المساعد الشخصي الرقمي

مشاهدة النسخة كاملة : % اسبوع & يوم %


الشبث
22-04-2009, 10:16
لاهل المضايف احلى سلام


ومساء الخير يا كرام






مساء الخير للغالي حيل حليل





تصدقون يا اخوان فيه شي غريب بهالدنيا


يمكن مهو غريب كثر ما حنا نستغربه





كنت اسمع اول بمثل يتردد عند الغالبيه

وهو (( عنز بدو وطاحت بمريس ))


العنز معروف انه تاكل اللي تشوفوه

والله لو تشوف خشبه كلته ماعنده مشكله


ولكم اخواني في عنز ابوي الضحوك مثال طيب


مره من المرات لقيناه اكلتن فانيلة الراعي


تسيف ولا زامت عليه تسبده بعد تسبد



المهم ( بالله حدوني لا اطلع عن السالفه تروني اروووغ بساااع )



هالمثال هذا يقال لمن يعمل ما ليس من طبعه وما ليس له دخل به







الاكيد




كنت مره رايحن لحدا المستشفيات (( الله يبعدكم عنهن ))

ولقيت الموظفين ( سعوديين ) يتسالمون


وببثارتي المعهوده قطيت وجهي بينهم


قلت ما شاء الله الاخوان مسافرين


وهو يلتفت لي واحد منهم راسوه يلمع من كثر الدهون صايرن تقل طاست كابرس

قال خير يالاخو


قلت لا بس اشوفكم تسلمون على بعض قلت اكيد مسافرين


قال ياخوي ماعمرك سمعت بـ ( يوم الصحه العالمي )


قلت لا والله يالغالي بس ياليت تفيدن اكثر


قال بما اننا نشتغل بمستشفى فأننا نعتبر هذا اليوم يوم عيد عندنا

قلت اهااااااااااااا


بس يالغالي والله من جابتن الكهله ما عيدت الا عيدين بالسنه


وهم يموتون ضحك


قال ياخي انت ( طعس )


قلت شكراً


وانا اديور واسحب الجلنط من عند اقرب لفه لاني طعس






ومره كنا جالسين مع مجموعة شباب

قال واحد منهم بالله من عنده رساله لامي

قلت وشو يالحبيب



قال ابي ارسل رساله لامي

قلت اكتب اي كلام وارسلوه له

قال ياخي عليك وجه مادري وش يبي

وانا اقوم اتلمس وجهي ( ياربي وش فيه )


قلت ماعليش ممكن تفهمني وش السالفه


قال يااااخي اليوم ( يوم الام العالمي )

قلت اهااا ومنهو اللي حط هاليوم


قال هذا يوم عالمي


قلت الله من القطاعه والرفاله بهالخشه

ياخوي حنا كل السنه للام مهو بس هاليوم

قال ايه عادي انتم ( طعوس ) >> يهب ياوجهه

وكالعاده حقدت على نفسي لاني طعس وما ارسلت لامي ( يمه عيدتس مبارك )

كش علي




هذا غير الاسابيع


مثل اسبوع المرور

يعني اسبوع المرور العالمي اذا جاء ما ندري الا من كثر نقاط التفتيش

وكثر المخالفات اللي يتصفقون به هالمساكين


ولا اسبوع الشجره


وه يابعد تسبدي يا اسبوع الشجره

تلقا هالبشر كلن يتحكحك بشجره


تصدقون مره شفت واحد معذر نفسوه ويلزق على الشجره

وكاتبن عباراة تضحك وبنفس الوقت تقول بنفسك ( اعنبو اللي انت هديفتوه يالهديفه )

الاخ كاتب ( لن نستمر بدونك ايته الطيبه , انتي سر الوجود , ظلك يكفينا )


قسم بالله ودك تقوم تنتف غصون هالشجره


المشكله والله ما يدري هي شجرة تفاح ولا برتقال

ويمكن تكون اثله ولا طلحه







ويااااربي يا اسبوع الماء

ياربي نبي نستهلتس بوه

يقومون حقين مصلحة المياه يفترون علينا تقل مسوين بلا


ويااااويلك يا سواد عينك ياللي تغسل وجهك


ليه تخرب الماء وتوصخوه

المفروض تنظف الماء


عاد تدرون ان اكبر مشروع تحلية مياه بالعالم موجود عندنا

والمصيبه انوه مهو بينن علينا



يجيك الواحد لاعبتن بوه الهبايب ويبي يستهلك من قل شرب الماء


ولا ننسى الكوارث اللي صارت لاخواننا بالجنوب العام

كره من دبره












عاد الله لا يهينكم اسبوع المرأه لا تقولون شي


خلوهن يطلعن ويصيعن مالكم شغل

ليا متى وحنى ( طعوس )






