** سلة بوحي ** عبدالله الجعيثن

[عبدالله الجعيثن]

ياصاحبي مل الورق من قصيدي && اتعبت شعري فيك واتعبت الاقلام

ياما مليت من النوادر بريدي && ياما عسفت القاف من قبل لانام

ياما سهرت الليل لاجلك وحيدي && اخاف حسّادي تفتش بالاحلام

[عبدالله الجعيثن]

مال السهر بعيون الاحباب قيمه==الوقت يمضي والسوالف تجي همس

احلامهم فوق المجرات نيمه==وعيونهم تطفي على طلعة الشمس

[عبدالله الجعيثن]

مع السلامه كان طاري لك تروح && الله يسعد خاطرك وين مارحت

[عبدالله الجعيثن]

عاد الامل والقلب يلعب به الشوق && شهرين ناسيني وانا مانسيته

حبن حفر درب المدامع من الموق && ياما كتبت البيت فيه وبنيته

[عبدالله الجعيثن]

بيني وبين الخل صحبه وتدليل && اثنيننا والبوح همس الشفايف

اشعل بروس اصباع كفي قناديل && واسوق شعري فوق بيض الصحايف

ليا ابتسم ساقت يميني فناجيل && تشرق مابين الجمر ذيك الرهايف

[عبدالله الجعيثن]

انا رفيقك كان ضاق الفضا فيك && ادمح خطا غالين واسوق الاعذار


يكفيني اني كل ماحل طاريك && قلت ونعم انتم هل الطيب والكار


امدح جنابك واغضي الطرف عن ذيك && سترن لوجهي يوم نعرض على النار

[عبدالله الجعيثن]

مع السلامه روح يامتعب الروح && وانا لي الله وانت تابع مسيرك

[عبدالله الجعيثن]

ياملهمت شعري على احساس فكري && لاترحلين وجمر الاشواق صاحي

هاجوس فكري بين مد(ن) وجزري && اسأل خفوقي ليه يرحل صباحي

[عبدالله الجعيثن]

جتني تسوق خطاه وتسابق الريح && من قبل لا تاصل عبيره وصلني

استقبلتها عين من وده يصيح && صيحة فرح والشوق بعده قتلني

[عبدالله الجعيثن]

للعز بيت .. وللمراجل متاجر && وللشرذمه ياشرذمه سيف وجراب

وللطيب ساس .. وللخيانه خناجر && واللي تنكر للوطن ياكل تراب

واللي يطبل للخيانات فاجر && والا الغراب ليا نعق جاوب غراب

[عبدالله الجعيثن]

والله احبك...وانقل الود وأخفيه ** واقول بكرا بنت الاجواد تآتي

مابين عيني والمحاني مشاريه ** تسرقني الافكار يمّك وآحاتي

هاجوس فكري كل ليله أعنيّه **يسهر معك ويعود وقت المباتي

[عبدالله الجعيثن]

اذا فرحتي فرح قلبي على شانك && واذا زعلتي يضيق الكون بعيوني

[عبدالله الجعيثن]

انتي بوسط الخفوق وغيرك يحاول && مفتاح قلبي بيدك ياغلا قلبي

[عبدالله الجعيثن]

وسع صدر جو القصايد على الكون && وافتحلها يم المشاريف طاقات

خل القوافي ترتفع عن غثى الدون && واسبح مع الهاجوس واقطع علاقات

الملهمه تاتي مع الصمت بالهون && تنسج من الابداع للروعه ابيات

[عبدالله الجعيثن]

تعال شفني من عنا الوقت ملتاع && مجروح من هم الزمان وصدودك
قد كنت مع شمسك كما الورد تباع && واليوم ذبلت وسط قلبي ورودك

[عبدالله الجعيثن]

الله معك دامك مع الغير مرتاح && لنا الله وانت تصبح على خير

[عبدالله الجعيثن]

البارح




البارحه






ولا بلاااااااش....لان البارحه لاتوصف !!!!



