% هل تؤيد / تعارض %

[الشبث]

اخواني في فلة الحجاج


السلام عليكم ورحمة الله وبركاته




كثر الحديث والكلام منكم عن فكرة كنا نتوقع انا واخوي الضاري انها صائبه

وانها في مصلحة الجميع


وهي دوانية فلة الحجاج ومجلس بنات الفله




وللعلم بالشيء

فقد قررنا انا واخوي ابو ضاري وضع هذين الموضوعين حتى نبعد الاعضاء عن الردود

التشاتيه في المواضيع الاخرى في فلة الحجاج ..

والتي بسق ونبهنا عنها لكن دون تقيد من الاخوان بل العكس زادة بعد التنبيه وقد

تكون عناد وتحدي

ووضعنا هالموضوعين وفصلنا كلام الشباب عن كلام البنات

وتفاجأنا بمن يطالب بخلط الموضوعين وجعل التشات واحد للجنسين









اخواني




الموضوع الان بين ايديكم


هل تؤيدون الوضع الحالي

هل تعارضونه


وماهي مقترحاتكم



لان وبكل صراحه اعتقد اني انا وابو ضاري اقل من ان نتخذ قرار صائب








ياليت الجميع يبين وجهة نظره كامله دون تردد




وتقلدوا تحيتي

[الشاهري العبيدي]

عذرا على التدخل اخواني بالفلة

فأنتم اخبر وأدرى بالفلة مني ولذلك استسمحكم بما ساقول



من اهم الأشياء بأمركم هذا....هو مراقبة رضى الله على ما تقررون وتعملون


وأعلموا أنها شهادة
أما لكم او عليكم ....................والأمر لا يخلو من أحدهما فلا ثالث هنا


هذا باختصار

واعتذر منكم حقيقية على اللقافة

[عبدالله الجعيثن]

انا .......... انزح شوين يامنصور



انا اقترح يمنع الشات بالمواضيع



ويوضع شات موحد للجنسين......وتتم مراقبته من المشرفين واعضاء الاداره



يعني الردود الخارجه عن حدود الادب......مخالفه ثم باند..

[روح حايل]

والله الشات احس مالوه داعي لانوه الا ما يتوجه وجهات ماله سنع

بعدين الشات احسوه يبي يدفن الحماس لكتابة المواضيع :)



ويلهي العالم بالشات




وعن نفسي من أشد المعارضين للشات بشتى انواعه



والله يوفقنا لما يحب ويرضى

[%%ذيب شمر%%]

انا مع الشاااهري العبيدي

لازم نراقب الله بكل ماانسويه

وبالنسبه للتشاات ماانبيه


وتقبل مروري يالذيب

[الشبث]

هلا وغلا اخوي الشاهري


بالعكس انت نورت الفله الله يرضى عليك


وكلامك كلوه درر


ووصلت رسالتك الله لا يهينك














ابو غازي


وجهة نظر نحترمها








اختي روح حايل


احترم كلامتس المذهب








اخوي ابو شامه


وجهة نظرك انت والشاهري على راسي







وتقلدوا تحيتي

[ابو ضاري]

بيض الله وجهك يابو ماجد

[ابو عارف]

يعني محطتونا بهالمخالفات الي ماله داعي وجيتوا تشاوروننا هالحين؟

صح النوم لقد زلقت حبة دمخي ههههههه.




تلهلموا بتحياتي

[هلآ الآسلميهـ]

انا رايي من راي عبدالله الجعيثن ...


وكلام روح سليم بعد يعني يمكن يدفن الحماس...

