من هو الخسران [الأرشيف]

أحمد

28-04-2009, 01:34

صباح / مساء الخير للجميع

مشاركتي اليوم هي عباره عن نقاش

اتمنى ان الردود فيه تبتعد عن التشنج والعصبيه وان تكون الاجابه مبنيه على اسباب

مدخل

لايوجد حالياً رياضي في المملكه يستطيع انكار تواجد قناة ابو ضبي واستحواذها على مساحه واسعه في وسطنا الرياضي السعودي بجراءتها بالطرح بوجود الاستاذ الكبير محمد نجيب وبرنامجه المميز خط السته ومعلقيها الجيدين بوجود فارس عوض وعامر عبدالله كمعلقين رائعين.......

كما لايوجد رياضي ينكر الشعبيه الجارفه لنادي الهلال السعودي في المملكه ونجومه الدوليين ومحترفيه الاجانب المميزين ورئيسه الشاعر الامير عبد الرحمن بن مساعد واعلامه القوي جداً...

ووكما يعلم الجميع فنادي الهلال يعتبر النادي السعودي الوحيد الذي قاطع قناة ابو ضبي بشكل علني عبر رئيسه الامير عبدالرحمن بن مساعد وذلك على الهواء مباشره بعد ان استطاعت هذه القناة المميزه ان تخرج الامير عن النص وتجعله يطالب بوجود ممثل للهلال في برنامج خط السته يتسم بالتعصب...

اذاً فالنقاش حول من هو الخاسر (الاكبر) الهلال ام قناة ابو ضبي ؟؟؟؟؟

واحد شقردي

28-04-2009, 01:39

في اعتقادي ان ابو ظبي خسرانين

لان السبب واضحه ولا ودي اقوله

اخلي لي وراي يفند وحتى لو انه انت:)

تقبل مروري وبلا احراج :wallah_hoo:

جنجور:)

أحمد

28-04-2009, 01:50

^
^
^

ليه ماودك تقول مهو على كيفك تجدع علينا هالجواب وتمشي

اذا ماتذكر الاسباب ابعتبر الاجابه ان الهلال هو الخسران <<<< متسلط

تري مكاسي يالشقردي

منصور الـ ع ـطآوي

28-04-2009, 01:54

انا اقولك من الخسران

اكيد الخسران قناة ابو ظبي

لان القنوات تبحث عن التصاريح و اي اخبار عن الانديه ويكون مصدره من النادي

يعني القناه اللحين خسرانه انها ما تحصل على تصاريح من نادي الهلال

و الهلال ما راح يخسر شي

لان ابو ظبي راح تنقل المباريات و تستمر بنقل المباريات من ضمنها مباريات نادي الهلال و بدون تصاريح من نادي الهلال

واحد شقردي انا بعدك و رديت عني و عنك :)

و يعطيك العافيه الجثري :)

أحمد

28-04-2009, 02:02

اخوي منصور طيب الوقت اللي تتبنا فيه ابو ضبي قضيه يكون طرفها الهلال مثل ابعاد المدرب كوزمن او اخطاء اداريه يمارسها سامي الجابر ولا يقدر الهلاليين التداخل بسبب المقاطعة مايكون الهلال خسران ؟؟؟

تري مكاسي اخوي منصور

منصور الـ ع ـطآوي

28-04-2009, 02:06

اخوي الجثري لا ما يكون الهلال خسران

لان اذا كان فيه قضيه كبيره للهلال ما راح تكون حصريه على ابو ظبي

راح تكون على اكثر من قناه خاصه اي ار تي

و يعني تكون المعلومات و تصاريح الهلال وصلت الجميع عن طريق قنوات غير ابو ظبي

و ابو ظبي لم تستطيع ان تكسب تصريح واحد من الهلال

الى اللحين ابو ظبي خسرانه :)

أحمد

28-04-2009, 02:09

وجهة نظر تحترم وننتظر التفاعل من الاعضاء وابرجعلك يامنصور

وكل الشكر لتفاعلك اخوي

واحد شقردي

28-04-2009, 02:10

فهمة الحين يا الجثري

كلام اخوي العطاوي ميه ميه

وانا مقتنع فيه منذو نعومة اظافري علشان كذا حبيته يكون هو لي يرد بعدي

والي الحمد لله هو لي رد

منصور العطاوي

كل التقدير لك يا غالي
فكيتن من حلقوه هههه

منصور الـ ع ـطآوي

28-04-2009, 02:12

الجثري خلنا نكمل ما عندي شي

و الي يبي يجي يشاركنا يكون احسن بعد :)

