اليوم كان موعدي مع الدكتورة تفاحه

[ابو عارف]

موعدي مع الدكتورة كان اليوم وقبل الموعد بثلاث ساعات رحت للحلاق التركي من أصل لبناني الموجود في حي كبار الموظفين بالشركة وقلت تشوف هالشهبا الي عليها صورة المؤسس قال إيه قلت هذي حلال عليك بس تخليني ألق من الزين بين حلاقة وصبغ وتدليك وتنظيف شوائب وتعديل حواجب بالمشرمح ترجعني 45 سنة للخلف .

قال معليشي بس عمو هدي مابتنفع مابتوفي معي الشغله إلت له ليش عما كم تبي آل تلات ورءآت زيها قلت توكل على الله يازلمة ويحطني على كرسي الحلاقة الدوار وهات أشوف صبخ ولبخ وتدليك وصبغ وتنظيف وتنتيف وحالتي حالة قسقس وثلاث ساعات على شأن خاطر هالدكتورة وثلاث ورقات ما الوم أم عارف لو زعلت تعرف ابو ناب ماهو تكانه.

المهم يوم خلصت وأقوم أطالع لنفسي بالمرآة رجعت للحلاق قلت وين راح الشايب الي كان عندك قبل ثلاث ساعات الي عطاك ثلاث ورقات ؟ قال هو أنت قلت مستحيل يازلمه أكون أن هو أو هو أنا هذاك معالم التعرية كانت واضحة على محياوه وهذا ولد نعمة فضحك ضحكة فخر وإعتزاز في مهنته تزييف الناس وعلى ضوء ضحكته ضحكت وظهر نابي وتعرفت على نفسي من خلال الناب الله يحفظه.


طلعت من عنده الساعة العاشرة صباحاً وكان موعدي مع الدكتورة المذكورة الساعة عاشرة ونصف صباحاً وأتطيب بدهن العود والعنبر والبس البشت وأجيك ماشي ويوم وصلت العيادة إستقبلني الحارس السوداني الضخم على الباب فطلب مني الموعد وسلمته له بكل تواضع وأدب وإحترام مع كلمتين باللغة الإنقليزية.

قال تفضل الدكتور بإنتظارك بالداخل دخلت الغرفة الأولى هناك سكرتير باكستاني شواربه مسدحهم فوق إذانه وطلب مني 1500 ريال تحت الحساب وكشفية وأعطيته المبلغ وكلي لهفة وشوق لمقابلة هذه الدكتورة الزائرة وطلب مني الباكستاني خلع البشت والشماغ والعقال عنده قبل مقابلة الدكتور وفعلت تحت الضغط والإكراه وكان بودي إن الدكتورة تشوفني وأنا مشخص لكن السكرتير رفض .


فدخل قبلي إلى غرفة داخل الغرفة التي فيها الباكستاني قلت بخاطري لا هذه الدكتورة أكيد إنها مهمة جداً الحارس سوداني والسكرتير باكستاني وفي غرفة في بطن غرفه ، شوي وطلع علي السكرتير وقال لي ادخل على الدكتور كنت أفكر إنه خانه التعبير بقوله دكتور وتذكرت إن الدكتور والدكتورة يقال لهم Doctor ودخلت والباكستاني قفل الباب خلفي إلا وقدامي رجل لهه ثلاث دقون أو ذقون من الشحم واللحم كأنه بعير مجزور مايقدر يتحرك ولايثور من كبر حجمه فضنيت إنه السكرتير الثاني للدكتورة.

فطلب مني أن أطلع على سرير خشبي بجانبه وهو جالس فطلعت على الكرسي من أجل أن تطلع علي الدكتورة وتكشف على نابي ولكن إن هذا البعير إفتر نحوي وهوجالس فمسك رأسي بيده وكان بيده الأخرى زرادية فطلب مني أن أفتح أفمي فقلت له أين الدكتورة تفاحه فقال أنا الدكتور تفاحه فأغمي علي ولم أفيق إلا ونابي على الطاولة قدام الدكتور تفاحه.

فمن اليوم لا أحد يقول لي أبو ناب لقد طار الناب في زرادية الدكتور تفاحه ويوم سألت عنه قيل لي بأنه دكتور بيطري يجي لعلاج الإبل في مزاين أم رقيبة كل سنه ويخلع الضروس البشرية والحيوانية وهو متواجد هاليومين الي يبي يلحق عليه قبل أن يسافر.

خاصة إخواني الي طلبوا مني أن أعطيهم عنوان الإستشارية الدكتور تفاحه سوف أبعث لهم عنوانه على الخاص.

الله يلوم لحيتي ماطعت شور مريتي


وسلامتكم.

[واحد شقردي]

حجز يا العمده 111111111111 ههههههههههههههههه

لي نكسه:3ajebni:

قايلك حط مره وركد يا ابو عارف ههههههههههههههههههههههههههههه



فدخل قبلي إلى غرفة داخل الغرفة التي فيها الباكستاني قلت بخاطري لا هذه الدكتورة أكيد إنها مهمة جداً الحارس سوداني والسكرتير باكستاني وفي غرفة في بطن غرفه


اصلا لو منك وشفت الحرس و السكرتير كان عاضن شليلي

بس احسك منقهر من التميلح لي مسويه الدكتوره تفاحه

كنت ترجي خير يا غالي

ههههههههههههههههههه الله يقطع بليسك يا ابو عارف كانك رائع وزقرتي

[بنت الجبل آخت القصيد]

الله يلوم لحيتي ماطعت شور مريتي
:3ajebni:


الحين وش لقيت غير شماتة مريتك بس

ياشايبنا وماسمعت باللي يقول
لاتودع سرك مرتك ولاصبي دارك :)


قل لعمتي ام عارف الله الله بالمرقوق
يمدحونه للطجمان :)
.
.

