مشاهدة النسخة كاملة : % اعضاء الفله اذا سمحتوا %
بعد اذن اخوي ابو ضاري
مثل ما تشوفون الوضع بفلتكم طيب
لكن مهو مثل اول
والكثيرين قالوا اسباب كثيره
منهم من قال ابتعاد اعضاء قدماء
ومنهم من قال تشبع
ومنهم من قال كتاب الفله ماعاد عندهم ما يكتبونه
يعني مافيه جديد
والسبب الحقيقي هو اننا في هالفتره هذي بالذات ما ندري وش نبي بالضبط
ومثل ما تشوفون كثر دخول اعضاء جدد الينا
وهم يشرفوننا بدخولهم معنا والمفترض يكون دافع لنا نستمر معهم
فيه كثير من الاخوان لازم اطلب منه يكتب موضوع علشان يكتب
مثل اخوي حيل حليل واللي بهالفتره مقدر اقول الا بيض الله وجهه
واعتبره واقف مع الشبث ومقدم له خدمه شخصيه
لاني طلبت منه كذا طلب وما قصر
كذلك اخوي الجثري اللي رغم ضروفه اللي انا اعرفه زين الا انه واقف وصابر علشان الفله
عندي كذا امر ابي اتكلم معكم فيها
من ضمنها شايفكم هاليومين طايحين بسالفة الرد الاول للحجز
وهذا مافيه مشكله
لكن المشكله انك تجي وتكتب رد ثاني
والمشكله الاكبر ان الشباب ما شاء الله عليهم يسردون حجز ورا هالاخ اللي حجز
وانا ماودي احذف شي من ردودكم نهائي
فياليت
اذا احد حجز مكان لرده
اذا رجع يعمل تعديل على رده الاول ويكتب رده بدون ما يكثر بالردود
شيء ثاني
مثل ما تشوفون كثرة نقل وحذف المواضيع
سواء لاخوان قدماء او جدد
فياليت ياااااااااااااااليت نتعاون جميع
فاللي يجيب موضوع منقول يوديه للمنقول
واللي يجيب موضوع غير فلاوي يتحمل الاجراء اللي راح نعمله
وياليت يا اخوان نركز بمواضيعنا
لان الفله ليست ولن تكون الا للمواضيع الفلاويه الساخره دون تجريح بأحد
اما غير ذلك فليتقبل صاحب الموضوع حذف موضوعه
واذا تكرر ذلك يتحمل المخالفه او الباند اذا كان ممن يكرر مخالفته
شيء اخر
من عام 2004 الى اليوم وانا بالفله
وعمر الفله ما تأثرت بأبتعاد قلم او انقطاعه
فلا تخافوا على فلتكم
حتى لو ابتعد حيل حليل او الجثري او ابو غازي مستحيل تتأثر بأحد
كذلك
في القادم من الايام ان شاء الله راح تكون هناك مسابقه فلاويه كبرى
ومن المفترض اني ما اعلن عنه
لكن حتى يعلم الجميع حجم العمل اللي يعمله اخونا ابو ضاري بالفله وهو ساكت
فياليت الجميع ما يباعدون
وراح نعلن عنه في حينه مع كامل التفاصيل
في الاخير
شفت كثير من مواضيع المزمزه
اللي بعض الناس ما يجي الا علشانه ( اقصد ريال فسحه ) << طقه بوجهوه كاش
وقريباً ان شاء الله راح تمزمزون خوش مزمزه على واحدن هنا
في الختام يا اخوان
اذا فيه احد مبتعد عن الفله علشان الشبث
يعلمني
والله ما ازعل بالعكس اطلع ويجي هو ممكن الفايده بوه هو
ورحم الله من اهدى الي عيوبي
وأي مقترحات او طلبات او حتى شكاوي
لا تترددون بالارسال لي او لابو ضاري
وتقلدوا تحيتي
الغالي ابو ماجد والله اني عضو مسير الى الان ولكن للامانه
ماشفت منك ولا من الاسماء اللي ذكرته الا الخير
واتمنى منك ومن الاخوه جميعهم عدم ذكر
الرحيل ولكن نحن اعواد في حزمه
ولا غنى لشخص عن الثاني
فلنتكاتف للارتقاء بالمضيف الفلاوي<<ماعمره تكلف هاللي
يودعه يعجن :)
اخيرأ .:wallah_hoo:
احب اقولك طلباتك راح تنفذ باذن الله
ودمت بود.