يسعد مسا صوتك على قلب غاليك && اقسم برب البيت سوّا سوايا

ايوالله اني حيل واكثر وشاريك && قولي " وانا اكثر " بس صيري معايا

يفز قلب الجمهري منك ويجيك && يثمر قصيد.. وينتــثر لك شغايا

[عبدالله الجعيثن]

وش لك بقلبن كله هموم وجراح && دايم وهو فاتح مع الضيقه حساب

[عبدالله الجعيثن]

اكبر خطا لاطاح قدامك انسان && كان بمثابة شيخ مثل العريفي

[عبدالله الجعيثن]

المملكه عكس الدول بالقوانين && للاجنبي .. وابن البلد غير مرغوب

يضحك غني ويموت منّا مساكين && البشت عايش فوق من يلبس الثوب

مابه وضايف والبطاله ملايين && والواسطه شيكن مجيّر ومحسوب

[عبدالله الجعيثن]

ان كان ماتشفع خطاي القوافي && برحل وانكس للوفا روس الاعلام

كانت عوافي .. وانتهت لك عوافي && والله ما ترجع خطوتي دوم قدام

كنت احسبك بشتن على المتن ضافي && القاك لا صكت علي سود الايام

[عبدالله الجعيثن]

الذين يشاهدون الموضوع الآن: 2 (2 من الأعضاء و 0 زائر)

عبدالله الجعيثن عبدالله المهيني




لي الشرف يابو خالد

[عبدالله الجعيثن]

الأعضاء الذين يشاهدون هذا الموضوع
الذين يشاهدون الموضوع الآن: 2 (2 من الأعضاء و 0 زائر)


عبدالله الجعيثن منصور الغايب



هلا بالغايب...شرفتني

[عبدالله الجعيثن]

وين انت ياللي تداوي خافي جروحي && ماعاد شفتك تمّر وتمسح احزاني

ان كان قرر خفوقك يبعد شبوحي && باخلي مواقع واعيش العمر وحداني

[عبدالله الجعيثن]

الذين يشاهدون الموضوع الآن: 2 (1 من الأعضاء و 1 زائر)

عبدالله




هلا هلا يازاير الركن واهلين && لي الشرف بمتابعتك لجديدي

[عبدالله الجعيثن]

يضيع كل الكلام ويبتدي صمتي && لاشفت عينك تناظر يالغلا يمي

[عبدالله الجعيثن]

ياصاحبي ليل المحبين سهران && عيا يغادر وانت ماجيت يمي

مافيه غيرك بالمخاليق خلان && اسمك ترعرع داخل عروق دمي

صاحبك من فقدك غدا شبه خسران && زايد على هم المخاليق همي

ان جيتني ترحل من اللهفه احزان &&من شوفتك قلبي عليكم يسمي

[عبدالله الجعيثن]

يامجلس العشرين جتكم ملايين && صندوق فقر الشعب جاكم هديه

في كل دوله ينقص الفقر رقمين && وحنا يزيد الفقر صبح وعشيه

لبنان جاها شيك والمغرب اثنين && مداتنا للغير ماهي شويه

[عبدالله الجعيثن]

وش حيلة اللي ماحصل له يصيّف && متعذبن مابين شدقم على بقيق

[عبدالله الجعيثن]

خل العتب ماعاد فيها معاذير && يكفيني انك رحت ماقلت لي ليه

مليت لك كفين خلك نواوير && وشرعّت لك قلبن من الحب ماليه

الغصن لو يشكي فراق العصافير && ماهاجر العصفور واخلا مرابيه

اهل الجبيل تحب سيف الفناتير && وانا اروح لباب بيتك واحييه

[عبدالله الجعيثن]

مبروك ياناجح عسى الله يهنيك = يعني صبرت ونلت اغلى شهاده
من والدينك نلت احلا التباريك = تبقى على صدرك وسام وقلاده

[عبدالله الجعيثن]

يابو هيا والصمت بعيونها غير && ودي تقول ولا تسلهم بالاهداب

[عبدالله الجعيثن]

القلب ماهو على كيفك ولا كيفي && كتلة مشاعر ودمه فورته شينه

تدري بأنك هلي وأغلى مواليفي && وتدري سكوتك يحرك بي شياطينه

والله طيفك يامحبوبي هو الضيفي && واذبح له اغلا بيوتي مع شرايينه

[عبدالله الجعيثن]

تكفي " وانا بعد " قلتها لي && يامالك احساس المشاعر والابيات

ايو الله انك بالغلا راس مالي && صوتك دفا لا يابعد كل الاصوات

[عبدالله الجعيثن]

ماغير صوتك ياهوى البال بالبال && وانت الذي لاضاق كوني نصيته

حبك على قلبن به الشوق سلال && سحرك نفذ ومقاومه ما قويته

تعال شفني من عنا الوقت مهتال && مافيه غيرك ياحياتي تنيته

ليتك بجنب البيت يالابس الشال && يطفي لهيب الشوق لو ماسقيته

[عبدالله الجعيثن]

