وش .. كـثـرهـن ..

[اخو سعدى]

السلام عليكم ...


والله زماااااااااااااااااااااان ... يانصر .. قصدي يا مضاااااااااايف ...


الكل يلاحظ .. انتشار الاسواق والمطاعم والبقالات .. كل ذا عادي ..


الشي المحير هو انتشااااااار الصيدليات بكثره عندنا بالرياض ..


ليش .. هل فيها ربح مادي او كثره الامراض او ...


مادري وش ردكم ..ِ



الله يعطيكم العافيهِ

[عبدالله المهيني]

^
^
^


والله زمان يا فن :)


زمان ياخو سعدى :7ayyoh:


يارجال مار الزباين بالصيدليات أكثر من البقالات اللهم ياكافي

غبار وتغيرات بالجو وأنواع الأمراض

ولو الشغل ماهي مربحه إقتصادياً مازادت الأعداد بالشكل هذا





مار أنت بعد زد عدد مرات دخولك هنا ولا تقاطع


:)

[عبدالرحمن]

حي الله الغالي اخو سعدى اسعدك الله بالخيرات والمسرات
والله يبارك بكثرة الاكزخانات اللي طلعتك .........!.
فعلا بجانب الصيدلية صيدلية وبجانب المطعم مطعم....!
هذه النظرية الجديدة مهي نظرية الرجال!
الله يكافينا شر الامراض الظاهر
الناس فقدت الثقة بكل ماهو حكومي...!
بداءا من الطلب وانتهاءا بالعلاج!.
لك تقديري ومنورة المضايف بوجودك.

[اخو سعدى]

هلا عبدالله
شلونك وش اخبار الوالد والاخوان ..

هههههه زماااااااااااااااان ...

مثل ماقلت شكلها مربحه ماديا .. لان اكثر الموجود فيها

كلها شغلات تجميليه وخصوصا للنساء ..


لاهنت .. يابو صالح ..

[اخو سعدى]

هلا اخوي عبدالرحمن

تصدق اني احبك لله في الله وانا ما اعرفك الا بالمضايف فقط
كلامك واقعي .. كل صيدليه بجنبها اخرى وكذلك المطاعم ..

هل السرعه في الحصول على العلاج هو السبب .. قصدي ليش

نراجع الطبيب وننتظر للساعات .. كلها ثواني وانت مشتري العلاج وانتهت القصه

وهذا هو الخطأ .. وهو عدم الرجوع للطبيب المعالج والاعتماد على تجربه للشخص نفسه

او نصيحه من احد الاصدقاء او الاهل ..
السالفه كلها ثقافه وعي .. وعدم ادراك اضرار وسوء استخدام الادويه بدون استشاره
طبيه او زياره الطبيب المختص ...


لي الشرف اخي عبدالرحمن .. بالرد على موضوعي ذا

الله لا يهينك ...

[صلفيق]

ياهلا والله باخو سعدى

وحياك الله

على قولتك _ صارت الصيدليات أكثر من البقالات ،، تدري ليه ؟
لو دخلت صيدلية لوجدت مواد التجميل والشامبو والبامبرز بأنواعهما وغيرها وغيرها وغيرها،، تشغل 85% من استيعاب المحل ،

ولأن 70% من المرضى هم من يعانون من أمراض مزمنه ، ويسيطر السكر والضغط على معظم الحالات ،، وهؤلاء يحتاجون علاجهم باستمرار ، ووجود هذا الكم الهائل من الصيدليات _ هو في مصلحة المريض وان كان الهدف الكسب المادي. عطني أذنك(لاتنسى ان هناك اعانة سنوية من الوزارة)

شكرا لمجيئك.


