ماعنـــدكم حـــل او قضـــيه للــوالد

[السنعوووسيه]

الســــــــــــلام عليـــــــــــــــكم


شلونـــــــــكم يالربع عســــــــــاكم بخـــــــــــــــير:)

رواحه لو سمحتي ابعدي الجمر حق طيرانتس:qannaj:

ريتاج خوذي استشوار رمثتس:315r: **مهوش قربي الشاهي والقهوه:)

عطروش الخلا لاشوفتس<<امزح عليتس:solh:



يالربع يالربعات تكفون ابي حل مع ابوي:za3lan:

الناس كل يوم اربعا وخميس يطلعون وحنا كل يوم اربعا وخميس منطقين بالبيت يايبي يجينا احد يا عازمين احد:za3lan:


واذا قلت يبه طيب خل نطلع بالجمعه قال الجمعه لازم افزع لربع واصلي معهم<<اول مره تمر علي صلاة فزعه:3ajeeb:

يالربع كل ما تعزمن وحده من خوياتي الا اقول والله مرتبطين تقول ماهو لازم تروحين للي عازمينتس
مره وحده لبي دعوتي:za3lan:

اقول يابنت الحلال مرتبطين مع ناس يبون يجوننا :a:


طبعا ياخويا ابوي واهلهم:)


ياعمامي واهلهم:qannaj:


ياالجيران واهلهمn)


ياواحد شافه بالشارع تخانق معوه بعده تراضو بعده قال عشاك عندي اليله:solh:


يااحد برا حايل جاي ومسوين له جمعه مع الربع:)

يعني خميس وجمعه زي الناس مافيه:za3lan:

المهم يوم جا امس افطر انا وخويتي بعد الاختبار قالت يالسنعوسيه تكفين تعالي لزواج اختي


قلت والله ودي بس مانقدر ابو عازم اخوياه واهلهم وزيني جايه للعرس ومخليتن الضيوف:solh:



يوم جا قبل شوي وتدق على قالت هاه تجين اليله قلت والله اعذريني اثري ابوي رافعن السماعه الثانيه ويسمعنا:wallah_hoo:




قالت شوفي ياسوسو ابوتس هذا لازم تدبرين له قضيه قلت وشلون افزعي به بس ما يشغلنا اربعا وخميس<<باعته :)



قالت بوه لو واحد مبلش اهلوه 24ساعه تروني عازم:315r:
قالت وقدر الله عليه وكفل لوه واحد ***وهالواحد سحب عليه ماسدد:3ajebni:
ودخل السجن تقول ومازاره احد من الي كان يعزمهم حتى الي كان كافله مازاره ولا مره:solh:





يوم قلنا هاتس يوم صرخ علينا هكالصرخه بغا يطلع قلبي اثريه يتسمع لنا هههههههههه


الله هابو هالوجيه على ابو من جمعكن على ابو من حط عندكن تلفونات:puzzled:

ياملعونات الصفحه:148r:


انتي تعصبين على بنتي <<يقصد البنت الي تكلمن:148r:
وانتي وجهتس معجبتس الكلام تسمعين له<<يقصدن:148r:



واطبق السماعه واروح لجدتي وانا اجدع شباصتي عنده انا داخلتن عليتس:wallah_hoo:


قالت وشبتس قلت ولدتس سمعن وخويتي تقول كذاوكذا:wallah_hoo:


واشوا الحمد الله سيطرت جدتي على الوضع هههههه

ماحصل لي الا كم لمخه والحمد الله جن لمخات سطحيه :)


لاوصيكم على الحلول:wallah_hoo:

تقبلو خالص تحياتي







عاطر ودي


*



*

[عبدالله الجعيثن]

زوجوه مسيار خميس وجمعه






والعروووووس موجوده







** ام الدرامات **

[روح حايل]

^







هههههههههههههههههههههههههههههههههههههههه ههههههههههههه



























والله خوش اقتراح ونبي المليتس المثلثي :)

[الشبث]

