أبوي أقوى من أبوك [الأرشيف]

حيل حليل

08-07-2009, 06:09

لاقلت لك خلني تكفى تخليني _______ النفس ضاقت وتعرف من مضيقها

ان تعتقد انك مهم فهذه مشكله
وان تعتقد ان العالم ضاربة لك حساب فتلك مصيبه
وان تعتقد ان الدنيا واقفة عليك فهذي والله المطمه:)

ترى ماحد طق لك خبر الا اميمتك
مهو حبا بك يالدبشه
لكن مستخسره هالتسع شهور تروح على الفاضي:315r:

أنا المواطن الشاب احمد الشمري
من مواليد مدينة الظهران عام 1983م
عشت في مجتمع يحكمه الدين ثم العادات والتقاليد
لدي العديد من الايجابيات والكثير الكثير من السلبيات في شخصيتي
مثلي مثل اي شخص منكم
يعني بالمشرمح لافيني لازود ولا نقص عن اي واحد في هالمنتدى

ابوي الله يطول بعمره كان دائما يقول ماينقص من قدر الرجال الا الناقص
فمن هالمنطلق هيا بنا نطهبل:)

يحق للشخص منا ان يفخر بأبوه واهله وقبيلته
لكن هذا مايعطيه الحق ان ينقص من قدر الاخرين
فكل قبيله او عائله تجد فيها الصالح والطالح
فالقبيله او العائله مثل البيت
تجد فيه مجلس رجال وتجد فيه دورة مياه وانتم بكراامه

بصراحه شي يحز بالخاطر هالعنصريه الحاصله في مجتمعنا السعودي
هذا اصل وهذا صلبــي هذا ابيض وهذا عبــد
هذا طرش وهذا لحجي
هذا عراقي وهذا سوري
طيب وش دخلك فيه لا انت مزوجه اختك ولا انت ماشي معه
ليش تنقص من قدره
وعلى فكره ترى اللحجـي والطرش والعبــد على قولتك ابوهم ادم وامهم حواء
وبيتحاسبون يوم القيامه مثلهم مثلك
والرسول صلى الله عليه وسلم يقول ( لافرق بين عربي واعجمي الا بالتقوى)
هذا قول الرسول اللي اشرف مني ومنك

انا اتوقع اننا من اكثر الشعوب عنصريه في هالكون
فالبدايه تكون انا مسلم
ثم انا عربي
ثم انا خليجي
ثم انا سعودي
ثم انا قبيلي
ثم انا شمالي
ثم انا شمري
وعاد عقبه هاتك ياهيط
حنا الشيوخ وانتم ماعندك احد
ياملعون الرقبه اذا انا ولد عمك ومن لحمك ودمك تسوي فيني كذا اجل كيف مع الغريب

وترى راح زمان درقن درقن:)
وزمان الشيخ فلان والشيخ علان
وقصص الف ليله وليله
ولا في واحد بكامل عقله يصدق ان فارس ذبح عشرين رجال بضربه وحده
والله لو انه جونكر:)
والمشكله يجيك الهطف ولده ويقول جدي فلان سوى كذا وكذا
ترى ملعوب عليك انت وخشتك
جدك اللي انت كاشخا بوه ومخليه البطل المغوار
كان ينجش البهم من ضلع لضلع
والله لو اهد عليه بساكتون ان مايرده الا ساموده

وعلى فكره بهالزمن كلا شيخا على نفسه
والرجل على قولتهم ماتطلعه الا يمناه

كلنا نفخر بشيبانا وعيال عمنا وشيوخنا وقبيلتنا
ولايمكن يجي يوم من الايام ان ننقص من قدرهم
لكن اظل اقول هذا مايعطينا الحق الاستهزاء او التنقيص من اي شخص اخر

كتبت هالموضوع ويشهد الله اني لم اقصد شخص بعينه
لكن كتبته من باب ذكر فأن الذكرى تنفع المؤمنين

اذا كان في موضوعي اسائه لأي شخص
ارجوا من شبيثان لبس جوتيه اللزاق وبووووووووووز للمحذوفات:)

ريتاج

08-07-2009, 06:16

رووووووووووووووووووووووووووووعــــــــــ ـــــــه << تبتسي<< وش يبتتسيتس

والله يا اخوي اقسم بالله اسلوووبك بالكتاابه رووووووووووووووووووووعه ..

اول مرره اشوووف كذا وموضووع احلى من الثااني ..

يااحيي ابي اصير زيك << رااحت تحذف مووضووعه ههههههههههه

اخوي ابو حوله عندك اسلوووب كنز ومستغله بوجهه صحيحه

وخلك على خبري لا تغير اسلوووبك ...

وانا من اشد المعجبين بأسلوووبك ...

بجد اسلووب رااقي يجمع بين المزح والنصح ...وناادر ماانلقى شبااب زيك

الله يصلحهم ياارب ...

الله يخليك لعين ترجيك يااخووي..

مووضووووووووووع راااااااااااااااااااااائع واكثر من راااااااااااااائع

شيييييييييييييييع

روح حايل

08-07-2009, 06:17

11111111111111111

ريتاج

08-07-2009, 06:18

8
8
8
سبقتتس هع هع

روح حايل

08-07-2009, 06:20

رتيج تعوذي من ابليس شنوحكم علي كل ماكتبت نمبر ون فشلتونن :(

ياحليل الله الله على الجد والجد الله الله عليه

وزغروده للعريس :)

لا الصدز كل ابو كلامك ميه ميه خاصه هاللي مالهم الا النذخ ولا وظيفه

ولا شي ويقول ابوي فلان ولا ولد شيوخ :)

اقول انزلع انت وخشتك مار لو يدري بك ابوك انك بتقعد كذا توطاك وانت بطن امك :)

وزغروده ثانيه للعروسه :)

لاهنت والله موضوع قيم يستاهل

انه يروح لسلة المحذوفات ههههههههههههههههههههههه

امزح :)

عبدالله الجعيثن

08-07-2009, 07:50

حليل

ياخي اعترف

قل اقصد فلان............