علام جو المضايف اصبح مكهرب == كلن على صاحبه يستلّ سكينه

[عبدالله الجعيثن]

ياصاحبي ماني براعي دنافيس == والكلمه اللي قلتها لا تعوده

اضحك واجامل بالحكي والعن بليس == وازل عن درب الحقود وردوده

[عبدالله الجعيثن]

ياصاحبي قصتي تكفى تخليها && وش جابرك تنبش الماضي وتشقيني

اعوام مرّت وانا ساكت ومخفيها && مرارته ساريه داخل شراييني

ماودي الناس تدريبه وتحكيها && واللي عليها القضيه مادرت فيني

[عبدالله الجعيثن]

مو خطاي انّك تصدق ما حكوا && الخطأ انك تتبع هروج الحقود

[عبدالله الجعيثن]

انت الوحيد اللي له القلب يشتاق && وغيرك غيابه مع حضوره تشابه

فنجال حبي لك مع الليل ينساق && وابيات شعري دون وصلك رتابه

تعال غذ الشعر من عذب الارياق && تعال دام الليل باول شبابه

[عبدالله الجعيثن]

لا تبتدي مادام بالقصه احراج && خل السوالف تحتضر في مهدها

[عبدالله الجعيثن]

علمتها وشلون تعزف على الناي && وراحت تعلم في غيابي رفيقه

اربع سنين وبنت الاجواد وياي && عشرة شرف بين العشيق وعشيقه

نزعت روحي غصب من داخل احشاي && واهديتها حب الشعور ودقيقه

نزعت لقمة عيشتي من ثناياي && ومسحت عينن للمدامع رقيقه

واليوم عافت بنت الاجواد مرماي && والموت اصبح صاحبي هو صديقه

[عبدالله الجعيثن]

:d:roooose


مــ بــــــ ـــر و كـــــــ

............. و فــــ ــــــا لــــــــ ــــكــــــــ

....................... ا لــــــــ ـــــخـــــ ـــــــيـــــــررر


roooose:d:

[عبدالله الجعيثن]

لاتستثير القريحه يابعد راسي && ماني بناقص افارق من هوت روحي

تعبت ابخشش عقيدن دونها قاسي && حتى دخلت بجناحه وانتثر بوحي

[عبدالله الجعيثن]

مار البلا لاصرت عشّن بلا طير && حتى الفروخ اللي بك العام طارت

غصنك يبس والطير روّح مع الغير && يطلب ليان وقسوتك فيه بارت

[عبدالله الجعيثن]

لبا جبالك



لبا جوّك



لبا ناسك



حاااااااااااااااااايل

[عبدالله الجعيثن]

خلك على وضح النقا واترك الغير && لك درب واضح ماتحب الجحوره

والله كنك عش .. وانا لك الطير && اجيك لا ضاق الزمان ودهوره

مبطي بقلبي لك معزه وتقدير && محبتك بالقلب تبني قصوره

[عبدالله الجعيثن]

احساس شاعر يعرف شلون يلقاك && بس المصيبه كيف يقدر يعبّر

قلبه يبيك ولا قدر يوم ينساك && الي متى قلبه عليك متصبّر

[عبدالله الجعيثن]

لبيه ياللي خيالك مايفارقني && حتى المخده تقاسمته مع طيوفك

من رحت والله لهيب الشوق حارقني && ارجوك قللي متى ياخلي اشوفك

[عبدالله الجعيثن]

مابيك ترسل يالغلا يكفي جروح && ابي جمر كفيّك يحرق يديني

[عبدالله الجعيثن]

قل له تعد نجوم ليله يابو نوف && مادامها خانت عشيرن شراها

[عبدالله الجعيثن]

ياصاحبي كان ودك عني تقفي && الله يسعد صباحك واجمل ايامك

فرقاك صعبه ولاهي ودي وشفي && بس انت ودك تروح وتبني احلامك

[عبدالله الجعيثن]

ليه الزمن ياعزوتي يلبس قناع && وجهه على المسكين بس يتخلّلق

ميلاته اتوقّع على قلب ملتاع && وتزين بوجيه العفون الخملّلق

صارت حياته حيل مال امّها داع && شيخ الفقر في وسط بيته تعلّلق

غصبن عن وجيه الرجاجيل ينصاع && وعن ذيخ مال في عطاه يتملّلق

[عبدالله الجعيثن]

