الشايب يرفض المجالس الجديده.

[ابو عارف]

الموضوع : الشويب محطه الشبث في مخالفه على مخالفته لقوانين الفلة الجديد حسب قولهم وكسره للتجذير بشأن الشات وهو مايغرف الشات إلا إنها العنز أو النعجه.

أنا معهم في شيء وضدهم في شيء يعني الموضوع فيه خلاف والخلاف في الشيء رحمه .

وجهت نظري أن التحذير والتشدد وعزل الناس بهذا الشكل إعتقد يضعف المنتدى وينفر الأعضاء بالنسبة لي حصلت على مخالفة لمداخلاتي في ديوانية البنات الجديد من أبو ماجد ولا باس في ذلك لكن السؤال هل تلك المداخلات فيها عيب شرعي أو أخلاقي كلها كلمات فلاوية عادية ولاتجرح مشاعر أحد ولاتخدش كرامة أحد اللهم إنها مخالفة لتوجيهات السيد الشبث والضاري وتوجهاتهما المدمرة لفلة الحجاج الغوها أفضل لكم من معاملة زواركم بهذه الطريقة.



الفلة ليست ملك للمشرف ولا لغيره إنها ملك للجميع فيجب أن يؤخذ رأي الأغلبية في إستبيان عن سياسة فلة الحجاج أما إذا تبون تعاملوننا بهذا التعسف وبهذه الذكتاتورية وعزيل الناس البنات هنا والشباب هناك وكأنكم في مجلس حقيقي وليس على شبكة عنكبوتية والكل يبحث عن من يطل عليه من ملاك هذه المنتديات.


أحسن لكم قولوا لايجينا أحد في منتدانا وبس ليش لإن النساء يبن يتحاورن مع الرجال ويستفدن من أفكارهم وتوجهاتهم والعكس بالعكس.


رأيي خطأ يحتمل الصواب ورأي غير صواب يحتمل الخطأ.


لذا آمل أن يترك هذا الموضوع للنقاش وسماع رأي الجميع في هذا الشأن والذي ريما يحوز على القبول أو الرفض.


الشيخ ابو قلب أخضر أقصد أبو ناب يرفض عزل البنات عن الشباب في فلة الحجاج ويعتبرهم أخوة يعملون جنب إلى جنب.

عملاً بالمقولة البيت لايستقيم إلا بالرجل والمراءة معاً.

فماهو رأيكم أعضاء الفلة من الجنسين؟؟؟؟؟



السلام عليكم وتقبلوا فائق إحترامي.

[ابو عارف]

الحمد لله إني أنا أول من يرد عليك أيها الشايب المهذري.

هاه ويش رأيك لايكون كنت تفكر بأنك فوق القوانين والأنظمه؟؟؟

تستاهل ماجاك وسلمت يمين من خالفك أيها الالشايب المشاغب صاحب القلب الأخض أبو ناب.

شكراً لك أبو ماجد على تطبيق النظام على الكبير والصغير بارك الله فيك.

أنا مع تطبيق النظام في حدود الإحترام


تقبل تحياتي وتقديري

[ريال الفسحه]

اقول عيّن خير واترك عنك ديوانيه البنات وبعدين ترا لك
سوابق يوم كنت انا مشرف فتحنا شاتين زي كذا ورحت
يم شات البنات يعني ماهي غريبه على سموكم هلحركه :)


انا اقول بما انك شويب نفتح لك شات بقسم الارشيف
لك انت وابوطروق وغيركم من المخرفين :)



ابوعارف

هاللحين كل المواضيع بالمضايف تسمح بالنقاش والسوالف
مع البنات الا بموضوع ديوانيتهن


مالقيت الا هالموضوع الممنوع تبي تدخلوه ؟




انا اقترح على الاداره انهم يعطوني يوزرك :)

[غالب]

خخخخخخخخخخخخخخخخخخخخخخخخخخخخ
تحقق الحلم
أبوعارف معه مخالفه
مدزدي شبيثان ههههههههههههههههههههههههههههههههههههه



واستلم سلامي

[ريال الفسحه]

8

تهقى انوه يستاهل ؟ :)

[صدىاجا]

ياجدي ابو ناب خلك مع الديان تمشي لحالك اترك عنك المهايط تبي تعاكس باسم البراءة ليش تر الشايب مهو مثل العجوز في الشرع ليس له عمر يعفيه من بعض القوانين وانتبه من كثر المخالفات

[نايف التومي]

ههههههههههههههههههههه



ياحلولات والله يابوعارف


اقول ابشر بالي ياخذ حقك >>>>>>عطوه انذار ثاني خخخخخخخخخ


الى تعال على ماقال ريال الفسحه انت وش وداك لمهم تخم بهالاقسام الي مناكثره وش الي وداك هونيك:) ههههههههههههههههههههههههههههه