وش رايك :)

فهد الجنيدي

28-04-2009, 02:15

منصور الـ ع ـطآوي

28-04-2009, 02:16

منصور الـ ع ـطآوي

28-04-2009, 02:18

هيه جسري
هزا فريق هلال كسرن
لأن قناة سم سيم أبوظبي
مهم كتير وفيه ناس يتابأ كتير

ياخي مدري ليش أنا يكره هلال
أهس هو فريق إئلام و بئدين ياسر قهطاني نفر مو جين

أنا يفكر يشجأ نادي تاني
هلال واجد كرطي

راجو يا راجو

انت مشترك بالاي ار تي او لا

الي يشوف اي ار تي وين يبي يطس يروح لابو ظبي

اي ار تي تقول الكوره السعوديه في ملعبك و انت تقولي ابو ظبي

و بعدين طالع ياسر القحطاني من المووضوع حنا نتكلم عن الهلال و ابو ظبي

ياسر محد جاب طاريه

عبدالله المهيني

28-04-2009, 02:20

ماتكلم به منصور هو تقريباً الرأي الصواب

القضية الكبيرة لن تكون حكراً على قناة عن أخرى

لذلك ستكون الأفضلية للقنوات الأخرى على قناة أبو ظبي

لأن القنوات ستجلب تصاريح حصرية ومباشرة من الطرف الهلالي

بعكس قناة أبو ظبي التي تكون ناقل عن غيرها

أنا مؤيد لـ كلام منصور

:)

أحمد

28-04-2009, 11:44

الشقردي

عطنا رايك ومالك دخل بمنصور كل واحد يفند اسبابه على كيفه وبعدين انت تجاوب معك المدير العام عاجز تعطينا جواب كامل هنا

تري مكاسي يالشقردي

أحمد

28-04-2009, 11:47

راجو

اشهد بالله انك هندي بمواصفات مطنوخ فل كامل

قناة ابو ضبي كبيره والهلال هو الخسران هذا هو الترجمة لكلامك

مع انك ماعطيتنا الاسباب بس عادي نبي نتجاوز بسبب صعوبة اللغة ههههههه

كيهاليه راجو

أحمد

28-04-2009, 11:51

اخوي المهيني النقاش معك ممتع

طيب نبي نفرض جدلاً ان ابو ضبي فازت بحقوق النقل الحصري للدوري السعودي ولو بعد حين يبقى الامر على ماهو عليه

وحالياً تقدر القناة تصعد اي موضوع بنادي الهلال وتخلي من الحبة قبه والسبب ان الهلاليين مهم قادرين ينفون بسبب المقاطعة

تري مكاسي اخوي المهيني

منصور الـ ع ـطآوي

28-04-2009, 12:30

بعد اذنك يالجثري و يا عبدالله

ابي اتلقف و ارد

طيب نبي نفرض جدلاً ان ابو ضبي فازت بحقوق النقل الحصري للدوري السعودي ولو بعد حين يبقى الامر على ماهو عليه

الجثري حدث العقل بما يعقل

عندك الجزيره الرياضيه عندك اوربت عندك قناة الكاس افضل قناه خلجيه بنقل المباريات
و المحايده بالتحليل و التعليق خاصه مباريات المنتخب السعودي ما اشوفها الا على الكاس و افضل برنامج تحليل بعد و قبل المباره موجود في قناة الكاس و هو المجلس وش ابي في
ابو ظبي و بعدين خل ابوظبي تنقل الدوري الامارتي حصري بعدين و يتلعمون و يتدربون على النقل و بعدين يجون الدوري السعودي

وحالياً تقدر القناة تصعد اي موضوع بنادي الهلال وتخلي من الحبة قبه والسبب ان الهلاليين مهم قادرين ينفون بسبب المقاطعة

الجثري ابي اعطيك مثال نفرض انك انت حلفت ما تدخل مضيف الرياضه و انا جيت و حطيت عنك اشاعه بمضيف الرياضه و وصلك خبر من يوسف اني حطيت عنك اشاعه وش تبي تسوي
بكل سهوله راح تحط رد بشريط الاهداء او تكتب موضوع بقسم ثاني رد على الاشاعه او انا غلطان !!