<< فسر عن ذرعانوه وعاضن قلم يعنني افكر بس انتبهي لا يدهورتس معوه



خيتنا السنعوسيه


عقب التمحيص والتحميص


طلع معي حل


دوجي بالحواري عن اقرب بياع مخدرات


واشري كيلوين او ثلاثه حشيش

وحطيهن بسيارة الوالد


واول ما يطلع من البيت بلغي عليه


وقابليني اذا شفتيه قبل عشر سنين خخخخخخخخخ



<< براا يالخبل












لاهنتي على هالسوالف الطيبه





والله يخلي لتس الوالد ويخليه لنا لاننا نعتبره الاب الروحي لنا


وتقلدي تحيتي

[ابو عارف]

عطينن بريده الألكتروني أبي إرسل له شكواك عليه ومعاناتك منه هذه إغديه يهون عن اللطخ السطحي.

مالكم إلا تسكنون حولنا ياتقاعد الشايب أنا رجال معشراني وأبي أتميلح معه وأصادقه ثم تطلعون معنا كل خميس وجمعه بلنا شعيب بس إنتبهو للسيل لايجرفكم.


هذا الإبوا وإلا بلاش الله يخلف علي صايرن سواق لهالحريم أجل.


شكراً لك لاهنتي

[فتى البيداء]

أختي سنعوسيه .. حقين هالوقت مالهم تسبد على مصافق الوغدان ..

لجاو الضيوف خلي وغدانهم يتصافقون .. أن ماقامت المشكلة وصارت بين الحريم ..

ثم وصلت الرجال تراي ماأعرف ..

استغفر الله تقل وغدان رجال هالوقت (ماهم كلهم بس الأغلبيه) ..

عاد شوفي هو يجي أحد يمكم من هالي تلمخ أعيالهم ..

[ابو ضاري]

وانتي بس تبين دوجين مع خوياتس

افولتس خليتس بيتكم احس لتس

المره فكتس جدتس والمره الجايه محد يفكتس














تدرين اذا تبين حل لسنوات حطي اللي قالتس الشبث

او خميس وجمعه مثل ماقال ابو غازي

او انخمدي بيتكم هههههههههههههههههههههههعند جدتس وتابعي توم وجيري

[أحمد]

انا اقول طيحوه بلعبة المصاقيل او الزقطه او عضيم ساري


هالالعاب ماتلعب الا بالبر



واضمن لتس كل عصر حتى ايام الدراسه يوديكم للبر


تري مكاسي اختي

[عجايب بنت الشايب]

ابوتس عنده حلال :) ابل وغنم ؟





طيب بقر حمام >> هي ماقالت لا .. توها :)







انا اقولك .. قصري على المكيف .. ولاتقندين القهوة



علشان ماتجوز لهم القعده عندكم


وفي نفس الوقت ابوك عززم وسوا اللي عليه


>> ماجستير لعانه


:)









ولا اقول الصحيح الصحيح


ام درامات .. ماهي شينه :)





على الاقل تقدس الحياة الزوجية

:)

[الجـــوكر]

انا عندي حل
بتقولين وينه
ابي اقول
انزلي
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v




اكذب عليك


وتقبلي مروري
هههههههههههههههههههههههههههههههههههههههه ههههههه

[يـــوسف]

أعطيه وكالة على مخططي بالتساعد وأزهليه :)

وأبي أخليه يدور لنا علهب ناخذه هي واخته مسيآر تخبرون رجال أعمال :)










خالي ماعليك منه رضخه ولاتخليه تسير تر بنات هالجيل يبن على كيفهن أحشره بس ياخالي <_ مفرع ويعمر فسقان هالأصيلج :)







اقتراح عبدالله الجعيثن خوش اقتراح بس ماش شرهه ماتوافق مسويتن حلوه طخما تبي له جذع هههههههههه







وأبوتس ماهو جذع توه على أوله يبيله مدرسه ولا مديرة مدرسة :)




خالي تبي خيزرآن :$





السنعوسية الحل أنتس تقولين له يبه انت رجال متطور وترنا بالقرن الواحد والعشرين وتر بوه حقوق إنسان يصادرون أملاكك وتر به سجن وشكآوي <_ والله يشري لتس ددسن على طول هههههههههههههه








ولا زوجيه ام الدرامات <_ مرتن ثانية ومافيه الا هالحل :)

[ريتاج]

هههههههههههههههههههههههههههههههههههههههه ههههههه

هههههههههههههههههههههههههههههههههههههههه هههههههههههههههههههه


سوسو مرره صاارة لي ..