عساك على قوه

[عجايب بنت الشايب]

ترجعني 45 سنة للخلف




تبي يصير عمرك 35 سنه يعني ؟

[واحد شقردي]

^
^
^


وش الجحاف ذا يعني طق 80 وينه وين مسك الكيبورد و الابداع لي نشوفه


كانك ناويه تخربين المعاهده ؟؟؟
هههههههههههههههههههههههههههه

[εïз خزامى εïз]

هههههههههههههههههههههههههههههههههههههههه ههههههههههههههههه
الحين تفآحه ؟؟؟:boxed:
اسمه كيووووووووووت ههههههههههههههه
عمو ابو عارف
نعيما :) ههههههههه

[لوليتا]

*
*


هههههههههههههههه

ههههههههههههههههههههه

تستاهل يابوالشباب

عشان تكشخ للتفاحة

حق ام عارف اخذه الدكتور تفاحة :)

لكن كان الضحية الناب

مسكين


الله يعوض عليك عمووووو
فى الناب وال3 ورقات والكشخه



ههههههههههههه

تحيااتى لك

*
*

[روح حايل]

غميضة الثلاث ورقات


تسان الحين جايب شقلة ايرانيات :)

[فتى البيداء]

يمدين أصير دكتور أسنان .. طيب وش أختار أسم ؟؟


يصلح ((اترنجه )) ؟؟



أي والله لصرت أبلقى مثلك يدفع ثلاث ورقات عيار ثقيل ..

أصير نخله (( نبتت أم الخشب )) ..


أيه راح الناب وراحت الهيبة يابوعارف ..

[شيخة بليجاB-52]

والله انك شفره يابو نااب ههههههههههههههههههههههههههه وربي فطست من الضحك يازين هرجك
اخر هالتكشخ والتزين الدكتور تفاااحه يلعن ابو الاسم ياشيخ

حلولاه لو عندي رقم ام عارف كان دبست عليك<< دبووووس

امزح


دايم مبدع ابو عارف<<نفسها تشوف عارف

مشكوووووووووووووووووووووووووووووور عموووووووو

[ندووو]

ابو عارف مالوم ام عارف تغار عليكـــــــــــــ


تكشخ وتتطيب هههههههههههههههه خساره طلع شنب




هههههههههههههههههههههههههههههه


كل سالفه احلى من الثانيه


لا عدمناكـــــــــــ

[ابو ضاري]

هههههههههههههههههههههههههههههه
دكتور تفاحه حلولات نابك اللي شالته زراديه تفاحه
ابو عارف لا تزقرت ثاني مره

به دكتور عندنا اسمه فراوله استشاري مناخر هههههههه

دكتور تفاحه الله لا يجيبه عندنا

[أحمد]

هههههههههههههههههههههههههههههههههههههههه هه


خالي لامايصير يعني الناب راح فيها


والله ياخالي اني ودي لو سمعت شور الشقردي تسان وفرت امهات خمس ووفرت هالثلاث ساعات وباتسر ننتظر سالفة رجعتك للبيت وانت متزين لانه ماراح تمشي على ام عارف


تري مكاسي لك يالعمده

[هلآ الآسلميهـ]

الله يلوم لحيتي ماطعت شور مريتي<< هذا اللي مايسمع كلام مرته..


اخرته رجال اجل ههههههههههههههههه..




















والله انكم يالرجال مساكين ينضحك عليكم بسرعه ....

















تقلب عاطر ودي..

[عجايب بنت الشايب]

عمره ماتبخر تبخر واحترق


عز الله انه احترق قليبك .. ياحسافة شعيرات الوقار اللي طاحت جنبات كرسي الحلاق





اجل تفاحه


وحبحب



ايش قصة أهلك أنت :) مع الطبيعه





طحياتي

[ابو ضاري]

قصته كل يوم ياخذ حبحب عند الكبري

وضاربه الشمس خخخخخخ

[يـــوسف]

عجــآيب


^
^
^
فصلت على ابو عارف هههههههههههههههههههههه












خالي لاتهتم وآبشــر باللي ياخذك لأطلق تفاحه بس وسع صدرك :)


وخابرن لك دختوره بس تراعي لك نص ساعه وانت راجعن ولد عمرك 20 <_ ياويلااااااااااااااااااااااااااه بس :)

[عجايب بنت الشايب]

8
8

اقووول عين خير انت والي فوقك




ابو عارفكم ذا يبي له موضوع لحاله



بس وش نوع الموضوع مدري


:)

[روح حايل]

^


كلن على همه ياعجوبه :)



انتي تشوفين الشايب شلون التفاحه سببت لوه مصايب وكسرة خاطر :)


ونيوتن ماشاء الله عليه يوم فقشت راسوه اكتشف قانون ! << قانون ولا قيتار :)

[مطلق الثنيان]

ماسمعت باللي يقول
لاتودع سرك مرتك :)






:rolleyes:
الأعتراف بالحق فضيلة
:
..
:
وسيد الأدلة
:361r:

[ابو عارف]

أقول لكم كلكم المتعاطفين مع وضع الشايب نو ناب الماسأوي وأنتم يالشماته

إن الي حصل معي شيء خطير ومخطط له من قبل المافيا الدولية إنهم عصابة مجرمون مستأجرين شقة ويتصيدون الناس الي عندهم فلوس وعندهم مشاكل من أي نوع.