يعني الهلال بامكانه ينفي و يرد على المقولات الي راح تطلع من ابو ظبي باكثر من طريق
قنوات اخرى قناة اي ار تي الزعيم و قناة الزعيم و الصحف السعوديه اليوميه

و الى اللحين ابو ظبي هي الخسرانه :)

و اسف على اللقافه مره ثانيه roooose

أحمد

28-04-2009, 12:49

منصور احلى مابك لقافتك

اخوي منصور كل القنوات اللي ذكرتها الجزيره والكاس اللي انا اشك بحياديتها وخصوصاً بعد اعتراف خالد جاسم العلني بانه مشجع هلالي بس على العموم الجزيره والكاس واوربت ماقدرت تنقل ابطال اوربا بعكس ابو ضبي الرياضيه وحالياً برنامج خط السته يعد من اشهر البرامج ليه نحاول نعتبر ابو ضبي مجرد قناة وانتهينا لازم نعترف ان ابو ضبي حالياً هي افضل قناة تغطي الدوري السعودي وهموم الشارع السعودي

منصور الـ ع ـطآوي

28-04-2009, 13:10

اذا كذا ابي اكثر اللقافه

طيب يالجثري نسيت البارمج هذي

برنامج كواليس
كره القدم السعوديه - رده الفعل
الدوري السعودي - كليبات الدوري
تقارير ارت سبورت
اهداف دوري المحترفين السعودي
فيديو كليب للانديه السعوديه
برنامج الجوله

و غيرها من البرامج الكثيره و كلها على اي ار تي بس

و ابو ظبي بس برنامج خط السته

يعني فيه فرق كبير

القعيطي

28-04-2009, 13:43

عبدالله المهيني

28-04-2009, 15:52

الهلال فاقناة ابوظبي تملل شعبيه كبير جدا خرج المملكه صحيح انو الهلال يمتلك شعبيه بس بي امنها الهلال الشعبيه الي يمتلكه بسبب الاعلام السعودي لكن لو كان الاعلام السعودي منصف لباقي الاناديه
مااارح يخذ الهلال الشعبيه الموجوه الحين<<<<<يكتب الكلام من القهر

وتحياتي
القعيطي

ماأدري ماهو مقياس الشعبية ؟

هل الإثارة السلبية وإظهارنا بمظهر سيء أمام الغير هي الشعبية ؟

يا أخي العزيز

قناة ابو ظبي ياأخي العزيز عرضت ورتبت مداخلة للأمير ممدوح بن عبدالرحمن

ضد الكاتب محمد الدويش وإظهار محمد الدويش بمظهر غير لائق

ومع هذا لم نجد جماهير الأندية المنافسة تركز على تلك المداخلة وجلب التصريح السابق للكاتب
لكي لا يدعموا قناة أبو ظبي في موقفها السلبي تجاه الكرة السعودية

أيضاً حاولت الدخول والغوص في دهاليز نادي الإتحاد
ولكن عندما لم تجد الدعم الجماهير الأعمى ( وركز على العمى ) كان من الذكاء عدم المواصلة

ياأخي العزيز

لو تعود للأحداث التي سبقت بداية بطولة الخليج السابقة
وما حدث من محمد نجيب ويعقوب السعدي في مهاجمة قناة الجزيرة القناة الراعية بشكل رسمي للبطولة
صدقني بعين المحايد سوف تقول الحمد لله على العقل ماهذه العقليات التي تدير قناة أبو ظبي

هاجموا الجزيرة وهم في البطولة اللي قبلها كانوا يعملون أكثر من مسألة إحتكار
بعكس قناة الجزيرة التي تعمل بمبداً الإحتكار العملي فقط

.
.
.