لا ... امزح!!!

بس اسلوب روووعه

تخبر اكالسنه بالمذرا....ابوي طرح ابوك يوم يتشابطون وسفّاح كان الحكم

يعني ابوي اقوى من ابوك...

شرهه

08-07-2009, 08:10

واااا ويلي اللي وااااالن

ليه كذا ياحليل ليه يالنذل

قرأت ماخلف السطور

و دريت وشو قصدك يالأشهب^_^

ليه ماقلت أقصد بها الهرج عبدالله الجعيثن لإن ابوه طقع ابوك
اكا السنه وغاثك وذالن منه لاتواجهه تذل هو بعد يطقعك خخ^_^

حلحول

حلاحيلو

شهادتي فيك مجروحه

وكلامك عين العئل خيو

عمرك 26 توك جذعن ع أولك و هذا هرجك >>تبارك الرحمن الله يستر عليك

عز الله

تبي تبيض وجيهنا

‏ ‏
ياصرت انا وياك بالبرلمان ^_^>مانست السالفه

مع ألف تحيه
‏ ‏

عبدالله الجعيثن

08-07-2009, 08:14

^
^

وين 26 سنه...

هذا تنيني...ان كان مهو اصغر مني بشهرين او ثلاثه..

شرهه

08-07-2009, 08:47

‏^‏
‏^‏

بالله

ايا التسذوب ياحليلوه

ايا النذوخ

ايا المروح

يتشبب و يبي يسوي نفسه وغد على اوله بالغصب

تهولت قلت كل هالعقل وتنيني >>طايحتن من عين روحه

عبدالله الجعيثن

08-07-2009, 12:10

تسذوووووب

يوم موتت الملك فيصل

انا وحليل والغسلان وابو عارف...مجتمعين نلعب بلوت...

وكان عندي 400...وأعلنوا الخبر وهو يصيح الغسلان...كاشوا

ســـعود

08-07-2009, 13:09

ابو حميييييد كان كاتب وزنك وطولك بعد ايا بعد عيوني ها العيون

شف كلامك كله صحيح والي ما يحترمك لا تحترمه

حيل حليل تحياتي لك يا صديقي

صعوة فسفورية

08-07-2009, 13:13

اسلوب ولا اروع

ينصر دينك

هههههه

طهبل ياعم من قدك خخخخخ

موضوع بالصماميم

ثانكس ..

أهداااب

08-07-2009, 13:27

الزمن هذا زمن معك قرش تسوى قرش :7ayyoh:

أما زمن المهايط بأبوي و جدي راح

كيف و أنا من يومين حاضره عرس واحد من الجماعة ماخذ له حضريه خاله :315r:

قال يبون تحسين أنتاج

أمحق أنتاج :315r:

إلا عشان قريشاتها إلا بالبنك :315r:

و كل خبري عيال القبايل و الشيوخ ما يناسبوا إلا القبايل

الله يسامحك يا فلان و لد فلانه :315r:

حيل حليل

والله لما أدخل الفله و أنا مو من روادها بكثرة

و أشوف معرف حيل حليل

أعرف أن ورا هالحوله فكر ناضج و قلم مبدع :315r:

صح لسانك

عبدالله الجعيثن

08-07-2009, 13:29

^
^

وتريه....مقرقش...!!!!

ماتخبرين له حضريّه خاله:315r:

أهداااب

08-07-2009, 13:32

8

وش قالوا لك

خطابة

شنقل

08-07-2009, 13:34

يخي دقرت عندك

ســـعود

08-07-2009, 13:40

^
^
^
شلون يبي يحسن الانتاج وياخذ لوه خاله

عزالله ما حولوه انتاج زين ما حولوه الا الصنان :)

عبدالله الجعيثن

08-07-2009, 13:41

^
^

وش معرفك...انت وصوابرك

ســـعود

08-07-2009, 13:44

^
^
^
علمن ومنكم نستفيد

واحد شقردي

08-07-2009, 13:51

حيل حليل

غريبه مواضيعك من تعالي ؟؟؟؟؟؟

الله يعطيك الف عااااااااااافيه يا غالي

شي هات بوسه

الراوية المخضرم

08-07-2009, 14:00

شـكــ وبارك الله فيك ـــرا لك ... لك مني أجمل تحية .
ياحليل موضوعك ياحليل وانا معك زمن الافعال راح الزمن اللي اذاقال الواحد يفعل مهو زمان اليوم انا جدي وانا ابوي وتلقى ابوه وجده ما عندك احد
لا اللي ابوه وجده لهم فعل مهو هو اللي يتكلم تلقى الناس هم اللي يتكلمون عنهم

والناس اليوم يوم امتلة بطونهم وانعمو كلن يتكلم على كيفه

شرهوه عضي بصله واسكتي اوجعن راسي من كثر كلامك

ولك خالص التحيه ياحليل

عبدالله الجعيثن

08-07-2009, 14:08

^
^
اصم الله على قلبك...وينهي شرهه...هو انت تحلم به!!!

بصري...ليا صرنا لحالنا....فيه مراهقين!!!