يمكن يخدعون أي واحد لإن كل يوم يعلنون عن برفسور زائر إخائي المخ والأعصاب والباطنة وماحوت وأمراض النساء والتجميل والعيون الخ وكلها عند ما أقدر أقول دكتور الجزار تفاحه.


ياعالم بغى يمصع رأسي لا وبدون تخدير بس قال إفتح أفمك وحط فيه خشبة تخليك فاتح على العالي ولاتقدر حتى تصيح بس هواء له وشيش مع إذانك ثم يضع يديك على بطنك وياطأ عليهما بوجله اليمنى ويده اليسرى على رأسك تقل طابوقه ويده اليمنى تدلي عليك كالصقر بهالزرادية وتخلع مافي طريقها ولكن الحمد لله مالقت قدامها إلا هالناب وجابته بلمح البصر.


ثانياً للي يقولون راحت هيبتك أقول لهم سنود لحية مروان نابي مازال في مخباي وسوف أجد الدكتور المناسب لزرعه ولو في سور الصين العظيم أو في برج إيفل مالكم فرحه يالشماته.


أخيراً أقول لكم كلكم مشكورين على الردود الرائعه بارك الله فيكم وسامحوني على الرد الجماعي بالوقت الراهن بسبب إختلال في التوازن مؤقتاً.


أبو ناب في مخباوه يعتذر منكم وسوف يرد عليكم واحداً واحد في وقت لاحق إن شاء الله.

تقبلوا جميعاً فائق تحيات

[عجايب بنت الشايب]

ياشباب ابشركم ابو عارف بيرد على كل واحد لحاااله


تخيلوووا لحاااااااااااله وناااسه ياربي لك الحمد

[ابو عارف]

ياشباب ابشركم ابو عارف بيرد على كل واحد لحاااله


تخيلوووا لحاااااااااااله وناااسه ياربي لك الحمد
-------------------------
أنتي يالعوباء ماني راد عليك لحالك.

[شام]

د.تفاحة
الحمد لله و الشكر لله أنها ما كانت د.سفرجل
كتير غيرك يابو عارف اعتقدوا التفاح تفاح
فكان سفرجل كل عضة بغصة
وترجم يا ترجمان
و سلامتك ياعمدة

[ابو عارف]

د.تفاحة
الحمد لله و الشكر لله أنها ما كانت د.سفرجل
كتير غيرك يابو عارف اعتقدوا التفاح تفاح
فكان سفرجل كل عضة بغصة
وترجم يا ترجمان
و سلامتك ياعمدة
--------------------------
فيه هناك سفرجل أكثر من هالسفرجل ؟
لا هذا تفاح السفرجل بعينه وترجم ياترجمان

الله يسلمك ياشمس المضايف

[شامان]

عموووو فكك الله من الشمم بس

بالله احد رايح لدكتور اسنان يعقم نفسووه قبل كل شي

فك الله فكك ما صابه التهاب



وأتطيب بدهن العود والعنبر


لا تعيد هالحركه هذي ترى مصيبة

تدري انا قلت ان دكتورة تفاحه راح تطلع وحده ست ،، ومن راح تلقى قدامك

راح تحصل ام عااارف صافطه الموتر قبلك وجالسه تنظرك بالغرفه .. يعني من باب

محرم ( خبرك انتم يا الرجال مالكم اماااان ) ،، اقول اهم شي ما تطلع البرتقاله

رجال بعد ،، تكفااا قول لاااا

[غالب]

ههههههههههههههههههههههههههههههههههه
أفااا
وعقب هالتكشخ طلع دكتور
ههههههههههههههههههههه
أحلى مابهالزياره هو إنه خلاك تنصرع وشلع نابك من دون وجع
هههههههه بس والله هالسالفه هاذي غير شكل



واستلم سلامي

[صدىاجا]

أولا ًـ انت ماتطيع النصيحة ماقلت لك الحبك أفضل وخاصة انت متعود على العلاج الشعبي بانواعه

ثانياً ـ تذكر الاسماء المؤنثة للرجال عندنا مثل بنيه ، رجا ، وووووووووالخ ماهو غريب تفاحة

أخيراً وليس آخراً هذي دعوات أم عارف والجنس اللطيف بالمنتدى عليك لازم تكفر عن هالذنب

[ســـعود]

السلام عليكم ورحمة الله وبركاته

ابو ناب صار مالوه ناب

والدكتوره تفاحه طلعت مشوربه

حسافت الثلاث ورقات بس ههههههههههههههههههههههههه
ابو عارف

لوتركض ركض الوحوش
غير ام عارف ما تحووش
ههههههههههههههههههههه تحياتي لك

[ابو عارف]

حجز يا العمده 111111111111 ههههههههههههههههه

لي نكسه:3ajebni:

قايلك حط مره وركد يا ابو عارف ههههههههههههههههههههههههههههه



اصلا لو منك وشفت الحرس و السكرتير كان عاضن شليلي

بس احسك منقهر من التميلح لي مسويه الدكتوره تفاحه

كنت ترجي خير يا غالي

ههههههههههههههههههه الله يقطع بليسك يا ابو عارف كانك رائع وزقرتي
-----------------------------
من الأطجم إلى واحد شقردي
مالك عن المكتوب مهروف ويافات الفوت ماينفع الصوت.
المشكلة أن البشت والشماغ والعقال والنعال عند تفاحه.