لكن مجرد أن الموضوع فيه الهلال

فأنتم تصطفون فقط في الصف المقابل للهلال للمعارضة فقط

أخيراً

شاكر لك سعة صدرك لمداخلتي

:)

ابو ضاري

28-04-2009, 16:09

صراحه كلهم كبار قناه ابو ظبي ونادي الزعيم

لكن كلهم خسرانيين كون ابو ظبي تنقل للهلال دون اعلام وكون الهلال يعلب بدون تصاريح

من لاعبين واداريين

ايضا قناه ابو ظبي تنقل ولا تتخذ اي اجراء من ناحيه التغطيه للهلال لانها محجوبه عنه

وتكون اعظم خساره

منيف الوبيري

28-04-2009, 17:09

أخوووي الجثري ,,

بكل صراحه وشفافيه .. الخسرران قنااة أبو ظبي ,,

لعدة أسباب ,,

1/ أن الهلال فريق بطولات وآخرها كأس ولي العهد ..

2/ تخيل لقاء مع ياااسر القحطاني مع أي آر تي والهلال فائز

.. كل الشعب يبي يسمعووون وش يقوول الكاسر (( وأنت اولهم )) خلك صريح

3// عند اعلان الامير الشاعر عبدالرحمن بن مساعد مقاطعة قناة أبو ظبي

لم تكن المقاطعه من فراغ ... طالب الامير وأمام الملأ .. بأن تأتي قناة أبو ظبي

بشخص متعصب للهلال ,, وهذا حق مشروع ..

لأن القناة .. استقطبت محللين متعصبين مليووون بالميه لانديتهم .. على عكس

الاستاذ الطريقي ,,,

ولم تلبي القناة مطلب الهلاليين ,, فمن حق الزعمااااء المقاطعه ,,

(( بأختصااار أنا وش ابي بقناة تجمع قواااه ضد الزعيم ))

وأكبر دليل .. المذيع الميداني الامعه ,, عند قوله لاحد لاعبي الاتحاد .. اعدمتوهم ..

(( بالأخير لدي تعليق على قولك يالجثري بأنك تشك في حيادية الجزيره والكاس ))

بسبب أن خالد جاسم اعلن ميوله ... يأخي وش ذنبه يحب الهلال ,,

طيب وينك عن محمد نجيب وفارس عوض ,, وهم جالسين بجنب منصور البلوي

يوم مباراة الأتحاد ,, لاتنظر للمعطيات من جانب واحد وأنا اخوووووك ..

وتقبل مروري وتعليقي بصدر رحب يااخ العشيره ..

منصور الـ ع ـطآوي

28-04-2009, 17:50

عبدالله المهيني

منيف الوبيري

خوش رد

هذا هو جمهور الزعيم و اسلوبه بالكلام

مو مثل بعض ناس كل كلامه استهزاء و ضحك :)

عبسي

28-04-2009, 18:23

مشكوور يالجثري على الموضوع المهم ..

أنت طلبت بداية موضوعك الكلام بحياديه ..

أنا مشجع هلالي >>>> ماعليكم زود ..

قناة أبوظبي خسرت الهلال والدليل كأس ولي العهد والمباريات الجماهيريه مثل مباريات الهلال والنصر اللي بالدوري وكأس ولي العهد فاز الهلال بهن كلهن ..

يعني تغطيه مافيه ممنوعين وعندك نهائي الدوري تخيل لو الهلال فايز راح يتدهورون يعني ماستفادو شي بالتغطيه بس نقل المباريات ماتنفع المشاهد يبي لقاءات حصريه !!!

ثاني شي أكبر دليل كلام المعلق فارس عوض يوم يقول تقاطعون مافيه مشكله بس تحرمونا المتعه لا !!

وهذا مو معناته أن المشجع الهلالي مايبي يتابع بالعكس أنا أتابع مباريات الهلال على أبوظبي وأتابع خط السته بس أحس فيه شي ناقص هو الهلال ..

والكلام هذا ينطبق على النصر يعني لو مثلن النصر مقاطع أبو ظبي مو الهلال راح تفشل لأن الفريقين عندهم جماهير وهم جايين يبون الشهره مو على سواد عيونا ..

اللي أبي أصل له أن أبو ظبي هي الخسرانه من المقاطعه وليس الهلال ..

ومنيف ومنصور والمهيني ماقصرو ..

في الختام أشكرك يالجثري على النقاش الرائع .

