وين نصيف هالسنه بباريس ولا لندن؟؟؟ [الأرشيف]

مشاهدة النسخة كاملة : وين نصيف هالسنه بباريس ولا لندن؟؟؟

هلآ الآسلميهـ

01-06-2009, 19:31

السلام عليكم ورحمة الله وبركاته

اليوم حنا والوالد -الله يطول بعمره- نتناقش وين بنصيف هالسنه<< ارحميني

المهم ان الوالده-الله يحفظها- عارضت فكره اننا نصيف بباريس زي الصيف اللي فات ... لان بصراحه بيني وبينكم ذبحنا النامس والعجاج اعوذ بالله ماتسكن:315r:

ويوم حنا نتمشى تحت برج ايفل .. فرشنا حصيرتنا وشبينا النار وماتسمع الا صوت هاك النجر دن دن .. الوالد -الله يحفظه-زين لنا هاك القهوه اللي تحبها قلبوكم

ونذبح هاك الخروف النجدي اللي يهبل .. على جال البرج.. وحنا نشلوط الراس ونزين لنا هاك المفطح ... طبعا والناس يراعون لنا متهولين..

ويجينا راعي العراوي موديل 86 ويقحص عندنا على هاك النفود وحسبي الله عليه دم نارنا بالتراب ولحمنا غدا اعوذ بالله ... حسبي الله عليه.. عاد ومن عقبه الوالده-الله يخليه لنا- عافت باريس

عاد اقترحت انا واختي اننا نروح لندن نصيف هناك نتفرج على هالخضار وهالزين ... بس اخوي -الله يسلمه- عيا يقول هاك السنه يوم نروح ذبحنا الذبان والدواب عجزنا لا ننام بس نتمقرص .. يوم حنا نفرش فرشنا بالحوش ذبحنا الذبان.. قلنا له ايه عشانا رحنا بالشتاء ... انت ماتعرف جوهم شفيك انت .. قال وبعدين لندن سموم تذبح ....

عاد وجلسنا نفكر ونفكر ونفكر

ونفكر

ونفكر

ونفكر وين نصيف

عاد قررنا اخر شي اننا نصيف بمزرعتنا بحدى قرى حايل << وهـ بس ياجعلي فدا ثراها شبر شبر بلا باريس بلا لندن بلا هيااااااااااااط بلا خرابيط:thumb:

على قولة الشاعر العربي.... ولي وطنٌ آليت ألا ابيعه و ألا ارى غيري له الدهر مالكا....

وعلى قولة رحمة -طلال مداح- روحي وما ملكت يداي فدااااااااااااااااااااااااااه ...

<< ذبحته الوطنيه

اخاف اليوم اليوم الوطني وانا مادري ...........

تقلبوا تحياتي الجوفيه والمخيه لكم بدوام الصحه والعافيه .. برنسس..

ريتاج

01-06-2009, 19:59

ابووتس الله يحفظه.. ليه ماايتدهن بفقس ابد الناامس ماايجيه والعجه يااخذ له مظله

وامتس الله يخليه لكم كاان صاافقتن اللي حاايسكم بالشواايه ولا مرسلتن عليه جمره غدي يتأدب

واخووتس الله يسلمه ليه ماايشري سيف الذباان..< يااحبي له هههههههههههههه فله طخ طخ << تقلد صوته

وانتي الله يطول بعمرتس ويبقيتس جبتيلنا مووضووع يااخذ العقل..

ووه بس ياامعااليتس سبدي يااحااايل...

حاايل بعد حيي داار الهوى المنشوود<< ام الخبص

شيييييييييييع

هلآ الآسلميهـ

01-06-2009, 20:13

ابووتس الله يحفظه.. ليه ماايتدهن بفقس ابد الناامس ماايجيه والعجه يااخذ له مظله<<< الوالد مايداني الفقس يجيب له حساسيه بالنخاع الاعور ...هع

وامتس الله يخليه لكم كاان صاافقتن اللي حاايسكم بالشواايه ولا مرسلتن عليه جمره غدي يتأدب<<< لو سمحتي لا تغلطين على امي .. امي مؤدبه ماتتعامل بالعنف يعني ان ضربت بقوه كسرت فوق راسه القناة بس يعني لو سمحتي ماتاصل لدرجة انها تصفقه ... هع

يالبا قلبتس رتوجه ... الله يسلم روحك عطرتي صفحتي بمرورك ...

