بدو بدو .. حنا ترانا عزيزين ....... مع الكرم والـجود نفس ٍ عزيزه ..^-^ [الأرشيف]

مشاهدة النسخة كاملة : بدو بدو .. حنا ترانا عزيزين ....... مع الكرم والـجود نفس ٍ عزيزه ..^-^

بنت الجبل آخت القصيد

30-04-2009, 02:57

:7ayyoh:

.
.

كان ياما كان
حكاية صارت من زمان ..
يوم حنا صغار يعني كنا وغدان
كنت انا واختي حنان ومعنا ايمان :315r:
نعيش بامن وامان

كنا ساكنين برى حايل ..
ولنا مزرعه بحائل نقضي فيها اغلب الصيف<< آآيه يابيروتنا

اكبر احلامنا
متى يصلي ابوي العصر
عشان ننطلق للمزرعه وناكل الكمثرى واليوسفي :d:
.
.
بـهالمزرعه
سوينا العجب العجاب ..
والمستحيلات الغراب
.
.
المهم المهمات ...مالكم بالطويلات:qannaj:
ياحنا لنا مصايب صارت بهالمزرعه
اشكال والوان ...
ولااحتراف الف فنان..

بيوم من الايام العصر وكالعاده تمشطنا امي قرنين <<طلعنا تقل عنزات
وماتخلى هـ المشطه من المناقر والمجاعر:puzzled: <<بيننا وبين امي

وننطلق للمزرعه ونلعب شوي الايوم لقينا بنات جيراننا طالعات
هن وغنمهن يسرحن
بهالموقف وقفنا انا واختي <<< موسيقى مسلسل هايدي
قالت اختي ياحظهم مثل هايدي ياعطر قلت اي والله
وانا مفهيه افكر بيتر وينهو؟؟ :a:<<< كلن على هموه سرى

....وحنا نركض نبي معهن
وحنا يغدي لنا مناقر:148r:
....... نبي معكن!!
لا رحن استأذنن من امكن !!
......تكفن مانغثكن !!
وهي تزقرنا الكبيره<< كش وجه للحين حاقده عليه .
واختهن الصغيره وراهن حاطتن يد على يد ومبققتن عيونه تقول حميقراء حميقراء وتمد لسانه :allah_ye3een:
(( ااااه للحين اقوله لواهني لو سحب لسانتس وغالتس بوه اكالساعه))

وحنا ننكس لاهلنا ونجلس بجنب ددسن ابوي ومن القهر لنا تمرغ بكالبطحاء :4_1_72:
ونقعد لنا مجاعر وبتساء كلن له شوط

واختي من العوابه تقعد تلطم وتضرب روحه بالتراب
وشنوح هن بس اللي يرحن وحنا لييييييييييييه <<< ياما ينقطع الحبل الصوتي صار حسه بوه لوه شحطه
ويالله ترد النفس *-*

ويبداء شوطي انا واقعد واااااااااااااع آآآآآيه حنا بنات البطه السوداء يااااااااااربي <<<تخبرون هزار ^-^

وهذي حدى خواتي مهي معنا يوم شافتنا نصيح ويقعد له جعير بتسبد الخضيراء مع الخيل ياشقراء :cry:

مشتركه معنا انا اقول واااااااااااااااااا وياسكتت شالته وااااااااااااااو << تبتسي بالفزعه

وواااااااااااع

ويييييييييع

واااااااااع

وييييييييييع

وابد يالربع قعدنا على هالحاله لنا حول الربع ساعه
آخر شيء

// ...قررنا نصير بدويات مثل بنات جيراننا اللي يسرحن بالغنم ..//:thumb:

.
.

وقلنا لازم نناقش اهلنا بهالسالفه اشنوح ناس وناس لا ..:473r:

شوي الا تصير فوق راسي غيمه طلعت عيون امي وهي تنطط علينا <<جاك الموت ياتارك الصلاه :frown:
وهي تضيق الوسيعه علي وتكتن العبره واقعد افكر شلون نحتسي

.
.

يوم طلع ابوي من المسجد يامار العيون دواويح حمروالرجلين لهن غبرتن من البطحاء
قال عوذا ... يادافع البلاء
وشبلاكن ؟!!
يقول المثل ياشفت امي جانن غمي
وحنا نقعد نبتسي
وبتسي

وبتسي

وبتسي

وبتسي

و بتسي

الوحده تفتح عين وتغمض عين:biggrin:
<<تجس النبض هو انكسر خاطروه او لا؟!!!

والله يوم قال ماعاش من يبتسيتسن وش تبن الحين ؟!! اجيبوه لكن

قلنا بنات الفلان يحمقرنا انهن يسرحن بالغنم وحنا لا ..
ويقلن اهلكن مايحبونكن يحشورنكن بالبيت
وحنا على كيفنا نسرح ونمرح << زودناه وحطينا له ريش :eek:

قال وانتن اسرحن كل هالمزرعه لكن
مار يوم مرت من حولنا دجاجتن معه صيصانه حول الـ 15 صوص
قال..
شفن هه هذيتس الدجاجه وصيصانه رحن اسرحن بهن اليوم ..
<<< يلعب بنا
وهويروح يم الدتسه يتقهوى
وحنا نلحقوه ويابيي ويابيي ونقعد نمشط لحيتوه واللي متلولستن براسوه
واللي تخموه :112r:
ويابيي تكفى
اخر شيء .. وافق نسرررح بالغنم :mabrook:
<<< الظاهر قال فكنن ياعله ماعادت

قال بشرط الحين رحن اسرحن بالدجاج
وباتسر يحله الف حلال...!!!