بس كنت انكت ..ليته مااسمعن ..


طحت من عينه ولا اول يحسبن مؤدبه ...


كل البناات ينكتن وش اعمل برووحي يعني اقطمه واسكت ..


اهاا اهااا اهااا << تبتسي..




سوسو ماااعليتس اطلعي وفلييه
رووحي مع خاالااتس مع عمااتس بناات عمتس بناا خاالتس


لا قاال شيين قوولي يبه انا مني مع نااس غراااب مع اهلي؛<< تبي تخرربه


لا والله احتسي لييه


قوولييله يبه عااد تررااك زوودته مااصاارت..


تبي تعشيهم رح يم الراايز ماانا زينه ولا التل بس ينتبه لا يطبح عليهم بريعص

ههههههههههههههههههههههههه



يااملي صرااحه معااناااة الله يعينتس بس..




شيييييييييييييع

[&^^مهــــا^^&]

يوم يسمعكم هههههههههههههههههههههههههههههههههههههههه ههههه


صراحه مشكله انتي عويصه قوووي :)

اسمعي كلامي روووووحي لابوتس وقهويه ودلعيه وكل شي يقوله قولي سم ولبيه :thumb:

وآآآآمر وتدلل هو بيستغرب :315r:

وبعدين طلعي اللي بقلبتس واكيد بيسمعتس ولاهو معارض طلعتس ابد ابد

وبعدين يبي يقول اهم ماعلي بنيتي :d:

<<سوي خطه مال انا << الله يقطع ابليس راجوا اعدانا:solh:

وش رايتس بخطتي:puzzled:

تقبلي ودي,,

[عبدالله الجعيثن]

^
^

ناكسه للمرح!!!!!!!

[&^^مهــــا^^&]

8

8

اكيد ام الذكاء

[ســـعود]

مالك الا ها الحل الي ابي اقولتس عليه قربي خشتك للشاشه واقري عدل

اول شي اذا منوه جاء العصر طييحي فسك عليهم سوي انك سوي انوه اغما عليك

هم راح يرشون عليك ماء او يشممونك بصله عاد انتي تحملي وابتسي عليهم طلعي ها الدموووع سوي نفسك مختنقه شوين قولي ابي هوا عاد يودونك غرفتك عاد هو راح يجي عند راسك يقولك
يبه نوديك المستشفى عاد هاذي فرصتك قولي ابي البر

[شرهه]

السنعوسيه
قولي لأبوتس ماهي حلا هي
دبلت تسبودنا وانثري على وجهه دلة القهوه


و يبي يمسكتس و يخلي السبحه تلعب على ظهرتس









وبعدين راح تصيرين قنوعه وترضين بالواقع اللي انتي فيه


وش رايتس بالذهانه؟؟


‏_‏__:________

أما بالنسبه لحل الزقرت

والله لو مو مكتوب كتابي

كان صرت فداعيه و طبدزت بالشعيب قصدي وافقت على الجواز




مع التحيه

[عجايب بنت الشايب]

8
8


يااكتاااااااابي ياااهووووووووه والله اتعب



:)

[فهد الجنيدي]

سنئوسية
أنتي سجل بابا مال أنتا داخل مزايف
في قسم الشئر النبطي
خليه يقئد دايم ألى النت
و تفتكون

[شرهه]

اجايب انتا في سوي واجد احراج مال انا ..

