مشاهدة النسخة كاملة : الشعر [ نايف عوض ]
عبدالله المهيني
22-06-2009, 05:59
هذي مشاوير الغلا هاك شفها
......كني حمامة شوق .. ويديك عشـّي
الحاجه اللي جيت أبيك تعرفها
......ما قلتها لك .. وانت ما قلت وشّـي ؟؟
:3ajebni:
عبدالله المهيني
22-06-2009, 06:00
شكواي لحظه .. كنها يوم جنبك
.................ويوم إرتياحك كان لحظه بجنبي
إن خنتني مرّه .. فأنا أقول: "ذنبك" !!
............وإن خنت مرّه ثانيه صار "ذنبي" !!
.
عبدالله المهيني
22-06-2009, 06:02
الليل كان أجمل الأشيـا وكـان الوحيـد
...................اللي يجمّـع طفولتنـا وطيـش الشبـاب !!
أيام ما كانت لنا الأيـام كـل يـوم عيـد
....................نمشي على الأرض ويدينا تفض السحاب!
يومي لمحتك ياساره مقبلـه مـن بعيـد
...................لمحت معك الهنا لني ماعـرف العـذاب !
طايش واحسب الهوى هاتف وساعي بريد
...................لحظـه مواعيـد تتبعهـا ليالـي.. غيـاب ..
وبعد انسرقت وبدا عمري معك من جديد
...................بديت اسرح واهوجـس..وآتعلـم عتـاب
قلتي طفل واعترفت اني طفل من قصيـد
..................نادت له يدينك الحلوه ورق.. واستجاب!!
:315r:
عبدالله المهيني
22-06-2009, 06:04
عندما . . . . ل ا أ د ر ي !!
عاد وان رحت ذا الليله وضل المكان
والدقايق تمر اشبه بمشي السنين !
خايف ابقى هنا واجلس بليا أمان
وخايف الحْقْك وآضيع طريقك منين!؟
وانت يوقف مع شعوري بوجه الهوان
والا خذني معاك ابدون متقول..وين!
ماخبرلي حبيب الا انت في هالزمان
وانت احس انك بدوني غريب وحزين!
وهذا انا مثل نبتة صيف بارضٍ طمان
لاطرقها هبوب ولا روت من معين !!
بين رجوى الوصال وبين ذكرى الحنان
كن مالي مع العشاق حضن ويدين !
اغتربت فبعادك والله المستعان
لين قمت آتلفت عن شمال ويمين!
طيب احتجت..كيف آعاتبك باتزان
والا لاضقت منك اشكي عنادك لمين!؟
كل عذرٍ من اعذارك قبلته عشان
ماتقول اني ازعل منك في كل حين !
وكانك اقفيت ذالليله وضل المكان
هالدقايق تبي تمشي سواة السنين!
عبدالله المهيني
22-06-2009, 06:05
اعترفلك بدمعه قبل تسعة شهور
....................ذيك طاحت على شانك وشان النوى !
تدري اني وانا بلحظة بكاي معذور
....................مثل من يخنق الحيه..عشان الدوى !!
عبدالله المهيني
22-06-2009, 06:06
اقفي بقلبي مثل مالوقت مقفي
ومثل السفر في سكةٍ مالها رد !
قلبي واعرفه يتبعك يم حتفي
حتى لو انه شايفٍ بالهوى صد !
:)
عبدالله المهيني
22-06-2009, 06:08
ياخي تعبت افضح شعوري واخبيه
....................واصد بعيون الغرام..ان تباكت !
لو كل شيٍ بستحي منه..ابديه..
...................ماكان لي شهرين احبك...وساكت!
عبدالله المهيني
22-06-2009, 06:09
(( ابتوضا....واصلي ))
اسولف بك على حالي وانا اللي
..................اكنك داخلي واحسبك..تسمع !
تعبت..وقمت ابتوضا..واصلي
...................وحسيتك بجنب القلب. تركع !
ومجدولك على الهدف امتدلي
..................والى مني خذيت انفاس يرجع!
مهيب المشكله لو انت ظلي
..................اجي بظلال..وافارقك واقنع!