احترامات لك،،

[واحد شقردي]

يالله حي اخو سعدى نور المضايف فيك يالعزوه


الغالي تصدق ودي اعرف مثلك وش سبب كثرة الصيدليات

شكل فيها قروش

وبعدين لي يجي له مرض بسيط يقوم يعالج نفسه بنفسه

الشعب الكل مسوي دكتور بالفطره

الله يشفي جميع مرضى المسلمين

لبى قلبك نورتنا

[اخو سعدى]

اهلا اخي صلفيق ..

انا معك بكلامك ولكن لهذه الدرجه انتشرت وبشكل ملفت للنظر

شكلها الربح الماااااااااااااادي وبس ..

يسلمووو ...

[اخو سعدى]

هلا بك يالشقردي ..

انا ودي اعرف من هم اللي معك بهالصوره ..

مثل ماقلت كل واحد يفتي من عنده ..

لاهنت يالذيب ...

[شيخة بليجاB-52]

وش كثرهن المجمعات وانا اختك احبكت عااااد الصيدليااات ههههههه

وش غير الربح المادي بالله !!

يسلمووووووووووووووووو اخو سعدى

[بنت الجبل آخت القصيد]

هالصيدليات للي مثل امي وعمي

ياتقابلو تبادلو الادويه هذا علاج للركب وهذا علاج للمعده
والحين صار بالصيدليات دكاتره بشره << على ذمتهم انهم دكاتره
ويعطون وصفات للبشره والانظمه الغذائيه

هذي وحده اعرفها كانت تتابع عند صيدليه تاخذ علاج لبشرته وكل ماتروح له اقل شيء تصرفه 40 دينار مايعادل 500 ريال
كل مره تلاحظ تدهور اكثر من قبل وتركت هالصيدلي وراجعت طبيبه
واكتشفت ان واحد من الكريمات يدمر البشره عشان يقول ايه انتي ماستخدمتيه نفس الطريقه وووو.....


استهلاك اموال :)
.
.

لاهنت

[اخو سعدى]

شكرا .. اختِ شيخه ..

يمكن الربح المادي ولكن هل لهذه الدرجه ان يستغل المواطن وينساق

لهذه الصيدليات بدون استشاره طبيه .. هنا ياتي الوعي والادراك بمضار الادويه


الله يعين ..

[اخو سعدى]

هلا عطر ..

بالفعل .. كبار السن .. دائما يتبادلون الادويه .. هههه ويعتمدون على خبرتهم وتجاربهم

وهذا الخطأ بعينه .. ولكن من يسمع ذا الكلام ...


ومثل ماقلتِ اكثر رواد الصيدليات هم الجنس الناعم وخصوصا اللاتي يبحثن عن الجمال

وخصوصا خلطات التجميل والتخسيس ..

واصحاب هالصيدليات ماهم الا الربح المادي .. ماهم الاضرار الناتجه عن تلك الخلطات ...


يعطيك العافيه ... عــــــــــطـــــــــــر ...

[سيف الدولة]

الظاهر ان هنااك دعم

وهو تسويق العلااج وألأدويهبنسبة

يعني ان صاحب الصيدليه مصرف يضاااعة وأدويه

[ريم شمر]

اخو سعدى اخونا ماغيره ؟!!:7ayyoh:


هلا والله ومسهلا والساعه المباركه طلتك علينا



بالنسبة للصيدليات كثرتهن افضل من نقصهن

والله لايحدنا لاعلى صيدليه ولامستشفى



تسلم ولاتغيب عنا

[ريال الفسحه]

8

لا هذا يوزروه شريتوه منوه انا وادخل بوه
وقت الفراغ :)



اخو سعدى [ اللي هو انا ] :)



انا لو بكيفي تسان سكرت المستشفيات السعوديه
وكل الصيدليات وتقاولت مع صيدليات ومستشفيات من برا



تسان اسنع لنا :)

[اخو سعدى]

هلا بــ سيف الدولهـــ

السالفه كلها ربح مادي لكن لماذا ننجرف وراهم ..

يعطيك العافيه اخوي ..

[اخو سعدى]

هلا ... ريم

كيفكم .. والمضايف منوره باهلها ...