ماتروح تجيبهم لي؟

شكراً لك الرائع مرورك لاهنت

[ابو عارف]

:3ajebni:


الحين وش لقيت غير شماتة مريتك بس

ياشايبنا وماسمعت باللي يقول
لاتودع سرك مرتك ولاصبي دارك :)


قل لعمتي ام عارف الله الله بالمرقوق
يمدحونه للطجمان :)
.
.

عساك على قوه
-------------------------
عاد ويش أسوي مالقك إلا الصبر ويش وداك له.

حامض على بوزي المرقوق عقب فضيحة تفاحه الشايب وين عند تفاحه أوبو ناب وين عند تفاحه الأطجم وين عند تفاحه هههههههه ضحكنا وعاقبنا الله.

أكيد منامي الليلة بالشارع عند درام البلدية إذا ماشالونن عمال النظافة بالليل أشواء.


شكراً لتعاطفك مع الأطجم لاهنتي

[ابو عارف]

تبي يصير عمرك 35 سنه يعني ؟
------------------------
لا لا مافيه أحد يقدر يرجعك أكثر من 50%
صرت عقب التجميل 45 فقط.

حرٌة صار مابيني وبينك إلا فرق 15 سنة يالعوباء.
وهذا الفرق جدير بالتفكير ويش رأيك؟.

هاه طيعي شوري

راكب عليها هاللغب العوباء مادري منه الي منحها إياوه.

[ابو عارف]

هههههههههههههههههههههههههههههههههههههههه ههههههههههههههههه
الحين تفآحه ؟؟؟:boxed:
اسمه كيووووووووووت ههههههههههههههه
عمو ابو عارف
نعيما :) ههههههههه


-------------------------
كيوت كيوت
لاتضحك بالطجمان تضحك بلاسن

نعيماً جميعاً ما عرفت ردها لين كتبتها

شكراً لك ياخزوم
ومضه إنصحي بنت عمك عجبسات وإلا تري الحرب قايمه قايمه.

شكراً لك لاهنتي.

[حمـود]

ههههههههههه

عمي حظك ماش

مهو كل تفاحه تفاحه

بس شكله تفاحه متينه

ههههههه

دمت بخير

[ابو عارف]

*
*


هههههههههههههههه

ههههههههههههههههههههه

تستاهل يابوالشباب

عشان تكشخ للتفاحة

حق ام عارف اخذه الدكتور تفاحة :)

لكن كان الضحية الناب

مسكين


الله يعوض عليك عمووووو
فى الناب وال3 ورقات والكشخه



ههههههههههههه

تحيااتى لك

*
*
-------------------
لا أبشرك الناب عطوني إياه هو هذا معي بدرج السيارة لكن البشت والشماغ والعقال والنعال نسيتهم عند تفاحه .

ماتقدرين تسوين خير تجيبينهم لي؟

شكراً لك لاهنتي على المرور

[ابو عارف]

غميضة الثلاث ورقات


تسان الحين جايب شقلة ايرانيات :)
----------------------
هاه يالدكتورة روح حايل ماعندك حل لإرجاع الأوضاع كما كانت بالطب الشعبي.

هذا المقسوم ماتنفع الشماته مصعوا نابه وخذوا عباته.

[ابو عارف]

يمدين أصير دكتور أسنان .. طيب وش أختار أسم ؟؟


يصلح ((اترنجه )) ؟؟



أي والله لصرت أبلقى مثلك يدفع ثلاث ورقات عيار ثقيل ..

أصير نخله (( نبتت أم الخشب )) ..


أيه راح الناب وراحت الهيبة يابوعارف ..
-----------------------
وليه ماتسمي نفسك الدكتور رمثه أو طلحه؟
أكيد رايح تلقى الأغبياء واجد يافتى البيداء.

لا أبشرك الناب رازه قدام الباب والهيبة موجوده

شكراً لك الله لايهينك

[ابو عارف]

والله انك شفره يابو نااب ههههههههههههههههههههههههههه وربي فطست من الضحك يازين هرجك
اخر هالتكشخ والتزين الدكتور تفاااحه يلعن ابو الاسم ياشيخ

حلولاه لو عندي رقم ام عارف كان دبست عليك<< دبووووس

امزح


دايم مبدع ابو عارف<<نفسها تشوف عارف

مشكوووووووووووووووووووووووووووووور عموووووووو
----------------------
هلا بشيخة بليجا ومرحبا
إلا بليجاء هذه وينها فيه الشايب يعرف مليجاء في وادي العجمان حول النعيرية

على أي حال إنتي احلاهم رد والرائع حضوركم وتفاعلكم

وشوفة عارف ممكنه إذا لزم الأمر وهو يعجبك أبو نواف

شكراً لاهنتي

[ابو عارف]

ابو عارف مالوم ام عارف تغار عليكـــــــــــــ


تكشخ وتتطيب هههههههههههههههه خساره طلع شنب




هههههههههههههههههههههههههههههه


كل سالفه احلى من الثانيه


لا عدمناكـــــــــــ
------------------------------
إيه هذولا الناس الي يعرفون مقام ابو ناب ماهم هالشماتة القشران.

الف شكر لك ندووو ولاعليكم زود وحسبي الله على تفاحه.

تقبلي تحيات ابو ناب سابقاً الأطجم حالياً.

