مشاهدة النسخة كاملة : نحن السرابيت الثلاثه ..
يوم أنا ولد قصدي يوم أنا غلامه
قبل اصير حرمه عاقله فاهمه بالغه
كان لي ولد عم الله يقطعه من الوجود ..
كان كبري >>>>>طيب الحين اينا أكبر ^_^..>براااا
الوكاد هو خوي أخوي اللي أصغر مني بسنه ..
و كنا اذا تكاتفتنا ..طبعا اذا انضميت لهم أنا
نصير خوش عصابه ..
تصدقون ودي أمحش كل ذكرياتي كلها عن بكرة ابيها ..
لإن كلها مروووووحه تقريبآ..
المهم وحنا جالسين بالحوش نخطط على لنا كارثه ..بنسويها بأخوي اللي أكبر مني بسنه..>>حاقدين عليه
لإنه يوم جو خوالي من الشرقيه و هو يجحدنا و يروح مع عيالهم ^_^
المهم وحنا نسمع صوت تصفير
>>>هذي كانت وسيلة الإتصال بين عيال الحاره سنع جوالات^_^
تقل بساسه ياربي لك الحمد ..
وحنا نطير عند الباب
و هم يطلعون
العيال
وانا اقزقز من ورا الباب
ابشوف وش السالفه
و هم يجون قالوا إن هذا ولد جيراننا يبي يتسلف الكوره ..
وحنا نقرطه عليه من ورا الجدار
يمار حنا برمضان وبأواخر العشر وقريب العيد
يمار أخوي اللي نبي ننتقم منه كان عنده نافوره
مغيبه تحت فراشه
يبي يشغله ليلة العيد
قلت أنا وش رايكم نجطله و نلعب به .. واذا خلصنا ندور لنا شي ثاني عشان نتجمع عليه و ندبغه قالوا قدام
وتحمسوا العيال
وحنا نروح لفراشه وحنا نصرقه
و انا اجيب الدزداحه انا وراسي نبي نشغل به النافوره يمار ماش ماتنفع
(الدزداحه) هذيك اللي تقل مسدس و نشغل به الفرن^_^
الوكاد وحنا ندور و ندور
وحنا نلقى الشخاط
و هو يمسك النافوره ولد عمي وأنا اشغله له ..
قلت صوبه فوق
و يطلعن الوان وحنا مستانسين يمار الخسيس
يراعيلي و يضحك و أنا ارتاب من هالحركه وانا اراعيله
و شميت ريحة خيانه
و هو يصوب النافوره علي ..
وكانت النافوره هذيك العريضه اللي طلقاتها قويه وكبيره شوي
يوم شفته وانا اصيح وانا اهج و هو يلحقن
الاولى بقميصي ولا جاني شي
والثانيه برجلي وانا اصرخ من الوجع >وجعه بالقلب
_واخوي و هو يضحكون
والثالثه براسي وانا اشم ريحة شلوطه
والرابع بكوعي و اصرخ يمار مآش
ماحد فزع
و هي تقضي النافوره
وأنا اجي قلت هين يالتسلاب
انا شرهه تخونوني ان ماطربقت الدنيا على ادمغتكم ماكون شرشر
والا على دخلت ابوي من برا
وأنا اقعد لي بتسى >>>مابتسيت الايوم شفته>عوابه
قال خير خير
وش صاير >>بزقره
عاد أبوي ما يرضى علي كلش
قلت أنا يبه شفهم شلوطوا راسي و يدي واوريه اماكنهن يمار متنفخاي
و هو ينزل عقالوه وجلد وجلد وجلد ..
يما عضوا الأرض
وحطيت السالفه عليهم
هم اللي صرقوه و هم اللي اشعلوه
و هو يجي اخوي اللي أكبر مني و يخانقهم و يروح يم أبوي يشكيهم
و هم ينحرمون من العيديات عقابن لهم ولأمثالهم
مايستفاد من القصه
هذا مصير كل من يزعل شرهه ..^_^
وبعد انتبهوا لوغدانكم
خصوصن اذا كانوا عبثين مثلنا
وخصوصآ أوقات الاعياد والطرطعان
كم واحد انفضخت عينه وكم واحد تشوه وكم واحد احترق ؟؟
ياما سمعنا وسمعنا
The end...