تخبرون مقياس التطور بملابس المرأه


كل ما قلت ملابس المرأه كل مازادة ثقافة مجتمعها













ياااارب لطفك







وياليت كل شي يرجع لاول


حتى النفسيات هنا اشوفه تغيرت


وتقلدوا تحيتي
بالمختصر..
22-04-2009, 10:36
نسيت الفالنتاين :)

و يوم المعلم , حنا خلقه مانداني المعلمات يعني بهاليوم نبي نغليهن و نهدي لهن ورد .! :)



وكاتبن عباراة تضحك وبنفس الوقت تقول بنفسك ( اعنبو اللي انت هديفتوه يالهديفه )

الاخ كاتب ( لن نستمر بدونك ايته الطيبه , انتي سر الوجود , ظلك يكفينا )


قسم بالله ودك تقوم تنتف غصون هالشجره


ههههههههههههههههههههههههههههههههههههههه

يوم كنا صغار كانت في شجره كبيييييره بالحديقه اللي قريبه من بيتنا و دايم نلعب عنده

نتعلق بـ واحد من أغصانه الكبار و نسحبوه للقاع و عقب نهدوه و ترفعنا فووووووووق :solh:

و عقب جو البلديه و جزوه الله يآخذهم .. عاد حزننا عليه سوينا مناحه :za3lan:

لا و بعد معلقين به حبل و خشبه ( يعنني مرجيحه :) ) بس والله شــي :solh:

<< شطحت




أقول لا تقاطع ..




.
.
ابو فارس
22-04-2009, 10:42
ابو ماجد
ياحبي لك يالطعس

الا وش رايك نسوي
يوم المضايف العالمي

اقل شئ نسلم على بعض فيه

هذاني من سنة ماشفت فرتك

وارسل لك بالخاص ومعطينن طناش

الا على فكرة وش تحس لمايقولون لك طعس


لاهنت يالذيب


دمت بخير
الشبث
22-04-2009, 11:58
هلا اختي بالمختصر


اصلا من شفت خشتس ليمار هذي الطعسه بعينه وعلمه


هالحين ماتخافون من الله يوم انكم تجرجرون هالشجيره بهالعنف


لاحوووول


هههههههههههههههههه




لاهنتي على هالمرور الطيب




ومهو وكاد



وتقلدي تحيتي
الشبث
22-04-2009, 12:00
يااااهلا بشايبنا ابو فارس


يالله حيوووه


ابو فارس

ياخوي يلزمنا يوم مضائفي


احس انكم وحشتوني هههههههههههههههه


بس بالله ماتقولي متى طنشتك

هي مره وذبحتن به ههههههههههههه





لاهنت على هالمرور الطيب




وتقلد تحيتي
فواز الغسلان
22-04-2009, 12:09
شبثووووووه متى عيد المرأه ؟؟

انتبه لايفوتنا علشان ناخذ بوه اجازه ونستعرض بالاسواق معهن

مدامه يسمح لهن بالخروج بالعيد بدون محرم 00 نبي نتمتع بشبابنا الزيزفوني
الشبث
22-04-2009, 12:12
ههههههههههههاااااااااااااااااااااااي


يابو فهد اي زيزفوني

بس تصدق اني مجودن نصيحتك لي بهالفايت

طول مانا اقدر مانا ذاخرن شين ههههههههههههههههههههههههههههههههههه




لاهنت يالذيب على هالمرور المشرف



وتقلد تحيتي
بتول آل علي
22-04-2009, 12:20
وش هالكلام يا بو ماجد ؟؟؟



انت تدري انا في عصر السرعة

يعني الشرطة ما هم فاضين كل يوم مسوين زحمة و توعية بأشكال و أنواع السلامه
>> ليش ما عندهم شغل ثاني ؟؟

بعدين لعيال و زحمة الاشغال الحين ما هم فاضين كل يوم يرسلون رسايل ( ملطوشة ) لأمهاتهم
>> هذي تبي وقت و ميزانية بالتأكيد في أشياء ثانية أهم منها

وإذا بيتصل عليها صارت الميزانية مضاعفة و إذا بيروح سعر البنزين ماخوذ فالحسبان :(

،

يعني لازم تحسبها صح الله يهداك يا ابو ماجد

،


عاد ولا هالشجرة المسكينة اللي طول عمرها تعطي الظل من غير مقابل أحد قدّرها ... ؟

،





لا لا ما يصير كذا

أنا لازم أبلّغ جمعية حقوق الإنسان عن موضوعك هذا المُنافي للإنسانية

والذي يدعو إلى قساوة القلب و عدم الإحساس بكل ما يحيط حولنا

،


بعدين هو كله يوم للتذكير ( و ذكر فإن الذكرى تنفع المؤمنين )

الناس باتت تعاني من النسيان ولازم نعاونهم على ذاكرتهم :)




،





هزُزززلَت !!!!



