بغى يموت ... وربي صحيح انفضخ قلبي ..

[فارس الصحراء]

بسم الله الرحمن الرحيم



لان اي امر لا يبدا بذكر اسم الله فهو ابتر .. << تعال شف الكلام يا مطوع



السلام عليكم ورحمة الله وبركاته


وعليكم السلام ورحمة الله وبركاته وطيب مرضاته ..

كان الصحابه رضي الله عنهم .. يحاولن الزياده بالسلام لكسب الاجر ..

فمن حياكم بتحيه فحيوه بافضل منها ..






... <<<< >> >><<<<>><<>><><><><><>?<><><><







HOW ARE YOU ALL?

اخس يالانقليزي ..

استعراض بس ..


الوكاد .. وراعي الوكاد صامل ..




هذا واحد من الشباب .. صاكته النفسيه ..

وذبحتنا .. مرات مطوع .. ومرات عربجي زاحف ..


تبون الصراحه .. والله كان ما يخلي الصلاه .. بس من صرنا جيرانه ..

وقام يجي عندنا ويتقهوى ويتعلل .. عندنا .. قام ما يروح للمسجد .. الله لا يواثمنا ..


مالكم بالطويله ..




مره من المرات .. عندنا اوووف (( عطله )) يا ليل اللي ما يعرف انجليزي ..


يعني .. يوم الربوع .. ونبي نمشي لاهلنا ..

جيت للشقه يا مار .. اخوي توه اعد من النوم .. طايحتن صوابره ..

واقومه .. ويقوم ويقعد يفرك وجهه بالتايت .. يا ولد ..

هذا تايت يقول زين .. يخلي الواحد يصحي

مشيتها له ..

وشوي ويلوذ علينا خوينا ,, تلويذة الشر ,,

يا مار منقلب وجهه .. وحالته حاااااااااااااااله .


السلام وعليك ..

قال . يا فلان ..


انا شكلي ما راح اوصل اهلي ؟؟؟؟؟؟؟؟!!!!!!!!..!؟؟!.؟!.؟!.!؟!.!؟.!؟!.!


انواع العصافير فوق راسي .. سكت لي شوي ..

صابني ذهول .. باطرف شعري .. ما قدرت احرك شدوقي ..

قلت انت وش فيك .. اذكر الله .. قال لا والله صحيح انا حاس اني مودع ..

امسك راسه يا مار ما به بلا ..

انا طاقتني ام الركب وابو الركب والعايله كلها // الرجال مواااااااااااااااااااااات


قلت يعني وشلون ..

قال ما ادري ..


والله وانا .. اعطي الموتر اخوي ..

قلت يالله انا معك ..


وحنا نمشي .. قرينا دعاء السفر .. اول مره اقراه من الذل ..

وأية الكرسي ..

ونمشي ..


الوكاد .. نمشي 80 الى 100 كيلو ..

وما غير انا اسولف وهو منغم .. ومنهم ..



وانا من داخل يا ساتر تستر ..


خفت لاموت معه .. تخبرون الميت .. يسولف بالموت قبل يموت .. سبحان الله



وهذا حنا .. والله يا ان العايله كلها مرة علي ودقيت على اخوياي اللي لهم سنين ما كلمتهم ..


اقولكم اسكتوا وربي ان وجهي قلب ..




الوكاد يوم بقى عن الديره حول .. 10 كيلو .. يعني تو اذن المغرب يمدي نلحق على المسجد



وهو يجنب عن الطريق .. وانا انقز بحلقه .. وش عندك انت ..

قال نبي نصلي ..


قلت يا ولد نصلي بالديره نلحق بالمسجد ..

قال الاعمار بيد الله ما تدري ..


انا يا الله ابلع ريقي ..


قلت نصلي والشكوى على الله ..


ويقعد يأذن .. ويتسنن .. ويقيم الصلاه .ز ونصلي ..

..


قلت عاد خلني اسوووق قال لا ..

سيارتي وانا اسوقه قلت خلاااااص شكلنا ولشنا .. (( صرنا ولايش ))

الوكاد انا وصلنا وينزلني للبيت ..

