ابو عارف
22-04-2009, 23:16
يالربع عندنا رئيس ملحوس مخه تعرفون ويش معنا ملحوس مخه يعني ماهو صاحي.
لايمكن أن تسلم من شره أبد ولافيه خير البته ماله شبيه إلا الذباب أعزكم الله الي كود تذبحه او تستسلم له.
أو مثل شوك الحسك في صوف النعجه مايمكن تخلصه الله يرحم السدرة الي متعكف شوكه ولازم تجرحك .
عاد هالرئيس لو تقول فلان يسلم عليك قال إزهم عليه وسلملي عليه وبعد ثواني يعقب معك حصلت الرجال إن قلت نعم قال خله يكلمني أو كلمه وعطني إياوه وإن قلت ماحصلتو قال كلم الإستعلامات وخلهم يعطونك رقم جواله وكلمه وخله يكلمني.
تقول له هذي كذبة أبريل ماشفت الرجال من شهرين كنت فقط أمزح معك ضحك ضحكة صفراء تبسم ثم قال إيوالله مبطين ماشفناه كلمه خله يكلمني وهكذا.
تقول سلام عليكم يشر لك على الكرسي أجلس قبل يرد عليك يقول ويش رأيك فيني تقول ممتاز يقول إشرحلي تقول زفت يقول فسرلي.
يطلب من تحويل رسالة ما للإدارة الفلانية لكي يجاوبون عن شيء معين بعد عشر دقائق يكلمك يقول ما ردو هذولا على الرسالة تقول لامايمديهم قراءوها يقول عقب معهم وشف ويش رأيهم فيها وخلهم يردون بسرعه ويواصل معك حتى نهاية الدوام هم ردوا أنت كلمتهم.
وقبل نهاية الدوام بعشر دقائق يطلب منك تحرير رسالة تعقيب على رسالتك الي الصبح وعندما تكتب الرسالة وتسلمها له للتوقيع إستلمها تصحيح وهو بالحقيقة تخريب وليس تصحيح تقول نعتزم شطب عليها وكتب ننوي تكتب ننوي يرجع على نعتزم صححها 17 مرة بين نعتزم وننوي ثم قال شكلها مرتفعة شوين نزلها شوي حط لها مارجن هامش ثم تحط لها قال حط على إسمي بولد تحطه قال خلها عندي وعقب معهم قبل نوقعها تقول إنتها الدوام روحو يقول كلمهم بالجوال.
مرة قلت أبي أجرب أقول له شيء مايفتح علي باب عمل ولاطلب ، قلت يقولون أوباما يبي يزور المانيا قال والله قلت نعم قال من قال لك هذا قلت سمعته بالأخبار قال أي أخبار قلت الجزيرة أو العربية نسيت قال متى قلت الظهر قال ما أعني متى سمعت الخبر أقول متى يبي يزور المانيا قلت ماحددوا الموعد بعد بس يعتزم قال لاتقول يعتزم تعود عليها ثم تكتبها بخطاباتنا قل ينوي قلت ينوي قال من أجل ترسخ في ذهنك رح أكتب لي الخبر الي سمعته كامل أبي أشوف صياغتك للخبر.
كتبت وقلت يقولون كفانا شر مايقولون أن اوباما ينوي أن يزور المانيا في غضون أيام ياليل العير.
جبت الخبر خطياً قال هذا خبر ناقص ويش هدف الزيارة قلت ما أدري قال أزهم على السفارة الأمريكية أو الألمانية وخذ الخبر من منبعه.
ألا يالقطت غليس.
وسلامتكم.
لايمكن أن تسلم من شره أبد ولافيه خير البته ماله شبيه إلا الذباب أعزكم الله الي كود تذبحه او تستسلم له.
أو مثل شوك الحسك في صوف النعجه مايمكن تخلصه الله يرحم السدرة الي متعكف شوكه ولازم تجرحك .
عاد هالرئيس لو تقول فلان يسلم عليك قال إزهم عليه وسلملي عليه وبعد ثواني يعقب معك حصلت الرجال إن قلت نعم قال خله يكلمني أو كلمه وعطني إياوه وإن قلت ماحصلتو قال كلم الإستعلامات وخلهم يعطونك رقم جواله وكلمه وخله يكلمني.
تقول له هذي كذبة أبريل ماشفت الرجال من شهرين كنت فقط أمزح معك ضحك ضحكة صفراء تبسم ثم قال إيوالله مبطين ماشفناه كلمه خله يكلمني وهكذا.
تقول سلام عليكم يشر لك على الكرسي أجلس قبل يرد عليك يقول ويش رأيك فيني تقول ممتاز يقول إشرحلي تقول زفت يقول فسرلي.
يطلب من تحويل رسالة ما للإدارة الفلانية لكي يجاوبون عن شيء معين بعد عشر دقائق يكلمك يقول ما ردو هذولا على الرسالة تقول لامايمديهم قراءوها يقول عقب معهم وشف ويش رأيهم فيها وخلهم يردون بسرعه ويواصل معك حتى نهاية الدوام هم ردوا أنت كلمتهم.
وقبل نهاية الدوام بعشر دقائق يطلب منك تحرير رسالة تعقيب على رسالتك الي الصبح وعندما تكتب الرسالة وتسلمها له للتوقيع إستلمها تصحيح وهو بالحقيقة تخريب وليس تصحيح تقول نعتزم شطب عليها وكتب ننوي تكتب ننوي يرجع على نعتزم صححها 17 مرة بين نعتزم وننوي ثم قال شكلها مرتفعة شوين نزلها شوي حط لها مارجن هامش ثم تحط لها قال حط على إسمي بولد تحطه قال خلها عندي وعقب معهم قبل نوقعها تقول إنتها الدوام روحو يقول كلمهم بالجوال.
مرة قلت أبي أجرب أقول له شيء مايفتح علي باب عمل ولاطلب ، قلت يقولون أوباما يبي يزور المانيا قال والله قلت نعم قال من قال لك هذا قلت سمعته بالأخبار قال أي أخبار قلت الجزيرة أو العربية نسيت قال متى قلت الظهر قال ما أعني متى سمعت الخبر أقول متى يبي يزور المانيا قلت ماحددوا الموعد بعد بس يعتزم قال لاتقول يعتزم تعود عليها ثم تكتبها بخطاباتنا قل ينوي قلت ينوي قال من أجل ترسخ في ذهنك رح أكتب لي الخبر الي سمعته كامل أبي أشوف صياغتك للخبر.
كتبت وقلت يقولون كفانا شر مايقولون أن اوباما ينوي أن يزور المانيا في غضون أيام ياليل العير.
جبت الخبر خطياً قال هذا خبر ناقص ويش هدف الزيارة قلت ما أدري قال أزهم على السفارة الأمريكية أو الألمانية وخذ الخبر من منبعه.
ألا يالقطت غليس.
وسلامتكم.