[حيل حليل]

^
^
الف مبروووك منه المال ومنتس العيال
والله فرحت لك يالشهبى
<< يبي يدبس شرهه بأبو السنعوسيه
واعزي لووووه

مالتس الا تسجلينه بالفله
وحنا نضبطه لتس
شرط الا نخليه يغير قناعاته بالحياه

الا هو معه جواز؟
ترانا ياشلة الفله متفقين اننا نسافر بالصيف
حتى الجثري عطيناه عربون عشان يصير مرشدنا السياحي
مار خلي ابوتس من الحين يتولم

[صلعان]

القناعه كنز لايفنى <<متلطم ويضحك

والله كان ودي اساعدك لكن ماش

ماطلعت من التفكير بنتيجه .

[السنعوووسيه]

زوجوه مسيار خميس وجمعه






والعروووووس موجوده







** ام الدرامات **



حي الله ابو غازي


يقولك بوه لو فيران ابلشهن قطو يامنوه جاع تعشا وحدتن منهن

وهن يعقدن اجتماع**قالن نبي نعلق برقبة القطو جرس عشان لامن اقبل علينا نسمع قرشة الجرس ونهرب**


يقول يمار بوه له فار شايب يتسمع لهم قال هع هع الراي سديد بس من الي يعلق الجرس


عاد انت رايك مامثلوه بس تهقاء ام درمات ترضابوه


بس عدي اشوفه شهر واحد دراماته فاضيه وباسطتن بهن ههههههههه


بعطيك العافيه















عاطر ودي


0

0

[السنعوووسيه]

روااااااااحه لا وبعد تفكرين بالمليتس ههههههههههههه


اقول بدون ملكه اهم شين تنجزونه



يعطيتس العافيه ام عبدول















عاطر ودي

[السنعوووسيه]

يالمجرم ياشبيثان

تبيه يروح اعداااااااام ههههههههههههههههههه


الصراحه حلك جاز لي <<تفكر بوه ههههههههه


لاهنت يالعمده على المرور



عاطر ودي

[السنعوووسيه]

عطينن بريده الألكتروني أبي إرسل له شكواك عليه ومعاناتك منه هذه إغديه يهون عن اللطخ السطحي.
ايوالله تكفا يابو عارف

مالكم إلا تسكنون حولنا ياتقاعد الشايب أنا رجال معشراني وأبي أتميلح معه وأصادقه ثم تطلعون معنا كل خميس وجمعه بلنا شعيب بس إنتبهو للسيل لايجرفكم.
لا تلقاه يخربك على هالمساكين اهلك تلقاه يقول خل هالحريم من فاضي ينقلهن
وما نكسب بكم الا ذنب


هذا الإبوا وإلا بلاش الله يخلف علي صايرن سواق لهالحريم أجل.


شكراً لك لاهنتي


يعطيك الف عافيه يابو عارف على المرور الرائع

عاطر ودي








0






0

[السنعوووسيه]

أختي سنعوسيه .. حقين هالوقت مالهم تسبد على مصافق الوغدان ..

انا اشهد ياخوي:)

لجاو الضيوف خلي وغدانهم يتصافقون .. أن ماقامت المشكلة وصارت بين الحريم ..

ثم وصلت الرجال تراي ماأعرف ..

ههههههههه والله انك خول الدعوا:)


استغفر الله تقل وغدان رجال هالوقت (ماهم كلهم بس الأغلبيه) ..

الرجال والله باالفلوجه هههههههههههههههه

عاد شوفي هو يجي أحد يمكم من هالي تلمخ أعيالهم ..



المصيبه ماهي بالناس المصيبه باابونا ههههههههههههه


فتي البيدا


والله ياعندك بعد نضر الف شكر على حضورك الرائع



عاطر ودي

[السنعوووسيه]

الضاري ياخوك والله مابي ادوج


مير ما يخلي لنا فرصه مثل خلق الله نطلع


والله حلك مامن ياخوي دور حل اسنع منه هههههههههه



الف شكر على المرور




عاطر ودي





0





0





0

[السنعوووسيه]

لي نكسه:)








عاطر ودي

[السنعوووسيه]

