% الى جميع الفله الكرام %

[الشبث]

اخواني اعضاء فلة الحجاج الكرام


لا يخفى على الجميع الامور والتطورات الاخيره في فلتنا

والتي كان اخرها استبعاد اخوي يوسف من الاشراف



مثل غيري من الاعضاء تضايقت من هذا القرار


لكن

ماهو الحل المناسب ؟!

نترك المنتدى ونمشي ؟!

او نتكلم كلام غير لائق فينا ؟!



اللي تبونه ان نصف الفله يمشي الحين

واذا نزل الشبث من الاشراف يمشي النصف الاخر


انا عارف ان الغالبيه معارض وغاضب من هذا القرار


ولكن

لا نريد ان نتكلم ونتصرف بتصرفات قد تضر بالفله في المستقبل

يا اخوان

منذ ان حدث ما حدث لم ادخل المضايف حتى لا اكتب ما يضر بالفله

وانا قادر ان اكتب اني مغادر قبل المغادرين

لكن

هل هذا ينفع الفله ام يضر بها اكثر مما هي عليه



ودخلت اليوم


وشفت موضوع اختي السنعوسيه

كنت اتمنى انها لم تكتبه

هل ترغبين في ترك الفله يا اختي السنعوسيه

هل جميع الاعضاء هنا مجتمعين للجميع ام مجتمعين لاعضاء ومشرفين



اخونا يوسف موجود


كمشرف او كعضو

يكتب معنا كمشرف او كعضو لم يتغير شيء


والفله لا تتأثر بأي عضو

خرج منها عمالقة الفله ولم تتغير ابدا



لماذا نتصرف هذه التصرفات يا اخوان




وفي الختام






اللي لي عنده خاطر يهدي الوضع ويترك النقاش في هالموضوع

وانا راح اتناقش مع ابو سلطان في هالمسأله مع يوسف وباقي الاخوان الاداريين



وياليت ياليت ياااااااااااااااااااليت نرجع نكتب بالفله مثل اول





واختي السنعوسيه وريتاج ومها ياليت ترضني بهالموضوع ترى زعلت عليكن حيل








سناعيسو


تعال ابيك


































































قسم بالله


لو تكتب رسايل او كلام مثل اللي كتبته ليوسف هكا اليوم لا اصفقك باند





وتقلدوا تحيتي

[εïз خزامى εïз]

أني قايله لهم بالرد لا توقفون ماهو الحل
بس وش فيهم ومتى صار هالكلام ...بيوقفون؟؟
:frown:
ليه كذا؟ :frown: ليه ياسنعوسيه ومها؟؟
ليييه؟؟:frown:
الشخص يواجه اللي يصير له من اشياء تقهر
مو ينسحب
ترى واللله بزعل عليكن حتى انا:frown:
الله يبدل الحال باحوال
قسم زعلانه :frown:
والله يابو ماجد انك على العين والراس
وان شاء الله مايقصرون الفلاويه
بس اللي صار زعلنا كل أبونآ
وان كان فيه سبب فهو لغلاة اخونا يوسف علينا
وتغير الوضع من السالفه
بس باذن الله يتعدل كل شئ
والله يعين
...

لآهنت يابو ماجد
مره ميرسي
وان شاء الله مايصير خاطرك الا طيب

[فتى البيداء]

الله لا يهينك ابوماجد .. ويوسف على ماحصل له .. ألا أنه وافي لم يتركنا .. بل تواجد

حتى بعد أنزاله من الأشارف .. صحيح أنه من الوفاء أنك تاقف من أجل صاحبك ..

ولكن من أكبر الوفاء أنك ماتجرح أصحابك كلهم بإنقطاعك ..

ويوسف هو يوسف قبل أشرافه وبعد أشرافه .. والله مانقص قدره ..

لأن من يكون بطيبة يوسف وأخلاقه لا يضره هل هو مشرف أو عضو ..


والحقيقة قبل كم يوم يكلمن صديقن لي عتيبي .. يقول أنتم ماتعرفون الحسد ..

لكن والله في أحد المواضيع شفت الحسد عينه بعلمه .. الله يكافينا الشر ..


تحياتي ابوماجد ..

[الشبث]

هلا بالاخت خزامى


بعون الله الامور تساهيل


وراح ترجع الفله احسن من الاول وهذا وعد مني



وتقلدي تحيتي

[شرهه]

يالربع شيخ والله شيخ ..

