من يبي حبحر

[يـــوسف]

السلام عليكم ورحمة الله وبركاته
الله لايمسيكم الا بكل خير :7ayyoh:

ياعلكم طيبين ..

يالربع هالدنيا ماهي شي مبطي وأنا مشكك بس توي دريت :)

كنت أول منذ مبطي يوم أنا جذع كنت إسمع عن شي إسم هجره أو تهجير العقول ..

بس كنت بريء ماأدري وش الطبخة توي قبل أمس دريت وشي <_ والله من الفضاوه بمخك :)

المهم يالربع ويالربعات .. جانا مديرنا الله يخليه لأهله ويخلي خشمه له ..
على طآري الخشم تصدقون توي دريت اني افنص يوم شفت مديري والتوم حقه اللي هو خشمه :)

صوت لنا بما إننا مداومين شفت صبآح حنا أربعة أشخاص كنا مداومين صبآح والباقين شفتاتهم بأوقات ثانية المجموع 14.. <_ يعني اللي براسه مباراة يقولي ترونا كاملين :)
وهو يتلنا تحت لصالة إجتماعات يقولي واحد من الشباب صارله سنتين يداوم .. أول مره ادري بهالداعوس <_ خآص للهوامير ماهو لنا يالمنتفين

المهم دخل علينا مدير المنطقة .. ويضحك ويسولف مع انه قبل فترة نقل موظف عشانه ركب معه بنفس اللفت [ الأصنصير لغير الناطقين بالبنقالية ] :)

وهو يقوم يسولف علينا ويتكلم ويمدحنا ويشكرنا وقام يخربط .. انا راعيت لخشت خويي بجنبي قلت بالله وجيهنا وجيه ناس متميزة هههههههههههههههههه
وطلبنا من مدير قسمكم المباشر انه يجيب لنا عدد من الموظفين المتميزين

وللحين افكر شلون اختارن معهم :)
وقال بما إنكم من المتميزين نبي نعرض عليكم الأنتقال لشركة تمويل سكني جديده تابع للبنك ...

هنا دريت انهم يحسبوني اول عمري شغال بمكتب عقار :7ayyoh:

وقام يقولنا مميزات والله اني قمت اطالع للسقف وأتخيل روحي بجزر الكناري <_ تخبرون ابصير راعي فلوس :)

وجانا مدير القسم الجديد وأهب عليه جايبن عننا برنت كآمل والله اني قمت اتحراه يقولي مقاس شماغك كذا وكذا :a:

المهم ان الأجتماع مر عليه ساعتين والحمدلله قضىا الأجتماع وذلفو وحنا ذلفنا :)

وحنا راجعين للقسم قلت ياعيال ابسئلكم ..
فرضا وبعيد الشر إن شاء الله دارت الدنيا وصرتو مدراء ..
وعندكم موظفين مجتهدين يحسدكم عليهم مدراء الأقسام الثانية تفرطون فيهم بكل سهولة ؟؟ :puzzled:
أذكر إن الشخص لما يكون عنده ناس متميزة يطلعهم دورات يدربهم أكثر وأكثر ويعطيهم مميزات ويحاول يكسبهم لأن نجاحهم يسجل له بما إنه هو من تبناهم .

ولا واحد جاوب ... هنا دريت وتأكدت وبصمت بالعشرين
ان المدراء العرب ثلاث ارباعهم أنذال <_ خربت خلاص :)

تدرون شنوح أنذال لأنهم بكل بساطه يحاولون وقد مايقدرون يدمرون المواهب اللي عندهم ..
خوفا من منافستهم على إدارة القسم .. لأن الانسان العربي مصاب بهوس الأداره ..
طبعا اول شي رآح يعرضك لمضايقات ويرسل الزمرة اللي عنده عشان يحطمك ويطفشك ..
بس إذا صرت ضعيف رآح تستقيل وتروح تبدا رحلة البحث عن عمل جديد وزي ماتشوفون الأزمة المالية في أمريكا أثرت على العالم بأسره وشي صعب تحصل وظيفة ..
وإذا انت قوي أو بمعنىا اصح ذو عزيمة وإصرار على تحقيق طموحك وحاط نصب عينيك هدف فلن يزيدوك الا اصرار بتصرفاتهم الطفولية ..
تخيلو بالله سوبر فايزر يجيك بالدوام يقولك ليش تضحك !!!!!!
<_ احتمال يالربع أخذ محكومية10 سنوات بسببهم :)

المهم يالربع :)

ليش المدير العربي يحب يبعد أي موهبة يصدف وجودها قربه وأحس انها تشكل خطر عليه أعلن عليها الحرب ؟؟
وهالشي هو اللي أجبر الكثير من أبناء الوطن العربي على الهروب للدول الغربية ..
وبعد ان هاجرو بعقولهن النيرة وإبتعدو عن الوطن .. وجدو من يكرمهم ومن يحتفي بهم
ليس المال هو من ذهب بهم إلى بلاد الغربه ولا المنصاب لأنها بكل بساطه لن تعوضهم عن مايعانيه المغترب ولامايعانيه أبنائهم ..
ذهبو لأجل تحقيق أهداف رسموها ..وذهبو لكي يعيدون لأنفسهم ثقة فقدوها بين أحبابهم وأخوانهم .. وإن صح التعبير سلبها منهم أحبابهم ...
مو بس العرب اللي يعانون من هالشي بالعكس الداء هذا منتشر في دول آسيا وأفريقيا ...
ولكن للأسف نحن العرب من تميز بتهجير العقول ...