يعني تقدرون تقسمون صوتي قسمين قسم موافق وقسم محايد:315r:


تقلبو تحياتي القلبيه لكم بدوام الصحه والعافيه.. مع تحيات عيادة التختور تفاحه ..هههههه

[الشبث]

وجهك ابيض يابو ضاري









ابو عارف


انتظر فتره بسيطه راح تترشح مشرف للفله وتاخذ بثارك مني







يابو عارف


انت كبيرنا وتعرف العلم اللي يصلح واللي ما يصلح


يعني يابو عارف يصلح نقول كلام واول من يكسره انت ؟



يابو عارف اول الفله لو اقول للاعضاء نامو ينامون من باب الاحترام المتبادل بيننا



والحين اعضاء الفله من صغيرهم لكبيرهم ما اقدر اطلب منهم شي


الواحد اقوله كلمه يعطيني عشر


قبل تجي تحاسبني يابو عارف على اني عطيتك مخالفه اسأل نفسك ليش خذيت هالمخالفه


وما اخفي عليك اني كنت متوقع انك تخالف كلامنا لانك بالاساس منت معتبرنا مشرفين





على العموم هانت وما بقى شي


تحملنا شوي






وتقلدوا تحيتي

[عبدالله الجعيثن]

انا اداري



ياويل واحد ما يؤيد كلامي


سووا مثل السنوره الصغيره

[ســـعود]

السلام عليكم ورحمة الله وبركاته

اولا كلمة حق يجب ان تقال

بيض الله وجيهكم يا ابو ماجد انت وابو ضاري

يقولون مرضي الناس تسايد
او با الاصح ارضاء الناس غايه لا تدرك

انا اضم صوتي لصوت اخونا ابو غازي

[هلآ الآسلميهـ]

انا اداري



ياويل واحد ما يؤيد كلامي


سووا مثل السنوره الصغيره


ابو جعيثن .... تراني ما أيدت كلامك عشانك اداري :7ayyoh:


ايدته بكامل قواي العقليه والجسديه ههههههههههههههههه

[فواز الغسلان]

انا اصلا مادريت ان عندكم شات صوتي الا الان

والا كان موجهن لكم راجمة الصواريخ ابوجعيثن لين يصلي بكم شمال

ويحط مسعد على مسعود 000

الشات حلاته لاصرت انا وابوجعيثن سهرانين ونترادد بالهجيني 00

وشنوح كلامي صار شكله متناقض؟؟

ولو اسمع حس شرهووووه معطت شوشته معط 00

بزعمي الشيوخ ابخص 00

[ابو عارف]

وجهك ابيض يابو ضاري









ابو عارف


انتظر فتره بسيطه راح تترشح مشرف للفله وتاخذ بثارك مني







يابو عارف


انت كبيرنا وتعرف العلم اللي يصلح واللي ما يصلح


يعني يابو عارف يصلح نقول كلام واول من يكسره انت ؟



يابو عارف اول الفله لو اقول للاعضاء نامو ينامون من باب الاحترام المتبادل بيننا



والحين اعضاء الفله من صغيرهم لكبيرهم ما اقدر اطلب منهم شي


الواحد اقوله كلمه يعطيني عشر


قبل تجي تحاسبني يابو عارف على اني عطيتك مخالفه اسأل نفسك ليش خذيت هالمخالفه


وما اخفي عليك اني كنت متوقع انك تخالف كلامنا لانك بالاساس منت معتبرنا مشرفين





على العموم هانت وما بقى شي


تحملنا شوي






وتقلدوا تحيتي
---------------------------
تراني ما أتصادم إلا مع الكبار لاتزعل أبو ماجد وما أشره إلا على الأحباب ولا اشوف هالأمور الي تذكرون من الشات الموجب للزعل والمخالفات أنا ما أشوف إلا تعليقات خفيفة وضحك وتنكيت وفلة إحجاج يمكن على شأن إنني من الرعيل الأول.

عمري مالحظت خطأ واضح وكل الناس عنديا طيبن ومحترمين.

أكره العنف والتهديد والتعالي والشكوك والإملاءات والمخالفات خاصة المرورية معقدتني

أحب الثقة بالنفس والطيبة والتسامح والمرح والتعاليق اللاذعة الخفيفة.

والإشراف ليس طموحي ولو حطوني مشرف سيدوا وميدوا ولايهمكم وسوف أطالب في ماجد يكون مساعد لي والي يخطي نمردغه مردغه هو ياطأ على بطنه وأنا أدغدغه,


توسد إحترامي

[ريال الفسحه]

/

اولا


بالنسبه لمخالفه ابوعارف يستاهل ههههههههه يبي يولع به

امزح


المهم نجي للزبده سبق وقلت لكم الشات ماينفع على
طول يعني راح يكون حلو خلال ثلاث ايام اسبوع وبعدين يسكر
لانه ان طول قد ينقلب راس على عقب وصعب متابعته ..


