لو كنت مكان بيسيرو

[أحمد]

اللهم لك الحمد على كل حال

منتخبنا يسد النفس

كل شيء كان مهياء للتاهل الى جنوب افريقيا ....


بس للأسف ...


كان لاعبينا ينتظرون الكوريين يسجلون بانفسهم هدف عشان ياهلونا او كاني حسيت انهم يقولون متى يأثر الحر عليهم عشان يوقفون ونفوز ....
على ملعبنا والحضور كان فوق العاده مفاتيح الفوز موجوده المنتخب اللي مقابلنا مهو افضل من منتخبنا فنياً ....


ليه ماتاهلنا ؟؟؟؟

انا اقول السبب الاول اللاعبين

شهيل مايطلع بالهجمه السعوديه اذا كان توجيه مدرب فهي مصيبه واذا كان تعبان فالمصيبه اعضم .... الزوري ينزل ويفتح خانه بس الاوفر ماش مدري وش السبب خايف من الجمهور او خانته الخبره فيه مشكله بالاخير عزيز مهو عزيز اللي نعرفه واللي تبداء الهجمه من عنده نور مهو موجود بالخدمه مؤقتاً وجوده اليوم مثل عدمه ... عبدالرحمن القحطاني مرتبك وضايع ومايدري وش يسوي بالملعب لاعب ماعنده كنترول ليه نعتمد عليه ؟؟ الشلهوب صاحب العبدالله (ياليتهم امرحو) ياسر مستعجل وضايع بالطوشه ....

والسبب الثاني المدرب


طيب لو كنت مكان بيسيرو وشلون تتصرف في المباراة ؟



والله قهر .....

[أحمد]

انا عن نفسي

مع اول خمس دقايق من الشوط الثاني اسحب عبدالرحمن القحطاني وواحد من المهاجمين وانزل حسن معاذ وتيسير الجاسم ....


والعب بالدفاع كما هو وعزيز قدامهم ويبقى الجاسم لمتابعة الهجمات المرتده مع المسانده في نص الملعب وحسن معاذ في الطرف الايمن عشان استفيد من كوره العرضيه وتسديداته وحسين عبد الغني في الوسط الايسر ونور خلف المهاجم وفي الربع ساعه الاخير اسحب شهيل وانزل السعران او الشمراني

[منيف الوبيري]

الجثري والله مالي خلق احتسي بالكوره ::


كله بسبب الدكتور الله لايوفقه اليوم رثعبنا بالاختبار



يارجال تقل يبي ينتقم مننا انتقااام مسبوع الابو !!!



أما المباره !!!




بقولك شي ::


ياسر القحطاني ,, من سالفته ,, وهو مااااش ,,,


مادري هو ظغط نفسي رهيب ,, ولا تشبع كوووره ,, ولا ,, مااادري



محمد نور :: بصراحه مع الاتحاد يبدع ,,


لكن الظاهر اثر عليه سالفة كالديرون وانتقاله من الاتحاد


وبلشان يغير فنيلته بين الشوطين





الاسد أسامه هوساوي ,,, الصقر نايف هزازي ... الكابتن حسين



ماقصرتوا ,,,



والباقين ,, كش عليكم وأولكم عزيز .. والزوري رجل الفضاء

















ومضه // عيال عطيف فلصوا بمنتخبنا

[منيف الوبيري]

أيـــــــــــــــــــــــــــــه نسيت اقولك

لو اني بمكان بسيرو وش اعمل ,,



من بداية الشوط الثاني ,,




اطلع رجل الفضاء عبدالله الزوري وانزل تيسير الجاسم


وارجع عبدالغني بمكانه ظهير ايسر



واخلي محور واحد اللي هو عزيز



واطلع القحطاني وانزل الشلهوب (( يالربع الجود من الموجود ))



وكذا يصير الوسط


محور خالد عزيز

ووسط يسار الشلهوب

ووسط يمين تيسير


وخلف المهاجمين محمد نور ,,



طبعا العمل هذا كله ببداية الشوط الثاني !!!



والتغيرات ,, الجود من الموجود !!!


















