إهدى من أبو ناب إلى جميع الأحباب

[ابو عارف]

من رأس تنورة نزف المزاهيف = فتحت دولاب الحشا والهواء طاب
العذر من كل الذي صابهم حيف = وأحس باللوعه على غياب أبو ناب
رجال ونساء أخصٌكم يالمواليـف = من شمر ومن غيرهم عد وحساب
نصيتكم برضاي من دون تكليف = ومشيت منكم وكل شيء له أسباب
أقفيت منكم والـدموع الذواريف = مثل المطر من مزنة الوسـم سكاب
ياكن تبطط ثومة القلب بالشيف = وابي السموحه ياعريبيـن الأنساب
لكم ثلاث أيام واجب وتشريف = قبل الوداع وقبل تشليع الأطناب

[عجايب بنت الشايب]

-1-

حجزززز

[أبوطروق]

ماني مصدق !!!

أبوعارف يكتب وعجايب تحجز أول مقعد



وش أخبار حروبكم ومغازيكم




أبو عارف يالعشير ترا ماطلع عندي شي (وش الموضوع)

لكن أكيد زين مادامه من إختيارك

""""""""""""""""""""""""""""""""""

[ابو عارف]

الإخوة والأخوات الكرام

السلام عليكم ورحمة الله وبركاته

الإهدى كان عبارة عن أبيات وداعية جادة فيها قريحة العود أبو ناب ولكن للأسف الشديد جيت أبي أكحلها وأعميتها أثناء محاولة التنسيق ونوعدكم في محاولة كتابتها لكم في وقت لاحق إن شاء الله، شاكراً لكم طيب خوتكم.


وتقبلوا فائق تحيا العود أبو ناب

[مزيون ش م ر]

يابو ناب صح لسااانك يااالشاعر
موفق بإذن الله ... لك مني أجمل تحية .

[ريم شمر]

الله لايجيب فراق يالعمده :)



القصيده طالعه وتمام التمام

صح لسانك يابو عارف

[أبوطروق]

أيه تو طلعت القصيدة وصح لسانك





على وين يالعشير؟


الحين يوم انا جيت تبي تمشي

معصي وألف معصي لو نعمم عليك براس تنورة


أقول أسمع نصيحتي وخلك بديرتك اللي تعودت عليه أنت وعيالك واترك ديرة القيل والقال








أبوعارف


كل شي برحيمة يبي يفقدك حتى سواحلها وهواها

عموماً ندعو لك بالتوفيق

""""""""""""""""""""""""

[ابو عارف]

-1-

حجزززز
--------------------------
مالك علينا سبيل تحجزيننا محجوزين.
يوم شرف أبو طروق إنهى أمرك.

ننتظرك يابنت الشايب

[ابو عارف]

أيه تو طلعت القصيدة وصح لسانك





على وين يالعشير؟


الحين يوم انا جيت تبي تمشي

معصي وألف معصي لو نعمم عليك براس تنورة


أقول أسمع نصيحتي وخلك بديرتك اللي تعودت عليه أنت وعيالك واترك ديرة القيل والقال








أبوعارف


كل شي برحيمة يبي يفقدك حتى سواحلها وهواها

عموماً ندعو لك بالتوفيق

""""""""""""""""""""""""
--------------------------------
أرحب يا أبو طروق وينك ياراجل؟
للساع ماغيرت سيارتك الأوبل الخضراء؟

كل هالموضوع بركة الي خلانا نشوفك يالغالي.

تقبل تحياتي وتقديري

[ابو عارف]

يابو ناب صح لسااانك يااالشاعر
موفق بإذن الله ... لك مني أجمل تحية .
---------------------
هلا بالمزيون بس لايسمعك أبو فهد فواز الغسلان هو مزيوننا هنا.