وان كانوا الاخوان يطالبون بدمج الشباب والبنات انا لا اقول
في هذا شي وحلو بس المشكله تجي من هالبنات الي يسجلن
بيوزر جديد وتسوي مصايب مثل ماكان مع [ هند التويجري ] واعطيت
باند وابوعارف يبخص السالفه ويذكره


اذا كان عندكم استعداد تام لقراءة كل رد يابوماجد ويابوضاري
فتوكلوا على الله وافتحوا شات جماعي اما اذا ماتحملون هذا
فخلوا كل ناس لحالهم اريح لكم ..




اقتراح


ليش مايكون الشات مدته ثلاث ايام ويكون مديره عضو من الاعضاء
وبعده يسكر ..


مثلا انا ريال اكلم الشبث جوال او خاص واقول ابفتح لي شات
الشبث يقول مثلا ابشاور الضاري ويتشاورون ويقولن متى تبيه
اقول مثلا من الاحد الى الاربعاء [ ثلاث ايام ] ويكون تحت اداره
ريال بحيث اي رد بوه خطا يبلغ عنه ريال او ان كان هو مخطي او
يدري وساكت يتحمل المخالفه ..


واذا العضو مو كفو يفتح شات يرفض طلبه


واتوقع اذا كان تحت مسؤليه عضو راح يكون مجتهد
ان شاته [ مجلسه ] يكون من احسن التشاتات


ومثلا يكون لكل عضو تشات واحد خلال شهر او شهرين



اليوم شات ريال

بعد ثلاث ايام يغلق


وتفتحون شات الجثري


وبعده شرهه


وعقبه الجعيثن


وبعده الشبث


وبعده فهد [ راجو ]


وعقبه يوسف



وعجايب


وغيركم




مو احسن ؟



\


ابوعارف


هي توجع المخالفه ؟:)

[فارس الصحراء]

الشبث ..

..


انتم فعلتم عين الصواب ..

..

البعد عن الردود التشاتيه .. هو الدافع اللي خلاكم تفتحون

الديوانيتين ...

..

انا اشوف انها .. زينه ... ويصير فيه خصوصيه شوي .. للبنات بالذات

من لقافه العيال ...

..


اشكركم من القلب .. على مجهودكم ..

...



تحياتي واحترامي ..

[رفحاويه كفوووو]

الشبث والضاااري هلا بكم والله

يعلم الله اني مااداني الشات ومااعمري ايدته

بس زحمه عالفاضي!!!!

وانتم ماقصرتوا يالنشاما

وحطتولنا مجلس

وبعيد عن لقافة هالعيال مثل ماقال اخوي فارس

واحسن بالحيل وانا ماداني الهرج الواجد مع العيال

بس صراحه هذا انزه واشرف منتدى شفته بالنت

وقبل كل هالكلام نراقب الله بكل ردودنا الي نرد فيها مثل ماقالو الاخوان








تسلموون والله وماااقصرتوا بالحيل

من طيبكم يالطيبين


تقبل مروري اخوي المحترم ,,الشبث


خيتك

ريم

[فهد الجنيدي]

نهي شات

هزا ما فيه كويس

يسوي قرقر زيادة
بئدين كلوه نفر يخلي موازيع


معليش طلعت الصجيووووووة

الشات عيبه يخلي الاعضاء يتجهون له و يتركون المواضيع

و فكرة الديوانية و المجلس زينة و ممتازة


و بعدين أعذروني تروني مفلوق فلقتين براسي اليوم العصر
و لا يطيبن ألا بعد عشر ايام
يا دافع البلا
تحمالي حديهم بالصنادح
و لا جيت ألا الحين
من اليوم



هههههههههههههههه

[فتى البيداء]

أخي ابوماجد أخي الضاري ..

