مساويك أبو حسن [الأرشيف]

مشاهدة النسخة كاملة : مساويك أبو حسن

ابو عارف

09-05-2009, 23:18

ياليل العير

يسلم عليكم أبو حسن توه جاي من العمرة وعنده مساويك الي يبي يلقاوه في مكتب المتقاعدين برأس تنورة القابلة معشينه هناك.

والله يالربه هالآدمي ماهو صاحي يقول ماخليت مستشفى بالرياض مادخلته أدور عليك يا أبو عارف، قلت ليه بالرياض الرياض هذي ماطبيته من عام 73 .

قال قريت بالجريدة أن فيه باكستاني عضه قسقس مسعور في مكه وجابوه خوياه ومات بالرياض وقلت هذا هو خويي أبو عارف يحسبونه باكستاني هو الي عضه السبع المغلوث.

لا ويحاكينن من جد وهو منفعل ومطير غيونه بي ويقول الحمد لله ألي ماهو أنت والله لوهو أنت كان خسارة كبيرة لكن الحمدلله صار فعلاً باكستاني.

قلت متى رحت للعمرة قال يوم الإثنين الماضي ركبت أنا وأم حسن وواحدة من بناتي الله يسلمك يوم صلينا العصر يوم الإثنين قلت أركبو ويوم ركبو ومعنا جميع ماتشتهيه نفسك حتى حب السبال معنا مادري ويشو حب السبال.

يقول ويوم ركبنا الله يسلمك وحنا نلف على محطة البنزين نبي نعبي بنزين قلت ليه ماتعبي ديزل ههههههههههههه.

قال لا سيارتي بنزين 91 الأخضر قلت أبو حسن أسألك متى رحت عمره ما أسألك عن البنزين قال إيه بس جايك بالكلام ويوم وصلنا للمحطة حقة أم الساهك وحنا نوقف. قلت بس وقف هنا أقام الصلاة نبي نصلي قال لا بس خلن أعلمك ويش صار معنا قلت ويش صار سعيد أو سيٌد.

قال يوم عبينا بنزين يمار السيارة مغبرة تخبر يوم السبت جانا غبار قوي قلت وبعدين قال قلت غسل السيارة من براء بس لاتفتح البيبان حرمتي داخل أقول لراجو قالزين.

قلت صلوا الربع قال إيوالله بس خلن أكمل ونصلي هنا جمع أنا مسافر قلت للساع ماسافرت أنت عند المحطه قال لا الله يسلمك هذا يوم الإثنين الماضي هالحكي مو هالحين.

المهم صار يغسل وأنا رحت للبقالة ابي أشتري جح أثري الحريم ذبحهن الحر داخل السيارة ونزلن ورجعن للبيت مشي ويش تبي بطويله يقول يوم جيت قلت خلصت فال إيه كلاص حطيت الجح خلف وشغلت ومشيت للعمره وأقوم أغني ويوم اقبلت على محطة التسهيلات على طريق الرياض يمار فيه نقطة تفتيش قلت عزالله رحنا فيها الإستمارة طايفه بس أخبر العسكر يحترمون خصوصية العوائل.

يوم جيت النقطة قال جيب الرخصة والإستمارة قلت يخوي حنا حجاج وعوائل وكل شيء عندنا زين يقول قال حجاج في شهر جمادى الآخرة وعوائل بعد قلت معتمرين عمره عمره إسأل أم حسن أم حسن يمار مافيه أحد قلت نامو وأقوم التفت يمار مامعي أحد قلت تكفى ياولد مرتي وبنتي خطفن أويلييييييه قال ويش تقول قلت مرتي كانت معي وبنتي وقفت عند المحطة بأم الساهك وأكيد خطفو.

قلت أنا خلهم يولون خطفة قسقس خلنا نصلي بس وعمرة مقبولة والله وأنا أقطع عليه السالفة المافسة,

وسلامتكم.

بنت الجبل آخت القصيد

09-05-2009, 23:42

وش صار طيب

رجعن لهن او لا

<<<<متحمسه

ماش شكلوه الشويب مشى وخلاهن

.
.

حمـود

09-05-2009, 23:56

88
888

انا مثل الاخت اللي فوق

وازيد

شكله حساوي زي ريال

سلمت اناملك يا عم ابو عارف

ليلى بنت عبدالعزيز

10-05-2009, 00:30

وبعدين عمووو

صدىاجا

10-05-2009, 01:22

هذي السالفة ومتى القصيدة ياعمي

واحد شقردي

10-05-2009, 02:16

حضور تسجيل عيوني طاحت يا ابو عارف لي عوده باذن الله

ريتاج

10-05-2009, 02:37

اكمل يااعموو ..

اكمل ...

<< قرون الاستشعاار نقزن<< ماالت الشفاايه

شيييييييييع

بشير اللويش

10-05-2009, 03:28

ابو عارف

الغلا

الله يانا مشتاق لك

على شان هلّون ياليت تكمل سالفتك

تقل حتسيك جاز لي :)

وياخوك ذبحتن الشفاه ( من التشفي وليس من الشفايف <<< توضيح للحواطى :)

اخوك

فتى البيداء

10-05-2009, 04:34

ابوعارف هالأبوحسن مهب فاكنا من شره ؟؟ << شاري أزبوريات الله يكرمك وتهدد على أي أحد

يعني هو مافتح عيونه ألا عند نقطة التفتيش ؟؟

أخافنه مثل عجوز من قرايبنا .. معروفه بالسجه .. يقولون أنه مرة تبي تروح مع ولد بنته ..

هي وعجزاً معه .. أثاري السيارة مفتوحه .. وركبن العجز .. وهي تركب مكان السواق ..

وتراعي لدركسون .. وتقول هذا وش جابه عندي ؟ << تحسب روحه وراى ..

ابوعارف كمل عسى ابوحسن للوهم ..

ابو عارف

10-05-2009, 05:58

عطر القصيد
الناصر
ليالي2007
صدىاجا
ريتاج حايل
بشير اللويش
الفتى
صبحكم الله بالحير
كلكم شفايين خلصت السالفة قطعناه عليه غصب وإلا كان إلى هالحين وهو يحكي أكيد يبي يقضي البنزين مرة أخرى ويمر على أحد هالمحطات ويسوي سالفة أخرى مسلسل وضحى وابن عجلان وأنا وإياو صايرين مثل فليحان ومكارى سوالف تجيب المغص ويمكن ما أذكره أن السالفة إنقطعت أخاف يكملها بالتفصيل الممل.

بشير إشتاقة لك الغافيه يالطيب الغالي أيوالله هه.
صدىاجا - جايتك القصيدة

شكراً لكم كلكم الي يبي تالي السالفة يشرفنا الليلة بمركز المتقاعدين برأس تنورة ويأخذها من فم لفم من أفم من أبو حسن مباشرة بس يبتعد عنه شوين عن التطشير والرذاذ خوفاً من إنفلونزا H1N1 الله يحييكم ويخفف عليكم إنفلونزا الشفاية.

والسلام عليكم.

حيل حليل

10-05-2009, 08:15

اويليييييييي يابو حسن عز الله انه تهاووويل

ابو عارف انت وش قردك بهالمقرود
هج عنه يابو عارف ترى ماوراه الا المصايب والفقر

لكن بين انك تغليه هاللي اودعك كل شوين مطريه

ابو عارف

10-05-2009, 08:22

اويليييييييي يابو حسن عز الله انه تهاووويل

ابو عارف انت وش قردك بهالمقرود
هج عنه يابو عارف ترى ماوراه الا المصايب والفقر

لكن بين انك تغليه هاللي اودعك كل شوين مطريه
----------------------------
قصيدة المري مالك إلا الصبر ويش وداكله وشف من زود غلاوه عندي سويت عليه نشيدة حلوه شفها تحت غنوها

شكراً لمرورك الحلو ياحيل حليل لاهنت.
------------------------------------------

يابو حسن مشكور لعطاي مسواك = وعسى الله يقبل عمرتك والجهديا
سبحان من ساوى مع الناس مداك = يالطير الأبيض والمـراح الهدديا
يااااكبر قلبـك والعلابي وماطـاك = وعساك تسلم من عيون الحسديا
بالصدق لولا سنونك الفوق ذولاك = مثل النجوف الي قرونه عمديا
وصلاة ربي عـدد ماشـفت حلياك = بيـن العرب يامسرحين السعديا
والحق مثلك يابو حسن وشـرواك = حسبة رجال و تكملون العدديا

ابو عارف

10-05-2009, 08:23

يابو حسن مشكور لعطاي مسواك = وعسى الله يقبل عمرتك والجهديا
سبحان من ساوى مع الناس مداك = يالطير الأبيض والمـراح الهدديا
يااااكبر قلبـك والعلابي وماطـاك = وعساك تسلم من عيون الحسديا
بالصدق لولا سنونك الفوق ذولاك = مثل النجوف الي قرونه عمديا
وصلاة ربي عـدد ماشـفت حلياك = بيـن العرب يامسرحين السعديا
والحق مثلك يابو حسن وشـرواك = حسبة رجال و تكملون العدديا

ابو عارف

10-05-2009, 08:35

اويليييييييي يابو حسن عز الله انه تهاووويل

ابو عارف انت وش قردك بهالمقرود
هج عنه يابو عارف ترى ماوراه الا المصايب والفقر

لكن بين انك تغليه هاللي اودعك كل شوين مطريه
----------------------------------
مالك إلا الصبر ويش وداك له
شكراً لك حيل حليل على المرور الحلو

أهب يا أبو حسن عيا يضبط تنسيق القصيدة يمكن من الظلم الي فيها:
----------------------------------------

يابو حسن مشكور لعطاي مسواك = وعسى الله يقبل عمرتك والجهديا
سبحان من ساوى مع الناس مداك = يـالطير الأبيض والمـراح الهدديا
يااااكبر قلبـك والعلابي وماطـاك = وعسـاك تسـلم من عـيون الحسديا
بالصدق لولا سنونك الفوق ذولاك = مثـل النجوف الـي قـرونه عمديا
والحق مثلك يابو حسن وشـرواك = حسـبة رجااال و تكملون العـدديا

شرهه

10-05-2009, 08:54

حجز 9

وراجعه لك انت وابو حسن هذا

تحيتي

ابو عارف

10-05-2009, 09:35

حجز 9

وراجعه لك انت وابو حسن هذا

تحيتي
-------------------
ياخلص درس الإنقلش مرينا ننتظرك

Thank you

الشبث

10-05-2009, 13:11

اويلي يابو حسن هذا

ابو عااارف

ودي اجيكم ابي اتفاهم معوه

اعبو بليسوه حتى سالفتوه عيت تجي خخخخخخخخ

لاهنت يا عمدة الفله

وتقلد تحيتي

شام

10-05-2009, 13:19

مساويك ..
صار لي يومين افكر شو يعني مساويك
فكانت مساويك جمع مفرد لـ مسواك ..
دوووم حكاويك حلوة مثل حكي حكواتينا..
يعطيك العافية

ابو خلوف

10-05-2009, 13:59

هههههههههه

ابو عارف الحين هذا ابوحسن هو جارك النشبه ولاغيروه

ابو عارف

10-05-2009, 14:24

اويلي يابو حسن هذا

ابو عااارف

ودي اجيكم ابي اتفاهم معوه

اعبو بليسوه حتى سالفتوه عيت تجي خخخخخخخخ

لاهنت يا عمدة الفله

وتقلد تحيتي
---------------------------
هلا بمستشارنا شبيثان
أبي منك حاجتين بس
1- تجي تفاهم مع أبو حسن هذا و تخلصنا منه
2- تكتب تحت توقيعي عمدة المضايف أو عمدة الفلة
شكراً لك لاهنت.

ابو عارف

10-05-2009, 14:27

مساويك ..
صار لي يومين افكر شو يعني مساويك
فكانت مساويك جمع مفرد لـ مسواك ..
دوووم حكاويك حلوة مثل حكي حكواتينا..
يعطيك العافية
-------------------------
نعم هو السواك أو عود الإراك
يجيبونه المعتمرين هداياء

ماتبين نزوجك أبو حسن؟

بس خايف ينساك في أحد هالمحطات ويمشي.

شكراً لك شموسه مضايفنا شام

ابو عارف

10-05-2009, 14:28

هههههههههه

ابو عارف الحين هذا ابوحسن هو جارك النشبه ولاغيروه
----------------------------
شكلك حولنا يا أبو خلوف؟

لا لا غيره يبعد الحوم

شكراً لك أما نشبه نشبه

شرهه

10-05-2009, 21:02

ابو عارف

10-05-2009, 22:12

هاهاهاهاهاهاهاهاهاهاي
يابو عارف الله ياخذ بليسك ليه ما خليته يكمل >>>> شكل صاحبك ماهو خلي فاقد هع

أما يجمع و هم بوسط الديره >>>هذي لحاله سالفه

لا هنت على هالسوالف الرائعه

تحيتي لك

العقيد ركن شرهه
-------------------------------
الله مار يسلمك ياشرهه
ماتخلص سوالف أبو حسن ولامنها فايده.