المهم اني أبخربــه معه يوم السبت إن شاء الله :)
وأخلي عاليها واطيها ... أجل يابو خشم مميز ومجتهد تنقله لقسم ثاني بكل بساطه :)
اويلي تحمست ياعيال العايد :)

<_ يدور واحد يبيع عليه مسدس



تقبلي مقسي المقاسي :)


وتوسدوووو إحترامي

[المسافـر]

شكرا ابو نواف على هالموضوع الجميل والهادف جدا

ولو انه مقس مقاسي عندك لكن ... هادف وهذا المطلوب يافلان :thumb:





ليش المدير العربي يحب يبعد أي موهبة يصدف وجودها قربه وأحس انها تشكل خطر عليه أعلن عليها الحرب ؟؟




يوسف العطااااوي شكرا

[يـــوسف]

إستـــآذي المقاسي المسافر اللي ماتهيا تاصل :)
شهاده إعتز بها من دختور بحجم أبو إبرآهيم ...

شكرآ لك أنت على هذآ المرور ..




ماتحس اننا رسميين :(

امش هنا يالله تعال أبجيب لك صديغك شنقل :)

توووووووسد إحترامي

[العَـــروب]

والله شوف يا يوسف

انا ما تعاملت مع مدراء من المواطنين

بس شفت شي العن من اللي صار لك

الدكاترة الاجانب بالكلية << ما ابي اتذكر يا ربي :(

كانوا يحاولون بشتى الطرق انهم يطمسونا طمس

تحس ان الواحد منهم تعصره عصر لين يقول لك المعلومة عدل

طبعا تدقّر بعيال الديرة ،، لان اللي بيتخرّج بامتياز راح يكون منافس قوي لهم ويمكن ياخذ كراسيهم

فـ شغّالين تطفيش فينا :(



مو نفس الحال بالضبط بس طرت علي هالسالفة وقلتها :)


ثانك يو سو مج ابو يعقوب

[يـــوسف]

أم يوسف ماجانا وهو بوه خير هههههههههههههههههههههه
وبيني وبينك صدقتي فيه بعض الأخوان من بعض الدول بدون ذكر آسماء :)
يشوفون أنفسهم افضل ماخلق الله وتلقينهم يعاملونا معاملة سيئه .. طبعا اذا صارو ماسكين سلطه :)

لاتقولين لي دكتوركم اللي تقولين ماينسىا شي اهب عليه والله من قو الذاكره :)
وبيني وبينك هذا حال ابو عرب مستحيل يتنازل عن كرسيه حفظه الله :)

ومستحيل يعطيك معلومة صحيحة خوف من انك تآخذ كرسيه <_ والله مستغرب كيف مايتزوجون كراسيهم :)


لاهنتي ياأم يوسف على هالمرور ..


توسدي إحترامي

[غالب]

يخي عنوان موضوعك من يبي حبحر:)
وأنا جيتك أركض أبي آخذ حبحر
وأشوفك دخلتنا بالسياسه
ياابن الحلال وش ترجي عاد
مااحدن ملتفتن لك لو تحب تسبد السماء
حبحر:هو الفلفل الحار.
وش رايكم بي
قامووس اللغه الشمريه أنا حافظه:)
واستلم سلامي

[عجايب بنت الشايب]

اللهم لك الحمد من زمااان ماجيت مع الاوائل





يوم شفت مديري والتوم حقه اللي هو خشمه



يهيب يعبنو غيرك خلقة ربي ماهو بكيفه

اجل انت يومك هاللون هو بكيفك :)





بري حااااااااااالي




يوسفااان




والله كرسي الهيااط كرسي المدير مشكله بكل مكان وبكل شغله


مانقول الا


اللله يجعلني مظلوم ولا يجلعني ظالم







لي نكسه مع الردود


لاهنت

موضوع


عام فلاوي >> يعني 2في 1



طحياتي لسموك

[يـــوسف]

يخي عنوان موضوعك من يبي حبحر:)

وأنا جيتك أركض أبي آخذ حبحر
تر الحبحر ماهو زين انتبه :)
وأشوفك دخلتنا بالسياسه
ياابن الحلال وش ترجي عاد
مااحدن ملتفتن لك لو تحب تسبد السماء
لاتكفى ابموت خلهم يلتفتون لي :solh:
ماهو أكبر همي ياسناعيسو والله :)
حبحر:هو الفلفل الحار.
وش رايكم بي
قامووس اللغه الشمريه أنا حافظه:)

واستلم سلامي



سناعيسو وين اللي حدر إسمك تقل ماله بينه <_ نذل :)

سناعيسو نورتنا يالقاطع وش بلاك صايرن ماتدخل الا خميس وجمعه تقل ابوك حاشرك ..على ذمة ريالوه :)

توسد إحترامي

[يـــوسف]

اللهم لك الحمد من زمااان ماجيت مع الاوائل
والله ياخاله انتي دايم مع الأوائل :)






يهيب يعبنو غيرك خلقة ربي ماهو بكيفه

اجل انت يومك هاللون هو بكيفك :)
لاوالله ياخالة واللهم لك الحمد والشكر على خلقتي ربي .. بس انا متوقع انه توأم سيامي ومافصلوه :)
<_ ماهو معرس ذالن على وغدانه :)





بري حااااااااااالي




يوسفااان




والله كرسي الهيااط كرسي المدير مشكله بكل مكان وبكل شغله


مانقول الا


اللله يجعلني مظلوم ولا يجلعني ظالم
ويابخت من نام مظلوم ياخالة







لي نكسه مع الردود
نتحراتس :7ayyoh:


لاهنت

موضوع


عام فلاوي >> يعني 2في 1



طحياتي لسموك


لاهنتي ياخاله على هالمرور المزبرق

وطحياتي لتس انتي ياخالتنا الغالية :7ayyoh:


توسدي إحترامي

[عبدالله الجعيثن]

انا ماني راد


لاني والحبحر......مانتدانا!!!