عجايب بنت الشايب
17-05-2009, 04:12
-1- حجز
8
8
ماودي اشيله حتى عقب التعديل .. :) >> لعانه
شرشر
سالفتك كووووووم وكلمتك ذي كوم
يمار حنا برمضان وبأواخر العشر وقريب العيد
مدري حسيت فجأه صرتوا برمضان وفجأه قرب العيد
يمار ذي هي والله اللي طلعت فجأه
ههههههههههههههههههههههه
والعنوان كومييين ههههههههههههههه
اما ابوتس مايرضى عليتس
كل عقايب هالزمان اللي بوجهتس وهو مايرضى عليتس
أجل لا رضا وش بيصير شكلتس :)
هههههههههههههههه
يالبا العررب اللي منهم شرشر بسس
هههههههههههه ونستيني الله يونسك بالرضا
طحياتي ..
وحجز 2
>> عنااااااااااااد :)
حيل حليل
17-05-2009, 04:30
اهيب يالقشررررررى
الله من العوابه بهالخشـــه
اجل طربقتي الدنيا على روسهم
عاد المشكله انتي راس الحيه
لانتس المخططه لجطل نافورة اخوتس الكبير
ماشاء الله عليك
كل موضوع اطلق من اللي قبله
لاهنتي ياوخيتي مع انتس شهبى وعوبى وتسذوبه لكن مايضر
ونستينا عسى الله يونسك بالعافيه
ابو ضاري
17-05-2009, 04:35
قلت أنا يبه شفهم شلوطوا راسي و يدي واوريه اماكنهن يمار متنفخاي
The end...
والله مدزين بشرهه العوبا ...التســـــــــــــــــذوبه
ماعرفلك ابوتس تسان توطى على رقبتس علشان ثاني مره ماتلعبين مع الصبيان
يازين شكلتس وشوشتس محترقه
يا هلا والله بالعجيبه
اشوووى إنتس رديتي >>أنا من شفت حجز1
و هو يوجعن قلبي .. وانا اتشائم ..
تذكرت أول سولافه اجدعه بهذا ..
اللي حجزتي ولاعيناتس عقبه>>>مسكته عليتس ماوالله تنساه^_^
والله شهادتس اعتز به واحطه مخناقه برقبتي بعد
و الله متصفحي نور يابعدي..
و مع التحيه
صعوة فسفورية
17-05-2009, 04:40
شرهة .. عيني بعينك,,
:goooood:
منيف الوبيري
17-05-2009, 04:44
اويلي ,,, انحاشو يالربع ..
هذي عوبا .. وماينقوي له هينوبه ,,
الحين انتي منغثه من اخوك عشانه راح مع عيال خاله
اللي من الشرقيه .. يملا النويفج اللي يفضخ راسك يالعوبا .. امززززززززززح
انتبهو من هالبنيه !!!!
حليل
هاهاهاهاي
بس اللي يلعب بذيلوه >>يتحمل النتيجه ..
هم ليه يعملون بي كذا ..؟
و معروف ان الخاين يقتل ^_^
_شهادتك اعتز به ياسندول المضايف
والله يعطيك العافيه على هالمرور الطيب
مع التحيه..
ابو ضاري
ما ذنبي اذا كان نسل عائلتنا البنات فيه يبن ينقرضن؟؟
من العب معه أجل ^_^
وبعدين يستاهلون .. عادي
والله يا القايد البرماعي مشكور على هالمرور .. صفحتي شعشعت ..
مع التحيه
صعوه فسفوريه وش هالنك
أجل فيه صعوه بنفسجيه؟
ترمين الى ماذا ايتها السحليه ؟
هاه حطيت عيني بعينك لاتقولين شايفتن وجهي قبل هالمره ^_^
مع التحيه
منيف تعال تعال
كل ما اشوفك أتذكر خويتي الوبيريه اللي دينته عشره هكا السنه>>>إمش اوفن بساع
أنا منا حليلي بس شري ياطنيت ^_^
يعني لاحد يطنيني
منيف اسعدني مرورك
مع التحيه
تسلمين شرشر على هالنصيحة ... بس ليتك تتعضين انتي
احترامات شرهه
^^
^^
ومن اليوم وانت جالس بالصفحه وآخرته بس هالكلمتين ههههه
انشاالله يامن صار عندي عيال اعتاض
شاكره لك مرووورك
شرفت صفحتي
مع التحيه
شرهه مايستفاد من هالقصه انكـ
عوبا ودزليلت خاتمه <<يقوله بكل براءه :)
الله يونستس بالطاعه ياشرشر ونستيني على هالصبح وانا
علي اختبار والى الحين ماختمت المنهج <<محد نشدك
<<ملاحظه احس انك دايم تطرين الشعر جوزي عن اللهاد.
