يبون يخيرونوه حيروه

[ســـعود]

السلام عليكم ورحمة الله وبركاته
بعد السلام لكم مني الف تحيه معطره براحة العطر المحبب لدى اي واحدن منكم لانو كل شخص له ذووف معين وكلنا نتفق انوه لولاتعددالاذواق لبارت السلع هاذا مهو موضوعي بس كانت مقدمه ممله مني الوكاد
عندما تختلط بك المشاعر وتتكدس بك العواطف وتنوي توهق نفسك اقصد تبي تتزوج وش تسوي تفاتح امك وتعلمه وطبعا تقولك هاذي (الساعه المباركه ياوليدي ) وتبدا تنشرك هلخبر اول شي بلبيت وبعدين القيرات فرند اي العجز القريبات منه حيل الخاصات وبلعاده مايتعدن ثلاثه وهثلاثه ياساتر هوايه عندهن المسايير والسوالف كافيات انهن ينشرن الخبر في اوصاط مجتمعنا الجماعي اي الربع وتعال شوف ابوك يقولك ابيلك بنت خويي فلان وخواتك من كل عقولهن تعال تزوج الابلا فلانه المدرسه ترد عاد عليه الثانيه لا وع هذي بطه لا الابلا حقت العربي احلا وتجيك عاد العجوز مطبقه بعد تفكيرلا ما لك الا بنت خالك هاه لا بنت خالتك يمه بنت خالي ولا بنت خالتي هاه والله نسيت اصبر شوين خلن اتفطن وانت مدودل راسك ما تدري وش تسوي ...........لحوول

[ســـعود]

null[caution]null[/caution
]null

[الشبث]

اااااااي راسي افتر


ياخوي انت وش تبي بالضبط والله مافهمت شي



اوجعن راسي ابروح ابلع بندول واجي لعل وعسى افهم وش الطبخه



وتقلد تحيتي

[ملامح شمري]

^
الظاهر ان اللي يبي يقوله , ان الواحد اذا بغى يعرس يبلش ويكون موب داري من ياخذ
وان كل واحد من اهله يرشح له وحدة ويتخانقون هذيك شينه وذيك مدري وش فيها..
وتراه غلط بالعنوان ولا مقصده الظاهر ,المثل اللي يقول : تبي تحيره , خيره ..
فهمت انا عاد كذا من كلامه.

,,,

تسلم يا الوضيحي على الموضوع ..
وترى المسالة بسيطة , اقرب خاطبة و قضت السالفة ..

[ريال الفسحه]

8


صح عليك .. تبي تحيّره خيّره


اقول والله لو انا محلك اني لا اترك هالعرس واقعد صمل
ياما اموت :)




او شف لك شغاله واعشدزه :)

[ملامح شمري]

^
الله يهداك يا اخ ريال فسحة ..

هالحين الرجال يناقش قضية مهمة لكل عازب يدودل راسه مثله , وانت تقول له اصمل ولا اعشق لك خدامة ..؟!

أخوي الوضيحي ..

الصيف قارب يجي , والمسيار ذا وقته عندنا بالرياض , بس البلا ان اكثرهن عجز اللي يطلبنه , ونصهن يشترطن ان

لازم يكون مظهرك حيل حليل ومرتب عشان تعزم خوياتها وتفرجهن عليك < تخبر بعض حركات الحريم , عشان
تبين لهن انها احسن منهن يعني وعندها شي موب عندهن ..

عـ العموم يا خوي موفق خير ان شاالله

كل اللي بقدر اقوله لك وانصحك فيه , انك ان خذيت لا تاخذ دبة عشان ما تبلش ان تكافخت معاها , ولا وحدة اطول
منك عشان يمديك تقدر تشد شعرها ..
والاهم ما يكون لها اخوان او عيال عم يغسلون شراعك ان طيرت عيونك عليها .

وان شاء الله تعزمنا و نحضر عرسك ..

[عجايب بنت الشايب]

8
8

افااا ليتنا من سطرك الاخير سالمين

[ســـعود]

بنسبه للعنوان انا اخطيت فيه يبون يخيرون حيروه

الشبث شكرااا لي مرورك
ملامح شمري بعد وجهي هل ملامح الف شكر
ريال فسحه تبي تقول ما اعرس معصي ههههه الا ابي اعرس
عجايب الشطر الاخير ملح السالفه بس افهميه صح
تحياتي لكم كلكم

[ريال الفسحه]

8
8

<--- السهم للنزغه اللي فوقتس :)



هاللحين من صدزك بصري يبي يعرس ياخي هالرجل
مذكور بالتاريخ راعي عشدز وماهو فيد عرس :)


ملامح عطن يدك خلنا نروح للاسري نرفع ضغطهن :)

[منصور الغايب]

الاستشارة ..


هذا ما فهمته من موضوع الأخ بصري ...