[ابو عارف]

هههههههههههههههههههههههههههههه
دكتور تفاحه حلولات نابك اللي شالته زراديه تفاحه
ابو عارف لا تزقرت ثاني مره

به دكتور عندنا اسمه فراوله استشاري مناخر هههههههه

دكتور تفاحه الله لا يجيبه عندنا
------------------------------
هلا بالضاري ومرحبا

هذا والله إسمه مغري جداً فراوله لو ماهو فيد مناخر كان زرته.

لاتوصي حريص لن أتزقرت بعد اليوم والبشت راح والعقال والنعال والشماغ ويش بقى اتزقرت فيه زين الي ماخذوا ملابسي الداخلية هالعصابة قوم تفاحه.

شكراً لمرورك الحلو ياحلو

ومضه إلا وين الشبث؟

تقبل تحياتي وتقديري

[ابو عارف]

هههههههههههههههههههههههههههههههههههههههه هه


خالي لامايصير يعني الناب راح فيها


والله ياخالي اني ودي لو سمعت شور الشقردي تسان وفرت امهات خمس ووفرت هالثلاث ساعات وباتسر ننتظر سالفة رجعتك للبيت وانت متزين لانه ماراح تمشي على ام عارف


تري مكاسي لك يالعمده
----------------------------
هلا والله بالجثري ومرحبا
ماكتب الله أسمع كلام أحد طاقة معي القرادة
وسالفة رجعتي هي أم المعارك لإن البشت والشماع والعقال والنعال نسيتهم عند تفاحه.

حسبي الله ونعم الوكيل اللاااااااااااااااااااه يخارجنا.

شكراً لك لاهنت

[ابو عارف]

الله يلوم لحيتي ماطعت شور مريتي<< هذا اللي مايسمع كلام مرته..


اخرته رجال اجل ههههههههههههههههه..




















والله انكم يالرجال مساكين ينضحك عليكم بسرعه ....

















تقلب عاطر ودي..
-------------------
وشلون أتقلب عاطر ودك وجلينن دجاجة على شواية أتقلب؟

إسمعوا أنتم يالرجاله تقول لكم مساكين ينضحك عليكم ردوا عليها وإلا جيبولي بشتي وشماغي من تفاحه حسبنا الله ونعم الوكيل.

كلامك صحيح بس مو كلنا فقط الي قلبه GREEN مثل عمو ابو ناب سابقاً الأطجم حالياً .

شكراً لمرورك لاهنتي

[ابو عارف]

عمره ماتبخر تبخر واحترق


عز الله انه احترق قليبك .. ياحسافة شعيرات الوقار اللي طاحت جنبات كرسي الحلاق





اجل تفاحه


وحبحب



ايش قصة أهلك أنت :) مع الطبيعه





طحياتي
--------------------------------
ماذا أقول لهذه الفتاة تقول ماعمره تبخر هالحين عرفت إنها تراقبني وكلامها هذا يشكل خطراً جسيماً على معاهدة السلام بيننا وبين هذه العوباء.

سوف أشاور عشيري أبو طروق وشرهه والقائد البرمائي السابق الضاري112 على كيفية التفاهم مع هذه الحرب الإعلامية والشماتة الواضحة والإستهداف السافر.

حححححححححححح يتنحنح مااااااااااااااااء.

على أي حال مالك إلا الصبر ويش وداك له

شكراً لك يالذيبة العوباء عجايب بنت الشايب

أظن ماهذا إلا بداية إعجاب بالشايب ابو ناب؟

تقبلي تحيات الأطجم

[ابو عارف]

عموووو فكك الله من الشمم بس


بالله احد رايح لدكتور اسنان يعقم نفسووه قبل كل شي


فك الله فكك ما صابه التهاب




لا تعيد هالحركه هذي ترى مصيبة


تدري انا قلت ان دكتورة تفاحه راح تطلع وحده ست ،، ومن راح تلقى قدامك


راح تحصل ام عااارف صافطه الموتر قبلك وجالسه تنظرك بالغرفه .. يعني من باب


محرم ( خبرك انتم يا الرجال مالكم اماااان ) ،، اقول اهم شي ما تطلع البرتقاله



رجال بعد ،، تكفااا قول لاااا

--------------------------------
هلا بالغالي ابو فواز

الناب كان سليم فقط حجة لمقابلة الدكتورة تفاحه لكن نياتكم بالسماء وماتوعدون.

لا لا لا ماهي البرتقالة تفاحه .
لا عمك أذهن من خالك ماعطيتها العنوان وإلا كان سبقتني على الأقشر.

أشكرك على تعاطفك الدائم وتضامنك مع ابو ناب لاهنت

تقبل تحيات أخوك الأطجم

[ابو عارف]

عجــآيب


^
^
^
فصلت على ابو عارف هههههههههههههههههههههه












خالي لاتهتم وآبشــر باللي ياخذك لأطلق تفاحه بس وسع صدرك :)


وخابرن لك دختوره بس تراعي لك نص ساعه وانت راجعن ولد عمرك 20 <_ ياويلااااااااااااااااااااااااااه بس :)
-----------------------------
تعيش والله يالسمي لاهنت
يخوي ما أدري ويش جاه علي عجبجب يمكن قرادته تبي تنقض المعاهدة.

وهذا شيء ماهو بصالحها خاصة عقب عودة أبو طروق والذخائر الجديدة.

شكراً لك لاهنت يالغالي

[ابو عارف]

8
8

اقووول عين خير انت والي فوقك




ابو عارفكم ذا يبي له موضوع لحاله



بس وش نوع الموضوع مدري


:)
---------------------
ننتظر هذا الموضوع واللاااااااااااااااااااااه يحااااااااارجنا.

لا أنتي ما أنتي مرسيتها على بر
بس ننتظر ونشوف نعطي الحر فرصه.

نذكرك للأسلحة الجديدة لسان الطير وخضيراء راس وخواء جواء وأخواتها.

شكراً للمتابعة والتفاعل لاهنتي يابنت الشايب

[ابو عارف]

ههههههههههههههههههههههههههههههههههه
أفااا
وعقب هالتكشخ طلع دكتور
ههههههههههههههههههههه
أحلى مابهالزياره هو إنه خلاك تنصرع وشلع نابك من دون وجع
هههههههه بس والله هالسالفه هاذي غير شكل



واستلم سلامي
-------------------------------
أنت غير ياسناعيسو
أشكر حضورك وتفاعلك

تقبل تحياتي وتقديري لاهنت

[ابو عارف]

أولا ًـ انت ماتطيع النصيحة ماقلت لك الحبك أفضل وخاصة انت متعود على العلاج الشعبي بانواعه

ثانياً ـ تذكر الاسماء المؤنثة للرجال عندنا مثل بنيه ، رجا ، وووووووووالخ ماهو غريب تفاحة

أخيراً وليس آخراً هذي دعوات أم عارف والجنس اللطيف بالمنتدى عليك لازم تكفر عن هالذنب
--------------------------
هلا بالإستاذ صدىاجا ومرحبا
كلامك صحيح الكي هو آخر العلاج وإعتقد إنه لابد من زيارة أبو صقر

برضه كلامك صحيح لكن المكتوب مالك عنه مهرب

يالله بس إحجزلي عند الحبك أبيه يكوي مكان نابي أغديه ينبت.

وزيارة الحبك أعتبرها كفارة ذنوب ومن كبار المصايب


شكراً لك لاهنت سلم على الربع الغالين.

[ابو عارف]

السلام عليكم ورحمة الله وبركاته

ابو ناب صار مالوه ناب

والدكتوره تفاحه طلعت مشوربه

حسافت الثلاث ورقات بس ههههههههههههههههههههههههه
ابو عارف

لوتركض ركض الوحوش
غير ام عارف ما تحووش
ههههههههههههههههههههه تحياتي لك
----------------------------
عوذاء أنت مار قطعت الأمل قل غيره يارجل تدري وبرأسك وكلامك صحيه مالك إلا ماكتب الله لك.

شكراً لك ولمرورك العذب لاهنت

وتقبل تحيات ابو ناب سابقاً الأطجم الحالي.

[ابو عارف]

دخت من كثر الردود وتلخبطة عندي الظفيرة وحصل بعض التشويش بسبب فقد نابي فإلى كل الذين لم أرد عليهم أو الذين لم يعجبهم ردي أطلب منهم المسامحه ولاعلى المريض حرج والمسامح كريم .

وتقبلوا جميعاً فائق تحياتي أيها الطيبون الرائعون.

[ريال الفسحه]

ههههههههههههههههههههههههههه


تستاهل ياخالي والا لو ام عارف
تدري تسان مصيبتك ثنتين :)


الشهبا

؟؟


والله ما شهبا الا علابينا انا واياك والا الشهبا
كلن يركض ورااااه :)




تسلم وخوش موضوع يابوتفاحه :)

[ابو عارف]

ههههههههههههههههههههههههههه


تستاهل ياخالي والا لو ام عارف
تدري تسان مصيبتك ثنتين :)


الشهبا

؟؟


والله ما شهبا الا علابينا انا واياك والا الشهبا
كلن يركض ورااااه :)




تسلم وخوش موضوع يابوتفاحه :)
-------------------------
الظاهر إنها لازم تدري لما تفقد الناب وانا إلى هالحين أمذرح بين المجلس والشارع والمسجد ولادخلت يمهم داخل البيت أزهم عليهم تليفون واطلب طلباتي واقول لهم حطوهن عند الباب وروحو عندي خويي أبو حسن ومصدقين.

ولدي الصغير ثاني إبتدائي دخل علي بالمجلس لكن ماعرفني ورجع قال لأمه مجلسنا به رجال ما عمري شفته فقالت له هذا خوي ابوك أبوحسن كلمني ابوك يقول إنه عنده.

ونقول الله يخارجنا.

شكراً لك يالبناخي لاهنت

[ابو ضاري]

الشبث متعامش مع ناس بالرياضي
تخبر مقرود الولد

وخليتهم لهم اغبره هههههههههههههههههه

[عجايب بنت الشايب]

ابو عارف مارديت على حمود بالصفحه السابقه










>> متابعه بضمير حركاته


:)

[ابو ضاري]

ماشاء الله عليتس يابنت الشايب

تلاحق الشايب تبي تذبحه >>>>>>>>>>>>>حرام

[حمـود]

عجايب

شيبان يالله يقرون

وينسون بسرعه

شكلتس متابعه من جد

ههههههههههههههه

دمتم بخير

[عجايب بنت الشايب]

8
8

الله يعين .. يااحموود لو انشدوا عنا :)



هالشايب مدري متى وانا اعلم فيه



ياخي له غصب صرت اتابع ردوده


مره جااب العيد والحمد لله مافي المضايف الا انا


وربك ستر وعدلناا رده


ولاكان فات الفوت عاد لا معي ولا معه صلاحية تعديل الرد بعدين



:)




لمعرفة زلات الشايب مراستلي على الفيد :)>>> غاويه هتك ستر :)





طحياتي

[ابو ضاري]

يازينكم يالشيبان وانتم تزقرتون وتكشخون

وتروحون تدورون الدكتوره التفاحه

به شيبان بلا زلات ههههههههههههههههه

حمود خلك بص الشيبان ياحيي

[عجايب بنت الشايب]

8
8

لاتحد الولد على الدروب العوج :)

[ابو ضاري]

ان شاء الله ماحده

بس يصير معي وانا مؤدب

امسكه طريق الفاضلي

[شرهه]

ههههههههههه

ويني عن هالموضوع من قبل
فاتني صراحه

أما تفاحه وطلع بيطري بعارين وشلع نابك بالزراديه>>الله لا يلبسه العافيه




وه بس وغميضة اكا الفليسات !