هلا بالغالي صلعان
مافيه رحيل يالغالي
هذا بالنسبه لي انا مادري عن غيري
لكن انا ابي الجميع يتكاتفون مثل ما ذكرت انت ونصير سوا وننسى الماضي بزينه وشينه
وان شاء الله دخلتك معنا تزيد من تفاعل الاخوان
وشهادتي فيك مجروحه
لاهنت يالغالي
وتقلد تحيتي
الشبث أنا دايم اجي ابعدل ردي اللي حاجزته بس انني خفت أحد ينقد علي ^_^اي والله صادقه
خلاص منا وبعد ماعلي من أحد
تري مكاسي>ملطوشه من الاندنوسي جثري
8
8
يالله يا شرهه
من وبعد على هالوزنه ههههه
لاهنتي اختي
وتقلدي تحيتي
ابو خلوف
16-05-2009, 14:31
عمار يافلتنا العظيمه
ابو ماجد ماتلاحظ ان مبطي ماصار فيه تشريحات وعمليات بالاعضاء
أخوي ابو ماجد..
بصراحة أنا مش فلاوي ، يمكن تركيبتي الفسيولوجية تختلف عن الفلاوية ! بس والحق يقال،، متابع جيد ، وإن كانت مشاركاتي قليلة جدا ، لكن اللي أشوفه الفلة عامرة ومن نجاح الى نجاح ، وكل هذا ببركة من فيها وأنت على رأس الجميع وجهود أخوي الضاري !
الفلة لم تتأثر بغياب أو رحيل _ والموجودين فيهم الخير والبركة .
والله ودي أصير فلاوي _ بس شجاب لجاب ! أحس ردي بواد والموضوع بواد .
شرايك تعطيني دورة خارجية عشان أصير فلاوي وانفعكم بالفلة ؟
أدري تبي تقول اذلف ، وورنا عرض مقفاك ، مابقي الا انت يهالداشر نرسلك ،، بس أباخذها من
قاصرها واتلطم وأمشي . بس كل شوين ابويدز عليكم .
¥¥_ هين ياصلعان _¥¥
احترامات لك ابو ماجد ولكل من تواجد
هلا ابو خلوووف
لا تستعجل على رزقك
كل شي يبي يجيك
وتشريحات وبرامج كثيره ان شاء الله
وراح نبداء من الاسبوع الجاي
لاهنت
وتقلد تحيتي
حجز ====> خخخخخ لا والله اتسذب وخلاص انا هونت مافيه حجوزات
الله يعطيك العافيه يابو ماجد انت وخالي الضاري وانا على مايقولون شهادتي فيك مجروحه بس والله اننا محسودين بوجودكم بيننا
تري مكاسي ابو ماجد ومن نجاح الى آخر باذن الله
من ضمنها شايفكم هاليومين طايحين بسالفة الرد الاول للحجز
وهذا مافيه مشكله
لكن المشكله انك تجي وتكتب رد ثاني
والمشكله الاكبر ان الشباب ما شاء الله عليهم يسردون حجز ورا هالاخ اللي حجز
وانا ماودي احذف شي من ردودكم نهائي
اكيد ماودك
لان الدعوه فله يابو ماجد
وانا اشوف انه حركه زينه وفيها حماس
وبالعكس خل الحجز يبقى ويرد مره ثانيه وش المشكله
لاهنت
قعيس المصري
16-05-2009, 16:44
ابو ماجد يعطيك العافية
وماقصرت انت وابو ضاري وانا عضو جديد سلتوح
وان شاءالله اني اقدر اسوي الي اقدر عليه
منيف الوبيري
16-05-2009, 17:04
الشبث ... انت رجال كويس انت والضاري ...
والله بكل صراحه :: اذا انا منغث .. اجي بالفله واقرأ المواضيع
واتمجغل من الضحك ,,
الله يونسكم بالعافيه ,,
على فكره :: عليك بالأصلج (( صلعان )) تره داهية من الدواهي ..
أنا اعرفه زين !!