ومضه // كش عليك يابسيرو يالجبان

[أحمد]

ياهلا بمنيف


كش على دكتوركم مالوه حق ياخي بعض الدكاتره يحسد الطالب على التخرج كانك تبي تقاسموه راتبوه


وتغييراتك منطقيه بس الشلهوب ؟؟


ليتك انت المدرب


تري مكاسي

[يـــوسف]

ربك كريم يالجثري



دآمهم فكــرو بشخص وآحد على حسآب ملايين هذا بحد ذاته سقطه وعار عليهم وماهي أول مره يجاملون لاعب على حسآب مشاعر عيال الوطن








يآسر ليش يلعب اساسي وهو اساسا ماقدم شي مع نآديه !!!!!!!!!!!!!











ياناس حرآم والله تفرضون لاعب عشان ماتجرحونه يااااااااااااربيه ههههههههه







لا صدق ياسر افضــل مهآجم بالسعودية وهالكلام محد يناقش فيه والجميع يتفق عليه ..




بس ياناس ياسر مو هذا اللي قبل سنة وسنتين خلاص افهم يابو بشت مافيه شك اننا قدمنا مستوى ومافيه شك :)


وش المشكلة لو ان الشمراني لاعب من أول المباراة ؟؟ تنقصه خبره طزززززززززززززززز بالخبره وش سوت لنا








وصقع بنا هالمنتخبات وجمهوووووووووووووووووووووووور بالملايين يموت بالحســره ولحد فكر فيه












حسبي الله ونعم الوكيل باللي كان السبب بتدهور منتخبنا ووصول مستواه لهالدرجه







الجثــري لبى قلبك بس :)

[واحد شقردي]

الجثري

الله ياخذهم وياخذ المنتخب



خلوكم مثلي شجعوا جزر الواق واق

ولو اني محل المدرب ما اصير جبان مثله

[منصور الـ ع ـطآوي]

الحمد لله اني ما شفته و انشغلت بالمقطع ولا كان ضغطي واصل اتش


و من بداية المباراه و كوريا تلعب على الهجمه المرتده


و كنت متاكد انه ما تفوز السعوديه


و متاكد اللحين انه ما تتاهل

[القناصه]

بالله خلاص مافي تاهل


والله اني نسيت التلفزيون لو اروحلوه الحين ما اعرف اشغلوه>>>>>هههههههههه



بس تدري يالجثري لو اني مكان بيسيرو وش اسوي اغول اللاعبييين بين الشوطين اخرشهم واطلع قلوبهم




اصلا ان تاهلنا اول مباراة منهزميين والثانيه بررررررررى



تحيــــــــــــاتي

[عبدالله الجعيثن]

وليه ماقولون.........وجه النحس بالمنصه!!!!

[يـــوسف]

^

^
منهو وجـه النحس ؟؟






عزتي لنا بس وزي ماقالت القناصه وش نبي نسوي لو نتآهل نجيب خياش اهداف ننقلهن ههههههههههه




سود الله وجيهكم فوق هالسواد :)

[ابو ضاري]

صراحه انا ماشفت الشوط الاول

لكن من الاحرى

دخول الشمراني ممكان ياسر

والزوري يطلع ويطب الشيعي


ونور يبدل مع الشلهوب


يالربع الاعبين بهم البلاء تقل مايبون يصعدون

بالانديه ياكلون الوجه

صراحه ودي البحرين يفوز عليهم ويفوز على نيوزلندا ويصعد


طفشانيين مالنا خاطر نحتسي

[ريال الفسحه]

الله يبشركم بالخير ورب الكعبه توي دزاعدن نوم من البارح
وتوي ادري انه ماتاهل



الف مبروك:)

[منصور الـ ع ـطآوي]

^
^
^


الله يبااارك فيك

ههههههههههههههههههههههههههههههه

[عبدالله الجعيثن]

بخير الله يسلمك...يابو ناصر!!!!

[حيل حليل]

لو انا محله كان اشوت نص هالجحلط

لكن تدري زين اننا صرنا ملحق
ونلعب قدام التوسيززز
غدي نلقانا لنا عذر نتعذر بووه
ونروح البحرين على اننا بنشجع
واحلى سهره بالمعارض
بلا منتخب بلا هم

والله شي يقهر
ناس تحرث وحالته حاله وناس ولا كأنه في مباراه مصيريه

خيره ان شاء الله

[شرهه]

لو انا بمكان بيسره تسان انتحر

[اخو سعدى]

والله حاله صرنا ملحق ودورين وشقه بالسطح وخزان بعد ..