ولكن لك سنه وشوي كلي
.................ابفهم وين عنك آروح واطلع!
غلاك يحد عيني لين ادلي
..................اقرب كم ثوبي ....قبل تدمع !
وقبل لاتطيح هالدمعه بملي
..................تلاقفها عيون الناس واجزع !
وارد احكيك لانفاسي وانا اللي
.............احسبك لاحكيت هناك..تسمع !!!
عبدالله المهيني
22-06-2009, 06:10
جيت اقول اني قدرت انساك واودع حنيني
والتفاصيل الصغيره شي..وانا شي ثاني!
حلمي بقربك طلع كذبه وهاك المس يديني
كنها ارضٍ تكتسي بالثلج من غيم المحاني!
لاتفكر بينك وبينك وش اللي يعتريني
كلها ليله.. ودمعة بعد..وموادع أماني !!
دمعةٍ من يوم حبيتك وهي برموش عيني
كنها تدري بقرب البعد وتعد الثواني !
رح عساك بخير مع ناسك ومابينك وبيني
خله هنيا..مع الاحزان وانفاس الاغاني !
ادري ان الويل ماهو حب ينثرلي سنيني
البلا حبٍ يجمّعها ويتركها ..تعاني !!
من طرف واحد تكوّن حب..بس اليوم ويني
هالطرف نفسه..جأ ايودعك..يبغى حب ثاني !!
عبدالله المهيني
22-06-2009, 06:13
( ............. )
خل الجروح تنام..تصبح على خير
..................لا تنبش قبور الليال.. القديمه !!
لو اجتمعنا يوم..وش كان بيصير ؟!!
..................هذا انت مثلي ..مالامانيك قيمه!!!
من صارت الفرقى سما والأمل طير
.................وانا ادري ان كبار الاحلام..غيمه!
ماكنت خايف نفترق..لننا غير
..................واثر الغدر لايامنا السود شيمه !
من ذقت باسواق المحبه مخاسير
..................وانا اعتبر في راس مالي..غنيمه!
عبدالله المهيني
22-06-2009, 06:14
كنت...وش كنت والدنيا مهي لي
لا الطفوله..ولا هلحين..يامي !!
ابسط اشياء ابيها... ماتهيت
كيف اجل باخذ من الوقت كل شي!
مامعي غير ضيقي..وامنياتي
في طريقٍ كره خطوات رجلي!
من ظماي آتهايق في منامي
بس الاحلام مافي عدها..مي !
والمسافه تطول..وياسرابي
ان طلبتك تبل السالفه..عي !!
من متى كان للياس احترامه
غير يوم الأمل قفى من شوي!
من متى كنت ادور عن حبايب
والحبايب قبل هالوقت..بيدي!
والشوارع.. ممرات لعذابي
من قبل بابنا..لين آخر الحي!
العَـــروب
22-06-2009, 11:16
مجموعة رائعة بل أكثر من رائعة
شاعر مذهل ..
الف شكر اخوي عبدالله على هذه الباقة الخلابة
روعة
اختيار اكثر من رائع
دائماً أثق بذوقك ياعبدالله
اخترت فأذهلت الذائقة و الافئدة
سنكون دائماً بانتظار مالديك من درر شعرية
تقديري واحترامي لك
عبدالله المهيني
23-06-2009, 09:16
مجموعة رائعة بل أكثر من رائعة
شاعر مذهل ..
الف شكر اخوي عبدالله على هذه الباقة الخلابة
ام يوسف
حضور لا يشابه حضور
شكراً لتواجدكـ أختي
ياهلا
عبدالله المهيني
23-06-2009, 09:16
روعة
اختيار اكثر من رائع
دائماً أثق بذوقك ياعبدالله
اخترت فأذهلت الذائقة و الافئدة
سنكون دائماً بانتظار مالديك من درر شعرية
تقديري واحترامي لك
شام
حضورك طاغي
أشكر لكـ تواجدك
ياهلا
عبدالله المهيني
23-06-2009, 09:18
( اللحن الاخير )
توترت وعرفت ان الغياب يوتر الاعصاب
.............................وانا كنت احسب اني بالصبر ياريم متجمل!
