المساعد الشخصي الرقمي

مشاهدة النسخة كاملة : قرن شطة


أحمد
24-03-2009, 05:15
تنويه : قرن شطة ماله دخل بالسالفة بس جازلي اسموه خخخخخخخخ







صباح / مساء الخير للجميع الله ياعل ربي يفللكم بطاعتوه







يالربع هذي سويلفه صارت علي الخميس الماضي





بالبدايه دق علي ابوي







ترن ترن ترن هلا يبه سم






الجثري انا عازملي رجال عند البعارين ابيك تجي تعاونن






وين يبه بالصمان






ايه ياوليدي لاتبطي






طيب منهم !!!!






ياملا والله الوجعه امش وشعليك منهم






امزح يبه انت على طول تصدق يلله انا بالطريق






ترن ترن ترن هلا يالجثري وشنوحك ابطيت






يبه ماادل وين انتم






يبداء التوصيف يامنك تعديت العرق الفلاني يجيك لك صفيح وتشوف الفروش اللي

قدامك وجههن شمال سند معهن






يبه وش عروقوه قلي يمين يسار وافهم غيره اسمحلي






وووه ياملا النازوع وين انت






وين توقع يبه بمطار القاهره يعني انا بلي سهلة ريدا مادري وين اولي






طوط طوط طوط






احلى ابوي يسوي حركات سلطان بن فهد






عاد انا دريت انوه والله مايرد علي وانا ادق على عمي






عمي وين انتم ابوي قطع الخط بوجهي






قال عدك عليه ياجيت يبي يقطعك انت براسك






خخخخخخخخخخخخخخخ وش يقطعن ياعمي ثلاجه او مفطح






طوط طوط طوط






انا لله ياعمي انت الثاني اخلاقك تجاريه طيب انا وش اسوي هالحين






شوي وهو يمر راعي اكالجيب يحسبني مغرز قال مساعده ياولد






قلت الله يطول بعمرك انا ابوي لوه حلال هنا وضيعت مكانوه قال منهو ابوك قلت

هاكالرجال قال انا معزوم عندوه خلك معي






قلت طيب يالاجودي ابيك تدلن بس لاتعلمهم مستحي اقول اني ضعت قال خلاص






يوم اقبلنا عليهم وشفت نارهم وانا اقطع نور السياره وانتضرلي ربع ساعة وانا اجيهم


امشي بدون انوار يعنني جاي لحالي وابعلم ابوي اني اقدر اجي بدون نور بعد






يوم قربتلهم وانا ادعس مستعجل ابشوف ردة فعل ابوي وابي اشوف وشلون ابوي


يبي يفتخربي عند اخوياوه






اثرينن تورشعت اكالحوير اللي منوخينوه حولهم






وهم يصيحون كلهم وراك وراك الله لايقبلك






عاد ابوي قدام الاجناب مايقدر يقولي شي بس انواع النظرات اللي تقول الاواهني

من استفردبك بهالسهله






نزلت يمهم سلام عليكم عليكم السلام وشلونكم






وانا انصى الدلال يوم جلست ياركبتي للدله ياهي من صيد امس بالنار هي والبراد انا

لله وش هالنصيب






الوكاد يوم قامو يغرفون العشى وانا اقمز ابعاون وهو يندغن ابوي كوع بالتسبد اللي

انقطع معوه نفسي قسم بالله لو شافوه لجنة الانضباط الا يوقفونوه الى نهاية

الموسم







تعشو الرجال وانا ازين القهوه والشاهي وعقب العشى اقوم اقهويهم وذابحن الجوع

لان السودانيين الرعيان خذو العشى للخيمة واستحيت اقوم معهم







قال حدا الضيوف الجثري قلت نعم قال بشر عساك ترقيت





قلت لاوالله ماتعشيت !!!!






وهم يبخونه ضحك وغدان جنب ابوهم الله ابو ابو هالدناقير ياهالوغدان تسيف

فشلونن بس اننا بالليل محد شافن وانا القط وجهي






ونظرات ابوي مازالت مستمره






ومع اول ضيف قام وانا افرك باثروه لسببين الاول لان ابوي يبي يمردغن وهذي مابه

نشدة شيخ والثاني عشان يدلن على الطريق







على فكــرة

حتى كتابة هالسطور ماواجهت ابوي


إذا استجد شي ابعلمكم خخخخخ








وتري مكاسي للجميع





:thumb:
حيل حليل
24-03-2009, 05:38
ههههههههههههههههههههههههههه
انت مانت مقرود لانك تعديت هالمرحله
انت نقدر نسميك وجه نكبه
يعني حامل وناقل للمرض في نفس الوقت

لعنبو بليسك اربثت بالعالم حسبي الله عليك
احس ابوك قال بنفسه انا وين ابي افزع هالخبل هذا

الله يرجك وسالفة سلطان بن فهد
يا أني انبطحت على بطني عقب ماقريته

لكن والله يالوصف عندك ابداع يالعشير

لاهنت يالعزوه
أحمد
24-03-2009, 05:46
هلا بالعشير

ياخي وس سالفة المضايف من امس مانمت اتحراه تفتح


قسم بالله ان مرورك مع هالفجور هو الابداع يالعشير
حيل حليل
24-03-2009, 05:50
^
^
انا ابقولك ليه مقفل
<<<< يدور السوالف

هذا ياطويل العمر انفقعت ماصوره دون الأعلامي
وغرقت الدنيا
حتى شبيثان اخبره راح يفزع ماجد ويوسف غديهم يقردنون البنقالي خويهم يسوي لهم تخفيض
أحمد
24-03-2009, 05:58
اهااااا اثري السالفه هلون


ياملا البعد ياسناعيسو كم مره اقولوه لاتلعبون عند المواصير انت واخوياك بس انوه مايسمع الحتسي


اكيد انهم منخشينهن او مفحطين عليهن بسياكلهم


<<<<<< يدور المعذره يبي حلق سناعيسو
ماجد
24-03-2009, 06:58
تنويه : قرن شطة ماله دخل بالسالفة بس جازلي اسموه خخخخخخخخ

الا لوه دخل
<<طرى عليه مطعم يظبط الكبده يبي يموه
يمكن عقب الفطور ارد على موضوعك

لاهنت يالعشير
أحمد
24-03-2009, 07:43
احسن شي بالحرس الوطني انك تدفع ميه اول الشهر وتضمن لك كل صبح كبده وفول وبيض وفلافل وانعام ربي


حتى انا ماجد ابطلع للدوام طرا علي الفطور وانا جوعان ولا الدوام لله سبحانوه



تري مكاسي ماجد
ابو عارف
24-03-2009, 08:08
لا بهالسالفة دخلت نادي المقاريد مع أوسع أبوابه قرادة على قلة توفيدز الله يدفع البلا يعني رحت للصمان ورجعت صائم ويمكن بعد تنضرب هذي والله البلشة والمغثة.

إذا عندهم حليب خلفات مرعلي يوم أخاويك ونصلح أمرك مع الوالد.


شكراً لك مبدع يالجثري.


ترا مكاسي الحليب
شامان
24-03-2009, 09:16
وهم يبخونه ضحك وغدان جنب ابوهم الله ابو ابو هالدناقير ياهالوغدان تسيف

فشلونن بس اننا بالليل محد شافن وانا القط وجهي







ونظرات ابوي مازالت مستمره



^
^
امممممم شلون شفت عيون ابوك

شكلها كانت تقدح شرار

لانك تقول انك بالليل ماحد شافك وانت تلقط وجهك

ذكرتني بالشبث وساطور ابوه

انت وش نوع الاسلحة اللي يحب الوالد يستخدمها معاك

خاصة مع الازمة الاقتصادية يعني جميع الاسلحة متاحه
وبسعر رخيص


هل ابوك يفضل السلاح الابيض او السلاح الخفيف ( رشاش ) او السلاح الثقيل ( مدفعية ) ؟؟؟


تقبل شخابيطي
الشبث
24-03-2009, 09:29
لا يا عيشة مرمر



انت مثل ما قال حيل حليل تعديت سالفة القراده


انت تنقط قمل مقرووووووود الله يبعدنا عن وجه العدو يالنكبه



مميز يالجثري


ابدعت



وتقلد تحيتي
أحمد
24-03-2009, 13:22
خالي ابو عارف

ابشر بالخير حليب خلفات وزبدة غنم وحدا هالحشو نبي نسويه لك بروستد


تري مكاسي خالي
أحمد
24-03-2009, 13:26
اخوي شامان

لاتدقق جزاك الله خير هذي يسمونه تمليحه


وبعدين الوالد الله يطول بعمروه مايعرف اسلحة وخرابيط ماعندوه الا حركة الحانوتي خخخخخخخخ



تري مكاسي اخوي
غالب
24-03-2009, 13:35
يالجثري
بالله ليامنه مسكك أبوك اكتب سالفتك بهاذا ودي أشوف وش يسوي بك

واستلم سلامي
فتى البيداء
24-03-2009, 13:42
الجثري ذكرتن لك بواحد ينذخ له يوم هو صغير عند بنات وهو يقوم يطب له

ببرتسه (بركه) <<لغير الناطقين بالجيبوتي ..

وهو يطلع يصيح أثاري رأسه داق القاع ..



الجثري .. وصفك أخبال يالمذهوب ..
أحمد
25-03-2009, 01:49
سناعيسو

ازهله اذا واجهتوه ابعلمك بس يامن الدعوه صاربه حويجات تفشل ابعلمك بالخاص خخخخخخخ


تري مكاسي سناعيسو
أحمد
25-03-2009, 01:52
ههههههههههههههههههههههههه

اخوي فتى البيداء النذخ شي موجود في غريزة الرجال مثل الجوع والنعاس ==> عليه امثله مثل وجهوه


تري مكاسي اخوي على مرورك
السنعوووسيه
25-03-2009, 03:01
قلت لاوالله ماتعشيت !!!!

ههههههههههههههههههههههههه

وتسبدي قسمن تمصعن جنوبي:solh:


اخيه 00عدي اشوفك تناقط افمك عندهم :)


ياويلك اذا شافك ابوك مدميتن تسبدوه


اما ما تعشيت الصراحه روعه ههههههههههههههههههههههههه


الف شكر يالمبدع


عاطر ودي
ريتاج
25-03-2009, 03:28
هههههههههههههههههههههههههههههههههههههههه

هههههههههههههههههههههههههههههههههههههههه هههه

تسيف انك ماوجهت ابوك شلوون تعيش بااقي حيااتك<< انتسلعي

الجثري ساالووفه رووعه ياا اخووي..

شيييييييييع
εïз خزامى εïз
25-03-2009, 05:29
الوكاد يوم قامو يغرفون العشى
وانا اقمز ابعاون وهو يندغن ابوي كوع بالتسبد اللي
انقطع معوه نفسي قسم بالله لو شافوه
لجنة الانضباط الا يوقفونوه الى نهاية الموسم



هههههههههههههههههههههههههههههههههههههههه
هههههههههههههههههههههههههههههههههههههههه ههه

الجثري
الله يعين اجل حالك انت والشبث من بعضه
كلكم ابوهاتكم شريرييييييييين ههههههههههههههههههههههه
بس والله انكـ ماتستاهل
يكفي انك جآي له وهو قافل عليكـ ولا وصف لكـ
لو انآ سحبت عليهم
شطووور
ميرسي للسالفه اللي من زمان ننتظرها منكـ...
&^^مهــــا^^&
25-03-2009, 07:02
هههههههههههههههههههههههههههههههههههههه

رجعت بدون عشا

قابل ابوك شكله خلاص نسى اللي صار وقل لوووه يبه ابي عشا :) <<بيجيك بالعقال:a:

ويسلمك ربي اخوي الجثري على سالفتك

ويعافيك ربي

تقبل احترامي,,
أحمد
25-03-2009, 12:51
شبيثان

علينا هالحركات

يعني اذا انا مقرود انت بالله وش تصير


على قولة حبايبي الصوماليين الله يذكرهم بالخير


اكبر منك بيوم اقرد منك بسنه



يسعدني مرورك ابو ماجد


وتري مكاسي
أحمد
25-03-2009, 12:57
اختي السنعوسيه

سلامة جنوبتس وقرونتس بعد

اي والله يالسنعوسيه من الجوع قام يزولي حتى بالحتسي خخخ


تري مكاسي اختي


عاصر جدي
أحمد
25-03-2009, 13:06
تسيف انك ماوجهت ابوك


فال الله ولا فالتس يارتيج







مامن مكاسي وخطير يصير به خيزران بعد





^
^
^
^
^
^































خخخخخخخخخخخخخخخخخخخخخخخخخخخ



امزح معتس


المهم مرور الطيبين امثالكم


وتري مكاسيين بعد مهو واحد
أحمد
26-03-2009, 18:27
اجل حالك انت والشبث من بعضه
كلكم ابوهاتكم شريرييييييييين

مهولتس ياخزيم==> بمعنى بعيد عنك

الرعيل الاول من الشيبان نضامهم دكتاتوري



لو انآ سحبت عليهم

لو سحبت عليهم كان سحبني بالجيب من مناخري هههههههههههههه



ميرسي للسالفه

تري مكاسي للمرور
أحمد
26-03-2009, 18:29
اختي مها

من هنا الين يدخل عام 2010هـ

مافيه اي طاري للعشا وحتى حزات العشى احاول اكون بعيد عشان مايتذكر


تري مكاسي مها
يـــوسف
26-03-2009, 18:33
الجثري وهاهايلي هههههههههههههههههههههههههههههههههههههههه هههههههههههه

انت مثل اللي متلطم بالليل علشان يقولون له ذيب ههههههههههههههههههههههههههههههههه

يوم انك تطفي النور شنوح وش بلاك ياخالي <_ أدري ان الشبث قايلن لك سو هلون بس لاتسوي اللي يقولوك عليه :)



لا وبعد الرجال ينشدك وانت تجاوب ماتعشيت ههههههههههههههههههههههههههههههههههههههه


الله يضحك سنك يالجثري اضحكتن وانا شالعن ضرس العقل :)


ويالله تر الأجاره وافقو عليه تبدا من تاريخ 5/4 عنقليزي تسان بك شده تخاوي :)




لاهنت يالغالي .

توسد إحترامي
ريال الفسحه
26-03-2009, 22:33
الله يسعدك ويبعدك :)


والله لو ادل محلك اني لا اجيك واجودك
يما يجي ابوك :)
لوليتا
27-03-2009, 05:22
*
*

الجثرى

والله صعبت عليا

اجيب لك عشا؟؟؟

بس اقول الظاهر ان الوالد كان اكل قرن الشطة عشان كذا كان طايح فيك

ههههههههههههههههههههه

الله يعينك على المواجهة



تحياااتى للسولافة

*
*
أحمد
31-03-2009, 01:08
يوسف

والله مايفهمن الا انت

تشوف شبيثان يعطينن شور ويامني اطعتوه وتورطت قالي ياخي انت مقرود


5/4 تهي تهي تهي

الله يسهل عليك انا الجوازات يبون مني والمرور وحتى البقاله اللي بالحاره اذا ماسددته ماتسافر برا حسبي الله ونعم الوكيل


تري مكاسي يوسف
أحمد
31-03-2009, 01:11
ريال فسحه

هههههههههههههههههههههههههه

الله يقلع عدوك


تري مكاسي ريالوه
أحمد
31-03-2009, 01:14
لوليتا

تحياتي لمرورتس اختي واذا ماني غلطان هذا اول رد على واحد من مواضيعي المتواضعه

اشكر حضرتكم على المرور وعلى الشعور الطيب بس انا مضرب عن العشى ست سنوات لحد مانلقى حل لعصبية شيباننا اذا كانو عازمين ضيوف


تري مكاسي اختي لوليتا
مصقال
02-04-2009, 15:00
يا حبيبي يالجثري
شبلاك والله اخبرك ذيب
الظاهر النت أثربك


بس سالفتن زينة
مت ضحك يوم يعطيك ابوك كوع بالتسبد
لوليتا
03-04-2009, 20:44
*
*

الجثرى

اعتذارى لتقصيرى فى متابعة موضوعات الفلة بصفة عامة
وانت بصفة خاصة
ولكن تلمس لى العذر فمشكلة فهم اللهجة هى ما تحول بينى وبين كثير من المواضيع
لذا اخاف ارد بشئ وانا فاهمة الموضوع غلط
كمان لا اتمتع كثيرا بحس الفكاهة مثلكم الله يدومها عليكم نعمة
وكثيرا اخذ المواضيع بشكل جدى فاحس لو رديت انى باخرب الجو العام للموضوع
فاخلى حالى متصفحة من بعيد احسن

عموما بس اتقن اللهجة وما بخلى ولا موضوع ان شاء الله

ارجو تقبل اعتذارى

لك تقديرى

*
*
طلال
04-04-2009, 00:04
ههههههههه


لاهنت يالغالي
أحمد
04-04-2009, 00:23
ياهلا بمصقال

تدري اللي اثربي والله الشبث

انا من دخلت الفله والقرد معي خطوه بخطوه

حتى اليوم بالبلوت والله ماكنت انهزم وشفت وش سويتبي انت ودحيم

قامت اللعبه وانا وقمشتي 13 داخل خخخخخخخخخخ

تري مكاسي مصقال
أحمد
04-04-2009, 00:28
اختي لوليتا

انا لما قلت ان هالرد كان الاول مو لاني مستغرب لاوالله بالعكس قلته لاني مستانس بوجود اعضاء كبار شدهم موضوعي ووجودك باي وقت يشرفني

وتري مكاسي اختي
أحمد
04-04-2009, 00:34
اخوي طلال

يعلم الله اسعدني حضورك ونورتنا بنورك ويشرفني مرورك ==> امش يالشاعر ههههههه

تري مكاسي اخوي طلال