اقول ...

حميده هي حميده ..

المدرب مغلوب على امره .. والله لو اعطوه كامل الحريه لكان مثل مافعل

مع ايران والامارات لعب اللي يستاهل فقط ..

اما مباراه كوريا الشماليه فكان واضح تاثير التدخلات والكل شاهد عصبيه

المدرب المسكين .. ومثله مثل اللي قبله ..

المشكله ليست بالمدرب المشكله اكبر ...


شكرااا .

[مالكم بالطويله]

هذا هو حال الكرة السعودية وهذا اللي عندهم


ولو تشوف منتخبنا في التصفيات هاذي وللي قبله مدحدر ( من جرف لدحديرة )


ولو أنا من بيسيرو كان أدق على الملك واقوله تبي تتأهل ، غير اللي بالمنصة كلهم وحط صورة فيصل بن فهد .


تصدق عاد أن ميزانية رعاية الشباب اكثر من ميزانية كوريا <<<< سمعته من الشايب

[ســـعود]

انا ابي اتخيل نفسي مدرب النتخب في النص ساعه الاخيره من نهايت المباراه وعندي ثلاث تغيرات

نور برا مكانه تيسير الجاسم
الزوري برا وينزل السعران وعبد الغني يرجع ظهير السعران مهاجم ثالث
عبدالله شهيل برا وينزل حسن معاذ واخليه بس يسدد ويرفع

الجثري تتوقع لو انوه لعب هلون نفوز

انا ليا هلحين منقهر
الجثري تحياتي لك

[فهد الجنيدي]

الجثري


وش نقول وش نخلي


منتخبنا تقل مجمعينهم


و منقينهم نقوة


علشان يدبلون كبودنا

[الشبث]

قسم بالله لو انا بمكان بيسيرووو

اول شي اطلع فتى العفجه شعطوط السلايقي


والحدزوه الموهوب خخخخخخخخخ

والحقهم ابو نوران ههههه اويلي يا نوران الفقر يا وجه الفيديو


قسم بالله منتخب مرض ويجيب العله



تقلد تحيتي

[أحمد]

يوسف


ليا قلبك ولبا العرب اللي انت منهم


تري مكاسي عالمرور

[أحمد]

الشقردي


عزالله انك جبته وشلنا ووجع الراس نشجع الواق واق او مالاوي اصرف


تري مكاسي

[أحمد]

منصور العطاوي


عطني مصحف واحلفلك ان البحرين تبي يطلعنا


وبعده اعمل حسابك شهرين الجرايد ماتتكلم الا عن الاتحاد الاسيوي وتحكيمه لانه سبب خروجنا من المونديال


تري مكاسي منصور

[منصور الـ ع ـطآوي]

الجثري برد صبعك قبل تكتب

[أحمد]

القناصه


يعني بزعمتس سلطان راعي الخطط المدروسه ماغالهم بين الشوطين خخخخخخخخخخخ


وعلى قولتس ليه نتاهل وتجلدنا الفرق الاخرى ونطلع خلونا نقصر العنوه ونقعد بديرتنا احسن


تري مكاسي القناصةِ

[أحمد]

عبدالله الجعيثن


صح لسانك

[أحمد]

الجثري برد صبعك قبل تكتب


هههههههههههههه منصور احسن شي بالمنتدى انه يلزمك بدقيقه بين الردود عشان كذا اريح شوي


وبعدين الحويجه ماوصلت لانك قطعت الاتصال اكالليله


>>>>>>>>>>>>>> نشبه

[أحمد]

الضاري



صراحه ودي البحرين يفوز عليهم ويفوز على نيوزلندا ويصعد


سجل معك واحد متضامن ياخالي

[أحمد]

ريال الفسحه


وووهـ بس لو شفت وجيهنا اكالليله تقل خنافس متجمعين على التلفزيون وبالاخر انواع المقس


تري مكاسي يالعزوه وياحلو حلاكم هههههههه