المساعد الشخصي الرقمي

مشاهدة النسخة كاملة : اللي بالدامه جلوسي


الحيمري
23-05-2009, 11:23
سؤال للجميع


القصيده 1


وجهك على مكرمين الضيف * شمر لياقله الحيله
عند الغفيلي يطيب الكيف * ونتي ترحين ياشعيله


ومنهو الغفيلي


ابي القصيده كامله اللي يعرفها ومن الشاعر وشو السبب



قصيد 2


يالربع ياللي بالعدامه جلوسي * ياللي على غبن الليالي مقيمين


كذلك الشاعر والسبب


وكون شاكر لمن اجاب
عبدالله الجعيثن
23-05-2009, 21:32
يابكرتي وان جفاك منيف=تردين عذفا على ليله
وجهك على مكرمين الضيف=شمر ليا قلة الحيله
عند الجبيلي يطيب الكيف=وانتي تريحين ياشعيله
عدك على طملة بالصيف=من مزنة زايد سيله



الشاعر حماد بن عتيق

__________



ياعيال ياللي بالحماده جلوسي=ياللي على غبن الليالي مقيمين
ربعن لنا من يوم خبث النفوسي=ربعن لاهلنا من قديمن وغالين



هذي لبنت......ولا يحضرني اسمه


لكن بسبب هالابيات صارت المقوله......العيال بالاحيمر


والسبب انه سارحه بغنم اهله ويوم جت قبورهم ذبحت على كل قبر ذبيحه...وقالت هذا عشاكم وقصدت هالبيتين




ويجونك العيال.........ويعلمونك يالسالفتين


اما انا هذا اللي اعرفه......واسمحلي يالذيب
زاهي
23-05-2009, 23:51
ابو جعيثن



يعطيك الف عافية



انا كنت اسمع



عند الجبيلي يطيب الكيف



لين اسعفتنا بالباقي



عافاك الله



الحيمري



يعطيك العافية
باجي
24-05-2009, 07:40
السلام عليكم ورحمة الله وبركاته يالحيمري0000000000السالفه حدثت ايام حكم الملك عبد العزيز وكانت بداية حكم الملك غير مالوفه لاهل الباديه

لانوه منع المغازي وطبق الشرع على القاتل والغازي يعتبر سارق..

يعني اللاش غدى شيخ ماتقدر تقولوه شي ان لمستوه طبق عليك الشرع سواء حد قتل او سرقه ؟

وكان فيه واحد عتيبي جاي من نجد لديار الشمال لحاله على ذلوله المهم وهو يطب على "الدويد"

وهذي هجره بالشمال عند رفحاء وكانوا نازلين عليه الصلبه ولهم شيخ يقال له "منيف"؟

ومنيف هذا من رجال الشنيفي ، أمير لينه من هالزمان..

المهم ان عتيبي تعبان من الطريق وبكرته له مده ماشربت يوم اقبل على منيف وهو يطرده ؟

لاهو اللي اكرمه ولاهو اللي خلى بكرته ترد مع النياق!

زعل العتيبي ومشى وهو يطب على "عذفا" وهذي ديرة عند سكاكا واهله هم الشمروخ

يامار هذا نزل الشمروخ من الزميل من سنجاره من شمر وشيخهم "الجبيلي"

يقولون يوم وصلت الذلول على بيت الجبيلي وهي تدخل عليهم بالرفة من شدة العطش والتعب

وراعيه عليه، حاول راعيه يطلعه ، ويحلف عليه الجبيلي ان يتركه كما هي .

وقم يالجبيلي ويجر الراويه عنده بالرفة ، ويشق جنب الراويه علشان تشرب وهي باركة بالرفة.

وهم يكرمونه ويقدرونه..

المهم ان العتيبي يوم مشى قال هالهجينيه وهي من الهجينيات المشهورات بالشمال وعند شمر خاصه..