[الشبث]

اخوي الحبيب فتى البيداء


بعون الله مافيه حسد عندنا



ويالله شد حيلك وامحطنا بسالفه هههههههه


وسلم على الضابحه



ولكم عندي مفااااجأه يا اهل الفله عن قريب




وتقلد تحيتي

[ابو ضاري]

الشبث ابو ماجد اسعد الله مساك بالخير والمسرات يالغالي

صراحه تفاجت من هذا الخبر وهو انزال الاشراف من خالي يوسف

ابو ماجد اعلم ان الفله سوف تسير مثل اول واحسن

لكن يابو ماجد لماذا هذا الهجوم على الفله اليس من العلم ان هذا القسم من انشط

الاقسام

واعلم ولتعلم الاداره ان اغلب اللي سجلوا عن طريق قسم الفله واعرف ناس لكن من

العجيب

ان ينزل مشرف بدون علمه وهذا المتضح لدينا ....

صراحه يتم الانزال دون علم المشرف لا اعلم اهو تحيز اما ماذا

والاخ يوسف والله العظيم انه يستاهل اعلى من مشرف وهذا اعلمه وكثير منا يدري

بمجهود يوسف

في هذا القسم....

اذا فيه افضل من يوسف فليقدمه من نزل يوسف وليس الحكم من ذاته فقط

هذه القرارات انا اتسال لماذا تحصل هل يوسف قل كفاءه في هذا ام يوسف كتب موضوع

ليس له هدفه

ابو ماجد حنا نكتب هنا للفله لاهداف تفيد القاري ونعلم هنا لارضاء الاخرين دون تجريح

نتمنى من الله العلي القدير ان يرجع لنا يوسف وانا اقولها صراحه لا يوجد حاليا افضل

واحسن من يوسف

ليس هذا مجامله لكن الرجل يستحق كل هذا وزود ( لو بكيفي اعطيه نائب المشرف

وهذا رائي الشخصي )

دمتنا لنا اخوه اعزاء وقياده في الفله لله دركم ايها الانقياء ....



اخوك ابو ضاري

[الشبث]

تسلمين اختي شرهه


وتقلدي تحيتي

[الشبث]

اخوي ابو ضاري

لتعلم وليعلم جميع الاخوه هنا ان يوسف من يزين الاشراف وليس العكس


نعم نحتاج يوسف لكن هذا قدرنا

ولا يمكن ان نحل المشكله هكذا

يجب على جميع الاخوان ان يهدأو وبعد ذلك من الممكن ان اتناقش مع ابو سلطان


لكن بهذا الشد العجيب اعتقد لن يقبل ابو سلطان ان نناقشه بشيء


اخوي ابو ضاري

ثق تمام الثقه ان يوسف مثل ما انتم تعزونه هو ايضاً يعزكم

وثق ثقه تامه انه سوف يبقى في الفله ويزيد من نشاطه


اخوي ابو ضاري


انا كتبت هالموضوع لاني اثق بقدري عندكم

ابيكم تساعدوني حتى تعود الفله افضل من الاول




وانتظر مني اتصال



وتقلد تحيتي

[ابو ضاري]

ابو ماجد انت قدرك على عيني وراسي
والله يابو ماجد انت غالي على والله يعلم بغلاتك يابو ماجد
والله ماطلبت شي والله لو تطلب ضاري لارسله لك حنا دائما معك للرمق الاخير
بس يابو ماجد حنا لنا قدر بعد من اخواننا بالاداره لاخونا يوسف
ابو ماجد انت سر وحنا وراك اصلا ماحبينا وكتبنا بالفله اللى من اقلامكم انت ويوسف ولايهنون الباقين
انت تامر امر امرنا يالذئب حنا رهن اشارتك ولا تستغرب من الاخوه والاخوات هذا الاندفاع لتجاه مشرف قد احبوه الكثير منا لكن نسال الله العلي القدير ان تنحل جميع مشاكلنا ....انتظر مكالمتك يالغالي

[يـــوسف]

ابو ماجد أي لاف يو مان :)


يارجال عساك سالم تسرخان هذا قصدي توم كروز علاجه عندي :)




ووسع صدرك والفلة ابد طول ماأنت مديري <_ للحين يحسب روحه مشرف هههههههههه


قصدي للحينك مدير الفلة ابد مايصير إلا كل خير وازهله يابو ماجد :)




والأعضاء اللي طلعو بحيل الله يبي يرجعون وانا ابي اروح الحين زوره لهم وغديني أوزع عليهم آراضي :)




والوغد هذا تخبر ياخوك لازم أعطيه وجه تخبر حرام ياخوك اكسر خاطره ابيه يرفع من قدره بوسط العالم أقل شي لاسولف بمجلس قال والله تنابشت انا ويوسف <_ ابووووووووووك يالتحطيم للشاوي :)






عموما ابد يابو ماجد مالك إلا طيبة الخاطر يامنقرش انت :)








توسد إحترامي

[هايس الشمري]

كبااااااااااار يا اهل الفله..!