وانا طاير من الفرحه ..

وصلنا وصلنا ..


الوكاد .. قلت اذكر الله ورح لامك والامور بخير .. قال ان شاء الله


ويمشي من عندي ..

بعد نص ساعه ويدق علي ..


وانا انخرش .. قلت الله يستر ..

الو .. والله وهو يرد علي ..

وانا ارتاح هلا فلان ..


هاه بشر عن اهلك ..


قال .. ما واجهتم افا ليه ..

قال راحوا للكويت ..


يا ليل البعااااارني انا وش اسوي بحياتي ..


وربي .. ما نمت هكا الليله ..


كل ساعه ادق عليه انت حي ..


يقول ابشرك حي ..

واوصيه لا تطلعه لا تروح لا تجي خلك بالبيت .. لين ما يجونك اهلك ..

الوكاد ان الله سهل له ..

وشاف اهله وما شاء الله عليه ..


وكل ما شفت . تبي تموت يقعد يضحك الله لا يبارك بعدوه ..









الموت حق .. وكل نفس (ن) تذوقه ..




..







رساله الى .. ناقتي حصه ..


امس والله العظيم ما قدرت اجيك .. انا اسف I AM SORRY عسى عسى ميزان

حط العلف .. وابشري والله لاجيب لك ليز اليوم بالجبن الفرنسي ..

ومعه نفيــــــــش ابو نسمه .. وجنكر ..


يا لبا بلاجمك اللي تسوى .. الجبيل كله الا الضاري هههههههههههههههههههههه




تلولسوا بتحيتي ليس بلحيتي

[ابو ضاري]

هلا وغلا بفارس الصحراء

راجعلك خلن اتفضالك


يالربع من جنبه بالانقليزي وين ابو غازي اسله تكفى

اسالووووه تراه من جنبه مايعرف كوعه من بوعه بالانقليزي

[صلفيق]

فارس الصحرا 11

والله ياانت ذكرتني بابو حوّاس ،، اللي يحط يعلف الناقة "بسكوت "
لا ... وبالشاهي بعد .

لعن ابو بليسكم والله يانتم تبون تطلّعون جيل من الحشو مايعلم فيه
الا الله.....!


الله يعينك على بلواك ..

خل ابو ضاري يتفضى لك ..!



احترامات لك,,,

[عبدالله الجعيثن]

^
انت خلك ترجمان وانا كيتب....


فيد الصحرا...


خويك يجيه تكاك المغرب...


وهذا دواه بسيط



عرقاه على غاذيته...ومايشوف شر ابد

[الشبث]

يالله حي فارسنا


سؤال



اجل ناقتك متابعه المضايف يوم انك تكتب له هنا خخخخخخخخ


لاتكون اللي مع شرهه خخخخخخخخخ





صدقت اخونا الفارس


الموت حق وكل نفس تذووقه






ولاهنت على هالسوالف الطيبه اللي تجي من طيب مثلك





لاهنت




وتقلد تحيتي

[ابو ضاري]

..














HOW ARE YOU ALL?


اموت بالانقليزي

يالربع صفقوله شوفوا وين الاستفهام خخخخخخخخخخخخخخخخخخ

[عبدالله الجعيثن]

يعني وش يقول....كم ما يسب!!!

[شامان]

الحمد الله على سلامتكم وسلامة خويك

اهم شي شاف اهله بنهاية الفلم

وانت الله يهديك ما كملت موضوعك بالردّه

كيف الحال ؟ :7ayyoh:

اهم شي خلاك تعرف صلة الرحم

وكلمت الاقارب كلهم والاصدقاء - زين والله

- تقول الرجال يعرف المسجد قبل يجيكم !!! :3ajeeb:
عطنا عنوانكم علشان نوصي الشباب ماحد يجاوركم

[فتى البيداء]

فارس الصحراء .. صح لسانك ..

الموت حق وكل نفساً تذوقه ـــــــــ مير البلى من ذاق موته ولا مات


والله يارسالة الناقه أنه قالشه .. ماادري وش تبي ..


الله يسعد مساك فارس الصحراء ..