^
^
وش جايبك ؟؟؟
إندزلع ذاكر سبع هالعلابي ..
>
>
متأثره بأبوه
أنا عوبا ودزليلة خاتمه ؟؟>>>أوريك والله لأحطه بقلب ابوي ^_^
لاهنت على هالمرور
ورح ذاكر ابرك لك
و مع التحيه
صلعان
هههههههههه توي اقرا ملاحظتك
عبدالله الجعيثن
17-05-2009, 07:25
حجـــــــــــــــــز ـــــــ 31 ــــــ
ولا تدرون..........هونت!!!
تمسون على خير
حيل حليل
17-05-2009, 07:31
^
^
بدري ياللحية الغانمه :)
خلنا نتعلل شوين
^
^
تله مع علباو
وجلسه غصب
^
ابجيب لكم القهوه بدله سارقته من دلال دغيم الظلماوي ..
فواز الغسلان
17-05-2009, 09:38
اثريك متكسفه بحياتك ياشرشر وماتهنيتي بشبابك الزيزفوني؟؟
لاصار صعارير متنفخاي براسك وانتي جذعه00
لازم تسافرين لك ست شهور لشواطي فلوريدا علشان تغسلين
هالمصايب والوقائع الاليمه 00
تسلمين يالذيبه
اه هههههههههههههههههههههههههههههههههه قلبي يطني ههههههههههههههههههههههههه اسمعي اثرك عربجـــيــــه هههههههههههههههههههههه ومهو حيالله عربجيه الا قديمه ايااام التصفير والصياح
حــــــــجــــــــــــــــــــــز
[quote=شرهــه;754452]يوم أنا ولد قصدي يوم أنا غلامه
قبل اصير حرمه عاقله فاهمه بالغه
كان لي ولد عم الله يقطعه من الوجود ..
كان كبري >>>>>طيب الحين اينا أكبر ^_^..>براااا
الوكاد هو خوي أخوي اللي أصغر مني بسنه ..
و كنا اذا تكاتفتنا ..طبعا اذا انضميت لهم أنا
نصير خوش عصابه ..
تصدقون ودي أمحش كل ذكرياتي كلها عن بكرة ابيها ..
لإن كلها مروووووحه تقريبآ..
المهم وحنا جالسين بالحوش نخطط على لنا كارثه ..بنسويها بأخوي اللي أكبر مني بسنه..>>حاقدين عليه
لإنه يوم جو خوالي من الشرقيه و هو يجحدنا و يروح مع عيالهم ^_^
المهم وحنا نسمع صوت تصفير
>>>هذي كانت وسيلة الإتصال بين عيال الحاره سنع جوالات^_^
تقل بساسه ياربي لك الحمد ..
وحنا نطير عند الباب
و هم يطلعون
العيال
وانا اقزقز من ورا الباب
ابشوف وش السالفه
و هم يجون قالوا إن هذا ولد جيراننا يبي يتسلف الكوره ..
وحنا نقرطه عليه من ورا الجدار
يمار حنا برمضان وبأواخر العشر وقريب العيد
يمار أخوي اللي نبي ننتقم منه كان عنده نافوره
مغيبه تحت فراشه
يبي يشغله ليلة العيد
قلت أنا وش رايكم نجطله و نلعب به .. واذا خلصنا ندور لنا شي ثاني عشان نتجمع عليه و ندبغه قالوا قدام
وتحمسوا العيال
وحنا نروح لفراشه وحنا نصرقه
و انا اجيب الدزداحه انا وراسي نبي نشغل به النافوره يمار ماش ماتنفع
(الدزداحه) هذيك اللي تقل مسدس و نشغل به الفرن^_^
الوكاد وحنا ندور و ندور
وحنا نلقى الشخاط
و هو يمسك النافوره ولد عمي وأنا اشغله له ..