واما من ناحيتي انا ارى ان يفتح قسم لشيبان المضايف ومعهم الجعيثن وشرهه والشبث وكثر من الاخوه لكي نقلبها فله على ماقالو الاتصالات هههههههههههه

تقبلو تحيتي

[ابو عارف]

اقول عيّن خير واترك عنك ديوانيه البنات وبعدين ترا لك
سوابق يوم كنت انا مشرف فتحنا شاتين زي كذا ورحت
يم شات البنات يعني ماهي غريبه على سموكم هلحركه :)


انا اقول بما انك شويب نفتح لك شات بقسم الارشيف
لك انت وابوطروق وغيركم من المخرفين :)



ابوعارف

هاللحين كل المواضيع بالمضايف تسمح بالنقاش والسوالف
مع البنات الا بموضوع ديوانيتهن


مالقيت الا هالموضوع الممنوع تبي تدخلوه ؟




انا اقترح على الاداره انهم يعطوني يوزرك :)
------------------------------
لا يخال العازه مالقيت إلا يوزري

وتوسد تحياتي

[ابو عارف]

خخخخخخخخخخخخخخخخخخخخخخخخخخخخ
تحقق الحلم
أبوعارف معه مخالفه
مدزدي شبيثان ههههههههههههههههههههههههههههههههههههه



واستلم سلامي
-----------------------------
لا يالشماتين ياشينين الحلايا ويش بلاكم على شايبكم.

إرحموا عزيز قوم ذل

لايكون تنافقون الشبث خايفين من المحط بمخالفات؟

[ابو عارف]

ياجدي ابو ناب خلك مع الديان تمشي لحالك اترك عنك المهايط تبي تعاكس باسم البراءة ليش تر الشايب مهو مثل العجوز في الشرع ليس له عمر يعفيه من بعض القوانين وانتبه من كثر المخالفات
-------------------------------
حتى أنتم با أهل أجا ضد الشيبان طيب أنا ويش سويت

هالحريم تخلونهن لحالهن من يقوم فيهن مدام ممنوعات من السواقه من يديهن السوق والبيت والمستشفى لابد من محرم شايب مافيه إلا ناب واحد.

الله مار يصلحكم وتلولسوا بتحياتي

[ابو عارف]

ههههههههههههههههههههه



ياحلولات والله يابوعارف


اقول ابشر بالي ياخذ حقك >>>>>>عطوه انذار ثاني خخخخخخخخخ


الى تعال على ماقال ريال الفسحه انت وش وداك لمهم تخم بهالاقسام الي مناكثره وش الي وداك هونيك:) ههههههههههههههههههههههههههههه


واما من ناحيتي انا ارى ان يفتح قسم لشيبان المضايف ومعهم الجعيثن وشرهه والشبث وكثر من الاخوه لكي نقلبها فله على ماقالو الاتصالات هههههههههههه

تقبلو تحيتي
--------------------------------
كلامك صح ولاتشرح ولاتجمع ولاتطرح.

شكراً لك يالتومي على المرور

[السنعوووسيه]

ياعمي وشبك هاتس:3ayyen_khair:


فاتحتن لك ديوانيه انت تبي تبلشنا مع الشبث والله ما نسلم:)


هههههههههههههههههه



تعال تقهو







عاطر ودي

[ابو عارف]

ياعمي وشبك هاتس:3ayyen_khair:


فاتحتن لك ديوانيه انت تبي تبلشنا مع الشبث والله ما نسلم:)


هههههههههههههههههه



تعال تقهو







عاطر ودي
-----------------------------
لاتقربين يمي يخالفونك ترينن يقولون عندي سوابق بشهادة ريال يوم هو مشرف الله لايعيد هكالسنة.


توسدي تحياتي وتقديري يالسنعوسيه وخذي معك مخالفه.

[فارس الصحراء]

والله يا ابو عارف اشوف ان القوانين لازم .. نطبقها واي واحد ..

يخالف القوانين ..

..



يستحق المخالفه ..

..

وانا باعتقادي المشرفين .. سوو الصحيح ..

لان صارت غالبية الردود معتمده على الشات بشكل لا يعقل ..

..

يعني اكثر الردود صارت باسلوب الشات ..

..

انا احيي المشرفين ..

..

واقولهم قدام ..

مع ان الضاري مغطني مخالفه ..

..


سويت زيك يا عمده ..

تلولس بتحيتي ليس بلحيتي

[ابو ضاري]

اسمع يابو عارف انت غالي عندنا واحترم وجهه نظرك يالعمده يالقائد

لكن حنا هنا لنرتقي بالمضايف وخاصه الفله

لماذا ذهبت الى التحذير ولم تذهب الى احترام القوانيين لو رجعنا الى القانون

الذي بالفله

لوجدتم ان الشات ممنوع منعا باتا .