شنقل

08-07-2009, 14:13

اشم ريح كفرات

عبدالله الجعيثن

08-07-2009, 14:16

^
^
بريك...ددسن الشبث....على صلجة صلعان

يـــوسف

08-07-2009, 14:43

اويلي ياصلجة صلعان ياحلو ريحه وياحلوه خاصتن الظهريات دمار شامل :)

أبو حميد ياحيل حليل ياحويلان لبى والله هالفكــر ياراغي [ ياراقي ] :(

وربك يعين بس صعبه تقول لواحد بوسط مجلس دن هنا متى صار جدك يغزي وهو راعي :)

لاهنت ياحويلان على هيك طرح .. على الطاري تطارح :)

الشبث

08-07-2009, 14:51

حلحووولي

ابلبس الزربووول

وابمحطك ش**** مع شاكلتك

ياشين ابداع منقطع النظير

وتبيني اشوتوه للمحذوفات

اعتبر معك مخالفه

وابي اشوت اللي يقرب للموضوع

لاهنت يالذيب

امتاع لحد الفقده

وتقلد تحيتي

ليلى بنت عبدالعزيز

08-07-2009, 15:04

ابوي احسن واحد
ابوي احسن من كل ابوكم كلكم ياال فله
ماسمعتوا الي قال (كل فتاة بابيها معجبه :)) جعله بالجنه
حماده اذا تعب من مدح ابوه وعمامه وقبيلته قال خوالي شمر كبار الصحون وساع الطعون

حوحو >> ابي القى لاسمك دلع مااااصلح معي:qannaj:
ليه الدلع اسمك يكفي أحمد بيه:)
لاهنت ياملك الفله

%%ذيب شمر%%

08-07-2009, 16:53

مبدع يامعشي الذيب

بس طرووووووووووووووووووش البحر اسمحلي

هذولا دشيييييييييييييييييييييييييييييييير ومافيهم ذرة تقووى

سكتنا عن سروال طيحني

وجا سروال سامحني يابابا

وش ذا

ماهذا

ولا العبيييييييييييد

ادشر منهم ماخلق ربي

خلها على اللله بس

يااازين الشمامره بس

أحمد

08-07-2009, 18:28

انا بعد احمد الشمري

من مواليد 1979م للاسف

ياخي حسبي الله على عدوكم انا اول ماتعرفت على ماجد قلت شكلوه دبل عمري وطلعت انا اكبر منوه وهالحين انت

والله بديت احس اني شايب صدز

العشير معك قلباً وقالباً

وياجاك الواحد يقول اللي مالوه اول ترا مالوه تالي حاول تاخذ اكبر كمية هواء في الشهيق عشان تطلع الضحكه من قلب

هالحين لو تهد على لك موضفين بالبنك بسلاح وتسرق كل اللي بالبنك وتذبحلك ثنين منهم قالو الناس هذا مجرم ولايشرفنا

طيب يوم انتم مزعجيننا بشيباننا ليه هم الفاعلين التاركين وانا مجرم وانا ماسويت اكثر من سواياهم

موضوع ابداع ومايجيبوه الا المبدعين والليله يمكني انكس يم الموضوع لانوه قمه بس ياعجنتهن علمن خخخخخخخخ

تخبر يالعشير ليلة خميس

تري مكاسيااااااااااات من هنا الى مانشستر

ريال الفسحه

08-07-2009, 23:15

اما جدوه طلع كمخه هههههههههههههههههههههههههههههههههه

موضوعك هذا من المواضيع القليله اللتي اقراها مرتين
من حلوه :)

والله انك كاتب ساخر طراز اول فذ

استمر وتكفى

ترا تكفى تهز الرجاجيل

كثر لنا من هالمواضيع

سلام

ابو ضاري

08-07-2009, 23:21

لاهنت ياحيل حليل على الموضوع

بس الشيبان اللي يمذرحون وقت القوايل

فهد الجنيدي

08-07-2009, 23:41

حليل لا فض أنفك
قصدي عيونك............... قصدي فوك

و الله أنك كاتب مميز و خصوصا عيونك
ألي على شكلهن هذا ودي
أبوسك

شكرا حليل
دايمن اقول انت أعز اصدقاي اللة

غالب

10-07-2009, 04:24

إيه ياابن الحلال
بس تساني التزمت بهالكلام
محدن يبي يسوي نفسي
قليل يبي يقنع بهالكلام
مااش حنا شعب محجر :)

واستلم سلامي

رفحاويه كفوووو

10-07-2009, 05:06

فالقبيله او العائله مثل البيت
تجد فيه مجلس رجال وتجد فيه دورة مياه وانتم بكراامه

كلامك رووووعه يالحووول

تذكرت سالفه
مره تهاوشت انا وصلبيه
فزعن معي الشمريات الي بالمدرسه

وتكفيييييييييييييخ وتكفييييييييييييييييييييييييييخ وتكفيييييييييييييييييييييييييييييييييييي ييييييخ

بس هي الغلطانه

تخيل وش قالتلي

تخيل

تخيل

تخيل

قالتلي اقلبي وجهس للعراااق يالعراااقييين وانزلعو عن السعوديه

وشرااايك بالله والي مشيبن براااسك انها يعننني اصل وسعووديه

الله يسااامحها

يخااطبني السفيه بكل قبح ....واسف ان اكون له مجيبا
يزيد سفاهة وازيد حلما..كعود زاده الاحراق طيبا

تسلم اخووووووي

ابو راكــــــــان

10-07-2009, 08:09

حليل موضوعك جيد وحساس

نعم لا ينقص الرجل من حقــــه الا اذا كان ناقص
في اين كان
فمن هالمنطلق هيا بنا نطهبل:)

*لا يحق له ان ينقص من حق الاخرين لاننا سواسيه
عند الخالق والخير منا خير بعمله

*كل قبيله تجد فيها الصالح
والطالح والبيت ايضن

*واما عن العنصريه فهي من اسلوب
الجاهليه ولا تميز متفوهها

*وكما ذكر اخوي حليل بما انك لا تناسبه
فما هو الشي الذي ازعجك كي تتفوه بهذه الكلمات
القذره

*على فكره كل ماذكره هذا الشخص من اجل التنقيص
في اخيه المسلم ليسى تنقيص
من حق الشخص الثاني..لا بل تنقيص لمكانت المتحدث

*نعم نحن في السعوديه اكثر الشعوب عنصريه
وبعثها فينا قوم وذهبـــــوا وباتت فينا
فانزعها بدين نبيك محمد عليه افضل الصلاه والتسليم

هلآ الآسلميهـ

10-07-2009, 23:50

<<< مرت من هنا ...

