وش أسوي مع ابو فهد..! [الأرشيف]

ليلى بنت عبدالعزيز

14-04-2009, 00:38

صبكم بالخير
القوووووه ياغالين علي
فقدتوني ولا لا...! قولوا الصراحه ترى روحي رياضيه

* * *

اليوم ونا اتقهوى مع حماده في السطح في عريشه
يسولف علي بالمستقبل والحاضر والماضي ماخلينا شيء
قال: يمه بقول شيء بس بشرط ماتكلمين المرشد
ونا ابلع العافيه واقول: تم يا ابوي
اليوم تهاوشت مع الرخووووم هاشم و وليد
وراح وليد جاب ولد عمه واخوه من المتوسط بطلعه يبون يضربوني الين احب الارض
وأنا انحاش واركب الباص
انا انتخيت بخوالي ( عيال عمي أنا ) >> خوالي شمر يرفعون الراس
وبكره الوعد
لاتكلمين المرشد لان المرشد يتفلسف علينا وهو اصلا لو تشوفين وجه كله اصابات من طفولته القشرى
وتدخل المرشد ماله فايده بس يحطنا براسه لو يصير شي بالمدرسه قال انتم
قولي تم ياغاليه ... ولدك طلبك يالشمريه >> عارف نقطة ضعفي الهيس الاربد
قلت : تم ياأبو فهد لعيناك
هاتي خشمك ..
المهم من شوين ونا بغرفته ارتب اغراضه لقيت حاجه معه
ضيقت صدري حيل
والقولون العصبي اشتغل
لقيت سكينه الي تلف وتكون صغيره (سكينه جيب)
:a:
ياااااااااااااااااااالهوي وش اسوي .. ياربيه
وأنا اكلم خاله قلت الموضوع كذا وكذا
قال خليه براحته ..ماعاد هو صغير
انا شايفه وهويشريها من المحطه وقلت يابعد حيي وهو يرز صدره غرور وفخر
انتي لو شايفته خميس وجمعه ادربه على الرميhttp://www.yesmeenah.com/smiles/smiles/18/021.gif (http://www.yesmeenah.com)>>كان بالثمامه
قلت :هو طول الساكتون وتعلمه على العنف بشووووويش على الولد
قال: اطلعي من حياته بس وخلية يسترجل
قلت: دباب ..خيل ..طيور.. كشتات .. اوكيه بس اشياء حاده وخطيره لاااااااااا:3ayyen_khair:
:
:
وش السوات مع ابو فهد...!:za3lan:هو وسكينه

حيل حليل

14-04-2009, 00:56

انا قايلتس مبطي ان ولدتس شقردي
وبعدين لاعاد تسمينه حماده
سميه ابو فهد
لان اخبر تندبل تسبد الولد اذا صغروه
وبعدين انا لو منتس كان اذبح لي ذبيحه لاني لقيت مع ولدي سكين <<< يبي يجيب العيد بالعائله الكريمه
ترى والله شي حلو ان يكون عندك ولد أبظاي وراعي هوشات
شوفي شبيثان من وعى على الدنيا وهو كل يوم هوشه
وهذا هو قدامتس مابوه الا العافيه

مار توكلي على الله وسنني سكين ابو فهد

عسى الله يخلي لتس غويشتس

روح حايل

14-04-2009, 00:58

الله يحفظهم بحفظوه

مالتس الا تحتسين معوه بالهداوه ، والله تخافين عمروه صغير الحين الكبار يالله يمسكون

اعصابهم لا تخانقوا على طول هدوا بالسكاكين

داموه يفاتحتس بالسوالف وياخذ شورتس اكيد يبي يسمع لتس يالغاليه

الله يستر عليكم

فتى البيداء

14-04-2009, 01:17

أم حماده .. والله أن حيل حليل .. يبي يسمعتس بولدتس

مقولة (أقدم المدعو فلان بن فلان بكسر يد فلان .. وعليه يدخل دار الملاحظي

لمدة ستة أشهر) وأنتي تطق مرارتس من القهر والغيض ..

لا هم قالوا وغد وخلوه ولاأنتي سليتي عنه ..

وكما قالت أختنا الكبيره روح حايل .. مادامه فاتحتس بالموضوع وأخذ منتس وأخذتي منه قولي له باتسر ياولدي أنت ماتدري لزعلت وتطعن حداهم ثم يحطونك بالسجن .. أنتي رهبية من هالجانب وأن شأالله أن الله يبي يهديه ..

الله يصلحه ويخليه لتس ..

ابو ضاري

14-04-2009, 01:23

اقولتس جيبي ولدتس يم خواله هنا بالفله خليه يمذرح
ترا فيه شقرديه يابو ضاري لحد الان هوشات وسكاكين بالمدارس
يعيال تجون عند مدرسه حماده عنده هوشه وينتخي بخواله
عليهم..................لا ابعدني عنه السكاكين والاشياء الحاده

عجايب بنت الشايب

14-04-2009, 01:33

لقيت سكينه الي تلف وتكون صغيره (سكينه جيب)

اطلعوا اطلعوا ياعيال

اقول الشرهه على اللي متربعه وتقرا

واخرتها

لقيت سكينه الي تلف وتكون صغيره (سكينه جيب)

وشو تطلع وتصير صغيره

قولي

شبريه

ابو شهاب :)

موس ابو بس

افا بس ماتوقعتك كذا >> ياكبر شرهتها :)

طحياتي ياغاليه والله يحفظ لك ورعك وامسسسكيه مع غاربه لايجيب الاعياد بدري

εïз خزامى εïз

14-04-2009, 07:00

هههههههههههههههههههههههههههههههههههههههه ههههههههههههههههههه
هههههههههههههههههههههههههههههههههههههههه هههههه
والله ولدك شئءءءءءء بسم الله عليه ...الله يحفظه
وش فيهآ؟
عآآآآآآآآتي
ههههههههههههههه
ترآ كلهآ سكينه << ايه وتنمسك يد وتدخل في بطن وتشقه >> هاه ؟ :frown:
بس ليه مايبغى الدلع؟؟
دلعيه وخلي عنه ابوفهد خير؟؟ ههههههههههه وينآ فيه؟
الله يستر
ان شاء الله مايصير الا الخير
بس تفاهمي معآه مثل ماقالو
وقولي له طول اظااافرك عشان تصير مثل السكاكين ولا تحتاج تشيل معك شئ
<<< لا تتركون عندهآ أطفال ههههههههههههه :)
اشتقنالك ياام ابو فهد << قلت لك حماده احسن:frown:

شامان

14-04-2009, 08:32

ابله ليالي

اجل يا زين ولدي فواز البطه ( ومروج الكاكاو ) اللي يتعامل معااااه
اجل الاطفال طلعوا سكاكيس ورماية بالذخيرة الحية
صبر اسجل اسم ولدج بخانت المنع من المصادقة المستقبلية لولدي فواز
وخليني أفك الحظر عن صديقة السابق ( يوسف الشرير )
يا حليل يوسف عند حماااده
هذا حماده هلال منين طلعلنا يا ابــــله .
وزواج فواز من بنتكم المصون بااااااااااطل ( دام اخوها سكاكيس )
العمر يا شامان

ابو عارف

14-04-2009, 10:25

صبكم بالخير
القوووووه ياغالين علي
فقدتوني ولا لا...! قولوا الصراحه ترى روحي رياضيه

* * *

اليوم ونا اتقهوى مع حماده في السطح في عريشه
يسولف علي بالمستقبل والحاضر والماضي ماخلينا شيء
قال: يمه بقول شيء بس بشرط ماتكلمين المرشد
ونا ابلع العافيه واقول: تم يا ابوي
اليوم تهاوشت مع الرخووووم هاشم و وليد
وراح وليد جاب ولد عمه واخوه من المتوسط بطلعه يبون يضربوني الين احب الارض
وأنا انحاش واركب الباص
انا انتخيت بخوالي ( عيال عمي أنا ) >> خوالي شمر يرفعون الراس
وبكره الوعد
لاتكلمين المرشد لان المرشد يتفلسف علينا وهو اصلا لو تشوفين وجه كله اصابات من طفولته القشرى
وتدخل المرشد ماله فايده بس يحطنا براسه لو يصير شي بالمدرسه قال انتم
قولي تم ياغاليه ... ولدك طلبك يالشمريه >> عارف نقطة ضعفي الهيس الاربد
قلت : تم ياأبو فهد لعيناك
هاتي خشمك ..
المهم من شوين ونا بغرفته ارتب اغراضه لقيت حاجه معه
ضيقت صدري حيل
والقولون العصبي اشتغل
لقيت سكينه الي تلف وتكون صغيره (سكينه جيب)
:a:
ياااااااااااااااااااالهوي وش اسوي .. ياربيه
وأنا اكلم خاله قلت الموضوع كذا وكذا
قال خليه براحته ..ماعاد هو صغير
انا شايفه وهويشريها من المحطه وقلت يابعد حيي وهو يرز صدره غرور وفخر
انتي لو شايفته خميس وجمعه ادربه على الرميhttp://www.yesmeenah.com/smiles/smiles/18/021.gif (http://www.yesmeenah.com)>>كان بالثمامه
قلت :هو طول الساكتون وتعلمه على العنف بشووووويش على الولد
قال: اطلعي من حياته بس وخلية يسترجل
قلت: دباب ..خيل ..طيور.. كشتات .. اوكيه بس اشياء حاده وخطيره لاااااااااا:3ayyen_khair:
:
:

وش السوات مع ابو فهد...!:za3lan:هو وسكينه

-------------------------------
لاهذه موضه السكاكين والسجاير هي رمز الرجولة عند شباب اليوم.
الله يخلي لك حماده آمين.
لاتخافين بس قولي له إن السكين فيها شياطين وممكن تكسب فيها شر لاداعي لها فقط نصايح لما يصير الجو رايق عند حماده والمود عدل.

بالثمامه ؟ ويش جابه للثمامه ما انتم بالكويت ياناس قولولي

تحياتي لك ولحماده وخاله المدرب.

ندووو

14-04-2009, 10:36

هلا لياآآآآلي اكيد فقدناآآآآآآآآآآآآآكـــ>>>> تنفع مطلع قصيدة

مدام من هالحين تقولين لوليدك ابو فهد اكيد راح ياخذ سكين وساطور بعدهااا ياساتر ياارب <<<< يمه سكين والله شي يخرع

الله يخلي لك حمادة
نصيحة دلعيه الين يصير بالثانوي

ليلى بنت عبدالعزيز

14-04-2009, 12:25

انا قايلتس مبطي ان ولدتس شقردي
وبعدين لاعاد تسمينه حماده

حماده فقط بس بالمضايف اسم فني

سميه ابو فهد
لان اخبر تندبل تسبد الولد اذا صغروه
وبعدين انا لو منتس كان اذبح لي ذبيحه لاني لقيت مع ولدي سكين <<< يبي يجيب العيد بالعائله الكريمه
ترى والله شي حلو ان يكون عندك ولد أبظاي وراعي هوشات
شوفي شبيثان من وعى على الدنيا وهو كل يوم هوشه
وهذا هو قدامتس مابوه الا العافيه

قل لا اله الا الله لاتنظل ابو ماجد بعدين يفطس ..
ويصير ماجد يتيم
ونصير هنا ايتام من المواضيع الفلاويه
كلش الا ابو ماجد وجه عينك لواحد ثاني ..

مار توكلي على الله وسنني سكين ابو فهد

عسى الله يخلي لتس غويشتس

آمين ومشكور على المرور خيووو

ليلى بنت عبدالعزيز

14-04-2009, 12:29

الله يحفظهم بحفظوه

مالتس الا تحتسين معوه بالهداوه ، والله تخافين عمروه صغير الحين الكبار يالله يمسكون

اعصابهم لا تخانقوا على طول هدوا بالسكاكين

داموه يفاتحتس بالسوالف وياخذ شورتس اكيد يبي يسمع لتس يالغاليه

الله يستر عليكم

كلمته اليوم قبل يروح المدرسه قلت: حبيبي مايصير..!
قال : بس انا شاريها حمايه >> لو الله مهايط
اوعدك يالغاليه انها ماتطلع الا للسفر وللبر
رواحه مشكروه على المرور..

ليلى بنت عبدالعزيز

14-04-2009, 12:32

أم حماده .. والله أن حيل حليل .. يبي يسمعتس بولدتس

مقولة (أقدم المدعو فلان بن فلان بكسر يد فلان .. وعليه يدخل دار الملاحظي

لمدة ستة أشهر) وأنتي تطق مرارتس من القهر والغيض ..

لا هم قالوا وغد وخلوه ولاأنتي سليتي عنه ..

وكما قالت أختنا الكبيره روح حايل .. مادامه فاتحتس بالموضوع وأخذ منتس وأخذتي منه قولي له باتسر ياولدي أنت ماتدري لزعلت وتطعن حداهم ثم يحطونك بالسجن .. أنتي رهبية من هالجانب وأن شأالله أن الله يبي يهديه ..

الله يصلحه ويخليه لتس ..

الله يجزاك خير ياشيخ فتى
دعاويك توسع الصدر وتطيب الخاطر .. محتاجه لها
وابشرك الامر تمام وانتهى هذا الصباح..

ليلى بنت عبدالعزيز

14-04-2009, 12:36

اقولتس جيبي ولدتس يم خواله هنا بالفله خليه يمذرح
ترا فيه شقرديه يابو ضاري لحد الان هوشات وسكاكين بالمدارس
يعيال تجون عند مدرسه حماده عنده هوشه وينتخي بخواله
عليهم..................لا ابعدني عنه السكاكين والاشياء الحاده

فديت شمر كلهم .. يامال العافيه يالضاري
ابي الدم ياصل لركب ..>> شريره العجوز
والله يصلح ابوفهد و ابوضاري

ليلى بنت عبدالعزيز

14-04-2009, 12:40

اطلعوا اطلعوا ياعيال

اقول الشرهه على اللي متربعه وتقرا

واخرتها

لقيت سكينه الي تلف وتكون صغيره (سكينه جيب)

وشو تطلع وتصير صغيره

قولي

شبريه

ابو شهاب :)

موس ابو بس

افا بس ماتوقعتك كذا >> ياكبر شرهتها :)

طحياتي ياغاليه والله يحفظ لك ورعك وامسسسكيه مع غاربه لايجيب الاعياد بدري

الله يكفينا شر الأعياد وتبعد عنا
لبي طحيات احلى عروسه..

ليلى بنت عبدالعزيز

14-04-2009, 12:45

هههههههههههههههههههههههههههههههههههههههه ههههههههههههههههههه
هههههههههههههههههههههههههههههههههههههههه هههههه
والله ولدك شئءءءءءء بسم الله عليه ...الله يحفظه
وش فيهآ؟
عآآآآآآآآتي
ههههههههههههههه
ترآ كهآ سكينه << ايه وتنمسك يد وتدخل في بطن وتشقه >> هاه ؟ :frown:
بس ليه مايبغى الدلع؟؟
دلعيه وخلي عنه ابوفهد خير؟؟ ههههههههههه وينآ فيه؟
الله يستر
ان شاء الهل مايصير الا الخير
بس تفاهمي معآه مثل ماقالو
وقلوي له طول اظااافرك عشان تصير مثل الساكاكين ولا تحتاج تشيل معا شئ
<<< لا تتركون عندهآ أطفال ههههههههههههه :)
اشتقنالك ياام ابو فهد << قلت لك حماده احسن:frown:

خزخز قربي

خشمك ...
تسلمين على الاستقراح حقك
ماعجبتك ابو فهد ..! هو ابو فهد من قبل ام يولد
بس هنا حماده ..تدرين يقول يمه فشلتني عند خوالي حماده عيب كني وغد
تشتاق لك العافيه ..

ليلى بنت عبدالعزيز

14-04-2009, 12:53

ابله ليالي

اجل يا زين ولدي فواز البطه ( ومروج الكاكاو ) اللي يتعامل معااااه
اجل الاطفال طلعوا سكاكيس ورماية بالذخيرة الحية
صبر اسجل اسم ولدج بخانت المنع من المصادقة المستقبلية لولدي فواز
وخليني أفك الحظر عن صديقة السابق ( يوسف الشرير )
يا حليل يوسف عند حماااده
هذا حماده هلال منين طلعلنا يا ابــــله .
وزواج فواز من بنتكم المصون بااااااااااطل ( دام اخوها سكاكيس )
العمر يا شامان

من زين ولدك..! مانن فيه هو لك
حصوص ومحيره ولد عمها وانتهى الموضوع
اقطع العلاقه ابو فواز

ليلى بنت عبدالعزيز

14-04-2009, 12:59

-------------------------------
لاهذه موضه السكاكين والسجاير هي رمز الرجولة عند شباب اليوم.
الله يخلي لك حماده آمين.
لاتخافين بس قولي له إن السكين فيها شياطين وممكن تكسب فيها شر لاداعي لها فقط نصايح لما يصير الجو رايق عند حماده والمود عدل.

بالثمامه ؟ ويش جابه للثمامه ما انتم بالكويت ياناس قولولي

تحياتي لك ولحماده وخاله المدرب.

ياويلي سكاكين وزقاير يارب سترك
الموضوع انتهى بسلام في هذا الصباح بس والله اخاف عليه ...!
نحن من نجد وش جاب الكويت ...!>> لشامان وولده
الله يحيك عمووو ومرورك معطر بريحه الشيبان( ريحه دهن عود كمبودي)..

ليلى بنت عبدالعزيز

14-04-2009, 13:01

هلا لياآآآآلي اكيد فقدناآآآآآآآآآآآآآكـــ>>>> تنفع مطلع قصيدة

مدام من هالحين تقولين لوليدك ابو فهد اكيد راح ياخذ سكين وساطور بعدهااا ياساتر ياارب <<<< يمه سكين والله شي يخرع

الله يخلي لك حمادة
نصيحة دلعيه الين يصير بالثانوي

جعلك ماتفقدين غالي يارب
هو مدلع بس دلع رجوله ومعطينه وجه
لاهنت خيتووو..

غالب

14-04-2009, 14:37

هاه وش صار

واستلمي سلامي

ليلى بنت عبدالعزيز

14-04-2009, 23:30

هاه وش صار

واستلمي سلامي

طبعاً كعادته طال عمره جيب ثوبه الجانبي مشقوق
وفيه مشوخ بس مازال حي ... لبيي قلبه

الله يسلمك ..

فتى البيداء

14-04-2009, 23:47

سناعيس الله من حب الشر .. اللهابوا هالكراعين ألي تقل محجان نباطه ..

تسيف لسمع له بمشكله قام يدبتس .. هاه وش سويتوا ؟؟

ماتكامختوا ؟؟ لا خسارة .. ليتي والله حضرا هالمكامخ .. وهو هاللون يدور الشر ..

أحمد

15-04-2009, 00:10

والله انا اشوف ان هالولد اللي اسموه ابو فهد يبي يصير مشروع ولد شقردي باذن الله

وبعدين عادي هذي هي سن الثقه بالنفس لو مثلاً صفقوه الشباب والله مشكلة تصير ثقتوه بنفسوه ضعيفه

بس اذا طلع عليهم السكين وشاف انهم خافو منه تبي تزين اموروه

ابد ابد اختي ليالي خليه على كيفوه <<<<< يبي يجيب العيد بالولد

وبعدين الاحداث لنا فيها معارف يعني اذا دخل الاحداث انا اضمن لتس يطلع وهو يعرف الفرق بين الطعنه القاتله والطعنه الاعاقه وغيرها من الطعنات

خخخخخخخخخخخخخ والله امزح الا عطيه كف وقولي اشوف هذي معك مره ثانيه لانت ولدي ولا اعرفك

الله يصلحوه لتس يارب ويصير لكم سند

تري مكاسي لتس ولبو فهد

ليلى بنت عبدالعزيز

15-04-2009, 12:50

سناعيس الله من حب الشر .. اللهابوا هالكراعين ألي تقل محجان نباطه ..

تسيف لسمع له بمشكله قام يدبتس .. هاه وش سويتوا ؟؟

ماتكامختوا ؟؟ لا خسارة .. ليتي والله حضرا هالمكامخ .. وهو هاللون يدور الشر ..

خل سناعيسو لحاله توه وغد صغير ..:)
ابشرك كمخ وخنق وكل ابو انواع الضرب
كله بفضل الله ثم بفضل فزعه الخوال >> خوالي شمر يرفعون الراس:)
لاهنت..خيووو فهد

ليلى بنت عبدالعزيز

15-04-2009, 12:59

والله انا اشوف ان هالولد اللي اسموه ابو فهد يبي يصير مشروع ولد شقردي باذن الله

وبعدين عادي هذي هي سن الثقه بالنفس لو مثلاً صفقوه الشباب والله مشكلة تصير ثقتوه بنفسوه ضعيفه

بس اذا طلع عليهم السكين وشاف انهم خافو منه تبي تزين اموروه

ابد ابد اختي ليالي خليه على كيفوه <<<<< يبي يجيب العيد بالولد

وبعدين الاحداث لنا فيها معارف يعني اذا دخل الاحداث انا اضمن لتس يطلع وهو يعرف الفرق بين الطعنه القاتله والطعنه الاعاقه وغيرها من الطعنات

خخخخخخخخخخخخخ والله امزح الا عطيه كف وقولي اشوف هذي معك مره ثانيه لانت ولدي ولا اعرفك

الله يصلحوه لتس يارب ويصير لكم سند

تري مكاسي لتس ولبو فهد

كثر من هالدعاوي له والله انه مشغلني في كل مكان وكل وقت
غراتسي خيووو

غالب

15-04-2009, 15:29

لا ثم لا ثم لا
لازم تعقلين الولد
لايصفقه له واحدن باتسر يهدم سنونه<<معصب:d:<<

لو سمحتي
تسمحين لي أقمز عتبة الباب:)<<يشر على توقيع ليالي2007:solh:<<<

واستلمي سلامي

السنعوووسيه

15-04-2009, 15:50

له له له يابو فهد ماهقيته بك وانا خالتك

سكين عاااااااااد قويه

الله يصلحه والله هالهوشات00والله تري هوشات الصغار تجر الكبار

كل الشكر لولو ويعطيتس العافيه يالقاطعه

عاطر ودي

أهداااب

15-04-2009, 16:15

تبي الصدق ..

ولدك رجال ..:thumb:

خل الولد يعيش حياته و يدخل مضاربات و يتعلم من الحياة ..

صدقيني مثل هالمواقف مهمه للولد خصوصاً مع الجيل اللي أذا أنضرب واحد فيهم قدام العيال و ما أخذ حقه بيضحكون عليه و يعايروه فيها

الحرص الزايد على الولد مو زين ..

لكن أنت حاولي تفهميه أنه ممكن يأخذ حقه بأساليب ثانية أقل عنف وحده من السكاكين

و هذي الحقيقة المره اللي كثير من الأمهات و الآباء مو فاهمينها في مرحلة الشباب بالنسبة لأي ولد

و الله يخليه لك و يحفظه من كل شر

دمتي بخير ..

بنت الجبل آخت القصيد

15-04-2009, 16:34

يوووووووه ياليالي
كم سمعنا سالفه هوشات عيال انتهت بموت واحد وسجن واحد

الله يستر عليهم كلهم ويستر على ولدك
.
.
طمنينا وش صار عليه :)

ليلى بنت عبدالعزيز

16-04-2009, 01:42

لا ثم لا ثم لا

لازم تعقلين الولد
لايصفقه له واحدن باتسر يهدم سنونه<<معصب:d:<<

الولد عاقل وش حليلوه..وتعهد انها ماتكون معه في الاماكن العامه

لو سمحتي
تسمحين لي أقمز عتبة الباب:)<<يشر على توقيع ليالي2007:solh:<<<

واستلمي سلامي

تطنز أنت وووجهك ياشين الوغدان الا عطيتم وجه
معنى التوقيع ترى الباب مسكر لحد يدخل،، المفتاح ضايع ههههههه
تعال هنا.. من زين توقيعك انت وكراعينك تبي تسذب علينا هذا سريرك وشماغك وعقالك
حتى سروال البجامه مو لك حق الجثري>> مسروق
وحب وحركات بعد

الله يسلمك ياباشا

ليلى بنت عبدالعزيز

16-04-2009, 01:44

له له له يابو فهد ماهقيته بك وانا خالتك

سكين عاااااااااد قويه

الله يصلحه والله هالهوشات00والله تري هوشات الصغار تجر الكبار

كل الشكر لولو ويعطيتس العافيه يالقاطعه

عاطر ودي

يابعد البنات كلهم وبعد سناعيسو بعد
عطرك ملْ المكان..

ليلى بنت عبدالعزيز

16-04-2009, 01:48

تبي الصدق ..

ولدك رجال ..:thumb:

خل الولد يعيش حياته و يدخل مضاربات و يتعلم من الحياة ..

صدقيني مثل هالمواقف مهمه للولد خصوصاً مع الجيل اللي أذا أنضرب واحد فيهم قدام العيال و ما أخذ حقه بيضحكون عليه و يعايروه فيها

الحرص الزايد على الولد مو زين ..

لكن أنت حاولي تفهميه أنه ممكن يأخذ حقه بأساليب ثانية أقل عنف وحده من السكاكين

و هذي الحقيقة المره اللي كثير من الأمهات و الآباء مو فاهمينها في مرحلة الشباب بالنسبة لأي ولد

و الله يخليه لك و يحفظه من كل شر

دمتي بخير ..

ااااهداب مرور كل حلا وشوكلاته وقهوة بعد
ابي ردك في كل موضوع انزله ..لان فكرك يعجبني
حياك الله..

ليلى بنت عبدالعزيز

16-04-2009, 01:51

يوووووووه ياليالي
كم سمعنا سالفه هوشات عيال انتهت بموت واحد وسجن واحد

الله يستر عليهم كلهم ويستر على ولدك
.
.
طمنينا وش صار عليه :)

ماصار الا كل خير
بس الي مقلقني ماتخيلت بيصير مع الغالي سكينه
والأمور عال العاااااااااال