وصراحه تعبنا مع الشباب وحنا نحذف من ردودهم والسبب الشات وقررنا ان

نكتب تحذير بخصوص موضوع الشات

رغم التحذير هنا الا ان هناك اعضاء لا يردون عى هذا التحذير وعلى فكره حذفنا

موضوع فتح امس للشات

ومغطناه مخالفه

حنا لا نهدد ولا نحذر اذا اتبعتوا قوانيين الفله .

وفتحنا ديوانيه لكم خاصه دون دخول البنات لكم وسولفوا على كيفكم وهذه من

الحلول التي تقضي ان شاء

الله الشات

وفتحنا مجلس للبنات دون دخولكم والكثير قال خطوه ممتازه خاصه مجلس

البنات رغم هذا لا يوجد احترام

للقوانيين

الفله ليس ملك ابو ماجد او ابو ضاري الفله للجميع لكن يجب احترام قوانينها قبل

كل شي

ابو عارف حنا هنا جميعا للمضايف اولا ثم للفله

اخيرا احترم رائك يالعمده

[عبسي]

أبو عارف يا بعد راسي يالعمده ..

من وجهة نظري المفروض لك أستثناء وليه انت عمدتنا !!

أما المخالفه والله ليته بي ولا بك يا ابو عارف ..

الظاري والشبث لازم تعطون العمده استثناء ولا بلاش من الفله >>> أبو عارف وش رايك بولاء الاعضاء لعمدتهم هههه










ومضه // الإداره أتمنى أنكم تعطون عمدتنا أستثناء لعدة عوااامل واهمها انه شايبنا وعمدتنا وكنج الفله ..




ومضتن أخرى /// ابو عارف أنت اشر وماعندي إلا قدام يالغالي ..

[ليلى بنت عبدالعزيز]

الشبث و الضاري

ترى عمووو ابوعارف عم الجميع وخلوه على راحته

رجال شايب ولاتضيقون صدره

///

عمووو القانون فوق الجميع وخل الزعل

[الشبث]

وتوجهاتهما المدمرة لفلة الحجاج الغوها أفضل لكم من معاملة زواركم بهذه الطريقة.


اعتقد يابو عارف اي شخص يكون موجود بمكاني ولا بمكان اخوي ابو ضاري

راح يبحث عن اي شي يكون مفيد للفله

واعتقد تكلمنا بالردود اللي ماله داعي والشات والحجز


واكثر ناس يتابعون هالردود انا وابو ضاري


ولا غيرنا من الاعضاء مهو هامهم



احنا فتحنا موضوع للشات والسوالف

وفضلنا ما نخلط البنات مع الشباب



واعتقد


مافيه احد من الشباب يرفض هالاسلوب


ولا فيه احد من البنات يرفض هالاسلوب







ولا حنا دكتاتوريين ولا شي


اذا تبي تسولف مع بنات يابو عارف كل مواضيع الفله مفتوحه


ماعدا هالموضوع لا تقرب له






وكنت انتظر منك انت بالذات المساعده في تطبيق القوانين



لكن وصلت المواصيل الا هالدرجه



اعتقد نطبق القانون احسن



وصدقني لو رد اي شخص ثاني راح ياخذ مخالفه


واذا كررها راح ياخذ باند نهائي مني انا


لانه ما احترمني


فليش انتظر يحترمني اطبق القانون وخلاص


















الموضوع هذا مفتوح لوقت محدود من لديه وجهة نظر ياليت يبينها





وتقلدوا تحيتي

[أحمد]

ابوعارف


انت بحكم عمرك المفروض انك القدوه لنا


ولو سويت خطاء فهو خطاء من شخص محسوب


غيرك من بعض الاعضاء مجهولين الهوية خطاهم ماله معنى عندنا ...



انا اتكلم معك بصفتي ابن من ابنائك واتمنى انك ماتزعل مني



وتري مكاسي لك ياخالي

[شرهه]

انا اشوف انن ماله داعي التفرقه

ليه ماخليتونا بديوانيتن وحده




وهذي اسمه فلة حجاج وما حنا داخلينه علشان نتخانق





ووالله يستر بس من هالديوانيات

شكلي ابولي والسبب هن




طيب انا وابو ناب عطونا استثناء




طيب انا ابسولف مع العيال وتحمست معهم



وش اسوووووووووووووووووووي؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟








انا مع وجهة نظر ابو نااااااااااااب و بشده





مع احترامي لاخواني الشبث و الضاري ولا ننكر المجهود اللي يقومون به للارتقاء بالفله الله يجزاهم خير


مع الف تحيييييييييييييييييييييييييه

[ريال الفسحه]

8

عذرا على العوده ..


