حارتنا .. والشماااغ..

[اخو سعدى]

مازالت اواصر الترابط والتواصل بين الجيران موجوده ولله الحمد
في اغلب الاحياء الى حدا ما ولكن المشكله اذا كانوا الجيران من
جماعتك او من قبيلتك مثلا .. هنا تبدا الحفله ..

المهم .. دائما ولله الحمد اصلي بالمسجد بافضل مظهر عندي قصدي
لابسنا العادي الثوب والشماغ , وذلك احتراما للمكان واتباعا لتعاليم
ديننا , ولكن اكثر مايزعجني عندما ارى بعض المصلين وهم يلبسون الملابس
الرياضيه او ملابس النوم ..

لكن اللي صار معي ذا الاسبوع اني نسيت الشماغ وصليت بدونه ,
ادري انه مافيه شئ ولكن عيون الجماعه ونظراتهم كل واحد منهم
لسان حاله يقول وش عند اخو سعدى كذا ..

لانها صارت معي مره صليت بخاتم بيدي وانواع النقد الجارح

وش رايكم ..

[عبدالله المهيني]

والله شوف ياخو سعدى

لوجود الجماعة حسانة كثيرة وسيائة قليلة

ولمعرفة الجيران ببعض حسانة كثيرة وسيائة قليلة

( هذا من وجهة نظري )



.
.
.




المسجد اللي نصلي فيه حنا واقع بين تقريبا ثلاث حارات

فـ طبيعي ما نعرف بعض كلنا

والله ياخوي تشوف العجب العجاب


شايب كبير بالسن شعره أبيض × أبيض

يصلي مفرع بدون شماغ والله شينه تحس إن هالرجال ماله هيبه مره

تشوف ولد شباب جاي يصلي بـ برمودا أعوذ بالله من الشيطان الرجيم


طيب السؤال

لو كان هذا الشايب أو الشاب ساكن بوسط ربعه وجماعته

يقدر يصلي بالشكل هذا

أنا أجزم بشكل قاطع أنه مستحيل يصلي كذا

يعني أولاً يكسب هو أنه يصلي بشكل يليق فيه أمام الله عز وجل

ثانياً أنه يصليل بشكل يشليق فيه أمام خلق الله




وأنا والله ضربت لك مثالين من ناس والله تصلي معنا بالمسجد اللي بحارتنا

يعني مو من وحي الخيال

ماقلت لك إني وجود الجماعه من وجهة نظري حسانته أكثر











بس تبي الجد

تواجدك ياخو سعدى عسل

:)

[الشاهري العبيدي]

أيام كنت اصلي بدون الترسيم قصدي الشماغ الى ان صوب لي شايب الله يرحمه صاروخ أرض جو :)

يقول وش عندكم يا شباب اليوم الواحد يجي للمسجد مطلعن اذنه كأنه ....ويعطيني هاك التشبيه الي صرعني وسدحنى ارضا :)








المهم من بعد الشايب صرت اعلق الشماغ على الباب الخارجي احتياطا
:)


والي انا شايفه ان الناس لها نظرات ما تخليك براحتك
لكن الأهم ان الانسان يأتي بيت الله وهو بلبس محترم ثوبا او غيره




سعدت بموضوعك اخو سعدى

[عبدالرحمن]

اهلا بأخي اخو سعدى بشماغ وبدون شماغ!
نعم اتفق معك بأنه يجب على المصلي ان يصلي بزي مقبول
حتى الخروج من البيت لحاجة كـ حلاق ومطعم ........وغيره
يجب ان يكون اللباس لاباس به اما النقد والاكل بالعيون!
للابس الخاتم وحاسر الرأس ولابس الملابس الرياضية
اعتقد انها عادة اجتماعية سيئة! وحقيقة ارى هذه العادة- عادة النقد-
في المملكة اكثر من اي مكان اخر!.

لك تقديري.

[واحد شقردي]

اخو سعدى لا لا عاده تنسااااه ههههههههههههه

عن نفسي اذا طلعت مضطر من البيت بدون شماغ اصلي خارج الحاره لاني انا لي معودهم على كذا

يشوفوني مثلك بشماغ استحي منهم

اخو سعدى مواضيعك ذو شجون يالبى قلبك

[الشبث]

ايوالله انك صادز


ياخي تقل ما يشوفون الا انت


طيب لاهي عيب ولاهي حرام



وانا ببيت الله


وش دخلهم هم هههههههههه










داااايم تحرث بهالمواضيع



الله العالم الربع مهم مبطين ويتقاضبون الشوش خخخخخخخخ





وتقلد تحيتي

[فهد الجنيدي]

أخو سعدى


و الله أنا أروح للمسجد بدون شماغ و مرات بشماغ


أنا شدخلني بهم


أنا جاي أصلي لله


بس صلاة الجمعة هي ألي ما أصليه ألا بالشماغ


أما غيرهن ما تفرق عندي

[اخو سعدى]

هلا عبدالله
تواجد الجماعه حولك والتواصل معهم من صله الرحم
وهذا هو المكسب الحقيقي ..

