المساعد الشخصي الرقمي

مشاهدة النسخة كاملة : .خربشات princes.....


هلآ الآسلميهـ
07-06-2009, 18:57
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين




البارحه كنت اتأمل القمر وهو في تمامه ... ففاضت قريحتي الشعرية وكتبت هذه الأبيات...




ارجو ممن هم اهل للثقة توجيه النقد لهذه الأبيات ..... بشكل مقنع ... لأني اتقبل النقد بكل رحابة صدر.... شاكره لكم حسن نصحكم...








يا وجد عين اللي عيونه غريقه
كل ماطرى له بتالي الليل طاري



وياوجد قلب اللي طعونه عميقه
يسلي جروحه وهو للجرح ضاري



يحاول وصل خله والدنيا تعيقه
ويضيق من اللي بالوقت جاري



وتهل دموعه على خدوده رقيقه
مثل من بكا بعز البرد جايع وعاري


.................





خربشات.... هلا الشمري... princes..
شام
07-06-2009, 19:27
معنى جميل يلوح بين الحروف
و رذاذ يبشر بهطول الغيث
رائع يا هلا
نتمنى منك الاستمرار
تقديري لك
هلآ الآسلميهـ
07-06-2009, 19:48
تسلمين شام .... عالدعم الفني ..
سيف الدولة
07-06-2009, 20:28
أخي برنس


هذه الخربشااات لاتخلو من كسر في ألأبياات




يا وجد عين اللي عيونه غريقه
كل ماطرى له بتالي الليل طاري




وياوجد قلب اللي طعونه عميقه
يسلي جروحه وهو للجرح ضاري




يحاول وصل خله والدنيا تعيقه
ويضيق من اللي بالوقت جاري




وتهل دموعه على خدوده رقيقه
مثل من بكا بعز البرد جايع وعاري


كل اللي باللون ألأحمر مكسووووووره


حاول تلحنها ويبين لك الكسر


وإخوانن يفيدونك بالبحور ووزنها وهي في

مضيف المحاولااات الجاده هناااك مثبته


ومكان أبياتك هذه هناااااك أحسن


مضيف المحاولات الشعريّه الجادّة (http://www.shmmr.net/vb/f44.html)
هلآ الآسلميهـ
07-06-2009, 21:26
طيب مشكوره اخوي على هالمعلومات ........ وتراني اختي مو اخوي .....ان شاء الله
فهد المويهي
10-06-2009, 04:27
اختي


كلنا كنا هكذا


لايعيب الفكر الصحيح الوزن


وانما القصيده النبطيه من اهم ركائزها هو الوزن


والوزن دائماً او غالباً مايكون للمبتدأ هو ان يلحن القصيده بلحن واحد

واذا كان هذا اللحن يسير بسهوله وسلاسه على جميع مايكتبه الشخص هنا يكون الوزن صحيح



من ناحية الفكره انا اقول صح فكرك


واتمنى منك الاستمرار لانه يبين عليك من الان مشروع شاعره جميله بفكرها وشعرها


اتمنى لكِ التوفيق
فهد المويهي
10-06-2009, 04:33
اقرئي القصيده هكذا



ياوجد عين اللي عيونه غريقه

يطري عليه بتالي الليل طاري



وياوجد قلب اللي طعونه عميقه

سلّى جروح معاند الجرح ضاري



وده حبيب وكلٍ شيٍ يعيقه

ويضيق لامنه غدا الوقت جاري



والدمع يجرح به خدودٍ رقيقه

كنه بكا من برد جايع وعاري
لوليتا
10-06-2009, 08:23
*
*

برنسيس

ومحاولة جميلة
تحمل احساس وفكرة راقى
اما ما يخص البحور ما اعرف لها

وما شاء الله سيف وضح الكسور
وفهد
وضع تصحيح رااائع
ونغمة القصيدة صارت احلى

وما اخل بالمعنى ولا بالكلمات


تسلمى برنسيس

ولا تتوقفى
محاولة اولى جميلة

وننتظر محاولات اكثر جمالا


تحيااتى

*
*
هلآ الآسلميهـ
11-06-2009, 03:18
يسلموووووووووو فهد... بس عندي سؤال ...