ياشرهه انتي وغيرك من بعض الاخوان الجدد ماكنتم
موجودين خلال التشات السابق واللي قبله وحتى
التشات على وقت اخونا المطنوخ


كان اغلبها ان لم تكن كلها تنقلب الى مغازل :)

فهمتي :)


راح تقولون راقبوها مثل ماتراقبون غيرها اقول مايخالف
بس اذا عندنا بالفله عشري عضو يكتبون بالتشات مثلا
وكل واحد باليوم يقط لوه ردين او ثلاث وبعضهم اكثر بكثير
يعني الضاري يوم يجي بعد يوم دوام كامل هو والا الشبث
يلقى خمس مواضيع بالفله كل موضوع مثلا به عشر ردود
متى يقراهن ؟

متى يرد متى يثبت متى ... الخ


وتبينه يراجع ثمانين رد والا ستين رد ؟؟




انا اتكلم من باب الانصاف للاخوان الشبث
والضاري وذلك من خلال تجربه سابقه ..


ان كنتم متفهمين للوضع فخير وبركه وان
ماتفهمتوا الله يعين الشبث والضاري :)




سي يو



:)




:)

[النشبه]

ياشباب ترا الوضع فلاوي انا مع جدي ابو عارف شوفوا الدول الثانية البنات مع الشباب

لاني اكلن البنت بس بشرط الالتزام بالاخلاق و القيم





تقبل مروووووووووووووووووووووووري

[ملامح شمري]

احنا فتحنا موضوع للشات والسوالف

وفضلنا ما نخلط البنات مع الشباب

اذا تبي تسولف مع بنات يابو عارف كل مواضيع الفله مفتوحه

ماعدا هالموضوع لا تقرب له



الموضوع هذا مفتوح لوقت محدود من لديه وجهة نظر ياليت يبينها




اخوي ابو ماجد ..

انا لي وجهة نظر ولا هيب شرط تكون صواب , لكن تبقى هي شوفتي
للوضع ..

دام انك فضلت مع اخونا ابو ضاري ما يكون فيه اختلاط بالتشات ..

فكرة فتح موضوع تشات لـ الشباب بس و بالفلة زينة , لكن تشات للبنات لحالهن
مالها داعي ..

ليه ..؟

لان لهن قسم خاص فيهن بالاسري -كلام نواعم - فكرته نفس فكرة موضوع تشات
البنات بالفلة ...
و وجود التشات الخاص فيهن بالفلة بيأثر على تفاعلهن بذاك القسم ..

يعني يبغن يسولفن لحالهن , يرحن هناك ولا احد - من الشباب و الشيبان - يقدر يدخله

و بتفتك من زعل فلان وعلان اذا دخل موضوع التشات حقهن هنا وصكيته مخالفة
و من وجع الراس و متابعته ..

عكس الشباب مالهم مكان خاص فيهم وموضوع التشات حقهم هنا فكرته اكثر من
زينة ..

[الشبث]

تعقيباً على رد اخوي الحبيب والغالي ملامح





اخوي ملامح


وجهة نظرك ممتازه وطيبه



لكن



الهدف من وضع تشات هو ابعاد الردود التشاتيه عن المواضيع الفلاويه حتى لا تخرب الموضوع على صاحبه





والهدف من عزل البنات عن الشباب حتى لا يحدث كلام لا نرغب فيه جميعاً


انا اعرف اخلاق فلان وفلان وفلان


لكن لا اعرف اخلاق الجميع



وانا مؤتمن على اخواتي اللي هنا مع اخوي الضاري




ولو حطيت التشات اللي هنا بس للشباب هذا يعني اني همشت البنات وطردتهن من الفله

ومستحيل اطرد احد من الفله وهو ما اخطاء






على العموم انا منتظر بس حتى اشوف وجهة نظر كم شخص



وبعد كذا ممكن نلغي فكرة التشات ونلجاء لفكرة اعطاء المخالفات للردود التشاتيه




وتقلد تحيتي

[ابو ضاري]

لان لهن قسم خاص فيهن بالاسري -كلام نواعم - فكرته نفس فكرة موضوع تشات
البنات بالفلة ...
و وجود التشات الخاص فيهن بالفلة بيأثر على تفاعلهن بذاك القسم ..



اخوي ملامح وجه نظرك احترمها

لكن انا اعتقد شات الفله افضل وتفاعل كبير لهن اكثر من كلام نواعم اللي بالاسري

ياشباب اذا كان هن متفقات ومتحمسات وكلهن موافقات فلهن الحق ان لهن مجلس خاص

انا ابي اعرف ليه يبون يدخلون معهن

عندكم المواضيع اللي بالفله من خواتنا ردوا عليهن محد مانعكم