وياطولك يايومنا متى تجي ياباتسر ...!!!
ونقعد نخطط
وش نسوي وش ناخذ معنا

.
.
ويوم جاء المغرب وهن يرجعن وهي ترجع ام الحميقراء تبي تلعب معنا وحنا معطينه اشكل :rolleyes:

.
.
راحت اكالليله وحنا ننتظر السرحه الموعوده باتسر
ومن الصبح نقعد لنا مناقز ومهنا حليلنا ونرتب مع امي ونلقط الحوش:36_1_1:
وامي تقول ياعساه قدمت هالوعيده

ويوم قيلو الناس تخبرون اول الناس تقيل وتهجد الشياطين مهو مثل هالوقت
الواحد ياجت الساعه 2 جاك ينقل خبزتوه وجبنوه

.
.
وحنا نغزي لدولاب ابوي ونسرق شماغ :)
ونغزي المطبخ ونجيب اكياس لحم ونعبيهن برندا ونحطهن بالفريز عسكريم بدو
ونغزي المستودع ونجيب بسكوت وعصير وشقليط وحلاو بقر
وحنا نقعد لنا رثعتن بالبيت تقل جرابيع
ونجمع عزبتنا ونحطه بالشماغ ونهربه برى البيت
ونقعد نتفق كل وحده له اسم بدوي
عمشاء وعميشاء وسلمى
اجل شلون لازم بدو صدز :solh:
.
.

يوم اذن العصر مار حنا متولمات وحازماتن قرونن بكاالبكلات
وحنا نقعد لنا مناقز من الفرحه نبي ندبغ راعية الحميقراء من القهر
شوي الا يوم جاء ابوي ورحنا معه للغنم وهو يقعد يحرصنا
قال اسمعن لاترحن لاقصى المزرعه ولاتقربن للنخل والشجر
وهاه بناتي لاتقربن للبوابه القصياء الزفلت كلوه تريلات
وحنا ابشر ابشر ابشر :biggrin: << محد يموه عيننا يم شبك جيراننا

وحانت ساعه الصفر وانطلقنا
وحنا ناخذ بقشتنا << الشماغ
ونجيب عصا نبي نسوي مثل بيتر << وهي تقبس بيننا كلن تبي تاخذوه :148r:
المهم ... اتفقنا كل شوي وحده تاخذه

ومشينا شوي الا هذولا جيراننا يوم طلعن ووووه يالوناسه وهي تقعد تصدصد راعية الحميقراء
عاد تعرفون المزارع بجنب بعض بيننا وياهم شبك بس وكلن يسرح بمزرعتوه
.
.

المهم ....
البدويات يقصدن
ياعين لتس بالهوى لفته ........ منتي على دين الاخواني
ومحيرتس واحدن شفته ........ عوده من الزين روياني

:whistling

.
.
وحنا ياربي لك الحمد
الله ربُ الخلقي ...... أمدنا بالرزقي
اذا دعاهُ الداعي ..... يحقق المساعي

:whistling

وحما حيلنا نبي هذولنك يشفننا هع هع هع
وناصل لاخر المزرعه ونروح يم اطرف نخله ونفرش شماغنا ونحط عزبتنا

ونعين من الله خير
:11_15_1:

شوي الا نتذكر العسكريم بالثلاجه وحنا نرسل اختي للبيت قلنا جيبيه
وشوي الا نسمع صوت بين الشجر
ونطالع الا عيال عمي عند التين يقطعون وحنا ننقز :0029:
<< ياشر اشتر وانا اجيلك جابكم الله

قلنا نبي ننتقم منهم وهات ياتسحت وتمسط لين طردناهم لمزرعتهم
وحنا نرجع نختخت بين الشجر
مار بوه لوه عش عصفور بشجره ونقعد لنا تنخيش بالعصيان يمين يسار
.
.
.
.
المهم ...
يوم جت اختي مار ماحنا بوه قالت بس تريترا خطفتهن <<< ابوك يالتفكير :315r:
وتقعد له جعير << جته الذله لاهي اللي رجعت ولاهي اللي دورتنا

وهالحتسي كلوه ماندري وين الغنم علمنا بهن يوم ناصل هههههه

:tongue:

اشوي يوم رجعنا مار تقل طايحاتن عليه من السماء
وينكن وين رحتن وحنا نعلمه بالسالفه
شوي ونقعد نلعب عته وزقطه ^-^
مادرينا الا حس العامل وابوي

والناس يااشرون وياشرون ماندري وش العلم

شوي وقربو وابوي يخانق

طلعت الغنم داخله بين الشجر واللي تاكل من الطماط
واللي عند التين واللي واللي <<< رثعن بحسبة الشجر

ياليلتن سوداء وحظن منيل <<< رحنا وطي عز الله :biggrin:
ويالله باليالله يسيطرون عليهن << الغنم
ويرجعونهن لشبكهن وحنا ننقز للبيت

.
.

عاد مالكم دخل وش صار بنا يوم رجعنا للبيت
مافيه لابقوس ولاشيء :36_1_1:

.
.