الحين بدامك صححت قصيدتي ينفع انسبها لي ولا تصير سرقه ادبيه؟؟؟




ويسلمو لوليتا ...
فهد المويهي
11-06-2009, 06:01
يسلموووووووووو فهد... بس عندي سؤال ...


الحين بدامك صححت قصيدتي ينفع انسبها لي ولا تصير سرقه ادبيه؟؟؟




ويسلمو لوليتا ...





صححت قصيدتي ... انتي تقولين قصيدتك وهي بالفعل قصيدتك ومالي اي فضل يا اختي عليها


انا مالي اي حق


وهي لك اولاً واخيراً


واي شي تحتاجينه الكل اعتقد من اخواني واخواتي بالمضايف ماراح يقصرون فيه


ماهو بس انا


وحياك الله بأي وقت


فمان الكريم

اخوك


فهد
أحمد
11-06-2009, 13:32
اختي هلا

انا مروري اليوم مهو لتدتيل او اضافه

لاني مالي علاقه بالشعر


بس ودي اقول :


والله اني احسد الشاعر لانه يستطيع التعبير


وانتي عبرتي


بالتوفيق اختي وبالتوفيق لكل الشعراء
هلآ الآسلميهـ
12-06-2009, 02:16
اختي هلا

انا مروري اليوم مهو لتدتيل او اضافه

لاني مالي علاقه بالشعر


بس ودي اقول :


والله اني احسد الشاعر لانه يستطيع التعبير
الله يسلمك وعلى فكره ماتدري يمكن تقوم من النوم شاعر ... تعرف الشاعر النابغه الذبياني صار شاعر فجأه ونبغ بالشعر يوم صار عمره 40 سنه.. يعني عااااااتي

وانتي عبرتي


بالتوفيق اختي وبالتوفيق لكل الشعراء
الله يجزاك خير ... شرفني مرورك
صلفيق
12-06-2009, 05:34
هلا !!

ماشاءالله عليك


رائعة بجد ماكتبتي ياهلا


بس لي تعليق على البيت الثالث..


يحاول وصل خله والدنيا تعيقه
ويضيق من اللي بالوقت جاري

كأن العجز لم يأتي على الوزن لباقي القصيدة !

ولو جاء العجز :

ويضيق من شيّن بهالوقت جاري

أو اكتفينا بالها في كلمة الوقت ، ليكون العجز :


ويضيق من اللي بهالوقت جاري

والله ماني شاعر ... بس فاضي ، وادوّر الندزره !



برنسيسة ....... رائعة بحق.


صح لسانك هلا
هلآ الآسلميهـ
14-06-2009, 20:46
صلفيق حياك الله .... لي الشرف بوجودك بمتصفحي..


وعادي اكتب اللي يعجبك من نقد ... روحي رياضيه واتقبل كل شي ... بالعكس النقد شي طيب...

















يسلمو ... وانت صادز يمكن لو نحط الهاء يصير ازين.... تصدق بتفتري كنت كاتبه الهاء بس يوم كتبته هنا ماحطيتها ..






لاعدمناك
عبدالمجيد الشمري
15-06-2009, 04:39
يعطيك العافيه اختي وانتي مشروع شاعره رائعه
وأنـا أول المراهنين على ذلكـ ,,


أخوك
عبدالمجيد
هلآ الآسلميهـ
15-06-2009, 05:00
يعطيك العافيه اختي وانتي مشروع شاعره رائعه
وأنـا أول المراهنين على ذلكـ ,,


أخوك
عبدالمجيد



الله يسمع منك اخوي .... وبكرا يصفوني بأمسيه بجنب سعد علوش وابن فطيس هع...


شرفني مرورك
جمران
24-07-2010, 05:48
صح لسانك

لاهنت