لا تزال ... في الذاكرة .. مع الفريد .. من نوعه ... الشبث [الأرشيف]

مشاهدة النسخة كاملة : لا تزال ... في الذاكرة .. مع الفريد .. من نوعه ... الشبث

منصور الغايب

27-06-2009, 12:51

السلام عليكم ورحمة الله وبركاته

نتواصل ... معكم ... ومع الابداع ..

وليس للابداع نهاية هنا في مضايفنا ...

فما أن تنتهي القصة مع مبدع ... إلا وتبدأ قصة مع مبدع آخر ...

وكما يقول مهدي آل حيدر :

والنجم لا غاب ضيه .. لاح نجم ورد ضيه ...

هذه المرة ..

غير ..

لانها مع أحد أعمدة المضايف ...

وماهو بأي عمود :)

عمود كنكريت :)

إنه أبو ماجد ..

أيام العزوبية ...

ودعوة مقدمه منه لاعضاء المنتدى في ذلك الوقت ..

إلى حفل زفافه ...

وأترككم مع الحدث ..

تم نشر هذا الموضوع في المضيف العان في :

07-08-2006, 17:59

وكان بعنوان : الدعوة عااااااااااااااااااااااااااااامة

=================================================

المفروض

اول شي بسم الله الرحمن الرحيم

السلام عليكم ورحمة الله وبركاته

هالحين اكمل

المفروض اني ما ادعيكم

انتم اهلي

انتم اللي تعزمون

المهم

يسرني ويسعدني ويشرفني ويرفع من قدري اني ادعوكم لحضور ......

لااااااااااااااااااااااااااااا

مقدر اقول

يمه بطني اوجعني

ياربي شسوي بنفسي ماني مصدق

ادعوكم لحضور حفل زواجي ( والله العظيم اني صادق والله ما امزح )

يوم الخميس ليلة الربوع قصدي ليلة الجمعه الموافق 30/7 هجري الموافق بعد 24/8 ميلادي

بقاعة ( درة الخليج للاحتفالات )

حسب الكروكي المرفق

الكروكي

لياصرت جاي من الدايري الشرقي ( طريق المطار ) القط طريق الملك عبدالله مخرج 10

وسيدك لا توقف الا عند الاشارات ليما يجيك اخر الشارع قبل توصل استاد الملك فهد

يجي على اليمين .

ولياصرت جاين من طريق خريص انزل من حدر كبري الحرس الوطني ( المعيزيله ) تسنك تبي

الاستاد تبي تحضر مباراة اول دوار سيده وثاني دوار سيده وثالث دوار يسار ( تتجه غرب )

يجيك على اليسار .

ملاحظه مهمه :

فيه استراحه خاصه بالاخوان اعضاء المضايف ايام الاربعاء والخميس ( يوم العرس ) والجمعه

وستقام امسيه شعريه يحييها شعراء المضايف

للاخوات :

لا تحسبني ما ادعيكن

انتن الخير والبركه

والله ياخيواتي يشرفن حضوركن وفيه طقاقاتن محترفاتن مستأجرتهن الوالده خصيص لكن

للأستفسار :

عاد اللي يبي يستفسر ولا ضيع يدق على جوالي ***************

بس مهو يدق علي يوم الخميس

والله اخربه معوه

وكلكم اخواني واخواتي

ودعوتكم شرف لي

وحضوركم يزيدني شرف

وتقلدوا تحيتي

=====================================================

قلم شمر

27-06-2009, 14:32

ابو ماجد انا ما حضرت الزواج
لازم تعيدوووه <<< :201r:

والا اقول نحضر زواج ماجد ان شاءالله وانت بصحه وسلامة

الشبث سيبقى في الذاكره فهو أحد قمم المضايف ...

المنصور دائما مبدع ...

صعوة فسفورية

27-06-2009, 15:01

الله

حلو الواحد .. يقيد ذكرى زواجه

في منتدى ويعزم هذا دليل ع عشق الشبث لاهل المضايف

وفيه البركه

عسى الله .. يفرحه دنيا واخره ويخليه لولده ماجد ولزوجته

منصور .. ثانكس الوت

شام

27-06-2009, 16:38

عقبال ما يكتب لنا ابو ماجد دعوة لعرس ابنه ماجد
و كانت ايام مضت بالذكرى الطيبة الخير
و الامل بأيام افضل يولد مع كل اشراقة شمس
شكراً لـ أبو ماجد
و شكراً لمنصورنا
اختياااااااااار حلو وجميل

العَـــروب

27-06-2009, 16:57

ما شاء الله .. هذا ايام ما كان ابو ماجد عزوبي ..
والله باين عليه الارتباك :)

عسانا نشوف دعوة عرس ماجد ..