بشت السوالف طاح..وانتثرت علوم
..........شمس الحقيقه من كسوفه تجلّت

لا واخساره ليه..ترخص بي السوم
.........ولا طعونك من حناياي ملّت

كنت احسب انك بشت ويدينك هدوم
.........واثرك ثرا..مايوم نفسك تعلّت

[عبدالله الجعيثن]

من بعد طول غياب يدفعني الشوق && جيتك..وليت الرجل عنك قصرته

استاهل اللي قلت بس الحكي ذوق && ولو جات من غيرك حشى ماذكرته

لولا غلاك يخاشر الدم بعروق && ان كان دمي من عروقي نثرته

[عبدالله الجعيثن]

اخاف حرفي لا يقصر بالاوصاف && وانا ادري انك بالفخامه فخامه

اللي يشوفك مابعد شاف لو شاف && يعني دخلت القلب بأعلى علامه

[عبدالله الجعيثن]

ماني على خبرك .. تراني تعلمت ** واصبحت اعرف ان الحقيقه غرامك
نويت افج ضلوع صدري عن الصمت ** واصارحك واكون جل اهتمامك
يضيق كوني في غيابك ..واذا نمت ** القى عيوني في فراشي تنامك
رميت خلف الباب حزني وسلمت ** جيتك واقول اني انا مستهامك
هنيت قلبي فيك .. لو ماتكلمت ** شفت بعيونك ياحياتي غرامك

[عبدالله الجعيثن]

حسبي عليها يوم تكشخ بالاسواق && ماتدري ان عيون خلقه تشوفه

[عبدالله الجعيثن]

بلسم جروح الروح..ضحكات ومزوح && وقلبن غشاه الود.. تحييه روحك

[عبدالله الجعيثن]

زحمه/صخب/ازعاج ومناقر وحش && وابليس لاقي بالبشر عظم وعراش
ناسن على التلفاز ومتابع الدش && وافسد مايعرض للاسف طاش ماطاش

[عبدالله الجعيثن]

هذي هذيك ونفس هذي هاذاتي && وانا مع التيار ماشي واسلّك

ادري بأن الدق يكسر حصاتي && طبعي واعرفه ما أحب التملّك

من عادتي ماقد رفعت العباتي && طرد المقفي لالحقته يذلّك

[عبدالله الجعيثن]

يالله تعيد العيد يافارض العيد && عسى الفرح ينعاد ويعود عيده

في كل عام تزود نسبة مواليد && وترحل من الدنيا بشر من عبيده

عسى السلام يعم واسلامنا يزيد && ويعود عز الدين لامّه مجيده

شف فرحة الاعياد ماعادت تفيد && مادامنا للذل صرنا نزيده

[عبدالله الجعيثن]

قربك يسل الحال..ومفارقك عيد && واضحيت حاير بين بعدك وقربك

العيد دون معايدك ماهو سعيد && لاشك تاقف عزتي دون دربك

[عبدالله الجعيثن]

كبّ التمسكن ماتجرّعت يكفي && هي مرّتين ولا طرالي اعوده

هذا ملفّك وانت عطني ملفّي && وامسح مواثيق الغرام وعهوده

[عبدالله الجعيثن]

اسق الغصون اللي لها عام يبّاس && ياللي معاك الماي لاتقطع الهوز

[عبدالله الجعيثن]

مال المصايب ياسعد غير اهلها && وبعض البشر يترك هله ويتبلاّك

[عبدالله الجعيثن]

متى تحس بلوعة الحب قللي && ياصغير يامدلع يابو رمش فتان

ايوالله اني في غرامك مولي && اطرد سرابك وانتظر منك هتان

لوهو حصل لك يالغلا ماحصلي & ماكنت تتركني مع الليل سهران

[عبدالله الجعيثن]

اماننا من طيبة الشعب يافلان && ما أمنونا لابسين العطايف
وافراحنا ماهي اهازيج والوان && ارخوا على عيال الوطن بالوضايف

[عبدالله الجعيثن]

تدري وش اللي يمغث الكبد ويحوس المرير && انّي اجمّع كل حكيي..واذا شفتك اضيع

[عبدالله الجعيثن]

باقي على العشره من الطاش للطاش && حتى ولو طوّل غيابك رجيتك

مهما نويت انحاش وانحاش وانحاش && القى رجولي واقفه عند بيتك

[عبدالله الجعيثن]

