المساعد الشخصي الرقمي

مشاهدة النسخة كاملة : عــزاهـ ياوقــتــ (ن) ..!!!!!


لطيفه الشمري
27-05-2009, 02:08
بسم الله الرحمن الرحيم

السلام عليكم ورحمة الله وبركاته









قابلت بيض اوراقي بحزن وسكات = ودموع حزنن بين الاهداب طاحت
تخالطن جروح دمي بدمعات =دمعات عينن من عنا الشوق ناحت
بغيت اهدي ثورة القهر مرات = وعجزت اهدي ثورة جروح ساحت
من ستة اعوامن والاحزان مرسات = مرساة لايامن تعرت وباحت
من ستة اعوامن ابقصد ولا جات = حتى حروفي لاتطرتك صاحت
عجزت انا يابوي لا ارثيك بابيات = وحروفي اللي لابغيت استراحت
ياللي خذا هالطيب منك علامات =عساك لجنان بالاطياب فاحت
لو المكان يحس للوقت ميلات =ضلعان حايل والمشاكيل ناحت
ترثيك فيني عبرة الياس باهات = وذكراك في بالي للاوجاع زاحت
ماني على خبرك صغيره ببّكلات = كبرت وهمومي بالاوجان لاحت
عقبك طفا وقت الصفا والمسرات =وعقبك جروح الوقت فيني استباحت
يابوي وقت اليوم يحتاج فزعات =فزعات قهر وذل وسنين شاحت
والمجلس بلياك مافيه مشهات =حتيش لو بدلالها الصفر فاحت
عزاه ياوقتن به تذل هامات = عزاه ياوقتن مراجله راحت







:



/



:



/



الشمــــــــريه
مقبل الضوي
27-05-2009, 03:51
لو المكان يحـس للوقـت ميـلات

ضلعان حايـل والمشاكيـل ناحـت



8

8



والله هنا وقفت كثير







...








والمجلس بليـاك مافيـه مشهـات

حتيش لو بدلالها الصفـر فاحـت





الله يرحمه ويتغمد روحه بالجنه ان شاء الله







نص والله اذهلن بصراحه












عزاه ياوقتـن بـه تـذل هامـات

عـزاه ياوقتـن مراجلـه راحـت









اختي الشمريه





صح لسانك يالقرمه





والله يرحم والدك





صح لسانك







لتس مودتي
عبدالمجيد الشمري
27-05-2009, 04:39
عجزت انا يابوي لا ارثيك بابيـات

وحروفي اللي لابغيـت استراحـت

ياللي خذا هالطيب منـك علامـات

عساك لجنـان بالاطيـاب فاحـت




قصيده مكانها في السمــاء ..


صح لسااااااانك يالشمريه روعه بمعنى
الكلمه .. قصيده بشعور صادق ورائع ,,


اعلم اني ظلمت الابيات الاخرى باقتباس
بيتين فقط !!



انتظررررك بشغف يا مبدعه ,,



تقبلي مروري المتواضع
عبدالمجيد
قمر اللــيل
27-05-2009, 15:09
الله يرحمه ويجعله قبره روضه من رياض الجنه

واللي خلف ممات ياغاليه

صح لسانك ملاييين يالقرما


ابدعت بالقصيده وكل بيت يقول الزود عندي لاهنت



تقبلي مروري المتواضع لهذه الابيات الأكثر شموخاً
الـصقر
27-05-2009, 21:08
رحم الله والدك .. وأسكنه فسيح جناته





كنت على قناعة بأن الحزن هو نبع الشعر




وهنا أحد الأدله




رحم الله نبعك أختي الشمريه
عبدالله الجعيثن
27-05-2009, 21:43
الشمريه



صح لسانك



جزله ومعبره جدا



الله يرحم والدك
سيف الدولة
28-05-2009, 12:20
ألشمريه


صح لسااانك وطاااب هتااانك وعلاااا شااانك


ابياات رائعة وقافيتها اروع وروي مسلكها وعر وانت أحدتيه
هايس الشمري
28-05-2009, 14:20
الشمريه


رحم الله والدك..!





صح لسااانك بلا عدد..!




أخوووك
نورة الشريف
28-05-2009, 19:13
الشمرية


والمجلس بليـاك مافيـه مشهـات

حتيش لو بدلالها الصفـر فاحـت



مميزة دائما
منبع الطيب
28-05-2009, 20:03
صح السانك ورحم الله و الدي ووالدك واموات المسلمين اجمعين مشاركه جيده يعطيك العافيه تقبلي تحياتي اخوك منبع الطيب
لطيفه الشمري
29-05-2009, 05:41
بسم الله الرحمن الرحيم


الشاعر ,, مقبل الضوي

مرورك بس شرف

فما بالك بالاطراء

شاكره لك طال عمرك

والله يرحم موتى المسلمين اجمعين يارب

دمت بود
لطيفه الشمري
29-05-2009, 05:43
بسم الله الرحمن الرحيم


القدير ,, عبدالمجيد الشمري


استاذي الفاضل ’’


تقف كلمات الشكر عاجزه امامك


صح بدنك وكلك ورحم الله موتانا ومواتكم والمسلمين

ماقصرت طال عمرك


والله لايهينك


دمت بود ,,,,
نافع بن طواله
29-05-2009, 06:03
نص جدا مؤثر

يجعل القارئ يعيشه

ليحس بحجم المفقود


الشمريه

رحم الله فقيدكم واسكنه فسيح جناته


صح لسانك وشعورك


اسال الله ان يلهمك السلوان
بنت الجبل آخت القصيد
29-05-2009, 06:33
من ستة اعوامن والاحزان مرسات
000000مرسـاة لايامـن تعـرت وباحـت
من ستة اعوامن ابقصد ولا جـات
00000حتى حروفـي لاتطرتـك صاحـت
عجزت انا يابوي لا ارثيك بابيـات
00000وحروفي اللي لابغيـت استراحـت



آنشهد

صح لسانك بلا عدد
ورحم الله والدك ووالدي وجميع اموات المسلمين
.
.

لاهنتِ
نايف حزوم
29-05-2009, 14:50
صح الله لسانك
ابيات معاناه
وما لومك لان الوالد مايمكن تسد فرجته
وعسى يرحمه واموات المسلمين