شكراً لك لاهنت

تقبل تحياتي وتقديري

[ابو عارف]

الله لايجيب فراق يالعمده :)



القصيده طالعه وتمام التمام

صح لسانك يابو عارف
----------------------------------
مرحبا أم طلال

شكراً للجهود المخلصة لاهنتي

وصح الله أبدانك لاهنتي

[عجايب بنت الشايب]

صح لسانك


هاللحين العلم وشو ؟؟

تبي تترك المضايفك ؟؟ ولا بتترك رحيمتك ؟ :)


كلهن لك .. وحده قبيلتك والآخرى موطنك


وأن خليتهن .. عند خشمك .. :)






خسرانتن مشاريعك من يوم فكرت تترك حديهن ..


مير صل وصم وتعوذ من ابو طرووق :) ولاعاد تعود مواضيع التغلي :) تري ماهي لكم ياهل رحيمه




بري حااالياااااا >> طحيااااتيا

[صلفيق]

أفااااااااا يابوعارف

وش السالفة ؟؟

أشم رائحة مهي زينة !!


أبو عارف ..

قبلك بهيج حدّروه السناعيس ......... من عقدة اللي مايزحزح قناها


زعلت من كم سنة ، ورحت ودوّجت ، وانتسبت لأكثر من منتدى .. بس الحق يقال

مانستانس الا بهذا !! لو اختلفنا ،، ترانا مانستانس الا بوجودك ..!


وعلشان هالكصيدة .. أنا راح انضم لجيش عجايب ،،،



استخر يابو عارف - والا كلنا وراك !

[لوليتا]

*
*

صباحك ورد يا عمدة

وش هالقصايدات الرائعات على الصباح الندى
ما شاء الله عليك فينك من زمان والشعر
لكنها تركتلى غصة كيف ابلعها اجل


اقول عمووو عشانك عمووو بجد
خلك من الوداعيات وهالكلام اللى يوجع
من يوم دخلت المضايف عرفت ابو عارف
يعنى بيظل بها على طول ..طول ما فى مضايف
والعمدة ما يخلى عموديته ويرحل كذا
الكبير بيظل كبير عموو

ويلا اشحذ قريحتك وانظم لنا اهداء مفرح شوية
ولااقولك

خلك رومانسى واكتبلك خاطرة وهاتها الفيض وبعطيك الجايزة :)

اسعد الله صباحك وصباحك من يحبك وتحبه

الله يعطيك العافية ولا يحرمك منا :)
قول آمين

تحياااتى

*
*

[ابو ضاري]

لاهنت على القصيده يالقائد الهمام

ابو عارف شف بنت الشايب يوم هي تحجز تراني غلته لقيته مخيمه بالسفانيه وذلت واللي جت

هنا تهنيك شف الذله وش تسوي ارق سنود يالقائد

ولائي لك الى التقاعد النهائي بالمضايف

[ابو عارف]

صح لسانك


هاللحين العلم وشو ؟؟

تبي تترك المضايفك ؟؟ ولا بتترك رحيمتك ؟ :)


كلهن لك .. وحده قبيلتك والآخرى موطنك


وأن خليتهن .. عند خشمك .. :)






خسرانتن مشاريعك من يوم فكرت تترك حديهن ..


مير صل وصم وتعوذ من ابو طرووق :) ولاعاد تعود مواضيع التغلي :) تري ماهي لكم ياهل رحيمه




بري حااالياااااا >> طحيااااتيا
---------------------------------------
والله العظيم إني تهولت من كلام هالبنت عدوة الشيبان هذه وتفشلت في نفس الوقت.

ياناس تسمعون قولها المضايف مضايفك ورحيمة موطنك ومن يتخلا هن مضايفه كمن تخلى عن حياته ومن تخلى عن موطنه كمن تخلى عن جلده والله إنها حيرتني ويمكن تفر رأسي.

وبعذين كشفت أسراري بدون خجل ولاوجل ولاخوف بقولها كفانا تغلي شيبان.

والله إن كل هالكلام مصيب ومصيبه خاصة والشايب قد إستلم سيل من الرسائل على الخاص كلها تطلب تراجعه عن قصيدة الواع.

