المساعد الشخصي الرقمي

مشاهدة النسخة كاملة : القحطاني تواجد في معرض الكتاب بالرياض


القناصه
15-03-2009, 15:36
السلام عليكم ورحمة الله وبركاته............



تواجد كابتن منتخبنا الوطني ولاعب نادي الهلال النجم ياسر القحطاني في المعرض الدولي للكتاب والذي أختتم بالعاصمة بالرياض وهو المشروع الثقافي الوطني الذي نجدد من خلاله ولاءنا وصلة رحمنا بالكتاب حيث كان تواجد القحطاني من خلال هذا المشروع في إعلانات حملت صور له وهو يقرأ كتاب قد وضعها القائمون والمنظمون في جميع أركان المعرض لتشجيع الشباب عامة والرياضيين بشكل خاص على أهمية وقرأه الكتاب وقد اختير ياسر في هذه الحملة بجانب وزير الصحة الدكتور عبدالله الربيعة وأيضا الشيخ عبدالله المطلق.

http://www.al-jazirah.com/166754/sp17.jpg
نعيم الحمود
15-03-2009, 16:00
:3ajeeb:
نعيم الحمود
15-03-2009, 16:02
:hala1:
أبو روز
15-03-2009, 16:22
اكيد يجيبون الناس الفاهمين اجل تبينهم يجيبون محمد نور والا حمد الصقور ههههههههههههه
الشبث
15-03-2009, 18:05
كفو شعطوط خخخخخخخخخخخخخخخخخخخ



وتقلدوا تحيتي
القناصه
15-03-2009, 20:53
شكرا لك من نور موضوعي بردوه

واسفه اذا موضوعي ما اعجبك يالشبث
منصور الـ ع ـطآوي
15-03-2009, 21:01
هههههههههههههههههههههههههههههههههههه

شبيثان انت كل شي ما يعجبك


خلاص و لا يهمك المعرض الجاي نبي نجيب مدخلي لاعب النصر عشانك بس


و مشكوره القناصه على الموضوع
الشبث
16-03-2009, 00:21
يانااااااااااااااااااس

يا عااااااااااااااااااااااااااااااااااااااا لم وشبلاكم


خخخخخخخخخخخخخخخخخخخ



شعطوط اسم لياسر يا ناااااس


وانا قلت له كفو ماقلت زلابه ولا سفيه ولا سبيته


وشبلاكم انتم




لاحووووول


وتقلدوا تحيتي
منصور الـ ع ـطآوي
16-03-2009, 00:59
^

^


ههههههههههههههههههههههههههههه

هو يبي يحصلكم مثل ياسر

يحول مساكين النصر ما عندهم مثل ياسر
هههههههههههههههههههههههههههههههههههههههه ه
أحمد
17-03-2009, 10:15
والله انكم غريبين يالهلاليين


يوم توقعتو ان شبيثان يتمهزاء


صرتو قمة الاخلاق وانتقدتو كلامة


ويوم بين انه هذا هو اسمة وهو فعلاً ابن شعطوط



رجعتو انتم تتهكمون على النصر


غريب تفكير الجمهور الهلالي



وبعدين اذا راح ياسر لمعرض الكتاب وش يعني



كانكم تمنون علينا


كلنا رحنا لمعرض الكتاب

اختي القناصة الف شكر على اهتمامك


ومليونين شكر لو تغيرين لون الكتابة لانه ماهو واضح



مع كامل احترامي للونك المفضل
عبدالله الجعيثن
17-03-2009, 13:14
املخ يدي من لغاليغه...اذا انت رحت معرض الكتاب



انت عندي وآعشيك
القناصه
18-03-2009, 03:02
اولا ماقلنا شي بس دوم تبون تبينون ان كل هلالي متعصب

عادي اذا بوه لاعبيين راحوا للمعرض ولا
بس انا اهتم باخبار كل هلالي يعني لو انك هلالي ورحت كان انزل موضوع باسمك يالجثري انك شرفت معرض الكتاب بحظورك

الشبث اي شي مني انا ما يرضيه الا اذا صرت نصراويه بيرضى وهذا اللي مايصير لو يلعب ياسر مهم>>>>ههههههههه

واللون ما اغيروه
وشكرا لكم كلكم وردودكم تزيدني شرف
ابو ضاري
18-03-2009, 03:15
صراحه يالقناصه واذا ياسر بالمعرض

جدي بعد راح للمعرض يدور كتاب ابطال من الصحراء


ابو ماجد تصدق شفت مصطفى ادريس
القناصه
18-03-2009, 03:46
كلامكم على عيني وراسي بس انا اقول لقيت الخبر عن لاعب هلالي ونقلتوه بس لاكثر ولا اقل عادي

ارجو ماحد منكم فهم قصدي غلط
ابو ضاري
18-03-2009, 04:14
لا لا لا عادي كلنا هلاليه ....من جنب القده
الشبث
18-03-2009, 11:34
يالربع لا تكبرون السالفه وهي قصيره


انا قلت كفو يا شعطوط

وشعطوط اسم يتشرف فيه ياسر



لكن انا اعرف ليه هجموا علي الاخوان مو قصة ياسر وغيره


تسلم يالجثري لايضاحك وتسلم يابو ضاري




اختي القناصه

ترى وربي ماعلي لا من هلال ولا من نصر وكلهم عادي

وانا شفت موضوعك وجيت ورديت كفو يا شعطوط


وانتي تقولين اي شي منك ما يعجبني ؟؟!! غريبه




ماعلينا




بالتوفيق للهلال ببطولته الاسيويه


وبالتوفيق للجميع





وتقلدوا تحيتي
القناصه
18-03-2009, 12:06
عاااااااادي يالشبث انا ما قلت اي شي اي موضوع لي ترد انت عليه صدقني افرح انك شرفت موضوعي وخوذ راحتك بس هذا الجد انت ماتقبل البنات يسولفون ويناقشونك بالرياضه وانا اقدر هالشي وشكرا لكم جميعا