بس كانت اول مره واخر مره
يسمحون لنا نصير بدويات :)

وسلامتكم

ابو عارف

30-04-2009, 08:40

εïз خزامى εïз

30-04-2009, 11:55

يآويلــي ياآحلــو القصــه
مرررهـ انسجمت معآهآ
حركة آيس كريم الميرندآ ...!!
نفسي فيه بميرندآ الفرآوله << يذكرها بـ"بابو" المحرم عليهآ :frown:
أوم مجهزين أوضآعكم هههههههههههههههههههههههه
بس هي شئ بنفسكم تبغونه وسويتوه .... < حركآت حريـــم :) هههههههه
يوم البنت تخز ...ياكرررررره :frown: ...
لأن ماعادهآ تقدر تشوف نفسهآ بشئ عليكم الحين:)
ايوآآآآآآآآآآآآآآآآآ
<< مشكله اللي ينسجم مرهـ :) ههههههههههه
قصه حلوه من عضوهـ أحلى
ميرسي ياعيوني

بنت الجبل آخت القصيد

30-04-2009, 15:49

تسلمين عطر على هالقصة التاريخية الحلوة
بحق إنها جميلة جداً وعكست واقع الطفولة 100%

ماشاء الله عليك مبدعة وقصتكم واقعية وأحداثها مترابطة ورائعه
بغيت أبتسي من بتسكن تضامنن معكن يحى العدل والمساوات بين الصغار.

القوم وهم القوم أعادوا ناقة الواوي الذي لايعذر ولا ياوي وهذا التعبير يطلق على الطفل الصغير إذا يبي شيء يايحصل عليه ياهات صياح.

لقد إستمتعت بهذه القصة الواقعية التصوير والجعير وكأنها من قصص الف ليلة وليله الشكسبيرية.

شكراً لك على هذا السرد عسى مايجيك الزرد.

تقبلي تحياتي.

ياحركاااااااات
عمي ابو عارف باول رد << من قدي :whistling

وفعلا الواوي اللي لايرحم ولاياوي اعرف قصته

وفيه مثل يقول ..البيي بيّ بنيتوه
مايكسر لنا طلب ابد ..

هذا حنا خربنا له نص المزرعه وفدوتن لنا :qannaj:

شكراً لك على هذا السرد عسى مايجيك الزرد.

الزرد اخو اللسنه :d:
تسلم على حضورك

.
.

لاهنت

يـــوسف

30-04-2009, 18:07

عاشن عاشن عاشن بناتنا :)

طيب الحين يوم أنتس ماخذتن بيتر وتقلدنه من زينه قلدن عبسي لبى قلبه بس <_ سوالف وغدان :)

طلعتي ياعطر منتي بسيطة لك سوابق ومصايب ههههههههههههههههههههههههههه

هذا جزاك انتي واختك شنوح تضربن عيال عمتس ليت تريترا خاطفتكن <_ خابرن جدتي تقول اسمه هريهرا فضخو قلوبنا به هي ووغده الله لايقبلهم تسيف قام يزول لي به ههههه

عطر أبدعتي :)

توسدي إحترامي

حمـود

30-04-2009, 18:35

اووووووووووووووووووووووووه

رجعتينا لمده 15 سنه

ايام نسرح ونلعب بالغنم بالمزرعه مع عيال خوالي وعمامي

ايه ايام حلوه وطفوله مشرقه

اجل رسبتن باختبار البداوة

دمتي بخير

بنت الجبل آخت القصيد

30-04-2009, 20:22

خزآمى :7ayyoh:

يآويلــي ياآحلــو القصــه
مرررهـ انسجمت معآهآ
تمام هذا اللي ابيه :mabrook:

حركة آيس كريم الميرندآ ...!!
نفسي فيه بميرندآ الفرآوله << يذكرها بـ"بابو" المحرم عليهآ :frown:
شفتي اشلون حنا حركات ...
يسمونه بحايل اسكريم الحويته يجي باكياس بس خلطه مو برندا :)

أوم مجهزين أوضآعكم هههههههههههههههههههههههه
بس هي شئ بنفسكم تبغونه وسويتوه .... < حركآت حريـــم :)

ماينخاف علينا :315r:

هههههههه
يوم البنت تخز ...ياكرررررره :frown: ...
لأن ماعادهآ تقدر تشوف نفسهآ بشئ عليكم الحين:)
ايوآآآآآآآآآآآآآآآآآ

شـ نسوي ياخزيم شريره هكالبنت :wallah_hoo:

قصه حلوه من عضوهـ أحلى
ومرور احلى من احلى خزيم :thumb:
.
.
.
لاهنتيش

بنت الجبل آخت القصيد

30-04-2009, 20:36

عاشن عاشن عاشن بناتنا

عاشت ايامك :7ayyoh:

طيب الحين يوم أنتس ماخذتن بيتر وتقلدنه من زينه قلدن عبسي لبى قلبه بس <_ سوالف وغدان
يالبييييييه يابيتر بس <<< نشمي بيتر :thumb:
اما عبسي << الله من الدلاخه بهكالصوابر :(

طلعتي ياعطر منتي بسيطة لك سوابق ومصايب ههههههههههههههههههههههههههه

:315r:
اصبر ماشفت الاقشر من هذي جايتكم بعدين

هذا جزاك انتي واختك شنوح تضربن عيال عمتس
ثار قديم على بطه متخانقين عليه وجت فرصه لتصفية الحسابات :)

ليت تريترا خاطفتكن <_ خابرن جدتي تقول اسمه هريهرا فضخو قلوبنا به هي ووغده الله لايقبلهم تسيف قام يزول لي به ههههه

انت شفت اهلنا
الناس تسمي على عياله قبل النومه لاينخرعون
وحنا يمه قولي لنا سالفة تريترا:315r:
يمه قولي لنا سالفة ظلماء :315r:
يمه قولي لنا سالفة الثريا اللي كلت عياله :315r:

عطر أبدعتي :)

تسلم يارئيس

.
.

لاهنت

شرهه

30-04-2009, 22:41

عطر هههههههههههههههه

يا حلو طفولتكم انتي واختتس ..

تجنن ..

حنا يا رحنا للمزرعه ..
>أبوي يسوي لنا حظر تجول ..
واللي يقرب للزرع والا البعارين والا المعزا >> يلعن جدفه ..

عشان حنا الله يسلمنا ما نجي شين و يعمر

يا جينا المعزا جفلناهن و يا جينا الزرع قطعناه
>>خراااااب خرااااب الله يجيرتس ..

شكرآ على هالموضوع ..
ابدعتي

بس تصدقين .....
أو اقول خلاص خلاص ماهو لازم ^_^.

تحيتي لتس ..

واحد شقردي

30-04-2009, 22:54

شفن هه هذيتس الدجاجه وصيصانه رحن اسرحن بهن اليوم ..
<<< يلعب بنا

والله انه عرف لكم بس حنون

هههههههههههههههههههههههههههههه

بس جد قصه فيها من البرائه الكثير

ذكرتيني بيوسف وبرائته

كاتبه ساخره من الطراز الاول

وعليكم قصايد انتي وخواتك تبون تسون بدو هههههههههههههههههههههه

يا حليلكم

اضحك الله سنك كانك هولة عرب يوم انك صغيرونه

دمت لنا بصحه وعافيه

بنت الجبل آخت القصيد

30-04-2009, 23:41

الناصر :7ayyoh:

اووووووووووووووووووووووووه

رجعتينا لمده 15 سنه

اي والله عمر يالناصر :za3lan:

ايام نسرح ونلعب بالغنم بالمزرعه مع عيال خوالي وعمامي

ايه ايام حلوه وطفوله مشرقه

ايه مشرقه باين حيل ماتشوف الا الغبره :tongue:

اجل رسبتن باختبار البداوة

اي والله رسبنا :za3lan:

.
.

لاهنت ع التواجد

غالب

01-05-2009, 00:55

هههههههههه عاد تمشطن لحية أبوكن هههههههههههه
والله سالفتتس هاذي غير شكل
أما سالفة بيتر وهايدي هضولا أنا ماأعرفهم
وولا لي الشرف أعرفهم<<يقوله بزعل:)<<
أنا جيت بعهد أبطال الدجيتال
أمجد و ديناصوره البرتقالي وربعهم الباقين:)

هالحين ياها الدسيسا وليه ماتجين عندنا مادام هاذي سوالفتتس
منخشتن بفيد الجوال ماعندتس غير برج هكا الاتصالات ومبلشتنا به

واستلمي سلامي

فهد الجنيدي

01-05-2009, 02:00

أطر القصيد
أيه أنتي يروه مزءئة كلوه
يلئب و ياكل كمسرى
بس
الله يرهم أيام الهند
و الله كرطي
كنت أنا من الصبه لين المقرب
كلوه شقل
مافيه راهة

الشبث

01-05-2009, 03:02

ياعين لتس بالهوى لفته ........ منتي على دين الاخواني
ومحيرتس واحدن شفته ........ عوده من الزين روياني

انا هذي تكفيني ههههههههههههههههههههههههههههههههههههههه

ياشيخه

والله السرحه شي

تحسين انتس مسويتن بلاوي

بس ام حميقراء مافطست يا شينه من القهر

والله دبلت تسبدي هههههههههههههههههههههه

لاهنتي عطرنا على هالقصه الطيبه

وتقلدي تحيتي

بنت الجبل آخت القصيد

01-05-2009, 03:20

:7ayyoh:

عطر هههههههههههههههه

يا حلو طفولتكم انتي واختتس ..

تجنن ..
اي والله تجنن << ليته ترجع :za3lan: والاخلاق قافله

حنا يا رحنا للمزرعه ..
>أبوي يسوي لنا حظر تجول ..
واللي يقرب للزرع والا البعارين والا المعزا >> يلعن جدفه ..

عشان حنا الله يسلمنا ما نجي شين و يعمر

يا جينا المعزا جفلناهن و يا جينا الزرع قطعناه
>>خراااااب خرااااب الله يجيرتس ..
:3ajebni:
مقدي بكم
و بعذره والله ... ماينلام

شكرآ على هالموضوع ..
ابدعتي

العفو

بس تصدقين .....
أو اقول خلاص خلاص ماهو لازم ^_^.

لالالالالالا
عاد قولي شلون انام الحين *-*

ياشينك قولي وش تحسفتي عليه :wallah_hoo:

.
.