ابشرك ماني على خبرك العام && خاطت فتوق الجرح ابرة حليمه

ذابت خيوط السالفه مثل الاحلام && صارت مع الايام دقه قديمه

[عبدالله الجعيثن]

ياحالمه وش لون فرقى المحبين
ّّّّّّّّّّّّّّّّّوانتي من عيون المحبين طحتي


رحتى وقلتي راجعه بعد يومين
ّّّّّّّّّّّّّّّّّياللاسف شهرين من يوم رحتى

ياحالمه ياشين طرد المقفين
ّّّّّّّّّّّّّّّّّمدري خسرتي فيه ولا ربحتي


بس الوكاد اني من هناك للحين
ّّّّّّّّّّّّّّّّّاحاول اخفي دمعي اللي فضحتي

[عبدالله الجعيثن]

تعال سولف عن ضروفك &&بفتح لك القلب واتسمّع

الليل ونجومه ضيوفك && حبر القلم لاجلك يقمّع

لاتحرم الشعر معروفك & شاعرك من فقدكم دمّع

ياملهم الشعرماعوفك && اسمك على قلبي مشمّع

لبا زخاريف نفنوفك &&الزين في جسمك مجمّعِ

[عبدالله الجعيثن]

بعض البنات يغيب عنها حياها && وبعض البنات من الحيا ماتكلّم

[عبدالله الجعيثن]

احساس شاعر ضيقته وسط الابيات
ّّّّّّّّّّّّّّّّّّّّّّّّلامن تهاوت غصب وسطه دفنها


لامن طواه الليل صاغ العبارات
ّّّّّّّّّّّّّّّّّّّّّّّّوالملهمه لاشاب قافه زبنها


يبعد عن هروج المخاليق بالذات
ّّّّّّّّّّّّّّّّّّّّّّّّيضبط بيوته مع مخارج لحنها





في طور الانشاء

[عبدالله الجعيثن]

عامين اسولف للوطا عن معاليك && وان هلّ وبلك للقريحه ادوّن


ابدا قصيدي فيك وافتح شبابيك && وارسمك لوحه في خيالي والوّن


افصل حروفك واكتب ابياتها فيك && واختار اول حرف وابدا اكوّن


لو غاب صوتك عن مناجاة مغليك && تحسبني اهوّن..حشا ما اهوّن

[عبدالله الجعيثن]

دافي حنانك يا اريش العين مفقود
ّّّّّّّّّّّّّّّّّّّّّقد له شهر مازار طيفك خيالي


مدري تعود او حالف انك فلا تعود
ّّّّّّّّّّّّّّّّّّّّّوتصير ماضي راح ضمن الليالي

[عبدالله الجعيثن]

اضحك على طرد المقفي وانا اتبعك && وش لي بحبك وانت عنّي مقفي

[عبدالله الجعيثن]

يكفيني اني من غيابك تعلمت && ان المقفي لا رحل لاترجّاااه

[عبدالله الجعيثن]

بيعلمك وقتك عن اسرار وعلوم && وتلقى السنافي في مكانه سنافي

[عبدالله الجعيثن]

ما يراقب الانسان حيّ مايغليه
ّّّّّّّّّّّّّّّّّالّا معلّق بس قولي يكابر

[عبدالله الجعيثن]

صحيح احبـــك..لكن الولف غلاب && منتي مثل من شاركتني حياتي

شعرة حشا قطعت غلا شمعة احباب && كنّه خلقها الرب تكميل ذاتي

[عبدالله الجعيثن]

اعتذار:)




منك السموحه والعذر ماعرفتك && غلطت صديق ويعتذر من صديقه

ياليتني من قبل نبدا كشفتك && ماكنت اطنّش "غيم" لوهي دقيقه

[عبدالله الجعيثن]

راع الجمريه
- هاااااه

ممكن سؤال
- تفضل


******************



سلطان . قرص الشمس..هو يظهر بليل؟

ّّّّّّّّّ ولا تقول لي كذاب..ماني بكذاب

[عبدالله الجعيثن]

الصمت ابلغ في حضور المشاريه && لا صرت انا مجروح قبله وقبله

شهرين اصارع مركب التيه واثنيه && طوق النجاه وباقيّ بس حبله

وش خانت ال عنتر اذا بار مغليه && والموووت طعنه من مشاريه عبله

[عبدالله الجعيثن]

ماهو غلط لا قلت تصبح على خير && بس الغلط لارحت ماقلتلي شي

[عبدالله الجعيثن]

قالوا رحل..قلت ان رحل ماني بخير && قالوا تصبّر.. قلت مامن جلاده

لو شفتوا اللي شفت سقتوا معاذير && نجمة حسن مازيّنتها القلاده

[عبدالله الجعيثن]

تعال جو الهوى رايق && والليل صمته يغنيبك


كان انت بالحيل متضايق && اسرج لك الشعر واسريبك

[عبدالله الجعيثن]

لبيه ياللي خياله دايم ببالي && دايم عيوني على لاماه شفقانه

اجر له من جزيل الشعر موالي && وافز له فزة المشتاق لاخوانه

ان غاب صوته عليه اخانق ضلالي && نفسيتي من غيابه حيل تعبانه

[عبدالله الجعيثن]

اسبوع اسولف للورق عن غيابك
ّّّّّّّّّّ بكيّت عين الليل من حر مابي

[عبدالله الجعيثن]

ابيات كتبتها على لسان " فهد القحطاني "


اخو .. دنيا!!!!





لا واعذاب اللي عشق بنت الاجناب && اللي نسبهم يختلف عن نسبها

سبعة سنين ودامي الجرح ماطاب && ودموع عينه بالمحاجر قضبها

من بينهم حب ومراسيل واعجاب && وابيات شعرن بالحبيبه كتبها

اليوم حالت دونها عكف الاشناب && ليلة زفافه عقب شهرين بابها

جتني رساله " يافهد انس الاحباب" && محبوبتك حكم الجماعه غلبها

[عبدالله الجعيثن]

دام السفر يامسافره حيل قرّب && خبي حقايب رحلتك عن عيوني

ماحب اشوفك راحله..وآتهرّب && يضيق كوني وانتي اركان كوني

الدمع من محجر عيوني تسرّب && حتى عيون الناس بك لاحظوني

[عبدالله الجعيثن]

انا هنا..وش لك بغيري وانا حي
@@@@@@ لاضاق كونك افتحيلي فضاءك

[عبدالله الجعيثن]

مايبكي الغصن لو طارت عصافيره

ّّّّّ عنده يقين انه تعّود يوم وتضمّه

[عبدالله الجعيثن]

اتصدق؟؟ ليلة البارح..عرفت اني بلا لقياك

............... جسد محروم من قلبه وعقلن فاقدن لبّه

[عبدالله الجعيثن]

ابوضاري,ابوماجد,ريال,السويري,بشير,


منّي انا وابوجمري ولبورافع وعجاج ... لكم




تاجن على راس المراجل واهل طيب
ّّّّّّّّّّّّّ اخوان دنيا . راس مال . ومعرفه

[عبدالله الجعيثن]

للصمت وقت وللهواجيس ربّــــان
~~~~~~~~ خد الورق اصبح للاشواق مينا

لاتحسب انه ثقل في صمتي احيان
~~~~~~~~ شيخ المدد احيان يبطي علينا

[عبدالله الجعيثن]

دانة وطا..ماهيب دانة محيطات / تفتن قلوب اللي بالاسواق يمشون

[عبدالله الجعيثن]

ان جات من غالي..تركته والسبب غالي / ادمح خطا صاحبي واسمح له الزله

[عبدالله الجعيثن]

مشتاق اسولف للهوى عن طواريك
ّّّّّّّّّّّّّّّّّّّعل الاثير يوصل البوح يمك

شاريك من بد المخاليق شاريك
ّّّّّّّّّّّّّّّّّّتعال وانثر بالحشا كل همك

[عبدالله الجعيثن]

عذرا .. فأن القلب ماهو على الكيف // مملوك .. والمملوك ماهو بكيفه!!!

[عبدالله الجعيثن]

عطني همومك واترك البوح لانفاس
ّّّّّّّّّّّّّّّّخل الجروح اللي بك سنين تبرا


ان كان صدرك صار اضيق من الكاس
ّّّّّّّّّّّّّّّّّصدري محيط وتدخله بنت عذرا


يصبها خشم القلم فوق قرطاس
ّّّّّّّّّّّّّّّّّّّوالملهمه ترسل وانا بس اقراِ

[عبدالله الجعيثن]

اما تجي .. وتداوي الجرح بيدك // ولا بلاش تعود .. وتصحّي جروح

انت الوحيد اللي اموت بجديدك // ان جيتلي مسموح وان رحت مسموح

[عبدالله الجعيثن]

الله معك ياللي نويتي تروحين // مع السلامه عل دربك سلامه

طريا السفر شينه وانا خاطري شين // ليلي شقا وافراح عمري ندامه

ودي انام وافتح العين بعدين // واسمع بأنك راجعه لل....

