النصر يرد ببيان على حديث الرئيس الهلالي [الأرشيف]

منصور الـ ع ـطآوي

03-05-2009, 01:14

استغرب النصراويون من حديث الرئيس الهلالي الأمير عبدالرحمن بن مساعد أمس الأول والذي طالب من خلاله من لاعبي الأندية الأخرى عدم إصابة لاعبي فريقه ومن ثم زيارتهم في المستشفى وذلك في بيان نصراوي جاء فيه:
"اطلعنا باستغراب بالغ على التصريحات التي تحدث بها رئيس نادي الهلال والتي مارس فيها اسقاطاته على عدد من الجهات من ضمنها نادي النصر، حيث تحدث عن إصابة الفريدي التي جاءت بلا قصد ومثل هذه الإصابات تحدث كثيراً في ملاعب كرة القدم والشواهد على ذلك عديدة، لعل من أبرزها عندما خسر المنتخب ونادي النصر المهاجم الدولي سعد الحارثي بإصابة أشد صعوبة من الفريدي ورغم ذلك اعتبرناها قضاء وقدر لأن كرة القدم هي لعبة رجولية واردة فيها مثل هذه الإصابات".
وتابع البيان النصراوي: "أما استهجانه لزيارة رئيس النادي الأمير فيصل بن عبدالرحمن ونائبه الأمير فيصل بن تركي للاعب الفريدي بعد المباراة مباشرة فإننا نوضح أن هذه أخلاقياتنا في النصر ولن نحيد عنها أبداً وسنستمر عليها، وإدارة نادي النصر إذ تبين ذلك فإنها نؤكد على ضرورة التحلي بالروح الرياضية وتعميق أواصر المحبة والتقارب بين الجميع.

منصور الـ ع ـطآوي

03-05-2009, 01:17

و ردي على كلام النصر

اول شي الكرة على بعد مسافة من الاعب أحمد الفريدي وتقولون أنه غير مقصوده !!

ثاني شي فيه فرق بين العب الرجولي اثناء الاصابه والعب الغير رجولي وهو العب على قدم الاعب دون العب على الكره كدخول الاعب ريان بلال على الفريدي

ثالث شي أكيد أن كل شي قضاء وقدر ولكن ليس من المنطق أن تعيق لاعب في نصف الملعب من الخلف وبالذات أنها هجمه ميته هذا الإنذفاع الخشن؟

الشبث

03-05-2009, 01:26

يا اخ منصور

مادري وشفيكن تتأثرون بأي كلمه يقوله غشمشم

هالحين مافيه لاعب يصاااب

مافيه حماس بالكوره

مافيه قضاء وقدر فوق كل شي

ياخي ردك هذا غير منطقي اصلا

لو كان ريان قاصد انه يصيب الفريدي كان حط قدمه على ساق الفريدي

لكن هو زحلق بجنب الفريدي والفريدي حضن على الكوره واصيب

يعني صراع على الكوره

ولا تدخل في ذمم الخلق الله يجزاك خير

وبعدين اصابة ماجد عبدالله ضد الشريده محد قال ان الشريده قاصد

واصابة الهريفي ضد شويش محد قال انوه قاصد

ويوم اصيب الشريده من كنيدي

قبست العالم وقالوا يبي يذبحوه كيندي وينتقم لماجد

خخخخخخخخخخخخخخخخخخخخخخخخخخخخخخخخخخخخخخخخ خخ

وهالحين عقب هالثلاثيه الشبابيه قمتوا تحتسون

والله من وجعه بس

خخخخخخخخخخخخخخخخخخخخخخخخخخخخخخخخ

ياخي كلم العاقل بما يعقل الله يجزاك خير

بس وش نقول غير انه العقليه الهلالييه

وتقلد تحيتي

منصور الـ ع ـطآوي

03-05-2009, 01:29

^

^

^

ارجع وشوف المباره شكلك ما شفتها

و بعدين روح شوف النصر واحد يتكلم على الثاني

هههههههههههههههههههههههههههههههههههههههه ههههههههه

عبسي

03-05-2009, 02:21

ههههههههههههههههههه

والله مساكيييييييييين النصراويين أنتهى الموسم وهم لألحينهم بيانات

يرجال لو تبي تنقل بياناتهم تتعب يامنصور .....

فهد الجنيدي

03-05-2009, 02:32

كلام رئيس مال نصر صهيه
وأنامن ألهين أعلن
أنا مافيه هلالي
أنا نصرواي
فريق هلال وجد كرطي

منصور الـ ع ـطآوي

03-05-2009, 02:36

^

^

^

راجو

روح العب كريكت احسن لك

انت كل الي عندك خرطي في خرطي يا خرطي

ابو ضاري

03-05-2009, 10:19

الروح الرياضيه ياشباب بدون عصبيه

ماندري وش النيات الله اعلم

عبدالله الجعيثن

03-05-2009, 11:44

الغلط على النصر

ماهو عشان التكسير

عشانهم ردوا على غشمشم...ولا هذا فيد رد!!!

لوهم سافهينه احسن

وووو...غشمشم وينه...بالا..!!!! او ماهي هاللون:)

منصور الـ ع ـطآوي

03-05-2009, 12:09

^

^

والله مسكين الي يعطي النصر اكبر من حجمه

يا جمهور الشمس ارجوكم ثم ارجوكم << ههههههههههههههههههههههههههههههههههه

هذا كلام هههههههههههههههههههههههههههههههههههه

الله يخلف عليكم بس

من لاعبين و اداره فاشلين

ههههههههههههههههههههههههههههههههههههههه

عبدالله الجعيثن

03-05-2009, 12:12

^
^

انت توخر شوين...ولا اصوّت لعلي الحسن..يدغدغك!!!

منصور الـ ع ـطآوي

03-05-2009, 12:18

^

^

ههههههههههههههههههههههههههه

ابشر طال عمرك

حيل حليل

03-05-2009, 15:22

واحلولاة من نش علبى ابو بلال
عشان انه فكنا من هالغثيث
قسم بالله بديت اعيف الهلال من هالاشكال
مسوي فيها ابو يعقوب الله يصلحه
تبطــــــــــــــــــــي والله ان تبطي

لكن والله ماكاسر خاطري بهالموسم الا عبدالرحمن بن مساعد
حط ثقته بناس ماهم كفو
يالله عسى الله يعوضنا خير باسيا

لاهنت ياولد الطيب

بسمة العز

03-05-2009, 21:15

يعطيك العافيه اخوي منصور..

وبصراحه انا مع كلام.. الجعيثن..ان النصر غلطانيين
ليش ينزلون بيان..؟؟
السالفه ماتستاهل..
كل الناس انصابت مو بس لاعبين الهلال ومحد اشتكى

بس الهلال يبون اعتذار ع الهواء مباشره

يحسبون النصر لجنة الحكام و الا القناه الرياضيه السعوديه

هههههههههههههه

يسلموو ع الخبر

احتــراامي لك

منصور الـ ع ـطآوي

03-05-2009, 21:19

^

^

الى اللحين اثنين راحو من الهلال

و الله يستر من الباقي الموسم

و كله موجود و مصور وشوفي بعينك يا بسمه

بسمة العز

03-05-2009, 21:27

بس اثنين؟؟
اجل حنا وش نقول انتهى الموسم http://smilies.roro44.com/sad/126.gif
وماشفنا لاعبيينا http://smilies.roro44.com/sad/147.gif

الله يعين..

منصور الـ ع ـطآوي

03-05-2009, 21:48

بس حنا عندنا كاس اسياء

يعني لازم نحافظ عليهم

و الاثنين كلهم ما يلعبون الى نهاية الموسم

الشبث

03-05-2009, 23:07

منصووور

الله العالم انت قمت تقط خيط وخيط عقب الثلاثه

ياخي وش فيها اذا اصيب واحد بالمباراة

هذا جزاء ادارة النصر انه تزور لاعبك المصاب بالمستشفى تقول عنهم كذا يا غشمشم يا قليل التربيه

والله كلام فاضي

لكن انا مع كلام اخوي ابو غازي والاخت بسمه

اصلا مهو كفو واحد يرد عليه لانه ما تكلم الا عقب مباراة الشباب

باتسر يصاب العنبر ولا الصويلح ونبلش خخخخخخخخخخخخ

ياخي هذا النصر اصيب منه الكويكبي والحارثي وعادي ما صجوا الدنيا

والاتحاد اصيب مبروك ضد الهلال وكريري وعادي محد تكلم

منصور صحيح

ليه صايرين الهلال ما يستحون وسخيفين

شي يغبن والله خخخخخخخخخخخ

وتقلد تحيتي

منصور الـ ع ـطآوي

03-05-2009, 23:28

الشبث

سمو الامير الشاعر عبدالرحمن بن مساعد

رد على تصريح النصر

و الزبده فيها

الي على راسه بطحه يتحسسها

و يقول اكبر دليل اني ما اقصد النصر رادوي

و بس الي ببطنه ريح ما يستريح

و النصر هو الي فضح روحه

هههههههههههههههههههههههههههههههههههههههه ههههه

ياحليلكم يالنصراوين

هههههههههههههههههههههههههههههههههههه

يقولون نصر مشجعين النصر بمستشفى النفسيه عشان جتهم بطوله ولا جاهم شي عقبه

ما يقدرون يصبرون مثل اول

هههههههههههههههههههههههههههههههههههههههه هههههه

الشبث

04-05-2009, 00:03

منصور

لا ننصب على بعض

سمو الامير ومدري وشو وهو قطعة تسذوبن اربد غشمشم خخخخخخخخخخخخخخخخخ

خطابوه بين وهو مسوي نفسوه ذكي وهو اكبر خسيس

وش قصدوه يوم يقول يصيبون لاعبينا بالملعب ويصالحونا بالمستشفى

وش هالكلام

منصووور

اعقل

ياخي مافيه نادي اصيبوا لاعبينوه الا الهلال

وين انت جالس

وش تتابع انت

وش فرق الهلال عن باقي الفرق

لا تقولي بطولة اسيا

لانه اصلا مباراتين ولا ثلاث وبينطق ويجيب لنا فضيحه زي العاده ويرجع

لا تهايط يعنني مثل الاتحاد

فيه هلالي قال يبه متى نلعب بالعالميه

قال ابوه ياولدي ليامنك كبرت وطلع لك شنب مثل الرجال خخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخ

وتقلد تحيتي

منصور الـ ع ـطآوي

04-05-2009, 02:55

^

^

^

الرجوله و العالميه

تاركينه للنصر الي كل واحد حاط حرته بالثاني اخرتها ما طلع فيكم رجااال

يقولك فيه بيان نصراوي توه طلع سمعت بوه

البيان يقول

جماهيرنا الوفية نحن سنهبط للاولى كي نحقق حلمكم الكبير بتحقيق بطولة
فإن تعذر فلا تقلقوا سنحاول في الدرجة الثانيه المهم ان نفي بوعدنا لكم

هههههههههههههههههههههههههههههههههههههههه هههههههه

و اشك انكم تجيبون شي من الدرجه الاولى

هههههههههههههههههههههههههههههههههههههههه هههههههه

الشبث

04-05-2009, 04:30

8
8

حلوووووووووووووووووو

انت بديت نكت اجل لا تحذف هاااااااااااااااه

مهو اذا بتسيتك تقوم تحذف خخخخخخخخخخخخخخخخخخخخخخخخخخ

تدري ليه الحظ هكا اليوم ما خدم الهلال ضد الشباب

يقولك كان سهران مع ياسر شعطوط وكثر وضيع الملعب وراح لجده فزع مع الاتحاد

خخخخخخخخخخخخخخخخخخخخخخخخخخخخخخخخخخخخخخخخ خخخخخخخخخ

يقولك

السيده سميره محمود تتكفل بعلاج الكابتن ياسر القحطاني من الحاله النفسيه التي يمر بها

في ارقى استراحات الخرج وعلى نفقتها الخاصه

خخخخخخخخخخخخخخخخخخخخخخخخخخخخخخخخخخخخخخخخ خخخ

خخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخ

راجع لك بكم نكتبه ليما تبتسي خخخخخخخخخخخخخخخخخخخخخخخخخخخخخخ

وتقلد تحيتي

حيل حليل

04-05-2009, 04:37

^
^
ههههههههههههههههههه

ياحبك للشماته بعد وجه

عبدالله الجعيثن

04-05-2009, 08:05

ياسر خذا الكرت الاحمر متعمد وطلع يركض من الملعب...والدليل غشمشم كان يدقدق على جواله كل شوين

ويقولون...وما احط بذمتي .. انه رايح للخرج..!!!

ولقى تفتيش على مدخل الخرج,,ولوحه كبيره...(( الدخول للعائلات فغط))

الشبث

04-05-2009, 19:31

عاااااااااااااااااااااااااجل

تمكنت الاداره الهلاليه من اقنااع اللاعب ياسر القحطاني بمرافقت البعثه الى ايران

وتأتي هذه الخطوه خوفاً على ياسر من ....... ( الاستراحات )

خخخخخخخخخخخخخخخخخخخخ

وتقلدوا تحيتي

منصور الـ ع ـطآوي

05-05-2009, 00:47

^

^

الشبث

انا ما ابي احذف الردك

بس ابي اقولك شي

ياسر كان بالاستراحه

بس على ذمتك و انت الي قلته

يالربع ترى ياسر كان بالاستراحه على ذمتك يالشبث

يقووولك شعار النصر للموسم الجديد

الهئيه في قلوبنا

هههههههههههههههههههههههههههههههههههههههه هههه

عبدالله الجعيثن

05-05-2009, 10:45

.

ماله خوي....وبسرعه يقلب!!!

النثراويين يرددون.........

ربيع......ماخدر
وليبتون.....تلقيمه
وغالي....ثمنه فيه

والجمهور يردد.....النصر وينه ... عنده استراحه!!!

الشبث

05-05-2009, 11:36

خخخخخخخخخخخخخخخخخخخخخخخخخخخ

هااااااااااااااااااااااااااااااااااايلي

منصور شكلك تبي تبتسي

لو اضغط عليك شوين دمعت عينك

خخخخخخخخخخخخخخخخخخخخخخخخخخخخخخخخخخخخخخخخ خخخخ

بس يالله عادي احذف ردودي خخخخخخخخخخخخخخخخخخخخخخخ

والله عادي

بس ترى صدز والله ياسر كان بالاستراحه صحيح

وهذا اللي صار وغصباً علينا مهو بكيفنا

وهو اللي جابه لنفسوه انتم تبون تسترون واحد ما ستر على نفسوه

غريبه خخخخخخخخخخخخخخخخخخخخ

احذذذذذذذذذذف ياشيخ فدوه لك

ابو غازي

تدري ليه النصراويين عند الاستراحه

يراعون لياسر خخخخخخخخخخخخخخخخخخخخخ

وتقلدوا تحيتي

عبدالله الجعيثن

05-05-2009, 13:46

^
^

الا...لهم ثمان سنين في استراحه من البطولات!!!

اوه ... نسيت العام حققوا بطوله

الشبث

05-05-2009, 13:50

شكلك مع الرجيلي بالاستراحه علشان كذا تفوت خخخخخخخخخخ

وتقلد تحيتي

عبدالله الجعيثن

05-05-2009, 14:50

يقولون عزوز..

غير اسم استراحتهم اللي بحايل وكتب عليها استراحة العفجه

كل يوم والهيعه محظره عندهم!!!

تركي الزياد

05-05-2009, 16:41

أخـوي الشبـث ولا يهـون أبـو جعيثـن

كيـف الحـال .. ؟

هذا جزاء ادارة النصر انه تزور لاعبك المصاب بالمستشفى تقول عنهم كذا يا غشمشم يا قليل التربيه

سمو الامير ومدري وشو وهو قطعة تسذوبن اربد غشمشم خخخخخخخخخخخخخخخخخ

خطابوه بين وهو مسوي نفسوه ذكي وهو اكبر خسيس

تـقـدر تــقــول هـ الكــلام قـدام ][ الأمـيــر ][ .. ؟؟؟

:)

تدري ليه الحظ هكا اليوم ما خدم الهلال ضد الشباب

يقولك كان سهران مع ياسر شعطوط وكثر وضيع الملعب وراح لجده فزع مع الاتحاد

إتـق الله .. ولا تستهـزي بأخـوكـ المسلـم .. عشـان الله ما يعاقبـك ,,

ثبت في الحديث الصحيح عن النبي _ صلى الله عليه وسلم _ قوله: " لا يستر عبد عبداً في الدنيا إلا ستره الله يوم القيامة " رواه مسلم. وفي الصحيح أيضاً " من ستر على مسلم ستره الله في الدنيا والآخرة "

حتى لو هو مفضـوح .. لـو الكـون كلـه يـدري بهـالشـي .. ما يصلـح هــ الكلام ..

أصـلـح الله قلبــك أخـي

عبدالله الجعيثن

06-05-2009, 08:27

^
^

وانت وش حارق رزك....هو يقرب لك؟

تركي الزياد

06-05-2009, 08:59

\/

\/

يعـنـي لازم يقـرب لي .. !!

ولا لازم يصيـر ولـد عمـي عشان أفزع معـه .. :)

أظحـك الله سنّـكـ :)

والله من جد ناس متقوقعـه .. :)

لـو إنـت مكانـه لا سمـح الله .. ما تحمّلـت هـ الكلام و التجريح اللي يجيكـ ..

ولـ ربمـا إعتـزلـت اللعـب .. !

<< نصيحـه من أخ لـ أخيـه ..

أرجـو أن تعتـزل ( الحـش ) بـ خلـق الله .. !

:)

مـع إحتـرامـي الشـديـد لـ شخصـكـ .. roooose

القعيطي

07-05-2009, 18:52

والله من حق جمهور النصر وجمهور الاتحاد وجمهور الشباب وجمهور الاهلي يتكلمو على الاستراحه لو كان سعد الحارثي ولا محمد نور ولا عبده عطيف ولا مالك معاذ كان في الاستراحه وش كانو راح يسوي جمهور الهلال بي الذات لو كان في الاستراحه سعد ولا نور معني ماااتوقعي يسويه نور وسعد ومااافي داعي من ادراة النصر انها ترفع بياان.

تحياتي
القعيطي