لاهنتِ

بنت الجبل آخت القصيد

01-05-2009, 03:27

:7ayyoh:

والله انه عرف لكم بس حنون

هههههههههههههههههههههههههههههه

اي والله حنون اجل مهو بييّ :d:

بس جد قصه فيها من البرائه الكثير

ذكرتيني بيوسف وبرائته
يوسف وبرائته :315r:
قصدك الابضاي يوسف ومغامراته :thumb:

كاتبه ساخره من الطراز الاول

وعليكم قصايد انتي وخواتك تبون تسون بدو

مشكور
وسالفة (( القصايد )) سالفته سالفه اجل shlwee7

اضحك الله سنك كانك هولة عرب يوم انك صغيرونه
كاني هوله <<< مدري هي سبه ولامدحه :puzzled:

.
.

لاهنت يالشقردي

شرهه

01-05-2009, 05:51

ههههه هو من ناحية مدزدي فهو مدزدي

‏_الله يمتعك بشبابك و يجعله احسن من طفولتك يارب

طيب طيب آبشري بس لا يطق فيتس عردز

_وجهك قصدي النك نيم تبعك و إنك مشرفة الجوال
كل هالأشياء
ما توحي إنك فله ^_^

احسب انتس ثقل بقوه و آحسب انتس ماتعرفين تنكتين و كل شي عندتس جد

آثاريتس طلعتي منسمــه ..
‏>‏
آخذت عنك فكــره غير

تحيتي لك
‏>‏
بس هذا اللي كنت ابقول ^_^

واحد شقردي

01-05-2009, 09:40

كاني هوله <<< مدري هي سبه ولامدحه :puzzled:

لا مدح ولكن بما يشبه الذم ههههههههههههههه

ولكن ذم حسن لا يروح فكرك بعيد

ابو ضاري

01-05-2009, 10:46

اعذريني احسبن نفسي رديت على الموضوع

وش الابداع ياعطر القصيد كل هذا يطلع من سوالفك

شكلتس مهولتن البنيوات اللي معتس ....

شكل عندتس مجلد من القصص جيبيهن للفله

عبـدالعزيز الوادي

01-05-2009, 10:53

يـــوسف

01-05-2009, 17:15

عطر القصيد نبي هجينيه

وعلى شرط تجلسين متوسطتن روح حايل وعجايب :)

ندووو

01-05-2009, 17:43

هههههههههههههههههههههههههه الله تمنيت اني معكم يازينها المزرعه والصيصان

احنا طفولتنا بين اربع جدران:za3lan:

بس هالابيات تجنن كنها مارتن علي

:)

الله ربُ الخلقي ...... أمدنا بالرزقي
اذا دعاهُ الداعي ..... يحقق المساعي

سرد رائع سلمتي عطورة

بنت الجبل آخت القصيد

01-05-2009, 22:59

هههههههههه عاد تمشطن لحية أبوكن هههههههههههه

ايه نمشطه وش به عاد :3ajeeb:

والله سالفتتس هاذي غير شكل
:mabrook:

أما سالفة بيتر وهايدي هضولا أنا ماأعرفهم
وولا لي الشرف أعرفهم<<يقوله بزعل:)<<
أنا جيت بعهد أبطال الدجيتال
أمجد و ديناصوره البرتقالي وربعهم الباقين:)
:a:
هايدي وبيتر الحين ماينقارنون مع الديجتال

الله يرحم ياجيل البلاي ستيشن

نشري العاب طبيب ومطبخ ونغيبهن للمناسبات الكبيره والا يجينا ضيف
وبالايام العاديه كنا نلعب بقواطي الصلصل وحليب وادي فاطمه :315r:

هالحين ياها الدسيسا وليه ماتجين عندنا مادام هاذي سوالفتتس

منخشتن بفيد الجوال ماعندتس غير برج هكا الاتصالات ومبلشتنا به

اترزق الله يافلان ماقدر البسطه ماعنده احد :wallah_hoo:

.
.

واستلمنا سلامك

بنت الجبل آخت القصيد

01-05-2009, 23:09

أطر القصيد
أيه أنتي يروه مزءئة كلوه
يلئب و ياكل كمسرى
بس
الله يرهم أيام الهند
و الله كرطي
كنت أنا من الصبه لين المقرب
كلوه شقل
مافيه راهة

الله يعين ياراجو كلن ماخذن حقوه من هـ الدنيا من اسمه عنا
والسعيد من تزود به

<<<قلبناه عام

الا انت من نيودلهي والا كيرلا
.
.

لاهنت ياراجو

بنت الجبل آخت القصيد

01-05-2009, 23:19

:7ayyoh:

انا هذي تكفيني ههههههههههههههههههههههههههههههههههههههه

آآآيه تذكرك بالبدو اجل ويوم تعزل الغنم مع عمك :qannaj:

ياشيخه

والله السرحه شي

تحسين انتس مسويتن بلاوي

لالا مهو بلاوي
تحس انك انسان لك خصوصيه خصوصا ياقلت غنمي :)
وتحس انك قد المسؤليه

واصلا حنا نبي حريه << فاهماته كذا :315r:

بس ام حميقراء مافطست يا شينه من القهر

لازالت تعيش وتتنفس :za3lan:

والله دبلت تسبدي هههههههههههههههههههههه

بعذرك
بس ابشرك طلعت بنتن جويده يوم كبرنا وتخاوينا :thumb:

لاهنتي عطرنا على هالقصه الطيبه

ولاهنت ياعمي
.
.