[عبدالله الجعيثن]

ياخادم البيتين ماجور..ماجور // ايماننا يم الولي تطلب شفاك

[عبدالله الجعيثن]

http://www.m5zn.com/uploads/2010/11/22/photo/gif/112210141147n12lhwn0.gif (http://games.m5zn.com/cooking_games.html)










http://www8.0zz0.com/2010/11/22/06/158835109.jpg (http://www.0zz0.com)







حكّــام عز..وناسب العز.. حكـّـام
___ حتى الملك..حنا لنا فيه خوله

في كل دوله نلبس التاج ووسام
___ تشري رضانا يالخوي كل دوله

[عبدالله الجعيثن]

تكّه ولا تبيّن..واذا ضقت فكّه // ترا البكا في بعض الاحيان راحه

ناج الاله وباب الابشار صكّه // بعض البشر يزيد نوحك مناحه

[عبدالله الجعيثن]

يا هوووه صمتك ماهو طيّب // بعيونك الهم والضيقه

قل لي .. وش العلم لاتغيّب // والسر نحفظ مواثيقه

[عبدالله الجعيثن]

راحت..واظن غيابها ماهو شوي // خلّت عيوني تتبعه يوم راحت

[عبدالله الجعيثن]

يهزني شوقي لها والعن بليس // واقول يمكن شك والشك زااايل

واقعد اقيس وآدله شوي وآقيس // ماني بقايل..وش به الحظ مايل

[عبدالله الجعيثن]

داري وربي ياهوى البال داري // ان الحيا يمنع جنابك عن البوح

تاتي وتسأل هل معاكم مشاري؟ // وادري مشاري مالكم فيه مصلوح

[عبدالله الجعيثن]

مر الحقيقه بعض الاحيان مطلوب //من غمض عيونه دهر ماتعلّم

[عبدالله الجعيثن]

فنجالنا دايم على الارض مسكوب // واسلامنا جرحه سنين يتألم

[عبدالله الجعيثن]

حكّامنا شيبوب..لو مات شيبوب // واعلامنا مأجور ولا مبلّم

[عبدالله الجعيثن]

والشعب ماله حق ومرقّع جيوب // يروح غلطه من شكا او تظلّم

[عبدالله الجعيثن]

والله لا طالب ولاني بمطلوب // لاشك هم الشعب فيني تكلّم

[عبدالله الجعيثن]

اقفت وانا قفيّت والصمت خيّم // وادري بأنه ماتبي غير مملوح

قولوا لها ياناس اني متيّم // حبه مع الانفاس ويزاحم الروح

[عبدالله الجعيثن]

حسره على التعليم ياجيل هاليوم // دام المخدّر بالمدارس يوزّع

[عبدالله الجعيثن]

rooose2





اعطيتها ورده..على بالي كيوت // واهدت رفيقه وردتي وجحدتني
:za3lan:

[عبدالله الجعيثن]

غيبة رقيب الذات اكبر مصيبه // لانامت عيون الاهل والرقابه

[عبدالله الجعيثن]

يالبرد جيتك مايهمن صقيعك // دام الشمال اسمه يدفي ضلوعي

ياعاذلي عن سفرتي ما آطيعك // يكفيني اني في مجالس ربوعي

[عبدالله الجعيثن]

يسعد مسا جو المشاعر ياحايل // انا اشهد انك غير واحلا من الغير

[عبدالله الجعيثن]

اروى عطش قلبن له شهور يتناه // ضامي لقى له من عنا الشوق ضامي

كن الشهد مزروع داخل شفاياه // جيته حرامي..طحت باكبر حرامي

[عبدالله الجعيثن]

محدن كسرني ايه محدن كسرني // الا رحيلك دون مدري على وين

[عبدالله الجعيثن]

كسرت روتين الحياه الممله // غيرت جو وجيت يدفعني الشوق

رميت بالرحله ثمانين عله // رحلة نقا ماهي لعاشق ومعشوق

[عبدالله الجعيثن]

بااااااك يالروتين




والدوام السبت





:za3lan:

[عبدالله الجعيثن]

انسى خطاها يافهد من غلاها // حتى وصل سيل المشاريه حده

ودي اقضي كل وقتي معاها // بس تحفر بالهرج ولاّ تهده

[عبدالله الجعيثن]

الصمت عن بعض السوالف بلاغه

[عبدالله الجعيثن]

ليتك قبل لا تقفل الباب وتروح // على الاقل تقول مع السلامه

[عبدالله الجعيثن]

على الطاري


على الطاري




تراني ساكت وداري





اناظر بس بالصوره ... واجيك من الوله جاري



سوالف ماليه فمّي..تزاحم نبضي ودمّي



واذا منك قربت اكثر ... ابي انطق..وأتذكّر




وأتذكّر!!!




