ثلاث حصواتي..... [الأرشيف]

مشاهدة النسخة كاملة : ثلاث حصواتي.....

هداج

20-07-2002, 20:14

لكل انسان تجارب في هالحياه ....يطيح ويقوم....والنصيحه واجبه وخاصة بالشعر....وهذي مجرد محاوله ......عسى انها تكون قد المقام...

رميت بالدنيا ثلاث احصواتي****واخذت بالتجريب منهن شهادات

ذكرتهن للي يريد النجاتي **** نبري بها الذمه قبل فوت الافوات

حيث ان وحده كافيه للمماتي****لكن مثلي يردعنه ولا مات

ومن ذاقهن ياذيب يصبح يهاتي****هيهات يلقى نوم هيهات هيهات

بالتجربه خضنا طريق الحياتي***نعوم ما ندري عن المستكنات

هذي ثلاث دروب ومجرباتي **** ان كان لك شرهه بكسب العلامات

صارن بقلب الذيب رمح الزناتي **** والهيس مرنه وعدن سلامات

الاوله زيـزومة المغـرياتي **** زخارف الدنيا سراب بمضمات

حضارة تجرفك للمهملاتي ****وان ساقتك ياذيب شفت الاهانات

الدوبحه تقطع ظهور الرماتي **** لا صار ما للصيد بالقاع متقات

والثانيه جنب وتاخذ براتي **** وان طحت ماترحم تذوق المرارات

الدين سقم العين لو كان شاتي **** ماتظمن الدنيا تضيق الملفات

وان قل مابيديك شين اصفاتي **** نيشان مرمى بين مبغض وشمات

والثالثه صحبة قضيف العباتي **** وان جت ليال الغدر ينسى الذي فات

تروح صحبتكم وما فات ماتي **** والصبح مع غيرك يروج دعايات

حنظل ولو تسقيه مي الفراتي **** عرق خبيث وعلته بالبدايات

هذي وصاتي كان تقضب وصاتي **** واختر طريقك يوم جتك الخيارات

حيث اننا ياذيب مثل المراتي **** بالصوت والصوره تشوف الاشارات

ومن ذاق سم الداب خاف العصاتي **** والحبل الارقط مايبي له مراوات

قول الحكيم اللي يفت الصفاتي **** للداب وشجرته تجنب مسافات

nاقوال فيها للحقايق ثباتي **** ماهي علوم روجوها عرب سات

هذي علومي قبل تدني وفاتي **** فتحت قدامك جميع الملفات

وسلامتكم

اخوكم / هــــــداج

ابو خالد الجربا

20-07-2002, 20:22

هذي ثلاث دروب ومجرباتي **** ان كان لك شرهه بكسب العلامات

صارن بقلب الذيب رمح الزناتي **** والهيس مرنه وعدن سلامات

الاوله زيـزومة المغـرياتي **** زخارف الدنيا سراب بمضمات

والثانيه جنب وتاخذ براتي **** وان طحت ماترحم تذوق المرارات

الدين سقم العين لو كان شاتي **** ماتظمن الدنيا تضيق الملفات

والثالثه صحبة قضيف العباتي **** وان جت ليال الغدر ينسى الذي فات

تروح صحبتكم وما فات ماتي *** والصبح مع غيرك يروج دعايات

حنظل ولو تسقيه مي الفراتي **** عرق خبيث وعلته بالبدايات

اخي هداج

اسلوب غني بمايحويه

تشكر على هذه الدرة الثمينة

ونحن بحاجة لمثل هذا القصائد

لك الحب كما تحب

اخوكم

yousifalmarzouq

20-07-2002, 22:20

صح لســـــــــــــــــــ اخوي هداج ـــــــــــــــــــــانك

والله يعطيك العافيه

اخوك يوسف

الاصمعي

20-07-2002, 23:18

الدوبحه تقطع ظهور الرماتي **** لا صار ما للصيد بالقاع متقات

الدين سقم العين لو كان شاتي

ومن ذاق سم الداب خاف (((العصاتي**** والحبل الارقط)) مايبي له مراوات

قول الحكيم اللي يفت الصفاتي **** للداب وشجرته تجنب مسافات
قال الشجره هذي فيها داب قال (اترك الداب شجرته)

لله درك مااجمل هذه القصيده (النصيحه)
صح لســــــــــــــــــــــــــــــــــــــ ــانك مليوووووووووووووووووون
صح لســــــــــــــــــــــــــــــــــــــ ـانك مليوووووووووووووووووون

صح لســــــــــــــــــــــــــــــــــــــ ــانك مليوووووووووووووووووون
صح لســــــــــــــــــــــــــــــــــــــ ــانك مليوووووووووووووووووون
صح لســــــــــــــــــــــــــــــــــــــ ــانك مليوووووووووووووووووون
صح لســــــــــــــــــــــــــــــــــــــ ــانك مليوووووووووووووووووون

الاصمعي لازم يعرف صاحب هذه (الدره) القصيده لاكن متى الله أعلم؟

العنوود

21-07-2002, 00:47

الأخ

هداج

ثلاث حصواتي كانت نعم النصيحه

قصيدة رائعـــــــة

صح لسانك ولا هنت

تقبل تحياتي

أختـــك000الغاليــــــة

غريب الروح

21-07-2002, 00:56

صح لسانك على هذه
القصيده الرائعة وماتحويه
من نصح وارشاد
سلمت لنا ايها الغالي

اخوك غريب الروح

تبي تشوف الذل في صورته صح
شف دمعة الفرقا على خد رجال

راكان العياده

21-07-2002, 09:31

الاوله زيـزومة المغـرياتي **** زخارف الدنيا سراب بمضمات

والثانيه جنب وتاخذ براتي **** وان طحت ماترحم تذوق المرارات

الدين سقم العين لو كان شاتي **** ماتظمن الدنيا تضيق الملفات

والثالثه صحبة قضيف العباتي **** وان جت ليال الغدر ينسى الذي فات

تروح صحبتكم وما فات ماتي **** والصبح مع غيرك يروج دعايات

حنظل ولو تسقيه مي الفراتي **** عرق خبيث وعلته بالبدايات

اخي هدااااااااج\n
صح لسااااااااااااانك على هالابيااااااااات

وبصراحة ماهن ثلاث حصوات الا ثلاث احجار كريمة يااااااااااقوت زمرد

الا والله انها درر والدرة ما يجيبها الا( غطاس) وانا اقول يجيبها هداااااااج

تقبل تحياتي

اخوك:

خلف الجهيران

21-07-2002, 11:29

ياسلام عليك اخوي الفاضل

هداج

الله يعطيك العافيه

روعه

قمه

سلمت وسلمن اناملك

بشير اللويش

21-07-2002, 21:33

اخي الغالي

هداج

فعلا اسم على مسمى

لاهنت على المشاركه

والف مليون صح لسانك

سجل اعجابي

وتستاهل التثبيت هذه القصيده لروعتها

ولجودتها

ولقوة معانيها

تقل تحيات اخوك الصغير

الراسي

عبيد الزقروطي

24-07-2002, 08:44

صح السانك يااخ "هداج"
قصيده بكامل الروعه.

جميله لها طابع خاص عذبه الكلمات.
مهما وصفت فيها سوف اكون مقصر بحقها.
وامتعنا بجديدك وانا بأنتظارك

هداج

25-07-2002, 18:19

صح بدن الجميع : ابو خالد الجربا.....وفيصل اللويش....و yousifalmarzouq ............والاصمعي.....والغاليه......وغريب الروح......ومحمد الربع .......وراكان العياده.......وخلف الجهيران ....وبشـــــــــير اللويش.....وعبيد الزقروطي.........

والله يكثر من امثالكم يا اهل الطيب ....لكم معروف علي ..بها الاستقبال الطيب والتشجيع والتفاعل المنقطع النظير......شكرا لكل عضو في هذه المضايف ومشرفينها .......

لا املك من الكلام لكم ايفي بحقكم...الا ان اقول شكرا ثم شكرا....

اخوكم /هداج

.

فلاح العماش

27-07-2002, 01:06

هداج

الله يبيض وجهك يالغالي

والله لايهينك

عز الله قصيده رااائعه

ونصيحه غاليه من أخ غالي

دمت وألف شكر

أخوك /

فلاح العماش

فلاح السعد

27-07-2002, 15:03

اخي هداج

صح لســــــــــــــــــــــــانك

اتمنى لو ان المعاني لو اقبلت كجموع الجيش الذي يتقدمه فارساً لايهاب الموت وهو من كتب اسمه عبر التاريج بحروف من ذهب وعندما رحل بكى رحيله الجميع لانه ولو رأي الناس غيره هو الاوحد اقول اتمنى لو ان الكلمات تستطيع ان تصف تلك المعلقه التي انت اهديتنا اياها ايها الاخ العزيز ولكن هيهات

استبيحك عذراً وانا اسفاً من قصوري

ولكن انت كريم ونحن نستاهل ولك مي جزيل الشكر

اخوك فلاح السعد

النسناس

29-07-2002, 02:49

اخوي الاصمعي وش لي عندك واعلمك منهو صاحب هالدرة (( هداج ))

ولا وش رايك يا هداج تدفع اكثرواسكت .

هداج

30-07-2002, 00:02

الاخ / سنجار ....صح بدنك يالغالي....ولاهنت بمرورك الكريم على القصيده وهذا يزيدني شرف.....وشكرا لك

الاخ / فلاح العماش ....لاهنت يالغالي ...وصح بدنك....وشكرا لك ونتشرف بشهادتك ...وشكرا لمرورك الكريم

الاخ الغالي /فلاح السعد ......شكرا للاطراء ....وماقصرت ...القصور منا....وكلماتك وخواطرك شرف ووسام للقصيده وراعيها......اشكرك شكر خاص لمرورك الكريم.....وان شاء الله نكون عند حسن الظن..

الاخ / النسناس ......مبها شي لو علمت علي.....انا وانت واحد اكثر من عشر سنين......انا اخوك الصغير.....آمر .....تدلل.....ويستاهل الاصمعي

واذا هي بالدفع ..... اطلب يالنسناس وانا ممنون ....لين تسكت ‍‍‍‍‍‍‍‍‍‍‍‍‍‍‍‍.؟.؟.؟.؟