المساعد الشخصي الرقمي

مشاهدة النسخة كاملة : ودي ويمنعن الحيا لا تفوه!


أبو رغد
27-04-2009, 08:04
السلام عليكم ورحمة الله وبركاته

يالربع الانسان تتقلب ضروفه وأحواله كتقلبات مزاجه فكما هو اليوم فرح مسرور تجده غدا متكدر محزون ومثل ماهو بلأمس غني وأحواله مستوره تلقاه اليوم محتاج والدنيا دنية ومداته لو زادت ملوية ،ولا يعدل ميزانه ويوقف على الكرام ميلانه الا وقفات الأخوان ومساندة الخلان وكما قال الأول:
والرجل مهما قيل عنه وعنه**يحتاج باللزمات لفلان وفلان

وأنا أخوكم بالإسلام وبالشمرية كان صدقوا النسابة وضيفكم مثل ما أنتم كاتبين تحت أسمي ولي حقوق عليكم من أبواب كثيرة وأنتم أهل للفزعة وللتضامن مع من نصاكم واختار منتداكم..


ولا تحسبوني جيتكم من الباب للطاقة لا والله الا حاولت وحاولت واجتهدت كثير بس تعبت وكلت يدي <كل القلم من كتبنا للقراطيس **واركابنا من كثر الادلاج تومي

وهالحين أنا ناصيكم وطالب فزعتكم وكلٍ وقدرته (لا يكلف الله نفساً الا وسعها)

يا هل المضايف راعي الطيب ينصى**وانا لكم من بدة الناس ناصي
ماش القافية غلسة ولا أنتم تستاهلون أكثر
وأنا المطلوب علي ميتين!
ميتين فقط!
ويمكن الميتين مهي هكا الرقم الكبير ولكن من لا يملك نصفها يعتبرها كبيرة وكبيرة جداً
ولكن قطعاً هي صغيرة بنظركم لأنكم كرام وكبار:
وتصغر بأعينكم العظائم








حاجتي يالربع لعدد من المشاركات لأبلغ المئتين ثم أستطيع أن استخدم الرسائل الخاصة لا سيما وأنا ضيف ولا عندي لا جوال ولا حتى ايميل لمعازيبي هنا لو بغيت أعدل مشاركة أو أستفسر عن موضوع ..


كان لي موضوع سابق تعمدت أكتب فيه كلمات غير مناسبة للموضوع وكنت أتوقع أن يتوقف عندهن وهناك قلت سأطالب بمسحهن وولكن مر الموضوع مرور الكرام وبلشت بهن لأنهن ربما يسجل علي وزرهن في كل قراءة للموضوع وأنا لا استطيع التعديل ولا التواصل مع المشرفين للتعديل..
عبدالله الجعيثن
27-04-2009, 12:42
جتك 30 مشاركه عانيّه مني



يعني وش تبي...


نظام المضايف كذا... كثر مشاركات...



يعني مثلا..بالنبطي..نزلّت قصيده او ثنتين ولا شفت لك اي تفاعل مع الاخرين بالرد على قصائدهم.


مثل ماتبي منهم هم ايضا يبون منك...لو "صح لسانك"
الشاهري العبيدي
27-04-2009, 13:07
اخوانك بالمضيف العام

يفرحون بالتواصل معك


واذا عندك اي شئ له علاقه بالعام فأبشر بدل المية ميتين


واخوي عبدالله الجعيثن رد رد جميل فانصحك بالتفاعل الخير والطيب وكتابة ما يشد لك عند ربك بعمل صالح
وهكذا توصل للألف ماهو بس ميتين




هلا بك وحياك الله
فتى البيداء
27-04-2009, 13:52
ابوجعيثن هههههه << ذهين


يعني مثلا..بالنبطي..نزلّت قصيده او ثنتين ولا شفت لك اي تفاعل مع الاخرين بالرد على قصائدهم.

مثل ماتبي منهم هم ايضا يبون منك...لو "صح لسانك"
يبي يلوي به للأدبي .


أخي ابورغد :



يعني مثلا..بالفله..نزلّت موضوع او موضوعين ولا شفت لك اي تفاعل مع الاخرين بالرد على موضوعك.
مثل ماتبي منهم هم ايضا يبون منك...لو "والله موضوع ممتاز"

8

8

منقول من ابوجعيثن بتصرف
ريم شمر
27-04-2009, 15:56
ابو رغد

أهنيك على اسلوبك الجميل

بغيت اتحمس واحط لك ميتين مشاركه :)



بالنسبه لموضوعك السابق تم التعديل عليه

ولعلي اخبرك الآن بسر

ان سبب عدم ردي عليه هو وجود هذه العباره الشاذه

لن استطيع الرد مع عدم التعليق

وبنفس الوقت لم ارد ترك الفكره الاساسيه والتركيز على عباره عابره


ففضلت ترك الموضوع :qannaj:


شكرا لك على طلب التصحيح والله يبارك لك بقلمك وفكرك



.
.
حاجز الميتين سهل الوصول اليه

اذا تواجدت بشكل مكثف وتابعت اغلب المواضيع المطروحه

كذلك يمكنك استخدام قسم الشكاوي الخاصه او الدعم عند الحاجه لتدخل المشرفين


وشكرا لك
منصور الغايب
27-04-2009, 20:00
أهلا ابورغد ..


نفرح بتواجدك .. وبكتاباتك ...


ولك بعض المواضيع التي تعادل ألف مشاركة ... وهذه كلمة حق ..


أسأل الله لك التوفيق .. والاستمرار ...


وكلنا بدينا مثلك ... ننتظر رقم 200 يطلع لنا ..

واليوم ... بلشانين بكثر الهذرة .. :)


لاهنت .. ولك عندي 50 مشاركة عانية ..:)
ابو ضاري
27-04-2009, 20:28
ماشاء الله كثرت العنايا لك ابو رغد تستاهل وهم كرماء
بس شد حيلك وخلك باليوم تمر على جميع الاقسام تراها سهله الميتين
خلك نشيط ومايقصرون معك الاخوه
ريال الفسحه
27-04-2009, 20:46
ماودك اغرف لك من هالثمانيه الاف ؟ :)
شرهه
27-04-2009, 21:39
ابو رغد يالله وانا اختك

اكرب يدك و رد على كل هالمواضيع

ومر بطريقك على مواضيعي بالفله ^_^

ياخي والله لو بيدي شين تسان قرزت لك كل مشاركاتي مع إنهن مامن صمايل بس
مشاركاتي على مشاركاتك
يصرن فوق الميتين ..
بس عاد وش نعمل >>النظام نظام

تحيتي لك
فهد الجنيدي
28-04-2009, 01:08
أبو رغد
شد حيلك
هذا أنا مسجل بعدك و أكثر مشاركات منك

يعطيك العافية
أبو رغد
02-05-2009, 14:27
جتك 30 مشاركه عانيّه مني



يعني وش تبي...


نظام المضايف كذا... كثر مشاركات...



يعني مثلا..بالنبطي..نزلّت قصيده او ثنتين ولا شفت لك اي تفاعل مع الاخرين بالرد على قصائدهم.


مثل ماتبي منهم هم ايضا يبون منك...لو "صح لسانك"

يا هلا يا مرحبا يابن جعيثن

علامك يا فتى؟

جدت همن عدت!!

طيب افزعوا لنا على هالنظام الي كنه مبالغ بعدد المشاركات ولا أقل شي تستحدث وسيلة للتواصل مع مشرفين القسم الي يكتب فيه العضو مشاركته!

حياك الله
أبو رغد
02-05-2009, 14:52
اخوانك بالمضيف العام

يفرحون بالتواصل معك


واذا عندك اي شئ له علاقه بالعام فأبشر بدل المية ميتين


واخوي عبدالله الجعيثن رد رد جميل فانصحك بالتفاعل الخير والطيب وكتابة ما يشد لك عند ربك بعمل صالح
وهكذا توصل للألف ماهو بس ميتين




هلا بك وحياك الله

هلا والله بالشاهري

ما كتبت موضوعي الا عشان مشاركات بالعام أرد التعديل عليهن فما قدرت..

وكتبت طلبي لتعديلهن في رد على موضوع آخر كتبته بالخطا بالمضيف العام ومن ثم مسحته وأبقيت فقط طلبي للتعديل وكنت موجه الكلام لك بس حذف الموضوع الظاهر قبل انك تقرأه..

حياك الله يالغالي
أبو رغد
02-05-2009, 14:56
ابوجعيثن هههههه << ذهين


يبي يلوي به للأدبي .


أخي ابورغد :


8

8

منقول من ابوجعيثن بتصرف

يا هلا بفتى الفلة الأغر

حياك وبياك وعسى الطيبين من حضاياك

خلاص الفلة الفلة بس دلوني الطريدز

سلام
أبو رغد
02-05-2009, 15:18
ابو رغد

أهنيك على اسلوبك الجميل

بغيت اتحمس واحط لك ميتين مشاركه :)



بالنسبه لموضوعك السابق تم التعديل عليه

ولعلي اخبرك الآن بسر

ان سبب عدم ردي عليه هو وجود هذه العباره الشاذه

لن استطيع الرد مع عدم التعليق

وبنفس الوقت لم ارد ترك الفكره الاساسيه والتركيز على عباره عابره


ففضلت ترك الموضوع :qannaj:


شكرا لك على طلب التصحيح والله يبارك لك بقلمك وفكرك



.
.
حاجز الميتين سهل الوصول اليه

اذا تواجدت بشكل مكثف وتابعت اغلب المواضيع المطروحه

كذلك يمكنك استخدام قسم الشكاوي الخاصه او الدعم عند الحاجه لتدخل المشرفين


وشكرا لك

شكرا جزيلا للتعديل على الموضوع ولنية تزويد المشاركات:)

بالنسبة لذاك الموضوع هو أشبه ما يكون بالمحاكاة الكاريكاتورية لموضوع آخر للأسف قرأت عليه ردود أو شبه ردود موافقة على مضمونه رغم أنه يتكلم عن الجبانة مثلاً ووضع مثال عليها عنترة ابن شداد:)
^
^
ماش يمكن توضيحي مهو هكاللي مار القوة لله مالي غيره دامي ما عبرت الشط (حاجز الميتين)

ملحوظة: بنفس الموضوع فيه كلمة (مطاوعة) بأحد الردود تحتاج الى مشرطك التجميلي

لا هنتي يا بنت المضايف

تحيتي وتقديري
المشرف العام
02-05-2009, 23:17
/

من قال لك ان لازم 200 مشاركه :)

شكلك قديم معنا :)


/


اعتقد ان خاصيه حجب الرسائل الخاصه حتى عدد مشاركات معينه لا يعمل حاليا ، بسبب التحديث وتغيير اصدار المنتدى



ذكرتني . .. ولله يذكرك للشهادة :)
بنت الجبل آخت القصيد
03-05-2009, 06:11
^^
صادوه :)


الحين عندي مسابقه بالجوال المركز الاول 200 مشاركه اشنوحك ماتشاركنا به وتفوز بدل هالعينيات اللي تجيك تصير ماخذه ليدك :)

.
.
عبدالله الجعيثن
03-05-2009, 08:14
/

من قال لك ان لازم 200 مشاركه :)

شكلك قديم معنا :)



ذكرتني . .. ولله يذكرك للشهادة :)



^
^
^

فيه تعديل وزاري:)...ولا وشو؟


ادخل على الله لاتحطهن 500 مشاركه:a:....يحرّش
أبو رغد
03-05-2009, 08:53
أهلا ابورغد ..


نفرح بتواجدك .. وبكتاباتك ...


ولك بعض المواضيع التي تعادل ألف مشاركة ... وهذه كلمة حق ..


أسأل الله لك التوفيق .. والاستمرار ...


وكلنا بدينا مثلك ... ننتظر رقم 200 يطلع لنا ..

واليوم ... بلشانين بكثر الهذرة .. :)


لاهنت .. ولك عندي 50 مشاركة عانية ..:)
يا هلا بالاستاذ منصور


اشادة أعتز بها وأتمنى أن تكون كتاباتي دائما أهلاً لمتابعة وتقدير القراء الفطنين

لا هنت على العنية:)


حياك الله
أبو رغد
03-05-2009, 08:57
ماشاء الله كثرت العنايا لك ابو رغد تستاهل وهم كرماء
بس شد حيلك وخلك باليوم تمر على جميع الاقسام تراها سهله الميتين
خلك نشيط ومايقصرون معك الاخوه

يا هلا ومرحبا بالضاري

تستاهل العافية ايه انا استاهل وهم كرماء بس يا ولد مشاركاتي هن هن :)

حياك الله
أبو رغد
03-05-2009, 08:58
ماودك اغرف لك من هالثمانيه الاف ؟ :)

أغرف
ما حطيت هالموضوع الا لهذا:)

حياك الله
أبو رغد
03-05-2009, 09:03
ابو رغد يالله وانا اختك

اكرب يدك و رد على كل هالمواضيع

ومر بطريقك على مواضيعي بالفله ^_^

ياخي والله لو بيدي شين تسان قرزت لك كل مشاركاتي مع إنهن مامن صمايل بس
مشاركاتي على مشاركاتك
يصرن فوق الميتين ..
بس عاد وش نعمل >>النظام نظام

تحيتي لك

يا هلا بشرهه

اكرب يدك:(
^
^
الحل السحري تكرر بصيغ مختلفة والمضمون واحد يعني يرزقك الله مالك الا ذراعك وشربٍ على يدين الأعضاء هماج:)

الله لا يهينك على نية الفزعة على قل المشاركات وهذي تحسب لك يا زينة الصبايا!

تحيتي
أبو رغد
03-05-2009, 09:09
أبو رغد
شد حيلك
هذا أنا مسجل بعدك و أكثر مشاركات منك

يعطيك العافية

يعني شلون؟ تغورن أنت ومشاركاتك!
خلاص نبي نشد

واحد اكرب والآخر شد:( <<وين حنا لا يكون خاش الصناعية بالغلط:)

لا هنت يا ذيب السند والهند وما وراء النهرين

تحيتي
أبو رغد
03-05-2009, 09:20
/

من قال لك ان لازم 200 مشاركه :)

شكلك قديم معنا :)


/


اعتقد ان خاصيه حجب الرسائل الخاصه حتى عدد مشاركات معينه لا يعمل حاليا ، بسبب التحديث وتغيير اصدار المنتدى



ذكرتني . .. ولله يذكرك للشهادة :)

قال لي نطام المنتدى!

أنا حاولت أرسل أكثر من مرة خاصة لمشرفين العام وكله تطلع لي رسالة تقول رح اكرب يدك وكثر مشاركاتك همن تعال أرسل!

الغريبة أن هناك عضو أرسل لي ورديت عليه بس يوم جيت أرسل لغيره جتن الرسالة المعتادة رح اكرب يدك!

يعني النظام يسمح بالرد ولا يسمح بالابتداء هذا اذا ما كان الي صار معي طفرة جينية وانتهت!

تحياتي
أبو رغد
03-05-2009, 09:25
^^
صادوه :)


الحين عندي مسابقه بالجوال المركز الاول 200 مشاركه اشنوحك ماتشاركنا به وتفوز بدل هالعينيات اللي تجيك تصير ماخذه ليدك :)

.
.


وهذا أنتم سرى طويل العمر أكبر من الـ400 :)

العالم بعصر الشفافية وحقوق الانسان وأنتم لا زلتوا بمسح الجوخ!!

هه والله ان سالفة المسابقة جازت لي بس أخاف ليا فزت قلتي رح شد حيلك ولا اكرب يدك!!

حياك الله
أبو رغد
03-05-2009, 09:34
(http://www.shmmr.net/vb/misc.php?do=showehdaa)عرض الإهداءات (http://www.shmmr.net/vb/misc.php?do=showehdaa)


رسالة إدارية


عذرا .. لا تستطيع استخدام الرسائل الخاصه ، نظرا لعدم تجاوز مشاركاتك الـ 200 مشاركة





الساعة الآن 09:28.

-- AR -- Arabic (http://www.shmmr.net/vb/misc.php?do=showehdaa)الاتصال بنا (http://www.shmmr.net/vb/sendmessage.php) - (http://www.shmmr.net/vb/misc.php?do=showehdaa)شبكة شمر (http://www.shmmr.net/) - (http://www.shmmr.net/vb/misc.php?do=showehdaa)الأرشيف (http://www.shmmr.net/vb/archive/index.php/) - (http://www.shmmr.net/vb/misc.php?do=showehdaa)بيان الخصوصية (http://www.shmmr.net/vb/agreement.php) - (http://www.shmmr.net/vb/misc.php?do=showehdaa)الأعلى (http://www.shmmr.net/vb/private.php?do=newpm&u=26080#top)

^
^
هذي آخر أخبار الرسايل
(http://www.shmmr.net/vb/misc.php?do=showehdaa)
محمد سنجر
04-05-2009, 07:57
تحية طيبة للأخ الحبيب
أبو رغد
نزلت أهلا و حللت سهلا
أهلا و مرحبا بك
كريما بين الكرام عزيز

تشرفت بمعرفتك

تقبل تحيتي و تقديري
ابو عارف
04-05-2009, 09:26
هلا أبو رغد جمدت عظامي أحسبك تطلب فلوس كنت مولم العذر أبي أقول أخوك خسران بالأسهم الله يعطيك من واسع فضله.

ماشاء الله عليك آخر مديل 2009 ولك من المشاركات 137 كلها مشاركات حلوه
مانرضى لك مشاركات مزيفه .

إذا تبي مشاركات خرطي عطوه من مشاركات الشايب 63 مشاركة من اللي العشر بوحده.

ياهلا بأبو رغد ومرحبا.
أبو رغد
05-05-2009, 09:54
تحية طيبة للأخ الحبيب
أبو رغد
نزلت أهلا و حللت سهلا
أهلا و مرحبا بك
كريما بين الكرام عزيز

تشرفت بمعرفتك

تقبل تحيتي و تقديري

أهلاً وسهلاً بالأديب الكبير محمد سنجر

شرفني حضورك

تحيتي وتقديري
أبو رغد
05-05-2009, 10:00
هلا أبو رغد جمدت عظامي أحسبك تطلب فلوس كنت مولم العذر أبي أقول أخوك خسران بالأسهم الله يعطيك من واسع فضله.

ماشاء الله عليك آخر مديل 2009 ولك من المشاركات 137 كلها مشاركات حلوه
مانرضى لك مشاركات مزيفه .

إذا تبي مشاركات خرطي عطوه من مشاركات الشايب 63 مشاركة من اللي العشر بوحده.

ياهلا بأبو رغد ومرحبا.

يا هلا وغلا ببو عارف

لله لله ما أطلب فلوس ولفنا ولله الحمد بحاجة ، أنا بخير مار تسان تبي تحول لي مبيلغٍ بسيط 20000 ريال يساعدن على هالترميم ما أقول الا عسى الله يزوجك:)<<ترى دعواتي وحده بوحده:)

شرفت يالغالي