حيل انت كذا ..>>> فيس رافع ابهامه يعني cooooooooooool

الله لايهينك ويجزاك خير.... فعلاً هذي مشكله متفشيه في مجتمعنا .. بس الله يعين ويفرجها

ايبالله ... وبس

حيل حليل

11-07-2009, 19:00

رووووووووووووووووووووووووووووعــــــــــ ـــــــه << تبتسي<< وش يبتتسيتس

والله يا اخوي اقسم بالله اسلوووبك بالكتاابه رووووووووووووووووووووعه ..

الاروع تواجدك طال عمرك

اول مرره اشوووف كذا وموضووع احلى من الثااني ..

شهاده اعتز به يالشيخه

يااحيي ابي اصير زيك << رااحت تحذف مووضووعه ههههههههههه

هههههههههههههههههههههههه
لاتجلسين تريشين بي ترن اطير بالعجه

اخوي ابو حوله عندك اسلوووب كنز ومستغله بوجهه صحيحه

وخلك على خبري لا تغير اسلوووبك ...

ان شاء الله

وانا من اشد المعجبين بأسلوووبك ...
لي الشرف ياوخيتي

بجد اسلووب رااقي يجمع بين المزح والنصح ...وناادر ماانلقى شبااب زيك

الله يسلمتس

الله يصلحهم ياارب ...
امين

الله يخليك لعين ترجيك يااخووي..
الله يجزاتس خير

مووضووووووووووع راااااااااااااااااااااائع واكثر من راااااااااااااائع

الاروع تواجدك يالشيخه

شيييييييييييييييع

الا وش صار على اختبارك؟
عساك بدعتي
شوف عيني انواع التفحيط بالورقه
على العموم
عسى الله يوفقك وتبئي بش مهندسه ئد الدنيا

لاهنتي يالشيخه على المرور

حيل حليل

11-07-2009, 19:06

رتيج تعوذي من ابليس شنوحكم علي كل ماكتبت نمبر ون فشلتونن :(

هههههههههههههههههههههههههههههه
انتي الخير والبركه يام عبيد

ياحليل الله الله على الجد والجد الله الله عليه

وزغروده للعريس :)

كللووووووووليش:)
وعليك سعيد

لا الصدز كل ابو كلامك ميه ميه خاصه هاللي مالهم الا النذخ ولا وظيفه
ايه تلقينه باز بعمره وهو ماعندك احد

ولا شي ويقول ابوي فلان ولا ولد شيوخ :)
كلن شيخ على نفسه وانا اخوتس

اقول انزلع انت وخشتك مار لو يدري بك ابوك انك بتقعد كذا توطاك وانت بطن امك :)
ههههههههههههههههههههه
انا اشهد

وزغروده ثانيه للعروسه :)
كللوووووووووليش:)

لاهنت والله موضوع قيم يستاهل

انه يروح لسلة المحذوفات ههههههههههههههههههههههه

ههههههههههههههههههههههههههههه
عيني من الله خير يامره

امزح :)

لاهنتي يالشيخه على المرور
الف شكر لك

حيل حليل

11-07-2009, 19:09

حليل

سم ياجدي:)

ياخي اعترف

قل اقصد فلان............
هاه
تبي تنكبنا شكلك:)

لا ... امزح!!!

بس اسلوب روووعه
الاروع تواجدك يالعزوووووه

تخبر اكالسنه بالمذرا....ابوي طرح ابوك يوم يتشابطون وسفّاح كان الحكم

من هو بحتسيه
عطن مصادرك الله يحييك:)

يعني ابوي اقوى من ابوك...

من يقوله
خلنا نجمعهم ونخليهم يتطارحون
وعقبه نحكم:)

لاهنت ياجدي خوالك على المرور
الف شكر لك

حيل حليل

11-07-2009, 19:18

واااا ويلي اللي وااااالن

ليه كذا ياحليل ليه يالنذل

ليه وش انا مسوي:)

قرأت ماخلف السطور

و دريت وشو قصدك يالأشهب^_^

هههههههههههههههههههههههههههههههههههههههه هه
هيه لاتفسرين على كيفك وتجيبين بي العيد
تراني ما اقصد احد
<< بلع العافيه:)

ليه ماقلت أقصد بها الهرج عبدالله الجعيثن لإن ابوه طقع ابوك
اكا السنه وغاثك وذالن منه لاتواجهه تذل هو بعد يطقعك خخ^_^

هههههههههههههههههههههههههههه
مااقوى له
والله ان يتوطى ببطني هالمعفي:)

حلحول

حلاحيلو
والله لو اني قطو ماسميتيني هالاسم:)

شهادتي فيك مجروحه
الله يسلمتس

وكلامك عين العئل خيو

يسلمو بنت عمي
وينوه ياللي يتحدى هيدي الحاره من ئده:)

عمرك 26 توك جذعن ع أولك و هذا هرجك >>تبارك الرحمن الله يستر عليك

توي جذع:)

عز الله

تبي تبيض وجيهنا

‏ ‏
ياصرت انا وياك بالبرلمان ^_^>مانست السالفه

هههههههههههههههههههههههههههههههههه
ولمي نبيطتس
نبي نلعن جدفهم هالكيفران
نبي حيل نصير معارضين
اكا اللي كل مايقولون شي نرفع يدينا ونحتج
كان وافقوا زين على زين
وان ماوافقوا نطلع رضمنا وبالجبهه:)

مع ألف تحيه
‏ ‏

الله يحييك ويطول بعمرك

الف شكر يالشيخه على المرور

حيل حليل

11-07-2009, 19:30

^
^

وين 26 سنه...