و على راسهم ابو ماجد و يووسف

[ابو عارف]

شكراً أبو ماجد على هالجهد اللامحدود العقلاني للإبقاء على فلتنا شامخة ومثل ماقلت يوسف موجود ولارايح يتغير أداءه المميز واخلاقه العالية بتغير موقعه من الفلة سواء كان مشرف أم عضو بالنهاية هو يوسف المتكي ورا الشمس.

المراكز تتغير وتتبدل وتبقاء الفلة شامخة ويبقى العلم الغانم والسمعة الطيبة للطيبين أمثال يوسف ولاتهون أبو ماجد ولامن حضر.


شكراً لكم جميعاً وننتظر عودة المعتصمين بشوق شديد.




وتلهلموا بتحية الشيخ ابو ناب

[المسافـر]

ابو ماجد يعطيك العافية يافلااان






يوسف :...



مادام رعيان الغنم صاروا شيوخ ... خلوا شيوخ اليوم ترعى هملها




خلوا شيوخ اليوم ترعى هملها


خلوا شيوخ اليوم ترعى هملها




شويان

والله كرطي :)




فين أيام زمااان


فين أيام رفاع الطهطاوي


وزكي جمعه


مين زكي جمعه





يوسف



هيا بنا نمذررررررررررررررح


:315r:



.

[ابو ضاري]

عمار يالفله كذا تعودنا منكم شدوا بيد ابو ماجد ...ويوسف بقلوبنا يابعد حيي ياخالي
القائد ابو ناب الاعضاء الكرام عودوا الى فله الاخوه فله التنافس فله النصيحه والمرح
ايها المعتصمين نناشدكم ونطالبكم بالعوده تبون خالي يوسف يزعل عليكم
انت كبار مع ابو ماجد ويوسف وشايبنا ابو عارف ....ويوسف ياجماعه معنا وفي قلوبنا
تعالوا ...تعالوا...........تعالوا ...............الى فلتكم انها تنتظر مواضيعكم الشيقه

[نافع بن طواله]

ساءني ما قرأت هنا

حيث انه ليس لدي علم بما حصل وما يحصل

لكن انا على ثقه انكم تقدمون علاقات الاخوه على كل العلاقات

وانتم ان شاء الله اخوان وفيكم خير


انتظر منكم الأخبار الطيبه












ملاحظه / قرأت في بعض الردود مصطلحات موجهه لأحد اطراف الموضوع وهذه المصطلحات مرفوضه بتاتا لأن جميع الاطراف لنا ولا نرضى اي خطأ تجاه أي اخ لنا

[أحمد]

<<<< هذا العضو يغني اغنية مهما يقولون مهما صار مهما تم

مساء الخير للجميع


اخواني الاعضاء بدون مكابره كلام ابو ماجد هو عين الصواب والفله ماتخسر بحجم خسارة العضو نفسه اذا ابتعد لان العضو يجي بداله اعضاء بس وين بنلقى فله بمييزات فلتنا ...


اخواني اعضاء الاداره بدون مكابره تواجد ابو سلطان بنفسه واعطاءه مساحه للنقاش مع اعضاء جدد طالبو اي صوت اداري يوضح لهم الاسباب يعطي درس للجميع بان للكل وزنه ...

اخوي ابو ماجد بدون مكابره حنا محسودين بوجودك بيننا ....


اخوي يوسف وبدون مكابره تبقى اخ غالي للجميع وانزالك من الاشراف ماانقص من حقك بالعكس اضاء لنا على احد الجوانب الرائعه في شخصكم الكريم .....


انا عن نفسي اخوكم الصغير الجثري بالوقت اللي انضميت فيه لمجموعة المعتصمين (الله يجعلنا ممن يعتصم بحبل الله يارب ) كان هدفي استجداء الاداره لمعرفة الاسباب فقط واللهم لك الحمد تحقق المطلوب...



تري مكاسي للجميع

[واحد شقردي]

صدق ابو ماجد بكلامه

وانا ابدينا رائينا و كلامنا اتى بمنظور طيب برد ابو سلطان

و حتى اشوف الغالي يوسف رد هنا بعد

يعني في قرارت نفسي سوينا لي علينا وزياده

و ان شاء الله ترجع الامور مثل اول و افضل باذن الله


تحياتي للجميع

[فهد الجنيدي]

هيه بابا سبس

الزاهر كلوه نفر سئودي
هوال واجد

قرقر واجد

كلاص ملينا
نبغى وناسة سيم سيم قبل

ألهين يجي كلوه جنجال


شوف بابا سبس

أنا فيه هل























هطوني مسرف

وأنا أي واهد قرقر زيادة
يسوي تفاهم

والله كرطي

[حمـود]