:)
الشبث
22-04-2009, 12:24
ياهلاااااااااا بالاخت القديره بتول


شرفتي الموضوع وصاحبه والله



بس تصدقين


يوم قلتي حقوق الانسان خفت


حسيت اني توهقت ههههههههههه







بتول بسألك وجاوبيني بصراحه


انتم يالكباريه كلكم اليوم محضرين بموضوعي شالسالفه

انتي وابو فارس وابو فهد


وش هالنور كله بس



طبعاً لا تقولين بالمختصر


بالمختصر توه صغيره انتم شياااااب يالله حسن الخاتمه بس ههههههههه





لاهنتي اختي على هالمرور


وتقلدي تحيتي
بتول آل علي
22-04-2009, 12:25
بالمناسبة يا ليت تضيف ( & ساعة ) في عنوانك

الحين الاسبوع مدة طويلة من عنده وقت فاضي يسمع خرابيط لأسبوع ؟؟

:(

الحين شويّ شويّ صارت ساعة

زي ساعة الأرض هاللي يطفون فيها الكهرب لمدة ساعة مدري في أي يوم من أيام الله

يعني يوفروا طاقة


:)
بتول آل علي
22-04-2009, 12:26
الطيور على اشكالها تقع


و مواضيع الشياب لازم تجذب الشباب :)
الشبث
22-04-2009, 12:28
هههههههههههه

الله من الفضاوه


اكيد بكرى بنشوف ثانيه

ثانية الاخت


يعني تمر اختك لمدة ثانيه تسلم عليه وترجع


ولا ثانية الصديق القديم



اي شي اهم شي مدة ثانيه ههههههههه






لاهنتي على هالاضافه الطيبه


وتقلدي تحيتي
الشبث
22-04-2009, 12:32
الطيور على اشكالها تقع


و مواضيع الشياب لازم تجذب الشباب :)




الله اكبر

هالحين انا شايب وانتم شباب

عدااااااااااال انتي وابو فهد وابو فارس على وشك تصيرون اجداد

انما انا شب زي الأمر



وتقلدي تحيتي
بالمختصر..
22-04-2009, 13:07
تراني عدلت مشاركتي كان به خطأ فادح :)

و على فكره .. اليوم ( يوم الأرض العالمي ) ياصبر الأرض :)




.
.
شرهه
22-04-2009, 13:24
اهاااا
طيب وانت شحارقن رزتك ؟ >>
خل الناس براحتهم ..^_^ >عض الطرف اوه قصدي غض الطرف عن بعض الأشياء




بها الفايت جاء يوم الأم توه صح يمكن فات له شهر الظاهر !
ومادريت ان فيه يوم أم أصلآ يما كلمت خويتنلي فكره منحرف وقالتلي انه اهدت لأمه قصيده وانه هي واخوانه وخواته سووا له حفيله وماخلوه تشتغل اوتلمس شي أبد..

وانا اتهول منه .. وانا اكلمه مرت ست الحبايب من قدامي قلت له ماما قالت هاه وكانت معصبه قلت كل عام وانتي مامتي الحلوه قالت ياملا الدزالي اللي يقلاتس وش تقولين أنتي ..
وشبلاتس منسفهه
قلت
له اليوم عيد الام وماحفلنا لتس!
قالت يا ملا الملهه يها الفاسده وش هالكلام ؟ منين انتي متعلمته و تولجتن وافتشلت عند البنت وصكيتوه بوجهه
>‏ و هي تطفشن والله العظيم انه بغت تثور بي مدري ليه >لو جماعة الاخوان به الحين كان سجلت امي معهم ..

‏
أحلى شين عندي يوم الميلاد .. صراحه لو يطري على بالي ان هاليوم ميلادي كان حفلت لروحي >>بس المشكله ما افطن الا و هو فايتن ^_^>اي والله صاددزه ..

هالخملق كل يومن مطلعينن لنا شين ..