يا ويلك من أم عارف !

اتوقع يادخلت عليهم تبي تصيح و تغشى وتلم عليك الجيران >ماراح تصدق انه انت بعله

و يجون الجيران و يدبغونك

وتجي تطلع لهم نابك من مخباك


و يخلونك عاد بس وش عقبه ^_^
خخخخخ

تقبل مروري ياعمدتنا

مع التحيه

[ابو عارف]

الشبث متعامش مع ناس بالرياضي
تخبر مقرود الولد

وخليتهم لهم اغبره هههههههههههههههههه
-----------------------
نعم صدقت المعامش هو غذاءه الروحي الله يحفظه.

شكراً لك الضاري على تطميننا على حبيبنا ومستشارنا ابو ماجد.

تقبل تحياتي

[ابو عارف]

ههههههههههه

عمي حظك ماش

مهو كل تفاحه تفاحه

بس شكله تفاحه متينه

ههههههه

دمت بخير
------------------------
هلا والله وغلى باخي وحبيبي حمود الناصر ومرحبتين
العذر والسماح والله الموضوع سقط سهواً والفضل يعود للعوباء بالتذكير وجل من لايخطي والمسلم مرآة أخيه فشكراً لك عجايب على التنبيه لاهنتي.

نرجع للموضوع:

صدقت ياحمود ماكل تفاحة تفاحه هذا الدكتور لوسمى نفسه دبآٌه أفضل وأقرب للواقع.

طبعاً أنت تعرف الدبآه الي مثل القرع بس منفوخة ومدورة مثل زول عجايب يصارت فوق الخزان أقصد الخزان يصارة فوقه عجايب.

نعم إنه ذكتور مرعب خال قلبه من الرحمة شيء مخيف إذا ما أنت مصدقني أبي أوديك له.

ياريت لو عجايب بس ماش فات الفوت فضحت الرجال تدري ويش بغيت أقول يوم أقول ياريت؟

أكيد ماتدري لكن أعلمك بغيت أقول لو الله هذاني وسترت على الدكتور تفاحه وبدلاً من التشهير فيه مدحته برسالة خاصه لعجايب على إنها ذكتورة متخصصة بتجميل العرائس أغدي عجايب تروح له ليلة عرسها للتزين المعهود ومن ثم تخرب الطبخة وتعرف أن ظلم الشيبان حرام بس ماش راحت علي هالمرٌة وخيرها بغيرها.

شكراً لك حمود الناصر على المرور الجميل وإعطائي الفرصة للتعبير عن مشاعري نحو عدوة الشيبان.

تقبل تحياتي

[ابو عارف]

8
8

الله يعين .. يااحموود لو انشدوا عنا :)



هالشايب مدري متى وانا اعلم فيه



ياخي له غصب صرت اتابع ردوده


مره جااب العيد والحمد لله مافي المضايف الا انا


وربك ستر وعدلناا رده


ولاكان فات الفوت عاد لا معي ولا معه صلاحية تعديل الرد بعدين



:)




لمعرفة زلات الشايب مراستلي على الفيد :)>>> غاويه هتك ستر :)





طحياتي
--------------------
لاتصدقونها تروها إشاعات وتشويش إعلامي وتضخيم للأمور وأنتم تعلمون بأنها عدوة الشيبان رقم واحد.

كلماقلته هو غلط بالنطق عند راجو لبعض الخضروات وقت الحراج مثل خس الخطه والكسبره يقلب بعض الحروف ويتغير المعنى وانا مالي شغل به هالأعجمي اللسان .

ياعدوة الشيبان رقم-1 نشكرك وبالخير نذكرك.

[ابو عارف]

ههههههههههه

ويني عن هالموضوع من قبل
فاتني صراحه

أما تفاحه وطلع بيطري بعارين وشلع نابك بالزراديه>>الله لا يلبسه العافيه




وه بس وغميضة اكا الفليسات !


يا ويلك من أم عارف !

اتوقع يادخلت عليهم تبي تصيح و تغشى وتلم عليك الجيران >ماراح تصدق انه انت بعله

و يجون الجيران و يدبغونك

وتجي تطلع لهم نابك من مخباك


و يخلونك عاد بس وش عقبه ^_^
خخخخخ

تقبل مروري ياعمدتنا

مع التحيه
--------------------------
مرحبا بالقائدة البطلة العقيد ركن شرهه حياك الله
نعم هذا الي أنا خايف منه لذلك حتى الآن متواجد في قسم الرجال وأطلب عشاي وغداي بالتلفون مبرراً وجوي هناك أن عندي خويي أبو حسن وفي مرة من المرات لمحني ولدي الصغير ثاني إبتدائي ونحاش وقال لأمه فيه رجل بالمقلط يتغداء لحاله ما أعرفه فقالت له هذا خوي أبوك البلشة أبو حسن فرد عليها لا يمه هذا شباب.