يقول :-









يابكرتي وان جفاك "منيـف"



ترديـن عذفـا علـى ليـلـه



وجهك علـى مكرميـن الضيـف



شمـر اليـا قلّـت الحيـلـه



عند "الجبيلي" يطيب الكيف



وانتـي تريحيـن ياشعيـلـه



عدك على بركـة(ن) بالصيـف



من مزنة(ن) زايد(ن) سيلـه



لو ندي شيخ الصلب مايخيـف



وراه ســطــه وتـرزيـلــه



مار البلا اللي حكم بالسيف



عقبـان نجـد تـراعـي لــه0000000 منقووووووله
الحيمري
24-05-2009, 09:35
اشكر جميع الاخوان اللي نورونا بمرورهم كلا من

1-عبدالله جعيثن
2-زاهي
3-باجي

انا شاكر لكم
السنعوووسيه
25-05-2009, 12:24
:)


قصص وقصايد ممتازه


الف شكر لك يالحيمري

والف شكر للاخوان

عاطر ودي
ستاار
30-05-2009, 00:41
العمود والدغيرات ديارهم قريبه من بعض

في ضواحي سقف في محافظة الغزاله منطقة حائل

ودارات معارك في نفس المنطقه بينهم وبين القبائل الغازيه

وقتل في تلك الحرب 25 فرسان من العمود وقد دفنوا في ارض قريبة من موطن الشاعره وحيشه المشلحيه

وذات يوم مرت على القبور وهي ترعى غنمها وتذكّرت شجاعة ونخوة هؤلاء الرجال

وقامت بذبح شاة عند كل قبر من غنمها وفاء وعرفاناً لهم وعندما رجعت لأبوها سألها عن نقص غنمها عسا ماكلها الذئب قالت بل عشيتا فرسان العمود يأبي فسرّه ذلك الفعل وايدها عليه

وقال ياوحيشه وش قلتي ,قالت



ياعيال ياللي بالحماده جلوسـي
ياللي على غبن الليالي مقيمين
ربعن لنا من يوم خبث النفوسي
ربعن لاهلنا من قديمن وغالين
ويضاء قصيدتها المشهور
تنخاء الفارس/ فائز بن هذيل امير العمود
ياغيبة ابن هذيل ياغيبة الذيب=شفنا النكاير والنكد عقب ماراح
رحم الله الشاعره
وحيشه المشلحيه من الدغيرات
ابو احمد الدغير
30-05-2009, 22:18
الاخ العزيز بيض اللة وجهك القصيدة للمشلحية الدغيرية واقبل تحياني
عبدالله الجعيثن
30-05-2009, 23:29
السلام عليكم ورحمة الله وبركاته يالحيمري0000000000السالفه حدثت ايام حكم الملك عبد العزيز وكانت بداية حكم الملك غير مالوفه لاهل الباديه



المهم ان العتيبي يوم مشى قال هالهجينيه وهي من الهجينيات المشهورات بالشمال وعند شمر خاصه..

يقول :-









يابكرتي وان جفاك "منيـف"



ترديـن عذفـا علـى ليـلـه



وجهك علـى مكرميـن الضيـف



شمـر اليـا قلّـت الحيـلـه



عند "الجبيلي" يطيب الكيف



وانتـي تريحيـن ياشعيـلـه



عدك على بركـة(ن) بالصيـف



من مزنة(ن) زايد(ن) سيلـه



لو ندي شيخ الصلب مايخيـف



وراه ســطــه وتـرزيـلــه



مار البلا اللي حكم بالسيف




عقبـان نجـد تـراعـي لــه0000000 منقووووووله




اخوي باجي



ونعم بعتيبه



بس الاكيد انه لحماد بن عتيق من الرخيص من شمر
ستاار
03-06-2009, 15:02
اسمع ان القصه والقصيده

ال عتيبي ولكن ماعندي خبر مستقل,

سوا ان طيب الشمري في ابن عمه الشمري

ليس طيب هذا واجب قصبآ عليه

الشمري يفعل الطيب في ابن عمه تمليه عليه القربه والدم

ولايتحرا الثنى ونعم,

يقولون الرجال هذا بن عم ماهي كثيره عليه

وسلامتك
سيف الدولة
03-06-2009, 15:32
أشكر الجمبع أستفدنا منهم معرفة ألأبياات والقائل
المحـترم
24-06-2009, 07:51
مشكووور على القصائد والقصص