قلت صوبه فوق
و يطلعن الوان وحنا مستانسين يمار الخسيس
يراعيلي و يضحك و أنا ارتاب من هالحركه وانا اراعيله
و شميت ريحة خيانه
و هو يصوب النافوره علي ..
وكانت النافوره هذيك العريضه اللي طلقاتها قويه وكبيره شوي
يوم شفته وانا اصيح وانا اهج و هو يلحقن
الاولى بقميصي ولا جاني شي
والثانيه برجلي وانا اصرخ من الوجع >وجعه بالقلب
_واخوي و هو يضحكون
والثالثه براسي وانا اشم ريحة شلوطه
والرابع بكوعي و اصرخ يمار مآش
ماحد فزع
و هي تقضي النافوره
وأنا اجي قلت هين يالتسلاب
انا شرهه تخونوني ان ماطربقت الدنيا على ادمغتكم ماكون شرشر
والا على دخلت ابوي من برا
وأنا اقعد لي بتسى >>>مابتسيت الايوم شفته>عوابه
قال خير خير
وش صاير >>بزقره
عاد أبوي ما يرضى علي كلش
قلت أنا يبه شفهم شلوطوا راسي و يدي واوريه اماكنهن يمار متنفخاي
و هو ينزل عقالوه وجلد وجلد وجلد ..
يما عضوا الأرض
وحطيت السالفه عليهم
هم اللي صرقوه و هم اللي اشعلوه
و هو يجي اخوي اللي أكبر مني و يخانقهم و يروح يم أبوي يشكيهم
و هم ينحرمون من العيديات عقابن لهم ولأمثالهم
مايستفاد من القصه
هذا مصير كل من يزعل شرهه ..^_^
وبعد انتبهوا لوغدانكم
خصوصن اذا كانوا عبثين مثلنا
وخصوصآ أوقات الاعياد والطرطعان
كم واحد انفضخت عينه وكم واحد تشوه وكم واحد احترق ؟؟
ياما سمعنا وسمعنا
الناس تبكي على الماضي وانت تبين تمحشين ماضيك
هههههههههههههههههههههههههههههههههههههههه ههههههههههههههههههههههههههههه
شرشر الله من النطل عندتس انا اصلاً من اول وانا اقول عويناته عوينات السروقه << ماتبين ترجعين جوال البنت اللي سرقتيه خخخخخخخخ
بس هالسالفة ذكرتن بماضي تعيس اللي تقول :
المهم وحنا نسمع صوت تصفير
>>>هذي كانت وسيلة الإتصال بين عيال الحاره سنع جوالات^_^
قبل كم سنه كانت هذي هي وسيلة الاتصال بيننا صدز ..... بس للاسف انه انكشفت عند شيباننا وحنا نتغدا بالبيت يمار اكالتصفير بالشارع هالقوايل وهو يراعيلي ابوي وانا اشرق بغيت اموت عرفت اني انكفشت هههه
وواحد من الزقرت نصفر وحنا على بعد نص كيلو من بيتوه لاننا عاملين حساب ابوه يبي يطلعلنا يمشي مليونين يبي حلوقنا (الله يسكنوه الجنه).....
ابداع + ابداع = شرهه
تري مكاسي
ابو خلوف
17-05-2009, 13:58
وبعد انتبهوا لوغدانكم
خصوصن اذا كانوا عبثين مثلنا
وخصوصآ أوقات الاعياد والطرطعان
كم واحد انفضخت عينه وكم واحد تشوه وكم واحد احترق ؟؟
لا لا مايصير
اصلا ما يحلى العيد الا بهالمواقف
اخبر ابوهنود راع البقاله نشتري منوه طرطعان
واول مانطلع نولعهن و نصوب عليه ولا نجدعهن عليه
ويلحقنا ويتوطى ببطوننا
ونرده لوه بالعيد الي بعدوه :)
مشكوره يام قريشات
فتى البيداء
17-05-2009, 14:35
الله يقطع ابليستس ياشرشر ..
شيباننا .. دريوا بنا وعرفوا وسيلة الأتصال (( التصفير)) قمنا وغيرنا (( التصفير )) (( لضرب ماصورة الكهرب برضمه)) وشو أنجحت الخطه ..