هنا زهمت علي تقول منه الولد الي بالمقلط فقلت ولد جارنا أبو حسن جايبن لأبوه فراش يبي ينام عندي بالمجلس فردت علي والله هذا الي ناقص هذا صار أقشر من مواعيدك مع الدكتورة تفاحه ويش فيك يا أبو عارف من جرف لدحديراء والله فشلتني حالحرمة يالربع والربعات أزمه وتعدي إن شاء الله.

ويش نسوي مالك إلا الصبر ويش وداك له.

شكراً لك شرهه وتقبلي تحيات أبو ناب بمخباه.

[بالمختصر..]

هـع :biggrin:

هذا مصير اللي عندوه مره و ينذخ ..

هاذي حوبة أم عارف :biggrin:


يا خسارة الثلاث ورقات بس ..!




.
.

[ابو فارس]

ثلاث ورقات اجل؟

يعني التعديل والهندمة تحتاج الى شغل
يعني التغييرات التي حدثت في فرتك ماهي بسيطة


اقول
احمد ربك ان ام عارف صابرة عليك
وانت بالتصحر هذا كله




-- ابو عارف وين عنوان التركي؟

دز لي العنوان -- يبغى له ترميم


دمت بخير

[ابو عارف]

هـع :biggrin:

هذا مصير اللي عندوه مره و ينذخ ..

هاذي حوبة أم عارف :biggrin:


يا خسارة الثلاث ورقات بس ..!




.
.
-------------------
حياك الله بالمختصر
وين راحن مثنى وثلاثى ورباعى؟

ماهو طاري عليه التعدد لذلك ماهو متأكد من الإملاء الخاص بهالموضوع.

لا ولحقهن البشت والشماغ والمرعز وجيت حافي اللأأأأأأأأأأأأأه يخارجنا.

شكراً على المرور بالمختصر

[ابو عارف]

ثلاث ورقات اجل؟

يعني التعديل والهندمة تحتاج الى شغل
يعني التغييرات التي حدثت في فرتك ماهي بسيطة


اقول
احمد ربك ان ام عارف صابرة عليك
وانت بالتصحر هذا كله




-- ابو عارف وين عنوان التركي؟

دز لي العنوان -- يبغى له ترميم


دمت بخير
----------------------------
ويش بلاكم علي يا إخوان كل المسألة هندام وتشخص لكن العبرة حصلت والتدقيق وارد مستقبلاً لإن المسلم مايلدغ من جحر مرتين.

يجب أن يكون الإنسان كيس فطن المفروض ندقق بالأسماء ونتحقق من المعلومة قبل مايطيح الفأس بالرأس.

مايستفاد من الحديث لاتروح تدودل رأسك خلف كل دعاية.

التركي مايلاحن يافارس أبد يطيح ال 20 سنه بمسحت يد بس يبي ثلاث ورقات من أم رخصة أقصد أم 500 لكن ماني معلمك بعنوانه حتى يغادر الدكتور تفاحة البلد.

شكراً لك لاهنت

[أبوطروق]

فضحك ضحكة فخر وإعتزاز في مهنته تزييف الناس وعلى ضوء ضحكته ضحكت وظهر نابي وتعرفت على نفسي من خلال الناب الله يحفظه.

هههههههههههههههههههههههههههههههههههههههه هه هههههههههههههههههههههههه ههههههههههههههههههههههه هههههههههههههههههههههههههههههههههههه هههههههههههههههههههههههههههههههه قسم بالله مبدع يالعمدة ابوناب



أجل طلع دكتور واسمه تفاحة خخخخخخخخخ


أبوعارف هونت مابي عنوان أي دكتور من طرفك




سلمت يالعشير والحمدلله على سلامة نابك

""""""""""""""""""""""""""""""""""""""""""""""

[ابو عارف]

هههههههههههههههههههههههههههههههههههههههه هه هههههههههههههههههههههههه ههههههههههههههههههههههه هههههههههههههههههههههههههههههههههههه هههههههههههههههههههههههههههههههه قسم بالله مبدع يالعمدة ابوناب



أجل طلع دكتور واسمه تفاحة خخخخخخخخخ


أبوعارف هونت مابي عنوان أي دكتور من طرفك




سلمت يالعشير والحمدلله على سلامة نابك

""""""""""""""""""""""""""""""""""""""""""""""
---------------------
هلا والله بالعشير الوزير أبوطروق ومرحبا
الله مار يسلمك ويعافيك آمين
نعم طلع دكتور بعارين وإذا تبي أحجز لك موعد معه كلمني ( أدري إنك عاض شليلك ومنحاش)

شكراً لمرورك الحلو موفاءك لعشيرك الدائم

بس أشوفك تغب بعض المرات ما أدري ويش عندك تر الدكتور تفاحه عنده علاج لمثل هذه الحالات حسب قولهم.

تقبل تحياتي وتقديري يالعشير الغالي

[أبوطروق]

خله على الله يابوعارف


ترافيان لعبت فينا

"""""""""""""""""

[ابو عارف]

خله على الله يابوعارف


ترافيان لعبت فينا

"""""""""""""""""
-----------------------
وشي ترافيان هي بنت المطنوخ؟

هي مزيونه ما أعرفها

خذ راحتك في وقت الهدنه وإذا سمعتنا أعلنا الحرب لا تتأخر