% ابا الخياش خيشنا %

[الشبث]

بسنتن من السنين كنت انا واخوكم الجثري بالشرقيه

وتخبرون هذا يعزم وهذا يعزم



وجنا كل يومن ملوذينن على ناس


وبيومن من الايام


اتصلوا علينا ناسن من خويانا ( ولا انا غلطان يالجثري ) << نوى يتسذب



عزمونا على غدى عند البحر


وناس مثلنا مشفح لاعبتن بهم الهبايب يموتووون على هالجلسات

من قل والله ما نشوف البحر


حنا بالامطار نتكي على جال الخباري


شلووون عاد بحر يارااااااااااااابي ياكبره





الوكاد اننا رحنا يمهم


وتغدينا وعينا من الله خير


وعقب الغدى قاموا الزقرت يسبحون


ومعهم واحدن بين انوه ياكل الخياااش


كبااااااير

وعليه علابي تقل مزوده



هذا خويي الجثري ما شاء الله عليه تقل دغلوب بوسط الماء


سبااااح على كيفكم


من المغثه بغيت اقطع العلاقه بوه


اما رفيدزكم ومحاتسيكم شبيثان


فمثل ما تخبرون سقطت رضمه


يعني لو طاست ماء اغرق به


بطرق الزول




الوكاد انهم كلهم بوسط الماء يسبحون وعلى كيفكم


الا انا واقفن اراعيلهم وكاشر << مهو محدرن هالكشره




وابا الخياش سباح الماخوذ


ما ابالغ لو اقولكم انوه يروووح ليما ياصل ايران ويصفق اقرب شيعي ويجي


الله لا يبلا تقل حوت


وذرعانوه لهن مصافق




يوم خذيت شوين وهو يجيني ابا الخياش


قال ليه ما تسبح يالبناخي


وانا اضحك ضحكت خرعه


قلت والله يالخال ماودي


وهو يجيني

قال لااا ان شاء الله تبي تسبح وانت رجالن طيب


يالربع تسيف ادري انوه يبي يغردزن بس عجست اهرب طقتن ام الركب



وهو يحط راسي تحت ابطوه ويجرن

وهو يقوم يسبحبي


وانا لاصقن بأبطوه




يوم توسط بالبحر وهو يطلدزن


وانا اقوم اراعي


ولا ماحولي الوالي


واشوووف الجثري مهو يمي يسبح


والعالم كلهم يسبحون



والوغدان يلعبون على الشاطئ << تكتوه العبره


وانا اصيح احم.. بر بر بر بر


بربرت وسقطت بالماء


وعلمي بروحي هكا الساعه




يوم وعيت ولا انا على الشاطي

ويالله اشوف من الملح يتدزادحن عيوني


واشوف مجاغفي على الشاطي


بين انهم جاريني


والجثري حاطن رجلوه على بطني ويعصر بطني يبي يطلع الماء


وانا اشوف هذااااااك ابا الخياش يسبح للحين


وهي توجعن تسبدي من المغثه


تسيف ولا انبوه ضميروه



وانا انصفر مره ثاني





ويوم وعيت ولا جاريني عن مكاني الاول ومنقحيني


الله يجزواه خير الجثري طلع هو اللي منقذن



ماسكن كراعي وجارن جر


وابا الخياش مادري بيوم رحيل


حلولات لو انا اقوى منوه


قسم بالله لا اغروه ليما يبربر






وتقلدوا تحيتي

[ابو ضاري]

يازين سوالفك يابو ماجد

الحين ليه تطيعه وتروح معه تبون تسبحون

بس تدري تاكدنا انك شربت ماء الشرقيه >>>>>>حلو الماء صح الشبث

[ريال الفسحه]

ههههههههههههههههههههههههههه



عاد هالمره ماجبت طاري السريويل



يمكن سابح مصلوخ هالمره او انك
تاكن السروال ياما هن ناطاتن عيونك :)

[فهد الجنيدي]

شبيثان
أنت وش لك بالبحر أنت طعس و يخب عليك
ليته غرقك
ههههههههههههههههه

[عبدالله الجعيثن]

^
^

لوهو غرقان.......كان ماعندنا شبث نتعامش حنا وياه



بسم الله عليه...



بس الوعد بكرا .. انشاء الله..