انا اقول طيحوه بلعبة المصاقيل او الزقطه او عضيم ساري


ماهو فيد عضيم ساري مايقدر يركض من كرشتوه ياعمري هو


هالالعاب ماتلعب الا بالبر



واضمن لتس كل عصر حتى ايام الدراسه يوديكم للبر




تري مكاسي اختي




الجثري مصمم المضاااااااايف


يالله تحييه على هالحضور السنع



عاطر ودي

[السنعوووسيه]

ابوتس عنده حلال :) ابل وغنم ؟


ايوالله عنده ابل وغنم على كيف قلبتس


طيب بقر حمام >> هي ماقالت لا .. توها :)


وربي وربي ان عنده بقر وحمام بعد وقريبا انزل لكم صور المحميه اقصد المزرعه هع هع




انا اقولك .. قصري على المكيف .. ولاتقندين القهوة



علشان ماتجوز لهم القعده عندكم


عجايب البلا باابوي يقول ان مااستانسو عندكم لاوريكم شغلكم ههههههههههههه استعمار السالفه

وفي نفس الوقت ابوك عززم وسوا اللي عليه


>> ماجستير لعانه


:)




:puzzled:




ولا اقول الصحيح الصحيح


ام درامات .. ماهي شينه :)


اقنعيه تكفييييييييييييييييييييييييييين غدينا ندبسه بوه والله ما تصبح وعنده درام واحد

ولا تدرين سمعت يقولون كاتبين كتابه <<<<<<غديه تفصخ الكتاب والملزمه وتكتب جدوله على ابوي هع هع


على الاقل تقدس الحياة الزوجية

:)




ما هقوتي هي ودراماته عنده تقديس

تسان ما كمخه ابوي بدراماته وجتكم تشكي



عجبجب ياهو مرور الف شكر عليه

عاطر ودي

[السنعوووسيه]

الجوكر يالتسذووووووووووووووب


ههههههههههههههه


يالله شرفتنا بمرورك



عاطر ودي

[السنعوووسيه]

أعطيه وكالة على مخططي بالتساعد وأزهليه :)

وأبي أخليه يدور لنا علهب ناخذه هي واخته مسيآر تخبرون رجال أعمال :)



خالص الحين حنا نسوي مفاوضات مع شرهه

انشالله نلقى لك معوه ههههههههههه






خالي ماعليك منه رضخه ولاتخليه تسير تر بنات هالجيل يبن على كيفهن أحشره بس ياخالي <_ مفرع ويعمر فسقان هالأصيلج :)


يوسف يا نذلك ودك الي يحوس مريرك ههههههههههههه

تكوكه بعد:solh:



اقتراح عبدالله الجعيثن خوش اقتراح بس ماش شرهه ماتوافق مسويتن حلوه طخما تبي له جذع هههههههههه



اقول ابوي اشد وجهوه واسوي شفط لكرشتوه ويطلع جذع
مامن الا الخير هههههههههههههه



وأبوتس ماهو جذع توه على أوله يبيله مدرسه ولا مديرة مدرسة :)


اقول ابوي مافادت بوه امي عاد يبن يفدن بوه هذولن

انا ابي مره لوه غديه ينشغل

خالي تبي خيزرآن :$

وويلي



السنعوسية الحل أنتس تقولين له يبه انت رجال متطور وترنا بالقرن الواحد والعشرين وتر بوه حقوق إنسان يصادرون أملاكك وتر به سجن وشكآوي <_ والله يشري لتس ددسن على طول هههههههههههههه


قلت لوه قال بالله اشكينا قطن فمي من السكات
ابي شين احتسي بوه هههههههههههه:solh:





ولا زوجيه ام الدرامات <_ مرتن ثانية ومافيه الا هالحل :)



اخاف اظلم بنت الناس ياحول شكله طيبه

مار شافت نفسه عقب هالخطبه

والله عندك حلول بس لو تسلم من التكويك ما مثلك

هههههههههههههههه


يعطيك العافيه على الحضور




عاطر ودي

[السنعوووسيه]