يـــوسف

01-06-2009, 20:26

‘ييييييييييييييييييييييه ياأبوانا أجل يصيفون بنا بهكالديار :)

لعنبو العدو ابو ي لاصار ناذخ بالصيف يودينا نقنص ضبان قمة المتعه عندوه :)

وعمي يقاله الحين يبي يوسع صدورنا يقلعنا يقنص بنا جرآبيع واللي يطوفه ولا شي ماينكس لوه الا يما يصيدون الجربوع واذا نكس يجي حالة الوغد حاله متخالطن النخــ... مع الدموع مع السعابيل منسفه :(

والحمدلله على كل حآل <_ يبي يشتكي ابوه وعمامه بحقوق الأنسان كسفوبوه :(

لاهنتي على تقليب المواجع والتهنضبات المغربيه

أجل حول الصحين الربع هههههههههههههههههههههههههههههههههههههههه هههههههه

توسدي إحترامي :)

الجـــوكر

01-06-2009, 20:27

حيل حليل

01-06-2009, 20:34

هلآ الآسلميهـ

01-06-2009, 21:34

‘ييييييييييييييييييييييه ياأبوانا أجل يصيفون بنا بهكالديار :)

لعنبو العدو ابو ي لاصار ناذخ بالصيف يودينا نقنص ضبان قمة المتعه عندوه :)

وعمي يقاله الحين يبي يوسع صدورنا يقلعنا يقنص بنا جرآبيع واللي يطوفه ولا شي ماينكس لوه الا يما يصيدون الجربوع واذا نكس يجي حالة الوغد حاله متخالطن النخــ... مع الدموع مع السعابيل منسفه :(<<<<<<< هههههههههههههههه ايه كثر منه

والحمدلله على كل حآل <_ يبي يشتكي ابوه وعمامه بحقوق الأنسان كسفوبوه :(<<< لا شدعوه جبهم عندي اعلمهم بحقوق الانسان وحتى الحيوان بعد هع

لاهنتي على تقليب المواجع والتهنضبات المغربيه

أجل حول الصحين الربع هههههههههههههههههههههههههههههههههههههههه هههههههه

توسدي إحترامي :)<<< هلابك مرورك عطر صفحتي

هلآ الآسلميهـ

01-06-2009, 21:36

يا حظكم فاضين تتمشون بالصيف

والله قهر انا والله عاد الصيف هذا مشغول والله لشعر
راسي حتى رمضان ما يمديني اصوم عند اهلي

تخبرون هذي ضريبة الشهره وانك تكون من اكبر المشاهير
بالعالم
عاد الصيف هذا عندي تصوير فلم في
هوليوود (تراه مداوم وهو مايشوف الدرب)
وخابرين انتم اجواء السنما والارتباط بما اني الجوكر
وصاحب اشهر الافلام السنمائيه<<< ابو النذاله ياشيخ ...لااااااااا ما اتفقنى على كذا الجوكر .. يعني لازم يطلع عردز النذاله... جماهو هاك المره قلت لك ابمثل معاك دور البطولف بذاك الفلم اللي انت تعرفه .. لا تسألني انت تعرفه اللي جاكي شان تسحتانوه يبي يمثل معنا قلنا لوه وراك بس هع

انحشششششششششششششششش

مرورك عطر صفحتي

هلآ الآسلميهـ

01-06-2009, 21:40

صيفوا بأبها البهيه اللي تجعل الكهله صبيه

والله مايهم وين تقضي اجازتك
لكن الاهم من معك في اجازتك

والله ياقرب الأهل الجماعه والربع انه يسوى الف باريس << بدى شغل التسذب

دور وين راحتك بغض النظر عن المكان صدقني بتنبسط
<<<والله انك صادز حليل يازينك وانت فارشن فرشتك بالدتسه حول المغيرب ومزين لك قهوه وشاهي وجالس تتفرج على مزرعتك وهدوء ياسلالالالالالالالالالالالام بس... الجلسه هناك تسوى ألف باريس .. يعني اهم شي الاخلاق هع

مرورك عطر صفحتي..

عبدالله الجعيثن

01-06-2009, 21:44

ياحلولات ياشخانيب حايل

هالصيف بقيقاوي.........ماكو اجازه

يعني ابشبع رطوبه

ريال الفسحه

01-06-2009, 23:18

8

وانا بشدقم .. ماتجي تخاشرن بهالعجاج :)

فهد الجنيدي

01-06-2009, 23:24

برنسيس أهسن شي

تصيف برفهاءاجد براد بالليل

ليلى بنت عبدالعزيز

01-06-2009, 23:36

قطع يا... باريس زحمه هم وشارعهم الاقشر كله مطبات
ولندن جوها كدر حيل
<<< احلام وهياط وتسذب:)

بصراحه ياأمير عشت جو الكشته الي تحت ايفيل ...روعه
تمنياتي لم بصيفيه ممتعه
:thumb:

صلعان

02-06-2009, 01:24

يفاهدز نضاراته متهول من هالكلام الاصلع :)

ااااااااااااااااه لو يحصل لي هالصيف اصيف عند الغنم مابي بلى تخيلو

اخوي يبي يعرس ولا ادري انا احضر عرسه او ما احضره <<فيس شايب يبتسي

ااااااااااااااااااااااه يالقهر <<فلغت مواجع الاصلع

ياعلك تصيف بالمزرعه وتفله وتنبسط وتدعي لي اني احضر عرس

:wallah_hoo:اخووووووووي

<<لي جعير هالحين منغمض ذال يطوفن العرس<<فيس انا لي جعير

صلعان

02-06-2009, 01:29

ومضه //

راجو ابيك تحب لي علبا اليمني اللي بالعلاوي

ذال يسافر وانا ماجيته خخخخ

اثريك حولنا .

شرهه

02-06-2009, 07:12

بالله باريس هلون >طيب ليه يا جانا مطر وغيم و حركتات والجو صار خيال >>قالوا اجواء باريسيه سانجرمانيه ^_^

أنا اعشق شي إسمه سفــر

إنشاالله راح افر العالم كله ..
باريس _البندقيه روما _ برشلونه _آنسي الفرنسيه _طوكيو >>>هذولي الديار اللي براسي الحين! ^_^
‏_‏

تمنياتي القلبيه بقضاء إجازه صيفيه سعيده اينما كانت
‏

مع التحيه

تركي الزياد

02-06-2009, 08:34

أقـوووووووووووووووووووووووول

ياحلولات من شم هـواء الخطـه

ياعلتس بعد خريص وأهل خريص << فيس متحطـم

شكراً برنسس على إثارة هذه المشاعر المدري وشلون جايـه :(

ابو ضاري

02-06-2009, 08:41

يالربع تسيف تقول عند برج ايفل به نفود يالربع ياكبره يابو غازي

السنه 12 ساعه مافيه اجازه

الشبث

02-06-2009, 12:29

يالله حي اختنا البرنسيسه

على قولة الشاعر سليمان المانع

انتي مصيفتس بين لندن وبرلين

وانا مقيضي بين رفحاء ولينه خخخخخخخ

ياروووحي ياصيف رفحاء

عاد اللي مثلي لاعبتن الهبايب بواجهيتوه ما يستغني ههههههههه

لاااااا هنتي اختنا على هالسوالف الطيبه

وعلى هالحضور المميز بالفله

وتقلدي تحيتي

ســـعود

02-06-2009, 14:47

انا انصحك تصيف في اهدى مكان في العالم (العراق) احسن متسان الواحد يصف بوه ههههههههههههههه
تحياتي لك

هلآ الآسلميهـ

02-06-2009, 15:49

ليالي ياهلا بتس ... زين والله انتس خشيتي جو .. << حست ان عنده اسلوب

وبعدين ياوخيتي .. انا اميرهـ مو امير .. ليش التحطيم تهئ تهئ تهئ .. كل هلأنوثه واخرته امير ...

