صاروخ أرض جو .... [الأرشيف]

وافي الزنيدي

11-07-2009, 04:47

السلام عليكم ورحمة الله وبركاته

صبحكم الله بالخير يالربع
يالله حيهم وشلونكم ان شاء الله بخير ونعمه ..
هذا لغز اخذ لي كم يوم وانا أهندسه أقول :-

لغز كتبته يأهل النت بركود
لغز مركب بصمته للزنيـدي
أنشدك عن ورع صغير ومقرود
يطير وياقع لك على ماتريدي
بيمناك ترميه ولاهو بـ..بارود
كبر الذباب أو ان حجمه يزيدي
والصيد لامن صاد في بطنه الفود
لابد من ظغط الزناد ويصيدي

وسلامتكم ,,,

ومضه :-
ان حليتوه هالمره افلقوني بابو جلمبو

%%ذيب شمر%%

11-07-2009, 05:38

(1)

هلا والله بالزنيدي:7ayyoh: صح لسانك جزله يالذيب

برمع رمعه

لايكون الحجر (الرضمه):)

الاعصار

11-07-2009, 11:47

صح لسانك يالغالي
لغز محبوك حبك
صدقت عز الله انه صاروخ الله يعين عليه

يامرسلٍ لجوائنا صنعة اسكود=عندي باتريوت صايرٍ له ضديدي
الحل سهم دوم للأمر ماجود=في وسط شاشه ماخبرته عنيدي
يصيد والصيدات ياصاح ماكود=الياضغطت الماوس صيده وكيدي
ذي رميتي ياعل بها اسكود مصيود=وليافلت. غيري لعله يصيدي

مع التحية والتقديري

وافي الزنيدي

11-07-2009, 13:16

(1)

هلا والله بالزنيدي:7ayyoh: صح لسانك جزله يالذيب

برمع رمعه

لايكون الحجر (الرضمه):)

صح ابدانك يالذيب
هههههههههه
وش هالصوره صرت أحول وانا أدور الشامه مالقيتها :)
بالنسبه للرمعه مالك لوا يالذيب

وافي الزنيدي

11-07-2009, 13:25

صح لسانك يالغالي

لغز محبوك حبك
صدقت عز الله انه صاروخ الله يعين عليه

يامرسلٍ لجوائنا صنعة اسكود=عندي باتريوت صايرٍ له ضديدي
الحل سهم دوم للأمر ماجود=في وسط شاشه ماخبرته عنيدي
يصيد والصيدات ياصاح ماكود=الياضغطت الماوس صيده وكيدي
ذي رميتي ياعل بها اسكود مصيود=وليافلت. غيري لعله يصيدي

مع التحية والتقديري

:3abrah:
ذكرت ابو جلمبو
0
0
0

صح لسانك يالذيب وعزالله مافلت منك ماشاء الله عليك عصرته يالاعصار بهالباتريوت

%%ذيب شمر%%

11-07-2009, 22:10

صح لسانك يالذيب وافي

وصح لسااان من حله

هع وانا اقوول يالبومه او الرضمه خخخخخ:smoker:

مشالله عليك يالاعصاار كيف لقطتووه :)

ننتظر جديدك ايها الذئب:pimp:

صلفيق

12-07-2009, 01:38

صح لسانك يالزنيدي وصح لسانك يالاعصار

وصح لسان ابو شامة بعد اللي بغانا بالهوداة.

ابو ماجد..
ياعزوتي خل مجال للي مثلي ...!

احترامي للجميع

راعي البيرق

12-07-2009, 13:06

ياسلام ... استمتعنا باللغز .. وبحله ..
هذا اللي ندور ..

لغز كتبته يأهل النت بركود
لغز مركب بصمته للزنيـدي
..
يامرسلٍ لجوائنا صنعـة اسكـود
عندي باتريوت صايرٍ له ضديـدي

ياسلام ... امتعتونا صحيح ..
صح لسانكم جميع .. ولا تحرموننا من هالمحات الجميله في فن وصنعة الألغاز ..
..

وافي الزنيدي

12-07-2009, 14:15

الاخ/ ابو شامه تشكر على المتابعه وخفة الروح ولا تحرمنا طلتك البهيه .
الدكتور صلفيق :315r: حياك الله الاعصار ماشاء الله عليه وحده بوحده تشكر عالمرور والعطور .
الذيب راعي البيرق من طول الغيبات جايب الغنايم (ننتظر منك لغز),,, الاجمل في الموضوع تشريفك انت والشباب .
0
0
0
وعقب هالصاروخ الله يسلمكم والله ياصك جهازي صاروخ قصدي فيروس حاسه حوس وتوني طلعت الجهاز الله لا يعيد هالصاروخ توبه توبه