رتووووووووووووووووووووج


ودي اشقق ثيابي قسم بالله


مافيه ديمقراطيه مافيه تبادل اراء


لازم نسوي انتفاضه انتفاااااااااااااااااااااااضه النت العربيه <<انطمي بس ههههههه



ربتس يعين




يااني مشتاقه لتس انتي وجهتس



الف شكر على الحضور






عاطر ودي

[السنعوووسيه]

يوم يسمعكم هههههههههههههههههههههههههههههههههههههههه ههههه




صراحه مشكله انتي عويصه قوووي :)


اسمعي كلامي روووووحي لابوتس وقهويه ودلعيه وكل شي يقوله قولي سم ولبيه :thumb:


وآآآآمر وتدلل هو بيستغرب :315r:

والله صادز ابو غازي يامهوش لادلعته قال قولي من الاخر وش تبين هع هع


وبعدين طلعي اللي بقلبتس واكيد بيسمعتس ولاهو معارض طلعتس ابد ابد

بلاتس والله ماعرفتيه
كلن يحتسي بالسيل وانا ماشفته للحين
لاقلت لوه ابوح يبه قال خوش تبين بهالبلوتوثات ههههه


وبعدين يبي يقول اهم ماعلي بنيتي :d:

كثري منه هههههههههه


<<سوي خطه مال انا << الله يقطع ابليس راجوا اعدانا:solh:

ان شفتيه قولي سوسو تبي براد شاي


وش رايتس بخطتي:puzzled:

ناكستن للمرح :solh:



تقبلي ودي,,




واحلا مروووووووووووووووووووووور وربي


مهاوي انتي وحلولتس روعه

الف شكر لتس







عاطر ودي

[يـــوسف]

الحل أنه يخاوي واحدن يقاله سفآح بالأجفر هههههههههههههههههه




ولا انه يخاوي خالي ابو منصور والجمهري شيبانن مطنخ طقت بروسهم قبل فتره يزينون البيت بالطايف ودقو من باستر وهم باليمن :)




وبغو يهفون بعمان بعد بس الله ستر :)





يعني يمشي معهم أزين شي ماتفطنين الا هو بشرم الشيخ مع سفآح :)

[السنعوووسيه]

8


8



8



وويل قلبي بس وشو سفاحوه بدون سفاح يالله نمسكوه

اكاليوم اسمعه يهيجن بالحوش ومعه مراه ويحلق

عاد يقول مدري منين هو جايبه


من ذاق حبات الكرز في بولدن

000000000وشاف الحياه بشاطي الاذقيه

حرام مايبتسي على شوف برزان

0000000وشوفت سماح ومجمع الصالحيه


غسلت يدي بكلوركس منوه عقبه


ياقلت يبه خذنا معك لاسافرت قال يوليدي انا منحاشن عنكم ههههههههههههههه


ماراشوا بعض احيان احشروه وياخذن

[السنعوووسيه]

مالك الا ها الحل الي ابي اقولتس عليه قربي خشتك للشاشه واقري عدل

اول شي اذا منوه جاء العصر طييحي فسك عليهم سوي انك سوي انوه اغما عليك

هم راح يرشون عليك ماء او يشممونك بصله عاد انتي تحملي وابتسي عليهم طلعي ها الدموووع سوي نفسك مختنقه شوين قولي ابي هوا عاد يودونك غرفتك عاد هو راح يجي عند راسك يقولك
يبه نوديك المستشفى عاد هاذي فرصتك قولي ابي البر



الراي سديد ههههههههههههههههههه

لا لاتخاف ابتسي بدون بصله <<ابتسي عياره هههههههه


حل خطير يالوضيحي الف شكر لك


ولا تحرمنا تواجدك




عاطر ودي

[يـــوسف]

<_ يفكر يديه على بعض أستانس :)


ابوتس خوين لي أصلا هههههههههههههه





خليه يكشخ والله مابه شي أبوي أنا مرات اذل عليه يقطع صوابره كل يوم يحلق وبس يرش لون أسود يعني يصبغ :)






وعادي أقوله يبه شنوح ماتسآفر <_ ابيه يقول ابسافر علشان القىا لي فرصه وأسافر :)

[السنعوووسيه]