بعد ماغبتي بليله بكيت...ورحت يم الباب
.............................اناظر للرياض بغيبتك من امس...واتأمل !!
تقول ان الدروب عروق والديره جسد وثياب
............................لعب فيه الغياب ونحفه... من كثر ما اتحمل!
كأن اخواني الياكلموني وخوياي..اغراب
............................اوقف خطوتي واستنكر الاشكال ...وآكمل !
واقول الله يردك في يدك عقلي..وشي غاب
............................لأني بالصبر.. ماعادني ياريم...متجمل ! ! !
عبدالله المهيني
23-06-2009, 09:19
البارحه من غيبتك يالغلا..ضقت
ووجه الرضا بارض الزعل مابعد ضاع
زاد زعلي...لكني لصوتك اشتقت
الغيم...لازاد بسواده... سقى القاع ! ! !
عبدالله المهيني
23-06-2009, 09:22
رحتي..ودورتك وقابلت لك طيف...................
لاراح عن عيني ولاشفته..ونمت !
على كثر ماني محضر سواليف...................
غبتي...وبدلتي سواليفي بصمت !
عبدالله المهيني
23-06-2009, 09:24
يافتنه..للسما في قلبك الطاهر مكان ووقت
...............................وانا مرتاح كوني غيمته..والا عصافيره !
بياضك كل مامر بعيون الذاكره واشتقت
...............................خذيتك من يدك لاحلى حياه..وقلت ياآميره!
انا يومك تأخرتي عليّه من ضلوعي ضقت
...............................تمنيت افتح بصدري دريشه وارمي الغيره
ياربي وينها..والا ياربي ليش انا اتعلقت
..............................وانا ادري بالصبر كلما يطول يطول تأثيره
تقول بجرة احلامي على رف الرجا اتعتقت
..............................دقيقتها سنه...بين اليقين ولعنة الحيره !!!
عبدالله المهيني
23-06-2009, 09:29
( المشاوير الحزينه )
تضيق الشوارع بالرياض..وتغيب الناس
....................................وكأن المباني تدري اني..مفارقها !
وانا سنيني بريح الجفا..تشبه القرطاس
....................................سماها.. بعيده والوطا مايعانقها !!
خساره...تحس بواحدٍ مامعاه احساس
...................................يجمّع دفاتر تضحياتك..ويحرقها !
كذا لي نهارين اجذب الضيق بالانفاس
..................................مثل دلوٍ الله بالسقي...مايوفقها !!
مشت..ماخذت في خاطري لوبكلمة راس
.................................وانا ليتني تارك جروحي ولاحقها!
مشت..ماكأني قصه وصدرها كراس
.................................محتني... اونها قطعتني بخافقها !!
لها الوقت..لي الله..لها الخوف لي حراس
.................................مصير الندم لومادفعها...يلاحقها !!
ولكنها الغلطه إلى عدت... المقياس
................................يجي عذرها مهما كبر..مايطابقها !!
وانا كم دمحت وكم نسيت وشريت الياس
................................وانا آمالي اقفت من هنا بيد سارقها!
ولاآحر من دمع المفارق..على الحساس
................................ولااقسى من جيوش الليال وبيارقها
مابين المشاوير الحزينه..وبين الباس
................................امر السنين الصادقه ما اصدقها !!
و تضيق الشوارع بالرياض وتغيب الناس
...............................وانا الليله مفارق حياتي..مفارقها !
عبدالله الجعيثن
24-06-2009, 22:23
المهيني
تغيب شهور عن المنقول
وتعود بما يثقل السيرفر
لاهنت...
شاعر مبدع وجزل
عبدالله المهيني
28-06-2009, 05:12
^
^
على رأسي يابو غازي
حضور أحترمه جداً
لكـ الود
شموخ شمالية
28-06-2009, 08:25
اقفي بقلبي مثل مالوقت مقفي
ومثل السفر في سكةٍ مالها رد !
قلبي واعرفه يتبعك يم حتفي
حتى لو انه شايفٍ بالهوى صد !
تسلم والله وشكرآ لك .... واختياااارك موفق استاذي القدير
احتراااااامي
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir