... شرهـــــه مآآآن .. [الأرشيف]

مشاهدة النسخة كاملة : ... شرهـــــه مآآآن ..

شرهه

11-05-2009, 22:46

بالخير ...

السلام عليكم ..

بسم الله الرحمن الرحيم

^
^
قلبت الموازين هع
اقروهن من تحت لفوق ^_^

الوكاد ما علينا

ابقول لكم سالفتن جرت علي >>> يا عله ما تجري لمسلم..

و أنا أمشي و أمشي
في ربوع جامعتنا

و أنا القى هكا الجوال الواقع بالارض

وانا اشيله >>>قسم بالله العظيم انني آخذته عن حسن نيه ..

و كان فيه مجموعتين حول الجوال
و سألتهم عنه و قالوا
ماهو لنا ..

وأنا افتش بالارقام
الا كله اسامي مدري وشلون هي جايه
استغرب صراحه يجي الأسم والعايله ..
^
كلها مثل كذا
هدى أحمد
و فريحه الدوسري
و اريج العتيبي
و و و و

وأنا اناظر للصادره
و أشوف آخر مكالمه تسع الصبح
وحنا تقريبآ الحين
احداعش و نص

وأنا ادق على الرقم ..
>>>>> كنت احسب انها خويتيها وطالبه عندنا بالجامعه >>قلت خلن اغابشها واهستر فيها بعدين ارجعه لها

طييط
طييط
طيييط
و هو يرد الطرف الأخر وبدون لا يتكلم

قلت ألو
قالت وبكل بجاحه متصله يالواطيه يالتسلبه ياللي فيك و فيك ..>>>وانا اسمع و متهوله

قلت وش السالفه ؟؟

و الأخت شاطفتني وتحتسي

وتقول
رجلي لو مدري وش تسوين عنده
راح يصدقني أنا ..
يالكذابه يا خرابة البيوت............... مشفر >>> وفهمت من هرجتها
ان راعيت الجوال
تصير أخت زوجها

تخيلوا لدرجة انها
قامت تسبها بشرفها

قلت أنا ليه كل هذا وش أنا مسويه>>> و هي تسكره بوجهي >>وأنا انقهر

وأنا اطنشها ..

و هو يدق الجوال

وأنا ارد
الا السواق يقول>> سورعا مدام انا في برا

و هو يقفل بدون لا أقول شي

و يدق مره ثانيه
الا وحده تقول استاذه بسرعه تعالي للمكتب فيه مشكله عندنا قلت طيب شوي وجايه

و فهمت إن راعية الجوال ماهي طالبه ..

و أنا ابلش بوه مدري وش اسوي >>حسيت انني طولتها

والا بعد شوي عندي محاضره
وأنا آصمته وأنا احطه بجيب تنورتي ..>>> و نيتي كانت يامن طلعت اوديه للأشراف أو أسوي به صرفه

يوم خلصنا وانا اطلعه

الا بوه مكالماتن كثر التراب من ارقام متعدده

و انواع الرسايل >>>الله لا يحلك و لا يبيحك
يالسروقه يالخسيسه

وأنا اروح لشؤون الموظفات وانا معصبه >>>ما تسوى علي قسم بالله

وأنا اجي قلت في جوالن غادي و لقيته

وأنا امده له ..

قالت الله يجزاك خير
وخذته

يوم جيت ابطلع و هي تدعيني هكا الهامه ..
وانا انخرع

قالت وين لقيتيه قلت كذا وكذا وكذا

قالت هذا الجوال لي

وقالت طيب ليش ما أول مالقيتيه جبتيه

قلت كان عندي محاضره ومتعاجزه لأروح لكم بعدين اروح لقاعتي
و تري السواق دق و مرت اخوتس دقت و خويتتس دقت ..

>>و هي تراعيلي بحقد

وما قالت لي عفيه >

وقالت خلاص روحي

يا إنني انحــــــرجــــت ..

ما يستفاد من القوصه

إذا أحد لقى له جوال طايح ياخذه حلال عليه

لا يسوي فيها طناخه و ينوي يرجعه بعدين يصيرله زي ماصارلي ...^_^......

خهخهخهخهخهخهخه

تمت

ندووو

11-05-2009, 22:57

حجززززززززززززززززززززززززززززززز 1

ندووو

11-05-2009, 23:04

هههههههههههههههههههههههه قسم معاها حق اجل تبينها تحب راسكـــــــــــ

تمون الاخت وترد بعد:3ajebni:

بس اظن هالسولافه من بنات افكاركــــــــــــ

شرهه كل سولفاتكـــــــــــــ جونان سلمتي

تحياتي

فهد الجنيدي

11-05-2009, 23:10

سرهة
مرة تاني أنتي يلقا جوال طايح
قط شريهة برا
و جيب جوال
أنا يتصرف
انا نص أنتي نص
معلوم هاه

فوووز

11-05-2009, 23:11

وانت وش قاردك.. وش عليك من الجوال ومنهو له..
من تاخذينه وانت مسلمته ..
وشلك بتفتيشه...

شفتي وش جاتس لا حمداً ولا شكورا..

شرهه,,, ماقلتي لك بيت بيتين بها الموقف :)

شرهه

11-05-2009, 23:14

حيا الله ندو

الله مير يسلمتس و يعافيتس

لا والله مش من بنات أفكاري بس انني و فعلآ صاير لي هالموقف بس انني حاطه فيها شوية بهارات ^_^

شكرآ لمرورك آنستي

تحيتي لك

صلعان

11-05-2009, 23:20

وعليكم السلام ورحمة الله وبركاته

هلا والله بشرهه وبسوافه <<يضبط علاقه مع النجمه شرهه

شرهه سالفتك هذي تدل على انك اجوديه وراعية ماقف

و لو هو حدا هالسلنتح تسان حطه بمخباه والعصر تلقاه بالبصطه يحرج عليه

انا سراحه اسجل اعجابي بصاحبة الموقف وبالموقف نفسه ..

يالربع انا ارفع لشرهه قبعت الاحترام <<مابقي من المزر ذره

تقبلي مروري يالشاعره شرهه .

شرهه

11-05-2009, 23:20

راجو تم وانا شرو

خلاص المره الجايه انشاالله

‏>‏>هالشغله تكسب ذهب.. ^_^

اسعدني مرورك و عرصك أكثر

تحيتي لك

شرهه

11-05-2009, 23:24

فوز والله انني بغيت أقول

بس قريحتي طنت علي

تقول انتي وجه ابن فهره منتي كفو افزع لك ^_^

لاهنتي على هالمرور

تحيتي لتس

شرهه

11-05-2009, 23:33

صلعان وانا اختك
لا تهور
داخلتن على الله ثم عليك

لا ترفع القبعه >>>بعدين تطلع صلعتك ^_^

بعدين انشهد انه الشريف >>اللي يلقاه بعدين ياخذه و يحرج عليه بالبصطه هع

الله مير يسلمك يا الصلعا

خذ مني هذي
طــــــــــرآآآآخ >>> كف حلاقه ^_^
‏
نورت متصفحي

تحيتي لك

شرهه

12-05-2009, 01:45

فوز صح صح تقولين وش قاردتس و وش عليتس منوه>>>>اخلاقي وانا اختتس النبيله ما تسمح لي ^_^

تحيتي لتس ..

واحد شقردي

12-05-2009, 01:48

ههههههههههههههههههههههههههههههههه يا الملقوفه وينه تردين على المكالمات

لقافه فطريه بسبب الشفايه

وتبينها تقولك عفيه عليكي وانتي راده على وحده(( تشتمها )) الظاهر من يوم قلتي مرت اخوكي

قلب وجهها ونست تقول الله يعافيكي قالت انفضحت ههههههههههه

بس الله يعطيكي العافيه امينه

ولا يهمك وحتى لو ما قالتها الامانه ما يروح حقها عند الله

بس ليتك مفتكه من النصيحه هههههههههههه

ابو ضاري

12-05-2009, 01:51

بس المفروض ماتردين
تسلمينها للمديره وهي تتصرف اذا لقيتيها بالجامعه

لان اللقافه حصلتيها منها يوم تردين على المكالمه

لا تردين ثاني مره

حيل حليل

12-05-2009, 02:01

انتي يالشهبى

يعني بتقنعيني انتس مانتي صروقه بهالموضوع
شكلتس غيبتي الجوال بشنطتس وصادتس راعيته
ودبغتس لياما عضيتي القاع

تعالي تعالي بعد شوشه
وين تبين تردين على المكالمات والجوال مهو لتس
خلي الشفايه تنفعتس عقب هالتهزئ من مرة اخوه

لاهنتي يالبطرانه

فتى البيداء

12-05-2009, 02:04

ليتس سالمه من هالنصيحه .. على قولتهم ..

أنتي فعلتي مايمليه عليكي ضميرك .. ومليرضي دينتس .. والجزاء من رب العباد ..

منيف الوبيري

12-05-2009, 02:06

تستاهلين ....

وش تبين بهالجواال المجدوع ,,,

لا وتبين تهسترين بهم بعد ...

حيلن بتس يالشفايه ....

هع ...

بتس عرررق قراده ... لاتعودينه ...

ولا تعطين خوويي أبو صلجه كف حلاقه ثاني مررررررره

الشبث

12-05-2009, 02:12

ياااارب يضيع جوالي وتلقينه انتي

علشان اكسروه على راستس خخخخخخخخخخخ

والله من اللقافه اللي بتس

وبعدين وش تبينه تسوي لتس يوم رجعتي جواله له

تعزمتس يعني ولا تعطيتس خمسميه خخخخخخخخ

شرهوووه

سوالفتس شي مثلتس ههههههههه

وتقلدي تحيتي

εïз خزامى εïз

12-05-2009, 02:38

أخآف أن هذآ جوآلي اللي أنسرق < وحدهـ خبله تمشي وتدور جوآلهآ :)
شرهه ثآني مرهـ لآ تلقفين وتآخذين شئ مهو لكـ
عشآن ماتطيحين بجوآل وحدهـ "ولاديه"
عشآن تمصع قرونكـ ههههههههههههههههههههههههه
سآلوفه جونآن
ميرسي

ماجد

12-05-2009, 02:47

تصرف جميل منك
بارك الله فيك ايتها الشرهه

ياملا الشرقه وشلتس بهالسوالف

^
هذا الشخص عندوه انفصام

صلعان

12-05-2009, 03:00

خذ مني هذي
طــــــــــرآآآآخ >>> كف حلاقه ^_^
‏

ابو ابو هالدزرن اللي مهو على رجل ياشرهه مار بتلاه صابر

انا اسحب كلامي الزين اللي قلته الا تصرفك مروح ولابه

قبله وياحلولات لو هالمدرسه كاسرته على علباتس

ولا له عاده<<يحس انه فضفض

ريتاج

12-05-2009, 03:05

هههههههههههههههههههههههههههههههههه

وش هاللقافه يوم انتس ترديين .. كاان مصمتته من الاول وراايحه لمحاضرتس

وجاادعته لشؤون الطاالبت ..

هههههههههههههههههههههههههههه

لك تسلميلي على هيك موزووع ..

شييييييييع

شرهه

12-05-2009, 05:00

شقاشيقو ..

والله ياخيي

وش دراني أنا ان الدعوا هلون

أحسب انه لطالبه >>والطالبات احس انني امون عليهن كلهن ^_^

لا هنت على هالمرور وتحيتي لك

شرهه

12-05-2009, 05:14

القائد البرمائي الضاري اسمه اللي جرت عاد

والله يصلح كل البنات والعيال و لاتزعل والشيبان بعد ^_^

آنرت متصفحي ..
تحيتي لك

شرهه

12-05-2009, 05:20

حليل يا سندووووووول ..

والله ما صرقته ولا نويت حتى النيه ..>>انا مسيكينتن امشي جنب الحيط مار ياخي هالبلاوي هي اللي تحذفن من يميني ومن يساري ..

ابعد عني لا تصهدك لك بلوى الحين

اسعدني مرورك

تحيتي لك

شرهه

12-05-2009, 05:27

فتى البيداء ..

ياربي ودي اقولك شين

تعال ابقاصيك >>(( كل ما أشوف نكك تطري على مزعل فرحان)) >>عاد ليه

والله ما أدري

جوزيت خيرا على هالمرور الطيب وتحيتي لك

شرهه

12-05-2009, 05:34

منيف الوبيري

تعال تعال ..

خويتنلي هكا السنه وبيريه تدينت مني عشرة آريل
و فرقتنا الدنيا و هي ما اوفتن

اقرز لي عشره بساع

ابعطيهن عطر القصيد

تفالجت انا وياه و فلجتن ^_^

ياخي اخلاقي النبيله ما تسمحلي انني القى شي و اخليه ^_^

يسلمو على هالمرور اللي كله قبسات وتحيتي لك

حيل حليل

12-05-2009, 05:56

^
^
فلجتـــــــــــــــــن
ههههههههههههههههههههههههههههههههههه

هيه انتي يالسبيكه
وش اللي فلجتن
لعنبوا بليستس من اي معجم ناغته هالكلمه

شرهه

12-05-2009, 06:19

‏^‏
‏^‏
وش هالطويرات بحوشكم ^_^

د

شرهه

12-05-2009, 06:21

الشبث

لا خلاص عقدت صفقه مع أبو هنوده ..

لو يقع جوالك بيدي

تسان علمك بوه اكا الساعه ^_^

‏_‏
اقل شي ابيه تسويه لأمانتي و نزاهتي ^_^>> تجلسن عنده وتقهويني مار ما ورا هكا الوجه سنع

و ترا جهازه حلو .. سألت عنه قالوا بألف وزياده مع العلم آنه مو كاميرا

لاهنت على هالمرور الطيب

وتقلد تحيتي ^_^

شرهه

12-05-2009, 06:27

خزومه
يا بعد حيي انتي
واحلولات لو انا اللي جاطلتن جوالك

عشان انني صاحبة أمانه برجعه لتس ^_^

‏_‏
خلاص نكلت ..
كلن بكيفه
والله لو القى لي كعب منكسر مستحيل آخذه
‏^‏_^
‏_‏
شكرآ على هالمرور الطيب يا طيبه وتحيتي لتس

شرهه

12-05-2009, 06:37

ماجد يا وليدي ادهج المستشفى ..

تكفى

أخاف متنك مأثر على تركيبة مخك .. >>>واغميضة شبابك ..

تحيتي لتس ...

شرهه

12-05-2009, 06:49

الصلعا ..

كف حلاقه عادي ياخوك >>ماصيدي بس ابجدع الميانه ^_^

بعد صلعه طلعت اقشرن ما تنحارش كش عليك

شرهه

12-05-2009, 07:08

ارتجاج حائل

هاهاهاهاهاهاهاي

اسكتي بس يا راعية السيريلاك

أبصم بالعشره لو صاير لك موقفي

راح تسوين زيي أو بعد أقشر مني ^_^

‏>‏>لو نسلم من اللقافه تسان ما بنا خلاف

اشرق متصفحي بوجودتس

تحيتي لتس

&^^مهــــا^^&

12-05-2009, 07:50

من قالتس تردين على جواله :d:

بس جاتس تهزيء انما ايه :) <<ياليتني شايفتن وجهتس:a:

لاتعودييينه علشان مايقولون ملقوفه :3ajeeb:

وربي يعطيتس العااااافيه على هيك سالفه حلووه مثلتس

تقبلي ودي,,

ريال الفسحه

12-05-2009, 10:00

الله يقطعتس بعد وجه يالعوبا

طيب ماتبينوه هاتيه ونحرج عليه هنا بالفله :)

أحمد

12-05-2009, 10:26

اقول رجعي الجوال لراعيتوه يالسروقه وانا بديت اشك انتس انتي ام سيقان اللي سرقت جوال خزامى ههههههههههه

مبدعة ياشرهه

حمـود

12-05-2009, 10:40

شرهه

يا ملا ماني قايل

الحين كان تاخرتي عن المحاضرة

ورحتي سلمتي الجوال لمهم

وسلمتي من اللي ما يقدر شعورك

شامان

12-05-2009, 10:50

شرهه

خانوا ،، ذكرتني بأحد مواضيعي

انتي لقيتي جوال طايح وصار فيك كذا

انا بالسوق مع اهلي اذا خابره لقيت بنت وقالتلي يا بابا .. وقدام المدام :)

وعينك ما تشوف النور .. عاد طفل في هالعمر المفروض ما يعرف يسولف .

المهم ،، شرهه خانو ... كان مكمله طيبك ورايحه للسوق وشاريه اغراض البيت بعد

دام صرتي تمونين وتردين على المكالمات n)

اهم شي اذا شفتي 100 ريال طايحه بالأرض خليها لا تاخذينها

علميني وانا اتصرف احد عارف وش راح يحصل بالأرض

حاولي تمشين وتطالعين فوق يمكن تلقين طيارة معلقه بالسماء مو لحداااا

وتقبلي شخابيطي

شرهه

13-05-2009, 01:55

مها نزاهتي قالتلي شيليه و ردي ^_^
أخاف تطلع أمها المتصله وخايفه عليها وابطمنها ^_^>نيتي صافيه

شكرا لمرورك

تحياتي

شرهه

13-05-2009, 02:09

ريال بن فسحه

‏>‏>في ما مضى كنت أمينه

بس في الوقت الحالي أي شي بيقع في يدي وانا ابجيبه

اسفرت و انورت واستهلت وامطرت صفحتي بمرورك

تحيتي لك

شرهه

13-05-2009, 02:13

الجثري قسمن بالله العظيم ماهي أنا و يا علي ما اربح>>>تعرفين تسوقين ^_^

شكرآ لمرورك

تحيتي لك

واحد شقردي

13-05-2009, 02:18

الجثري قسمن بالله العظيم ماهي أنا و يا علي ما اربح>>>تعرفين تسوقين ^_^

قالو الحرمي احلف قال جاني الفرج

من قالك احلفي ولا احد حلفك

ولمتي العصابه قبل الفلقه هههههههههههههههههههههه

عليكي حركات يا النطوله

شرهه

13-05-2009, 02:18

شامان يا ملا الشربه هههههه

وشنوح تزم الوغد ؟؟>>مسويلي فيها حنون يعني >>ليه ما تزخ حدا وغدانك وتزمه ^_^
خخخ

ابشر ابشر خلاص تم

اشرقت صفحتي بشخابيطك
تحيتي لك

شرهه

13-05-2009, 02:21

شقردي ههههه

وجع

أحمد

13-05-2009, 02:25

شقردي

تشوف هالبلوه اللي الله بلانا به مار معطت الدين على طول

اقول انتبه لمخابيك يالعشير واقلب البوك (الصفط) اللي بمخباك الفوقي لاتبين بطاقات الصراف الدعوه مهي مضبوطه

بعد رجلين يالنطوله هههههههههههههه

شرهه

13-05-2009, 02:29

^
^
^
والله شكلي صدق ابصطي عليكم انت و خويك

والله لأجيب عيال الحاره و نروح للرياض و انتم بدواماتكم
بنشلح سياراتكم وبس ابخلي لكم الدركسون

هين هين ..

أحمد

13-05-2009, 02:38

هههههههههههههههههههههههههههههههههههههههه ههههههههههههههههههه

خوذي الدركسون تخلينوه ليه ؟؟؟

واحد شقردي

13-05-2009, 02:43

هههههههههههههههههههههههههههههههههههههههه هههههههههههههههههههههههههههههههههههههههه ه

لا انا ابي الدركسون توني ملبسه مخملي خليه عندي و دركسون الجثري خوذيه عايفه

شرهه

13-05-2009, 02:51

الجثري عشان اخلي لك من ريح سيارتك ..

‏_‏

شقردي ما عليك ابخليه بس اباخذ اللي انت ملبسه
_ و ابلبسه دركسون الدنا حقتنا

غالب

14-05-2009, 02:12

لالالالالا أرجع الجوال وماعلبي منتس
وش هالنصيحه

واستلمي سلامي

شرهه

14-05-2009, 03:50

‏^‏
‏^‏
لوا يلوي حنتس العدو

شكرآ لمرورك

تحيتي لك

فارس الصحراء

17-05-2009, 02:20

ههههههههههههههههههههههههههههههههه

هههههههههههههههههههههههههههههههه

http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)http://www.b-7ooor.com/vb/images/smilies/get-6-2008-xcrcon77.gif (http://www.b-7ooor.com/vb/index.php#)

وش تبين بالجولات والله من زود اللقافه لا وتردين بعد ...

لا حوووووووووووووووووووول ,...

..

ههههههههههههههههههه

والله الفضيحه يا غبصي .. بس

شرهه

17-05-2009, 02:43

‏^‏
‏^‏
‏^‏
ليه فضيحه عادي

وجه إبن فهره فديتن^_^

وش اسوي عاد
إسمه اللي جرت عاد ^_^

تشكر و
مع التحيه

صعوة فسفورية

17-05-2009, 04:07

طيب ماعلمتينا وش نوع الجوال ..وليش الله يهداك .. ترجعينه

لالا انا جعلانة منك .. المرة الثانية لاتعودينها.. :za3lan:

لقيتي جوال ع طول في الشنطة.. :)..

شرهة

n)

كيف حالك ..:)