أبو فهد ..
يا أهلنات وسهلنات ..
متكسفه وبس يا فواز ....
هالورده الرقيقه بين هالعيال الشريرين أكيد بينتفونها تنتيف^_^
الله ياجرن بس و يرزقن
أخاف اروح ويصير بي انفلونزا خنازير ..
مار ابروح يم برتستنا اللي بالمزرعه وابفرش قدامه دوشق وابتمشرق به ..
و عدي رايحتن لفلوريدا ^_^
شرفت الصفحه ياشريف
مع التحيه
بص بص هلا برفيدز الشاعرالعملاق برغش
ماني عربجيه ياخوك بس الدنيا هي اللي عربجت بي ^_^
شاكره لك مرورك
مع التحيه
الحيمري و هذا اللي موجعن تسبدي ..
والله دي امسحهن وامسح ابوهن اللي جابهن
اسعدتني بمرورك
مع التحيه
الجثري هاهاهاهاهاهاهاهاهاهاي ..
صادق اي والله حتى عندنا انكشفت ..
_مسكين يالجثري بغيت تموت
هاهاهاهاهاي
بس السالفه شي شي
الله يسكنه فسيح جناته
شهادتك اعطز به
وشاكره لك مرورك العطر
مع التحيه
ابو خلوف يا هلا وغلا بالضفدع
أجل تقول تقرطونهن عليه هههههههه يما والله من الشر بها العوينات .^_^
لا هنت على هالمرور الطيب
مع التحيه
فتى البيدا يا هلا والله بخيالنا
هاهاهاهاهاهاهاهاهاي سبحان الله يالوغدان نفس الطفوله بكل مكان >>هذي بعد طقت عمدان الكهرب يسوونه
شاكره لك مرورك الأنيق
مع التحيه
ريال الفسحه
17-05-2009, 19:42
والله من العوااااااااااااااابه بهالراس:)
^
^
^
الله من المقس بها الراس( ..^_^..)
انت وش علمك ماتنشاف يالتنكه ليه هلون؟؟؟
حيا الله هالمرور
مع التحيه
قعيس المصري
17-05-2009, 20:17
ههههههههههههههههههه الله من العوابة بهالراس
وانا اقزقز من ورا الباب
ابشوف وش السالفه
ولا تتركن سوالفكن يالحريم هذا وانتي صغيرة الله يستر منك
^
^
^
هاهاهاهاهاهاي
تقل إنك فشلتن ياخذ هالصوابر ..
مع التحيه
واحد شقردي
18-05-2009, 01:26
الاولى بقميصي ولا جاني شي
والثانيه برجلي وانا اصرخ من الوجع >وجعه بالقلب
_واخوي و هو يضحكون
والثالثه براسي وانا اشم ريحة شلوطه
والرابع بكوعي و اصرخ يمار مآش
ماحد فزع
اول اقول الله يخلف على الشايب احسبك لحالك لي مجنونه
اثري الامر اكبر من كذا
اطلب عاجل غير اجل بعلاجكم فورا عند الشيخ ال***اني يبي لكم قرايه
وكوي عند ابو مطير (( عم الجثري هههههههههههههههههه ))
الله يوسنك ويسعدك يا كاتبة المذرحه
ومضه هههههههههه
وشلون هريهرا
^^^
كل الناس هنا مجنن
ومن حق هالسالفه
لو نتشاقل انا وياك الفله و نوديها لأبو مطير شرط ان في كل فلاوي أقل شين خمس جنون مع عوائلهم ^_^
ومضه
هريهرا عنده اختبارات المياجر باديه فلازم تشد حيله عاد قسمها صعب شوي >من ناشدك هع
مع التحيه
كلام سكري
ابدعتي فامتعتي
اجل انتي مثلي شريرة يوم بالطفوله
دمتي بخير
وانتي خائنه العشرة مع اخوتس وولد عمتس
قلبتي عليهم
مهو انتي صاحبه الفكرة
^^^
هلا وغلا بحمود
أما شريره
0
لا أنا تعديت بطفولتي هالمرحله
صرت بمرحلة ما بعد الشر ^_^
_يستاهلون كش ..عليهم
مع التحيه ..
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir