المساعد الشخصي الرقمي

مشاهدة النسخة كاملة : ماهو أفضل جهاز جوال حالياً؟!


مطلق الثنيان
26-06-2009, 00:51
أبي أغير جوالي لكني محتار؟!.. لذا فسؤالي لإهل الخبرة والفطنة:361r:.. ماهو أفضل جوال حالياً خاصة فيما يتعلق بنوعية الكاميرا لإنه يهمني وضوح الصورة وجودة التصوير طبعاً التصوير بكافة أنواعه بما فيها تصوير الفيديو؟
:361r:
بنت الجبل آخت القصيد
26-06-2009, 03:02
نوكيا n95
كاميرته رائعه

الرابط هذا فيه مشاركات للاعضاء بانواع اجهزتهم


http://www.shmmr.net/vb/t61177.html (http://www.shmmr.net/vb/t61177.html)

.
.
مطلق الثنيان
26-06-2009, 03:21
نوكيا n95

كاميرته رائعه


.

شكراً ياعطر شمر وتوكلنا على الله
بحول الله تعالى أبي آخذ بمشورتك وأشتري نوكيا n95
تحياتي لك .
مشعل السليطي
26-06-2009, 17:18
والله انا معي n95 8gb يعجبك صدقن ماراح تندم كاميرا عالية الدقه وتقبل سلامي لك
الشاهري العبيدي
29-06-2009, 09:54
الحال من بعضه

محتار ودي أغير الأحفورة الي عندي....


يمدحون السامسونك اللمس هل به أحدن جربه؟
او النوكيا اللمس






كل الشكر لك
غالب
04-07-2009, 00:23
^^^^
تطورت المنفوحه
^^^^^^
إي بالله أنا شريت N95 وعزا الله إن تصويره حلوو

واستلم سلامي
العَـــروب
04-07-2009, 09:30
n95 حلو اذا كنت تهتم بالتصوير


وبالنسبة لاستفسار اخوي الشاهري


اي جهاز يعمل باللمس انحاش عنه :)
العالم
06-07-2009, 14:21
أحلى جوال( نوكيا n73)
مطلق الثنيان
07-07-2009, 04:27
عطر شمر ..
ومشعل السليطي
سناعيسو

الله يصلحكم ويهديكم على هالشور .. قولوا آآمين .. قولوا آآآمين
.
.
.

.



لكن اللوم والشره على اللي يشاوركم

ورطتوني مع نوكيا 95
شكلكم متفقين تنكبوني بهالعلة
مالقيتوا الا نوكيا 95 عشان تدبسوني وتورطوني به
.
.
نوكيا 95
.
.
معقولة
.
.

.
.
.
.
ماكنت أحسب إن كاميرته بهالروعة والدقة والوضوح بصراحة الجوال خيال وأجمل مافيه كاميرا التصوير :)!!


قبل سنتين جربت نوكيا 70 لكن كاميرته سيئة.... لدرجة جعلتني أكره التصوير من جد!!

وهالسنة كان معي نوكيا 73 وكان زين معاي إلى حد ما ولكن مش هو اللي في بالي !!


أما الكاميرا في نوكيا 95 (المطور) فهي غير غير !
كاميرته جميلة وواضحة ودقيقة جداً ...... كاميرا التصوير تحديداً خطيرة بصراحة !
جعلتني أعود مرة أخرى لهواية التصوير بل أنني بعد ماشريته مباشره وخلال الأسبوعين الماضيين أدمنت التصوير أدمان حقيقي !!
فكنت أصور يومياً حتى بعز القايله:) !!





الحال من بعضه
محتار ودي أغير الأحفورة الي عندي....
يمدحون السامسونك اللمس هل به أحدن جربه؟
او النوكيا اللمس
كل الشكر لك


العفو أخوي الشاهري العبيدي عليك بنوكيا 95 المطور
فيه نوكيا 95 العادي مش مطور تقريباً بألف وثلاثمية طبعاً هذه الأسعار عندنا بحايل مادري عن الرياض وجدة
عموماً اللي أنا شريت نوكيا 95 المطور جديد مع الضمان بألف وخمسمائة وخمسين ريال ولا رايح أغيره أو أستبدله وكانك ماشريت إلى هالحين تره مايغلى عليك وجاك هدية .

أما بالنسبة لسامسونج فلا أعلم عنه شيئاً !!
ولكن مادام أن العَـــروب تقول لك أنحش عن السامسونج فخذ بنصيحتها وأقضب طرف ثوبك وأنحش:)!!





^^^^

تطورت المنفوحه
^^^^^^
إي بالله أنا شريت N95 وعزا الله إن تصويره حلوو
واستلم سلامي

شكراً لك يالحبيب على نصيحتك الصادقة واللي جت صحيحة وبمحلها .. الظاهر أن جوال نوكيا 95 المطور سنعوسي!!


لكن لحظة!

وش دخل منفوحة بموضوعنا ياسناعيسو؟:)





n95 حلو اذا كنت تهتم بالتصوير
وبالنسبة لاستفسار اخوي الشاهري
اي جهاز يعمل باللمس انحاش عنه :)


شكراً لك على الرد لكن مالك حق تهربين الشاهري العبيدي من متصفحي فهو أول مرة يجي ويرد علي بموضوع!!
بسببك هج عن مضيف الجوال ! شوفيه قضب شليله وأنحاش:)!






أحلى جوال( نوكيا n73)

شكراً لك وصحيح كلامك أنا اللي كان معي جوال نوكيا 73 الجوال زين وماهو ردي أبداً !!
ولكن بالنسبة لكاميرا التصوير في نوكيا 95 فكما ذكر لأخوة والأخوات هو الأفضل!

وبصراحة نوكيا 95 المطور هو الأفضل حتى الآن وهذا الكلام عرفته من تجربتي له خلال ألأسبوعين الماضيين فقط .
والتجربة خير برهان كما يقول المثل.

تحية للجميع وتصبحون على ألف خير .
%%ذيب شمر%%
07-07-2009, 04:43
افضل جوال وانا اخوك العنيد:)
سيف الدولة
10-07-2009, 11:33
يمدحون السامسونك



التغيير زين

دايم نوكيا
ريال الفسحه
10-07-2009, 13:25
عليك بالرهيب كمرته 8 بكسل وتصويره
واضح وحلو
أنوار المدينه
11-07-2009, 03:03
سوني أركسون ولاأبغي غيره بعد تجربتي لكل الانواع

يجمع مابين التقنيه اليابانيه والاوربيه وأفضل الانواع اللي تكون بحرف K وأفضل شيء الان اللي كاميرته 12

بكسل

الله يوفقك بالشيء الزين