يتسذب ماهو سيل بل تعذ على أصابع اليد الواحدة ولكنها مؤثرة جداً ومن أناس مؤثرين حقاً وهي القاصمة الأخرى.

وعلى ضوء هذا الشيء وعلى ضوء ردود إخواني وأخواتي الأعزاء والغالية على قلبي أوعدكم بأنني سوف أقوم بأدى صلاة الإستخارة عصر الجمعة بإن الباري عز وجل و إعلن موقفي النهائي إن شاء الله في أبيات شعرية في مضيف الفلة فترقبوها.

شكراً لك عجايب بنت الشايب على هالكلام الصائب.

تقبلي تحياتي وتقديري

[ابو عارف]

أفااااااااا يابوعارف

وش السالفة ؟؟

أشم رائحة مهي زينة !!


أبو عارف ..

قبلك بهيج حدّروه السناعيس ......... من عقدة اللي مايزحزح قناها


زعلت من كم سنة ، ورحت ودوّجت ، وانتسبت لأكثر من منتدى .. بس الحق يقال

مانستانس الا بهذا !! لو اختلفنا ،، ترانا مانستانس الا بوجودك ..!


وعلشان هالكصيدة .. أنا راح انضم لجيش عجايب ،،،



استخر يابو عارف - والا كلنا وراك !
---------------------------
والله إنك عزيز وغالي ياصلفيق وكلامك صحيح المضايف هي من أنظف المنتديات وأكثرها التزام بالقيم والشيم وأوفرها حظ من الناس الطيبين فهي مضايف شمر طيبها ورديها ومضيف الطيبين من القبائل الأخرى وإعتقد جازماً أن غياب أبو ناب لايؤثر عليها بقدر مايتأثر هو نفسه بعدم وجود البديل.

أشكر لك نصيحتك وتقبل تحياتي وتقديري

[ابو عارف]

*
*

صباحك ورد يا عمدة

وش هالقصايدات الرائعات على الصباح الندى
ما شاء الله عليك فينك من زمان والشعر
لكنها تركتلى غصة كيف ابلعها اجل


اقول عمووو عشانك عمووو بجد
خلك من الوداعيات وهالكلام اللى يوجع
من يوم دخلت المضايف عرفت ابو عارف
يعنى بيظل بها على طول ..طول ما فى مضايف
والعمدة ما يخلى عموديته ويرحل كذا
الكبير بيظل كبير عموو

ويلا اشحذ قريحتك وانظم لنا اهداء مفرح شوية
ولااقولك

خلك رومانسى واكتبلك خاطرة وهاتها الفيض وبعطيك الجايزة :)

اسعد الله صباحك وصباحك من يحبك وتحبه

الله يعطيك العافية ولا يحرمك منا :)
قول آمين

تحياااتى

*
*
-------------------
آمين يالوليتا
العقدة هي العمودية ماحبها لإنها مسؤلية وعمل وأنا تعبت من العمل وقربت من التقاعد لكن مايمنع أن نفكر فيماتقولين وبماقالوا فيما سيقولون على الذى اليوم وغدا الجمعة ونستخير والخيرة بمايختاره الله عز وجل وكلامكم على عيني ورأسي .

شكراً للتفاعل والكلام الطيب اللطيف الذي يذل على طيب معذن قائله.

تقبلي تحياتي وتقديري

[ابو عارف]

لاهنت على القصيده يالقائد الهمام

ابو عارف شف بنت الشايب يوم هي تحجز تراني غلته لقيته مخيمه بالسفانيه وذلت واللي جت

هنا تهنيك شف الذله وش تسوي ارق سنود يالقائد

ولائي لك الى التقاعد النهائي بالمضايف
------------------------------
أشكرك وبالخير دائماً أذكرك يالضاري أبو ضاري القائد البرمائي السابق لاهنت ، كما أشكر تضامنك وولاءك الدائم للقائد أبو ناب برك الله فيك.