يالربع مشتهي اغرقه بمطباخة القهوه

[الشبث]

ابو ضاري


مهو بس شربت منوه ههههههههههه


بس يازين طعموووه


محمض ههههههههه




لاهنت يالذيب



وتقلد تحيتي

[الشبث]

ريالي


السريويل بالسالفه الاوله مهو هنا هههههههههههه




لاهنت




وتقلد تحيتي

[الشبث]

رجا يابو ريحه


اعقل لا افضحك هههههههه


وتقلد تحيتي

[الشبث]

ابو غازي


ماصرت ادمي صرت بريعصي خخخخخخخخ




ياسبحان الله


اللي الله خلا ابو غازي يتهددن



دنيا



وتقلد تحيتي

[عبدالله الجعيثن]

^
^
^


الرمي عليك........واسمعي ياجاره!!!!


انت بس اضمن لي ان الذر مايقرص!!

[السنعوووسيه]

والجثري حاطن رجلوه على بطني ويعصر بطني يبي يطلع الماء


ههههههههههههههههههههههههههههههه


ههههههههههههههههههههههه


وتسبدي


الله يخلف عليك ياشبيثان انت يوم تطيعوه ليش ههههههههههههههههه


تحسن شي يوم يعصر بطنك الجثري




ابو ماجد الله يونسك على هالسالفه




عاطر ودي

[الشبث]

ابو غازي


ما يقرص اعرفوه هههههههه


وتقلد تحيتي

[هلآ الآسلميهـ]

هههههههههههههههههههههههههههههههههههههههه هههههههههههههههه



الله يعينك يالشبث .... أجل ضحكت ضحمة الخرعه ههههههههههههههههههه


دايم تحصل لنا هههههههههههههههههههه




والسباحه عندنا وعندك خير....



تقلب احترامي...

[الشبث]

ياهلا باختي السنعوسيه


يالغاليه ما طعتوه هو تلن غصب



حط راسي ببطوه وطبق بي بالماء


مهي على الكيف ههههههههههه




لاهنتي على هالمرور


وتقلدي تحيتي

[الشبث]

هلا اختي بيرل الصغيره


وش اعمل


لازم اضحك



ذالن يمدن ويغرقن


خليه علىتغريقه بس اشوى هههههههه





وتقلدي تحيتي

[هلآ الآسلميهـ]

اشوى اجل انها جتك سلامه..

الحمد لله على سلامتك ....

[الشبث]

الله يسلمتس

ويخليتس لعينن ترجيتس


وتقلدي تحيتي

[واحد شقردي]

هههههههههههههههههههههههههههههههههههه ابو ماجد

فلاوي نمره و استماره

حمد لله على السلامه

بس المهولن الجثري وشلون قدر عليك هههههههههههههههههههههههههههههههههههههههه هه


سؤال \\\

هو يعرف التنفس الصناعي ؟؟؟؟؟؟؟؟؟

[الشبث]

ههههههههههه


شقردي



تخبر الواحد ليا صار بالماء يخف

هو قام يجرن جر




بس وين يعرف تنفس


يارجال يطامر فوق بطني ههههههههه




وتقلد تحيتي

[أحمد]

هههههههههههههههههههههههههههههههههههههههه ههههههههههههههههههه

عزالله انوه ياكل الفرش بعد مهو بس الخياش



انا علميبك يوم هو يحطك بابطوه ويسبحبك

قلت وش عندوه شبيثان خربه يبي يسبح


مادريت ان خويك ياكل الخياش خخخخخخخخخخخخخخخخخخخخخخخ



وانا اشوف هذااااااك ابا الخياش يسبح للحين


وهي توجعن تسبدي من المغثه


تسيف ولا انبوه ضميروه



وانا انصفر مره ثاني



هههههههههههههههههههههههههههههههههههههههه ههههههههههههههههههه

هههههههههههههههههههههههههههههههههههههههه ههههههههههههههههههه


مبدع يابو ماجد

[أحمد]

هو يعرف التنفس الصناعي ؟؟؟؟؟؟؟؟؟


هههههههههههههههههههههههههههههههههههههههه هه


مار حتى لو اعرف من صدزك ابسوي لابو ماجد تنفس اصطناعي ؟؟؟؟؟


لا بذمتي خصوصاً وحنا بزمن جوال ابو كاميرا ........


ناقصين مقاطع باليوتوب خخخخخخخخخخخخخخخ

[الشبث]

الجثري

ما تسويلي تنفس اصطناعي




ته ته ته



مزاعلك


هههههههههههههه






لاهنت على هالمرور



وتقلد تحيتي

[εïз خزامى εïз]

هههههههههههههههههههههههههههههههههههه
يآعيشتن قشرآآآآآآآآ
هههههههههههههههههه
يآآآآآآآآآزين سوآلفك يآبو مآجد من أدخل وأنآ متبوسمه قبل أقرآ

يعني لو طاست ماء اغرق به

هههههههههههههههههههههههههههههههههههههههه هههههههههههههههههه
الحآآآآآآآآل من بعضه هههههههههههههههه
يبيلنآ مسبح أطفآل ههههههه
هذآك البلآستيكي أبو دلآفين
ههههههههههههههههههههههههههه

ما ابالغ لو اقولكم انوه يروووح ليما ياصل ايران ويصفق اقرب شيعي ويجي
هههههههههههههههه
لآ عآد صحيح؟؟ < صدقت من جد !!! :boxed:


والوغدان يلعبون على الشاطئ << تكتوه العبره

كش عليه ماآعندهـ أسلوب <تكتهآ العبرهـ ذكرتـ روحهآ وحست بك :frown:
أوريكـ فيه بصكه عين
أبعد منآك
وجهني شرق
شوي يمين
أيه
اااااااااااهب عليه ول ول ول ول ول انآ اشهد انه عوآآآآآآآآم ييييييوه
هاه بشر غفل ؟؟؟
علمني هالشرير أوريك صحيح يستآهل بغيت تموت هههههههههههههههه
ميرسي للسآلوفه

[الشبث]

هههههههههههههههه

خزيم حسدتك جت بعنز ابوي الضحوك ههههههههه




عندي بالمضنع مسابح


شرايك اخذ اثنين واحد لي وواحد لتس ههههههههه



لاهنتي على هالمرور الطيب يا طيبه




وتقلدي تحيتي

[حمـود]

ههههههههههههه

عاد اخبرك تسبح تقل ارنب



الحمد لله على سلامتك

والجثري شهادتي مجروحه له

نشمي وبطل

بس مستغرب شلون انقذك وانت تقل برميل

وهو عود تسبريت

[فتى البيداء]

ابوماجد أثاريك ماتعرف تسبح ؟؟

فيه قاعدة عند التغريق .. إذا جاء أحد يغرقك وهو أنشط منك .. أستسلم له لا تقومه ..

لأنك لقومته يبي يصمم على رأيه .. وإذا تنازلت يبي يروح ويخليك << أمعزرن بي أخوي

شف الواحد اللحين يمنه تذابح مع احد أن قاومه كمخه .. وأن ماقاوم خلاه ..


عاد وش رايك بالفكره ابوماجد ؟؟


بعدين وش يبي يسوي الجثري .. يمكن الماء ألي ببطنك قبل ماياطاه أقل من يوم ياطاه .


لاهنت ابوماجد ..

[الشبث]

حمووود


انا تقل برميل يالسعفه




بعدين تقل سبح ارنب


منين جايبه هذي يا ابا النكوووث


ههههههههه




وتقلد تحيتي

[الشبث]

هلا فهد


والله يالغالي فكرتك زينه



بس اللي جاني ياكل الخياش خبل ما يتفاهم


ولا ابديت اي مقاومه انا ههههههههه




لاهنت يالذيب على هالمرور




وتقلد تحيتي

[ســـعود]

هلا اختي بيرل الصغيره


وش اعمل


لازم اضحك



ذالن يمدن ويغرقن


خليه علىتغريقه بس اشوى هههههههه





وتقلدي تحيتي

هههههههههههههههههههههههههههههههههههههههه ه

بغيت تمووووت:)
بس الحمدلله ان المنقذ الجثري معك
ابي اسالك ياليت الجثري ماسولك تنفس اسطناعي

ابوماجد تحياتي لك

[يـــوسف]

من يبي تنفس آصطناعي :)




الشبث تنقح خلنا نطلع هالماء اللي بشاتسلتك :(








واعزاه يابو ماجد بغو يذبحونك عاد ماحظ منك لو أنت ميت شهيد :)




حلــو زولك عاد يابو ماجد وانت تمشي على الشاطيء كيووووووووووووت مره واااااااااااااااااااااااااو :)

[شليويح]

ههههههههه

يوم انك ما تقدر تصلفق ابو الخياش تسان معكرفن له

[عجايب بنت الشايب]

ما ابالغ لو اقولكم انوه يروووح ليما ياصل ايران ويصفق اقرب شيعي ويجي



رجاء انا ماقلت لكم لاحد يغلط على اهل القطيف :)





الجثري هو ورجله تقل عفريته



ياربي رحمتك بس



لاهنت ياااقايد

[غالب]