هذا تنيني...ان كان مهو اصغر مني بشهرين او ثلاثه..

هههههههههههههههههههههههههههههههههههههههه ههههههههه
ههههههههههههههههههههههههههههه
منهو بحتسيوه هالقول:)

على ذمة ابوي انك بتمايمي كنت محيي امسيه
بمناسبة قدومي للحياه:)

حيل حليل

11-07-2009, 19:35

‏^‏
‏^‏

بالله

ايا التسذوب ياحليلوه

المخرج عاوز كده:)

ايا النذوخ

وش نعمل يالشهباا
خلينا ننذخ غدي الله يفرجه

ايا المروح
هاه:)

يتشبب و يبي يسوي نفسه وغد على اوله بالغصب

يابنت الحلال عبدالله حاقد علي اني ازين منوه
هاللي اودعه يطلق علي هالاشاعات المغرضه

تهولت قلت كل هالعقل وتنيني >>طايحتن من عين روحه

هههههههههههههههههههههههههههههههههههههههه هه
اثريتس كبر الارض يالشهبا
وانا احسبتس الى الحين ماتغشين:)

حيل حليل

11-07-2009, 19:38

تسذوووووب

يوم موتت الملك فيصل

انا وحليل والغسلان وابو عارف...مجتمعين نلعب بلوت...

وكان عندي 400...وأعلنوا الخبر وهو يصيح الغسلان...كاشوا

هههههههههههههههههههههههههههههههههههههه
اثرينا مبطين بهالحياه
وانا احسب اني توي جذع
ياسررع الايام:)

حيل حليل

11-07-2009, 20:01

ابو حميييييد كان كاتب وزنك وطولك بعد ايا بعد عيوني ها العيون
فديتك يافرة من مشى هالفره:)

شف كلامك كله صحيح والي ما يحترمك لا تحترمه
عز الله انك صادز

حيل حليل تحياتي لك يا صديقي

يابن الحلال والله ناس موليه
لكن يالله مشي حالك

لاهنت يالعزوه على المرور
الف شكر لك

حيل حليل

11-07-2009, 20:25

اسلوب ولا اروع

الاروع تواجدك طال عمرك:)

ينصر دينك

هههههه

طهبل ياعم من قدك خخخخخ
هههههههههههههههههههههههههههه
يابنت الحلال خلينا نطهبل لياما الله يفرجه

موضوع بالصماميم
هذا من ذوقك طال عمرك

ثانكس ..
ويلكوم يالشيخه
الف شكر على المرور

حيل حليل

11-07-2009, 20:35

الزمن هذا زمن معك قرش تسوى قرش :7ayyoh:

عز الله انك صادقه:)

أما زمن المهايط بأبوي و جدي راح

منذو مبطي

كيف و أنا من يومين حاضره عرس واحد من الجماعة ماخذ له حضريه خاله :315r:

قال يبون تحسين أنتاج

شكله يقدر اللون البرونزي:)

أمحق أنتاج :315r:

هههههههههههههههههههه

إلا عشان قريشاتها إلا بالبنك :315r:

بئى تسذا
اثاريه داخل على طمع:)

و كل خبري عيال القبايل و الشيوخ ما يناسبوا إلا القبايل

الله يسامحك يا فلان و لد فلانه :315r:

ولد فلانه الحين من قده
مايصيف الا بالمالديف من الفسقه:)

حيل حليل

سمي يالشيخه

والله لما أدخل الفله و أنا مو من روادها بكثرة

و أشوف معرف حيل حليل

أعرف أن ورا هالحوله فكر ناضج و قلم مبدع :315r:

والله شهاده اعتزبه طال عمرك

صح لسانك

صح بدنك

صب قهوه لأهداب ياورع:)

لاهنتي يالشيخه على المرور
الف شكر لك

حيل حليل

13-07-2009, 02:02

يخي دقرت عندك

ابك انا مخرخر معك منذو مبطي لكن انت معطينن خامس:)

الا وش صار على السمي
الى الحين ممسكه معه على ميكانيكا:)

مرورك يشرفن يالعزوه
الف شكر لك

حيل حليل

13-07-2009, 02:07

^
^
^
شلون يبي يحسن الانتاج وياخذ لوه خاله

عزالله ما حولوه انتاج زين ما حولوه الا الصنان :)

لأ يافلان انفضه من شليلك طالبك:)

البرونزي وما ادراك مالبرونزي
انشد ابو غازي وهو يعلمك:)

حيل حليل

13-07-2009, 02:09

^
^

وش معرفك...انت وصوابرك

اللي يدري يدري
والي مايدري ينام بدري:)

ابو غازي
ثقفهم ترهم مايدرون

حيل حليل

13-07-2009, 02:10

^
^
^
علمن ومنكم نستفيد

انا اعلمك بس خلن اتفرغ لك
ان ماخليتك تقول
اثريني ضايع طول هالسنين ماكون احمد:)

حيل حليل

13-07-2009, 02:14

حيل حليل

سم ياجدي انت

غريبه مواضيعك من تعالي ؟؟؟؟؟؟

ياخوي مدري وش جاني من تالي
المزاج عندي يطلب طلبات غريبه:)
خلن بس اتكايف هاليومين وتشوف اللي يعجبك ياخلفهم

الله يعطيك الف عااااااااااافيه يا غالي

الله يعافيك يالذيب

شي هات بوسه

اصبر ابقرب لك غاربي:)

لاهنت ياجدي خوالك على المرور
الف شكر لك

حيل حليل

13-07-2009, 02:20

شـكــ وبارك الله فيك ـــرا لك ... لك مني أجمل تحية .

الله يجزاك خير ياجدي:)
ياحليل موضوعك ياحليل وانا معك زمن الافعال راح الزمن اللي اذاقال الواحد يفعل مهو زمان اليوم انا جدي وانا ابوي وتلقى ابوه وجده ما عندك احد
ناس موليه يالعشير:)
لا اللي ابوه وجده لهم فعل مهو هو اللي يتكلم تلقى الناس هم اللي يتكلمون عنهم

عز الله انك جبته:thumb:

والناس اليوم يوم امتلة بطونهم وانعمو كلن يتكلم على كيفه

اي عز الله

شرهوه عضي بصله واسكتي اوجعن راسي من كثر كلامك

ولك خالص التحيه ياحليل

ولك خالص التقدير يالعزوه
الف شكر على المرور
شرفتنا يابش مهندس

حيل حليل

13-07-2009, 02:22

^
^
اصم الله على قلبك...وينهي شرهه...هو انت تحلم به!!!

بصري...ليا صرنا لحالنا....فيه مراهقين!!!

ماتبون لكم ثالث

ابو غازي تراني ناوي اعف نفسي
ثقفن قبل لايطيح الفاس بالراس:)

حيل حليل

13-07-2009, 02:25

اشم ريح كفرات

بعذر قلبك الزقرت قام لهم عطبه بهذا
اللي على تايرين واللي كاب زيت محروق وانواع التخميس
واللي متكي على الرصيف ياكل فصفص

حيل حليل

13-07-2009, 02:29

اويلي ياصلجة صلعان ياحلو ريحه وياحلوه خاصتن الظهريات دمار شامل :)

كله حلى وطرى ياصلجة العربان اكا الصلجه:)

أبو حميد ياحيل حليل ياحويلان لبى والله هالفكــر ياراغي [ ياراقي ] :(

اصبر ابروووووووووح افحط
<< حيل انطنخ:)

وربك يعين بس صعبه تقول لواحد بوسط مجلس دن هنا متى صار جدك يغزي وهو راعي :)

هههههههههههههههههههه
اي عز الله

لاهنت ياحويلان على هيك طرح .. على الطاري تطارح :)

يالله تعال:)

ولاتهون يالعزوه
مرورك شرف ياجدي خوالك
الف شكر لك

حمـود

13-07-2009, 02:34

كلامك زي العسل

كلام سليم

حيل حليل

13-07-2009, 02:35

حلحووولي

هلا شبثوثي:)

ابلبس الزربووول

يكفينا شرك:)

وابمحطك ش**** مع شاكلتك

ههههههههههههههه
افا خربت عشرتنا

ياشين ابداع منقطع النظير

وتبيني اشوتوه للمحذوفات

والله شهاده يالعزوه

اعتبر معك مخالفه

هاه
والله مايردن الا ابو سلطان:)
والله لايصير لنا عطبه بالشكاوي
مار خلنا احباب

وابي اشوت اللي يقرب للموضوع

يابعد راسي
عز الله عوايدك الطيب ياجدي خوالك

لاهنت يالذيب

ولاتهون يالعزوووووووووووه

امتاع لحد الفقده
الله يجزاك خير على هالشهاده

وتقلد تحيتي

متقلدينه منذووووو مبطي ياجدي هالفره

لاهنت يالعزوه على المرور
الف شكر لك

فتى البيداء

13-07-2009, 02:40

أخوي حليل تصدق أني قاري هالموضوع من أول مانزل .. بس عجزت أرد ..

أخاف مااعطي هالموضوع حقه .. لأنه خطير حيل .. وحساس حيل ..

ياأخي حليل حنا مالعب بنا ألا المهايط الزايد .. طيب أنتم يالشيبان ماأتفقتوا على خير ..

حنا وش ذنبنا بتعصب كل واحد لبوه ؟؟ وابو ابو ابو ابو أبوه ؟؟

تفرقتوا أنتم يالشيبان على شأن أطرحي .. وش ذنبنا حنا نتلاقط ؟؟ وتحشوننا تعصب ؟؟

من قدم خير يبي يلقاه والطيب ألي تطلعه يمناه .. ماهو تلقاه بخيل .. ولشاف الضيف صد بوجهه ..

ولياجاء فزعه تغيب .. لكن يفخر بسوات جده التاسع عشر .. أنت وش قدمت ؟؟ لا شيء

الحظيظ ألي مقدم بصنيديقه له عمل .. والي الناس تذكره بخير .. لأن الناس أشهود الله برضه ..

حليل لا عدمت هاليمنى .. الله يبارك فيك .. وأعذرن على القصور في حق الموضوع والتأخر في الرد ..

وليكن في علمك أني متابع لمواضيعك بشغف .. لأهميته وحسن طويتها ..

تحياتي لك ..