صحيح اكثر الشباب الصغار يلبسون اي شئ ولكن الطامه الكبرى
هم كبار السن لانهم هم القدوه امام الصغار ..

تسلم ..ابو صالح

[اخو سعدى]

هلا العبيدي

يعني صار لك مثل اللي صار لي ..

لكن مثل ماقلت ..انك تاتي للمسجد بثياب محترمه ومحتشمه

لاهنت

[اخو سعدى]

هلا اخوي عبدالرحمن
لابد من الزي المقبول مثل ماقلت ..

لكن النقد دائما يكون بين العائله نفسها او القبيله مثلا
لكن ظاهره النقد نلاحظ بانها خفت عن السابق..

الله لا يهينك

[اخو سعدى]

هلا شقردي ..

مثلك يخلق من الشبه اربعين .. شرحك..

خشمك

[اخو سعدى]

الشبث ..

بس عيونهم تتلاقط .. طرا على طارق التايب باص عيون

لاتنسى يوم الخميس الجاي

[اخو سعدى]

رجا ..

انت غيررررررررر ..

ياخي مشبه عليك .. هههههههه

لاهنت

[شام]

يالعجبي من تدقيق بعض الاشخاص و نقدهم في غير مكانه
بينما لو تفرغوا لدعوة من لا يصلي مثلاً أو تعليم كيفية الخشوع في الصلاة
نشكر الله ونحمده أن ديننا دين يسر
وطالما ليس هناك أمر مخالف شرعاً
فكلام الناس و نظرات الناس
ستبقى قائمة الى يوم يبعثون
ومشكور أخي الفاضل
طرح طيب و ملاحظة دقيقة
أتمنى أن تكون مشاركتي صحيحة كذلك
تقديري لك

[صلفيق]

هلا باخو سعدى

بحكم البيئة التي عشت فيها

والمجتمعات التي تعايشت معها..

صرت ماألبس الشمغ سواءا بالبيت أو المسجد [إن كان هتاك مسجد]
ولا حتى بالسوق.

بس من جيت هنا .. صرت اواجه نقد صراحة.

وصرت أشوف من يتلامزون تجاهي سواء بالمسجد أو بالأسواق.


أخذت بنصح بعض الأخوة جزاهم الله خير... لكن والله ياخو سعدى
ولا يهون الأخوان - اني تقل شايل على راسي خيمة..!

والحمد لله ان العمل يستحب فيه القميص والبنطلون ، وهذا ريحني.


لك كل احترام

[لوليتا]

*
*


اللى يمشى ورا كلام الناس يبيع ملابسه

ومهما فعلت وسمعت كلام هذا وذاك لن ترضى احدا
فلا تكن مثل جحا و****ه وولده
فضحك عليه الناس فى كل الحالات
طالما لا تفعل ما يغضب الله كن كما انت وكما تريد

ويا اخى حتى فى الصلاه المهم بالنسبة للرجل ستر العورة والمهم انك تصلى وتخشع
ربنا يسرها علينا وبلا تهاون منا طبعا فلماذا التعقيد
وطالما انت معتدل فى كل شئ لا يهمك كلام الناس ما بتخلص

وتاكد انك اذا استمرين ولا اهتميت لكلامهم بيسكتوا بعد فتره وبنسوا كل شئ
ومو بعيد يعملوا مثلك :)

الناس على ما بتتعود تشوف وتتخذها عادة وتقليد
واذا خالفت لا تخلوا من الانتقادات ولكن بعد فتره بيتعودوا ايضا وبتصير انت بعد عادة وتقليد

اخو سعدى


حييت بالمضيف العام وموضوعك ذا الابعاد الاجتماعية الهامة

لك ارق التحايا وخالص التقدير

*
*

[ابو راكــــــــان]

اخو سعـــدى

للكبار نضـــــــره
تسقط على كل مايرونه
ونحن نتباها منها
فتقبلها بكل طمانينه

فهم خيرون على كل السبل

[اخو سعدى]

شام



شكرا لكِ على المداخله .. ولكن هذا هو الواقع



الجميع يعاني منه وخصوصا كبار السن حفظهم الله لنا





شكرا لكِ

[اخو سعدى]

اخي صلفيق


الله يعين ذا اللي حاصل للكل



لكن هذه تقاليدنا لابد من المحافظه عليها مهما كانت





لاهنت

[طلال الاسلمي]

من راقب الناس مات هماا


لاتلومهم ما عنده شغل الا انت وش لابس بالمسجد

وجهت نظري ان اللبس يرجع للشخص

واللبس اللي تبي وتنظر في احد لان بعض العادات تكون دبل كبد صل بدون شماغ كل يوم

ويتعودون

[اخو سعدى]

لوليتا



اتفق معك الى حدا ما ولكن .. في المسجد لابد


ان تكون بمظهر جميل وحسن ...




شكرااا ..

[اخو سعدى]

هلا طلال ..



لكن مايخلونك .. بيتكلمون فيك بكل مجلس



ولد فلان .. اليوم شفناه ماعليه شماغ ..




افا .. والله ماهقينا انه هلون ..







هذا هو حالنا .. حش في قصب ..






شكراا .. طلال