هههههههههههههه
يااابحر الشر والشرير
عووووذه
ول ياهالدب عزا الله إنه مار ماعنده ضمير من الأساس
ودي أشتمه مار ذالن إنه يقرب لك وألا من الربع

>>شاك إنه ماجد>>


ألا هالحين أبسئلك سؤال
هالحين يوم لصدز وجهك بأباطوه شميت ريحة صنان وألا الصنان تروح ريحته مع ماء البحر:)



واستلم سلامي

[شرهه]

ابا الخياش خيشنا


ابا الخياش خيشنا


ابا الخياش خيشنا
0

‏>‏>اعنيك ما اعنيه ^_^



اثري جارين عليك مثل ما جرا لهكا التويس



احمد ربك انك مو بعندنا

خخخخخخ



الحمد الله ان الجثري هو اللي معك




ياويسي




الحمد الله على السلامه



ع فكره أنا أعرف اسبح ^_^




مع التحيه

[الشبث]

بصري


دوختني بردك


تقول ابي اسألك


وبعدين تقول ليت الجثري ما سوالك تنفس صناعي



ياخي وش تبي من صحتي انت خخخخخخخخخخخخ




وتقلد تحيتي

[الشبث]

يووسف



مار شهيدن هاللون






تصدق شاكلتي للحين توجعن من خرعته خخخخخخخخخخ




لاهنت



وتقلد تحيتي

[الشبث]

ابو الاشلح


يالله حيوووه



انت تبيه علشان يقوم يعجنن


ويغرقن وانا مرعف



الا خله على هاللون ههههههههههه





لاهنت يالذيب




وتقلد تحيتي

[الشبث]

ياهلا بالشيخه عجايب


اسفين والله ما دريت ان اهل القطيف يقربون لايران






بس ابي منهو اللي تساذبن عليتس وقايلن لتس ان الجثري رجلوه عفريته


هذا عود كبريت


عود اسنان



حاجه زي كذا








هالموضوع


اختلف قبل وبعد



سبحان الله




كان ظلمه













لاهنتي شيختنا على هالمرور




وتقلدي تحيتي

[الشبث]

سناعيسووو


انت هالحين ما همك الا ريحة الصنااان


ول الله يروح بالعدو خخخخخخخخخخ






لاهنت




وتقلد تحيتي

[الشبث]

شرهه


تعرفين تسبحين


والله ودي اصدقتس بس ...



مدري ليه ضميري يقول لااااااااااااااااااا



انتي حدتس تهطسين بالخباري يالخايبه ههههههه




ولا انا وصلت مواصيلن عسره




بحر يا خبله


انتي بس تسمعين بحر تشرقين


خخخخخخخخخخخخ





لاهنتي يا راعية التيس




وتقلدي تحيتي

[ريتاج]

ههههههههههههههههههههههههههههههههه

هههههههههههههههههههههههههههههههههههه



ابو ماااجد.. غريبه مااتذبحت معه ..هههههههههههه


هو كود الوااحد يتعلم السبااحه اما وامى جاانا فيضاان الا انى العب مع الاموواج ..


بس ابي اعرف هالدب هاااه شلون طفح احسه يدخل بالبحر من ثقله ههههههههههههه



متشكر ياابو مااجد عالمووضوووع الحلو اوي




شيييييييييييييييييييع

[حيل حليل]

ياحبيبي اثريك بغيت تهفي
مار الله رزقك بذيبان
وه يابعد عيني هالعين اثرينا بغينا نفلس منك

اهيب يالجثري اثريه مطنوخ وراعي فزعات
كفو يالسمي

الا وش صار على عشاكم
حلولاة اللي حولكم
لكن يالله الجايات اكثر

وسعت صدورنا ياجدي خوالك

[الشبث]

هلا رتيييييج



يالله حيييييييييييييه







يالغاليه وين اتذابح معوه


ذليت يغرن بالماء ليما الفظ انفاسي الاخيره



خخخخخخخخخخخخخخخخخخخ






لاهنتي على هالمرور





ولاله عاده هالانقطاااع يا دبه






وتقلدي تحيتي

[الشبث]

حلحوووولي << لازال يمارس هوايته بتدليع حليل






قسم بالله ياهي ليله ولا الف ليله



تجمعوا الزقرت وماناقص الا شوفتك





انتظر صورهم تبي تنزل



خوصوا رفيدزك خخخخخخخخخخخخخخ








لاهنت يالذيب



وتقلد تحيتي