حيل حليل

13-07-2009, 02:41

ابوي احسن واحد
عز الله ونعم

ابوي احسن من كل ابوكم كلكم ياال فله
ماسمعتوا الي قال (كل فتاة بابيها معجبه :)) جعله بالجنه
اللهم امين
حماده اذا تعب من مدح ابوه وعمامه وقبيلته قال خوالي شمر كبار الصحون وساع الطعون
عاد كلش الا بناخيي حماده
ابك هذا ولد الشيوخ اللي خواله سناعيس

حوحو >> ابي القى لاسمك دلع مااااصلح معي:qannaj:
ليه الدلع اسمك يكفي أحمد بيه:)
ههههههههههههههه
تسيف احمد بيه
والله لو اني من مواليد شبرا
عاد اسم احمد يحمس انه يكون مصري
الله يسامحك يايبه لو انك مسميني صعفق اصرف لي
على الاقل احس اني مشورب
<< فاهم المرجله غلط:)

لاهنت ياملك الفله

ولاتهونين يالشيخه
الف شكر على المرور
ومشكوره على الكلام الطيب

حيل حليل

13-07-2009, 02:47

مبدع يامعشي الذيب

الأبداع هو وجودك يالبناخي:)

بس طرووووووووووووووووووش البحر اسمحلي

هذولا دشيييييييييييييييييييييييييييييييير ومافيهم ذرة تقووى

مهو كلهم ياجدي انت
ترى بهم الصالح والطالح

سكتنا عن سروال طيحني

وجا سروال سامحني يابابا
سامحتك سامحتك
سامحتك كتيرررررررررر:)

وش ذا

ماهذا
ياللهول:)

ولا العبيييييييييييد

ادشر منهم ماخلق ربي
لا يابن الحلال
مهو كلهم ياخلفهم
والله يابعضهم يسوى له عرب

خلها على اللله بس

يااازين الشمامره بس

يازينك انت ياجدي هالعلمه:)

لاهنتي يابعدي على المرور
الف شكر لك

حيل حليل

13-07-2009, 03:00

انا بعد احمد الشمري

ابك انت السمي والعشير وكل شين:)

من مواليد 1979م للاسف
اثريك شويب
تصدق اني احسب اني اكبر منك:)

ياخي حسبي الله على عدوكم انا اول ماتعرفت على ماجد قلت شكلوه دبل عمري وطلعت انا اكبر منوه وهالحين انت
هههههههههههههههههههههههههه
تونا وغدان انا وياه
الا هو وينه صاير مايبين
الله العالم اني ابهد عليه بشقته

والله بديت احس اني شايب صدز

توك بأولك

العشير معك قلباً وقالباً
عز الله عوايدك يالعشير

وياجاك الواحد يقول اللي مالوه اول ترا مالوه تالي حاول تاخذ اكبر كمية هواء في الشهيق عشان تطلع الضحكه من قلب

ههههههههههههههههههه

هالحين لو تهد على لك موضفين بالبنك بسلاح وتسرق كل اللي بالبنك وتذبحلك ثنين منهم قالو الناس هذا مجرم ولايشرفنا

طيب يوم انتم مزعجيننا بشيباننا ليه هم الفاعلين التاركين وانا مجرم وانا ماسويت اكثر من سواياهم

عز الله جبته يالعشير:thumb:

موضوع ابداع ومايجيبوه الا المبدعين والليله يمكني انكس يم الموضوع لانوه قمه بس ياعجنتهن علمن خخخخخخخخ

ههههههههههههههههههههه
الطيب مايجي منوه الا كل طيب

تخبر يالعشير ليلة خميس

ليلة خميس طرز بها لون القمر شط البحر
ادعس ادعس:)

تري مكاسيااااااااااات من هنا الى مانشستر
عفويات من هينا للعاصمه:)

لاهنت ياجدي خوالك على المرور
الف شكر ياذيبان

حيل حليل

13-07-2009, 03:05

اما جدوه طلع كمخه هههههههههههههههههههههههههههههههههه

موضوعك هذا من المواضيع القليله اللتي اقراها مرتين
من حلوه :)
شهاده اعتز به طال عمرك

والله انك كاتب ساخر طراز اول فذ
مانجي الا من بعدك طال عمرك

استمر وتكفى

ترا تكفى تهز الرجاجيل
ابشر بالسعد يالعزوه

كثر لنا من هالمواضيع
على هالفينس:)

سلام
وعليكم السلام

مرورك شرف يالذيب
لاهنت ياجدي خوالك

حيل حليل

13-07-2009, 03:07

لاهنت ياحيل حليل على الموضوع

ولاتهون ياجدي خوالك

بس الشيبان اللي يمذرحون وقت القوايل

هذولا مالهم الا تجربع بهم بلك ددسن:)

مرورك شرف يالزعيم
الف شكر لك

حيل حليل

13-07-2009, 03:10

حليل لا فض أنفك
قصدي عيونك............... قصدي فوك

ههههههههههههههههههه
ارس على شين
تراك لعبت باعصابي:)

و الله أنك كاتب مميز و خصوصا عيونك
ألي على شكلهن هذا ودي
أبوسك
يابعد راسي
عز الله ان شهادتك وسام ياجدي هالفره

شكرا حليل

العفو يالشيخ
دايمن اقول انت أعز اصدقاي اللة

ماعزيت الا اللي يعزك طال عمرك

لاهنت ياجدي خوالك
الف شكر على المرور

حيل حليل

13-07-2009, 03:13

إيه ياابن الحلال
بس تساني التزمت بهالكلام
محدن يبي يسوي نفسي
مهو لازم يسوون مثلك
انت اهم شي تكون مقتنع باللي تسويه
ومالك شغل بالعالم
قليل يبي يقنع بهالكلام
بقريح عمرهم ماقنعوا طقاق يطقهم:)
مااش حنا شعب محجر :)
مهو بالحيل