بس الجثري وش دخله بتجميع القواطي

[يـــوسف]

أبو غآزي خابرك ماتقلط على الغداء الا وانت متحضنن صحن بوه 15 قرن وش الطاري :)
بعدين إترك الجثري ياخوك المقيريد مايداوم مهدده الشبث يبي يصدمه بالسيار

بعدين ابو كنعان يقول ابي انزل قصايدي هنا وش رايك :)
أخاف ينزل لنا قصيدة بهذا ولايردنا الا قوقل من قو الباند اللي يبي يجينا :(

[ابو عارف]

الله بلانا في هالرؤساء المهوسين بالعظمة
عندنا وعندك خير
حنا بعد جانا رئيس جديد جننا يخوي مثل الذباب الي ماتفتك منه لين ترشه بفليت او تذبحه في هذيك حقة الذبان إيه المضرابة نعم نعم.

تعرفون نحن في شركة أرامكو السعودية كل إدارة تعمل تجارب وهمية للحالات الطارئة إسبوعياً تقريباً لتدريب الموظفين على الإستعداد الدائم على طرق مكافحة الحرائق وتسربات الزيت والغاز وإسلوب التعامل معها كل فيمايخصه نعم .

بعضهم مهمته يزبن نفسه ينحاش ياسمع الإنذار عرض سيقانه للريح للمناطق الآمنة والمعروفة سلفاً المهم تمارين مستمرة شيء منها معلن وموضوع له سيناريو وجدول ووقت محدد وشيء منها غير معلن مايعرف عنة إلا مدير المنطقة يخبر غلرفة الطواريء اعلن عن حالة حريق وهمي في المعمل رقم كذا وشف مدى إستعداد الموظفين وسرعة إستجابة الأقسام المساندة وهلم جرى ومن كثرها صرنا مانشارك إلا بالشيء المعلن نحن مجموعة عيال الشركة المدللين الممثلين ناس تسمينا العلاقات الحكومية وناس تسمينا شئون أرامكو السعودية وناس تسمينا الممثلية وانس تسمين ممثلين الحكومة وناس ممثلين الشركة وخذ من هالتوصيف لإدارتنا العزيزه للساع ماذبحو تمايمنا نبيهم لين يرسون على بر من ناحية الإسم.


ويوم الله أراد لنا قراده جانا رئيس جديد هالي أقول مثل الذباب يجيك من يمين وتلتفت يمين تلقاوه يسار تلتفت يسار تلقاوه خلفك تلتفت خلف تلقاو قدامك يصحح ماكتبت في جهازك يطلع من عندك ثم تنفك نفخة المتضايك تجد نفختك في ناخوره لإنه رجع لك بأقل من الثانية يخوي بعض الرؤساء ماهم صاحين.

ترو هذه حقيقة رئيسنا الجديد ولازم أكتب عنه سالفه في الفلة هذه فقط نبذه بسيطة من حركات رئيسنا المبجل ويقول المثل إذا عرفت مصيبة غيرك هانت عليك مصيبتك.

الله يعين الجميع على مرضى العظمة هؤلاء.

[ريال الفسحه]

والله انك صادز ياخشمان


نقطه


اذا السوبرفايزر حب موظف لو انه ****
يرفعه فوووق ويخسف بالباقين :)

[يـــوسف]

خآلي أبو عارف قايلن لك يابعد حيي مبطي وصف لي البيت بس وأترك الباقي علي :)
عقبه ماتشوف لازول ولا صوت لهم تروح تعزي وتنكس بس <_ لعيناك يابو عارف :)

خالي قسمكم مآش مايصلح ماله إسم يعني تبلش لابغيت تقول إسم قسمك :(

بالنسبة لجنون العظمة ياخالي تعرف انه يجي بعض المرض النفسي بمرآحل يعني بالعربي مسفه وسبايك ههههههههههههههههههه



لاهنت ياخالي الغالي على هالمرور الغير شكل:7ayyoh:

توسد إحترامي

[يـــوسف]

ريآلوه وشو خشمان ياعلك تنقل لشيبة :148r:
الا صحيح ياريالوه ماودك يحبك سوبر فآيزر غديك تسنع روحك :)
وعقب تفزع لعشيرك ابا الدموع مدمع هالحــ... :)


ريالوه جبت صورة الرجال ولا :)

لاهنت يالغالي على هالمرور بس لو انت سالمن من خشمان :(
توسد إحترامي

[ابو ضاري]

الحبحر يغثن ياخالي
تخبر حنا الصناعيه شغلنا اتكيت ياخالي

المدراء يبونك تسذب وتنافق ياخالي او تروح وطي

اقولك لك الله سبحانه وتعالى ...........وماعليك منهم ....دابل تسبدي مدير

[شام]

وش الحبحر
يوسفنا
حالآ ارسل لي الترجمة الفورية
و يا صبااااح الجن و الحبحر
هههههههههههههههههه
تشاواات

[ابو ضاري]

شام ابعدي عن الحبحر......ينفخ الخشم ههههههههههههههههه

خالي ترجمله

[εïз خزامى εïз]

الله يعييينكــــ:frown:
<< عكس جعيثن "اوب" معلقه ليآ اشوف الحبحر:)<< وووه احبه :d:
البنوك شريرهـ دآيم..:frown:
ناس من الأهل ناقلينهم:frown:
عاد يقولون مسوين تصفيه او تطفيش عشان الازمه الماليه:frown:
<< :boxed: >> الا وتفهم غصب ..!؟
بس ماهو كل مدير شرير ولاتهمه الا مصلحته ...
اوماآ العقول المهاجره ههههههههههههههه هجرة صيف والا شتاء؟ هههههههههههههههه
يوسف المفروض تتجه للعقار دوام ليلي لان ماتدري وش بيصير لكـ مع هالتخريبه :).. احتمال يقشطونكـ
...ارفوار...

[شام]

اي خالي ترجم لي
يووووه شو مالك لا تترجم
اسمع كلام الشيخ ابو ضاري
هههههههههههه
تشاوااات

[فتى البيداء]

أختي شام الحبحر .. هو الفلفل الحار .. وأصله (حب حار) فخفف ( لحبحر ) ..

يوسف يعجبن تفكيرك .. يعني ماتفوت الشيء .. كل شيء له تحليل ..

فتحليلك لموقفهم بأنكم مميزين وبما أنكم مميزون ستنقلون لمكان أخر .. يدل على ذكاء ..

لكن يوسف العقول المهاجره .. تختلف عن ماتقول .. وهذي نقطة مهمه ..

فالعقول المهاجره هي التي (غسلت ) وبرمجت على مايريد الغرب ..

أمثال (طه حسين ، هدى شعراوي ، عبدالله القصيمي ، تركي الحمد ، وغيرهم الكثير لا يسمح لمجال بذكرهم ) ..

وكذلك يوجد شعراء يسمون بالشعراء المهجر وكثير منهم قد تأثر في الأدب الغربي فتمرد على قومه هؤلاء ايضاً كثر ومنهم ( ميخائيل نعمة ، نعمة قازان ،

أمين الريحاني ، مسعود سلامة ) فهؤلاء يسمون شعراء المهجر وقد تنكروا للعرب وكشروا عن أنيابهم سواء لدين أو للغة العربية ..


تقبل مروري أخي يوسف ..

[بالمختصر..]

يـــا كثر بدلياتك :)




وبعد ان هاجرو بعقولهن النيرة وإبتعدو عن الوطن .. وجدو من يكرمهم ومن يحتفي بهم



عقولهن :) ماعليه نمشيه لك هالمره لأن الـ م بجنب الـ ن


بس




تقبلي مقسي المقاسي :)



هههههههههههه تقبلي .. عاد الـ ي ماهو حول الـ و .. ماتنرقع :)

<< تحسب حاله أبله و تصحح أملاء :)

..



وللحين افكر شلون اختارن معهم :)


صدز .. لا يكون ناوي عليك :)




.
.

[ريتاج]

انا ابي اهااجر هجرة عقوول مع هاللي هااجرو وش ندي عنهم


وش اعمل محد مقدر موااهبي .. :(


اذبح روحي..



كوود اهج بس خلي اطلع البصمه وماايشووفوون الا غبرتي ..<< ترو اتسذب مهو تفووعوون علي

اسم الله:)


يووسف لا من شفت مديرك ابد بس برجلك.. << نااويتن تفصله




مشكوور عالساالووفه...



شييييييييييييييييييع

[أحمد]

قواطي

مسابيح

صرار بارد

حبر بني

خبز لبناني

اصابع ابن جعيثن


البيع بالتجزئة وبسعر التكلفة



يوسف والله انك منت بسيط اجل تهجير العقول هاه



حسيت انه مطلع قصيده لابو غازي


طيب تدري بالسلك العسكري وبالحرس الوطني عشان اصير واضح عندنا اللي مخوه نضيف ولايتاخر عن العمل ويطيع لوه مميزات

مايعطى اجازه الا بالملعونه واخته مايطلع من الدوام لو يطير مايعطى شكر لان كل شي يسويه من صميم عملوه وغلطتوه بميه

الغبي والغثيث ياخذ انواع الاجازات لو يفرك يوميا من الدوام ماحد يفقدوه لان ماحد يبي منوه شين واذا اخطى عادي لانوه غبي اصلاً



يوسف انت احسن واحد

[صعوة فسفورية]

يوسف

عين خير

ولي نكسة

مدري يمكن اولا تعرف نكساتي ماش

[حيل حليل]

<<<<< احد العقول المهاجره:)

ياخوي حنا ماذبحنا وضيع مستقبلنا الا الحسد
والله يابعض الرؤوساء يحسب ان الراتب اللي تستلمه من جيبه
لا ويمن عليك بعد
وكل ماتقوله شي يقول احمد ربك غيرك مالقاها
سيبها على الله:315r:

[السنعوووسيه]

هههههههههههههههههههههههههههه

يوسف ابوي عندوه موضفين مصرين وسورين

حاطن مديرهم هندي هع هع هع

جوه وزارة الاشغال قال غير هالعماله وجيب سعوديين يقول يوم جيتهم ويوم طلع عليهم مير يلعبون بلوت:solh:

يقول ماشالله ما ناقصكم الا براد ابو سته وشيشه ويخصم عليهم نص الراتب هههههههههههههههه


انت هنا تكلمت عن الموهبه 00فى الموضفين

والضاهر مثل ما تقول خايفين يبعدونهم عن كراسيهم عسى ماهي كرسي بعضهم ههههه

الف شكر لك ياوخيي على الموضوع الفلته:)



عاطر ودي

[&^^مهــــا^^&]

بما ان فيه كراسي

ذكرتن بالمدرسات متمسكات بوظايفهن ولايبن يتقاعدن

علشان نحل مكانهن << n)

شكلي انا اللي بهاجر واتركهم

وبما انك متميز يعني بيودونك ورى الشمس <<تخوفك:)

يسلمك ربي على السالفه

تقبل احترامي,,

[ماجد]

ايام نت اندرستاند << خلقه اجنبي

اقول تبن لهم

[بنت الجبل آخت القصيد]

طق طق امي تسلم عليكم تقول عندكم حبحر وكمون :315r:

.
.