أحمد

28-04-2009, 20:35

اخوي منصور

البرامج المذكوره برامج لقناة ناقله بشكل حصري للدوري السعودي فماهي مقياس

انا اتكلم عن باقي القنواة الرياضية التي يكون فيها برامج تستحق المتابعة

البرامج هي صدى الملاعب مع مصطفى الاغا و (قوردبو) <<< جايزلي اسموه بس هالبرنامج مافيه وقوف مباشر على المشاكل بل بالعكس دائماً مايكون هالبرنامج مجال لتبرير اخطاء النجوم

برنامج في المرمى لبتال القوس برنامج يعيبه استضافة شخصية واحده وتركيز الكلام على هالشخصية مع العلم انها قناة ماهي رياضية اللي هي العربيه بس بتال مسوي نجاح باهر فيها

والباقي ماعندك احد صوره مع التحية للتلفزيون السعودي

اذاً قناة ابو ضبي تعتبر الاميز وانا هنا مااقول ان الهلال هو الخسران بس اقول لانستصغر قناة عشان نادينا المفضل ونجافي الحقيقه

تري مكاسي منصور

أحمد

28-04-2009, 20:45

اخوي عبدالله المهيني

يا أخي العزيز

قناة ابو ظبي ياأخي العزيز عرضت ورتبت مداخلة للأمير ممدوح بن عبدالرحمن

ضد الكاتب محمد الدويش وإظهار محمد الدويش بمظهر غير لائق

هالمداخله انا والله مادري عنها بس انا شخصياً ودي لو الدويش يتحصلة قدام الجمهور عشان يخف من رزة خشمة شوي

أيضاً حاولت الدخول والغوص في دهاليز نادي الإتحاد
ولكن عندما لم تجد الدعم الجماهير الأعمى ( وركز على العمى ) كان من الذكاء عدم المواصلة

اخوي عبدالله يمكن انت مااهتميت بس غيرك من الجمهور الاتحاد تابع واستفاد

هاجموا الجزيرة وهم في البطولة اللي قبلها كانوا يعملون أكثر من مسألة إحتكار
بعكس قناة الجزيرة التي تعمل بمبداً الإحتكار العملي فقط

مع كامل احترامي لرايك الا ان الجزيره عملها كان قلة احترام لقناة ابو ضبي وتساهل مع الكاس وغيرها من القنوات

لكن مجرد أن الموضوع فيه الهلال

فأنتم تصطفون فقط في الصف المقابل للهلال للمعارضة فقط

والله ماودي اقولها بس مهو من حقك تصف الناس بانهم ضد لانهم قالو وجهة نظرهم

وجودك يثري النقاش اخوي عبدالله تري مكاسي لك

منصور الـ ع ـطآوي

28-04-2009, 20:46

طيب يالجثري

اترك عنك البرامج

اذا طلعت ابو ظبي بموضوع عن الهلال

هل سيكون الموووضووع كامل من جميع اتجاهته ؟؟

اكيد لا لان ابو ظبي مراح تحصل اي تصريح من الهلال و ادارة الهلال

يعني كل اي موضوع يكون فيه الهلال طرف يكون ناقص عندهم

و انا ما اجافي الحق على قولتك بس هذا الواقع و الصحيح

أحمد

28-04-2009, 20:49

عمي الضاري كلامك منطق ياابو المنطق <<<<< يتمصلح كان يسوي كذا مع يوسف اول

لاوالله عاد كلامك ياعمي فيه من الصحة الشيء الكثير بس وش اضرار الهلال بوجهة نظرك

تري مكاسي عمي

القعيطي

28-04-2009, 23:05

طيب وينك عن محمد نجيب وفارس عوض ,, وهم جالسين بجنب منصور البلوي

يوم مباراة الأتحاد ,, لاتنظر للمعطيات من جانب واحد وأنا اخوووووك ..

علشان الاعلام منصف
طيب وينك عن ماجد التويجري

وينك عن قناة السعودي سبورت
كلهم من جمهور الهلال ومعروف قناة السعودي سبورت موجوده للهلال وبس
الحمد لله حصلنا اعلام ينصف الاتحاد وينصف الاهلى ويحب النصر ويحب الوطني ويحب الوحده ويحب الشباب ام السعودي سبورت وارتي للهلال بس
تحياتي
القعيطي

أحمد

29-04-2009, 00:46

بسبب أن خالد جاسم اعلن ميوله ... يأخي وش ذنبه يحب الهلال ,,

طيب وينك عن محمد نجيب وفارس عوض ,, وهم جالسين بجنب منصور البلوي

يوم مباراة الأتحاد ,, لاتنظر للمعطيات من جانب واحد وأنا اخوووووك ..