ابو ماجد

سلمت يمينك يا العزوه

يوسف

والله ما نزل قدرك ابد

سوى كنت مشرف او منت مشرف

يوسف

والله فرحت يوم شفت انك محبوب من الجميع

وهذا هو المطلوب انك تشوف

الناس وهي تشيد بك

وهذا ان دل يدل على

عدلك بينهم وعدم التفرق بينهم

ومحبتك لهم قبل لا يحبونك


وانتم يا اعضاء

يوسف اعرفه

وياما تحدثنا عن الفله

وياما يمدح له ناس ويثني على فلاويتهم

ما عمري سمعت انه يغلط على اي عضو صغير كبير

والله هل الادمي محسود


يوسف اي لوف يو تو ثري فور فايف ..........


دمت بخير

[غالب]

خلاص خلاص أنا كنت زعلان هكا الساعه وفقدت أعصابي:)
وآسف
بس ياخي ماأدري بي لي جنيتن بساع تزعل على يوووسف

يووووسف
لك شو يازلمه خشمك زغير :)

رااجو
مابقا ألا إنت ياأبوريحه




واستلموا سلامي

[يـــوسف]

حمود الناصر إطلع خمسين بالله :)




































متى تبينا نسير على شبيثان <_ تسلطو على هالمقرود :)

[أحمد]

^
^
^

باتسر يالعشير مباراة الريال ومباراة الهلال والنصر كله بالاستراحه والدعوه عامة بس هاه مباراة بس ذبح وصلخ مافيه هههههههههههههه

[بنت الجبل آخت القصيد]

^
^
يوسف علمونا متى تسيرون
حتى حنا<<هي وروح ومهوش
نبي نسير على ام ماجد

<<<الحين يقول لاجابتكم هله ولاارضن مبتله:)

[يـــوسف]

آخر خبر وصلني توه جديد برسالة جوال من سبق يقولك الشبث يوم قرا وسمع خبر المسيار

طاح على هامته ولا بعوينته القطره قام يرمش 70 مره بالثانية تقل عصيفير مصفوق بله نبيطة :)





عطر تعالي ابيتس بكلمة راس :)









الجثري يعني أطق طقم الريال توي شارين لي شورت ماصار ابهديه للمسافر اول بس تقل ابهون :)

[روح حايل]

القافله تسير رغم الألمممممممممم مممممممممم مممممممممم << تقل ودي اقط بيتين شعر :)



بيض الله وجهك يابوماجد كلام قائد ماشاء الله عليك

[ليلى بنت عبدالعزيز]

لاهنت يا ابو ماجد
ويوسف عالي صار عضو ولا مشرف ولا ادراي ولا... لا....

[المسافـر]

الجثري يعني أطق طقم الريال توي شارين لي شورت ماصار ابهديه للمسافر اول بس تقل ابهون :)





شورت

يعني سروال

يعني هيلاهوب اصفر

ابشرك انا وشنقل الموزعين الرسميين لهالنوعيات

مع الحقوق الحصرية في توزيع شرابات العايله

:)


.

[عبدالله الجعيثن]

^
^


انتبه لا يصير به صبغه...






انا بسيّر هالخميس يم الرياض...




منهو معزبي؟ ابتدربا على واحد منكم...

[ابو فارس]

^

منهو معزبي؟ ابتدربا على واحد منكم...
لاتدربا كلك

شوي شوي
تحسب نفسك نحيف
ترى ارض الرياض هشة لينة
---------
الناس وين وانا وين؟


بس اسمعوا

يامال الشحم
هالحين تضيق بنا الدنيا ونجي نسمع سوالفكم
صحيح بعض المرات سوالف ماش
لك عليها
بس والله توسع الصدر الله يوسع صدوركم

اهجدوا
عينوا خير
تسلم يا ابو ماجد
هذه الهقوة فيك
---
دمتم بخير

[أحمد]

معزبك فندق البطحا يالعشير هههههههههههههههههه



ابو غازي والله لو ماتمرنا بالاستراحه اللي يوصفة لك الشبث اني لا افضحبك ترن صورت حلاياك بالعرس والله لاحطه بشكل مخل بالاداب وانزله بالمنتديات هههههههههه



تتشرف الرياض بجيتك ياخالي وعيوننا حديهن لحاف والاخرى غطى

[عطرالورد]

اخوي الشبث وشبلاكم الله لا يبلى مولعين

الحين بس توني عرفت بلا السنعوسيه

امس ماخلت شي بمويعيناتنا ماكسرته

اثريه من الزعل على شان يوسف

هدو هدو والامور ماتنحل بهالطريق واخوي يوسف

هو هو بالاشراف وبدونه