أنا رأيي .. أن وضع الشات مخصص للشباب .. وشات مخصص للبنات .. طريقة ممتازه ..

لأن الشات تطيح فيه الميانه بزود .. وطيحت الميانه بين الشاب والبنت غير مستحسن ..

وقد يجر لعواقب لا تحمد عقباها ..

بعدين المواضيع كلها مفتوحه .. لماذا حكرت على هذا الموضوعين وحشرنا أنفسنا فيهما ..

فالصفحه تأخذ اكثر من عشرين موضوع .. فقط موضوعين خصص فيهما عدم اشتراك الجنسين فيهما ..

هذا رأيي والله اعلم ..

[أحمد]

انا صوتي من صوت ابو فسحه<<< اثريك طلعت تفهم يابو فسحه وانا احسبك رضخه خخخخخخخ


يعني شوفو ردوه واعتبروني انا اللي كتبتوه



واذا النقاش على الراي بالشات الخاص للشباب والشات الخاص بالبنات فانا مؤيد لهالموضوع الافضل انه يستمر على كذا.




تري مكاسي للجميع

[صلفيق]

ولو ان تواجدي معكم هنا يكاد يكون معدوما

بس يمكن اللي يبعدني هو طريقة الردود التشاتية،

وأنا من معارضي التشات ..


وأشوف رأي أخوي ابو غازي عين الصواب .


والله يوفقكم لكل خطوة صواب.


تقلدوا تحياتي

[صعوة فسفورية]

شبثنا

ترى ياخي الكلام يجر بعضه وهالشي

حلووو.. انا صراحة ادخل مواضيع احيانآآ .. لاقرأ الردود خاصة ردك < ترقع :)


انا ماشوف فيها اي شي .. كلنا اسرة وحدة .. واخوان ان شاء الله

والكلام يكون بحدود الادب وبس

:055r:

[شامان]

مرحبا بالجميع وللجميع

احترامي لجميع الاقتراحات من المشرفين والأعضاء

انا أشوف انه مافي داعي للمجالس هذي ولا في داعي للجات

عملية الفصل هذي مالها داعي .. انا أشد على ان تكون العملية رقابية على المواضيع

وانه تشتغل المخالفات للي يزودها حبتين يعني يقلب الموضوع في ردوده إلى جات

طبعا مع التنبيه عليه لأكثر من مرة ... قبل المخالفة وانتم يا المشرفين ادرى في هالأمر

هذا رأيي الخاص .. وهذا والأمر أمركم فيما تحبونه وترضونه

وشكرا

[ريتاج]

يابو عارف اول الفله لو اقول للاعضاء نامو ينامون من باب الاحترام المتبادل بيننا



والحين اعضاء الفله من صغيرهم لكبيرهم ما اقدر اطلب منهم شي


الواحد اقوله كلمه يعطيني عشر


افااااااا يا ابو مااجد والله مااتدري شلوون احترمك


وكلنا نحترمك...وكلمتك مااتثنى لا عندي ولا عند اعضااء الفله اكييد


الله يساامحك بس يا اخووي..


بالنسبه للديواانيه .. حلووه اعجبتني الفكره الفصل احسن واسلم..


لانه لو فيه دمج راااح تضرب نسبة التمييلح بشكل مهو صااحي


الحين ياالله بالله اجرع هالتمييلح والمصااله .. شلوون لاصاار تشات مختلط ..


معلييش يا ابو مااجد انا معاارضه ..


كذا احسن ...





ومشكوور يا ابو مااجد انت واخووي الضااري .. ومااقصرتوو


خيركم وااصل ..



شييييييييييييييع

[ابو ضاري]

لانه لو فيه دمج راااح تضرب نسبة التمييلح بشكل مهو صااحي


والله العظيم هدفنا اننا نبتعد عن هذا بتفريق الديوانيه عن المجلس
وانتم ادرى

[حيل حليل]

انا ياواحد معكم باللي تبون تسونه
لكن بصراحه عجبني راي روح حايل

على العموم انتم تامرون وحنا ننفذ
ومعكم قلبا وقالبا ليا الدفنه اذا اشاء الله