ياخي ليه حرام على المحسبون على ابو ضبي يجلسون بمكان خصص للاعلاميين

وحلال على خالدجاسم يعلن ميوله في برنامجة

اخوي منيف هالحين المعطيات وش تقول ؟؟؟؟؟

عن نفسي اعرف ان محمد نجيب يحب الاتحاد لاكن المهنية في القناة تمنعة من التصريح عن ميوله بعكس قناة الكاس

تري مكاسي اخوي منيف

أحمد

29-04-2009, 00:51

اخوي العمدة

كل الشكر لتفنيدك الاسباب بشكل طيب

بس لاتزعل علي والله اني مااداني الرجال اللي بتوقيعك

تري مكاسي لك

واحد شقردي

29-04-2009, 02:08

احسك توهقت يا الجثري هاهاها

اعترف ان ابو ظبي هي لي خسرانه

أحمد

30-04-2009, 01:47

خلاصة الكلام انا مقتنع بان قناة ابو ضبي هي الخسرانه

وانهم تورطو بمكابرتهم

والموسم الجاي راح تحقق كل مطالب الهلاليين وكل الشكر للشباب اللي شاركو معي بهالنقاش

تري مكاسي للجميع

منيف الوبيري

30-04-2009, 02:09

الجثري ,,, بكل صراحه أنت شنب ..

لانك صريح جدا جدا ,,

ترا مكاسبي أنت(( مايقلد راع الموضوع ))

جبرني الوقت18

30-04-2009, 05:03

الهلال هو الخسران

18

أحمد

30-04-2009, 12:29

^
^
^

طيب ليه طال عمرك ؟؟؟

القعيطي

30-04-2009, 17:51

الهلال هو الخسران علشان قناة ابوظبي محيدها

الشبث

01-05-2009, 02:20

اخوي الجثري

عجبني طريقة طرحك للموضوع

ولم تعجبني طريقة نقاش الاخوان الهلاليين

فهم دائماً يحاولون ان يوهمون العالم ان الهلال كسبان والعكس صحيح

انا لا اقول ان الهلال خسران او ابو ظبي خسرانه

خلنا نمشي نقطه نقطه

اولاً

ابو ظبي وش خسرة من هالمقاطعه

فقط خسرت تصاريح من لاعبي الهلال فقط لا غير

ولكن كمتابعه

اجزم ان شريحه كبيره من جماهير الهلال تحب فارس عوض وتتابعه مثل باقي الجماهير

وهذا ما تريده القناه ان تجذب الانظار اليها

والهلال لم يقاطع القناة الا بالتصاريح من اللاعبين

ولو تذكر كيف تميزة القناة بلقاء مع المدرب كوزمين بعكس جميع القنوات حتى اي ار تي الزعيم

وبرنامج خط السته اللي يتابع بشكل كبير من باقي الجماهير

ثانيا

الهلال ماذا خسر من قناة ابو ظبي

لم يخسر الا تغطيه تصاريح لاعبيه

كذلك اهتمام القناه فيه بشكل كبير مثل باقي الانديه

اخوي الجثري

خلنا نقارن شوي بين عقود الشركات الراعيه وبين القنوات

شركة موبايلي ترعى نادي الهلال

وشركة الاتصالات السعوديه ترعى النصر والاتحاد والاهلي والشباب والاتفاق والوحده

واغلب الانديه السعوديه

هل شركة الاتصالات خاسره لانها لم ترعى الهلال

وهل موبايلي خسرة الانديه الاخرى

كل الانديه ربحة من العقود وكل الشركات ربحت

فلا نكون مثل احصائية زغبي التي حضرت بأحصائية مضحكه

وتقلدوا تحيتي

أحمد

05-05-2009, 03:00

ياخي وينك من بدري والله حشرونن الربع حسيت ان بعضهم يقول هالعلماني هذا وش يبي << طلعلوه ريش يوم جاء شبيثان ههههههههههه

