الشبث
22-03-2009, 12:45
في ما مضى من عمر
كنت بأول سنين المراهقه
كان الوالد الله يحفظه يعاني الامرين مني
وكل يوم شيل وحط
وجلست مع نفسي قلت يا شبيثان ورا ما تهدي اللعب شوي
ظهرك هالحين كلوه حمر من الجلد
بالبيت ابوي يجلدني
وبرا البيت يجلدوني الناس الى متى
فقررت اني اعقل شوي واسوي نفسي عند ابو تكانه ورجالن عاقل واني خلاص ماني عبيط
يعني بدال ماكنت عبيط يبيله تربيط
صرت ضعيف طايحن عليه مكيف
وبأول اختبار حقيقي لي جتني المغريات
كنا بالمدرسه والعيال يبون يفركون م المدرسه
فقالوا يا شبيثان تفرك معنا ؟
قلت يالله
وحنا نهرب
طبعاً بالراحه كشفونا المدرسه
واتصلوا على ابوي وجاهم
انا بهاللحظه ما ادري وش العلم
وقبل الطلعه رجعت للمدرسه مع الشله وتسننا دارسين
واخذ كتبي واروح للبيت تسني تعبان من الدراسه
يوم راعيت ولا هذا ابوي ينتظرني عند الباب
قال منين جااي ؟
قلت من المدرسه يبه وتعبااااان ابي انام
قال ابشر والله باللي ينومك نومتن هنيه ( الله حق قرصن قلبي ووجعني مصراني )
واول ما دخلت البيت وهو يشوتن بوز
وانا اقط الكتب واهرب داخل
وهو يهجم علي
وانواع الترفيس
واخذلي فتره ما اطلع
بس من البيت الى المدرسه والمسجد
بس
وبعد فتره
سيرت علينا عمتي عيده
اكبر من ابوي هي
وجاني الملعون ابليس يتكلم معي على انفراد
قال ياخي ليه ما تروووق شوين وتشوف نفسك
حرااام هاللي تسويه بنفسك هذا اسموه كبت ( ياملا الكبت يا ابليس )
والله وانا اتصل على واحدن من العيال قلت وش رايك باتسر ما ندرس
قال وين نروح
قلت نتمشى ونفر ونروح للمقاهي
قال تم
ويمرن من باتسر ونقوم نفر
ومطولين على المسجل ومسوين فيها زقرتيه
( يقول الرسول عليه الصلاة والسلام كل امتي معافى الا المجاهرون )
وحنا مجاهرين ومطولين على المسجل عسى الله يغفر لنا بس
المهم
وحنا عند الاشاره وانا اهز تقل رقبت رقيعي
قال خويي شبيثان شف هالشايب اللي يراعي لنا
وانا اراعي لوه
وااااااغشي
ولا هذا ابوي
وانا افتح الباب واهرب
وهو يفتح بابوه ويلحقن
ولا شايلن بيدوه ساطوره ( بصراحه ما توقعته منوه لهالدرجه مهو معتبرن ابنوه )
انا يوم شفت انه هاللون وانا ادووووس
وهو يلحقن وطايرن وراي
وانا ادووووس
وحنا ننطح الشارع الثاني ولا الاشاره عندهم خضراء
وهم يطنبون علينا
والوالد وراااااااااااي يبيني
عاد يالربع فيه ميزه بي ليامني ذليت
احشائي وارحامي وبطني وظهري كلهن يرتفعن فوق
واصير بس راس ورجلين
علشان اسرع
المهم اني وصلت للبيت
وهو طافحن جلالوه وراي ( ايه جيدن على ولدوه فلذة كبدوه بس )
وانا اخش مليون ورا عمتي
ياااعمتي بوجهتس
بوووووجهتس ياعمتي الله ياخذ وجهتس
يبي يذبحن ياعمه
وااااااااااااااقردي اللي مهو بالنااااااااااس
الله يجيركم وانا اقوم الطم
وهي تقوم قالت والله ما تلمسوووه
والله منت عليه
وهو يتهدد يبيني ميييييييييييييت على صفقتي بالساطوره يبي يطشر مخي
خسااااارة شبابك يا شبيثان نهايتك ونهاية البس المدعوس وحده
وهي تقوم تحلف عمتي وتقسم انوه ما يلمسن
واشوى
وهو يهدا شوين
وانا وراه لي مناشق
قال
هين يالسربوت اذا ما ذبحتك
اذا ما علقتك قدام الناس
وانا اصيح ياعمه شوفيه يبي يذبحن وويلي ياعمه اذا رحتي خوذيني معتس ماااابيه
الوكاد انوه طلع من البيت يبي يجيب سيارتوه
وانا اقول ياااارب انهم يسرقونه
وجالسن عند عمتي ما اطلع شبر لان فيها خطر على حياتي
وعقب صلاة العصر رتسب ابوي سيارتوه يبي يروح للمعزا
وانا اقوم اويدز مع الباب
ويوم تأكدت انه غادر
وانا اروح للمجلس واقوم اتجضع
انا طبعاً ملقي الباب ظهري
يوم خذيت شوين ولا فيه ظل رجال دخل المجلس
وهن ياقفن اذاني
وانا التفت شوين شوين
يوم راعيت ولا هذا ابووووي
وانا ابتسي
واقوم اصيح
يااااعمممممممممممممممممممممه
جاااااااااااااااااااااااااااااااااااني
ذبحني ياعمممممممممه
ياااااااااااااااااااربي وين انتي ليه ماتردين
ايييييييييييه ادري انكم متفقين علي
لا حياة لمن تنادي
وهو كل شوين يتقدم خطوه
يوم يأست الا من رحمة الله
قلت تعال اضربن
اذبحن مابي هالعيشه ( افكر باليوم الاخر )
اذذذذذذذذبحن ياشين اخلص علي
وهو يضحك هكا الضحكه
الله العالم عرف ان ولدوه من جنب القده وانوه ما يداني ظلوه
وسلمت
بس خرعته تكفي
وتقلدوا تحيتي
كنت بأول سنين المراهقه
كان الوالد الله يحفظه يعاني الامرين مني
وكل يوم شيل وحط
وجلست مع نفسي قلت يا شبيثان ورا ما تهدي اللعب شوي
ظهرك هالحين كلوه حمر من الجلد
بالبيت ابوي يجلدني
وبرا البيت يجلدوني الناس الى متى
فقررت اني اعقل شوي واسوي نفسي عند ابو تكانه ورجالن عاقل واني خلاص ماني عبيط
يعني بدال ماكنت عبيط يبيله تربيط
صرت ضعيف طايحن عليه مكيف
وبأول اختبار حقيقي لي جتني المغريات
كنا بالمدرسه والعيال يبون يفركون م المدرسه
فقالوا يا شبيثان تفرك معنا ؟
قلت يالله
وحنا نهرب
طبعاً بالراحه كشفونا المدرسه
واتصلوا على ابوي وجاهم
انا بهاللحظه ما ادري وش العلم
وقبل الطلعه رجعت للمدرسه مع الشله وتسننا دارسين
واخذ كتبي واروح للبيت تسني تعبان من الدراسه
يوم راعيت ولا هذا ابوي ينتظرني عند الباب
قال منين جااي ؟
قلت من المدرسه يبه وتعبااااان ابي انام
قال ابشر والله باللي ينومك نومتن هنيه ( الله حق قرصن قلبي ووجعني مصراني )
واول ما دخلت البيت وهو يشوتن بوز
وانا اقط الكتب واهرب داخل
وهو يهجم علي
وانواع الترفيس
واخذلي فتره ما اطلع
بس من البيت الى المدرسه والمسجد
بس
وبعد فتره
سيرت علينا عمتي عيده
اكبر من ابوي هي
وجاني الملعون ابليس يتكلم معي على انفراد
قال ياخي ليه ما تروووق شوين وتشوف نفسك
حرااام هاللي تسويه بنفسك هذا اسموه كبت ( ياملا الكبت يا ابليس )
والله وانا اتصل على واحدن من العيال قلت وش رايك باتسر ما ندرس
قال وين نروح
قلت نتمشى ونفر ونروح للمقاهي
قال تم
ويمرن من باتسر ونقوم نفر
ومطولين على المسجل ومسوين فيها زقرتيه
( يقول الرسول عليه الصلاة والسلام كل امتي معافى الا المجاهرون )
وحنا مجاهرين ومطولين على المسجل عسى الله يغفر لنا بس
المهم
وحنا عند الاشاره وانا اهز تقل رقبت رقيعي
قال خويي شبيثان شف هالشايب اللي يراعي لنا
وانا اراعي لوه
وااااااغشي
ولا هذا ابوي
وانا افتح الباب واهرب
وهو يفتح بابوه ويلحقن
ولا شايلن بيدوه ساطوره ( بصراحه ما توقعته منوه لهالدرجه مهو معتبرن ابنوه )
انا يوم شفت انه هاللون وانا ادووووس
وهو يلحقن وطايرن وراي
وانا ادووووس
وحنا ننطح الشارع الثاني ولا الاشاره عندهم خضراء
وهم يطنبون علينا
والوالد وراااااااااااي يبيني
عاد يالربع فيه ميزه بي ليامني ذليت
احشائي وارحامي وبطني وظهري كلهن يرتفعن فوق
واصير بس راس ورجلين
علشان اسرع
المهم اني وصلت للبيت
وهو طافحن جلالوه وراي ( ايه جيدن على ولدوه فلذة كبدوه بس )
وانا اخش مليون ورا عمتي
ياااعمتي بوجهتس
بوووووجهتس ياعمتي الله ياخذ وجهتس
يبي يذبحن ياعمه
وااااااااااااااقردي اللي مهو بالنااااااااااس
الله يجيركم وانا اقوم الطم
وهي تقوم قالت والله ما تلمسوووه
والله منت عليه
وهو يتهدد يبيني ميييييييييييييت على صفقتي بالساطوره يبي يطشر مخي
خسااااارة شبابك يا شبيثان نهايتك ونهاية البس المدعوس وحده
وهي تقوم تحلف عمتي وتقسم انوه ما يلمسن
واشوى
وهو يهدا شوين
وانا وراه لي مناشق
قال
هين يالسربوت اذا ما ذبحتك
اذا ما علقتك قدام الناس
وانا اصيح ياعمه شوفيه يبي يذبحن وويلي ياعمه اذا رحتي خوذيني معتس ماااابيه
الوكاد انوه طلع من البيت يبي يجيب سيارتوه
وانا اقول ياااارب انهم يسرقونه
وجالسن عند عمتي ما اطلع شبر لان فيها خطر على حياتي
وعقب صلاة العصر رتسب ابوي سيارتوه يبي يروح للمعزا
وانا اقوم اويدز مع الباب
ويوم تأكدت انه غادر
وانا اروح للمجلس واقوم اتجضع
انا طبعاً ملقي الباب ظهري
يوم خذيت شوين ولا فيه ظل رجال دخل المجلس
وهن ياقفن اذاني
وانا التفت شوين شوين
يوم راعيت ولا هذا ابووووي
وانا ابتسي
واقوم اصيح
يااااعمممممممممممممممممممممه
جاااااااااااااااااااااااااااااااااااني
ذبحني ياعمممممممممه
ياااااااااااااااااااربي وين انتي ليه ماتردين
ايييييييييييه ادري انكم متفقين علي
لا حياة لمن تنادي
وهو كل شوين يتقدم خطوه
يوم يأست الا من رحمة الله
قلت تعال اضربن
اذبحن مابي هالعيشه ( افكر باليوم الاخر )
اذذذذذذذذبحن ياشين اخلص علي
وهو يضحك هكا الضحكه
الله العالم عرف ان ولدوه من جنب القده وانوه ما يداني ظلوه
وسلمت
بس خرعته تكفي
وتقلدوا تحيتي