مرورتس عطر صفحتي

................

صلعان ... رووح ياعلك تحضر عرس اخوك وتقعد بالعرس تلعب سامري لثاني يوم الظهر محد يقولك شين...

ومرورك عطر صفحتي

هلآ الآسلميهـ

02-06-2009, 15:54

بالله باريس هلون >طيب ليه يا جانا مطر وغيم و حركتات والجو صار خيال >>قالوا اجواء باريسيه سانجرمانيه ^_^
<<ايه باريس مثل اللي قلت واللي يقولون اجواء باريسيه ماعندهم سالفه مايعرفون .. أسألي مجرب

شرووهه يابعد تسبدي انتي ترا موضوعي هاك المره ثلاث مرات اكتب الرد ويعيي يطلع يعني لا تزعلين .. تراتس عالعين والراس وعضوه عزيزه على طحالي .. اقصد تسبدي..

أنا اعشق شي إسمه سفــر

إنشاالله راح افر العالم كله ..
باريس _البندقيه روما _ برشلونه _آنسي الفرنسيه _طوكيو >>>هذولي الديار اللي براسي الحين! ^_^
‏_‏

تمنياتي القلبيه بقضاء إجازه صيفيه سعيده اينما كانت<<وياااااااااتس
‏

مع التحيه<<<شرفني مرورتس يالغلا

هلآ الآسلميهـ

02-06-2009, 15:55

أقـوووووووووووووووووووووووول

ياحلولات من شم هـواء الخطـه

ياعلتس بعد خريص وأهل خريص << فيس متحطـم<<<اي والله صادز ياحلولات الواحد لا صار مستانس وبين اهله لو هو بخيمه بالشعيب ..

شكراً برنسس على إثارة هذه المشاعر المدري وشلون جايـه :(
<<العفو حق وواجب خيو ..

شرفني مرورك

هلآ الآسلميهـ

02-06-2009, 15:56

يالربع تسيف تقول عند برج ايفل به نفود يالربع ياكبره يابو غازي <<< ياخي انت وش فيك ؟؟ اكيد ماعمرك رحت باريس ولا تسان تشوف هالنفود اللي مناحلوهن .. يعني رجائن لا تشك بقدراتي ...

السنه 12 ساعه مافيه اجازه
<<مرورك شرفني

هلآ الآسلميهـ

02-06-2009, 15:58

يالله حي اختنا البرنسيسه <<< الله مير يحيك ويبدزيك

على قولة الشاعر سليمان المانع

انتي مصيفتس بين لندن وبرلين

وانا مقيضي بين رفحاء ولينه خخخخخخخ

ياروووحي ياصيف رفحاء

عاد اللي مثلي لاعبتن الهبايب بواجهيتوه ما يستغني ههههههههه<<<لا ماعليك اخوي اهم شي الاخلاق وحب الوطن هع

لاااااا هنتي اختنا على هالسوالف الطيبه

وعلى هالحضور المميز بالفله <<<الله يسلمك ماسوينا شي ... عاد لاترفع بي واجد اصقع السقف هع

وتقلدي تحيتي
<< مرورك عطر صفحتي..

هلآ الآسلميهـ

02-06-2009, 16:00

انا انصحك تصيف في اهدى مكان في العالم (العراق) احسن متسان الواحد يصف بوه ههههههههههههههه
تحياتي لك
<<< اول شي اخوي تراني تصيفين مو تصيف.... ليامتى وانا افهمكم اني مؤنث مرفوع بالكسره ...

وبصراحه دام الدعوه به العراق هونت ابصيف بالجامعه مو بس بحايل ابسنتر بالجامعه ترم صيفي هع

<<< شرفني مرورك

أحمد

03-06-2009, 00:41

انا اقول صيفي بالجوبه

واذا الميزانية تساعد استاجرو فله من فلل العزيزية وعيشو جوكم

الا واهني من صيف بالجوف هالسنه