طيب ابو ماجد من هو الخاسر الاكبر بصراحتك المعهوده الهلال او ابو ضبي ؟؟؟

لاتبعد ترن اذل بسرعة واصير معهم خخخخخخ

منصور الـ ع ـطآوي

05-05-2009, 03:41

^

^

^

مثل النصر

النصر يبنون الفريق للموسم الجايه

هم يحضرون الردود بعدين يردون

الشبث

05-05-2009, 11:46

اخوي الجثري

تعال ابيك

تشوف منصور تقل يبي يبتسي

ترن حشرتوه بموضوع ثاني خخخخخخخخخخخخخخخخخخخخخخخخخخخخخخخخخخخخ

بما انك طلبت الصراحه اخوي الجثري فأبشر

ابي اسألك سؤال قبل

الاتصالات السعوديه خسرت يوم راح الهلال لموبايلي ؟

اعتقد الاجابه واضحه وهي انها لم تخسر لكن قلت ارباحها بشيء بسيط

لكنها ربحانه مافيها شك

وشي اكيد انها كسبت جماهير الاتحاد والنصر والاهلي والاتفاق والشباب

وشركة موبايلي لو خيروها بين الهلال وهذه الفرق لاختارت الفرق الاخرى بكل تأكيد

لانه بأختصار جماهير الانديه الاخرى اكثر بكثير من جماهير الهلال المعروف عنها

حضور المباريات المجانيه لفريقها

يعني انها لا تدعم فريقها بشي

واذا عدنا لسؤالك من الخاسر الهلال او ابو ظبي

فأعتقد ان ابو ظبي كسبت متابعة جميع الجماهير بما فيها جماهير الهلال

ولم تخسر الا تصاريح المرشدي ونامي وامثالهم

يعني ان القناة لم تخسر ابداً

بل ربحة متابعه جماهيريه لم تكن لتتابعها لو لم تغطي الدوري السعودي

والهلال لم يخسر شيء من مقاطعته ابو ظبي لانه بالاساس لا يتعامل معها واستمر على وضعه القديم

يعني انه لا يوجد خاااسر

فلا يضحكون علينا اللوبي الازرق ويحسسون العالم ان ابو ظبي ميتتن عليهم

خخخخخخخخخخخخخخخخخ

وتقلد تحيتي

منصور الـ ع ـطآوي

05-05-2009, 16:57

^

^

^

يحووول مسكين

يقول حشرن وهو مو حول الحشر

ههههههههههههههههههههههههههههههههههههه

تركي الزياد

06-05-2009, 00:44

\/
\/
\/

منصـور ما عليـك .. !

فقـاعـة صـآبـون .. :)

ههههههههههههه

حيل حليل

06-05-2009, 00:54

انا اتوقع ان الاثنين خسرانين
فقناة ابو ظبي خسرت تصريحات لاعبي واداريي الهلال
والهلال وجمهوره خسروا ان يروا لاعبيهم وادارييهم على القناة الابرز بنظري

لكن تصدق ابو ظبي به مشكلتين بس
الاولى هو وجود الدويش اللي كانه عاض له ابره
ياكرهي له
والثانيه هي وجود جستنيه
صاحب اخبث قلم اعلامي
ياخي كل ما اشوفه يطري علي القندس

ياجدي يافارس عووووووض عز الله وجودك يخلينا نغض النظر عن كل بلاوي قناتكم

العشير وش عندك مسكت على رياضه
ماش شكله خنترررررر

ريم السواس

29-05-2009, 02:27

ولك انا الخسرااااااااااااانة الوحيدة

عشانو ماعرفتك من زمان

ريم السواس

29-05-2009, 02:31

ولك ياعيوني انا اخسرانة الوحيدة..................

شنو ماعرفتك من زمان

منصور الـ ع ـطآوي

29-05-2009, 02:43

^

^

وش السالفه

جاايبه طبلوونك

عجايب بنت الشايب

29-05-2009, 04:00

8
8

ومدحدره :) بعنف

منصور الـ ع ـطآوي

29-05-2009, 04:42

^

^

^

اي عنف انتي و بساسك

:)

القناصه

29-05-2009, 17:43

انا من وجهة نظري ومادري اذابتعجبكم ولا لا

ان القناه هي الخسرانه

اولا سواء كان النادي الهلال اوغيروه فكل الانديه السعوديه لها ثقلها

القناه ترتزق من ورى الهلال موالهلال يرتزق من القناه

وتتوقع اذا هالقناه موجوده بعد سنه فانا راح اكدلك بعد سنتين بتجي قناة غيره وبيبقى الهلال او اي نادي اخر

اسفه على الاطاله وشكرا