[ســـعود]

السلام عليكم ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية .
وت از هز بز لا تكز
وش معناتها با العربي ما دامك خبره با الماخوذ الانجليزي
تحياتي لك

[هلآ الآسلميهـ]

اول شي ..... الحمد لله على سلامتك انت وخويك..


اذكر سنتن من السنين جتن حالة خويك هذا يوم اني بسادس ابتداعي ... وقعدت اصيح واشاهق ابموت ابموت وماما وبابا ... أأأأأأ اقصد الوالد والوالده عند راسي اسم الله عليك اسم الله عليك...


وهذاني ماشاء الله مضن 7 سنين متنحتن بهالحياة مامت ولا شين <<< ماشاء الله تبارك الله خافت تموت ..


وبس يعني عادي هالطواري...


رساله الى .. ناقتي حصه ..


امس والله العظيم ما قدرت اجيك .. انا اسف I AM SORRY عسى عسى ميزان

حط العلف .. وابشري والله لاجيب لك ليز اليوم بالجبن الفرنسي ..

ومعه نفيــــــــش ابو نسمه .. وجنكر ..


يا لبا بلاجمك اللي تسوى .. الجبيل كله الا الضاري هههههههههههههههههههههه


على طاري حصه ... حبه لي مع غاربه والله اني اغلي النياق...




تقلب مروري..

[شرهه]

ههههههههههههههههههههههههههههههههههههههه


شف ياخوك الهنووووووود دايم حساسين و يهولووووووون الامور بشكل فضيع



>>شيء طبيعي اللي مريت فيه ..

هههههههههههههههههههه








يمه تخيل اننا ندري متى راح نموت !

و الله اننا بأكبر نعمه ..




سالفه من الطراز المنتاز

متشكررررررررررررررررررررره اووووووووووووي


مع التحيه

[شرهه]

8
8
ههههههههههههههههههههههههه
اضحك على رسالتك لناقتك::

لا تكووووووووووون بس تعني رحوووووووولي!


بس رحولي ما اسمه حصه اسمه السكب *_*

[أحمد]

ووووووه ياملا البعد يابعضهم


واحد من الزقرت سافرت انا وياوه لديره تبعد مسافة مايقارب تسع ساعات بالطائره ويوم وصلنا واستاجرنا اول سالفه يقوله : ياخي الغربه شينه كم بيننا وبين اهلنا وهو يقوم يتضيم قسم بالله يلولا ان الخوي بالذمه ولا تسان مورطوه بلوه قضيه واخليهم يسجنونوه يما ابي ارجع امروه واكفلوه واجيبوه معي خخخخخ



تحياتي لك يالفارس

[حيل حليل]

^
^
اما مكه تسع ساعات بالطياره <<< يرقع لعشيره

والله الموت حق
لكن خويكم هذا سبيكه
والله ياهو قالش المسيكين
لكن شكلك انت اللي سفهته
لانه قبل لايعرفك كان ماتطوفه الصلاه
وانت اللي اربثت بوه

اتق الله في نفسك اخي فارس ههههههههههه

لكن والله مدلع جملك عسى الله يخليه لك
اجل ماياكل الا جبنه فرنسيه
والله لو انه حدى بقار الدنمارك
دلل جملك اجل


ونستنا يالذيب
لاهنت

[صلعان]

فوعلا شر البليه اللي يضحتس

الفارس الله يعين خويك عليك

الظاهر تبي تعيره به يما يموت


وبعدين تسان تبي حصه تغدي نضره

عليك بالكيك المشذرم او المسمسم



لاهنت يالغاالي على هالسالوفه

وتقلد احترامي .





ومضه // ودي اتلولس بلحيتك ههههههههه

[ابو راكــــــــان]

فارس

الصعوه النفسيه


صار راعي نت ومنتديااات

شكلنا نبي انسوي لوووه دعوه

بس خلنا انطلع بلاويه

[حمـود]

الموت حق

بس خويك غريب

بس يحتسي بالموت

الحمد لله على السلامه

وناقتك حصه شفت عاملكم امس يعلفه ويسقيه اميه بالورد>>نصاب