واستلم سلامي

سلامك مستلمينه ومتشرفين به طال عمرك
الف شكر على المرور

حيل حليل

13-07-2009, 03:18

فالقبيله او العائله مثل البيت
تجد فيه مجلس رجال وتجد فيه دورة مياه وانتم بكراامه

كلامك رووووعه يالحووول
الاروع وجودك يالشيخه

تذكرت سالفه
اسلمي:)
مره تهاوشت انا وصلبيه
فزعن معي الشمريات الي بالمدرسه
ونعم بالسنعوسيات

وتكفيييييييييييييخ وتكفييييييييييييييييييييييييييخ وتكفيييييييييييييييييييييييييييييييييييي ييييييخ

بس هي الغلطانه

تخيل وش قالتلي

تخيل

تخيل

تخيل

قالتلي اقلبي وجهس للعراااق يالعراااقييين وانزلعو عن السعوديه
هاه
هذي شكلها حاقده
ولا مافي عاقل ممكن يصدق هالكلام
اصلنا معروف وماحنا بحاجة شهادة احد

وشرااايك بالله والي مشيبن براااسك انها يعننني اصل وسعووديه

الله يسااامحها
ليس على السفيه حرج وانا اخوتس

يخااطبني السفيه بكل قبح ....واسف ان اكون له مجيبا
يزيد سفاهة وازيد حلما..كعود زاده الاحراق طيبا
كلامتس ذهب ياوخيتي:thumb:

تسلم اخووووووي

العفو طال عمرتس
الف شكر على المرور
لاهنتي يالشيخه

حيل حليل

13-07-2009, 03:21

حليل موضوعك جيد وحساس

نعم لا ينقص الرجل من حقــــه الا اذا كان ناقص
في اين كان
فمن هالمنطلق هيا بنا نطهبل:)

*لا يحق له ان ينقص من حق الاخرين لاننا سواسيه
عند الخالق والخير منا خير بعمله
يابن الحلال بعضهم مايفهم

*كل قبيله تجد فيها الصالح
والطالح والبيت ايضن
فعلا

*واما عن العنصريه فهي من اسلوب
الجاهليه ولا تميز متفوهها

*وكما ذكر اخوي حليل بما انك لا تناسبه
فما هو الشي الذي ازعجك كي تتفوه بهذه الكلمات
القذره

*على فكره كل ماذكره هذا الشخص من اجل التنقيص
في اخيه المسلم ليسى تنقيص
من حق الشخص الثاني..لا بل تنقيص لمكانت المتحدث
برافو عليك

*نعم نحن في السعوديه اكثر الشعوب عنصريه
وبعثها فينا قوم وذهبـــــوا وباتت فينا
فانزعها بدين نبيك محمد عليه افضل الصلاه والتسليم

الهم صلي وسلم عليه

كلامك كالذهب يالعزووووووووووووه
الف شكر لك
وعسى الله يجزاك خير

حيل حليل

13-07-2009, 03:25

<<< مرت من هنا ...

لنا الشرف طال عمرتس

حيل انت كذا ..>>> فيس رافع ابهامه يعني cooooooooooool
ههههههههههههههههه
تسلمين ياوخيتي

الله لايهينك ويجزاك خير.... فعلاً هذي مشكله متفشيه في مجتمعنا .. بس الله يعين ويفرجها
والجازي ان شاء الله
وعسى الله يصلح الحال

ايبالله ... وبس

وش هالركن والحركات اثريتس مانتي بسيطه
متابعين لتس يالشيخه

الف شكر على المرور
لاهنتي يالشيخه

حيل حليل

13-07-2009, 03:27

كلامك زي العسل

كلام سليم
العسل والحلى والطرى هو وجودك طال عمرك

الف شكر يالذيب على المرور
لاهنت ياجدي خوالك

حيل حليل

13-07-2009, 03:36

أخوي حليل تصدق أني قاري هالموضوع من أول مانزل .. بس عجزت أرد ..
صايرن كسول هاليومين مانت على خبري:)

أخاف مااعطي هالموضوع حقه .. لأنه خطير حيل .. وحساس حيل ..
ياحلو اللعب بالنار:)

ياأخي حليل حنا مالعب بنا ألا المهايط الزايد .. طيب أنتم يالشيبان ماأتفقتوا على خير ..

حنا وش ذنبنا بتعصب كل واحد لبوه ؟؟ وابو ابو ابو ابو أبوه ؟؟
عز الله انك صادز:thumb:

تفرقتوا أنتم يالشيبان على شأن أطرحي .. وش ذنبنا حنا نتلاقط ؟؟ وتحشوننا تعصب ؟؟
انا ادري:)

من قدم خير يبي يلقاه والطيب ألي تطلعه يمناه .. ماهو تلقاه بخيل .. ولشاف الضيف صد بوجهه ..
ناس موليه ياجدي

ولياجاء فزعه تغيب .. لكن يفخر بسوات جده التاسع عشر .. أنت وش قدمت ؟؟ لا شيء
ماقدم الا سواد الوجه والعلم الردي اللي مايرفع الراس

الحظيظ ألي مقدم بصنيديقه له عمل .. والي الناس تذكره بخير .. لأن الناس أشهود الله برضه ..
انا اشهد

حليل لا عدمت هاليمنى .. الله يبارك فيك .. وأعذرن على القصور في حق الموضوع والتأخر في الرد ..
لا يابعد راسي
مايجي منك قصور يالذيب

وليكن في علمك أني متابع لمواضيعك بشغف .. لأهميته وحسن طويتها ..
شهاده اعتز به طال عمرك

تحياتي لك ..
تقديري وحبي وكلي لك يالذيب:)

لاهنت ياجدي خوالك على هالمرور
وعز الله وجودك اني دائما احرص عليه
الف شكر لك