بس مشكلته حيااوي بالحيل ,,, <<< أيـــــه هين
هلا اخوي صلفيق
شرفتنا والله بحضورك وبردك الطيب
ومحشوم والله كلك حلا
واقسم بالله يا صلفيق اني اعتبر نفسي اصغر واقل واحد بالفله
والشباب ما شاء الله عليهم مسوين شي
لكن انا ابي اكثر
ونبي منك انت بعد كم موقف مضحك تسردهن لنا هنا هههههههههه
واي اقتراح منك اخوي صلفيق تشوف اه زين ارسله لي خاص
الله لا يهينك على هالمرور
وتقلد تحيتي
هلا اخوي الجثري
انت نوارة الفله
ودلوعة الفله ههههههههههههههههههههههههههه
ياليت اذا فيه اقتراحات عندكم ولا اي شي ترسلوه لي على الخاص
وتقلد تحيتي
عجبني ردك اخوي ماجد
يالله نبي نشوف اذا فيه مؤيدين غيرك نتركه عادي
لكن انا ماودي يكون فيه رد بدون داعي
هي كله رد
ولا انا عارفن ان الامور فله وتساهيل
ماجد
تعال ابيك
فيه سالفتن ابكتبه هاليومين انتظره ههههههههههه
وتقلد تحيتي
اخوي قعيس
محشووم يالغالي منت سلتوح
لك قدر ومكانه عند اخوانك
وكلنا سوا
ولافيه فرق بين كبير وصغير ولا جديد وقديم الا الاحترام المتبادل
وهنا مافيه الا مزح وبس
وانا متعشم فيك خير بحول الله وراح انتظر منك مواضيع وسوالف تهز الفله
وبأذن الله راح تكون من كبار كتاب الفله
وتقلد تحيتي
هلا اخوي منيف
عزيز وغااااالي والله
وانا ملاحظ دخلاتك للفله كا فتره
الله العالم ليامنك تضايقت نصيت مواضيع حيل حليل ولا الجثري وهيصت ههههههههه
وصلعان خلوه لي خلن ليما امون عليه
اذا ما نتفت رموشوه هههههههههههههههههههههه
وتقلد تحيتي
ريال الفسحه
16-05-2009, 19:55
حجز 454 <----يحرث عن مذبحوه :) هههههههههههههههه
الشبث يالغالي راح اكون معك صريح بزياده عشان
ترتاح انت وانا بعد ..
انت تكلمت بموضوعك عن نقاط منها
اولا
غياب كتاب او ركود الفله ..
باعتقادي ومن معرفتي للفله هي فتره وتعدي ومافيه قسم
بالمضايف نقص كتابه مثل الفله ومازال متوهج وان لم يكن
كسابق عهده فلايزال مستمر وان شاء الله مع الوقت من حلو
لاحلى وراح يرجع احسن من اول ..
ثانيا
سالفة احجز رد انا معك المفروض الواحد يعدل ردوه بس وش نسوي
بعبدالله الجعيثن مايفتهم <--- انحششش :)
امزح والله
انا معك اما هكاليوم من باب المزح دلينا نحجز ياما غدى موضوع اختنا
تقل عفش مطلقه ثلاث صفحات كله حجز هههههههههههه
والا الاساس هو ان الواحد يعدل رده والا وش الفايده يحجز اول رد ويروح يرد
باخر صفحه ؟
فآسف اذا اخطيت
اخيرا
المزمزه <---يقوله وهو يتنهد لانوه منقطع الولد :)
انا احيانا مامسك روحي واحط لي رد فمن هنا اكون صريح
واعطيك الضوء الاخضر انت والضاري لحذف اي رد لي باي محل
اكون به مخطئ وحتى لو به مخالفه انا مستعد لاني اعرف روحي
احيانن ازل :)
بس تكفا ترانا منقطعين لو نجيب الحنشل نمزمز عليه :)
الشبث
والله اني اغليك غلاء مهو شوين يالهيس لكن اللي تبيه
يصير وابشر بموضوعن قريب :)
الجثري تعال همز رجليني وجب الفازلين معك :055r:
واحد شقردي
16-05-2009, 20:03
كلم سليم
ولكني اؤيد كلم ماجد حركه حماسيه
وانا ما اجي الفله بسبتك
ممكن تقضب عفشك وتخلينا لا هنت هههههههههههههههه
بنسبه المزمزه اقترح كل يومين يرشح عضو عن طريق التصويت
ويصير مزمزه المدة يويمن من دون زعل ههههههههههه
ok
باشا
بالنسبه للحجزززززززززز انا معاها تعطي حركه ونشاط للمشاركه بس من رأأي ماتتتعدى الخمس
بس :)
اذا مالي داعي علموني
وحده عندي تقول مالكـــــــــ داعي:za3lan:
تعرف يالشبث انو هالحين على فتره مراجعه وبعدها اختبارات وهم فأكييييييييييييد بتكون
الفله سامجه بدووون الطلاب :frown:>>>>>قصدي الفلاوييييييييييين اللي اكثرهم يدرسون
يعني الواحد مايفضى الا خمس دقايق وبعدها يخرج
وانشاء الله بعد الاختبارات تلااقي الفله متروووووووووووووووسه مواااااضيع فلاااااااااويه
وقول ريم ماقالته:thumb:
تحيتي لكroooose
فهد الجنيدي
16-05-2009, 21:23
بابا سبس
أنتا يامر راجويجي يطامر
بس مسابقة لازم مافيه تهيز
لأن أنا و بكل فخر ألهالي هندي
باقي نفر كلوه سئودي
بس أنا الأول من ألهيت
لازم كاوه نفرات يصير معلوم
جايزة هزا حق راجو بس
ريم الصمان
16-05-2009, 21:41
الشبث انتبه لايطق لك عرق
ههههههههههههههههههههههههههههه
ترى السالفه كلها مزوح×مزوح
اترك الناس على راحتهم
اللي يبي يحجز يحجز والللي مايبي براحتوووه
وسلامتن تطولك
وخيتك
ريم
صعوة فسفورية
16-05-2009, 22:20
سلام ابو ماجد ..
انت تامر وحنا نطامر
وبس
ابو ضاري
16-05-2009, 22:49
ابو ماجد الله يبيض وجهك على ماتبذله من اجل الفله خاصه والمضايف عامه
الفله تستمر بااعضائها الى التقدم والتطور ..
البارح نورت مواضيعها بموضوع خالي وبنت الشايب وان شاء الله اليومين تلقون موضوع
لريال الفسحه
وشنقل واشكرهم واقولهم بيض الله وجيهكم .
اما الاعضاء الجدد يشرفونا بالفله وننتظر ابداعاتهم الجميله بس الله لا يهينكم لو تمرون
على القوانيين لكي
تتضح الصوره لكم ..
اقول يااخوان ويااخوات حنا هنا في الفله نعتبر جزء من هذه المضايف وهي الواجهه
لقبيلتنا الغاليه على
الشبكه العنكبوتيه . اتمنى من الله ثم منكم المساعده وتكونون خير عون للمحافظه على
هذا الاسم وعدم
الخوض في الاسائه فيه .......
ونحن بلا مقترحاتكم وارائكم لن نتقدم في شي فلنتكاتف جميعا حتى ناصل الى الهدف
الحقيقي
وهو التقدم بالمضايف الى الاعلى ..