بالله فيه اسبوع للمرأه؟؟ والله وناسه >طيب وشلون وش معناته وش تسنه؟

‏_‏
موضوعك شــــــــــــــــــــــــــــــــي ..
‏_‏
تحيتي لك ..
الشبث
22-04-2009, 13:34
بالمختصر



شفت الخطاء الله يفتح راس العدو


بس مابغيت اورطتس هههههههههههههه



عز الله يا صبر الارض خخخخخخخخخ


>>> ماصيدوه بس يلاهد





وتقلدي تحيتي
ريال الفسحه
22-04-2009, 14:47
عندك رساله ابرسله لسناعيسو





























































طبعا بمناسبه يوم الدلخ العالمي :)
فتى البيداء
22-04-2009, 15:10
ابوماجد الموضوع ذو شجون .. وأنا دخلت المضايف على أستعجال ..



لي نكسه ..
ابو ضاري
22-04-2009, 15:26
ابو ماجد بيض الله وجهك على المواضيع الهادفه


راجعلك ياالغالي .................
واحد شقردي
22-04-2009, 15:40
يجيك الواحد لاعبتن بوه الهبايب ويبي يستهلك من قل شرب الماء


ولا ننسى الكوارث اللي صارت لاخواننا بالجنوب العام

كره من دبره


لا هذي المشكله صارت فيها سالفه
يذرون واحد بالحائر طعس وملقوف فتح مضخات الماء كلهن يبي ياخذ دش

وترائه سبب المشكله هذي من غير قصد

كان عنده يوم النظافه العالمي سمع بوه وقال بتنظف هو و العمل لي معوه

اجودي يحب الخير لنفسه و الزملاء لي معه بشغل ههههههههههههههه

موضوع هادف يا صديقي ههههههههههههههههههههه


الله يستر يطلع يوم الاستراحه العالمي يخترع ابو غربي علينا زيادة قطه
المسافـر
22-04-2009, 15:48
و عليكم السلام

هلا ابو ماجد


على هالطاري

قبل مدري كم شهر رايح للمستشفى

وشفت قدامي انواع الوغدان يمشون استغربت وش عندهم بما انه يوم دراسي

ومعهم مدرسين وكاميرات ...

وبعده بشوي رفعوا لوحه مكتوب عليه يوم المشي العالمي ..

يعني حركات حنا يهالمدرسه نواكب التطور :).



وياليت كل شي يرجع لاول


حتى النفسيات هنا اشوفه تغيرت




صرنا اثنين ..

ما اقول الا الله يعين بس .
ابو ضاري
22-04-2009, 16:31
هلا وغلا بابو ماجد تصدق انهم هم الطعوس وانت اللماس


كل مايقولون الغرب يقولون معهم اعياد انا ماذابحن الا يوم العالمي لطبقه

الازون


واليوم العالمي للتصحر والبيئه والحرايق ولا يهون اليوم الوطني


كلها دخلت علينا من الذين يبون الديمقراطيه لا وذابحينا بيوم الام


مايدرون اننا نحب امهاتنا يوما ....
يـــوسف
22-04-2009, 17:51
الشبث عويذة الله من شرك :)


ياخوي جمعت هالشيبان هههههههههههههههههههههههههههههههه



تقل شبت شيبان قدام لهم ورشة سمكره :)





لي نكسة بس خلن اترومق منعمس ياخوك :(
الشبث
22-04-2009, 20:44
انتي ليه ما تلزين على اسم بعد تسناهر


