عروسنا غيرررر [الأرشيف]

مشاهدة النسخة كاملة : عروسنا غيرررر

أهداااب

25-04-2009, 18:08

مسائكم كشنة ..
كيفكم يا افري بدي .. ان شاء الله مناح

ياحلوين ترا الموضوع طويل اللي ماله خلق والا ضرسه يعوره والا وراه مشوار يطلع ويراجعنا بكرة <~ أمحق إستقبال
السالفه ومافيها انا انعزمنا على عرس ..( الاربعاء اللي فات )

<~ وخير ياطير
~> مو أي عرس

<~ لايكون ولد الوليد اعرس
~> لا لا عرس بالبر يعني فلة ووناسة وسعة صدر وأهم شي البساااااااطة <~ بالله ماحسيتوه زي إعلانات ال F.M

يلا اربطو الاحزمة راح تقلعوون معي في رحله لديرتنا .. وتراكم بتحضرون معنا هالعرس لكن من بعيد لبعيد ..

بداية مشوارنا تحركنا من البيت العصر قرابة الساعة الخامسة
طبعا إستحالة نمسك الخط على طول لازم تنط شغلات تخلينا نوقف بالسوق..
والبداية كانت مع محفظة أختي ..

هالمحفظة عجبت أختي ووصت أمي تجيبها لها لا راحت السوق ..
خذتها لها أمي ويوم جت بتحاسب شافها أبوي قال لا هذي مالها " عصام " تطيح منها
وراح بدلها بوحدة لها عصام على ذوقه
يوم جو البيت وشافتها أختنا في الله حلفت 77 يمين ماتاخذها
بصراحة ما ألومها

لله درك يا أبي عليك ذوق مدري وش يبي
و هذي هي المسكينه في طريق إعادتها للمحل

http://upload.7bna.com/uploads/3f92489540.jpg (http://upload.7bna.com)

اهم شيء حرف الـ G:)

بعدها مسكنا خط الديرة قبل المغرب بشوي..
وكان الجو خيااااال

http://upload.7bna.com/uploads/e549f27f13.jpg (http://upload.7bna.com)

http://upload.7bna.com/uploads/0492bf8c9d.jpg (http://upload.7bna.com)

http://upload.7bna.com/uploads/622fce65eb.jpg (http://upload.7bna.com)

وقفه :

بأتكلم لكم شوي عن طريقة ( عرس البر )
أقدر أوصفه بكلمة وحده

( بســــاااااطة )

أول شي يبنون بيتين شعر واحد للحريم وواحد للرجال ..

وفيه آراء حديثة تؤيد الزواج المختلط ويختصرون الوضع على

بيت وآحد أبرك .. < تدلين الباب:)

طبعا ليلتين مو ليلة وحدة

يعني غدا وعشى .. وفطور وغدى وعشى ..

الليلة الأولى اللي تنزف فيها العروس تسمى ليلة الرآس
والليلة الثانية تسمى ليلة الثنوى

والعشى بوفيه مفتوح <~ بالله

وإذا حل المساء تدار المواطير وتولع الأنوار ..
ويبدأ توافد المعازيم في هذا الوقت ..

الحريم طبعا الغالب يقعدون بعباياتهم بعضهم تقعد حتى بالنقاب والبعض الآخر تكتفي بعباية كتف بس تكون عن فستان من كثر الزركشة اللي فيها والطرحه ترميها على كتفها وتطلق العنان لجدايلها <~ محسوبتكم من هالنوع

أما قرايب العرسان غير..

يجون صاكين التسريحة والفصطان كنها بقاعة مو في بيوت شعر ..

( كان ودي أصور البيوت بس أمي حلفت علي ما أنزل الكام من السيارة والجوال مجرد ما أرفعه كل العيون حولك تترقب >_< )

بعد صلاة العشاء يبدأ الطرب على أصوله < تنويه انهم دينيين يحترمون وقت الصلاة

البنات على الإستريو يردحون ( وفي رقصات عجيبة غريبه لا يتقنها الا بنات الديره http://www.mrjooj.net/vb/images/icons/38.png )

والحريم يوقفون صفتين متقابلات ويلعبن ( الرفيحي )

( كان هنا مقطع أغنية .. أحتراماً لقوانين المضايف شلته )

من كلمات الأغنية

~ ودي اشوف خلي كل يوم وليله..
لونها ربع ساعه يالعيون الشقيه..
واتصبر وغير الصبر مالي سيله..
واتصبر ودمعي هل من فوق خدي.. ~

و بالعافية قدرت أسجل غير مخبية الجوال بالشنطة >_< ..
قسمن يطربني دقهم بس مشكله اللي مايعرف ولاهو حافظ وبس يرتز وراهم يتفرج

:
:

الرجال طبعا عندهم شعار هذا بالليلة الأولى..

أما الليلة الثانية يتركون المجال للشباب يطلعون مواهبهم على العود <~ يا إن هالعود ساحر عيال الديرة بشكل .. حتى بزارين 13 و 14 يعزفون

نجي عند أهم شي ألا وهو زفة العروس ..
تجي من 7 إلى 8 سيارات توقف تحمل حريم من مقر العرس ويتجهون للبيت اللي فيه العروس ويجيبونها ..
أول كانو بس يطخون بالرشاشات ويسوون إستعراضات بالسماء
و أنا طبعاً أفضح أهلي لاسمعت الطخ شوي وأنط بحضن أمي

بس الحين تطورو شوي وصارو يفجرون ألعاب نارية
المهم يجيبون العروس ويدورون على بيوت الحريم قرابه السبع دورات <~ حشى كنه طواف :)

بعدها توقف بس السيارة اللي فيها العروس وتنزل أختنا في الله ( أول العروس تلبس "الغمرة" تشبه اللبس الهندي ومعه لثمة بس الحين صارو يلبسون ذيك الشرعه اللي تجر وراها ثلاثة متر
المشكلة الوضع مايساعد إنها تلبس كذا نفسي أصرخ بوجهها أقول تراك في البر >_< )

تدخل العروس خيمتها اللي بمثابة الكوشة المصغرة ( لايغركم ترى إسمها هيفاء )

وتبدأ أهازيج الحريم أولا ..

( مبروك وألفين مبروك
لأهل العريس والعروسة
ياحاضرين قولو مبروك
عساها ليلة هنية )

عاد بعد ما تنقطع أنفاسهن يبدأ دور الردح على الإستريو ..
وكلن في فلك يسبحون http://www.3tt3.net/up/upfiles/k9825874.gif (http://www.3tt3.net/up/)

ريميكسات لا درت راسك يمين تسمع إليسا وراشد الماجد وإلى درت يسار تسمع زغاريد وقرع الطيران ..

يستمر هذا الوضع حتى ساعات الصباح الأولى..
بعدين اللي له أحد يقرب له بيته قريب يروح ينام عنده بعدها يرجعون للغدا و العشا الليلة الثانية

واللي مالهم أحد زي حالتنا ياكلون تبن ويضطرون ينامون في مقر العرس <~ هذا إذا قدرنا ننام من الحر والإزعاج :(

بس هالمرة ابوي رحمنا وما إضطرينا نخمد عندهم
أخذنا لنا غدى ورحنا "الديسة " وآه يالديسة .. ( قرية تابعة لمنطقة تبوك )

من زماااااااان ودي نروح لها .. تبعد عن ديرتنا حوالي 35 كلم .. فيها عيووون ونخيل واهم شيء الدووووووم ..

http://upload.7bna.com/uploads/6a739e1276.jpg (http://upload.7bna.com)

http://upload.7bna.com/uploads/5c8ed195a7.jpg (http://upload.7bna.com)

وحنا بالطريق شفنا هالكائنات

http://www.3tt3.net/up/upfiles/Fs372493.jpg (http://www.3tt3.net/up/)

دوونكي .. :)

http://www.3tt3.net/up/upfiles/l7O72493.jpg (http://www.3tt3.net/up/)

جمل .. < احلفي

:
:

هالعين على كلام أمي إنها من يوم ماطلعت على وجه الدنيا وهي موجودهـ

عاد انتم قدروا وحدة عندها ست أحفاد تقريبا كم عمرها < مو فوق الـ 18 :)

7

7

http://www.3tt3.net/up/upfiles/owo65595.jpg (http://www.3tt3.net/up/)

http://www.3tt3.net/up/upfiles/F4P65595.jpg (http://www.3tt3.net/up/)

http://www.3tt3.net/up/upfiles/xFq66370.jpg (http://www.3tt3.net/up/)

http://www.3tt3.net/up/upfiles/8Zn66370.jpg (http://www.3tt3.net/up/)

http://www.3tt3.net/up/upfiles/mNy66371.jpg (http://www.3tt3.net/up/)

العزوبيه مهم مخلين لأحد فرصة >_<

كان ودي أنزل وأصور على رواق بس مافي أمل :(

http://www.3tt3.net/up/upfiles/GmW66371.jpg (http://www.3tt3.net/up/)

http://www.3tt3.net/up/upfiles/tu766371.jpg (http://www.3tt3.net/up/)

http://www.3tt3.net/up/upfiles/hbi66371.jpg (http://www.3tt3.net/up/)

http://www.3tt3.net/up/upfiles/Do566371.jpg (http://www.3tt3.net/up/)

http://www.3tt3.net/up/upfiles/I5M66371.jpg (http://www.3tt3.net/up/)

http://www.3tt3.net/up/upfiles/Gsx66371.jpg (http://www.3tt3.net/up/)

http://www.3tt3.net/up/upfiles/VJb66371.jpg (http://www.3tt3.net/up/)

أحد يبي دوم :)

http://www.3tt3.net/up/upfiles/PSP66371.jpg (http://www.3tt3.net/up/)

http://www.3tt3.net/up/upfiles/mgH66371.jpg (http://www.3tt3.net/up/)

وغابت الشمس وعدنا الى بيتنا ..

أتمنى تكونوا إستمتعتم بالرحلة مع مرشدتكم السياحية !! أهداااب !!

كلمة أخيرة ..

( نزلت هالتقرير لأن ناااس كثير تسأل وش لون تكون عروس الديرة عندكم ..
عن نفسي أحبها كثير فيها بسااااطة مع وتااااسه مو مثل عروس المدن والقاعات اللي لازم تحتفظي على البرستيج ..
لا تكثري حركة .. لا ترقصي على أي أغنية .. لا تاكلي من كل شي معروض .. المسكره سايحه الروج طالع .... )

وبس خلاص

أحمد

25-04-2009, 18:21

اختي اهداب

هذا تسجيل حضور او حظور والله مادري وش الصح بس والله عندي شغل لازم يخلص قبل العشى

وي ول باك سون

تري مكاسي اختي

نافع بن طواله

25-04-2009, 18:25

الله يجزاك خير قلتي لي انه طويل
<<<<<<<<<<<<<<<<<<<<<< يفقد التركيز في المواضيع الطويله وبنص الموضوع يغفي

انتظر ملخص الموضوع <<<< مباراة كرة قدم ؟

فهد الجنيدي

25-04-2009, 18:50

هيه
ياخي ليش موزوئ مال أني طويل
أرس بدو
يئني
الله هيوه
أقلطوا ألى الأشاء
بئدين أرزة
بئدين كلوم يروه

والله كرطي

ابو ضاري

25-04-2009, 18:51

ابو عارف

25-04-2009, 22:10

أكيد البر حلو بدون عرس وشلون عاد إذا فيه عرس أكيد وناسه

مشكوره يا أهداااب على هالصور والشرح الأكثر من رائع.

اعجبتني مناظر منطقة الديسه ، هو فيها ناس او بس الكائنات الي شفنا؟

عز الله إنها ديرة حلوة الماء والخضرة والكائنات الحية.

شكراً يا أهداااب

حمـود

25-04-2009, 22:54

موضوع جميل ومميز

اخت اهداب

وين مكانه بالنسبه من تبوك

جنوب غرب او شرق مكانه

لازم نحضر هناك مميزه بصراحه

وخاصه منظر العين اللي يدرج بالشعيب

وهو كل السنه وهو يصب

ودمتي بخير

واحد شقردي

26-04-2009, 01:05

مشاء الله المناضر حلوه ورائعه الديره

هئنيا لكم فيها

والله اعجبتني

وملاحظه ذوق الوالد الله يحفظه رائع بس انه رجاليل وهذي هي المشكله ههههههههههههه

يعطيكي العافيه

هايس الشمري

26-04-2009, 01:06

والله ما احسب تبوك بهالجمال..!

شكرا اهدااب

ريال الفسحه

26-04-2009, 01:09

8

من الفوتشوب يالبناخي <---اطلع برا :)

صور قمه

يعطيك العافيه

أهداااب

27-04-2009, 21:30

8

8

غـــلط ..

الفوفو ماله شغل :)

:7ayyoh:

لي رجعه لكم جميع حياكم ..

شامان

27-04-2009, 22:41

اهدااااااااااااب خوش موضوع

بس شكو الموضوع بالفله

صراحه اعجبتني صور العيون والمناظر

شكلي بمر هالمناطق بالصيفية القادمة

المفروض فيه مضيف اسمه السياحه والسفر

شكرا هدبدب خوووووووووووش موضوع

بنت الجبل آخت القصيد

28-04-2009, 10:11

واااااااااااااو روعه ياهديباء

ماحسبت تبوك بهالجمال تجنن ماشاء الله

الصوره هذي ذكرتن بقرى الاحساء

http://upload.7bna.com/uploads/6a739e1276.jpg (http://upload.7bna.com/)

خياااااااااال
وان شاء الله كل يوم عندكم عرس بقريه ثانيه :)

الا ماقلتي لنا الصباحيه وش تلبس عروسكم ؟!!

.
.

لاهنتِ

εïз خزامى εïз

28-04-2009, 14:43

يآآآآآآآآآآآآآآآآآآآآي
أهدآب موضوعك مرررهـ ممتع
بالنسبه للعروس
كل وحدهـ لها ستآيل
يعني النآس اذا حبيبه الحفل بيجي حلو
واذا شسمه .. شسمه :) ههههههههه
يعني اللي فيه هم اللي يحددون
الله يوفقهم يآرب...
بس بجد يبسط مرررهـ موضوعك
والصوووور يآآي رهيبه ......
لازم نجلس جلسة نقاش على هالهاند باق اللي بالصوره....!
هو كل الابهآت زي كذآ :boxed:
"اوب" يعرفون يختارون هههههههههههههههه
هي ماهي مرررهـ شينه بس موديلها قديم
يعني حلوه على عهدهاا ههههههههههههه
ميرســـي قلبي للقصه
وعسا افراحكم دايمه

غالب

30-04-2009, 02:22

والله فله تبوك:)

واستلمي سلامي

جبرني الوقت18

30-04-2009, 04:57

اهداااااب
بصراحه صور جميله ورائعه

الله يعطيتس العافيه .

18

أهداااب

30-04-2009, 07:11

اختي اهداب

هذا تسجيل حضور او حظور والله مادري وش الصح بس والله عندي شغل لازم يخلص قبل العشى

وي ول باك سون

تري مكاسي اختي

ما خلص شغلك للحين .. ؟!

حياك أي وقت .. rooose2

أهداااب

30-04-2009, 07:22

الله يجزاك خير قلتي لي انه طويل
<<<<<<<<<<<<<<<<<<<<<< يفقد التركيز في المواضيع الطويله وبنص الموضوع يغفي

انتظر ملخص الموضوع <<<< مباراة كرة قدم ؟

و أنا تعبت و أنا أكتب و أحمل بهالصور ..

نافع ..

و الله ذكرتني بدكتورة سودانية كانت تدرسنا بأولى نحو ..

تتثاوب بالمحاضر أكثر من 50 مره وتفرك بالعيون و الدموع تنقط و الوجه _ يا حالة الشر _ .. :)

لما تشوف البنات ملوا منها تقول :

بالله عليكم يا أول ما تتسابوا كتير بتنعاس معكم ..

لو مرة وحده قالنا ممكن .. المشكلة على هالحال من عرفناها :)

أنتظر نشرة الواحدة بعد منتصف الليل .. :3ajeeb:

أهداااب

30-04-2009, 07:30

هيه
ياخي ليش موزوئ مال أني طويل
أرس بدو
يئني
الله هيوه
أقلطوا ألى الأشاء
بئدين أرزة
بئدين كلوم يروه

والله كرطي

أنت الكرطي .. :)

عرس البدو يسو عشرة عروس من عروس الحضر ..

( ليلة بالبر تسوى بالبلد عشرة ليالي .. :thumb: )

العبرة أخ راجو مو بطبايع العروس بالبر هذي ما احد زال عنها ..

العبرة بجمال الطبيعة و بساطة الحياة ..

تشكرات على المرور .. roooose

أهداااب

30-04-2009, 07:40

زمان عن عرس البران تصدقين

الخميس عندنا عرس وعرضنا بس مادقينا عود خخخخخخخخخخخخخخخخخ

( ياويلنا من الشيبان ) يقولون

حرام

العرس يحمس لن به لعب وناسه وعرضه وسامري

افكر اعرس بالبر خيمه وبيت شعر بس خايف على عيال الفله لا يضيعون بالبران

شيبانا هم من يتقدم الصفوف .. :)

الطرب عندنا للكل من صغير لكبير دون تفرقة أو عنصرية .. :)

خذها نصيحة أخت لأخوها :

( أعرس بالبر ) بدل الخساير و الديوان اللي مالها داعي ..

حياك .. roooose

أهداااب

30-04-2009, 07:54

أهداااب

30-04-2009, 08:05

موضوع جميل ومميز

اخت اهداب

وين مكانه بالنسبه من تبوك

جنوب غرب او شرق مكانه

لازم نحضر هناك مميزه بصراحه

وخاصه منظر العين اللي يدرج بالشعيب

وهو كل السنه وهو يصب

ودمتي بخير

هلا بالناصر .. :7ayyoh:

هالعين على حد قول أمي من طلعت على وجه هالدنيا وهي موجوده ..

عاد أنت أحسب و حده لها 6 أحفاد و ثلاث من عيالها متزوجين كم سنة .. :)

هالمناظر كانت قبل كم سنة أحلا بكثيررر

لكن كثرت القيلات و الناس اللي تخيم هناك شوهة المكان ..

بالنسبة للموقع ..

هي غرب

تقع مايبن محافظة ضبا و تبوك

والله في مناطق سياحية كثيرة رائعة بتبوك منها جبل اللوز .. و الزيته ..

و حقل بجوها الساحلي المميز .. والديسة

لكن المشكلة حقيقة أنه ما أحد معطيها ذاك الأهتمام

الشمال ككل ما أحد معبرة _ صــــــراحة _ :za3lan:

وحياك .. roooose

أهداااب

30-04-2009, 08:11

مشاء الله المناضر حلوه ورائعه الديره

هئنيا لكم فيها

والله اعجبتني

وملاحظه ذوق الوالد الله يحفظه رائع بس انه رجاليل وهذي هي المشكله ههههههههههههه

يعطيكي العافيه

شكراً على المجاملة .. :)

ويعطيك العافية على المرور

حياك .. roooose

أهداااب

30-04-2009, 08:18

والله ما احسب تبوك بهالجمال..!

شكرا اهدااب

تبوك طول عمرها حلوووه

بس ما أحد معبرها كله ( جدة غير .. أبها البهية ..

و الشمال الفقيرة منسية .. !!

مشكور على المرور

حياااك .. rooose2