وانا موجود مادام ولد عمي ابو سلطان موجود ..


نعم .. كثرتهن افضل ولكن ماهو لهذه الدرجه ..

والله يعافينا جميعا ...

لاهنتِ ... ريم

[اخو سعدى]

هلا بريال ..

تمون انت .. شلونك .. اخبارك ..

طيب اذا شالو المستشفيات والصيدليات .. انا وين اشتغل ههههه


يعطيك العافيه ...

الله لا يهينك

[طواري الجنيدي]

الحظيظ والله الي عندوه صيدليه على شارعين

وبه صيدلي مصري شايب بشرط أصلع

صلعتوه ملسا تقل شاشة لابتوب توشيبا



والله ياخو سعدى هالصيدليه رغم كثرتهن لكن بهن فايده

كل شي تلقاوه بهن


هكاليوم صار عندي موعد بمستشفى أدمه الي ع طريق خريص

كان عندي تربيط اذرعه وترصيص مواطي

المهم دخلت المستشفى وهي تجي الصيدليه ع يسراي

وانا ادخل قلت ابضيع وقت

وانا اقوم اتخم بهالصيدليه وكل شي وانا مويق بوه تقل مضيع مفاتيح السياره

اول شي يجيك على يسراك داخل الصيدليه لقيت (( عطورات )) وماركات بعد

وعلى اليمين لقيت انواع الحلويات وسنكرس ومارس وجالكسي والمويه بأنواعها

قسم بالله

قلت للصيدلي ماعندك رز ابو كاس !!!!!!

والله مابقى الا هذا مالقيتوه



ولعل من اهم اسباب كثرت الصيدليات التأخير عند المستشفيات والمواعيد الي تموت وسراك ماجاء

ووجود الكريمات ومستلزمات التجميل والشامبوات

وغيره . . .



حمانا الله واياكم من الامراض





الف شكر اخو سعدى

لا خلا ولا عدم

.

.

[اخو سعدى]

هلا ..طواري

صادق والله كل شئ موجود بهالصيدليات الان ..

صارت سوبر ماركت .. تدري ليش ..مدري ليش ...

يسلمووو .. اخوي ..

[ريم الصمان]

اخو سعدى الله يرحم والديك
ترى عندي صيدليه
لاتغلط على اهل الصيدليات ولا استلمناك بأدويتنا

[اخو سعدى]

^


و والديك ..

وين صيدليتكِ .. على شان نربحك ..

وابي اسويلك دعايه عندنا بالمستشفى بعد وش رايك ؟



لاهنتِ

[ليلى بنت عبدالعزيز]

الحين اذا فزعت تالي الليل وين تروح ...! للصيدليه طبعاً
اما خافض ولا موسع شعب ولا ... ولا.....
انا عني ودي ادخل صيدليه ولا سوق وش كبره لان اغلب متطلباتي فيها وموثوق بمنتجاتها من حيث الجوده..
وزياده على كذا كثره المرضى الي يتطلبون ادويه طول العمر ..
واهم شي انها تجاره رابحه >> من يدخل معي شريك ..!:)

شفانا واياكم

حياك الله اخو سعدى الي تذكرولاتشاف
وياهلا فيك
تقبل مروري هنا..

[اخو سعدى]

هلا .. ليالي ..

بالفعل شكلها تجاره رابحه .. ومثل ماقلتِ اهم شئ الجوده في المنتج

افضل من محلات العطاره والاسواق الاخرى ..


وياهلا فيك .. ليالي ..

نورتِ الموضوع ..

[فهد الجنيدي]

و الله صحيح



يا كثر الصيدليات مهو بالرياض بس



حتى برفحاء


كل ما تمشي شوين تلقا صيدلية

[اخو سعدى]

راجو ..

شكلها موضه ..

شلون رفحاء والله زمان عنها ..


نورت طال الله عمرك ...