يا شرهه خخخخخخخخخ



وبالله عليتس ماتبين رزي يحترق وهالخبول كل يومن معيدين




عزالله صحيح


كل يومن للسكارا عيد




وتقلدي تحيتي
الشبث
22-04-2009, 20:46
ريالي


مامر عليك يوم الوباهه العالمي


خخخخخخخخخخ



تولم باتسر عندك بحول الله وقوته




وتقلد تحيتي
الشبث
22-04-2009, 20:47
هلا اخوي فهد


بأنتظار عودتك




وتقلد تحيتي
الشبث
22-04-2009, 20:48
ياهلا بالغالي ابو ضاري




راح انحدر يم عودتك


لاهنت


وتقلد تحيتي
الشبث
22-04-2009, 20:50
واحد شقردي



تستهبل انت وخشمك يالقفش هههههههههه


تبي هاللي ياخذ دش يروشك معوه خخخخخخخخخخخ



وتقلد تحيتي
الشبث
22-04-2009, 20:52
المساااافر


وشو صرنا اثنين


لا تنكبن معك


لا تفهم غلط ههههههههههههههههه



وتقلد تحيتي
الشبث
22-04-2009, 20:53
ياهلا بأبو ضاااري


اوووف يابو ضاري


لا واحلولات يا يوم الحرايق


الله العالم بس نولع نيران


ههههههههههههههه





لاهنت على هالمرور الطيب يا طيب





وتقلد تحيتي
الشبث
22-04-2009, 20:55
هلا بالمنعمس يوسف


هههههههههههههههه


لاعاش من عمسك


وانتظرك




وتقلد تحيتي
ندووو
22-04-2009, 21:20
يآآآآآآآآآآآآآآآي يجنن عيد الأم

يمة يمة يمة يمة


بس تخيل بيت فيه سته بنات والأم
ويصير كل شهر شهرين عيد ميلاد لبنت وعيد للأم وعيد الحب
والشغاله بعد :3ajeeb:وصار ت كل سنة اعياد

الحمدلله مايصير له طعم




سولافه:thumb:







تحيآآآآآآآتي
الشبث
22-04-2009, 21:24
ندووو


ما شاء الله عليتس خليتي كل يوم عيد


ههههههههههه

اجل كل يوم تفصلين ثوب هههههههههههههه




لاهنتي على هالمرور



وتقلدي تحيتي
ريال الفسحه
22-04-2009, 21:34
ياهلابك والله يابعدي
حمـود
22-04-2009, 22:41
الشبث

تضحك وتعظ ايها النشمي

دمت بخير
فهد الجنيدي
23-04-2009, 01:06
بابا سبس
هزا نفر يكتب ألى سجرةأنا مافيه يأيش من دونك

هزا أنا راجو
بئدين
هزا سجرة فلفل
مافيه تفاح برتوقال
خخخخخخخخخخخخ
بنت الجبل آخت القصيد
23-04-2009, 01:20
تخبرون مقياس التطور بملابس المرأه

عماااااااااااار
يالكرته والمقطع والمعزل والزمام :)

.
.
لاهنت يابو ماجد
ليلى بنت عبدالعزيز
23-04-2009, 01:34
وعليكم السلام ورحمة الله وبركاته

الموضوع منتاز ومني لك ***** (خمس نجمات)


وياليت كل شي يرجع لاول


حتى النفسيات هنا اشوفه تغيرت

8
8
8
سطرين من اروع ماكتب في الشبكه العنكوبوتيه

لاهنت
أحمد
23-04-2009, 02:50
هههههههههههههههههههههههههههههههههههههههه هههههههههههههههههههههههه


شبيثات ياطعس وش تبي بالناس بس تدري خلنا طعوس ومانهتم بهالشغلات ولا نصير ناقصين ونهتم


بس انا عندي اقتراح

نبي اسبوع العاطل<<< يصفون العاطلين او مجموعة منهم مايقدرون عليهم كلهم ويقولون هذولا شباب قابلين للانحراف لاننا ماقدرنا نوفر لهم وظايف تناسب طموحاتهم وتوفر لهم المعيشه الطيبه

اسبوع الفساد الوظيفي <<< يجيبون الموظفين اللي ماهم قد المسؤوليه

اسبوع الغلاء المعيشي اسبوع الاخطاء الطبيه اسبوع اسبوع يسمونوه والله لو تفحط ماتملك بيت هذي هي الاسابيع المهمه


تري مكاسي شبيثان
واحد شقردي
23-04-2009, 03:11
اسبوع الفساد الوظيفي <<< يجيبون الموظفين اللي ماهم قد المسؤوليه


لا الاسبوع ذا ممنوع احس بنطرد ههههههههههههه

و بينطرد الجثري ومجموعه كل همهم متى يخلص الدوام

ونااااس شلغتها بس تجيب ورق لعب من البنك الزملاء في الاستراحات هههههه


اشواء انك مو مسئول يا صديقي ههههههههههه

طلبتك الجثري فكنا منوووووووه
غالب
24-04-2009, 02:44
يارجال خلهم يستانسون
أهم شي لايذوننا


ألا متى يوم ضرب الهنود العالمي<<يشر على راجو<<


واستلم سلامي
εïз خزامى εïз
24-04-2009, 03:07
موضوعك قووووووووي
وممتع مرررهـ
تدري ينفع مقال ساخر....
اوووما اسبوع الشجره ههههههههههههههههههههههههههههههههههههههه
اتذكر مره بالمدرسه من الحماس
كنا نطلع نسقي الشجر ونلزق حافظي عليها من التلف ههههههههههههههه
بس تراه يعني لي <<<< لحد يحتسي ببيئه وزراعه عندها ههههههههههه
موضوع خطنطري
ميرسي بو ماجد