بالفعل ... يبلش الانسان حتى يجد من يستشيره .. أحيانا حتى أقرب الناس لك .. لا يصلح أن تستشيره ..

فلا هو من أفادك .. ولا هو من كتم سرك ...

وانا هنا أنصحك بنصيحة المصطفى صلى الله عليه وسلم ...

(تخيروا الودود الولود )


شكرا لك ...

[عجايب بنت الشايب]

ريال اشوا انك داري انك نزغه :)

[ملامح شمري]

بالفعل ... يبلش الانسان حتى يجد من يستشيره ..

ههههههههههههههههه

الله يقطع بليسك يا منصور.. :)

انا معك انه يبلش الانسان و يتوهق بس ياخي ما حصلت مفردة فصيحة تحطها بدل هالترقيع :tongue:


الا والله بجد وش يرادف يبلش بالفصحى ..؟



,,,

أخ ريال

ظنتي ان فيه سيكيورتي على باب الاسري , يعني اغسل يدك انهم يدخلوننا :tongue:

وترى والله اني احسب اسمه بصيري الوضيحي صدق ..

مدريت انه لقب مستعار و يقصد الشمري راعي الغزل و العشق.

يالله صباح خير .. :)

[عامر الشلاقي]

اخي العزيز هي مشكله فالاختيار صعب
لكن الواحد مايستعجل يقول الشاعر القديم

من لايعرب منسبة قبل منشبه= تروح عليه المقبلات بلاش

وقصيدة اخرى تقول

عرب وليدك عربه
النار من مقباسها
بنت الردي لاتاخذه
لوهو طويل راسها

فأهم شي الاختيار للعائله اللي راح ترتبط فيها العمر كله حتى لاتندم

وفق الله شبابنا لمافيه الخير والصلاح

[الشاهري العبيدي]

بصراحة أنت حيرتنا


لكن وانا اخوك

توكل على على الله واترك المهايط مع اهلك والا تراهم راح يخلونك ويقولون دبر عمرك....:)

يعني لا تدلع على قلوبهم






هلا بك معنا اخي الغالي وجياك الله

[عبدالله الجعيثن]

اخي العزيز هي مشكله فالاختيار صعب


فأهم شي الاختيار للعائله اللي راح ترتبط فيها العمر كله حتى لاتندم

وفق الله شبابنا لمافيه الخير والصلاح



وانا ابنام مع العايله...



انا بعد......... ابيلي بنت ناس بس تكون تملا العين ..



اما اناسب ... وتطلع شديهه !!!




الوضيحي...لا تثق بأختيار العجز..

[منصور الغايب]

هلا ملامح ... :)


يبلش قد يرادفها ... يتوهق :)

مثل ما الرجال وهقنا ومحنا عارفين شيبي من وراء هالموضوع :)

[ســـعود]

اول شي ابي اضحك هههههههههههههههههههههههههههههه
منصور الغايب: احساس شاعر وكلام ماثر واشكرك علي النصيحه واتقبله

عبدالله الجعيثن هههه نجرب

عامر الشلاقي حيكم حيكم يابعد تسلوتي هلتسلوه

الشاهري العبيدي مهي سالفت تدلع ويني وين التدلع ههههه

[عامر الشلاقي]

تسلم تسلوتك وحافظ عليها يمكن العرس يهلسك يخليك تبيع حتى التسلوه هههه امزح

[ســـعود]

تسلم تسلوتك وحافظ عليها يمكن العرس يهلسك يخليك تبيع حتى التسلوه هههه امزح



ههههههههههههههههههههههههههههههههههههه

اجل عطن تسلوتك عانيه هههههههههههههههههههههه امزح

[بالمختصر..]

استخير ..




برايفت لـ ملامح , منصور الغايب /

يبلش مرادفها يقع في مأزق :)




.
.

[شام]

تلك هي عادات مجتمعية
لا مناص منها ...
فكلما بلغ شاب أو فتاة سن الزواج كثرت العروض من جهة الأهل أو الأصدقاء
و أخيراً .. الخير فيما يختاره الله ..
ومثلما قال المثل الشعبي ( اسال اكبر منك وأصغر منك و ارجع لعقلك )..
مشكور أخي الكريم للطرح ..
بالتوفيق

[ســـعود]

تلك هي عادات مجتمعية
لا مناص منها ...
فكلما بلغ شاب أو فتاة سن الزواج كثرت العروض من جهة الأهل أو الأصدقاء
و أخيراً .. الخير فيما يختاره الله ..
ومثلما قال المثل الشعبي ( اسال اكبر منك وأصغر منك و ارجع لعقلك )..
مشكور أخي الكريم للطرح ..
بالتوفيق

اشكرك اخت شام علي مرورك وتداولك للموضووع

[ســـعود]

استخير ..

.
.

الله كـــريـــم