أقول ماتعطينن هالذلول الي بس تدرهم في توقيعك مثل ركض أبو حسن؟

شكراً لك لاهنتي

ابو عارف

10-05-2009, 22:29

مادريتو ويش عمل فينا أبو حسن الليلة؟

تعالوا أخبركم حتى تعرفون أبو حسن زين وثاني مره ماتعزمونه أبد

قايلين له من البارح عشاك مستوي في مركز المتقاعدين برأس تنورة الساعة 9 مساءً ولكن ابو حسن حتى هذه اللحظة لم يشرفنا ونزهم عليه ولايجاوبنا وأرسلنا له واحد إلى بيته ولقاوه راقد نائم يقول أسمع شخيره وأنا بالشارع.

المرسال المندوب أصر على أهله أن يقومونه ويقولون له أن الربع

ينتظرونك على العشاء في مركز المتقاعدين الذي يبعد عن بيته 500 متر فقط ولكن أبو حسن طلع للمندوب عند الباب بالفانيلا والسروال وقال للمندوب سلملي على أبو عارف والربع وقلهم بأنني لقيد عشاء العيال روبيان وتعشيت وخلهم يتعشون وقل لهم شكراً ماقصرتوا وبكرى إن شاء الله أتعشاء معهم وأسولف عليهم سالفتي بهالعمره.

وقال له أيضاً مادريت إنني نسيت أم حسن والبنت بالبيت ولافقدتهم إلا عند نقطة التفتيش على طريق الرياض هههههههههههههه يضحك أبو حسن يدقه ساعة ونصف سالفة العمرة وأحداثها وحنا هنا نناظر للأكل و نبتسي على خسارتنا بجارنا ألي ماثمن عزيمتنا على شأن كيلو روبيان حنا ويش نعمل مع هالبلشة وذابحنا الجوع نتحراء مقدمه الميمون.

لا ويقول بكرا أتعشاء عندهم.

فهد الجنيدي

10-05-2009, 22:54

أبو أرف
خل أبو هسن يشبل نوتة
و يسجل مرة ثاني
مين يركب و مين ينزل

ابو عارف

10-05-2009, 23:02

أبو أرف
خل أبو هسن يشبل نوتة
و يسجل مرة ثاني
مين يركب و مين ينزل
----------------------------
أنت ويش تقول؟
رح تعلم عربي وتعال تكلم زين

وإذا الأمر مهم كلم 999

شكراً راجو

يـــوسف

10-05-2009, 23:40

خالي ياعزتي لك أنت وحظك اللي خلاك تخاوي هالنزغه :)

مابوه حيله هذا لو يبطي وهو عشيرن لك الله العالم انك ياخالي تبي تهج عن رحيمه وتخليه له :)

عاد خله يتولج خلق الله

توسد إحترامي

أحمد

11-05-2009, 01:00

ابو عارف شف ياخالي عشانك بس

اعطن رقم لوحة سيارة الموذي هذا وخلوه يدخل الرياض ومن باتسر انت ماعليك الاتقراء جريدة عكاض صفحة الحوادث

صار لي يومين افكر شو يعني مساويك

خالي ودي اوضح لشمس المضايف وش معنى مساويك

مساويك سلمتس الله يعني انا وحمود الناصر ومنصور العطاوي واقفين جنب بعض خخخخخ

تري مكاسي خالي ===> يعني شكراً باحد لغات شرق آسيا احس انه مهي جايزتن لك خخخخخخخ

صدىاجا

11-05-2009, 14:01

ابو عارف

11-05-2009, 14:39

خالي ياعزتي لك أنت وحظك اللي خلاك تخاوي هالنزغه :)

مابوه حيله هذا لو يبطي وهو عشيرن لك الله العالم انك ياخالي تبي تهج عن رحيمه وتخليه له :)

عاد خله يتولج خلق الله

توسد إحترامي
---------------------------
كلامك صحيح يوسف تصدق أعجبني إسم يوسف أول مرة أكتبه أحسب إسمي أبو عارف وبس لا يوم صار إسمي هالزين لاعاد تنادوني إلا ياسمي الذيب يوسف.

شكراً لشعورك النبيل نحو مشكلة خالك .
ماقدامي إلا خيارين لاثالث لهما للتخلص من أبو حسن هذا
واحد الجثري بس بشرط في منطقة الرياض
إثنان لجنة حقوق الإنسان برضه بالرياض

إذاً الحل عندكم بالرياض

شكراً لك يالغالي

ابو عارف

11-05-2009, 14:52

ابو عارف شف ياخالي عشانك بس

اعطن رقم لوحة سيارة الموذي هذا وخلوه يدخل الرياض ومن باتسر انت ماعليك الاتقراء جريدة عكاض صفحة الحوادث

خالي ودي اوضح لشمس المضايف وش معنى مساويك

مساويك سلمتس الله يعني انا وحمود الناصر ومنصور العطاوي واقفين جنب بعض خخخخخ

تري مكاسي خالي ===> يعني شكراً باحد لغات شرق آسيا احس انه مهي جايزتن لك خخخخخخخ
-------------------------------------
أشكرك يالجثري على الإستعداد لتخليصي من أبو حسن ولتوضيح مساويك لشام.
شكلي اليوم رايح اشوف رقم سيارته بس البلشة أحياناً يطلبني السيارة اخاف تفوتبي تأكد من الناب قبل العملية أمسك الناب وهزه إذا هو يرقل فهو أبو ناب .

شكراً لك لاهنت

شام

11-05-2009, 14:54

-------------------------
نعم هو السواك أو عود الإراك
يجيبونه المعتمرين هداياء

ماتبين نزوجك أبو حسن؟

بس خايف ينساك في أحد هالمحطات ويمشي.

شكراً لك شموسه مضايفنا شام

ههههههههههههههههههههههههههههه
لا شكراً .. الله يخلي له ام حسن
بالتوفيق و القلب داعي له...
والسواك عرفته في عندي منه...
مشكور اباعارف
لاعدمناك قديري

شرهه

11-05-2009, 15:01

هههههههههه

شوف ام الزحف

ياخي ابو حسن هذا خيــــذه

الله يهديه و يبصره

زوله زي هالذلول اللي بصورتي >>شكيلي

‏_‏

على فكره قائد ابو ناب

الذلول تحت أمرك

تحيتي لك

ابو عارف

11-05-2009, 15:01

والحق مثلك يابو حسن وشـرواك = حسـبة رجااال و تكملون العـدديا ــــــــــــــ ههههههههههههههههههههههههه

صح لسانك ياشاعر ماكنا شفايين بقدر ماحنا طماعين بهالابيات التي رفع وشوت تحير ابوحسن وامثاله
---------------------------
صحة أبدانك ، عز الله إنك معلم ياصدىاجا
أبو حسن إنبسط على القصيدة بس سألني عن الي قرونه عمديا فقلت له هذا نوع من الأسود يوجد في إستراليا يطارد الناس.

إستأنس الرجال

ياخوي ذبحونا هالخبول تجمعوا عندنا أبو هدس فروة وثوبين وشماغ وشال بالصيف وأبو حسن وبلشنا الله يعين

شكراً لك لاهنت

ابو عارف

11-05-2009, 15:21

هههههههههه

العن ام الزحف

ياخي ابو حسن هذا خيــــذه

الله يهديه و يبصره

زوله زي هالذلول اللي بصورتي >>شكيلي

‏_‏

على فكره قائد ابو ناب

الذلول تحت أمرك

تحيتي لك
------------------------------
شكراً ماقصرتي ياشرهه، بس نوخيها وأعقليها لي إلى متى وهي هاجه أظنها عمياء وصمخاء وتفكر إنها في بداية الميدان.

تقبلي تحياتي

روح حايل

11-05-2009, 15:57

ابو ضاري

11-05-2009, 19:09

قائدي ابو ناب

انت وشتبي بالمقرود ابو حسن ارسله لريال الفسحه خله يتلولس بشوشته

تحياتي واعذرن على التاخير يالغالي

ابو عارف

11-05-2009, 22:39

انا مرتن معرسه وعندي لي كوم وغدان :)

عشان كذا انا طاري ابو حسن يسبب لي النزززززززززززززززغ

لا تلومن يابوعارف والله ابوحسن هذا يضيق الصدر

سويت بحث بالمضايف والله ان ضاق صدري كل ابو سوالفوه ماصله :)

شوفو يالربع .....

إضغط بهذا تجد مايغثكم :) (http://www.shmmr.net/vb/cfmgoogle.php?domains=www.shmmr.net&q=%C3%C8%E6%CD%D3%E4&sitesearch=www.shmmr.net&client=pub-0702493368593915&forid=1&ie=windows-1256&oe=windows-1256&cof=GALT%3A%23FFFF66%3BGL%3A1%3BDIV%3A%23000000%3BVLC%3AF2984C%3BAH%3Acenter%3BB GC%3A333333%3BLBGC%3A37352E%3BALC%3AFFFFCC%3BLC%3AFFFFCC%3BT%3ACCCCCC%3BGFNT%3AC 3D9FF%3BGIMP%3AC3D9FF%3BLH%3A24%3BLW%3A35%3BL%3Ahttp%3A%2F%2Fwww.shmmr.net%2Fvb% 2Fimages%2Faja%2Fstatusicon%2Fforum_new.gif%3BS%3Ahttp%3A%2F%2Fshmmr.net%3BLP%3A 1%3BFORID%3A11&hl=ar)
----------------------------------
كشتس براطم ياروح حايل والله إني قرفت من مواضيعي عقب هالإحصائية أنتي من أين جمعتيهن حسبي الله على إبليسك يا أم حسن أقصد يا أم براطم ماهي بعيدة عن سوالفي عن أبو حسن تغث وتجيب عشاء بارحت لوووووووووووووولا.

خلاص ماعاد تسمعين شيء عن ابو حسن بعد اليوم إلا كان تعازي.

شكراً لك لاتعودين التجسس والتحسس على أبو ناب

ابو عارف

11-05-2009, 22:41

قائدي ابو ناب

انت وشتبي بالمقرود ابو حسن ارسله لريال الفسحه خله يتلولس بشوشته

تحياتي واعذرن على التاخير يالغالي
-----------------------------
لاداعي للإعتذار الثقة موجودة وافي يالضاري11
إنتهى موضوع أبو حسن فشلتني روح حايل هي وهالبراطم الي تقل ملازم كشه.

شكراً لك لاهنت.

ابو ضاري

12-05-2009, 00:14

ماعليك من ام الهكي

ارق سنود يابو عارف

مع تحيات خويي ابو وادي

ابو عارف

12-05-2009, 06:55

ماعليك من ام الهكي

ارق سنود يابو عارف

مع تحيات خويي ابو وادي
---------------------------
تعيش والله يالضاري لاعدمتك

شكراً لك وسلم على أبو وادي

تقبل التحيه

روح حايل

12-05-2009, 09:26

شنوحكم علي :( برطم من خلق الله تعالى ، يعني لا صار الشي طبيعي تكسرون مجاديفوه :)

شامان

12-05-2009, 11:06

ابو عارف

12-05-2009, 11:16

شنوحكم علي :( برطم من خلق الله تعالى ، يعني لا صار الشي طبيعي تكسرون مجاديفوه :)
----------------------------
لا لا أبد ربنا أحسن خلقنا ومتأكد بأن روح حايل مزيونة بس تغطي خايفة من الحسد مثلي حسدوني على هالناب واليوم أبي اشيله الحقه خوياه.

عدم المواخذه ورح روح حايل لاهنتي.

لو ما أنتي متزوجه كان عرضت على أبو حسن يخطبك.

ابو عارف

12-05-2009, 11:21

عمو ابو عارف

ابو حسن صديقك ما هو ناوي يشارك بالمضايف

ودنا نتعرف عليه :)

عموو قبل التقاعد كان كذا والا فقط بعد التقاعد ؟؟

علمنا علشان في بعض الربع ناوين يتقاعدون هل المسأله لها علاقة بالتقاعد

-------------------------------
يقول إنه قبل التقاعد كان يأكل كبلو سمك فقط واليوم يقول مايكفيه 3 كيلو.
ويحب التسكع البريء.

شكراً لك أبو فواز على الإهتمام

فتى البيداء

12-05-2009, 12:34

البوعارف وأنا أقراء ألتفت تحت أسمك مار ألقاء معك مخالفة وش السالفه ؟؟

لاتصير قامزن العقم ..

ابو عارف

12-05-2009, 14:30

البوعارف وأنا أقراء ألتفت تحت أسمك مار ألقاء معك مخالفة وش السالفه ؟؟

لاتصير قامزن العقم ..
--------------------------------
طحت بمثلث برمودا

شكراً لك لاهنت

غالب

14-05-2009, 02:01

عزا الله إن هالأبوحسن سيد الماقسين

واستلم سلامي