لطيفه الشمري
06-06-2009, 14:58
بسم الله الرحمن الرحيم
شقيت ستر الليل بابيات واوزان = وقريحةً هاضت بجوفي عليله
وشعاد لو فيك السهر خاطره زان= تبقى حدر لليوم وتبقى شليله
ياليل غرنك مزايين وحسان = واصبحت سلطان الخفايا وسليله
الطهر زين الصبح لو كان بك شان= واصل العفاف اللي حموله ثقيله
لو كان لاطرافك مزامير والحان = ترقص شياطينك وتنسف جديله
سوادك اللي ذكرن ماضيً كان = اركى على الميسم وحر المليله
لامات شعري بين بوحً وقيفان = قمت اتوجد وين راس الطويله
لاهيجنت فيني شياطين الاحسان = بحلت وين الوزن عدله وميله
ياليل لاتنقد علي وانت زعلان = كرّع بعذب الشعر وافهق صميله
بعيوني الثنتين شفت الهدى بان = اللي استباحك واعلن المستحيله
ياما على اطرافك تهاليل وايمان = وسجادةً لدين عيت بديله
ودموع فاضت ذل من موق شيبان = ترجيك يارب العطايا الجزيله
وسكاتك اللي لسهر صار عنوان = يفج صمته فجر و اعلن رحيله
ونخشع وباطرافك تراتيل قران = وتسبيح مؤمن يأسرك بتهليله
والناس بين اجواد ومابين رديان = وليا جهلت الشخص اعرف خليله
وسواد ليلي شفت انا فيه الوان = ماهو على لون الرموش الكحيله
فيه العفاف اللي ذبح كل شيطان = وفيه الطغى فرّع ومشط فليله
الشمـــــــــــريه
شقيت ستر الليل بابيات واوزان = وقريحةً هاضت بجوفي عليله
وشعاد لو فيك السهر خاطره زان= تبقى حدر لليوم وتبقى شليله
ياليل غرنك مزايين وحسان = واصبحت سلطان الخفايا وسليله
الطهر زين الصبح لو كان بك شان= واصل العفاف اللي حموله ثقيله
لو كان لاطرافك مزامير والحان = ترقص شياطينك وتنسف جديله
سوادك اللي ذكرن ماضيً كان = اركى على الميسم وحر المليله
لامات شعري بين بوحً وقيفان = قمت اتوجد وين راس الطويله
لاهيجنت فيني شياطين الاحسان = بحلت وين الوزن عدله وميله
ياليل لاتنقد علي وانت زعلان = كرّع بعذب الشعر وافهق صميله
بعيوني الثنتين شفت الهدى بان = اللي استباحك واعلن المستحيله
ياما على اطرافك تهاليل وايمان = وسجادةً لدين عيت بديله
ودموع فاضت ذل من موق شيبان = ترجيك يارب العطايا الجزيله
وسكاتك اللي لسهر صار عنوان = يفج صمته فجر و اعلن رحيله
ونخشع وباطرافك تراتيل قران = وتسبيح مؤمن يأسرك بتهليله
والناس بين اجواد ومابين رديان = وليا جهلت الشخص اعرف خليله
وسواد ليلي شفت انا فيه الوان = ماهو على لون الرموش الكحيله
فيه العفاف اللي ذبح كل شيطان = وفيه الطغى فرّع ومشط فليله
الشمـــــــــــريه