وتقلدنا تحياتك

بنت الجبل آخت القصيد

01-05-2009, 23:44

‏_الله يمتعك بشبابك و يجعله احسن من طفولتك يارب

آآمين ولك بالمثل :)

_وجهك قصدي النك نيم تبعك و إنك مشرفة الجوال
كل هالأشياء
ما توحي إنك فله ^_^

احسب انتس ثقل بقوه و آحسب انتس ماتعرفين تنكتين و كل شي عندتس جد

آثاريتس طلعتي منسمــه ..
‏>‏
آخذت عنك فكــره غير

افا
اجل شوفي هالروابط <<< بس لاتردين عليهن لانهن قديمات يعطونتس مخالفه

http://www.shmmr.net/vb/t56935.html (http://www.shmmr.net/vb/t56935.html)

http://www.shmmr.net/vb/t58865.html (http://www.shmmr.net/vb/t58865.html)

.
.
خويتن للفله منذو مبطي :tongue:

لاهنتِ

بنت الجبل آخت القصيد

02-05-2009, 00:02

اعذريني احسبن نفسي رديت على الموضوع

معذور ياشايبنا :)

وش الابداع ياعطر القصيد كل هذا يطلع من سوالفك
:3ajeeb:
وليه ماانا من الوغدان ياعمي

شكلتس مهولتن البنيوات اللي معتس ....

شكل عندتس مجلد من القصص جيبيهن للفله
وانا افتر بالمستندات لقيت هالقصه
كاتبته مبطي قبل 4 شهور تقريباً

ضحكت على روحي اكتب ولاانزل :)

.
.

لاهنت على حضورك

بنت الجبل آخت القصيد

02-05-2009, 02:10

المهم ....

البدويات يقصدن
ياعين لتس بالهوى لفته ........ منتي على دين الاخواني
ومحيرتس واحدن شفته ........ عوده من الزين روياني

:whistling

.
.
وحنا ياربي لك الحمد
الله ربُ الخلقي ...... أمدنا بالرزقي
اذا دعاهُ الداعي ..... يحقق المساعي

ههههههههههههه

والله شي .. بس الفرق واضح

من خلال الاناشيد الوطنيه ..

اجل امدنا بالرزقي ...

..

هههههههه

الله يضحك سنك ..

والله مبطي ما ضحكت ..

:7ayyoh: شاعرنا

اجل بيضنا الوجه يوم انه جازت لك هالسالفه

اضحك غني وعش متهني ... دي الدونيا مابتدومش لحد

ابد كل ماجيت هنا مر على الفله

سوالفن تجوز لك وتوسع الصدر

تسلم على هالمرور
.
.
.

لاهنت

بنت الجبل آخت القصيد

02-05-2009, 03:21

عطر القصيد نبي هجينيه

وعلى شرط تجلسين متوسطتن روح حايل وعجايب :)

ادخل على الله

لانقعد نهيجن
سارعي للمجد والعليا

:d:

.
.
حياك يوسف

بنت الجبل آخت القصيد

02-05-2009, 03:27

الذين يشاهدون محتوى الموضوع الآن : 3 ( الأعضاء 3 والزوار 0)

‏عطرالقصيد (http://www.shmmr.net/vb/u19641.html)

^
^

:rolleyes:

ادفع نص عمري بس اعرف من انتم

اخر واحد يطفي اللمبات :)

طلال عطن خاصيه الكشف عن المتخفين:(

روح حايل

02-05-2009, 03:47

الله يازين اول وناسه نخترع الوناسه اختراع :)

سرد جميل عطروش ووالله كأني أراكم وأرى مزرعتكم

كما أرى قرونتس أنتِ وأختكي

يالكم من شيطونات :)

بنت الجبل آخت القصيد

02-05-2009, 06:44

:hala1: ياندوو

هههههههههههههههههههههههههه الله تمنيت اني معكم يازينها المزرعه والصيصان
ياليتك معنا تسان علوم ^-^

احنا طفولتنا بين اربع جدران:za3lan:

:za3lan:

الله يعينكم والله حشره وقتل للابداع

بس هالابيات تجنن كنها مارتن علي

:)

الله ربُ الخلقي ...... أمدنا بالرزقي
اذا دعاهُ الداعي ..... يحقق المساعي

افا عليتس هذي اول نشيده يحفظه اي مواطن سعودي :3ajebni:

تسلمين ندو على حضورتس
.
.

لاهنتِ

فوووز

02-05-2009, 11:49

ههههههههههههههههههههههه
ياحليلكم والله حركات مغاير :)

ذكرتيني بالذي مضى:qannaj:

أيام الطفولة :)

كنا نسوي بعض حركاتكم وكلها وقت القوايل هههههههههههههه <<< عزالله الشياطين ماتقيل :)

اما البداوة ورعي الغنم ,,
أذكر أنا كانت امي تخلينا نرعى بغنم جدي أبو أبوي حول مزرعته إذا صاروا عمالهم مهمب فيه <<< من حبها له. يامال الجنة

لا ونحلب الغنم بعد ما حناب سهلات :),, ياكان علينا قصص <<< لايتسع المجال لذكرها خخخخخخخخخ