الشايب يصفق للضاري على غولته لعجايب ويضحك حتى ظهر نابه.


تقبل تحياتي وتقديري

[السنعوووسيه]

صح لسااااااااااااااااااااانك

وبيض الله وجهك يابو عارف

اذا بتترك رحيمه كيفك اما المضايف لاماهو على كيفك

الف شكر لك




عاطر ودي

[شام]

حين تضيق بنا الأمكنة
يخطر لنا الرحيل
ومع هواجس الارتحال
في الفؤاد وجد وشوق مقيم
لست أتقن التعليق على قصائد الرحيل
اذ طالما ارقني السفر
وحكايات المطارات و الطرقات
و الطائرات و القطارات
و لأن في نفسي بعضاً مما نفسك
سأترك لأبجدية تحكي ذاتها
أيها المعنون بالرحيل
في رحاب الأمكنة
قد تنسى الزمان و المكان
ولكن الآمكنة لن تنسى

/
ابو عارف
تقديري لك ... ولقاف يهطل من رأس قلمك

[ابو عارف]

صح لسااااااااااااااااااااانك

وبيض الله وجهك يابو عارف

اذا بتترك رحيمه كيفك اما المضايف لاماهو على كيفك

الف شكر لك




عاطر ودي
------------------------------
أشكرك يالسنعوسية وصحت أبدانك وبيض الله وجهك

تمونين على العمده

تقبلي تحياتي وتقديري

[ابو عارف]

حين تضيق بنا الأمكنة
يخطر لنا الرحيل
ومع هواجس الارتحال
في الفؤاد وجد وشوق مقيم
لست أتقن التعليق على قصائد الرحيل
اذ طالما ارقني السفر
وحكايات المطارات و الطرقات
و الطائرات و القطارات
و لأن في نفسي بعضاً مما نفسك
سأترك لأبجدية تحكي ذاتها
أيها المعنون بالرحيل
في رحاب الأمكنة
قد تنسى الزمان و المكان
ولكن الآمكنة لن تنسى

/
ابو عارف
تقديري لك ... ولقاف يهطل من رأس قلمك

----------------------------
شام تتكلم شعراً ونثراً إستشف من خلاله تحذيراً وتخويغاً من عواقب الرحيل
وفي رسالة خاصة منها على الخاص طلبت مني كلمة شرف بأن لا أترك المضايف ولساع والشايب لم يرد عليها ولم يلزم نفسه بشيء إلا إنه يفكر جلياً وبعمق في كل حرف خطته أقلام العزيزين على قلبه ويذكر الجميع بأن الرحيل قادم لإبن آدم طال الزمن أم قصر.

الف شكر شام على الرسالة الرقيقة والمؤثرة لثنيي عن الرحيل وشكراً على هذه الأسطر المعبره بارك الله فيك.

تقبلي تحياتي وتقديري

[ابو عارف]

إلى جميع الإخوة والأخوات الكرام

السلام عليكم ورحمة الله وبركاته

الليلة معزوم خارج التغطية وسأكتفي بهذا القدر من الردود حول هذا الموضوع بارك الله فيكم جمياً وفي مداخلاتكم النبيلة والجميلة .

من أراد أن يعرف الموقف النهائي من بهذا الشأن يرجع إلى ردي على عجايب بنت الشايب .

أشكركم جميعاً وإلى اللقاء.

موعدنا الساعة العشرة من مساء غدا الجمعة في مضيف الفلة إن شاء الله.


وتقبلوا جميعاً فائق التحية والتقدير.

[شرهه]

لا هنننننننننننننننننننت يا قائدنا




مع التحيه

[ابو عارف]

لا هنننننننننننننننننننت يا قائدنا




مع التحيه
----------------------
ولاتهونين ياشرهه
أبشرك هونت عن الإستقالة وتبت عن ذلع الشيبان


شكراً لك وتقبلي فائق إحترامي