8


8


8

عين خير بس انا سافرت معه بعطلت الـ10 ايام للاردن الله لايعيده من سفره

حلفت مااسافر معوه عادمشكله لاصرت ماتقدر تخانق ابوك

وكلت عليه واحد يضربه بدالي عشان مااخذ ذنب ولا اصير عاقه ههههههههههه

[السنعوووسيه]

السنعوسيه
قولي لأبوتس ماهي حلا هي
دبلت تسبودنا وانثري على وجهه دلة القهوه


و يبي يمسكتس و يخلي السبحه تلعب على ظهرتس


يا نذلتس






وبعدين راح تصيرين قنوعه وترضين بالواقع اللي انتي فيه


وش رايتس بالذهانه؟؟

امحق
‏_‏__:________

أما بالنسبه لحل الزقرت

والله لو مو مكتوب كتابي

كان صرت فداعيه و طبدزت بالشعيب قصدي وافقت على الجواز




مع التحيه



هلااااااااااا وغلاااااااااا باامي بالمستقبل هع هع هع


مامي تكفين نكفين وافقي وافسخي كتابتس واقلامتس وخوذي ابوي ههههههه


والله تبين الحق ابرك لتس




الف شكر على الحلول الي مثل وجهتس <<خربته






عاطر ودي

[بعد ملي]

روحي يالغلا وحبي خشم ابوك وقولي له يابيي تعبت ابي استانس مثل الناس...
وراح يطيعك..وربي ماراح تخسرين شئ

[السنعوووسيه]

8


8


8


اولا يالله حيه اول مره اشوف هالاسم

ثانيا حل مناسب بلكي يصلح معاه

ثالثا وهو الاهم انتس منورتنا


عاطر ودي

[السنعوووسيه]

سنئوسية
أنتي سجل بابا مال أنتا داخل مزايف
في قسم الشئر النبطي
خليه يقئد دايم ألى النت
و تفتكون



يدخل المضايف

ويدخل الفله


مير المصيبه يقول ادري ان دخلته ما طلعت

لاجلست عنده قال عطينن وش اخر اخبار المضايف

دور حل ثاني

والف شكر لك



عاطر ودي

[السنعوووسيه]

^
^
الف مبروووك منه المال ومنتس العيال
والله فرحت لك يالشهبى
<< يبي يدبس شرهه بأبو السنعوسيه
واعزي لووووه

لا والله واعزي له كل يوم قايل عندنا عزيمه يما يصفرن دراماته


مالتس الا تسجلينه بالفله
وحنا نضبطه لتس
شرط الا نخليه يغير قناعاته بالحياه

والله كل يوم يقرا لكم اخاف انتو تغيرون وتصيرون مثله:solh:

الا هو معه جواز؟

افا عليك ماتلقي صفحه فاضيه من كثر الختوم

ترانا ياشلة الفله متفقين اننا نسافر بالصيف
حتى الجثري عطيناه عربون عشان يصير مرشدنا السياحي
مار خلي ابوتس من الحين يتولم


احسن خله يرووح معكم غدي نفضي مثل الناس


والله ياعليك مخ لعنبو بليسك هالحوله ما طلعت هبا ما طلعت الا من زود المخ ههههههه


الف شكر لك اخوي حيل حليل




عاطر ودي

[السنعوووسيه]

القناعه كنز لايفنى <<متلطم ويضحك

انااشهد
والله كان ودي اساعدك لكن ماش

ماش ولا عدس

ماطلعت من التفكير بنتيجه .

اقول حضورك يكفي ياخوي

والف شكر لك


عاطر ودي

[ماجد]

عندي الحل

عرفيني على ابوتس

ابد هذا وجهي اذا شفتيه خميس وجمعه << يالبى شرم الشيخ







يازل المزح
سلميلي على ابوتس ونعم الشارب والله

[السنعوووسيه]

8
8
8


خايفتن اعرفك عليه يدشرك هههههههه


ما عليك زود ياخوي النعم بحالك


الف شكر لك اخوي ماجد


عاطر ودي