وكنا إذا رحنا لبيت جدي أبو أمي ونمنا عندهم تخلينا امي نقوم من فجر الله ونروح معهم لغنمهم عشان نحلب معهم ومانرجع لين تصخنا الشمس ألى العالم قايمة وماعاد فيه مجال للنوم.. :za3lan:

لاتخليني ابكي على طفولتي اللي ماتهنيت فيها :za3lan:

أحمد

03-05-2009, 01:12

هههههههههههههههههههههههههههههههههههههههه ههههههههههههههه
هههههههههههههههههههههههههههههههههههههههه ههههههههههههههه

رسالة الى اخوي المشرف غير موضوع عطر وحطوه(بدويات من جنب القده)

قصة رائعه بتسلسلها والله خشيت جو وياليت كل الكتابات الطويله تصير من هالنمونه

تري مكاسي اختي عطر

بنت الجبل آخت القصيد

03-05-2009, 02:31

ارحبي والله يام عبددول

الله يازين اول وناسه نخترع الوناسه اختراع :)
اي والله ليت الزمن يرجع ورى والا الليالي تدور
.......................... ويرجع وقتنا الاول وننعم في بساطتنا

جيبي النجر ودقي راسي ارجع صغيره <<<<:za3lan:

سرد جميل عطروش ووالله كأني أراكم وأرى مزرعتكم

كما أرى قرونتس أنتِ وأختكي

يالكم من شيطونات :)

ياالهي ماهذا الحتسي

عز الله رحنا بالبلوشي لاتعلمين عبدول عن قروننا :wallah_hoo:

.
.

حياتس يااحلى روح

roooose الورده لعبدول مفتت تسبود الصبايا

بنت الجبل آخت القصيد

03-05-2009, 05:19

:7ayyoh: الفوز

ههههههههههههههههههههههه
ياحليلكم والله حركات مغاير :)

ذكرتيني بالذي مضى:qannaj:

أيام الطفولة :)
:315r:

كنا نسوي بعض حركاتكم وكلها وقت القوايل هههههههههههههه <<< عزالله الشياطين ماتقيل :)

شفتي اشلون الحين الوحده تمنى هالنومه :)

اما البداوة ورعي الغنم ,,
أذكر أنا كانت امي تخلينا نرعى بغنم جدي أبو أبوي حول مزرعته إذا صاروا عمالهم مهمب فيه <<< من حبها له. يامال الجنة

لا ونحلب الغنم بعد ما حناب سهلات :),, ياكان علينا قصص <<< لايتسع المجال لذكرها خخخخخخخخخ

وكنا إذا رحنا لبيت جدي أبو أمي ونمنا عندهم تخلينا امي نقوم من فجر الله ونروح معهم لغنمهم عشان نحلب معهم ومانرجع لين تصخنا الشمس ألى العالم قايمة وماعاد فيه مجال للنوم.. :za3lan:

واجمل ذكريات وربي يافوز :za3lan:

لاتخليني ابكي على طفولتي اللي ماتهنيت فيها :za3lan:

لالا كلش والا البتسي مانبي نصيحتس :thumb:

.
.
يسلم لي حضورك

بنت الجبل آخت القصيد

03-05-2009, 20:03

:7ayyoh:

هههههههههههههههههههههههههههههههههههههههه هههههههههههههه
هههههههههههههههههههههههههههههههههههههههه ههههههههههههههه

رسالة الى اخوي المشرف غير موضوع عطر وحطوه(بدويات من جنب القده)

من جنب القده :a:

:3ajebni:
بنسجلك مستشار للعناووين

قصة رائعه بتسلسلها والله خشيت جو وياليت كل الكتابات الطويله تصير من هالنمونه

تسلم يالجثري ودامه عجبتك سولي توقيع مثل توقيعك :315r:

.
.

لاهنت على حضورك

ريتاج

03-05-2009, 20:10

هههههههههههههههههههههههههههههههههههههههه ههههههههههههههههههههههههههههههه

عطر اقسم بالله انكن فله ..ههههههههه

واختهن الصغيره وراهن حاطتن يد على يد ومبققتن عيونه تقول حميقراء حميقراء وتمد لسانه :allah_ye3een:
يااحبي له يااناااس ههههههههههههههههههه

ياازين الطفووله بس<< طرى علي ايديي وانا مخضبتهن وجاالسه عند الدفاايه انا وجدتي:wallah_hoo:

وووه بس .. يالله حسن الخاتمه..

مشكووره يااعمري على هيك ساالووفه حلووه

شيييييييييع

ليلى بنت عبدالعزيز

04-05-2009, 00:07

كلن وطموحه سبحان الله اجل هايدي وبيتر
كنت اطمح اصير مثل لين ( الليدي ليدي ) واركب فرس
ورحنا لمزرعة جدي وصار لنا جار جديد راعي حركات واتكيت
مو ثمل جدي برتسه وقليب وبعارين
يوم جاء بعد العصر يوم طلعت الخيول وعليها الخياله >آآآآآآه ياقلبي
انا ضعت ونا وغدتتن اجل الشباب الي قلوبهم خضر تفضخت
متبرقعات وفلاتن الشعر وهااااااااات ياسباق
وانا اروح لبوي ..بابا ابي فرس شنوحهم هم عندهم وحنا لا..!
قال الوعد باكر
وجاء بكره ورحنا كان الرجال عازمهم راعي المزرعه واروح الاسطبل انا وابوي
قال اي واحد تبين مثله...! قلت الابيض
قال تعالي جربي اركبيه ؟واروح بجنبه ولاني نص ساقه ونا اخاف قلت هونت مااابي..!
عارف لي وخرابيطي

عطر عشتي وتاخذين بيتر

بنت الجبل آخت القصيد

04-05-2009, 17:01

هههههههههههههههههههههههههههههههههههههههه ههههههههههههههههههههههههههههههه

عطر اقسم بالله انكن فله ..ههههههههه

يااحبي له يااناااس ههههههههههههههههههه

ياازين الطفووله بس<< طرى علي ايديي وانا مخضبتهن وجاالسه عند الدفاايه انا وجدتي:wallah_hoo:

وووه بس .. يالله حسن الخاتمه..

مشكووره يااعمري على هيك ساالووفه حلووه

شيييييييييع

هلا برتيج :7ayyoh:

وه ذكرتينن بالخضاب تخبرين اول نقوم الصبح حتى الجبهه متخضبه هههههه
عز الله الليله ابتخضب تبين تعالي :315r:

.
.

شييييييع لاحلى رتوج

بنت الجبل آخت القصيد

05-05-2009, 01:58

كلن وطموحه سبحان الله اجل هايدي وبيتر

كنت اطمح اصير مثل لين ( الليدي ليدي ) واركب فرس
ورحنا لمزرعة جدي وصار لنا جار جديد راعي حركات واتكيت
مو ثمل جدي برتسه وقليب وبعارين
يوم جاء بعد العصر يوم طلعت الخيول وعليها الخياله >آآآآآآه ياقلبي
انا ضعت ونا وغدتتن اجل الشباب الي قلوبهم خضر تفضخت
متبرقعات وفلاتن الشعر وهااااااااات ياسباق
وانا اروح لبوي ..بابا ابي فرس شنوحهم هم عندهم وحنا لا..!
قال الوعد باكر
وجاء بكره ورحنا كان الرجال عازمهم راعي المزرعه واروح الاسطبل انا وابوي
قال اي واحد تبين مثله...! قلت الابيض
قال تعالي جربي اركبيه ؟واروح بجنبه ولاني نص ساقه ونا اخاف قلت هونت مااابي..!
عارف لي وخرابيطي

عطر عشتي وتاخذين بيتر

:7ayyoh: ليوووله

شفتي اشلون يالليدي

ليت زمنا يرجع احس طفولة هالوقت مابه طعم ابد

اخوي الله يرحمه كان مجنون بالخيل
وجابهن بالمزراع بس ماطولن:za3lan:

.
.

لاهنتِ ليوله

حيل حليل

05-05-2009, 05:33

ههههههههههههههههههههه

كله كوم وحلاو البقر كوووووم
رجعتيني سنين يالمهوووووووووويه
ولا سالفة القرنين هههههههههههههه

الا تعالي وش عند اختس تلطم ليكون انه من طخة نجاد

يوم شفت موضوعتس طويل تعاجست اقراه
لكن اول مابديت بالسطر الاول مافطنت الا انا مخلصه

وسعتي صدورنا عسى الله يوسع صدرك دنيا واخره

بنت الجبل آخت القصيد

06-05-2009, 03:13

:hala1:

كله كوم وحلاو البقر كوووووم
رجعتيني سنين يالمهوووووووووويه
ولا سالفة القرنين هههههههههههههه
الحين وشيء سالفه القرنين :)

الا تعالي وش عند اختس تلطم ليكون انه من طخة نجاد
مدري منهو نجاد :wallah_hoo:
بس تخبر اثر الاعلام:)

وسعتي صدورنا عسى الله يوسع صدرك دنيا واخره

آآآآآآمين يارب ولك بالمثل
.
.
لاهنت يالحليل

&^^مهــــا^^&

08-05-2009, 03:39

هههههههههههههههههههههههههههههههههههههههه ههههههههه

يازين ايام اوووووووول برائه بمعنى الكلمه ياليته ترجع:za3lan:

ياااااااااااي يابيتر اجل صرتي هايدي:)

يازين قصيدتكم الله رب الخلقي:a:

لا واحلى شي يوم كل وحده تاخذ شوط بالصياح ههههههههههههههههههههههههههه

والله انكم فله يارب يجعلكم دوووووووووم بوناسه

ونستينا الله يونس قلبتس بالعافيه

وربي موضوع خطيرررررررر

تقبلي ودي,,

بنت الجبل آخت القصيد

09-05-2009, 22:16

مهوووش:7ayyoh:

هههههههههههههههههههههههههههههههههههههههه ههههههههه

يازين ايام اوووووووول برائه بمعنى الكلمه ياليته ترجع:za3lan:

سيم سيم :za3lan:
ودنا ترجع بس الشكوى لله :)

ياااااااااااي يابيتر اجل صرتي هايدي:)

ايه هايدي لاتحاتسيني :315r:

يازين قصيدتكم الله رب الخلقي:a:

لا واحلى شي يوم كل وحده تاخذ شوط بالصياح ههههههههههههههههههههههههههه

تذكرين الله رب الخلقي :thumb:

والله انكم فله يارب يجعلكم دوووووووووم بوناسه

ونستينا الله يونس قلبتس بالعافيه

وربي يسلمك يالغاليه على احلى مرور

.
.
لاعدمت هالطله roooose<<ورده بعشرريالات