عــلامه

في سـفرتك بالممــلكه بان تاثير
حتى دعت لـك بالتهــجد حمــــامه

ياقلب انا مع ابيض الطرس من غير
حس القصيد ومع نحيب الغمامه

نرجي الـه مــدبر الكـون تدبـير
انــه يطـمنا براس الـزعـــامه

اللي على شعبــه يسوق التباشير
وبشوفته ستر الوطن وأحترامــــه

الطيب اللي لو تدور الدواوير
يكفيك عن فعــله مــجرد كلامه

وان قام ابوخالد بوجه المعاثير
قومت امير قـــدر الله مقـــــامه

ياسيدي اجر ومعافى وتطهير
كفاره ذنوب وخطتك الــندامـــه

مال القلم حيله ابنظم التعابير
ومال الورق غير ازرق الدمع شامه

جتك المشاعر بالنيابه طوابير
تمـد لك كف الوفـاء وانظمـــامه

معك معك لو هي تطول المشاوير
الـين تـرجع ســيـدي بابتســـامه

منها تفز الـمـمـــلكه والعصافيـــر
وتبكي من الفرحـــه عليك الحمامه

ارسلت لك موجز شعوري وتــقديـــر
يا أطـلق شـنـب فاسماء سمو الفخــامه

من دون هضــم حقوق وايات تقصيــر
يـكفيك عن ثبت ألادله وســــامه

عديت وماشفتها ومـسيت بالخــيــر
الــلـه يجيبــك للـرٍيــاض بـسـلامه

[ناصر الخبر]

وانششاء الله انزلها لكم بصوت الشاعر رحيل الوهبي ادعو لي بسافر وانا اسف نزلت قصيدتين بس كرمكم علي خلني انزل بس هالمره لاهنتو اعضاء وادراه ومراقبين وانشاء الله اوعدكم قريب انزلها بصوت الشاعر رحيل الوهبي المنتدى باذن الله استودعكم الله الذي لا تضيع ودائعه

[سيف الدولة]

أخي ناصر


إختياار رووعة

صح لسان قايلها

[ناصر الخبر]

لاهنت يالغالي سيف الدوله

[شموخ شمالية]

اللهم آآآآآآآآآآمين يرجع لنا سيدي ولي العهد سالما معافا

صح لسان الشاعر الوهبي ....وتسلم يااستاذ ناصر ع النقل الرائع


دائمآ تأتي لنا بالجميل الله يسعدك ويوفقك........

تقبل مروري .....وكـذلك تحياتي

[ناصر الخبر]

لاهنتي اختي شموخ الشماليه

[ابو مالك]

وعليكم السلام ورحمة الله وبركاته
مبدع دائما يابوخالد وارق سنود والله مبدع
مشكور ياناصر الله لايهينك يالغالي

[ناصر الخبر]

ولا انت يا ابو مالك الله لا يهينك