الاقي فمي مسكّر....ياملح القلب والسكّر




يزور الصمت مشواري ... اذا قلتي على الطاري

[عبدالله الجعيثن]

بابن يجيك الضيق من فتحته دوم // صكه وخله طول الايام مقفول

[عبدالله الجعيثن]

حرمه ولكن بالغنج قلب طفله // لو حاربتني ساعتين اتأسف

[عبدالله الجعيثن]

شح المطر وابليس حقق مراده // كثر الحسد والناس تاكل بعضها

[عبدالله الجعيثن]

ملح الحياة وسكره انت بالذات // شوفة عيونك حلم صعب يتحقق

[عبدالله الجعيثن]

صوت المطر هز المشاعر والابيات // الجو رايق والمعاني غزيره

[عبدالله الجعيثن]

دامه سوالف لا تدقق ..سواليف // احاول اكسر صمت ياعاشق الصمت

احلام عشها .. يا أعز المواليف // شفني الي من شفت عينك تعلثمت

[عبدالله الجعيثن]

خذني معك لاجيت ترحل على خير // دامي معك ماهمني وين رايح

[عبدالله الجعيثن]

خلّك معه .. سولف معه.. قد ماتريد // ماني مثل غيري " عليّ وعلى اعداي"

ادري بأني سيد وآنته معي سيد // جرّب .. و قللي فرق ذولا .. عن أياااي

يكفني اني جيت جنب العناقيد // هزيت غصنه وانثنى العود بحماي

انا ملاذك يوم ضاقت بك البيد // وانت الوحيد اللي احبّه من اقصاي

[عبدالله الجعيثن]

بشير اللويش
ابوضاري
ابو ماجد
شنقل
حنشل
ريال الفسحه
ابوجمري
سلطان السويري




الله يونسكم بالعافيه


اصدقاء



اخوان



يشرفون من يخاويهم



rooooserooose2roooose

[عبدالله الجعيثن]

على نقا


على نقاااا


على نقاااااا



على النقا ماهي معرفة مصالح // يومين راحن كلها ضحك ومزوح
اخوان طيب ومابنا انسان طالح // بالمرجله نبني مواثيق وصروح

[عبدالله الجعيثن]

تدري وش اخر شطر في دفتري حل // ياليتني ماجيت يمك وشفتك

[عبدالله الجعيثن]

دنياك لو زانت لك ايام وشهور // لابد مايقفى صفاها عجاجي

[عبدالله الجعيثن]

الهرج واضح .. وش تبي بالتفاصيل // شفراتها تكفي عن اقوال وامثال

من بيننا .. ضحكات سن وتعاليل // شيّن يقال وشي .. ما لازم يقال

دام القلوب صحاح وانظف من النيل // ماهمنا هرجن من لسان عذّال

[عبدالله الجعيثن]

تبقى على مر الزمن في عيوني // من وين مالدّيت رمشي يلمّك

[عبدالله الجعيثن]

مضبوط جده غير .. فعلا غدت غير // والمشهد اللي شفت يبكي ملايين

[عبدالله الجعيثن]

العام صارت والسنه هذي تصير // والوضع باقي ماتغيّر الي الحين

[عبدالله الجعيثن]

فلوسنا ليرات وايضا دنانير // تطير لشعوبن عليهم عزيزين

[عبدالله الجعيثن]

وحنا نغور وجده تغور وتطير // الكارثه حلت وضاعت ملايين

[عبدالله الجعيثن]

الذين يشاهدون الموضوع الآن: 4 (1 من الأعضاء و 3 زائر)



شرفتوا ...ركني

[عبدالله الجعيثن]

تدري غيابك سل حالي وخلاه // يستأثر الصمت الرهيب ويزوره

لبيه ياصوتن من القلب ماحلاه // اذا سمعته شعشع الكون نوره