منصور .. استمر .. بانتظار القام

الشبث

27-06-2009, 17:47

ههههههههههاااااااااااااااااااااااااااااا ااااايلي

حسبي الله على بليسك يا منصور

وين تسلطت على هالموضوع ههههههههههههههههههههههههه

بارك الله فيك وبارك الله بجميع الاخوان

وعزالله ان الذكرى الطيبه حلووووه

الله لا يفرقنا ويجمعنا دايم على الخير

وارجي ان شاء الله اني اكون عند حسن ظنكم

همسه في اذن ابو عبدالله :

ترن عقلت ماني مثل خبالي الاول ههههههههههههههههههههههه

الف شكر اخوي منصور على هالموضوع

والف شكر لباقي الاخوان

وتقلدوا تحيتي

ريال الفسحه

27-06-2009, 18:12

من يقول انوه متزوج ؟

ابو عارف

27-06-2009, 22:23

الف مبروك أبو ماجد الزواج ترني ماعرفت الوصف زين تعالي بالملعب أنا وخويي أبو حسن يوم الخميس ليلة الإثنين نبي نحضر عرسك يعله مبارك إن شاء الله.

شكراً على الدعوة الكريمة لاهنت

شكراً لك أبو عبدالله ذكرتنا بزواج أخونا الشبث ماعمري شفت زواج الشبثان يمكن زي البساسة بلشة هل التلعة.

واحد شقردي

27-06-2009, 22:29

هههههههههههههههههههههه الف شكر يا ابو عبدالله

على الجيبه الحلوه

الله يوفقك يا ابو عبدالله

دمت برعاية الله

فتى البيداء

28-06-2009, 02:25

يستاهل ابوماجد .. وماهو غريب عليه الطيب ..

تحياتي لك منصور ..

بنت الجبل آخت القصيد

28-06-2009, 02:29

:mabrook:

:mabrook:

ان شاء الله حاضرين
الله لايعوق بشر

<<فاهمه غلط:)

الله يوفقك يابو ماجد وتشوف ماجد بعام 2029 عريس :mabrook:

مشكور منصور:)

/
\

لاهنتو

الشبث

28-06-2009, 16:37

ابو عبدالله ياليت تمسح الرقم

لانه اتغير

اخاف يزعجون الرجال ويدعي علي تالي هالليل هههههههه

الف شكر للجميع

وتقلدوا تحيتي

عبدالرحمن

28-06-2009, 22:57

اهلا بالاديب الفاضل ابو عبدالله واختيار موقف
لأخينا العزيز ابو ماجد لو اننا شرهتنين عليه
لقلة مساييروووه على الديوان العام
الظاهر وزارة الداخلية ساجنتووه بالصالة:)!.

ولياصرت جاين من طريق خريص انزل من حدر كبري الحرس الوطني ( المعيزيله ) تسنك تبي

الاستاد تبي تحضر مباراة اول دوار سيده وثاني دوار سيده وثالث دوار يسار ( تتجه غرب )

يجيك على اليسار .

عليك وصف يخلي البنغالي يترزز من العصر بجنبك:).

منصور الغايب

29-06-2009, 00:22

شكرا لكل من مر من هنا ...

ومثل ماقال ابو ماجد :

عسى الله لايفرقنا ...

لوليتا

29-06-2009, 00:36

*
*

الف مبروووك ابو ماجد ولو انها متاخرة

<< ما كانت موجوده

هههههههههههه

عقبال ماجد ان شاء الله
واكون قريبة واحضره

الله يدوم المودة والاخوة ان شاء الله

منصور

قمة انت

تقديرى لك

*
*

طلال

29-06-2009, 07:00

ان شاء الله على الثانيه ابو ماجد

< نذاله :)

.
.

الله لا يفرقكم .. يارب

.
.

يعافيك ربي " منصور "

.
.

ابو ضاري

29-06-2009, 07:04

الشبث ابو ماجد

سيبقى في الذاكره فهو أحد اعمده المضايف
بل سيبقى بالقلب

منصور بيض الله وجهك

الشبث

29-06-2009, 09:30

مداخله للرد على اخوي عبدالرحمن

لك حق تتشره على اخوك الصغير

لكن بعون الله بالفتره الجايه اكون اكثر تفاعل

الفتره الماضيه كانت صعبه شوي

لكن دائما متابع لكل ما يطرح بالعام

طلال

ياوجه النكبه << قمط من ام ماجد خخخخخخخخخخ

ابو ضاري

تاج راسي انت

الف شكر للجميع

وتقلدوا تحيتي

أبوطروق

30-06-2009, 16:02

الله وناسة

أبوعبدالله وشرايك أرسل لك كرت عرسي وتنشره هنا (طبعاً عرسي الجديد لأن الأول ماكان فيه كروت دعوة)

لاهنت يابوعبدالله ويستاهل الذيب أبوماجد

وعقبال ماتعزموننا على عروس عيالكم

""""""""""""""""""""""""""""""""""""""""

منصور الغايب

30-06-2009, 16:45

^
^
^

أتحداك تسويه :) <<<< حده على أقصاه ...

مشكور ياالحكيم ..