والله يابو نايف مدري بو يعقوب<<ارسي على بر
الله يعينكم :)

انا كل ماشوف لي غثه اقول اصبر وان شاء الله تكفير ذنوب لي

سجل عندك نفر مستعد يتحمل غثاهم:315r:
بس هم يوظفوننا ياملا القطع
تقل يصرفون من جيبهم وكله من خير دولتنا :wallah_hoo:

كنت موظفه قبل وطبعا قطاع خاص
ومعي بالدوام جنسيات مختلفه بس الفرق رواتبهم اكثر منا <<دبل راتبي:d:

مع انهن مايشتغلن مثلنا يزوغن وكل الشغل علينا بس وش نسوي
الشكوى لله

طفشنا وبطلنا شغل
نقطع بصل وطماط احسن :qannaj:

.
.
بكل آسى
عطروش مرت من هنا
:d:

[حمـود]

يوسف يا زين مقسك يا انه ابداع

يالبى قلبك

تبي مسدس
بس لا تعلم احد رح وقف لك دوريه وخبره معه وخذ سكينه قصدي مسدسه
>>يحب الشر صح

دمت بخير

[روح حايل]

ايه ونشوف الديره تدحدر من هالاشكال اللي متربعه بالكراسي ياملا النزغ !


يوسف الله يكتب لك الخيره ، ماتدري لو هو باب رزق .....

[يـــوسف]

الحبحر يغثن ياخالي
تخبر حنا الصناعيه شغلنا اتكيت ياخالي
إي والله إتكيت كيماويات ودخنة مصانع وقلق :)

المدراء يبونك تسذب وتنافق ياخالي او تروح وطي
والله يآخالي يبطون عظم لاهم ولا الف آدمي هههههههههه
<_ مستحيل ينافق مايعرف الا الفقش بالوجه :)
وصدقت ياخالي العالم كله كذآ مو بس المدراء حتى برآ العمل لو تقول لصديق ولا لأخ كلام وهو بالأول والأخير طلع من محبتك وخوفك عليه رآح وسوآ فلم هندي:)

اقولك لك الله سبحانه وتعالى ...........وماعليك منهم ....دابل تسبدي مدير



ياخآلي خله على ربك والله أني صابر ومتحمل ومتأمل الأفضل ..
الحال مايدوم ابد :thumb:

لاهنت ياخالي على هالمرور
تووووسد إحترامي

[يـــوسف]

وش الحبحر
يوسفنا
حالآ ارسل لي الترجمة الفورية
و يا صبااااح الجن و الحبحر
هههههههههههههههههه
خربته شأم ههههههههههههههههههههههه
ياشام الحبحر عبارة عن قرن فلفل وقرن الفلفل عباره عن شي يفت التسبد :)
http://tbn3.google.com/images?q=tbn:ZnfXf9DowpuieM:http://www.photos-of-the-year.com/image/gallery/606/5567red_pepper.jpg

شفتيه :)


تشاواات






أكيد جربتيه ياشام :)

لاهنتي على هالمرور ..



توسدي إحترامي

[يـــوسف]

الله يعييينكــــ:frown:
<< عكس جعيثن "اوب" معلقه ليآ اشوف الحبحر:)<< وووه احبه :d:
تحبين الحبحر :(
بتس عرق أجل من ربع كيرلا :)
البنوك شريرهـ دآيم..:frown:
ناس من الأهل ناقلينهم:frown:
ياعلهم ينقلوني ان شاء الله هههههههههههههههه
اهم شي اطلع من الرياض إن شاء الله أروح لجيزآن الشقيقة:qannaj:
عاد يقولون مسوين تصفيه او تطفيش عشان الازمه الماليه:frown:
مو تصفية بس مايجددون عقود يعني بوز بس نظامي :)
بس الحمدلله للحين ماصارت حالات فصل زي الدول الثانية :)
بس وقفو التوظيف
<< :boxed: >> الا وتفهم غصب ..!؟
بس ماهو كل مدير شرير ولاتهمه الا مصلحته ...
أكيد ياخزآمى وأنا ماأحب أعمم الشي لو ماأذكر هالشي بعض الأحيان
اوماآ العقول المهاجره ههههههههههههههه هجرة صيف والا شتاء؟ هههههههههههههههه
يوسف المفروض تتجه للعقار دوام ليلي لان ماتدري وش بيصير لكـ مع هالتخريبه :).. احتمال يقشطونكـ
والله اني فكرت افتح مكتب عقآر والعب على البنك وأخليهم يوقعون عقد معي وأكلهم أكل وأحطه طبعآ بإسم صديقي البنقالي أمير :d:
...ارفوار...







حياتس الله ياخزآمى ومشكورة على هالمداخشه :)


لاهنتيش .


توسدي إحترامي

[يـــوسف]

أختي شام الحبحر .. هو الفلفل الحار .. وأصله (حب حار) فخفف ( لحبحر ) ..
يعني حبحر :)
مشكور أخوي فهد على هالتوضيح :thumb:

يوسف يعجبن تفكيرك .. يعني ماتفوت الشيء .. كل شيء له تحليل ..
أعجبك :)
وأشكرك يافهد على هالكلام .. وياليت الكل يفهم وش اللي نبي نوصل له :thumb:

فتحليلك لموقفهم بأنكم مميزين وبما أنكم مميزون ستنقلون لمكان أخر .. يدل على ذكاء ..

لكن يوسف العقول المهاجره .. تختلف عن ماتقول .. وهذي نقطة مهمه ..

فالعقول المهاجره هي التي (غسلت ) وبرمجت على مايريد الغرب ..

أمثال (طه حسين ، هدى شعراوي ، عبدالله القصيمي ، تركي الحمد ، وغيرهم الكثير لا يسمح لمجال بذكرهم ) ..
إسمحلي يالغالي ,, وصفي لها صحيح ولا يختلف نهائيا ..
وأصل هذه المقولة [ هجرة العقول ] بريطاني وإستخدمها البريطانيون بسبب رحيل علمائهم لأمريكا .. <_ طبعا هالكلام على حسب ماقريت :)
يمكن انت تقصد في الأسماء اللي ذكرت ومنهم عبدالله القصيمي وتركي الحمد هذولا مايشرفني ذكر ولا كتابة أسمائهم ..يحملون فكر شآذ وعادات مخالفه لمجتمعنا المحافظ وأمنيتهم أنهم يشوفون لوحة [بآر الكمخة] ولا [ ملهى ضيقة الصدر ] :)..
ويحبون يلفتون الأنظار لهم عبر مقال أو كتاب شآذ ولا كلام وصل بالبعض منهم لدرجة الكفر [طبعآ مع مرتبة الشرف ] :) .
وأبصم بالعشر لو يروحون للغرب يبون جنسية كان يحطونهم بكرتون طماط ويكتبون عليه ليتك ماأعرست على فلانة يافلان ويرسلونه للسعودية :)
شف تركي الحمد دكتور بس كيف برز إسمه؟
بتطاوله على الله وتطاوله على الدين وعلى العادات والتقاليد .
وعبدالله القصيمي بعد ماكان رجل دين وصل لمرحلة إنحطاط لم يسبقه أحد عليها :)
خلن سآكت لا نقلب كننا بالمضيف العام هههههههههههههه

وكذلك يوجد شعراء يسمون بالشعراء المهجر وكثير منهم قد تأثر في الأدب الغربي فتمرد على قومه هؤلاء ايضاً كثر ومنهم ( ميخائيل نعمة ، نعمة قازان ،

أمين الريحاني ، مسعود سلامة ) فهؤلاء يسمون شعراء المهجر وقد تنكروا للعرب وكشروا عن أنيابهم سواء لدين أو للغة العربية ..
يالغالي شف وبكل صرآحه :)
الشاعر والكاتب ماأعتقد إنه مهم زي الطبيب والعالم والدكتور والمهندس ..
وصادق يافهد فيه شعراء أطلق عليهم شعراء المهجر بسبب هجرتهم


تقبل مروري أخي يوسف ..








متقبلين مرورك وكلك قبله :)

وماعليش ترن مسكت خط بردي عليك هههههههههههههههههههههههه


وتر هاللي ذكرتهم انت يقولي أوباما وأنا أكلمه جوال ... ياصبر الأرض على هالدلوخ اللي عندكم وأسكت تكفىا لاتسولف لي عن سخافاتهم يجينن حرقآن :)

لاهنت يالغالي على هيك مرور .


توسد إحترامي

[يـــوسف]

يـــا كثر بدلياتك :)
لاحول وانتي قآعده تعدينهم ورآي اهب عليتس هههههههههههه





عقولهن :) ماعليه نمشيه لك هالمره لأن الـ م بجنب الـ ن


بس

اهب اهب بعد حافطتن الكيبورد والله المخ :)





هههههههههههه تقبلي .. عاد الـ ي ماهو حول الـ و .. ماتنرقع :)

<< تحسب حاله أبله و تصحح أملاء :)

..
لاعآدي لأني أحب حرف الياء :)
تصلحين موظفة بوزارة التربية مدققه ورآ هالعالم ههههههههه



صدز .. لا يكون ناوي عليك :)




.
أول كان ناوي علي يبي يزوجن بس عقب خربت العلاقة :)
وإن كان قصدك على النقل فهو ناوي ينقلن لأي مكآن إن شاء الله سكيورتي ههههههههههههههههههههههههه
.


بعدين يالمدققه تعالي :)





أملاء

تكتب كذا يعني ؟؟ :)

ولا تكتب كذا ____> إملاء :)


1/1 :7ayyoh:


اهب عليتس هههههههههههههه


لاهنتي ياخالة على هالمرور ..

توسدي إحترامي

[يـــوسف]

انا ابي اهااجر هجرة عقوول مع هاللي هااجرو وش ندي عنهم


وش اعمل محد مقدر موااهبي ..:(

وحنا قصرنآ معتس ياعل شوشتس تحترق :)

اذبح روحي..

^
^
تقرب لتس الوغده اللي بالمقاطع بس تبتسي ههههههههههههههه

كوود اهج بس خلي اطلع البصمه وماايشووفوون الا غبرتي ..<< ترو اتسذب مهو تفووعوون علي

<_ يدور رقم عبيد الضلع :solh:
اسم الله:)


يووسف لا من شفت مديرك ابد بس برجلك.. << نااويتن تفصله


تبي تضيعين مستقبلي وأنا من الحين مستانس إجمع لوغداني :)
عآد هو خلقه متحدي لولا ذلته من المدير اللي فوقه شمري :)

مشكوور عالساالووفه...



شييييييييييييييييييع



حياتس الله يارتيج ولايطري عليتس تهاجرين وتخلين أمتس وأخوتس المزيون اللي ذآكرتي له :)


لاهنتي يالغالية .


توسدي إحترامي

[يـــوسف]

قواطي
مطعجه

مسابيح
مقطعه

صرار بارد
صعوط

حبر بني
حبر خضر

خبز لبناني
خبز صآج

اصابع ابن جعيثن
اصابع ملامح


البيع بالتجزئة وبسعر التكلفة
اشتر واحد واحصل على الثاني مجانا :)


يوسف والله انك منت بسيط اجل تهجير العقول هاه
إيه ليتهم هاجرو يم الجبل الأخضر :315r:


حسيت انه مطلع قصيده لابو غازي
يالجثري انا وابو غازي شي واحد وبيني وبينك ترن بعض الأحيان اكتب له قصايد <_ رآح غلطه :)

طيب تدري بالسلك العسكري وبالحرس الوطني عشان اصير واضح عندنا اللي مخوه نضيف ولايتاخر عن العمل ويطيع لوه مميزات

مايعطى اجازه الا بالملعونه واخته مايطلع من الدوام لو يطير مايعطى شكر لان كل شي يسويه من صميم عملوه وغلطتوه بميه

الغبي والغثيث ياخذ انواع الاجازات لو يفرك يوميا من الدوام ماحد يفقدوه لان ماحد يبي منوه شين واذا اخطى عادي لانوه غبي اصلاً

هذي المشكلة حنا ناس طاغي علينا شي يقاله الحمية وتلقىا هالشي بالوزارات والقطاعات الحكومية بشكل ملحوظ .. وبعضهم يفهم الحمية انه افزع لولد عمك لو هو يفشل هههههههههههههه
زي ولد عمن لي تخرج من كلية الحرس وماخذ الثالث على الدفعه وهو اللي ألقى كلمة الخريجين ومستانس أسمه اول واحد مع اللي يبي يطلعون لأستراليا يدرسون طيران .. آخرته شاتوه يستلم على مزرعه هههههههههههههههههههههههههههههههههههههههه ه

يوسف انت احسن واحد



وأنت اكوس واحد بس لو تسير علي انت وهالنزغه تروني لحالي وإحتمال أنتحر بفلاش :)


مرور منتاز من نفر منتاز ولا أحلىا من هيك ياعلهم يفتحون كتيبة بالجبل الأخضر ويودونك :)


لاهنت يالغالي .

توسد إحترامي

[يـــوسف]

يوسف

عين خير
والله ياخاله معينن خير :)

ولي نكسة
نتحراتس مشرعين البيبان <_ والله من الهياط :)

مدري يمكن اولا تعرف نكساتي ماش

ماقلت شي أنتي أعترفتي ههههههههههههههههههههههههههههه

مايحتاج ياصعوه راعية محل ومتى ماحصل لتس إنكسي .

لاهنتي .

[يـــوسف]

<<<<< احد العقول المهاجره:)
ياويلي يامسكتك بس ههههههههههههههههههههههه

ياخوي حنا ماذبحنا وضيع مستقبلنا الا الحسد
والله يابعض الرؤوساء يحسب ان الراتب اللي تستلمه من جيبه
لا ويمن عليك بعد
زي اللي قالو للرجال ياتروح وتغترب ولا ننقلك هههههههههههههههههه
بس بعذرهم بالرجيلي لو أنا مديره والله لاأخليه يداوم بشرورة :)
وكل ماتقوله شي يقول احمد ربك غيرك مالقاها
وش مالقىا ؟؟ وظيفة يارب لك الحمد الرزق اللي كاتبه لك الله يبي يجيك :qannaj:
والجوع محد ميتن جوع <_ خبرهـ بالفصل وياكلون حقه قدامه :)
سيبها على الله:315r:


ونعم بالله .. وأنا تخبرن دايم معوكسة معي وماأوكل أمري الا لله :)

تعال مادورت لي عندكم مدرسة تبي عرس :$


<_ ابوووووووووك يالمخ بس :)


لاهنت يالغالي على هالمرور لو أني زعلانن عليك وابي مسكتك بالماسنجر ابي والله اجمعك انت وماجد ويغدي للعقل صفير :)


توسد إحترامي

[يـــوسف]

هههههههههههههههههههههههههههه

يوسف ابوي عندوه موضفين مصرين وسورين

حاطن مديرهم هندي هع هع هع
عز الله عرف وش يحط ههههههههههههه
ياحبهم للتدبيس هالهنود بسرعة ينكب خويه :)
زي اللي يجيب الشاهي بالدوام عندهم مدير راصن كرشته بله بديلتن ضيقه وغادين اعوذ بالله بطن ورآس بس ومن زود الحلايا كاشخ بكرفته ههههههههههههههههههههه
وإذا شاف زول السعودي قام ينافخ عليهم يعنني شديد :) آخرته مقهوين هههههههههه


جوه وزارة الاشغال قال غير هالعماله وجيب سعوديين يقول يوم جيتهم ويوم طلع عليهم مير يلعبون بلوت:solh:

يقول ماشالله ما ناقصكم الا براد ابو سته وشيشه ويخصم عليهم نص الراتب هههههههههههههههه
بعذر تسبدوه بهم ههههههههههههههههههههههههه
هذولآ المفروض يعطيهم أبوتس دورة يسمونه [ كيف تبلع العافية من مديرك ] ويبيله شغل شوي يعني سلميلي عليه وقولي يوسف يقول دور لك سعف نخل وكثر من العقل اللي تكون صناعته يدوية صوف بقر <_ :a:
وخليه يقوم يحوفهم بهن لمدة إسبوع مرتين باليوم .. وعلمهم بالبزوطه أبد عني مجرب :)


انت هنا تكلمت عن الموهبه 00فى الموضفين

والضاهر مثل ما تقول خايفين يبعدونهم عن كراسيهم عسى ماهي كرسي بعضهم ههههه

الف شكر لك ياوخيي على الموضوع الفلته:)
عآد المشكلة أنهم يبي يطيرون باتسر أو عقبه ماهي دايمتن لهم بس شنوح يبون يبطون عليه بدال مايصير تفكيرهم يجلسون على كرسي أكبر منه :315r:



عاطر ودي



لاهنتي ياخاله على هالمرور ولاتنسين توصلين الكلام لأبوتس :)

<_ ياعله مايستلم سلطه يكسف بخلق الله :315r:



توسدي إحترامي

[يـــوسف]

بما ان فيه كراسي



ذكرتن بالمدرسات متمسكات بوظايفهن ولايبن يتقاعدن


علشان نحل مكانهن << n)
المدرسات المسكينات من وين يلقنه منكن ولا من رجالهن :)
بس العتب مو عليهن العتب والله على الوزارة
اللي تشوف خلق الله كل يوم تزيد
ماشاء الله الواحد تجيه تلقا بيته بوه اربعين وغد :)
يعني مانشوف مدارس تزيد الا الأهلية


شكلي انا اللي بهاجر واتركهم
لاتروحين لأمريكا تريهم وخذو :)


وبما انك متميز يعني بيودونك ورى الشمس <<تخوفك:)
لا لا فال الله ولا فالتس ماهو الحين ابي بالشتاء بس :)


يسلمك ربي على السالفه
ويسلمك ربي على هالحضور


تقبل احترامي,,





الله يعطيك العافية يالغالية على هالمداخشه وياعلتس تتعينين :)


توسدي إحترامي

[يـــوسف]

ايام نت اندرستاند << خلقه اجنبي

اقول تبن لهم


عادي ياخي بكل بساطة يقولك [ you ar stupid ] ويلحقك الدباسة تمشي 2000 :)

لاهنت يالغالي على هالمرور ..

تمغط مع واحد توسد إحترام مني لشخصك الكريم :7ayyoh:

[عبدالله الجعيثن]

^
^


ان كانك صادز.....ارسل الدباسه....3 ساعات ومحظر عندك اللي ب 91



هالربوع....تحرّن بالرياض

[يـــوسف]

طق طق امي تسلم عليكم تقول عندكم حبحر وكمون :315r:

عندنا حبحر بس مابقا منه إلا قرن واحد عندنا لنا
وغدن مغضور لاشاف الحبحر تربع وقام يفغم منه يما
يغدي لأذانه صفير :)
ووالكمون واجد :7ayyoh:



.
.


والله يابو نايف مدري بو يعقوب<<ارسي على بر
أبو نآيف وشو هذآ بعد :(
آخرته الله العالم كل اللي نبي نجيبه أنا واللي مدعي عليه إنه تآخذن ضنانا كله بنات هههههههههههههه
الله يعينكم :)


انا كل ماشوف لي غثه اقول اصبر وان شاء الله تكفير ذنوب لي


سجل عندك نفر مستعد يتحمل غثاهم:315r:
بس هم يوظفوننا ياملا القطع
تقل يصرفون من جيبهم وكله من خير دولتنا :wallah_hoo:
لو تشوفين اللي عندنا وش تسوين :)
انتي من العقول اللي غزت أجل :)


كنت موظفه قبل وطبعا قطاع خاص
ومعي بالدوام جنسيات مختلفه بس الفرق رواتبهم اكثر منا <<دبل راتبي:d:
أكيد دبل لأني أبصم بالعشر إنهن من ربع يادلي عليك وش هيدا :)
وعسا الله يوفقك وماتدرين وش اللي مكتوب لك :315r:


مع انهن مايشتغلن مثلنا يزوغن وكل الشغل علينا بس وش نسوي
الشكوى لله
الحمدلله أقل مافيها تركتي شغلك وأنتي مرضيه ضميرك...
وبيني وبينك الواحد لما يطلع من دوامه وهو مخلص كل اللي عنده
تلقينه مرتاح .. عكس اللي طآلع وهو مداوم نص دوام ومنحاش ولا خلص شي
يفكر بكرآ شلون يخلص شغله ولا كيف يرقع إذا سئله أحد :)
طفشنا وبطلنا شغل
نقطع بصل وطماط احسن :qannaj:
كل شي بهالدنيا الا البصل وريحه :wallah_hoo:


.
.
بكل آسى
عطروش مرت من هنا


:d:




ياملا اللي ماني قايل شنوح تقولين بكل آسىا :148r:



الله يعطيك ألف عافية يالغالية على هالمرور وعسىا الله يوفقك وتلقين الوظيفة اللي تحلمين به <_ وظيفة مقدور عليها مو تقولين ابي أصير حاكمه تنكبينا ههههههههههههههههههه


توسدي إحترامي

[يـــوسف]

يوسف يا زين مقسك يا انه ابداع

يالبى قلبك
يالبى تسبدك ومعاليقك

تبي مسدس
بس لا تعلم احد رح وقف لك دوريه وخبره معه وخذ سكينه قصدي مسدسه
قريت قبل فتره إنهم مسوين توسعه للحاير وشكلك يالطيب شغال معهم :)
حمود اقطع العلاقة :qannaj:
>>يحب الشر صح
انت يابو ناصر مكتوب على جبهتك [ جريمة ] :)

دمت بخير


لاهنتش يالغالي على هاظ المرور المعتق :7ayyoh:
دمت بفيضة سدر :)


توسد إحترامي

[يـــوسف]

ايه ونشوف الديره تدحدر من هالاشكال اللي متربعه بالكراسي ياملا النزغ !
ياخالة عز الله إنك صدقتي الدول تطور وحنا مدرائنا يهدمون كله عن قولت فلان مايشتغل :)


يوسف الله يكتب لك الخيره ، ماتدري لو هو باب رزق .....
والله ياخالة صدقتي ومايندرى يمكن أصير مدير وأتوسط لعبود :)










حياتس الله ياخالة ولاهنتي على هالمرور ..


توسدي إحترامي

[يـــوسف]

^
^


ان كانك صادز.....ارسل الدباسه....3 ساعات ومحظر عندك اللي ب 91

عاد حلو زوله :solh::solh:
يابو غازي على ذمة خلف يقول انه شايفن ابو بندر يده ماجد يبي ينومه بالنعيرية :)
هالربوع....تحرّن بالرياض



حيااااااااااااااااااااااااك الله ونتحراك ونبي نلبس ماجد بشت نبيه يستقبلك :7ayyoh:

[ندووو]

هههههههههههههههههههه
وش قصتكم مع المدراء



الله يعينكــــــــــ القرادة حتى بدوامكـــــــــــــــــ



ليش المدير العربي يحب يبعد أي موهبة يصدف وجودها قربه وأحس انها تشكل خطر عليه أعلن عليها الحرب ؟؟
وهالشي هو اللي أجبر الكثير من أبناء الوطن العربي على الهروب للدول الغربية ..
فعلا تحطيم بتحطيم
تدري ليش الواحد يخاف على منصبه









سولافه غير شكل سلمت خيو يوسف!!!!

[يـــوسف]

والله قصتنا مع المدراء ماله نهاية :)



آدري لأنه يتقاعد <_ تكفى :)


لاهنتي ياندوو