وسلامتكم ..................لاهنت يابو ماجد وبيض الله وجهك
هلا ريالي
الله يعز قدرك
وانت تعرف غلاتك عندي
واقدر اقول كنت اغلاهم عندي هههههههههههه
ومن ناحية المزمزه لا تخاف ماراح نقطعه نهائي لاني حتى انا مقدر اصبر عنه
بس ماودي نكثره
ولاهنت يالطربه
وتقلد تحيتي
انا مبتعد عن الفله
بسبك انت يالشبث
تسيف الشبث صار ما يكتب الا بالسنه مرة >>ولا يهونون الاخوان جميعا
عوذا
ما تعودت منك السحبه كذا
نبيك ترجع مثل اول كل يوم موضوع
واقترح منك
كتابت مسلسل من مسلسلاتك الرائعه
اللي كان الكل الاعضاء موجودين بالمسلسل
الشبث
الضاري
الاخوان جميعا
دمتم بخير
اللي كنا نستمتع به
هلا اخوي واحد شقردي
ابشر ابطلع ههههههههههههههه
ومن ناحية المزمزه ودنا نمزمزه على واحد يستاهل
يعني واحد غاثن المضايف نجيبوه هنا ونسلتوه ههههههههههه
لاهنت
وتقلد تحيتي
هلا بالاخت ندوو
وابشري راح نخلي الحجز ولا فيه اي مشكله ههههههههه
وقولي للي عندتس الشبث يقول ندو منورة الفله
وتقلدي تحيتي
هلا اختي الريم اللعوب
انا ما اقصد الطلاب
ومن ناحية الطلاب معذورين
وانتي لا تنسين تكتبين موضوع هاليومين هههههههه
لاهنتي اختي على مرورتس
وتقلدي تحيتي
هلا رجروجي
ابشر فيه تهيز
ونبي نجيب لجنة تحكيم من ايران خخخخخخخخخخخخ
مميز اخوي راجو
وتقلد تحيتي
هلا اختي ريم الصمان
ماعليتس لو يبي يطقبي عرق مبطي طاق هالحين هاادي ههههههههه
لاهنتي على هالمرور
وتقلدي تحيتي
ياهلا بصعوتنا الفسفوريه الطيبه
ومن طول الغيبات جاب بعير هههههههههههه
لاهنتي اختي الطيبه
وانا تحت امر اهل الفله كلهم
وتقلدي تحيتي
هلا اخوي الغالي ابو ضاري
بالنسبه للسماء الكبيره اللي ذكرته واللي له وزنه بالفله
اذا نزلوا موضوع يشرفونا
واذا ما نزلوا نلتمس لهم العذر لانهم اهل الفله
لاهنت يابو ضاري
وتقلد تحيتي
هلا اخوي حموود
ابشر بعون الله فيه مسلسل جاي بالطريق
لاهنت
وتقلد تحيتي
فتى البيداء
17-05-2009, 01:51
أنا معارض للحجز .. لأنه يأخذ حيز على غير سنع ..
الحقيقة فيه كثيرين من الي قصروا في هالأيام في كتابة المواضيع ..
ابوماجد أكيد أن النفس مياله لضحك والوناسة .. ولو حملنا الموضوع هدفين وهم الوناسة والفائدة
كما هو واضح في بعض مواضيع بعض الأعضاء .. يجمع بين الضحك والفائدة في موضوع واحد ..
والأهم إذا أشتبه أحد في أحد المواضيع ولم يفهم مغزا الموضوع .. يرسل رساله خاصه لصاحب الموضوع
يسأله قبل أن يرد عليه فقد يرد عليه رد قاسي .. والموضوع لا يحتمل هذا الظن ..
(( هذا بإعتبار أن شخص لم يفهم موضوع معين وأراد أن يبين وجهة نظره المخالفه طبعاً إذا كانت قاسيه ))
8
8
وجهة نظري
حيل حليل
17-05-2009, 03:03
والله يابو ماجد انتم فصلوا وحنا نلبس
والفله ولله الحمد ماهي واقفه على احد
راحوا كتاب وجوا كتاب والفله زي ماهي من حسن الى احسن
لاتعطون الامور اكبر من حجمه الطبيعي
لان تجي الشخص فترات يكون ماله خلق يكتب موضوع او رد
وهالحاله كلنا مرينا فيها
على العموم قواكم الله على هالعمل الجبار اللي تقومون به
وان شاء الله نكون عون لكم للرقي بالفله
لاهنتم
هلا اخوي فهد
وجهة نظرك طيبه خصوصا ان الواحد يراسل اخوانه اذا ما يعرف ردة فعلهم
لاهنت على هالمرور وهالاضافه
وتقلد تحيتي
هلا ذيبان حيل حليل
ان شاء الله ما نعطي الامور اكبر من حجمه
لكن مثل ما يقولون ما خاب من استشار
لاهنت يالطربه يالدب يالعفين يالمهلس << لاحووول قام يعجن
خخخخخخخخخخ
وتقلد تحيتي
منصور الغايب
17-05-2009, 22:16
منت مقصر يابو ماجد ...
لاهنت اخوي منصور
وتقلد تحيتي
مروان الشمالي
20-05-2009, 12:04
بيض الله وجهك يا بو ماجد ولا يهونون الموجودين بالفله
من تقدم الى تقدم
لا هنت يا مروان
وتقلد تحيتي
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir