ولازال قوطي البوبسي يصدر أصواتآ

[يـــوسف]

السلام عليكم ورحمة الله وبركاته



يالله صبآح خير يالربع ياحلو النوم بدري تسيف تحس إنك آدمي وبشر <_ لاياشيخ :315r:



يالربع تصدقون بالله توي آدري إن سوالفنا وجلدنا للخرفان والبنات المصالات غاثن الكثير والكثير :)



المهم ماعلانا :qannaj:
عطنا وآحد باض وحليب كافي بآرد <_ ابوووك يالجو



هذآ يالربع بوه لوه واحدن نزغه أو بالاصح دعوتن على أهله :)




كل ماشاف له بنت يحسبه تغازل وكل ماشاف ولد يحسبه يغازل


وعنده خلق الله كله منتهيه زين امه وابوه سلمو منه :solh:


المشكلة وصلنا مرحلة ان البعض صار يفتخر بعلاقاته


وصار الولد يعتبر روحه مسوي إنجاز لا رقم بنت ولا تعرف على بنت عن طريق النت


وبعض البنات صارت تفتخر انه سفله :)


زي وحده تقول موتو قهر انا بكرآ مواعده خويي ههههههههههههههههههههههههه


اللهابو تربيتك صدق ان ابوتس ومتس ربوك تربيتن عوجآ :)


المهم هذا خوينا صدف أننا معزومين بالنسيم <_ صورة المهيني مسوي علامة النصر :)


ومرينا من عند سوق حجاب <_ ياملا السيل ياعجيزن غشتن باعت علي لي زبد من ايام جدتي عزباء وجدي مبلشهم :)



وزحمة الطريق وغثاء وهو بجنبي يراعي للسوق ماخذيت شوين الا هو فاتحن الباب ومطبتس



ياولد يافلان اللهابو هالمبسم وين تبي ولا يرد علي



وآراعي لزوله ياسبحان الله تقل طوير ماء وكريعاته وشميغه ياويسي ههههههههههههههههههه


وأنا أصفط وأدق عليه ولايرد يعطيني مشغول :148r:



تصبرت وقلت ياالله خلن انتظر توم كروز نبي نشوف تاليته



ماخذيت نص ساعه الا هذا هو يدق ولوه نهيت ويركض ويقول وينك وأوصف لوه المكان وهو يجيني تقل كريعات صخل



الا والله خويي بدون عقال والشماغ متلولسن برقبته وحدا النعول الله يعزكم ماهي بوه :)
وعوينته بداية زراق حمرا من البقوس ههههههههه


العلم يافلان وش بلاك


قال لاابد بس سوء تفاهم يالله امش امش بسرعه ويتلفت وله نهيت منفضخ قلبه ههههههههههههههههههه



عآد عيىا يعلمن وش صار بوه وماعلمن الا تو



يالربع تسيف ماسكينه الهيئه ومليخينه ومسطرينه


يقول ياخي قهرتني عيت تاخذ الرقم يوم جيت ابحطه بيده غصب وهي تصيح الا على


وقفت جيب الهيئه وهم يتطابقون


وأجي ابنحاش وانا انخمع بلي بسطه وهم يقمزون فوقي ومنين يوجعك ههههههههههههه




قلت يما غدت سبلتك تدرج ؟؟


وهو يراعي لي ويصد ياربيه مايحب هالكلام رقيق :solh:




آبشركم بادي الولد يعقل <_ يالله طلع بكفالة قبل كم يوم ويبي يتوب :)



عاد اللي حل السالفة يالربع شنوح خلق الله صارو يفتخرون برداهم وبذنبوهم ؟؟
شلون صارن بعض البنات يفتخرن بإنهن رخيصات ؟؟





أغلبنا إبتلاه الله بهالشي بس الشي الحلو إنك تعالج خطاك مو تستمر بهالشيء
يالربع انا ماأسوي نفسي مطوع بريده بس هذآ كلام العقل ماهو كلامي ولا كلام الشهوات والرغبات ,, ولا أنا طاقن مخي وقاضي علآجي مبطي بس مرات يشبك فيوز العقل عندي وأصير مؤدب:)



إذا الله إبتلاك بشيء حاول تستر نفسك وحاول تتوب مو تجاهر بهالشي وتفتخر إنك تسوي شي غلط ... أنتي يالبنت لاتحسبين الولد لاقالك ماعليك من كلام الناس انا احبك تحسبينه صادق .. كل اللي يبيه بنت تشبع رغباته وشهواته وفيه بنات يرضن بإنهن يصيرن كذآ لأنهن سآفـــ...ت :)
بعدين رآعي لوجهك تقل ممصع شيحه صم الله ع الفضل زين أهلتس يتغذون معتس ههههههههه


وأنت ياأخوي الزقرتي الرقيق<_ حلوه الزقرتي صح
تأكد انك زي ماسويت ببنات خلق الله رآح تشوف عقوبة هالشي بخواتك ببناتك
الله يمهل ولا يهمل :thumb:


وثق تمام الثقه إن هالبنت ورآها رجال وعيال أجواد وأقل شي حط لهم إحترام بغض النظر عن بنتهم اللي ماصانت نفسها ولا حشمتهم




عن أبي هريرة –رضي الله عنه- قال: قال رسول الله صلى الله عليه وسلم: "كل أمتي معافى إلا المجاهرين، وإن من المجاهرة أن يعمل الرجل بالليل عملاً، ثم يصبح وقد ستره الله عليه، فيقول: يا فلان: عملت البارحة كذا وكذا، وقد بات يستره ربه، ويصبح يكشف ستر الله عنه".







توسدو إحترامي

[بنت الجبل آخت القصيد]

حجز

[يـــوسف]

^
^
ولو يابنت عمي حجز درجة رجال الأعمال :)


<_ يبيتس تفوزينه بمسابغة الصور :)

[بنت الجبل آخت القصيد]

صدقت يايوسف

وليتك كاتب هالموضوع بالعام

والاعجب من كذا من تستهين بلبسها بالشارع والكل يتجراء عليها
وهي بقمة الانبساط <<< تحس انه مسويه انجاز :wallah_hoo:

او حتى تعطينا نظرات كانه تقول مابكن جاذبيه بس انا اللي يلاحقوني :3ajeeb:
اشنوح هالحتسي ؟ لاننا نلبس عبي راس :a:

<< ماتشوفين شر خلتس بعمياتس :qannaj:



شنوح خلق الله صارو يفتخرون برداهم وبذنبوهم ؟؟
شلون صارن بعض البنات يفتخرن بإنهن رخيصات ؟؟

السبب بعدهم عن الله والجليس السوء:za3lan:

قبل امس كانت اختي وصديقته يسولفون بطالباتهم ومشاكلهم
من ضمن الكلام قالو ان فيه ام احدى الطالبات لاحظت ان بنته متغيره يعني بنته كانت تدرس عندهم وفجاه صارت انطوائيه وتبي تذاكر لحاله ودايم بغرفته
الام جويده بعد ماراحو للمدرسه قامت وفتشت الغرفه
ولقت عند البنت جهاز جوال وشريحه
انتظرت لحد ماجت البنت وبعد الحشره اعترفت البنت لامها انه مشتريه الكرت من فلانه والجهاز لاحد اخوانه قديم:wallah_hoo:
قامت الام وراحت للمدرسه وقالت للناظره وطلبت منهم يفصلون بنتها والثانيه كتاديب
الوكيله شغلت الشريحه بجهازها تقول كن عيال الديره كلهم عارفين هالرقم ماوقف الاتصالات والمسجات
مانتهت السالفه كذا :qannaj:
الطامه الكبرى جابو البنت الثانيه
واعترفت انه اشترته من فلانه <<وحده ثالثه
تعالي يـ الثالثه طلعت شاريته من البلوى الرابعه :)
وبعد البحث وصلو للموزع الرئيسي وحده بصف عاشر ومحد توقع انه هي<< ياما تحت السواهي دواهي

تقول المخجل يوم جت ام الاوله ام طيبه باين عليها بنت حلال وراعيه دين ماشاء الله
وابو الاخيره << الموزعه الرئيسيه
شايب ربي راضي عليه لحيته لكبده

جلست تهاوشهم مدرستهم اشلون تعرضون اهلكم لهالمواقف وتحرجونهم

للاسف ان يكون جزاء تعب امهاتنا وابائنا كذا

البنت لوصانت نفسه من هالمتاهات راح يجي اللي يستاهله ويقدره ويعيش معه دهر مهو شهر
لانه دره مارضت بالرخص roooose

والولد لو غض بصره راح ينال مايتمنى :)


.
.
الحديث يطول بهالسالفه
ربي يستر علينا يالبنات وعليكم يالعيال

.
.
ابلآ عطر
:d:

[محارش]

معليش ابجاهر بمعصيتي هالمره بس



لي قصتين بالمغازل حرام فلا قبلهن ولا عقبهن

اول مره غازلت لي وحده خاله يعني سوداء ( ولا اعيّر روح حايل :) ) وتف... علي :) هههههههههههههههههه <<< ومستانس انت ووجهك :)

ثاني مره غازلت به دعت علي عجوز وصابتن دعوته على طووووول وقسم اني انمرضت بنفس المرض اللي دعت علي بوه , ويالله تعافيت ومن عقبه تبت .


كل هالمرتين كانن بإيعاز من صديق سيئ وقد قطعت علاقتي به نهائيا ولله الحمد

الصحيح عاد هو اللي جحدن وصارت عين الخيره :)

اللهم استرنا فوق الارض وتحت الارض ويوم العرض .

[ابو عارف]

ليت إنك كتبت هالماضوع قبل أن إخبركم بمغازلتي لمارقريت.

صح لسانك يوسف كلامك درر ومكانه العام

شكراً لك على هالطرح المفيد بارك الله فيك

فعلاً الستر ثم الستر ثم الستر

تقبل تحياتي وتقديري يالطيب

[حيل حليل]

يابن الحلال خله على ربك بس
يووووووووووويلي يايوسف لو تجي عندنا بهذا خصوصا بالصيف انه يشيب شعر راسك
قسم بالله ياعندنا ناس فاهمين الانفتاح غلط
شي ورب الكعبه يهولك
لعنبو بليسهن بعض البنات مايهنى لهن التمشي الا بالاماكن المش كويسه
والا في بنت بكامل قواه العقليه تروح تتمشى بالــــــ ؟؟؟؟ اخر الليل
ولا من قوة الوجه مطوله على الاغاني ومافي الاقوة تردح داخل الرنج
عاد ياليت الوجه يحمس انك تراعي له
قسم بالله لو تنقعه بسطل ماء ان نص ملامح وجهه تختفي من قوة المكياج
لدرجة ان وزنه يختلف قبل وبعد المكياج
لكن انااللي ابعرفه وفاقع مرارتي هي بهالطريقه وش تبي توصل للناس
هل تبي توصل انه بنت زقرتيه ولا انه بنت المخ عنده مضروب ولا انه كوول ولا ايه ياعم

اسئله كثيره تحوم حول مختي ولا اجد لها جواب

موضوع بالصميم يالحلو

[ليلى بنت عبدالعزيز]

الله يصلحهم يارب والله انهم يضيقون الصدر ...
واسفي على شباب الأمه
يوسف بقولك شيء
أهنيك
لا بل نهني أنفسنا في فكرك الراقي
تقبل مروري ..
الخاله ام حماده

[المسافـر]

العلم يافلان وش بلاك


قال لاابد بس سوء تفاهم يالله امش امش بسرعه ويتلفت وله نهيت منفضخ قلبه




ههههههههههههههههههههههههههه


مايذبحك الا سوء التفاهم




الا يافلان انت تضرب على وتر حساس .. العشدز


أييييييييييييييييييييييييه يايوسف


من وين ابتدي ياحظي الردي


:)


تصدق من أمنياتي اني اجي للبيت معي ورده أو تورته أو شيء يحسسك بالرومانسيه


كل ما اجي معي مكنسه خصاف << الخشب الصغير :315r:


او علتس ماء


:)

و أحيانا صلصل

:7ayyoh:




ودي أصير رومانسي بس ما أعرف


دفش يافلان :)


لكن مع هذا الحب إن كان صادق عفيف هو أجمل شيء في الدنيا


وهو لن يكون في تلك الأماكن ..


.


المجاهرة بالمعصية حدث ولاحرج يايوسف


جزاك الله خير على التطرق لهذا الموضوع


اللهم استرنا فوق الارض وتحت الارض ويوم العرض .
.

[الشبث]

يوووسف


لله درك على هالموضوع


صدقت فيه بنات الله يهديهن يتساهلن كثير بشرفهن وشرف اهلهن


وكذا بعد الشباب مالهم هم الا هالمغازل



رح للاسواق وش


يابعد وجيه

قسم بالله تقل عطايا





موضوع مميز وبالصميم










بس ماقلت لي وش دخل قوطي الببسي بالسالفه خخخخخخخخخ




وتقلد تحيتي

[المسافـر]

8

8

سيم سيم سؤال ؟




بس ماقلت لي وش دخل قوطي الببسي بالسالفه

[السنعوووسيه]

والله ياخوي يوسف معاك حق


مشكله المجاهر 00واذا بليتم فستترو


الف شكر لك ياخوي


بارك الله بك



عاطر ودي

[أبوطروق]

ليه هو المغازل عيب؟!؟!


طيب شنوح الناس بس يتغازلون (هم مايدرون انه عيب)




أنا ماتنبط تسبدي الا إذا شفت وغيد كبر سناعيسو ويغازل وحده كبر أمه




شكرا يوسف على التوعية والإرشاد

(إلا ليه ماتشتغل بالهيعة وتصيد هالاشكال)

""""""""""""""""""""""""""""""""""""""""""""

[راعي البيرق]

الله يعطيك العافيه ...
موضوع بالصميم ... وبأجمل قالب ...
عرض .. تحليل .. وصف .. علاج ...
يوسف ... :thumb:
.
بس كني أشوفه يوم أنخمع بالبسطه ... :)
والله عنديلك سوالف ما يصلح يطرحها إلا أنت ...
اللي تغيب بدرام الزباله ... وكمشوه بوسطه تقل بس ..:)
واللي تغيب داخل ثلاجه .. :)
واللي واللي والله كثيره ..
واللي طمر الجدار .. يبي ينحاش وتعلق ثوبه ... بصيخ ... وقعد يتدودل ...
وتخيل عاد وش جاه .. من طيور شلوى ... :)

[فتى البيداء]

يوسف قسم بالله انبسطت يوم قلت :


انا ماأسوي نفسي مطوع بريده
الحمد لله ألي نوصف بالطوع وبالقرب من الدين .. وهذا شرف بل كل الشرف ..

مع وجود حالات تصدر من أشخاص تسيء لسمعة البلد .. لكن الحمدلله أن هذه البلده عرفت بهذا ..

مع أن ولائي لحايل وأهله من رمان وسقف وريع البكر وغيرهن .. لكن ايضاً بلدك الذي احتواك له عليك حق ..

يوسف همسة :

اقسم بالله أني اذهب أجيب أختي من الكليه والبنت ألي متستره إذا جأت تقطع من قدام السيارة

أني أقف له .. أحتراماً لها ولدينها ولأمانتها مع أهلها .. فأهلها لم يسمحوا لبنتهم بالخروج من خدرها

ألا بعد ماوثقوا فيها وفي أخلاقها .. فعلاما تخونهم وقد وثقوا فيها ؟؟

أما البنت ألي وضعه غير محتشم فوالله لو تنطبق السماء على الأرض ماخليته تخطم ..

لماذا ؟؟

لأنه هي لم تحترم نفسها قبل .. علشان أن أحترمه .. فكثيراً ما أكون مار بوسط السوق ..

فيحصل هذا الموقف من كلا تلك الحالتان .. فالأولى أقف لها .. وخاصة إذا كان

عليها شراب يدين .. أما الثانيه العربجيه ما يسمح خاطري أخليه تخطم ..

هي البنت الغير متستره تظن أنه تجذب العيال له لينظروا لها .. ماتدري أننا نعده أرخص سلعه ..

والكلام كذلك ينسحب على الذكور من الشباب الهايف الذي أضاع أمانته وعرضه قبل

أن ينظر إلى تلك الفتاة ..

وكان في الوقت السابق غض النظر من شيم الرجال حتى في الجاهليه ..

فقد قال عنتر بن شداد :

واغض طرفي أن بدت لي جارتي ـــــ حتى يواري جارتي مأواها


أما رجال الهيئة فلو كتبنا من هالساع إلى باتسر الصبح فلن نوفيهم حقهم .. فهلؤلاء لهم برقابنا

جميل لا يوفيه أحداً منا ألا بالدعاء لهم وبنصرتهم على من عاداهم ..


يوسف يا أخي أنت أحسن واحد ..

[ريتاج]

صرااحه موضووعك يااخووي يحتااج معجزه عشاان يعدل النااس

جد والله يااخووي انه فيه بنات يقلن هالسواالف علني

يمين بالله صاار شي عاادي.. ولا وحده تقوول ابوي يدخل معي الشات ههههههههههههههههه

مشكله المجااهره صاار الوااحد يفتخر بسواايه الخاايسه .. وكنه مجااهد مهو مرتكب له ذنب

يااربي لك الحمد يااربي هذي بلوى ... ترا يااخووي التربيه له اثر كبيـــــر على البنت والولد


وزي ماعلى البنت خطأ على الولد نفس الخطأ ماايفرق بس الي يفرق هو مجتمعنا


الولد عيبه بجيبه مع انهم نفس الخطأ .. انا ادري ان كثيير من العياال تقريبن ثلاث اربااعهم يغاازلوون اذا مهو اكثر او كاان لهم تجاارب مع المغاازل عاادي واقل من عاادي..

طيب ان درينا ان بنت الفلان تغاازل وااااقررررررردي وامصخي بين عرباان شمر مع انه نفس الخطأ ونفس الذنب .. الله لا يبلانا ياارب

استغفر الله العظيم الله يستر علينا ولا يفضحنا ياارب..


مشكوور يااخووي عالمووضووع الراائع والقيم..



شع شع

شييييييييييييييييييع

[أحمد]

<<<<<<<<<معوه سبحه ويفتله يمين ويسار وبين اصابعوه


والله يالعشير انك صادز يجيك الواحد وجهوه تقل خبزة تميس ويتميلح يعنني مرهف الحس


والثانيه تقل وجه قرده وبزعمه مزيونه .......

ويتغازلون المرهف والمزيونه الله ابوكم لابو اللي تقول انقهرو انا مواعدتن خويي اليوم


تدرون يالربع وش ازين شي بيوسف ؟؟؟؟؟

ازين مابوه كلوه


واشين مابيوسف ؟؟؟؟؟


اذا نزل موضوع يكون كامل (والكامل وجه الله) يعني ماتلقى مجال انك تزود عليه (الله لايضرك يالعشير)


تري مكاسي يوسف

[بنت الجبل آخت القصيد]

يقول ياخي قهرتني عيت تاخذ الرقم يوم جيت ابحطه بيده غصب وهي تصيح الا على

جالسه اقراء على امي تقول هذا قاطع جاده :)
مايفهم النصيحه :)
مابوه طب الا التسوي على علباوه :315r:

[يـــوسف]

^
^
^
عز الله إنه صدقت هههههههههههههههههههههههههههههههههههههههه هههه



آقرا ردتس واراعي له الا اعوذ بالله تقل امتس شايفته هههههههههههههههه

عاد الأخو خاشن جو يتابع له فلم وفاتحن بلهوثه تقل صخل مارضعوه :)







صدقت يايوسف



وليتك كاتب هالموضوع بالعام
لا ماش أنا ماأكتب إلا بالفلة تخبرين مواضيعي اذل يحذفن :)


والاعجب من كذا من تستهين بلبسها بالشارع والكل يتجراء عليها
وهي بقمة الانبساط <<< تحس انه مسويه انجاز :wallah_hoo:
يتمتعن بهالشي :solh:


او حتى تعطينا نظرات كانه تقول مابكن جاذبيه بس انا اللي يلاحقوني :3ajeeb:
إيه زي اللي تقول اصور نفسي صور مخله ومستانسه بعهارته ههههههههههههههههههههههههههههههههه
وعلى بآله إن البنات اذا طالعن له ولا قالن له شي تحسبهن يغارن منه ,, تخبرين هي طموحه جمع أكبر عدد من الحثالة اللي زيه وتحسب البنات كلهن نفس تفكيره :)
اشنوح هالحتسي ؟ لاننا نلبس عبي راس :a:
لا لا غلطانه ياخاله ماهو علشان عباتك :)
علشانك تغارين منه لجمالها ولحشمته :solh:


<< ماتشوفين شر خلتس بعمياتس :qannaj:





السبب بعدهم عن الله والجليس السوء:za3lan:
عز الله صدقتي وعسىا الله يهدينا بس وتصير لحيتي لسري <_ أبوك يالطموح يبي يفجر بالبنك عنده فرنسيين :)


قبل امس كانت اختي وصديقته يسولفون بطالباتهم ومشاكلهم
من ضمن الكلام قالو ان فيه ام احدى الطالبات لاحظت ان بنته متغيره يعني بنته كانت تدرس عندهم وفجاه صارت انطوائيه وتبي تذاكر لحاله ودايم بغرفته
الام جويده بعد ماراحو للمدرسه قامت وفتشت الغرفه
ولقت عند البنت جهاز جوال وشريحه
انتظرت لحد ماجت البنت وبعد الحشره اعترفت البنت لامها انه مشتريه الكرت من فلانه والجهاز لاحد اخوانه قديم:wallah_hoo:
تكفون يالربع إمعطو شوشته سحبوه وسوو به سبلكس طاير مع مخلب النمر <_ ياعل مابيدك سلطه:315r:
قامت الام وراحت للمدرسه وقالت للناظره وطلبت منهم يفصلون بنتها والثانيه كتاديب

الوكيله شغلت الشريحه بجهازها تقول كن عيال الديره كلهم عارفين هالرقم ماوقف الاتصالات والمسجات
مانتهت السالفه كذا :qannaj:
ورد ورد ورد هههههههههههههه
وين ام الهكي عن الورد :solh:
أهم شي عيال الصليبية ماعرفو الرقم ههههههههه
الطامه الكبرى جابو البنت الثانيه
واعترفت انه اشترته من فلانه <<وحده ثالثه
تعالي يـ الثالثه طلعت شاريته من البلوى الرابعه :)
الحمدلله إنهم تماكنوهم
ولا لو محد درآ عنهم لاكبرو وش يبي يسوون شبكات :za3lan:
وبعد البحث وصلو للموزع الرئيسي وحده بصف عاشر ومحد توقع انه هي<< ياما تحت السواهي دواهي


تقول المخجل يوم جت ام الاوله ام طيبه باين عليها بنت حلال وراعيه دين ماشاء الله
وابو الاخيره << الموزعه الرئيسيه
شايب ربي راضي عليه لحيته لكبده
مووووووووووووووو هذا اللي يقهر ويبط الكبد :za3lan:


جلست تهاوشهم مدرستهم اشلون تعرضون اهلكم لهالمواقف وتحرجونهم


للاسف ان يكون جزاء تعب امهاتنا وابائنا كذا
ياعسىا الله يقدرنا ونخليهم مايندمون على كل لحظة سهر وكل دمعة نزلت علينا ولانعرضهم لمثل هالمواقف


البنت لوصانت نفسه من هالمتاهات راح يجي اللي يستاهله ويقدره
ويعيش معه دهر مهو شهر
لانه دره مارضت بالرخص roooose
لله درتس ياخالة على هالكلام اللي يبيض الوجه ومنك للبنااااااااااااااات وياعسىا الله يهديهن وهن يقرن كلامك :thumb:


والولد لو غض بصره راح ينال مايتمنى :)
إي والله <_ للحين مالقىا شي هههههههههههههه




أمزح امزح يالربع :)



.
.
الحديث يطول بهالسالفه
ربي يستر علينا يالبنات وعليكم يالعيال
اللهم آمين ويجزاتس خير ياخاله ويوفقتس ويستر عليتس ويحقق لك كل مابخاطرك :7ayyoh:


.
.
ابلآ عطر

:d:
حياتس ياآبلآ هههههههه












عطر سلمي لي على أمتس وقولي يوسف يقول ياخاله ماتخبرين لي مدرسة هههههههههههههههه


<_ الله يفضحك :315r:



لاهنتي يالغالية على هالمرور المنتاز



توسدي إحترامي

[يـــوسف]

معليش ابجاهر بمعصيتي هالمره بس

جاهر وأجاهر :)


لي قصتين بالمغازل حرام فلا قبلهن ولا عقبهن

اول مره غازلت لي وحده خاله يعني سوداء ( ولا اعيّر روح حايل :) ) وتف... علي :) هههههههههههههههههه <<< ومستانس انت ووجهك :)
كما هي من طخمات عفنان :)

ثاني مره غازلت به دعت علي عجوز وصابتن دعوته على طووووول وقسم اني انمرضت بنفس المرض اللي دعت علي بوه , ويالله تعافيت ومن عقبه تبت .

وشو لايكون دعت عليك إنك تصير طربـ.... :solh:


كل هالمرتين كانن بإيعاز من صديق سيئ وقد قطعت علاقتي به نهائيا ولله الحمد

الصحيح عاد هو اللي جحدن وصارت عين الخيره :)

أنا ابعترف دام شيخنا محارش باعه وأعترف :)

بس تدري أبكتبه بموضوع <_ ماسكتن كتابه اليوم :315r:

اللهم استرنا فوق الارض وتحت الارض ويوم العرض .



اللهم آمين وحياك يامحارش يامفتت تسبود بنات عفنان :)

[بنت الجبل آخت القصيد]

أهم شي عيال الصليبية

والله وبالله ان المدرسه بالصليبيه :315r:

[طلال]

.:. يوسف .:.

موضوع رائع و معبر لدرجه كبيره

























<< يحسب انه بالتصاميم خخخخخخخ :)


يوسف الله لا يهينك .. كثر الشطه شوي هههههههههه < شـ دخل الشطه ؟!

لا تقوم تدقق .. ياخي طالع العنوان .. ما تجي بوبسي بدون شطه على الغدا :)

<< ما شاء الله عليه .. الله لا يضرك :)

.:.

و الله موضوع للاسف واقعي جدا :(

نتمنى ان الدلوخ يجي يوم .. يعقلون لكن شـ تسوي ؟!

الله يهديهم

<< ما تلاحظ ما قال الدلخات ههههههههه :)

و الدلخات بعد يجيهن يوم ويعقلن :)

.:.

موضوع بالصميم

لاعدمناك

[روح حايل]

ياشينكم بس ليه تنغصون على الدلوخ والدلخات :)



خلهم يعيشون جوهم عساهم للقطع :)



بس لي تعقيب بسيط ياعالم لاتحطون كل شين بالتربيه والله والله ياما ناس تعبو بتربية عيالهم



وبالأخير تصير سوالف تسود الوجه ، لا تلومون الأهل دايم .



هو صدز أحيانا الأهل مايدرون وين الله حطهم خاصه بالتربيه ويلبون كل شين لعيالهم وبزعمهم



هذا تعويض عن الأيام اللي عاشوه بجيلهم :)



الدلع الزايد مايبغى !!! ولا التشدد الزايد !!!



اقول يوسف قوطي البوبسي لهالحين اسمعوه :)






لاهنت

[عجايب بنت الشايب]

يوسف .. غريب مووضوعك هذا



تدري ليه ؟



فيه عالم بالعاده ترد عليك من الصفحه الأولى أو الثانيه .. :) علامهم كامشين :) ؟




:)



اكتنهم يتهجدون ويستغفرون عسى الله يقبلها يااارب منا ومنهم














يصيرن كذآ لأنهن سآفـــ...ت



>> يعني مسوي تمويه :( .. طيب ما أنتا ئولتها 70 مره بالمووززوع علني ..





بعدين الاحظ الجميع يقول ( من زين وجهه ولا من زين وجهها )


والله لو انه وسيم وهي قمرررر


الحرام حرام والعيب عيب والموت مايعرف شباب :)










يوسف تلاته بالله العلي العظيم .. لو انت قدامي دقيت لك تحيه >> وقصوا اهلتس راستس :)




ياشيخ انت عقيد يعنبو من لا يقول لك جزاك الله خير







بيض الله وجه شيبانن تقابلوا واعرسوا وجابوك :)






طحياتي

[يـــوسف]

يالربع لي نكسسسسسسسسسسسسسسسه عندي ضيوف والكونكت يفصل


الاتصالات مهكرين علي علشاني ماخذ كونكت موبايلي <_ ابوك يالتحليل بس :)





لي نكسسسسسسسسسه وكلكم على رآاسي فديتكم

[يـــوسف]

ليت إنك كتبت هالماضوع قبل أن إخبركم بمغازلتي لمارقريت.

صح لسانك يوسف كلامك درر ومكانه العام

شكراً لك على هالطرح المفيد بارك الله فيك

فعلاً الستر ثم الستر ثم الستر

تقبل تحياتي وتقديري يالطيب




خآلي يآخآلي يابعدهم والله أنت :)

مآرقريت عاد سالفته سالفه هههههههههههههههههههههههههههه



أبشر باللي يسدح لك مآضوع غزليشن :)


العآم أو الفلة أو الأسلآمي يآخالي الهدف واحد وكلنا نكمل بعض :)


توسد إحترآمي

[يـــوسف]

يابن الحلال خله على ربك بس
يووووووووووويلي يايوسف لو تجي عندنا بهذا خصوصا بالصيف انه يشيب شعر راسك
قسم بالله ياعندنا ناس فاهمين الانفتاح غلط
شي ورب الكعبه يهولك
هذي المشكلة يجيك وآحدهم مسوي أبو الثقافه ومسوي متفتح ويحسبن التطور بالأنحلال ههههههههههههههه وهـ بس يآحظ اللي يدور الدنفسه يبي يفله هههههههه
لعنبو بليسهن بعض البنات مايهنى لهن التمشي الا بالاماكن المش كويسه
والا في بنت بكامل قواه العقليه تروح تتمشى بالــــــ ؟؟؟؟ اخر الليل
إيه يابدوي انت آصلا منت متطور وهمجي وعقليتك للحينه وش عرفك هذآ التطور والدنمقرطه :)
ولا من قوة الوجه مطوله على الاغاني ومافي الاقوة تردح داخل الرنج
عاد ياليت الوجه يحمس انك تراعي له
قسم بالله لو تنقعه بسطل ماء ان نص ملامح وجهه تختفي من قوة المكياج
لدرجة ان وزنه يختلف قبل وبعد المكياج
عليك وصف هههههههههههههههههههههههههههههههههههههههه هههههه
يالبى قلبك بس :solh:
هالفئه هن اللي يصك عمر الوحده 30 ولا إبن أمه باعه وتقدم له ههههههههههههه
لكن انااللي ابعرفه وفاقع مرارتي هي بهالطريقه وش تبي توصل للناس
هل تبي توصل انه بنت زقرتيه ولا انه بنت المخ عنده مضروب ولا انه كوول ولا ايه ياعم
لا تبي توصل للعالم أن محد يهمها وهي خبيلتن ومايغليها الا اللي يركض ورآ هالأشكال :)
اسئله كثيره تحوم حول مختي ولا اجد لها جواب

تعال للمسن وأبشر باللي يعطيك الإجابات بكل صرآحه :)

موضوع بالصميم يالحلو


هذآ الهدف منه وآزين شي الواحد لاكتب يكتب ويفقش فقش :)


يالبيه ياعمده مانشستر ياحلو مرورك :)



توسد إحترامي

[يـــوسف]

الله يصلحهم يارب والله انهم يضيقون الصدر ...

واسفي على شباب الأمه
إي والله يآخاله وآسفنا كلنا :za3lan:
يوسف بقولك شيء
أهنيك
لا بل نهني أنفسنا في فكرك الراقي
والله يآخاله لو مآني شايف فيه تفاعل منكم وتشجيع كآن ماكتبت شي :)
يعني أنا من يهني نفسه بوجودي بينكم
تقبل مروري ..

الخاله ام حماده













حيأتس الله ياأم حمآده والحمدلله على السلامة ونورتي الحته يختي :)



بشري شلون حمآده مانوآ يشري ددسن ويفله بس :)



لاهنتي على هالمرور


توسدي إحترآمي

[يـــوسف]

ههههههههههههههههههههههههههه



مايذبحك الا سوء التفاهم
وهـ يآسوء التفاهم يابو إبرآهيم :)
لآتجي تخانقن بالمسنجر ماعليك منك إنت تسميني ابو نواف وأنا آبسميك أبو إبرآهيم :qannaj:




الا يافلان انت تضرب على وتر حساس .. العشدز
جبته على الجرح يافلان وتسويت جروحنا كلنا اولكم انا <_ ماعنده لعب يضحي بروحه :)


أييييييييييييييييييييييييه يايوسف


من وين ابتدي ياحظي الردي


:)


تصدق من أمنياتي اني اجي للبيت معي ورده أو تورته أو شيء يحسسك بالرومانسيه


كل ما اجي معي مكنسه خصاف << الخشب الصغير :315r:



او علتس ماء


:)


و أحيانا صلصل


:7ayyoh:





كلك خير وبركه يالمهآجر لو تجيب لك حزيمة كرآث يآخوك عدك ملوذن برآس الشبث :)
^
^
مآتحس أني قطيت ببيتكم ههههههههههه
ودي أصير رومانسي بس ما أعرف


دفش يافلان :)


لكن مع هذا الحب إن كان صادق عفيف هو أجمل شيء في الدنيا


وهو لن يكون في تلك الأماكن ..
صدقت يالعشير ...
يآحلو العشق والحب لآصار بوه عفه وخوف على البنت وتصونه وتحفظه


.


المجاهرة بالمعصية حدث ولاحرج يايوسف


جزاك الله خير على التطرق لهذا الموضوع


اللهم استرنا فوق الارض وتحت الارض ويوم العرض .
.






اللهم استرنا فوق الارض وتحت الارض ويوم العرض .
اللهم استرنا فوق الارض وتحت الارض ويوم العرض .
اللهم استرنا فوق الارض وتحت الارض ويوم العرض .
اللهم استرنا فوق الارض وتحت الارض ويوم العرض .




المسآفر كشريا كثير ياجعلي مآذوق تسبدك على هالمرور

تعال صحيح ماتبينا نروح ندنفس بهالأجازه :)


توسد إحترامي

[يـــوسف]

يوووسف


عيوووووووووووووووووووووووووووووووووون يوسف أنت أمر تدلل :)
<_ يطيع مديره :d:

لله درك على هالموضوع

لله درك أنت أستآذي يأبو مآجد :thumb:

صدقت فيه بنات الله يهديهن يتساهلن كثير بشرفهن وشرف اهلهن


وكذا بعد الشباب مالهم هم الا هالمغازل



رح للاسواق وش


يابعد وجيه

قسم بالله تقل عطايا


أنا مايغثن إلا اللي وجهه تقل عبدتن ثانية ركبته ويجيك رآزن روحه بوسط هالسوق بزعمه الحين مفتت تسبود الصبايا محآرش :)




موضوع مميز وبالصميم










بس ماقلت لي وش دخل قوطي الببسي بالسالفه خخخخخخخخخ

هآه :(

وش قوطيه يابو ماجد :)

إجابه على تساعلك انت والأطخم المسافر والله يابو ماجد تخبر أي عنوآن أكتبه على طول أتلفت واللي أشوفه احط إسمه :)


وتقلد تحيتي




أتقلده لعنبو غيرك شنوح ماأتقلده :)



مديري مرسي أوي أوي على هاظ المرور :7ayyoh:




توسد إحترامي

[يـــوسف]

والله ياخوي يوسف معاك حق


مشكله المجاهر 00واذا بليتم فستترو


الف شكر لك ياخوي


بارك الله بك



عاطر ودي



حيأتس الله ياراعية المكاين :)

وكل إنسان يخطي ومحد معصوم عن الخطا بس الواحد يستر على روحه ولايجآهر يحسبه فخر ..




لاهنتي ياخاله على هالمرور


توسدي إحترامي

[يـــوسف]

ليه هو المغازل عيب؟!؟!


طيب شنوح الناس بس يتغازلون (هم مايدرون انه عيب)
قصدك حرأم ياخالي :)
يدرون إنه حرام وخطا ويدرون بكل شي ..
بس الله عطا الأنسان عقل وقلب وحياء وكل إنسان يمشيه شي ونآدر مانحصل إنسان /ــه يمشيه جميع مآذكرت :)
وغالبا بوقتنا هذا الناس تمشيهم شهوتهم وتنكبهم :)




أنا ماتنبط تسبدي الا إذا شفت وغيد كبر سناعيسو ويغازل وحده كبر أمه
سناعيسو يابو طروق لو تدري وش هو عامل تسان ثورت بوه ههههههههه




شكرا يوسف على التوعية والإرشاد

(إلا ليه ماتشتغل بالهيعة وتصيد هالاشكال)
طيب يابو طروق أنت ماسمعت إن فيه متطوعين مع الهيئه ومعهم صلاحيات الهيئه ويكون شغلهم سري ولا يكونون ملتحين:)

""""""""""""""""""""""""""""""""""""""""""""








حيااااااااااااااااااااااااااااااك الله يالقاطع ياراعي المخيم اللي مايعزمنا بوه <_ ماهو مفضح :)


لاهنت يالغالي على هالمرور ولاتقاطعنا تكفىا



توسد إحترامي

[يـــوسف]

الله يعطيك العافيه ...
موضوع بالصميم ... وبأجمل قالب ...
عرض .. تحليل .. وصف .. علاج ...
يوسف ... :thumb:
شهآدهـ أعتز وآفتخر فيها وربي
وشرف كبييييييييييير لي :)
.
بس كني أشوفه يوم أنخمع بالبسطه ... :)
والله عنديلك سوالف ما يصلح يطرحها إلا أنت ...
اللي تغيب بدرام الزباله ... وكمشوه بوسطه تقل بس ..:)
واللي تغيب داخل ثلاجه .. :)
واللي واللي والله كثيره ..
واللي طمر الجدار .. يبي ينحاش وتعلق ثوبه ... بصيخ ... وقعد يتدودل ...
وتخيل عاد وش جاه .. من طيور شلوى ... :)
أزعجهن يالغالي ومالك إلا طيبة الخاطر هههههههههههههههه

ابي اللي تغيب تكفىا :)





رآعي البيرق ومرور غييييييييييييييييير ومرور شرفت بوه موضوعي والفلة يالغالي :7ayyoh:




أنتظرك ترسل هالمصايب ههههههههههههههههههههههه




توسد إحترامي

[يـــوسف]

يوسف قسم بالله انبسطت يوم قلت :
الحمد لله ألي نوصف بالطوع وبالقرب من الدين .. وهذا شرف بل كل الشرف ..

مع وجود حالات تصدر من أشخاص تسيء لسمعة البلد .. لكن الحمدلله أن هذه البلده عرفت بهذا ..
أخوي فهد يالغالي أهل بريده وكل الديار فيهم الخير والبركه وشي طبيعي يطلع شوآذ بكل مكــآن ...


مع أن ولائي لحايل وأهله من رمان وسقف وريع البكر وغيرهن .. لكن ايضاً بلدك الذي احتواك له عليك حق ..

يوسف همسة :

اقسم بالله أني اذهب أجيب أختي من الكليه والبنت ألي متستره إذا جأت تقطع من قدام السيارة

أني أقف له .. أحتراماً لها ولدينها ولأمانتها مع أهلها .. فأهلها لم يسمحوا لبنتهم بالخروج من خدرها

ألا بعد ماوثقوا فيها وفي أخلاقها .. فعلاما تخونهم وقد وثقوا فيها ؟؟

هالبنت هذي يافهد تجبرك تحترمها لحشمتها وسترها لنفسه .
ومآهي غريبة عليك يافهد هالأفعال :thumb:
وأنت أفضل من يمثل هالمنطقه والوحيد اللي مثلها خير تمثيل :)

أما البنت ألي وضعه غير محتشم فوالله لو تنطبق السماء على الأرض ماخليته تخطم ..

لماذا ؟؟

لأنه هي لم تحترم نفسها قبل .. علشان أن أحترمه .. فكثيراً ما أكون مار بوسط السوق ..

فيحصل هذا الموقف من كلا تلك الحالتان .. فالأولى أقف لها .. وخاصة إذا كان

عليها شراب يدين .. أما الثانيه العربجيه ما يسمح خاطري أخليه تخطم ..

هي البنت الغير متستره تظن أنه تجذب العيال له لينظروا لها .. ماتدري أننا نعده أرخص سلعه ..

والكلام كذلك ينسحب على الذكور من الشباب الهايف الذي أضاع أمانته وعرضه قبل

أن ينظر إلى تلك الفتاة ..

وكان في الوقت السابق غض النظر من شيم الرجال حتى في الجاهليه ..

فقد قال عنتر بن شداد :

واغض طرفي أن بدت لي جارتي ـــــ حتى يواري جارتي مأواها


أما رجال الهيئة فلو كتبنا من هالساع إلى باتسر الصبح فلن نوفيهم حقهم .. فهلؤلاء لهم برقابنا

جميل لا يوفيه أحداً منا ألا بالدعاء لهم وبنصرتهم على من عاداهم ..
ياخي هالأوآدم أحبهم ماآدري ليه أنبسط لاشفتهم :)
تحس أن الدنيا بخير للحين ورغم المضايقات اللي تجيهم ورغم محاولة تشويه صورتهم عبر الصحف ونبآح بني علمان تشوفهم مايلتفتون ومستمرين بمحاربة هالأشكال <_ أهم شي يخربون عليهم الحفلات الخاصه :)


يوسف يا أخي أنت أحسن واحد ..

بدعمكم وتشجيعكم يالغالي :thumb:









فهدنا مشكووووووووووووووور من القلب على هالحضور وأشكرك على هالمدأخله :)




توسد إحترامي

[يـــوسف]

صرااحه موضووعك يااخووي يحتااج معجزه عشاان يعدل النااس

جد والله يااخووي انه فيه بنات يقلن هالسواالف علني

يمين بالله صاار شي عاادي.. ولا وحده تقوول ابوي يدخل معي الشات ههههههههههههههههه
تلقينه متخرفن مع خويته هههههههههههههههه

مشكله المجااهره صاار الوااحد يفتخر بسواايه الخاايسه .. وكنه مجااهد مهو مرتكب له ذنب

يااربي لك الحمد يااربي هذي بلوى ... ترا يااخووي التربيه له اثر كبيـــــر على البنت والولد


وزي ماعلى البنت خطأ على الولد نفس الخطأ ماايفرق بس الي يفرق هو مجتمعنا
صدقتي يارتيج ويسلم لنا هالمنطوق :thumb:


الولد عيبه بجيبه مع انهم نفس الخطأ .. انا ادري ان كثيير من العياال تقريبن ثلاث اربااعهم يغاازلوون اذا مهو اكثر او كاان لهم تجاارب مع المغاازل عاادي واقل من عاادي..
أنا غآزلت مره وحده وبغيت أهفي هههههههههههههه

طيب ان درينا ان بنت الفلان تغاازل وااااقررررررردي وامصخي بين عرباان شمر مع انه نفس الخطأ ونفس الذنب .. الله لا يبلانا ياارب

استغفر الله العظيم الله يستر علينا ولا يفضحنا ياارب..


مشكوور يااخووي عالمووضووع الراائع والقيم..
الشكر لتس أنتي يارتيج على هالحضور وعلى هالرد الطيب


شع شع

شييييييييييييييييييع




شيع شيييييييييييييييييييييييع انتي :)



توسدي إحترامي

[فوووز]

يوسف

صح لسااااااااااااانك ,,

أسمح لي موضوعك يبي له رد مطول :)
وحالياً مانيب بالفورمه.. بس أصبر علي أمر مرة ثانية وأرد رد يرضيني :)

تقبل مروري أختك/فوووز

[يـــوسف]

<<<<<<<<<معوه سبحه ويفتله يمين ويسار وبين اصابعوه

<_ موقفن ورآك ويصيح حفر حفر واحد نفر :)
لعنبو العدو كدآد منت الجثري خوينا ههههههههههههههههه


والله يالعشير انك صادز يجيك الواحد وجهوه تقل خبزة تميس ويتميلح يعنني مرهف الحس
هذا هو مرهف الحس هههههههههه والقهر إنه عند روحه ماخلق زيه هو وخشته :)
ولاشفت منخره أول مايوجعك بطنك :solh:


والثانيه تقل وجه قرده وبزعمه مزيونه .......

ويتغازلون المرهف والمزيونه الله ابوكم لابو اللي تقول انقهرو انا مواعدتن خويي اليوم
سبحآن الله بعضهن تشوف عمله تقول يالله وش هاللي ماطلعت عليه الشمس :)
ولاشفت وجهه وجنوبه اللي يمخضن تقل صميل تزوم عليك تسبدك :)


تدرون يالربع وش ازين شي بيوسف ؟؟؟؟؟

ازين مابوه كلوه


واشين مابيوسف ؟؟؟؟؟


اذا نزل موضوع يكون كامل (والكامل وجه الله) يعني ماتلقى مجال انك تزود عليه (الله لايضرك يالعشير)

يآخوك شنوح هالعمل تحرجوني هلون وآحس اني ماني بسيط وعقب اقوم اقصد عليكم زي قصيدتي المبطيه :)


تري مكاسي يوسف









ياهلآآآآآآآآآآآآآآآآآآآآآآآآآ مع غلآآآآآآآآآآآآآآآآآآآآآآآ يالجثري :7ayyoh:

مرور وحتسي وحضور ولا أروع يالغالي .




توسد إحترآمي

[يـــوسف]

.:. يوسف .:.
هلآ وغلآ سم آمر تدلل :)

موضوع رائع و معبر لدرجه كبيره

























<< يحسب انه بالتصاميم خخخخخخخ :)
نزل هالفرشات اللي معك هههههههههههههههههه


يوسف الله لا يهينك .. كثر الشطه شوي هههههههههه < شـ دخل الشطه ؟!

لا تقوم تدقق .. ياخي طالع العنوان .. ما تجي بوبسي بدون شطه على الغدا :)

<< ما شاء الله عليه .. الله لا يضرك :)
طلال مآش اليوم مقلع انت هههههههههههههههههههههههههههههههههههههههه هه

.:.

و الله موضوع للاسف واقعي جدا :(

نتمنى ان الدلوخ يجي يوم .. يعقلون لكن شـ تسوي ؟!

الله يهديهم

<< ما تلاحظ ما قال الدلخات ههههههههه :)

و الدلخات بعد يجيهن يوم ويعقلن :)
^
^
الدلخات نبي تعريف بالله لهن بشكل عام ههههههههههههههههه
<_ وجه نكبات :)

.:.

موضوع بالصميم

لاعدمناك




طلال مرور كله شرف لي :7ayyoh:


وننتظر موضوعك بالفلة :)



ولا ترن أبعلم الشبث ههههههههههههههههههههه





توسد إحترامي

[يـــوسف]

ياشينكم بس ليه تنغصون على الدلوخ والدلخات :)
أنتي تشوفين هاللي ماهم رقيقين قاسين يمشون ويجرحونهم :)



خلهم يعيشون جوهم عساهم للقطع :)
من زين هالجو <_ يحس ورآهم موسيقى برنامج99 :)



بس لي تعقيب بسيط ياعالم لاتحطون كل شين بالتربيه والله والله ياما ناس تعبو بتربية عيالهم



وبالأخير تصير سوالف تسود الوجه ، لا تلومون الأهل دايم .



هو صدز أحيانا الأهل مايدرون وين الله حطهم خاصه بالتربيه ويلبون كل شين لعيالهم وبزعمهم



هذا تعويض عن الأيام اللي عاشوه بجيلهم :)



الدلع الزايد مايبغى !!! ولا التشدد الزايد !!!
عآد أنتي ياأم الهكي مانقدر نقول شين لتس معاصره ماشاء الله عليتس ههههههههههههههه خبرتس أكثر :)



اقول يوسف قوطي البوبسي لهالحين اسمعوه :)
هذا صوت قرشتن برآسي الله العالم اني ابنسم خلاص :)






لاهنت









خالتي إم الهكي <_ وانا أقرا ردتس إسمع صوت طق طيرآن :)


وأتفق معتس إن التربية مآهي كل شي لأن وقتنا الحالي زين الأبو يشوف وش يبون عياله وبيناته .. وبعض العيال زين يقعد مع خواته وأمه وأبوه تلقين كل وقته يفتر بهالشوارع :)


وربتس يعين



توسدي إحترامي

[ابو ضاري]

بوبسي وغزل هههههههههههههه
شوف ياخالي البنات وخلنا نحشرهن شوين اللي ماهي متربيه تلقا عندها السوالف
وبعضهن ياخالي يشبكن البنات يعني بنت تضم بنت لا حول ولا قوه الا بالله
المشكله تفيخر به اللهابو العلابي يابنت الشر والشرير بعدين تروح مع الهطفه هذا الذي لا ياخذ الاعتبار
من الامور التي تحصل بينهما ....و
وجليسه السوء هذا ودك تشربه بنزين وتقط عود شخاط بلهاته وتقبس ...نذاله

مااقول الا يحفظ بنات المسلمين

[عجايب بنت الشايب]

8
8


ياعرب لاحد يقرأ رده تهووور تهوووور الشايب

[غالب]

والله ماادري يايووسف


ألا وش سالفة هالإيميل

واستلم سلامي

[يـــوسف]

الضاري يابعد رآسي انت هههههههههههههههههههههههههههههههههههههههه هه


عآش والله شيخنا :)


أما الهطف أنا آشهد ياخالي من تشوف زوله سبحان الله تشوف زول الهطف ههههههههههههههههه


ولا جا الصحيح يالله يسولف بوسط الرجال :)


بس دوره عند ورد ورد ورد :)



لاهنتش ياخالي على هيك مرور تؤبر معاليتس آلبي <_ خبص باللهجات :(




توسد إحترامي

[يـــوسف]

سنـــآعيسو رح يمه يعجبك يصلح لك تلكع عليه هههههههههههههههههههههههههه



علمن هآه :)

[يـــوسف]

يوسف .. غريب مووضوعك هذا



تدري ليه ؟

شنوح :)




فيه عالم بالعاده ترد عليك من الصفحه الأولى أو الثانيه .. :) علامهم كامشين :) ؟




:)



اكتنهم يتهجدون ويستغفرون عسى الله يقبلها يااارب منا ومنهم
تهقين ههههههههههههههههههههههههه














>> يعني مسوي تمويه :( .. طيب ما أنتا ئولتها 70 مره بالمووززوع علني ..





بعدين الاحظ الجميع يقول ( من زين وجهه ولا من زين وجهها )


والله لو انه وسيم وهي قمرررر


الحرام حرام والعيب عيب والموت مايعرف شباب :)
<_ يراعي لصورة مزعل فرحآن :)










يوسف تلاته بالله العلي العظيم .. لو انت قدامي دقيت لك تحيه >>
الله لايهينتس يالقائده :)

وقصوا اهلتس راستس :)




ياشيخ انت عقيد يعنبو من لا يقول لك جزاك الله خير







بيض الله وجه شيبانن تقابلوا واعرسوا وجابوك :)






طحياتي



عجآيب انتي اللي بيض الله وجهتس ووفقتس وعسىا الله يرزقتس ويوفقتس من حلآله




لاهنتي ياخاله على هالمرور المشرف :)



توسدي إحترامي

[فوووز]

السلام عليكم ورحمة الله وبركاته


وعليكم السلام ورحمة الله وبركاته

يالله صبآح خير يالربع ياحلو النوم بدري تسيف تحس إنك آدمي وبشر <_ لاياشيخ :315r:
صباح النور,,


يالربع تصدقون بالله توي آدري إن سوالفنا وجلدنا للخرفان والبنات المصالات غاثن الكثير والكثير :)



المهم ماعلانا :qannaj:
عطنا وآحد باض وحليب كافي بآرد <_ ابوووك يالجو

عليك ذوق.. شكل هذا اللي جاب لك الجرثومة :)


هذآ يالربع بوه لوه واحدن نزغه أو بالاصح دعوتن على أهله :)




كل ماشاف له بنت يحسبه تغازل وكل ماشاف ولد يحسبه يغازل


وعنده خلق الله كله منتهيه زين امه وابوه سلمو منه :solh:
هذا يا يوسف أنا أحس أنه على قولتهم (كلن يرى الناس بعين طبعه)
أو أنه كان مغازلجي وتاب توبة لك عليها وصار شكاك بخلق الله
أو أنه الضعيف تربيته متشددة مرة لدرجة كلش مخلينه حرام وعيب ومايصلح وكلن خطأ وهو الصح..



المشكلة وصلنا مرحلة ان البعض صار يفتخر بعلاقاته
هذا بلى ابوك ياعقاب ..


وصار الولد يعتبر روحه مسوي إنجاز لا رقم بنت ولا تعرف على بنت عن طريق النت


وبعض البنات صارت تفتخر انه سفله :)
أعوذ بالله لا وصاروا بتزايد وكلن يبي يقلد الثاني يسوي نفسه أحسن من غيره



زي وحده تقول موتو قهر انا بكرآ مواعده خويي ههههههههههههههههههههههههه


أستغفر الله ,, الله يسترنا بستره
اللهابو تربيتك صدق ان ابوتس ومتس ربوك تربيتن عوجآ :)
لا حرام ,,
ممكن يكونون أهلها تعبوا بتربيتها بس مالله أصلحها
(النار ماتورث إلا رماد)
وبلوه وابتلاهم الله فيها

المهم هذا خوينا صدف أننا معزومين بالنسيم <_ صورة المهيني مسوي علامة النصر :)


ومرينا من عند سوق حجاب <_ ياملا السيل ياعجيزن غشتن باعت علي لي زبد من ايام جدتي عزباء وجدي مبلشهم :)



وزحمة الطريق وغثاء وهو بجنبي يراعي للسوق ماخذيت شوين الا هو فاتحن الباب ومطبتس



ياولد يافلان اللهابو هالمبسم وين تبي ولا يرد علي



وآراعي لزوله ياسبحان الله تقل طوير ماء وكريعاته وشميغه ياويسي ههههههههههههههههههه
وش جاه وشهو شايف هالولد .. كنه مسحوباً على خشته :)


وأنا أصفط وأدق عليه ولايرد يعطيني مشغول :148r:

بعد بعد

تصبرت وقلت ياالله خلن انتظر توم كروز نبي نشوف تاليته



ماخذيت نص ساعه الا هذا هو يدق ولوه نهيت ويركض ويقول وينك وأوصف لوه المكان وهو يجيني تقل كريعات صخل

ههههههههههههههههههههههههههههه
خله تو يوم راح من الخفة كنه طير .. وهالحين مثل السخل :)


الا والله خويي بدون عقال والشماغ متلولسن برقبته وحدا النعول الله يعزكم ماهي بوه :)
وعوينته بداية زراق حمرا من البقوس ههههههههه
هذا ماجنته يداه..
وعيناه قبلهن


العلم يافلان وش بلاك


قال لاابد بس سوء تفاهم يالله امش امش بسرعه ويتلفت وله نهيت منفضخ قلبه ههههههههههههههههههه

كل ذا وسوء تفاهم منخرش ومنفضخ قلبه؟؟؟!!!!
ياحليلة يومه على خطأ ماقدر يقول وش المشكلة على طول..


عآد عيىا يعلمن وش صار بوه وماعلمن الا تو



يالربع تسيف ماسكينه الهيئه ومليخينه ومسطرينه


يقول ياخي قهرتني عيت تاخذ الرقم يوم جيت ابحطه بيده غصب وهي تصيح الا على


وقفت جيب الهيئه وهم يتطابقون


وأجي ابنحاش وانا انخمع بلي بسطه وهم يقمزون فوقي ومنين يوجعك ههههههههههههه

يستاهل دواه والله
أجل يسوي هالسوات بالبنية وماتبيها تستفزع بالهيئة..
لوها أخته وشايف أحد مسوي لها كذا وش بيقول وش موقفه؟؟
أكيد بياكله أكل..
كان قلت له الله يقويهم عليك وعلى امثالك.
لين تعقلون ويهديكم الله



قلت يما غدت سبلتك تدرج ؟؟


وهو يراعي لي ويصد ياربيه مايحب هالكلام رقيق :solh:

خخخخخخخخخخخخخخ
مفارقته الرقه


آبشركم بادي الولد يعقل <_ يالله طلع بكفالة قبل كم يوم ويبي يتوب :)

الله يستر علينا وعليه
ويكمله بعقله..

عاد اللي حل السالفة يالربع شنوح خلق الله صارو يفتخرون برداهم وبذنبوهم ؟؟
شلون صارن بعض البنات يفتخرن بإنهن رخيصات ؟؟

أعوذ بالله
الشيطان صار يزين لهم سوء أعمالهم
ربك يستر عليهم وهم يفضحون انفسهم
الحمد لله الذي عافانا مما ابتلاهم به .. وفضلنا علي كثيرا من خلقه تفضيلا..



أغلبنا إبتلاه الله بهالشي بس الشي الحلو إنك تعالج خطاك مو تستمر بهالشيء
يالربع انا ماأسوي نفسي مطوع بريده بس هذآ كلام العقل ماهو كلامي ولا كلام الشهوات والرغبات ,, ولا أنا طاقن مخي وقاضي علآجي مبطي بس مرات يشبك فيوز العقل عندي وأصير مؤدب:)
الله يكملك بعقلك :)
كلامك اللي تقوله عين الصواب
مهوب مايقوله الا مطوع وبس..
مهوب كل الناس يافاسد يامطوع..يعني ياصح ياخطأ..!!!
لا طبعاً
العقل يقول كذا...والفطرة السمحه السوية بعد...
سبحان الله ..
مانقول إلا يالله الثبات..




إذا الله إبتلاك بشيء حاول تستر نفسك وحاول تتوب مو تجاهر بهالشي وتفتخر إنك تسوي شي غلط ... أنتي يالبنت لاتحسبين الولد لاقالك ماعليك من كلام الناس انا احبك تحسبينه صادق .. كل اللي يبيه بنت تشبع رغباته وشهواته وفيه بنات يرضن بإنهن يصيرن كذآ لأنهن سآفـــ...ت :)
بعدين رآعي لوجهك تقل ممصع شيحه صم الله ع الفضل زين أهلتس يتغذون معتس ههههههههه


وأنت ياأخوي الزقرتي الرقيق<_ حلوه الزقرتي صح
تأكد انك زي ماسويت ببنات خلق الله رآح تشوف عقوبة هالشي بخواتك ببناتك
الله يمهل ولا يهمل :thumb:
هذا الشي ما أدري هم متجاهلينه .. و إلا ناسينه..
( من طق باب الناس طقوا بابه)
(دقة بدقة ولو زدت لزاد السقا)<<< أكيد الكل يعرف قصة هالمثل..




وثق تمام الثقه إن هالبنت ورآها رجال وعيال أجواد وأقل شي حط لهم إحترام بغض النظر عن بنتهم اللي ماصانت نفسها ولا حشمتهم
يايوسف هو أصلا مهوب محترم نفسه كيف يحترم أهل البنت اللي مستغلها وينظر لها نظرة دونيه ونظرة احتقار ..
ماهقيت والله أن هالأشكال بيصير عنده شيء من الإحترام..


عن أبي هريرة –رضي الله عنه- قال: قال رسول الله صلى الله عليه وسلم: "كل أمتي معافى إلا المجاهرين، وإن من المجاهرة أن يعمل الرجل بالليل عملاً، ثم يصبح وقد ستره الله عليه، فيقول: يا فلان: عملت البارحة كذا وكذا، وقد بات يستره ربه، ويصبح يكشف ستر الله عنه".








توسدو إحترامي



الله يجزاك خير يايوسف على الموضوع اللي طالع من قلبك,,

الله يسترنا فوق الأرض,, وتحت الأرض,, ويوم العرض,, آمييييييييييييييييين

لك مني كل التحية والتقدير
أختك/فوووز

[يـــوسف]

حياتس الله يأفوز ومشكوره على هالنكسة المنتآزه :)

بس عآد جرثومتي ماش ماهي من ذوقي :315r:

إيــــــــــــــــــــــــــــــــــــــ ــــــــــــــــــــــــــــــــــــــــ ـه ياذي الجرثومة اللي صآرت معيارتن لي :)



والله ياأخت فوز الله يهـدي الجميع إن شــآء الله .





توسدي إحترامي

[ندووو]

موضوع قيـــــــــــــــــم
الله يهدي الجميع يارب


ويجزاكـــ خير

[يـــوسف]

حياتس الله ياندوو

والله يجزآتس خير :)


توسدي إحترامي

[حمـود]

ويلموني بغلاك

ويقولون تخاوي هالعطاوي

>>لا احد يقراه الا يوسف منين نزل عليك الحتسي

كلمات يعجز لساني وخشمي اللي كبر خشمك بالكبر


عن وصفه

وتشبييه بليغ نمبر ون


نخش الموضوع

ناس غرباء بكل صراحه

وتقليد اعماء لشعوب غربيه مضلمه

وهو انا يكون له فرند وحبيبه وصديقه

وينظر لنفسه انه وصل عنان السماء

بانه رقم او شبك خمس بنات وبكل فخر

جعل تشبك عليك التسلاب والذياب

وثانيه قلت الدين

ومثل ما تقول اختي العزيزة عطر

تنظر له انها مميزة ان التسلاب

يلاحقونه وهن لانهن بحشمتهن

ما يلاحقونه
حفظك الله ياعطر القصيد
انتٍ وبنات المسلمين
بحشمتكن وعفافكن




وش اقول

دمت بخير

[يـــوسف]

^
^
ماعندك فرند يابو ناصر غير صخولكم :)

ابــو ناصر لبى خشمك على هالمرور وهالحتسي


علمن خويك اللي بالسكن المروح اللي يوم آخربه معه للحينه حي ويتخرفن هههههههههههههههههههههه




لاهنت يابو ناصر



توسد إحترامي

[حمـود]

منهو


الى الحين كلهم

افتح المسنجر


وعدل الرد

لقريته