انا لقيت الكذب في كل اميري

[الحيمري]

سؤال لجميع الاعضا الافاضل حفظهم الله


ابي قصيده الشيخ تركي بن حميد وهل لها قصه
ايضا مرد بن هادي عليه اللي يعرف القصيتين



تركي


امه نعامه ضربوها بحيري جا مشبهاني (ن) على خف وجناح


بن هادي


انا لقيت الكذب في كل اميري ياحلو كذب مرويه علط الارماح



وكون شاكر لكم

[المطني]

حسب ما سمعت ان وفهمت من القصيده ان تركي يقصد قبيلته عتيبه لانه قبيله كبيره وقويه وهو يرمز له بالقصيده يقول :

ياراكب اللي مايداني الصفيري =هميلع ٍ من نقوة الهجن سرساح
امه نعامة وضرّبوها بعيري =جا مشبهاني ٍ على خف وجناح
عليه خرج من سلوك الحريري =وسفايفه مثل الغرابين طفاح
يسرح من الطايف ويمسي البصيري =والسوق والبصرة دهجهن بمرواح
مزهبك ياراعيه تمر ومضيري =واحذر تشب النار يجفل من الضاح
واليا ورد يشرب ثمانين بيري =غرافهن تسعين ودليهن ماح
رجليه بالحرة وصدره يسيري =ويشرب براسه من على جمه رماح
ياويش هو شي ٍ طويل ٍ قصيري =يسبق زعاجيل الهوا يوم تنداح



عارضه محمد بن هادي بن قرمله بنوع من التحدي لان اكثر حروب قحطان مع عتيبه


ياتركي بن حميد وش ذا البعيري =ماتجلبونه كان تبغون الارباح
لاعاد له خف وجناح ٍ يطيري =انا اذكر الله راكبه كيف ماطاح
انا لقيت الكذب في كل اميري =ويا حلو كذب مروية علط الارماح
كيف النعامة نوخت للبعيري =اقول ذا كذب على الناس فضاح

[مشــــعل]

يعطيك العافيه يالحيمري

وماقصر المطني وضح المقصود

لاهنتو

[الحيمري]

الاخ/ المطني انا ا شكرك ويعطيك العافيه
كما اشكر الاخ/مشعل

وممنون لكم

[شام]

قصيدة ذات معنى رائع
و تتوافق مع وقت وحين
شكراً لكم جميعاً
ويعطيكم العافية

[الحيمري]

شام شكرا على المرور