يوميات رحلة

[فوووز]

http://up.upkelk.com//uploads/images/up-4b838c8715.gif

السلام عليكم ورحمة الله وبركاته,,,

مساء الخير..

بعد عناء ومشقة الدوامات..جت لنا هالإجازة كنقاههة..
قلنا نستغلها بتغيير الجو..
طبعا هالاجازة ماكانت لنا بس أنا بصراحة مافيني أواصل لين شهر 8 من دون إجازة ,,,
استأذنت ...
وأستعديت للرحلة..
أجلت الرحلة ليوم الجمعة عشان يوم الخميس معزومة على عرس أخت زميلتي وعشان خاطرها بحضرة...
حضرنا العرس أنا وليالي... ووسعنا صدورنا وغيرنا جو :)
وبعد الرجعه من العرس
قمت أكمل أستعداداتي للسفر ..:7_5_129:
إلين جت الساعة 3 الفجر..

و يوم الجمعة......
قوموني أهلي الساعة 8 الصبح .. يقولون لي يالله تاخرتوا خلنا نمشي..
طبعا مع التمطط مامشينا إلا الساعة 10...
توكلنا على الله ومشينا..
طبعا السيارة كامري..ويالله سادتنا وبالغصب بعد:)
نبي نستأنس مع خواتي ونرتاح بعد كل مشوار من الغسل والترتيب أخذنا معنا الشغالة ..وعسرنا عمرنا عسر :112r: في سبيل الراحة بعدين ,,
المهم كيف كان وضعنا بالسيارة؟؟؟؟؟
والله ياهو وضع.. عشان الشمس والحمس خليت الشغالة عند الباب تحت الشمس على طول <<< مهيب شريرة أبد :477r:
والله ياهي قامت تنود:)
على أني أحب قعدت الباب في السفر أو إذا رحنا نتمشى عشان أشوف المناظر من دون عذال هههههههههههههه
غير كذا أمي ياحياتي ماتحب المكيف يعورها تتعب مررررررررررة
فعشانها سكرنا المكيف وقعدنا بالحر وفتحنا الدرايش
درايش + خط سريع +سرعة 150= تعب وصداع و حرق وعرق و طريق طويل يوووووووووووووه. :36_1_9:>>> لاتعلمون عنا امن الطرق
عاد أنا مع هالجو دخت وقمت أنود مثل الحبيبة اللي جنبي خخخخخخخخخخخ
والله ياهم ضحكوا علي لين قالوا بس
قلت والله مع هالحر وماتبون الواحد يدوخ ..أوووووووووووووف . :36_1_6:
لا وعقب قاموا يتقهوون <<<< :36_1_2:
قهوة +حر= وش يساوي ناس رايقه خخخخخخخخخخخ
المهم قالوا تبين قلت لا
صكتني الشمس وصدعت .. ومليت عيا الوقت يقضي ..
قلت صبوا لي قهوة <<<< بدرررررررررري عقب ماخلصوا الناس متقهوين..
وش أسوي أنا من مدمنين القهوة ولو أبطيت ما ذقتها صدعت ...
شربت القهوة وخف الصداع ,,
هذا فنجال القهوة مركيته على يد الباب .

http://www.arb-up.com/files/arb-up-2008-6/ct825841.jpg (http://www.arb-up.com/)

وهذا الفنجال فاضي .

http://www.arb-up.com/files/arb-up-2008-6/1oY25948.jpg (http://www.arb-up.com/)

ركد رأسي عقب هههههههههههههههههههه
يوم وصلنا الدمام ندور لنا أقرب بيت <<< أمي ماعاد تستحمل الطريق تعبت
قالت أقرب بيت من خواتكم نزلونا عندها الليلة..
نزلنا عند أقرب وحدة..
أستغربت شي في الدمام هالمرة ؟؟؟؟؟؟؟؟؟؟؟؟
أن العصر كان طويل خخخخخخخخخخخخخخخخخخ
والله ما أذكر أن وقت الشرقية عموماً طويل بها الشكل.. :050104_em
عاد يوم جاء المغرب وقعدنا نتقهوى..
طرت في بالي فكرة :012: <<<أفكارك بتدهورك
قلت لأخوي وش رايك تودينا للسوق؟؟؟؟
قال والله أنا بروح لعمي اسلم عليه و ربعي بيجون ومتى ماجوا بروح أنا وياهم ومايمدي ..
قلت طيب نتمشى حنا وياك شوي ودي أروح البحر لو طله :)
ممممممممم
شكل الفكرة ماعجبته.!!!
قالت أختي طيب روحوا أنتم والبزران للحديقة لعبوهم وتمشوا انتم شوي وعقب تعالوا...
والله فكرة ....
جازت لي الفكرة بس البزران يبي لهم من يتابعهم أخاف يجيهم شي وأنا ودي في المشورة أكون لحالي مامعي بزران يقيدوني.. :36_2_20:
قلت طيب أروح أنا وأختي لحالنا نتمشى شوي ونرجع ..
أنا قلتها وإلا ماقلتها <<<< ياويلك من أمك هههههههههههههه
قالت أمي نعم ؟؟؟؟؟؟؟؟؟!!!!!!!!!11
عز الله أنت تبين السفنجه ..
ما أملت عمري كثير.. قلت فوز أركدي أحسن لك ماله داعي تتشوقين للطلعة وأمك رافضه..
بس طبعا ماسكت :050103thi
رحت دقيت على ولد أختي
ألوووووووو.هلا.مشمش .كيفك.تجينا بكرة الصبح بدري تفطر معنا ونطلع حنا وياك السوق ..<<< ماعندها وقت.
قال أنا أحب أصفر الصبح .. قلت سلامتك من جينا مافيه تصفيره خخخخخخخخخخخخ ..خل التصفير إذا رحنا
قال بحاول أقوم من الساعة 8 الصبح وبجيكم.
وعقب عاد ركدت ولا عاد همتني لا روحت الحديقة ولا غيرها <<< ضامنه ولد أختها بإذن الله بكرة..

إلى هنا قضى اليوم الاول ,,
أنتظروني باليوم التالي,,


http://up.upkelk.com//uploads/images/up-448927ea12.gif

[حمـود]

ههههههههههه

الحمد لله على السلامه

كان مشيتوا بالليل احسن علشان الشمس

اجل رحتوا الشرقيه اللي رافضه والدتك

هاه شلون الجو والزحمه يقولون الرياض كلهم هناك

دمت بخير

[الشبث]

الله يخارجتس من هالطلعه


ياخوفي باتسر يقولون عقب باتسر وتطلع لتس حزيمات تريترا


هههههههههههههههههههه







همسه في رقبة الناصر

رد زي الناس ولا لا تقوم تشخبط









لاهنتي اخت فوز على هالموضوع




بس داخ راسي ابي فنجال





وتقلدي تحيتي

[حمـود]

8
88
888

همسه بزلف شبيثان
وشو اشخبط

[فوووز]

ههههههههههه

الحمد لله على السلامه

كان مشيتوا بالليل احسن علشان الشمس

اجل رحتوا الشرقيه اللي رافضه والدتك

هاه شلون الجو والزحمه يقولون الرياض كلهم هناك

دمت بخير
الله يسلمك
مانبي المشوار بالليل يروح اليوم علينا على الفاضي :)
ايه الوالدة كانت رافضة روحتنا ماو افقت الا بعد محاولات مضنية معها اخرتها قالت خلاص نروح بس بحضر العرس اللي معزومة عليه يوم الخميس ونمشي الجمعة << مهوب نفس العرس اللي حضرته :)

بس الجو هالمرة حار ورطب مهوب زي العام فرق كييييييييييير
والزحمة ماعليها كلام الظاهر اهل الرياض والبحرين كلهم هنا :3ajeeb:

[فوووز]

الله يخارجتس من هالطلعه


ياخوفي باتسر يقولون عقب باتسر وتطلع لتس حزيمات تريترا


هههههههههههههههههههه



وشي حزيمات تريترا؟!!!!!!!!!<<< ترجم لو سمحت



همسه في رقبة الناصر

رد زي الناس ولا لا تقوم تشخبط









لاهنتي اخت فوز على هالموضوع




بس داخ راسي ابي فنجال





وتقلدي تحيتي

هههههههههههههههههههههههههههههههههه
الله يحييك يا الشبث

وش اللي دوخ راسك الشمس والا طول الموضوع

عموماً تابعني في اليوميات

تقبل تحيتي

[الشبث]

لا والله يا فوز اللي دوخني منظر هالقهوه وه بس يالبنقاله اللي عندي


ههههههههههههههههه







ومتابعين اليوميااات




وتقلدي تحيتي

[شرهه]

هههههه يا حياة الشقا ..

ما عمرنا سافرنا الا العصير أو بالليل ..
>>>أصلآ الأرض تطوا بالليل وتقصر المسافه..
وفيه حديث شريف يدل على ذلك بس ماني فاكرته >مسكت مع الأخت الاتنصح هع

زين اللي سافرتوا ..

تحيتي لتس

[ابو ضاري]

الحين يافوز انتي جايه من سفر وتبين تروحين للسوق والله الفضاوه

بعدين ليه تحطين الشغاله عند الباب علشان الشمس





حمود الناصر لا تعترض للشبث

[أحمد]

حر .... درايش مفتوحه.... قهوه ..... باقي حلا سنكرس واقول ان اللي يسولف ريال الفسحه


كلكم يااهل الشرقيه على نفس النضام او وش السالفه هالسوالف مرت علي الخميس الماضي


جحد اللومينا والمكيف واغنية يابنت النور


فوووز والله اني ماني متفائل بهالروحه بزعمي لو تاجلونه وتخلون الولد يصفر احسن << حكم ساحه هالولد



تري مكاسي اختي فووووز

[يـــوسف]

حر + خط + داريش مفتحه + قهوه + زحمة ركاب = أقرب صبه وأريح عمري :)



بس لو كان



حر + خط + داريش مفتحه + قهوه + زحمة ركاب + مزعل فرحان يمول = ابوووووووووك يالسفر بس :)



يافوز تسان معلمتنا نوصف لتس سوق القطيف لعنبوه من سوق عقب صلاة الفجر :)



ولا تسان رايحه متمشية بالثقبة توسعين صدرك وتشوفين أجمل منطقة بالشرقية :)




الا تعالي خدامتكم يوم انتي حاطته على الدريشة شنوح هههههههههههههههههههههه


أجل وجهه تشطب وجهه :)




والله من الروقان مصورتن الفنجال :)



لاهنتي يافوز وننتظر باقي الرحلة وش سويتي <_ أهم شي إمدحي الثقبة ستي :d:

[واحد شقردي]

ههههههههههههههههههه

والله روحة الشقى

شقاء بقعاء

[فوووز]

لا والله يا فوز اللي دوخني منظر هالقهوه وه بس يالبنقاله اللي عندي


ههههههههههههههههه







ومتابعين اليوميااات




وتقلدي تحيتي

ههههههههههههههههههههههههههههه
علموا بغاليكم كيف يسويها لكم زين

الله يحييك يالشبث

[فوووز]

هههههه يا حياة الشقا ..

ما عمرنا سافرنا الا العصير أو بالليل ..
>>>أصلآ الأرض تطوا بالليل وتقصر المسافه..
وفيه حديث شريف يدل على ذلك بس ماني فاكرته >مسكت مع الأخت الاتنصح هع

زين اللي سافرتوا ..

تحيتي لتس

أنا صراحة ما أحب السفر بالليل يخوف وأكون على أعصابي
على أني أعرف هالمعلومة بس النهار تشوفين الطريق زين وتضمنين أن السواق ماينعس <<< متعقده :)

[بنت الجبل آخت القصيد]

الحمدلله على سلامتكم يافوز :)
سفر النهار مهو زين الا بالشتاء والربيع

يالله ننتظر يومياتك الثانيه :)
.
.
لاهنتِ

[فوووز]

الحين يافوز انتي جايه من سفر وتبين تروحين للسوق والله الفضاوه

بعدين ليه تحطين الشغاله عند الباب علشان الشمس





حمود الناصر لا تعترض للشبث

ايه انت ماتدري ابي استغل الوقت افضل استغلال :)
كلها كم يوم وراجعين..
والله أنا ما احب اكون بالنص انغفص بس النهار شمس عند الباب فقعدت الشغالة :)

[فوووز]

حر .... درايش مفتوحه.... قهوه ..... باقي حلا سنكرس واقول ان اللي يسولف ريال الفسحه
ههههههههههههههههه
لا اللي تسولف فوز

كلكم يااهل الشرقيه على نفس النضام او وش السالفه هالسوالف مرت علي الخميس الماضي
ومن قال اني من اهل الشرقية انا جاية رحلة استجمام وزيارة عائلية :)

جحد اللومينا والمكيف واغنية يابنت النور


فوووز والله اني ماني متفائل بهالروحه بزعمي لو تاجلونه وتخلون الولد يصفر احسن << حكم ساحه هالولد

لا رحنا ولا صفر الولد

تري مكاسي اختي فووووز

الله يحييك يا الجثري

تقبل تحيتي /أختك فوووز

[فوووز]

حر + خط + داريش مفتحه + قهوه + زحمة ركاب = أقرب صبه وأريح عمري :)
خخخخخخخخخخخخخخخخخخخخخخخخخخخخخ
العمر غالي نتصبر على كل هذا وننخمد لين ناصل


بس لو كان



حر + خط + داريش مفتحه + قهوه + زحمة ركاب + مزعل فرحان يمول = ابوووووووووك يالسفر بس :)

لا هنا والله اللي يخوف وأن صار شي والأغاني ترن الله يستر,,


يافوز تسان معلمتنا نوصف لتس سوق القطيف لعنبوه من سوق عقب صلاة الفجر :)

ليه هم من صباح الله خير وهم بسوقهم :)

ولا تسان رايحه متمشية بالثقبة توسعين صدرك وتشوفين أجمل منطقة بالشرقية :)

والله :)
الى الان ماحصلها الشرف الثقبة بزيارتي :)
كان مرينا عليها عقب مرور الكرام ماهقوتي نتمشى بها :)


الا تعالي خدامتكم يوم انتي حاطته على الدريشة شنوح هههههههههههههههههههههه
سبق الجواب على هذا السؤال في الرد على الضاري خخخخخخخخخخ

أجل وجهه تشطب وجهه :)

الا كل شوي تنود ماعاد الى تنسدح علي وكل مرة احط يدي على كتفها اقومها لاتنطحني بدمجتها :)


والله من الروقان مصورتن الفنجال :)
إيه ماروقت إلا يوم تقهويت .. قبل منخمده وذابحني راسي من الحر والشمس


لاهنتي يافوز وننتظر باقي الرحلة وش سويتي <_ أهم شي إمدحي الثقبة ستي :d:

ههههههههههههههههههههههه
ان شاء الله بنزل الباقي
بس ما أضمن لك اني امدح الثقبة ستي على قولتك..

تقبل تحيتي /أختك فوووز

[فوووز]

ههههههههههههههههههه

والله روحة الشقى

شقاء بقعاء

صحيح تعب بس الاهم انا نغير جو

تقبل تحيتي/أختك فوووز

[فوووز]

الحمدلله على سلامتكم يافوز :)
سفر النهار مهو زين الا بالشتاء والربيع

يالله ننتظر يومياتك الثانيه :)
.
.
لاهنتِ

الله يسلمك يا عطر
ادري بس اقولك الاجازة ماتسوى وحنا فوتنا منها يومين ومايصير نفوت الثالث..
غير انا نبي نرجع الخميس..

تقبلي تحيتي/أختك فوووز

[فوووز]

http://up.upkelk.com//uploads/images/up-f99a18fd8d.gif

رجعت لكم باليوميات,,,,

اليوم الثاني:

تسألوني عن مشمش وروحة السوق..أكيد :110103_su
قمت الساعة ثمان الصبح ودقيت عليه ..
قال:سيارتي خربانه ما أقدر أجيك..
يوووووووووووووه وش هالحظ ؟؟؟؟؟؟!!!!!!!
وراح علينا الصبح من دون مشوار
ما أشبه الصبح بالبارحه <<< تشقلب المثل على مزاجها :)
<<<< تبي تستغل وقتها أحسن أستغلال بس الظروف ضدها ..
قلنا بس خلاص بلا سوق بلا بطيخ..أنثبروا << أكره أني اخطط وأضبط ويخرب كل شيء أوووووووووووووووووف :36_2_6:

وقبل العصر كلمني مشمش ..
يقولي انه بيجي وبياخذ السيارة ويودينا لأهله..
قلت خلاص تعال.. وودنا للسوق :36_1_1:
<<<<<ماتفوتها راحت عليها روحت السوق الصبح تعوضها العصر :36_2_1:

طبعاً أنا أحب تكون كل اغراضي بشنطتي أضمن انها ماتضيع والا انساها..<<< شنطتها كبيرة :blushing:
يوم جينا نروح للسوق ..
قالت اختي ليه شناطكم كبار ..
قلت عشان نشيل فيها كل شي نحتاجه,,
وقامت تفتشها وأنهبلت من اغراضنا..
صارت تصادرنا وهي مغير تطنز علينا ,, تقول منتمب صاحيات كل هالعفش معكم ترى بتنخلع كتوفكم
عاد قامت كل وحدة منا تطلع اللي عندها تخفف من الحمولة اللي بشنطتها اللي شايلة علاجات واللي كريمات واللي معقم واللي واللي .....
المهم شوفوا المضبوطات خخخخخخخخخخخخ

http://www.arb-up.com/files/arb-up-2008-6/DMC25998.jpg (http://www.arb-up.com/)

عقب مشينا السوق وفريناه <<< ماطلعت بشي :(
نازعن الله البركة هالمرة:(
ماعجبني شي ..
رجعنا للبيت بعد العشاء و طلعنا من الدمام رايحين للظهران
ياحبي لك يانجد,,,
يالله ,,يوم نزلت من السيارة تغير فضيع بين جو ذولا وذولا
الدمام كتمه وحر ورطوبة
الظهران ياحليلهم فيهم من نجد عرق خخخخخخخخخخخخخخخخخخ
هواء بارد وسعه صدر
حتى أنا جالسين بالحوش نتقهوى ونتعشى نعوض الكتمة اللي أنكتمناها في الدمام.
رجل اختي الله يعافيه عشان امي ماتحب المكيف وييته تكييف مركزي استاجر لها خيمة وحطها بحوش البيت تنام فيها بالليل وتتقهوى وتفطر فيها الصبح
قبل ماتحتر الشمس وعقب تدخل معنا في صومعتنا البارده خخخخخخخخخخخخ
المهم من جيناهم وهم مبشرينا بقدوم خادم الحرمين الشريفين
والله اني استانست بجيته كأني بسلم عليه:7ayyoh:
قلت هو بيمركم اذا جاء برتز له بالشارع احييه خخخخخخخخخخخ :480r:
قالوا لا ترى مافيه لا دخله ولا طلعه
:eek:
قلت ليه مافيه لابحر ولا سوق ولا غيره :frown:
قالوا لا ممكن بالليل
أمممممممممممممممم
قلت طيب على الاقل اشوف مول غير <<< في راسها روحت سوق الى هالحين ,,ماتبي ترجع ماتسوقت :)
قلت وينك ياليالي ليتك جايه نروح سوى للسوق وللبحر ...وتسلمين معي على الملك :001b:
وماصدقت عاد قمت بدخل النت امس ماعندي شي ..
أنعس وذابحني النوم وقاعدة سهرانه انتظر ليالي تتصل اشوفها مشتاقة لها.
طولت هالمرة مادخلت قمت ارسلت لها تراي فاضية ادخلي ابيك قبل ماانام ,,
جت واتصلت ام حمادة يالبى قلبها..
قعدت تسولف علي وسهرتني لين الساعة 3
قلت ترى الديكة قامت تأذن <<الديكة اللي بحوش اختي :)
والشرقيه يأذنون الساعة 3 مايمديني انام ,,
وطلعت و سكرت اللاب
ونمممممممممممممممممممممممممت و لابي جنبي:)

إلى هنا انتهى اليوم الثاني,,
وانتظروا اليوم اللي بعده,,و وش صار فيه



http://up.upkelk.com//uploads/images/up-55421ce103.gif

[εïз خزامى εïз]

يآآآآآآآآآآآآآآآآآآهـ يالشرقيه بسسس
الحمد لله على سلامتكم بالوصول اولا....
وسلامتك من الــ"تنويد" << بالله وشلون يعني تنود :) هههههههههههههههه يعني توّن ؟؟
يلآ عاد كملي وين رحتو بعد؟؟
ودي تروحين للواجهه عند جهة ماك
دآآآآآآآآآيمن اجلس بكرسي قرب من البحر قدآم مآكـ او الكراسي اللي مقابلها شرنبي من الشارع المقابل
اذا لقيت احد جالس فيه اطرطع هههههههههههه
ان شاء الله تنبسطين
بس كملي عسى جآكم ولا سحب عليكم؟؟
الله يستر :frown:
وووهـ يالخبررررررر
ميرسي فوزآني

[εïз خزامى εïз]

اليوم الثاني/
ههههههههههههههههههههههههههه
اني داريه انه ماآرآح يجي
بعدين ترى الشرقيه وش زين جوهآ
توووهـ أمس قالب رطوبه من جيتكم انتم << خربت الاخلاق هههههههههههه
>>> وش اسوي مآأرضآ عالخبر ولا الدمام :frown:
طيب وين بتروحين أي سووق؟
وليه مالقيتي شئ؟؟:frown:
حظ شين
كله من يوسف:) ههههههههههههههههههه
ننتظر الباقي
ميرسي قلبو

[غالب]

http://www.arb-up.com/files/arb-up-2008-6/DMC25998.jpg (http://www.arb-up.com/)
والله ماأقول غير مقولتي الشهيره والتي هي:
يارحلة الشر والشرير




واستلمي سلامي

[فوووز]

يآآآآآآآآآآآآآآآآآآهـ يالشرقيه بسسس
أيه مايقول هالكلام الا اهلها :)
الحمد لله على سلامتكم بالوصول اولا....
الله يسلمك يا خزومه
وسلامتك من الــ"تنويد" << بالله وشلون يعني تنود :) هههههههههههههههه يعني توّن ؟؟
هههههههههههههههههههههههه
التنويد ياطويلة العمر هو انك تنامين ويقعد راسك يميل مرة يمين مرة يسار مرة يطيح قدام مرة يصفق ورى خخخخخخخخخخ
ان شاء الله فهمتيني :)
يلآ عاد كملي وين رحتو بعد؟؟
ودي تروحين للواجهه عند جهة ماك
دآآآآآآآآآيمن اجلس بكرسي قرب من البحر قدآم مآكـ او الكراسي اللي مقابلها شرنبي من الشارع المقابل
اذا لقيت احد جالس فيه اطرطع هههههههههههه
ان شاء الله تنبسطين
بس كملي عسى جآكم ولا سحب عليكم؟؟
الله يستر :frown:
وووهـ يالخبررررررر
ميرسي فوزآني


انت تابعي اليوميات وتعرفين وين رحت :)
العفو ياخزومه

[فوووز]

اليوم الثاني/
ههههههههههههههههههههههههههه
اني داريه انه ماآرآح يجي
بعدين ترى الشرقيه وش زين جوهآ
توووهـ أمس قالب رطوبه من جيتكم انتم << خربت الاخلاق هههههههههههه
خواتي يقولون على حظكم تغير الجو
>>> وش اسوي مآأرضآ عالخبر ولا الدمام :frown:
طيب وين بتروحين أي سووق؟
رحت بن خلدون وعقب رحت للظهران مول
وليه مالقيتي شئ؟؟:frown:
اول مرة ما أدري مالقيت شي يجوز لي
والمرة الثانية تعكر مزاجي
حظ شين
كله من يوسف:) ههههههههههههههههههه
ليه وش دخل يوسف ؟؟؟
لايكون صار شماعه مثل سناعيسو :)
ننتظر الباقي
ميرسي قلبو


وانا باذن الله متواجدة معكم بيومياتي
:)

[فوووز]

والله ماأقول غير مقولتي الشهيره والتي هي:
يارحلة الشر والشرير






واستلمي سلامي

هههههههههههههههههههههه
لا ان شاء الله رحلة الخير والخيّرين

حياك سناعيسو

[فوووز]

http://up.upkelk.com//uploads/images/up-be25458cc4.gif


اليوم الثالث:,,,,,
قمت على الساعة 8 فيني نوم ماشبعت :408r:
البيت مليان بزران وجوجو وأهلها البارح لحقونا <<< ماقدروا يقعدون وحنا ماحناب عندهم :)
ومن جت وهي نايمه يوم قامت الصبح ومن الوناسة تصارخ شايلة البيت شيل ماعندها شي اسمه قصري حسك
و صاير لهم دبكي بالبيت وبالحوش وحالتهم حالة :023b:
قعدت شوي ابي انام عجزت اغصب عمري ابي ارقد..
يالله غطيت شوي وجو يقوموني يقولون فوز قومي الساعة 12 الظهر
:confused: ؟؟؟؟؟؟؟؟؟؟؟؟؟؟؟!!!!!!!!!!!!
أستغربت معقول مااحس اني نمت هالكثر..
وأنا أفز واقوم وأناظر جوالي ألاها الساعة 9 :36_2_5:
ياشين اللي يقومني ويخرعني والا يكذب علي .. ماأحب هالتقويمة أوووووووووووووووف
قمت قلت وين أمي قالوا برى في الخيمة وعندها القهوة
قلت يالله قوه خلونا نروح نتقهوى معها..
مامداني ابطلع الا زوج اختي جاي ومخرب علي مخططي..
عقب مالي الا انطق داخل منول بجرب الخيمة وجوها .. :36_1_3:
و تقهويت بالبيت,,
وعلى الساعة 2 وزيادة سمعنا صوت سيارات الشرطة <<< ما اعرف اسمها خخخخخخخخخخخخخ
قلت اكيد الموكب (موكب الملك)وانا اتولم بطلع اشوفه :050104_em
رحت البس نظاراتي عشان اشوفه زين بوسط الشمس واجيب جوالي بصورة .. :18_3_110:
وشفته ... :001b:
ياربي تعزة وتخليه لنا ..آميييييييييييين
وقع الاختيار اليوم على روحة السوق عشان ماعاد فيه سوق عقب هالمرة..
وبكرة يجي دور طلعات البحر ..
رحنا السوق,,:110103_su
وأنا فيه جاني مسج ضيق صدري ,,
صارت ليالي تعلمني بالحادث اللي تعرض له أخوها..<<< سبحان الله هالإنسان أحسه أخوي الصغير>>>لان اخوي الصغير كبره.
عسى الله يقومة بالسلامة..ويخليه لكل عيناً ترجيه.ويحفظه لأميمته.
ضيقت صدري وتغلقت ما عاد أقدر أتسوق << ماتعرف تشتري الا وهي رايقه خخخخخخخ :508r:
صرت أمشي بالمحلات وانا جوالي بيدي ..و اللي صار طول الوقت ببالي..
وعلى صلاة العشاء ذكر مشمش مبارة الهلال والنصر
قال يالله شطبوا اغراضكم نبي نرجع عشان اطالع المباراة ماأبيها تفوتني <<< قلت الروحة من البداية مواريها باينه :qannaj:
قعدت اتفرج على العالم اللي رايحة واللي جاية ,, ياهم مناظر!!!!!!!
الشباب بالسوق مناظر مخزية بصراحة ..ماأدري كيف يفكرون ,,
يجيك الواحد يمشي رجليه تصافق ببعض من ضوق البنطلون وأجسامهم أبد مهيب على رجال ولا حتى أجسام الحريم.. تحوم الكبد<< أستغفر الله
والا هاللي لابسين بنطلون طيحني اللي على زر الورك لا ولابسين حزام عشان مايطيح ,,وش خلوا عشان يمسكه لهم !!!!,,ماأدري كيف يجرؤون يلبسونه .
فيه سؤال يطرح نفسه هنا؟؟؟
كيف يمشون بها البنطلون وبكل ثقة يلفون المول لف.. وكيف يجلس هاللي لابسه؟؟؟؟ كيف ياخذ راحته؟؟؟
عجيبيييييييييييييييييييييييييييييييييييي يين.
اللي مستغربته ان الشباب اللي عليهم ثوب وشماغ نادرييييييييييييييين..
لو بحلف اني ماشفت امس الا اقل من العشرة .
والا هالكدش :afro: أستغفر الله العظيم..عليهم أشكال منفشين شعورهم غصب تقول معلوكه خخخخخخخخخخخخخخخخ
المهم ...
خلصنا وجينا بنرجع للبيت...
طلعنا ندور السيارة مالقيناها خخخخخخخخخخخخخخخخخخ
مشمش يوم يجيبنا وقفنا عند بوابة ورجع وجاب اخوه ووقف عند بوابه ثانية وماعاد يدري وين وقفها فيه خخخخ
يوم جينا المواقف كانت السيارات اللي موجودة خفيفة ويوم طلعنا كانت المواقف مليانة..
قام يدور هو واخوه في هالمواقف ثلث ساعة..
كل واحد يقول موقفينها عند البوابة رقم كذا لا كذا...:232r:
الين استقروا على بوابتين كل واحد راح عند وحدة يفرفرون بين السيارات ألين لقاها الصغير خخخخخخخخخ << مشكلة مشمش نساااااااااااي
<<< راح عليهم الشوط الاول من المباراة
رجعنا البيت وعلى طول للتلفزيون يطالعون المبارة <<< تراهم هلاليه :)

قمت بكلم ليالي قلت بشوفها بسال عن أخوها باذن الله انه صحى وصار أحسن ..
ماردت علي زادت قلقي..
قمت ونزلت موضوع عن الصقر .. وأنه بحاجة لدعواتكم.. عسى الله يقبل منا ومنكم..
تعشيت ورحت أفتح اللاب اشوف اكود انها تتصل اشوفها تعلمني عن اخباره..
وابشركم لقيتها.. وطمنتني عليه ..
وبعد ماخلصت بروح انام اعوض قلة النوم حقت امس

وانتهى اليوم الثالث..
وأشوفكم باليوم الرابع..


http://up.upkelk.com//uploads/images/up-7cb6542db2.gif

[εïз خزامى εïз]

سيآرآت الشرطهـ لهآ أسم اصلن؟؟ هههههههههههههههههههههههههههههههههههههههه هههه
والله ماظنتي لها أسم يابعد عمري
سيارات شرطه .. كذآ اسمهآ :blushing:
بطول بالرد ترى :blushing:....ممكن؟
انسي أنكـ تشبعين نووم لمآ تكونين مسآفرهـ
اصلن حلاتهآ تنامين ست ساعآت والباقي حللي الجيه :) هههههه
وعلى اللي يقومون على اسآس انهآ الحين متأخر الوقت
ياااااااشييييينهم شريرييييييييييييين أشر شئ
مآمآ تقول لي تأخرتي الساعه سبع ونص
وأقحصصص
وأخآف :frown:
والنهآيه الساعه ست :frown:
احيانا عليهآ حركآت شريرييين
ممم وش بعد بقووول ؟؟ :blushing:
أيه
الكدش هههههههههههههههههههههههههههههههههههههههه هههههههه
أنتي لاحظتي انهم رجعو لموضه السبعينآتـــ
ترى بعد كم سنه بيشوفون أنفسهم يآآآع هههههه
وقديمين ويفشلون وبيقول كل وآحد فيهم وشلون كنت اشوي كذآ
ووووو بعد فيه شئ كنت بقووله
لحظه بقرأ مرهـ ثآنيه....!!!
أيه...! :)
حرآم عليك الحين بالعكس السووق اذا "ضآق صدري"
أطلع له
والله ياختك اذا شريت قطع احس ان الضيقه تخف واحس اني ارتآآآآح
اروح اقوس لي بالكعوب {اكرمكم الله} واقووس فيها
واشتري تقريبا قطعتين ثلاثه
<يعني بضيقة الصدر لازم فلوس هههههههههههه
اوب عاآد دايم كذا بس فكرة السوق بضيقةصدر
أطلللق شئ هههههههه
الحين نتيجة المباراه على بالي النصر فاز
بس يقولون تعادلو صح؟
والحمد لله على سلاآمة أخو ليآلي
مايشوفون شر بحبيب ولا غآلي
يلآ ننتظر البآقي
ميرسي قلبي
http://www.shmmr.net/vb/images/icons/15.gif

[فوووز]

سيآرآت الشرطهـ لهآ أسم اصلن؟؟ هههههههههههههههههههههههههههههههههههههههه هههه
والله ماظنتي لها أسم يابعد عمري
سيارات شرطه .. كذآ اسمهآ :blushing:
أقصد وش يقال لهم ماادري وشم المهم لاتدققين خخخخخخخ
بطول بالرد ترى :blushing:....ممكن؟
خوذي راحتك..
انسي أنكـ تشبعين نووم لمآ تكونين مسآفرهـ
اصلن حلاتهآ تنامين ست ساعآت والباقي حللي الجيه :) هههههه
وعلى اللي يقومون على اسآس انهآ الحين متأخر الوقت
ياااااااشييييينهم شريرييييييييييييين أشر شئ
مآمآ تقول لي تأخرتي الساعه سبع ونص
وأقحصصص
وأخآف :frown:
والنهآيه الساعه ست :frown:
احيانا عليهآ حركآت شريرييين
ممم وش بعد بقووول ؟؟ :blushing:
أيه
الكدش هههههههههههههههههههههههههههههههههههههههه هههههههه
أنتي لاحظتي انهم رجعو لموضه السبعينآتـــ
ترى بعد كم سنه بيشوفون أنفسهم يآآآع هههههه
وقديمين ويفشلون وبيقول كل وآحد فيهم وشلون كنت اشوي كذآ
ووووو بعد فيه شئ كنت بقووله
ملاحظاتك في محلها ياخزومه..
هي طفرة هالحين وكأنهم واصلين القمر..
بس بكرة يشوف شكله بها المنظر يتحسف أنه سوى كذا..
لحظه بقرأ مرهـ ثآنيه....!!!
أيه...! :)
حرآم عليك الحين بالعكس السووق اذا "ضآق صدري"
أطلع له
والله ياختك اذا شريت قطع احس ان الضيقه تخف واحس اني ارتآآآآح
اروح اقوس لي بالكعوب {اكرمكم الله} واقووس فيها
واشتري تقريبا قطعتين ثلاثه
<يعني بضيقة الصدر لازم فلوس هههههههههههه
اوب عاآد دايم كذا بس فكرة السوق بضيقةصدر
أطلللق شئ هههههههه
لا ياعمري أنا أجي للسوق مفرفشة ومبسوطة
بس إذا ضاق صدري ما أقدر أركز :)
الحين نتيجة المباراه على بالي النصر فاز
بس يقولون تعادلو صح؟
الا اذكر انهم تعادلوا حتى ان عيال اختي بغوا يشجعون بحوش بيتهم خخخخخخخخخخخخخخخخخ
والحمد لله على سلاآمة أخو ليآلي
مايشوفون شر بحبيب ولا غآلي
يلآ ننتظر البآقي
ميرسي قلبي
http://www.shmmr.net/vb/images/icons/15.gif
الله يسلمك من كل شر
والله يخليه لأهله و يمتعه بالصحة والعافية

أنا ما أشوف متابعني إلا أنت بس لعيونك خزومه تابعي وأنا بتابع تنزيل الايام الباقية..

[فوووز]

http://up.upkelk.com//uploads/images/up-9d5a143355.gif

اليوم الرابع...

بدأ اليوم وهم يتشاورون وين يروحون,,واستقروا على الروحة لشاطئ العقير..
استعدينا ومشينا بعد صلاة العصر..
الكل لبس وكشخ وطلع مع أمه إلا ولد أختي الكبيرة (سعّودي) قبل مانطلع تبيه يجيها عشان تغير ملابسه وعيا يجي ,لبس اقرب نعال له وهج وركب السيارة مع ابوه وعيا ينزل يخاف نروح ونخليه..
ركبنا وكانت السيارة زحمة وحوسة وغفصة..
والبزران ركبناهم ورى عشان يوسعون عيلنا قام كل واحد يصيح وينوح يبي امه فضت الغمارة اللي هم فيها وعسرونا..
والمسافة مهيب قريبة عشان نتحملهم..
حنا بس مشينا شوي الى العالم كلها خاشعه :)
جو وناموا هم وأمهاتهم خخخخخخخخخخخخخخخ
واللي ورى بعد ماقصروا مايبون لهم الا اشاره خخخخخخخخخخخ
من تمشي السيارة وهم فطيس :)

اختي الكبيرة قائدة الرحلة ومشتغله مرشدة سياحية وكل مامرينا شركة والا منطقة قالت هذي الفلانية وهذي العلانية
المهم وصلنا العقير شاطئها كان شاطئ طبيعي وحلو مرررررررررررة وكله نخل شكله بقايا ناس ساكنه قبل يعني أطلال<< تحليللات شخصية :)
وقلنا نبي نروح لميناء العقير القديم اللي على وقت العثمانيين نبي نتمشى فيه ونشوفه وعقب نرجع للكورنيش.
أنا احب المناطق الاثرية ..أشوى اللي ماصرت عالمة آثار هههههههههههههه
لفيناه كم لفه وهذي بعض الصور اللي أخذتها له.

http://www11.0zz0.com/2009/04/30/22/429321884.jpg (http://www.0zz0.com)
http://www11.0zz0.com/2009/04/30/22/520313472.jpg (http://www.0zz0.com)
http://www11.0zz0.com/2009/04/30/22/979590182.jpg (http://www.0zz0.com)
هنا بادية فيه عمليات الترميم..
http://www11.0zz0.com/2009/04/30/22/825739652.jpg (http://www.0zz0.com)
عاد اللي يعرف شي عن ميناء العقير يقولنا أنا ماعندي معلومات عنه..
وعقب رجعنا للكورنيش بس كنا قبل المغرب يعني مايمدي نصور البحر زين :(
وصلنا وتجمعوا كلهم على البحر وقاموا يتفقدون الرعية الى (سعّودي) جاي << راعي النعال :)
الا أحلى مانشوف نعاله كل رجل لون وحدة بني وحدة سماوي خخخخخخخخخخخخخخخ
لا ومشقلبة اليمين يسار واليسار يمين خخخخخخخخخخخخخخخخخ
شكله كان صراحة ظرييييييييييييييف..
http://www11.0zz0.com/2009/04/30/22/717844279.jpg (http://www.0zz0.com)
وطبينا البحر ولا يهون نزل معنا معكوك خخخخخخخخ
ويوم جاء يطلع نزل يمشي مع أخوه مشمش
هذاهم يمشون..
http://www11.0zz0.com/2009/04/30/22/183101940.jpg (http://www.0zz0.com)

الحلو في هالشاطئ انه مهوب عميق وحلو للمشي فيه << هوس :)
وكل مكان تلاقي حصى كبار بامكانك تقعد عليها..وتهووووووووووووووووجس :)
http://www11.0zz0.com/2009/04/30/22/390840861.jpg (http://www.0zz0.com)
مشينا فيه شوي وطافشنا ... لين ظلم الجو ورجعنا..
كان الجو حلو وبارد بس اللي تربص عيت ملابسه تجف خخخخخخخخخخخخ
تقهوينا وشوينا وتعشينا ورجعنا على الساعة 12 بالليل
بس اللي ينغص عليك الجو هاللي مغير يلفون على الناس اللي جالسه وزايدين للمسجل والموسيقى ترن ,,
والادهى والامر هاللي يكون مشغل اغاني اجنبية بالله يفهم منها شي ..
والله انا بصراحة اقول عساه يفهمها هو بالاول مهوب ترن عندة ومعلي عليها الصوت وهو مايدري وين الله حاطه.
لدرجة انه نادراً ماتمر سيارة ماشغلت أغاني أو موسيقى ..

عاد جاء وقت الرجعة ..سفر ومشوار..
الزحمة اللي كانت بالروحة مانبيها تتكرر ومانبي نقعد دورين:) عاد الدنيا ليل مانقدر نقول لأحد لا ترقد
خففنا هالزحمة كيف؟؟؟؟؟؟؟؟؟؟؟؟
السيارة الثانية فاضية مافيها الا الرجال
صرفنا لهم البزران اللي غاثينا .. شوي وهم نايمين ماراح يطولون..<<<تصريفه :)
قمنا بنركب والبزران رايحين يلعبون ويوم جو قلنا لهم روحو اركبوا بالسيارة الثانية..
وأخذت لي موقع محترم بالسيارة عشان جاء دوري أنام :)
وصلنا البيت الساعة 1 ونص
ونزلنا عفشنا وجيت اطل عليكم عيا النت يفتح قلت بلاها يافوز نامي بس
وراك بكرة قومة بدري ومشوار الله اعلم وين ...

وانتهت احداث هاليوم وبكرة الجاي احلى بإذن الله

http://up.upkelk.com//uploads/images/up-4d59064b99.gifhttp://up.upkelk.com//uploads/images/up-4d59064b99.gif

[ندووو]

الحمدلله على سلامتكم فووووز



الله يعين دايما العطله لا نوم ولا راحه

بس متعتها في التسوووووووووق



ننتظر بقية الرحله



تحياتي

[ندووو]

8
8
تووووووووووو اشوف الصور رووووووووووعه

البحر نظيف يجنن




هههههههههههههههه اما هالولد ونعوله تحفه ههههههههههههههههه

[فوووز]

ندوووووووو
الله يسلمك من كل شر

هذا سعّودي عليه ملح.. وظرافة الله يخليه لهم

انا سعيدة بمرورك ومتابعتك

[ليلى بنت عبدالعزيز]

سلامة الأسفار يالغلا

[فوووز]

http://up.upkelk.com//uploads/images/up-9a8490589b.gif

اليوم الخامس:....


من قمت زي العادة الصبح وأشوف جوجو وأمها وعلاوي لابسين وطالعين قلت وين راجعين؟؟؟؟
أثاري ابوها يبيي يمشيها الحالها ويلعبها :) <<< مالومه ببنيته
طلعوا وركبوا اللنش وجونا يورونا صورهم يغايرونا << متحسفة ماركبته تقول السنة الجاية ان شاء الله خخخخخخخ
<<< ليالي لقيتي من ياخذ حقك مني :)
بعد العصر بشوي طلعنا للخبر بما أنها قريبة تأخروا شوي لين يبرد الجو << هذا وهم يقولون جونا هالحين زين خخخخخخخخ
بعد ماركبنا جانا (سعّودي) وهو لابس نفس نعاله اللي أمس هههههههههههههههههههه
يوم شافه أخوه مشمش جاي يركض يبي يركب وهو يلقطة ويقعد يرافس ويصيح يبي يركب بسرعة ومشمش يقول أول غير نعالك وهو مصر على انه يروح فيها ..
ماسكت لين لبسوه نعاله وهو متعلق غصب عنه خخخخخخخخخخخخ
عقب ركبوا ومشينا ,, و مرينا على شارع يسمى الحزام الأخضر ..
قعدنا نتفرج على القصور اللي فيه طرازات معمارية مختلفة كل قصر حلى من الثاني..
وطول الطريق كل ماجاز لوحدة منا قصر قالت شوفوا ذا احلى قالت الثانية لا ذا احلى لين طلعنا خخخخخخخخ << عيال فقر مير الله يبارك لهم ويرزقنا خير مما عطاهم
على فكرة حنا كل ماتمشينا نحب نمر على المباني الجديدة في المدينة <<< نقيس مدى التطور فيها :)
ومشينا لين وصلنا الواجهة البحرية <<< هذاني رحت لها ياخزامي بس مهوب جهة ماك رحنا جنب معطم بونا بانانا مقابل سيتي ماكس :)
ونزلنا لنا في مكان استراتيجي خخخخخخخخخخخخخخخخ
على قولة مشمش مكانكم مهوب اقتصادي :)
فيه بياعه تبيع بساكيت وعصاير وشبسات والعاب كلش كوم والالعاب كوم ثاني
من جينا وشافوها البزران وكل واحد قاعد يتشرط على أمة:ماما أبي هذا..لا هذا... لين أذن المغرب :)
طبعاً ماقصروا شرولهم اللي يبون.

وجلسنا وصلينا المغرب..
من ظلم الجو والمرة مشغلة العابها وتغري هالبزارين وأنهدوا علي خخخخخخخخخخخخ
ويوم خلصوا البزران اللي بيديهم شافوها .. عاد كل واحد قام يتشهوى له شي من اللي عندها..
وقاموا يتوافدون عليها كل واحد جازت له لعبه
اول شي شروا الطائرا ت الورقية ولعبوا فيها..وإذا تعبوا خلوا ابوانهم يلعبون معهم..
يوم ألتفتنا لهم لقينا الابوان يلعبون وبزارينهم يطالعونهم:)
وحدة من بنات خواتي امها تعطيها فلوس عشان تروح وتشتري اللي تبي راحت وجت مادري وش شرت جت وقالت لامها:
ماما الحرمة ماتاخذ مني الا ريال خوذي الباقي خلاص ماتبيهم مايحتاج اعطيها فلوس..طبعا رجعت لامها باقي الفلوس ..
وعقب ماا دري وش اشتهت راحت للبياعة تبيها تعطيها بلاش :)<<<< قمة الفهاوة :)

خلصنا هالحين من الطائرات الورقية..
جاء دور العصى اللي فيها نجمة وتشتغل لمبات.
كل ماملوا من لعبه راحوا يدورون غيرها
و ابوانهم مايرفضون لهم طلب ان ماعطوهم فلوس راحوا هم بانفسهم يشترون لهم..
وكل ماقلنا لهم خلاص بس قالوا هي مرة وحدة وبس خليهم ينبسطون ويستانسون.
وعقب هاللعبة جاء دور لعبة ثانية زي الطبق الطائر بس مروحة خخخخخخخخخخخخخخخخخخ
ان شاء الله عرفتوا الوصف بس كلها العاب استهلاكية.
صارت الجلسة كلها ألعاب بزارينهم:(

بس نصيحة لا احد يغلط غلطتنا ويسويها ويجلس في مكان يكون جنبه بياعه ..ترى بيحسرون فيه بزرانه وينكدون عليه طلعته وكل جديد يشوفونه يبونه.

انا مالي ومال البزران وش يقعدني عندهم ,,أبي أروح اتونس واتفرج على المكان اللي انا فيه على الاقل افتك من صدعتهم..
وأبي أطل على البحر :)
قمنا مجموعة وتقودنا المرشدة السياحية اللي أمس :) واخذنا لفة على المكان واخذت لي كم صورة .
هذي أول صورة في المشوار.. <<صورة المطعم

http://www.arb-up.com/files/arb-up-2008-6/LCq13108.jpg (http://www.arb-up.com/)
[/URL]
http://www.arb-up.com/files/arb-up-2008-6/VXc13729.jpg (http://www.arb-up.com/)

[URL=http://www.arb-up.com/] (http://www.arb-up.com/])http://www.arb-up.com/files/arb-up-2008-6/ePw17292.jpg

وهذا الممر يوم جينا نمشي عليه وحدة من خواتي تعاني من الفوبيا :)<<< الخوف من المرتفعات وغيرها
قالت تمرون عليها أشهد أن لا إله إلا الله.خخخخخخخخخخخخخ
http://www.arb-up.com/files/arb-up-2008-6/MFZ14085.jpg (http://www.arb-up.com/)
تفرجت على العالم الموجودة بس اكتشفت ان الاجانب هم اكثر استغلال منا للمناطق والاماكن الترفيهية.. ويعرفون الصالح من الطالح مهوب حنا ديرتنا ولا ندري وين راسنا من كرياسنا فيها.
كان اصغر وحدة في المجموعة اللي تمشوا بنت اختي بثاني متوسط .
يوم رجعنا قعدت تشره علينا اختها الصغيرة اللي بثالث ابتدائي<<< طبينتها وحاطة راسها براسها .
تقول ياسلام اخذين فلانة ومخليني مع البزران :3ajeeb:
قلت:وأنت من كبرك اصغرهم اصغر منك بسنتين وانت حاطة راسك براس اختك الكبيرة..اصلا انا ماابي بزران يروحون معنا.<< قاهرني حطت راسها براس اختها الكبيرة :3ayyen_khair:
زعلت علينا طبعا وقامت تصيح ,وبعد شوي اخذتها امها تراضيها هي وباقي البزارين تمشيهم لين وصلت نافورة الاصداف << للي صورتها فوق.
و أذاها ولدها الصغير (سعّودي) << راعي النعال المشكله:).
بغى يطبح في النافورة وردوه بالغصب ,, يوم رجعوا وغفلوا عنه وهو ينحاش ويتوزى بين الشجر عشان يرجع لها<< في راسه حب ماأنطحن شكله ناوي الإنتحار خخخخخخخخخخخخخخخخ
يوم فقدوه قاموا يدورونه ولقوه ماباين الا دمجته من بين الاشجار ,وهم يقعدون يتطاردون هم وياه (أمه واخته الكبيرة)وهو يصيح ويصارخ
قاموا يحدونه بين الشجر لين مسكوه يقولون والله اللي يسمعه يقول انه مخطوف وماحناب اهله :)
<<< طبعا في هالأثناء وفي الفوضى اللي صارت أنا مانيب فيه رايحه اتمشى بعيد عن زحمتهم وصراخ بزارينهم ومعي ثنتين من خواتي :)

كان الجو حلو بس اللي يعكر الجو حركة الفرفرة بالسيارات وتشغيل الاغاني ,مسوية قلق صحيح أنها اخف من امس بس بعد مزعجة ..
لدرجة ان الواحد منهم لو شاف اي سواد قدامة يعلي على مسجل السيارة مايدري لوأن هاللي يعاكسها عجوز وهو مشغل أغنية ( يابو شامة ما أدري أيش)<< عراقية على حسب ماسمعت خخخخخخ
والله ياهم مساكين ..فراغ وضيعه..أحيانا السيارة مافيها الا واحد يضيع وقته أو تشوف السيارة غاصة فيهم ..
انتهت الرحلة بالمرور على الشارع اللي مرينا عليه قبل ..فخامة وعز << الله لايحرمنا.
و وصلنا البيت وحنا مامرينا الثقبة <<< أجمل مدينة في المنطقة الشرقية خخخخخخخ

السنة الجاية بإذن الله تكون الرحلة أطول ونفر الشرقية حته حته خخخخخخخخخخخخخخخخخخخخ

انتظروني مع باقي الايام ...


http://up.upkelk.com//uploads/images/up-0e86ba8dbf.gif

[فوووز]

الله يسلمك من الشر

يا ليالي

منورة يالغالية

[فوووز]

من أمس وأنا أحاول أنزل باقي اليوميات
مامشت معي.. ماأدري وش جاء الصفحة:(

بس الليلة بإذن الله راح أكمل الباقي

بس أشوفكم.. متواجدين ان شاء الله

[εïз خزامى εïз]

<< سوري قطعت الموضوع :frown:
اليوم الرآبع
والله أنه من امتع الاياآآم
تدرين بشئ يافوز
مآ أعرف ولا عمري سمعت على أني سآكنه بالشرقيه من وأنآ صغيره
عن العقير
بس والله من الصــور مبين عليه أثري مثل ماقلتي
بس ليه ماعرفته؟؟ :frown:
شلون شئ زي كذآ ولا حتى قد سمعت عنه ....!
اومآ سعووووووووووودي قلبووووووووووسي يدنن
يآربي سلّم على هالردول السقنونه ياربي سلّلّلّمhttp://www.brrq.net/vb/images/smilies/PiNk~CaT/35e5f60fc0.gif
ضحكــني أكثر وآحــد
يوم زحمتكم بالسيآره
قسمن بالله وضع طبيعي
كله كوووم ونومتهم من الزحمه كوم هههههههههههههههههههههههههههههههههههههههه
هههههههههههههههههههههههههههههههههههههههه ه
الله يآخذ بليسكمـ
بقرآ الخآمس
برب قلبي
http://www.brrq.net/vb/images/smilies/PiNk~CaT/f0c5157980.gif

[εïз خزامى εïз]

اليوم الخآمس
أجل رحتي للوآجهه أخييييرن هههههههههههههههههههههههههه
شوفي الشرقيه اللي يجيبهأ مآ يمر الرآشد - الظهرآن - الوآجهه
ما أحس أنه بيشوف شئ منهآ
مدري ليه عندي عالاعتقآد http://www.brrq.net/vb/images/smilies/PiNk~CaT/84849328f4.gif
هههههههههه
يآحيآتي على سعودي مرررررهـ حبيته http://www.brrq.net/vb/images/smilies/PiNk~CaT/5.gif
يآشين المرحله اذا بدت البنت تقارن نفسها باللي اكبر
وتبغاهم يتعاملون معها على انها كبيره باللي هي به
ولاااااا تحس بظلم بهذيك الفتره
ههههههه ولما تكبر تسوي نفس الشئ للصغار ههههههه
حلوووهـ صوووركـ مآآآآآره
ميرسي ياعيوني

[فوووز]

<< سوري قطعت الموضوع :frown:
اليوم الرآبع
والله أنه من امتع الاياآآم
تدرين بشئ يافوز
مآ أعرف ولا عمري سمعت على أني سآكنه بالشرقيه من وأنآ صغيره
عن العقير
بس والله من الصــور مبين عليه أثري مثل ماقلتي
بس ليه ماعرفته؟؟ :frown:
شلون شئ زي كذآ ولا حتى قد سمعت عنه ....!
اومآ سعووووووووووودي قلبووووووووووسي يدنن
يآربي سلّم على هالردول السقنونه ياربي سلّلّلّمhttp://www.brrq.net/vb/images/smilies/PiNk~CaT/35e5f60fc0.gif
ضحكــني أكثر وآحــد
يوم زحمتكم بالسيآره
قسمن بالله وضع طبيعي
كله كوووم ونومتهم من الزحمه كوم هههههههههههههههههههههههههههههههههههههههه
هههههههههههههههههههههههههههههههههههههههه ه
الله يآخذ بليسكمـ
بقرآ الخآمس
برب قلبي
http://www.brrq.net/vb/images/smilies/PiNk~CaT/f0c5157980.gif

هههههههههههههههههههههههههههههههههه
أجل يبي لك تروحين وتشوفينه
دامك عرفتي عنه
ترى والله حلو

[فوووز]

اليوم الخآمس
أجل رحتي للوآجهه أخييييرن هههههههههههههههههههههههههه
ايه :)
شوفي الشرقيه اللي يجيبهأ مآ يمر الرآشد - الظهرآن - الوآجهه
ما أحس أنه بيشوف شئ منهآ
مدري ليه عندي عالاعتقآد http://www.brrq.net/vb/images/smilies/PiNk~CaT/84849328f4.gif
هههههههههه
:)
الراشد مافيه وقت نمره :)
يآحيآتي على سعودي مرررررهـ حبيته http://www.brrq.net/vb/images/smilies/PiNk~CaT/5.gif
يآشين المرحله اذا بدت البنت تقارن نفسها باللي اكبر
وتبغاهم يتعاملون معها على انها كبيره باللي هي به
ولاااااا تحس بظلم بهذيك الفتره
ههههههه ولما تكبر تسوي نفس الشئ للصغار ههههههه
هالبنت غيوره بزيادة
من حينها وهي كذا وهالحين بزود عاد
حلوووهـ صوووركـ مآآآآآره
ميرسي ياعيوني


العفو يا خزامى

والله يحييك ... لاتبتعدين باقي يومين :)

[فوووز]

خزوم أنت من أهل الخبر وأكثر خبرة منا في الواجهة البحرية :)
بقولك سالفة صارت علينا وحنا فيها<< نسيت أنزلها مع يومياتي:)..
عجزنا نلاقي له حل ..؟؟!!!
أكيد بتعرفين أنت دامك من أهلها :)

وحنا نتمشى أنا وخواتي كل شوي يقولون فيه ريحة عطر بالجو وقمنا ندور من وين جاية هالريحة..
وأنا كان عطري منكب بالشنطة كل ماقالوا فيه ريحة عطر !!!
قلت أكيد أنه عطري,,أكيد الريحة من الشنطة ..:)
قالوا لا الريحة بالجو...
صاروا يمشون ويدورون من وين جاية هالريحة؟؟؟!!!
مرة نقول عطورات الناس :)
ومرة نقول لا أكيد أنه ريحة نباتات عطرية ..
و كل مامرينا لنا على ورود قلنا أكيد الريحة منه :)
مرينا على شجرة وقمنا نتشممها خخخخخخخخخخخخخخخخ بنشوف هي صاحبة الريحة والا لا؟؟
وأنا أمسك ورد منها واشمه ..قلت لهم ايه الريحة منها..
وهم يجون كلهم بيتاكدون من كلامي ويشمونها
قالوا لا مالها ريحة ؟؟!!!!
قلت :نعم ؟؟؟!!!
وأرجع أشمها واشم يدي <<<< صارت الريحة من يدي عالق فيه العطر :)
7
7
هذا هي الشجرة :)
http://www.arb-up.com/files/arb-up-2008-6/bU063830.jpg (http://www.arb-up.com/)
المهم طلعنا ماندري من وين جاية ريحة العطر ...
بس رجحنا أنها عطورات العالم الموجودين...
بحكم الرطوبة عالقه ريحتها بالجو <<<< تحليلاتنا :)

يوم وصلنا البحر ,,بغيت أتهور واطمر واقعد على البحر <<<كان أعلى مافيك رجلينك خخخخخخخخخخخ
ياحلو المكان مالومك ياخزامى
وقفنا عليه شوي صوت البحر والجو ندي وهادي وانوار الجسر والبحرين من بعيد شي حلو بصراحة .. مكان يستاهل من يقعد فيه وقت طويل..
وجينا نبي نرجع وحدة من خواتي حياوية ,,
عجبتها مجموعة ورود ويوم جت تصورها مروا من جنبنا شباب قالوا لبعض شوفوا هذي وش تصور ؟؟ تصور الورد ..
وهي تستحي وتنحاش ههههههههههه <<<هذي اللي بنتها رجعت لها الفلوس ..>> اللي ماذكر السالفة يرجع يقرأ اليوم الخامس :)

[فوووز]

http://up.upkelk.com//uploads/images/up-48f2cf2016.gif



اليوم السادس:......................
أول مرة أقوم وألحق على القهوة في الخيمة اليوم << بدري يوم صرتي بكرة بتروحين :408r:
تقهويت مع امي وخواتي ويوم بدأ الجو يحتر رجعنا لصومعتنا :)
اليوم أمي من أمس أصلا قايلة أركدوا مافيه طلعه خلاص نبي نرتاح مانبي نمشور وبكرة ورانا سفر خلونا نرتاح من ركبة السيارة
قلنا خلاص بسيطة نقعد بعد نشوف اختي زين ونرتب اغراضنا ونتولم..
بس صار عمي مسوي عزومة ولازم نروح..غالي علينا والله ومستحين نقوله لا بحكم أنا مانجي الدمام كثير.


تغديت ونمت ,,,
أنا من جينا وأنا مستعمرة غرفة مشمش :3ajebni:
وقمت ..بس كيف قمت؟؟؟!!!!!
قومتني جوجو المملوحة
قمت على صراخها تقول لي خالتي قومي قومي شوفي علاوي على الكرسي <<< كرسي دوار..
وأنا واعية بس مغمضة عيوني فيني النوم وأتحسب على اللي فاتح لهم الباب مدخلهم على ..
يوم مافتحت عيوني وهي تبخز عيني بأصبعها عشان أفتح .. :201r:
وأنا أفز كلش إلا عيوني << حبيباتي >>>عندي العيون والاسنان إذا فقدهم الانسان احسه خلاص انتهى :106r:
يوم طالعت الا أحلى ما أشوف الشيخ (علاوي )من زود الملح متسلق الكرسي وراكب عليه ويطل مع الشباك يطالع الدجاج ويقول باااااااااع << مضيع الحبيب :allah_ye3een:
قلت قم بس خل عني بااااااااااااااع ,, آخرتها الدجاج يقالها بااااااااع .. يالله أطلع براااااااااااااااااا

لا والثاني يطل معه ويقول كوكو كوكو<<< مير هذا اسنع شوي يدل :)


لاومشغلتن له أمه الجوال على أغنية تبي تسكته فيها ويبعد عنها عشان تنام,, وجاي وحاشرني بالطرب الاصيل اللي معه.. :131r:


http://www.l5s.net/dldh1Z77414.mp3.html <<حملوه وأستمعوا وأستمتعوا ماراح تخسرون شي أنطربوا مثلي :)

<<<< هذا الطرب الاصيل مهوب مزعل فرحان :23_28_112


يوم طلعت بصلي العصر الاالبيت كله نايم اثاري العالم كلها خاشعه ههههههههههههههههههههه وماواعي الا البزران يثعون في الارض فساداً..
و بعد العصر رجعت اكمل نومتي خخخخخخخخخخ <<< تعوض نوم الايام اللي فاتت كلها خخخخخخخخ
بس هالمرة غيرت الغرفة ومتوزية لاأحد يجيني ..
وبالمغرب جونا ضيوف ...
وأنا قاعدة أسوي القهوة.. سمعت لي سالفة ضيقة صدري :3abrah:
مررررررررررررة ومن شافتني الشغالة وهي مفهية فيني
تركت القهوة ورحت للغرفة وأنا ضايقه فيني الوسيعة يوم دريت ألاها جايتني تسالني عن القهوة قلت لها كمليها أنت..

شي ماتوقعته يصير..سبحان مغير الأحوال.. :36_2_20:

تأخرنا علي عمي شويتين ألين راحوا الضيوف.. ووصلناه على الساعة 10
يالله في هالعزومة شفت لي ناس من زماااااااااااااان ماشفتهم لي أكثر من 6 سنوات عنهم.


كنت أقول معقولة يجون وأشوفهم ,,بس ممكن لا..؟؟؟!!!!!


يالله يالدنيا,,,

دخل علينا عمي و سلم علينا .. وهو من عاداته أنه يوزع على الاطفال اذا شافهم فلوس..


على حسب اللي معه..<<الله يكثر خيرة ويغنية..

ياكانوا البزارين ماتاسعهم الدنيا يوم ناداهم عمي وقام يوزع عليهم .. :023b:


كان كل واحد من هالبزارين له مخططات وش بيسوي فيها..


اللي قاعدة تجمع وبتضيفها لفلوسها اللي تجمعها عشان اذا كبرت تشتري خيل أبيض:)<<< بعدي والله هذي السنعه .



واللي يجمع للصيفيه عشان يلعب بفلوسه ههههههههههههههههه


واللي يجمعها عشان اذا اشتهى شي يشتري فيها..


كل واحد له مخططات على قده..


بس بعضهم رجع وهو مضيع فلوسه خخخخخخخخخخ


طلعنا من عنده .. ورجعنا للبيت..على الساعة 12 بالليل..


وفي طريقنا قلنا خلونا نلف شوي نتمشى نتفرج على معالم بلادنا الحبيبة خخخخخخخخخخخخ<<< بها الليول عاد :)


المرشدة السياحية جنبي وقاعدة تقول شوفوا هذي كذا وهذي كذا..


والمناطق اللي كانت على خبري مهيب مبنية وكانت خالية ,,هالحين كيف امتلت عمران..

<<< أنا خبري ببعضها من تقريبا 15 سنة أذكرها كانت فاااااااااااضية.

ومرينا على بيوت كانت نقيض اللي مرينا عليها أمس<< شارع الحزام الأخضر.
ذكرت البيوت اللي كان الملك مار عليهم بالرياض أيام ماكان النملة هو وزير العمل << الله يرحم أيامه.





صحيح الفرق ناس عايشه بنعيم وناس الله العالم كيف عايشه..


فقر وحاجة وبيوت حالتها صعبة..


الله يعوض صبرهم خير..


الحمد لله على كل حال..


مشمش قاعد يتطنز علي يقول أشوفك صايرة مصلحة اجتماعية..؟؟


قلت ليه أنا ماقلت شي غلط..


هذولا من حقهم أنهم يعيشون في مكان أفضل من هذا.. دامهم يعملون لخدمة الوطن .. وهذا ابسط حق من حقوقهم.


لا واسم حيهم مايربطه بوضعهم اللي هم فيه اي رابط..ما ادري على اي اساس مسمى هالتسمية ..

شكل الدعوى خبط لزق..

أهم من هذا وذاك انا وصلنا البيت بالسلامة..
وقمت اجمع اغراضي وارتب الشنطة عشان نمشي بدري..
طلعنا نكمل السهره في الحوش مع مشمش وامه عاد بكرة باذن الله رحلة العودة..
قعدنا للفجر الين اذن المؤذن وجيت فتحت اللاب اكمل اليوميات عشان بكرة مايمديني اكتب شي :)





اشتهيت اركب سيكل ولد اختي اللي بخامس من زمان مشتهية سيكل أستعيد ذكريات سابقة,,عقب اول يوم جيناهم فيه ركبته ولا عاد لقيت فرصة خخخخخخخخخخخخ


وكان ودي العب معهم سله بس الحوش بالنهار شمس وحر ..وبالليل السلة في قسم الرجال ورجال خواتي فيه.:(


المرة الجاية يكون الجو احسن ههههههههههههههههه <<< شكلها ماعاد هيب جاية يالله حصلت هالروحة خخخخخخخخ



أشتقت لليالي من جيت الشرقية ماشفتها على الماسن الا مرتين:(
انتظرتها الين طلعت الشمس مالها اثر قلت انام و من اصبح افلح..
وراي بكرة مشوار والشمس قربت تطلع وأنا مانمت



وأنتهى اليوم هذا بداية اليوم الي بعده..:)


وخلاص بكرة راجعين على خير

http://up.upkelk.com//uploads/images/up-ef34f77e98.gif

[حيل حليل]

انا لو محلك كان فاتح الدريشه ومطبق
لابوه سفر
والله لو انتس راكبت لتس رحول انه اونس لتس واريح
عاد وانتي على ظهره تجري لتس كم موال على كم هجينيه
شرط ماتدرين الا انتي بنص شارع ابن خلدون

لاهنتي على القصوصه على قولتس

[فوووز]

ههههههههههههههه
انا عشان كذا مخليتن الشغالة بيني وبين الباب اخاف اتهور واسويها :)
هقوتك الرحول ابرك من سيارتنا هذاك اليوم هههههههه
والله فكرة :)

[فوووز]

:welcome17
اليوم السابع:............

هو اليوم الأخير وبتنتهي الرحلة على خير:)
قمنا الساعة 8 الصبح.. مامداني انام إلا 3 ساعات..:(
وعلى ماترتبوا أهلي وصملوا بالممشى ,,,تقهوينا وأفطرنا على شان خاطر أم مشمش << يابعدهم
طلعنا من عندها على الساعة10 الصبح ..
وطلعنا على طريق كان فيه إصلاحات <<<يقولون طريق الجبيل والعهدة على الراوي:wallah_hoo:
كله شواحن مررررررررررررعب ومزحوم مررررررررررررة ,,بغت تغفصنا تريلة مير الله ستر.shlwee7

هالمرة سيارتنا جيب أبوي vx_r <<<ناخذ راحتنا ونتمدد ههههههههههه
بس جد توني أفكر فيها أبوي كيف قدر يتنازل عن سيارته لأخوي وش السيارة اللي أخذها..معقوله أستغني عن حبيب قلبه الجيب بها السهولة,,كيف يقدر يصبر عنه :)
كان آخذ سيارة أخوي المكسيما <<< من زمان ودي أشوف أبوي راكب سيارات صغيرة بس فاتني ماشفته:puzzled:
وحنا راجعين كان الطريق كله عجاج ,,,و النفود كلها على الخط ..صاير كأنه يسبح فيها..
واللي صعب الأمر علينا أن أخوي مايسوق إلا 100 أو 80 وكان تعدل الجو وصفاء شوي مشى 120 <<< يازين الشمس والحر في مشوار الروحة كان أرحم :148r:
هالمرة مافيه فتحت درايش مع الخط السريع ..خخخخخخخخخخخ,, الوالدة صكت المكيف من جهتها ومشى الوضع تمام.
الحبيبة اللي كانت تنود بمشوار الروحه <<<اللي جنب الباب...:315r:
من مشت السيارة وهي لها شخير ههههههههههههه
طال علينا الطريق .. وقامت بنت أختي تطروخ ..
قالت ماما أنا أحس اني أبي برجع !!!!!!!!<<< عوايدها بالسفر
قلت :نعم وشو ..؟؟
وين نوديها بوسط الخط السريع ؟؟؟؟؟؟؟؟؟؟؟؟؟؟؟ ياربي وحنا ناقصين ..shlwee7
قمنا نجهز الاسعافات الأولية لتفادي أية أضرار..وش نسوي مانقدر نوقف بها الجو :(
واااااااااااااااااااااع..................جزء من النص مفقود <<< مراعاة لمشاعر الجمهور :11_4_124v
قاموا يفتحون الدرايش تتهوى السيارة عقب اللي صار ومع هالعجاج ..
مجبرٌ أخاك لابطل :)
ما أدري وش اللي طاح بعيني ماعاد أقدر أفتح يوم طالعتها بالمراية ألاها حبة رمله من قرادة الحظ طارت مع الدريشة وطقت النظارة وطاحت بعيني <<< يقالكم لابسه نظاره عن الشمس وأخرتها طاح بها حصى
ملينا عيا الطريق يقضي..
ذبحتني رجليني أحتريت قمت وفصخت نعالي <<<ياعمري يافوووز عجزتي :3abrah:
هالمرة ما اشتهيت الا عصير أبرد على عمري وبس <<<بس نسيت اصوره لكم :)
يوم وصلنا نص الطريق تقريبا دق علينا رجل أختي اللي مخاوينا بالرجعه يقولنا انه يبينا ناخذ اختي وعيالها عشان عنده هو مشوار ثاني <<< أم جوجو :)
<<< ماتهنينا بالوسع :(
أخذنا بريك الغداء أستعدادَ لتكملة المشوار :)
و من مشينا طول الطريق وجوجو وبنت أختي الثانية مرة سوالف ومرة مناقر وكل الحرب اللي تصير بينهن على رجليني فرموها لي فرم..
أخذنا بالطريق 6 ساعات على ماوصلنا الرياض أوووووووووووووووف كان الطريق ممل وطوووووووووووووووووووووويل
وما وصلنا إلا وحنا متفصلين من الوسع اللي حنا فيه :(
يوم وصلنا مافيني أدور نعالي وألبسها نزلت من السيارة بدون نعال ..أخذتهم وجدعتهم بالحوش وقمت أنزل الاغراض أنا والشغالة.
وبكذا تكون انتهت الرحلة..المهم وصلنا على خير.. وتمت بحمد الله ,,,

همسة..roooose
اشكر كل من مر على يوميات رحلتي أو طل عليها..

لكم مني كل التحية والتقدير

أختكم/فوووز

:523:

[εïз خزامى εïз]

فوزآني
هذي يسمونهآ نبآت {الورد الكذّآب}
اللي شكلها ولونهآ كأنهآ وردهـ بس هي شجرهـ أصلن
وعلى فكره اذا كاآنت الريحه حلوهـ
"اوب" منهآ ههههههههههههه
ريحتهآ عآديه
يمكن الريحه بالجو عاقله مثل ماقلتو
اليوم الأخير حرآم ولا مكآن كله نوووم؟؟
تدرين أحب بآخر أيأم الرحلآت أروح مطآعم ... يعني أفطر بفندق أو كآفيه وأتغدآ بمطعم
لو "كنتآكي" بس ماأقعد
صحيح كش عليكـ ههههههههههههههههههههههههههههههههههه
يوووووووووووووووهـ يآ هالاغنيه طررررررررب من الآخررررررر
حرييييييقه
شفت النآر الأح
حرق الفآره الأي
ضرب الكـــلب الهوو
عدا العدا النوو ههههههههههه << وش ذي :boxed:
هههههههههههههه
وسطح الفندق هههههههههههههههههههههههههههههههههههههههه هههههههه
أووم الأزعآآآآآآآآآآآآآآآآآآآآآآآج هههههههه
آهـ يالخبر والواجهه
ووووهـ بس فديتهآ:d:
لا تلوميني بحب الواجهه
كل شئ فيها حلو من كافيهات ومحلات قريبه ومطاعم وجو وكل شئ
ويارب ماعاد تسمعين شئ يضيق صدركـ :frown:
ميرسي حيآتي

[εïз خزامى εïз]

اولا:
يآللي فيكـ ولا فيكـ
يختي استحي أختكـ هذي وأنتي تقولين وسع هههههههههههههههههههههههههههههه
هههههههههههههههههههههههه
والله بالوجه ماعندكـ هههههههههههههههههههههههههههههههههههه
والله الصرآحه ليآ قالو الضيق بالانفس ودي التفت واقول لو سمحتو بلا هيآط
الضيق ضيق
قال انفس قال
يعني ياصاكينك مع ارحامك يامع جبهتك يا تحسين رجلكـ نملت من الجلسه الميبسه ورقبتك "تنود" هههه
وقالو انفس قالو
عنبو شركم ورجليني اللي مرتصه شوي ويقلطون ببعض هههههههههههههه وش اقول لها
االنفس النفس..!!!!
هههههههههههههههههههههههههههههههههههههههه هههه
مريت بهالتجربه بطريق رجعه من الحسآ
لا وضيعنآ فيهآ قبل نرجع... ربكـ جآب الصبر وكمله لي .. الحمد لله
أتوقع هو طريق الجبيل معروف من يومه يتصلح
ولا هقوتي أبد بشوفه متصلح في يوم
هههههههههههههه
أستمتعت معآك بهاليوميآت وحسيت أني معآكم والله
سرد حلو ومسلي
الحمد لله على سلآمة الأسفآر
وبأذ الله ماتبطين عن الخبر ثآنيه:d:
ميرسي ياااعيوني

[فوووز]

فوزآني
هذي يسمونهآ نبآت {الورد الكذّآب}
اللي شكلها ولونهآ كأنهآ وردهـ بس هي شجرهـ أصلن
وعلى فكره اذا كاآنت الريحه حلوهـ
"اوب" منهآ ههههههههههههه
ريحتهآ عآديه
يمكن الريحه بالجو عاقله مثل ماقلتو
اليوم الأخير حرآم ولا مكآن كله نوووم؟؟
تدرين أحب بآخر أيأم الرحلآت أروح مطآعم ... يعني أفطر بفندق أو كآفيه وأتغدآ بمطعم
لو "كنتآكي" بس ماأقعد
صحيح كش عليكـ ههههههههههههههههههههههههههههههههههه
:(
يوووووووووووووووهـ يآ هالاغنيه طررررررررب من الآخررررررر
حرييييييقه
شفت النآر الأح
حرق الفآره الأي
ضرب الكـــلب الهوو
عدا العدا النوو ههههههههههه << وش ذي :boxed:
هههههههههههههه
وسطح الفندق هههههههههههههههههههههههههههههههههههههههه هههههههه
أووم الأزعآآآآآآآآآآآآآآآآآآآآآآآج هههههههه
شفت الطرب الاصيل اللي مقوميني عليه :)
آهـ يالخبر والواجهه
ووووهـ بس فديتهآ:d:
لا تلوميني بحب الواجهه
كل شئ فيها حلو من كافيهات ومحلات قريبه ومطاعم وجو وكل شئ
ماألومك فيها والله ..
ويارب ماعاد تسمعين شئ يضيق صدركـ :frown:
ميرسي حيآتي
آميييييييييييييييييييييييييييييييييييييي ييييييييييييييين


العفو يا خزوم

[فوووز]

اولا:
يآللي فيكـ ولا فيكـ
:a:
يختي استحي أختكـ هذي وأنتي تقولين وسع هههههههههههههههههههههههههههههه
هههههههههههههههههههههههه
والله بالوجه ماعندكـ هههههههههههههههههههههههههههههههههههه
والله أني ضعيفة ماقلت لها شي من يقدر يقول لا لام جوجو<<<لاجل عين تكرم مدينة
والله الصرآحه ليآ قالو الضيق بالانفس ودي التفت واقول لو سمحتو بلا هيآط
الضيق ضيق
قال انفس قال
يعني ياصاكينك مع ارحامك يامع جبهتك يا تحسين رجلكـ نملت من الجلسه الميبسه ورقبتك "تنود" هههه
ههههههههههههههههههههههه
والله حرموني النومه السنعة كل ماغفيت طبن علي الثنتين وغفصني :za3lan:
وقالو انفس قالو
عنبو شركم ورجليني اللي مرتصه شوي ويقلطون ببعض هههههههههههههه وش اقول لها
االنفس النفس..!!!!
هههههههههههههههههههههههههههههههههههههههه هههه
مريت بهالتجربه بطريق رجعه من الحسآ
لا وضيعنآ فيهآ قبل نرجع... ربكـ جآب الصبر وكمله لي .. الحمد لله
أتوقع هو طريق الجبيل معروف من يومه يتصلح
ولا هقوتي أبد بشوفه متصلح في يوم
هههههههههههههه
ليه يعني بعد لو نجي السنة الجاية ماراح يكون كد خلص هالطريق:3ajeeb:
أستمتعت معآك بهاليوميآت وحسيت أني معآكم والله
سرد حلو ومسلي
الحمد لله على سلآمة الأسفآر
الله يسلم قلبك..roooose
وبأذ الله ماتبطين عن الخبر ثآنيه:d:
ميرسي ياااعيوني



باذن الله يكون الجو أحلى من كذا ونجي :)
العفوياخزامى... اسعدني تواصلك المستمر لليوميات
لك مني كل التحية والتقدير

[&^^مهــــا^^&]

ياسلام على هيك يوميات

آآآه يالقهر كتبت رد وش طوله وطاااار :za3lan:

وربي استمتعت <<كأني معكم<<ياشين السفر بالحر<<يازينه بالطياره بس تخوف:)

والا شغالتكم عند الباب ههههههههههههههههههههه

يسعدك ربي على موضوعك

تقبلي ودي,,

[فوووز]

ياسلام على هيك يوميات
:d:

آآآه يالقهر كتبت رد وش طوله وطاااار :za3lan:
وراك عاد ماعدتيه :)
ياكرهي لها الحركة .. كم مرة صارت معي وعقب صرت كل مشاركة قبل ما اعتمدها انسخها احتياطاً:)


وربي استمتعت <<كأني معكم<<ياشين السفر بالحر<<يازينه بالطياره بس تخوف:)
والله انك صادقة ياحلو الطيارة....لا تخوف ولاشي المهم تاصلين اسرع :315r:

والا شغالتكم عند الباب ههههههههههههههههههههه
هههههههههههههههه
ايه عشان تاخذ راحتها :3ajeeb:

يسعدك ربي على موضوعك


تقبلي ودي,,



نورتي يامها بحضورك..
ويسعدني ان هاليوميات نالت استحسانك ..

لك مني كل التحية والتقدير